என் புத்தகம்

அட்றா அட்றா நாக்க முக்க’ பாடலை அண்டார்டிகாவில் ஒலிக்க விட்டாலும், அங்கேயும் பலர் எழுந்தாடுவார்கள். அப்படியொரு கொலகுத்துப் பாடல் அது. அப்படியொன்று அதற்கு முன்பும் சரி, பின்பும் சரி. வந்ததும் இல்லை. வரப்போவதும் இல்லை. அந்த பாடலை எழுதியவர், அந்த மெட்டு உருவாக காரணமாக இருந்தவர் என்று பற்பல புகழுக்கு காரணமான பி.வி.பிரசாத், அவரே இயக்கி அவரே தயாரித்து அவரே இசையமைத்து அவரே ஹீரோவாக நடித்தும் இருக்கிறார். அதுதான் ‘சகுந்தலாவின் காதலன்’.

‘அடியே சகுந்தலா’ என்று இந்தப்படத்திலும் ஒரு பாடல் இருக்கிறது. ச்சும்மா போட்டு புரட்டியிருக்கிறார் பி.வி.பிரசாத். இந்த வருடத்தின் சூப்பர் ஹிட் பாடல்களுக்கு இப்பவே மார்க் குத்திவிடலாம் என்கிற அளவுக்கு அசத்திவிட்டார் அசத்தி! இந்த பாடல்களை கேட்ட மாத்திரத்தில், தனது வி மியூசிக் நிறுவனம் சார்பில் பாடல்களுக்கான உரிமையை வாங்கியிருக்கிறார் விஷால். ஒரு தலைக் காதல், அதனால் சிறைவாசம், கொலை வெறி துரத்தல் என்று படத்தின் கதையை சின்ன அளவில் சொன்னது அங்கே திரையிடப்பட்ட டீசர். இந்த டீசரும், அங்கு திரையிடப்பட்ட பாடல்களும் இந்த படத்தின் ரிசல்ட்டை இப்பவே எழுதி வைத்தாலும், படத்தின் வியாபாரம் குறித்த எவ்வித தகவலும் அந்த மேடையில் பகிர்வு செய்யப்படாதது ஆச்சர்யம்தான்.

சமீபகாலமாக அறிவாலயத்தின் க்ளிப்பிங்ஸ்களில் கூட அதிகம் அகப்படாத முன்னாள் அமைச்சர் ஆற்காடு வீராச்சாமி இந்த நிகழ்வுக்கு வந்திருந்தார். விசாரித்தால், இந்த பி.வி.பிரசாத் வீராசாமியின் சித்தி மகனாம். “சின்ன வயசுலேர்ந்து அவனுக்கு இது மாதிரி விஷயங்களில்தான் அதிக ஆர்வம். இன்னைக்கு ஒரு ஹீரோவா வளர்ந்து நிக்கறதை பார்க்கும் போது பெருமையா இருக்கு” என்றார் ஆற்காட்டார்.

விஷாலின் பேச்சிற்கு நிறைய கவன ஈர்ப்பு இருந்தாலும், ஒரு விஷயத்திற்காக கைதட்டியது கூட்டம். “எங்க கம்பெனியில் இருக்கிற வி. மியூசிக் வெறும் வி இல்ல. வெஞ்சன்ஸ் மியூசிக்தான் அது. பாண்டிநாடு படத்தில் வரும் ஃபை ஃபை பாட்டு அவ்வளவு பேமஸ். ஆனால், அந்த மியூசிக்கை வாங்கிய நிறுவனம் நஷ்ட கணக்குதான் காட்டியது. அதனால்தான் நாமளே ஒண்ணு ஆரம்பிக்கலாம்னு ஆரம்பிச்சேன். நிச்சயமா பி.வி.பிரசாத் பாடலுக்கு என்ன வருமானம் வந்திச்சோ, அது அப்படியே அவர் அக்கவுன்ட்டுக்கு போயிடும்” என்றார்.

‘சகுந்தலாவின் காதலன்’ படத்தில் தாமிரபரணி பானுதான் ஹீராயின். இந்தப்படம் தாறுமாறான ஹிட்டடித்தாலும், பானுவுக்கு ஒரு பிரயோஜனமும் இல்லை. ஏனென்றால் அவருக்குதான் கல்யாணம் ஆகிருச்சே மக்கா?

ஜெகன் மாதிரியான ஒரு அழுக்கு சொம்பை சினிமா மேடைகளில் ஏற்றி, தன்னையும் அசிங்கப்படுத்திக் கொண்டு, அந்த மேடையையும் அசிங்கப்படுத்துகிற விழாக்களில் ஒன்றாகிப் போனது நேற்று நடந்த ‘சகுந்தலாவின் காதலன்’ பட விழா. முன்னாள் அமைச்சர் ஆற்காடு வீராச்சாமி, தயாரிப்பாளர் சங்கத் தலைவர் விஷால், இன்னும் பல பெரிய மனிதர்கள் சூழ்ந்திருந்த அந்த மேடையை இந்த அழுக்கு சொம்பு, மாறி மாறி நாறடித்துக் கொண்டேயிருந்தது. சற்றும் மேடை நாகரீகம் இல்லாமல் ‘ங்கொய்யால…’ என்றெல்லாம் பேசிக் கொண்டிருந்தார் மனுஷன்.

மேடையில் பேச அழைக்கப்படுகிறர்களுக்கும், இவர் கொடுக்கும் முன்னோட்டத்திற்கும் துளி சம்பந்தமில்லை. அடிக்கடி பிக் பாஸ் நிகழ்ச்சிக்கு ஸ்பான்சர் செய்ய வந்தது போல, அது குறித்தும் வார்த்தைக்கு வார்த்தை உளறிக் கொட்டிக் கொண்டிருந்தார்.

ஜுலி, நமீதா, என்று என்னென்னவோ பேசி பேசி அறுத்த ஜெகன், உண்மையில் நிகழ்ச்சியில் நீண்டநேரம் பேச வேண்டியவர்களை கூட ஒரு நிமிஷத்துல பேசி முடிங்க என்று வாயை அடைக்கக் கிளம்பியதுதான் கொடுமை. (முதல்ல தொகுப்பாளர்கள் வாயை அடக்கினாலே நிறைய நேரம் மிச்சப்படும்)

மேடைக்கு வந்த விஷாலின் தங்கையின் எலுமிச்சை கலரை கூட விட்டுவைக்கவில்லை இவர். ‘ஏம்மா நாயெல்லாம் வளர்க்குற. என்னை மட்டும் கண்டுக்க மாட்டேங்குற?’ என்று ஜெகன் உளறியதற்கு வேறொரு பெண்ணாக இருந்திருந்தால் செ.பி. இருக்கும்.

அட. ச்சே… ஒரு நல்ல விழாவை இப்படி நாறடிச்சுட்டியே தம்பீ…

கமல்ஹாசன் பிரபல தொலைக்காட்சியில் பிக்பாஸ் என்ற நிகழ்ச்சியை தொகுத்து வழங்கி வருகின்றார். இந்த நிகழ்ச்சி முழுவதும் ஏற்கனவே பேசி முடிவெடுத்து அதற்கு ஏற்றார் போல் நடிப்பார்கள் என கூறி வந்தனர்.

இதை கமல் கடுமையாக மறுத்தார், இந்நிலையில் இன்று வெளிவந்த ப்ரோமோவில் பரணி பிக்பாஸ் வீட்டை விட்டு தப்பித்து செல்வது போல் வந்தது.

இதேபோல் தான் ஹிந்தியில் வெளிவந்த பிக்பாஸில் குஷால் என்பவர் தப்பி செய்ய முயற்சிப்பார், அதன் அப்பட்டமான காப்பி தான் இந்த பிக்பாஸ், ரசிகர்களை இவர்கள் ஏமாற்றுகிறார்கள் என சமூக வலைத்தளத்தில் ஒரு பேச்சு அடிப்படுகின்றது.

வாரம் தோறும் அனைத்திற்கும் விளக்கம் தரும் கமல், இந்த சர்ச்சைக்கும் வரும் வாரத்தில் விளக்கம் தருவாரா? பார்ப்போம். 

பிக் பாஸ் நிகழ்ச்சியில் போட்டியாளர்கள் கருத்துவேறுபாட்டால் குழுவாக பிரிந்திருப்பது அனைவருக்கும் தெரியும். முதல் வார முடிவில் அனுயா வெளியேற, இந்த வாரம் கஞ்சா கருப்பு வெளியேற்றப்பட்டார்.

பிக் பாஸ் வீட்டில் இருந்த பலரும் பரணி வெளியேற்றப்படுவார் என்றுதான் எண்ணியிருந்தனர். ஆனால் கஞ்சா கருப்பு வெளியேற்றப்பட்டது பலருக்கும் அதிர்ச்சியாக இருந்தது.

இது பற்றி கருத்து தெரிவித்துள்ள சினேகன், "ஓட்டு அடிப்படையில் வெளியேற்றப்படுவது என்பது கண்துடைப்பு வேலை. வெளிப்படையாக சொல்கிறேன், என்னை போன்று நேர்மையாக இருப்பவர்களை வெளியே அனுப்பிவிடுங்கள். ரேட்டிங் நல்லா போகும். பொய்களோடும், முரண்களோடும் இங்கே வாழ முடியாது. இங்கே இருக்கணும்னு தலையெழுத்தா என்ன?" என கூறியுள்ளார்.

திருச்சியில் இருந்து சென்னை வந்து இங்கேயே தற்போது செட்டில் ஆகியிருக்கிறார் நடிகர் சிவகார்த்திகேயன்.

தற்போது திருச்சியில் இருக்கும் சிவகார்த்திகேயன் வீட்டின் அருகில் ஆறுமுகம் என்பவர் மர்ம மரணம் அடைந்துள்ளார். கல்குவாரி நீரில் ஆறுமுகத்தின் சடலத்தை போலீசார் தீயணைப்பு வீரர்கள் உதவியுடன் மீட்டுள்ளனர்.

விசாரணையில் சடலமாக கிடந்தவர் நடிகர் சிவகார்த்திகேயன் வீட்டில் தோட்ட வேலை செய்து வந்தவர் என்பது தெரிய வந்துள்ளது.

தற்போது இவரின் மரணம் குறித்து போலீசார் தீவிர விசாரணை நடத்தி வருகின்றனர்.

பிக் பாஸ் வீட்டில் இந்த வாரம் வெளியேற போவது பரணியா இல்லை கஞ்சா கருப்புவா, அல்லது ஓவியாவா என தெரிந்துகொள்ள ரசிகர்கள் ஆவலுடன் காத்திருந்தனர். அதற்கு தற்போது பதில் கிடைத்துள்ளது.

கஞ்சா கருப்பு வெளியேறுவதாக கமல் அறிவித்த உடனே அவர் எழுந்து மற்ற போட்டியாளர்களை கட்டிதழுவி பிரியா விடை கொடுத்தார். ஆனால் அங்கேயே நின்றுகொண்டிருந்த பரணியை கண்டுகொள்ளவே இல்லை.

அனைவருக்கும் சொல்லிவிட்டு தன்னிடம் வந்து பேசுவார் என எதிரிலேயே காத்திருந்த நடிகர் பரணிக்கு அது மிகுந்த ஏமாற்றமாக இருந்தது. அவர் கண்கலங்கிய நிலையில் மிகவும் சோகமாக காணப்பட்டார்.

கடைசியாக ஓவியாவுடன் ஒரு குத்தாட்டம் போட்ட கஞ்சா கருப்பு அனைவருடனும் ஒரு செல்பி எடுத்துவிட்டு வெளியேறிவிட்டார்.

மற்ற போட்டியாளர்கள் சிலரும் கண்கலங்கியது நிகழ்ச்சியில் சோகத்தை ஏற்படுத்தியது.

அறிமுக இயக்குநர் ரவி உத்யவார் இயக்கத்தில் ஸ்ரீதேவி, நவாசுதீன் சித்திக் உள்ளிட்ட பலர் நடிக்க, பெரும் எதிர்பார்ப்பில் வந்திருக்கும் படம் ‘மாம்’ (Mom).

பள்ளி ஆசிரியை ஸ்ரீதேவி, கணவனுக்கு இரண்டாம் தாரம். முதல் தாரத்தின் மகள் சாஜல் அலி, இன்னமும் ஸ்ரீதேவியை நேசிக்காமல் தனது தாயின் நினைவிலேயே இருக்கிறார். 18 வயதாகும் அவர், வேலண்டைன் டே பார்ட்டிக்குச் செல்ல, அங்கே நிகழ்கிறது ஓர் அசம்பாவிதம். அதிலிருந்து தப்பி, உயிர் மட்டும் எஞ்சிய நிலையில் பித்துப் பிடித்து வாழும் மகளுக்காக, அவள் வாழ்வை அந்த நிலைக்கு ஆளாக்கியவர்களை ஸ்ரீதேவி திட்டமிட்டுப் பழிவாங்கும் கதைதான் ‘மாம்’.

நடிப்பில் ஸ்ரீதேவி அசத்துகிறார். படம் முழுக்க மகள் சாஜல் அலி, தன்னை - தன் அன்பை - நிராகரிக்கும்போதெல்லாம் உள்ளுக்குள் அத்தனை ஏமாற்றம் இருப்பதை உடல்மொழியில் காட்டிக்கொண்டு, முகத்தில் லேசான புன்னகையுடன் அதைக் கடந்து செல்கிறார். மிகவும் குறிப்பிட்டுச் சொல்ல வேண்டுமென்றால் அந்த ஆஸ்பத்திரி சீன். சிறுநீர் கழிக்க மகள் 'BedPan' வைக்கச் சொல்கிறாள். வைத்ததும், அருகிலேயே ஸ்ரீதேவி நின்றுகொண்டிருக்க, அந்த முடியாத நிலையிலும் ஸ்ரீதேவியை அம்மாவாக ஏற்காத மகள், ப்ரைவசிக்காக ஒற்றைக்கையில் படுக்கை அருகே இருக்கும் ஸ்கிரீனை மூடுகிறார். ஒட்டுமொத்தமாக ஸ்ரீதேவி உடைந்து போகும் அந்தக் காட்சி, நடிப்புக்காக ஸ்ரீதேவிக்கும், காட்சியமைப்புக்காக  இயக்குநருக்கும் கைதட்டல்களை அள்ளித் தருகிறது.

ப்ரைவேட் டிடக்டிவ் ‘DK' யாக நவாசுதீன் சித்திக். முன்வழுக்கைத் தலையும், கொஞ்சம் முன் எத்திய பற்களுமாக, அவர் நடிப்புக்குத் தீனிபோடுகிற காஸ்டிங். போலீஸ் அதிகாரியாக அக்‌ஷய் கன்னா. குற்றவாளிக்கு தண்டனை வாங்கித்தர முடியாதபோது ஒரு முகபாவம் வெளிப்படுத்துகிறார்.. அது க்ளாஸ் என்றால், ‘என் வேலையை இன்னொருத்தர் செஞ்சா எனக்கு பிடிக்காது’ என்று கோபமாக ஸ்ரீதேவியிடம் சொல்லும் காட்சியும், வில்லன் முன் அவருக்கும் ஸ்ரீதேவிக்குமான அந்த க்ளைமாக்ஸ் காட்சியும்.. மாஸ்!

படத்தில் எல்லாரையும் விட, நடிப்பில் ஒரு படி அதிகம் - சாஜல் அலிக்கு. அந்த வயதுக்கே உரிய துறுதுறுப்பு, அப்பாவுடன் பாசம், அம்மாவுடன் ஒட்டுதல் இல்லாமல் இருத்தல், பித்துப் பிடித்த நிலை என்று எல்லா காட்சிகளிலும் நிறைவான நடிப்பு. சபாஷ் பொண்ணே!

சந்தேகமே இல்லாமல், படத்தின் இன்னொரு ஹீரோ ஏ.ஆர்.ரஹ்மான். பின்னணி இசையில் அற்புதம் நிகழ்த்தியிருக்கிறார் மனுஷன்.  ஒரு காட்சி.  பார்ட்டியில் இருந்து சாஜல் அலியைக் காரில் ஏற்றிக் கொண்டு செல்கிறார்கள். எந்த விளக்கமும் தேவையில்லாமல் மிகச்சரியாக படமாக்கப்பட்ட காட்சி அது. அந்தப் பெரிய எஸ்.யூ.வி கார் சாலையில் செல்வதை பறவைப் பார்வையில் காட்டுகிறார்கள். சில நிமிடங்களுக்குத் தொடர்ந்து சென்று கொண்டே இருக்கிறது கார். பிறகு கார் நிறுத்தப்பட்டு...  படம் பாருங்கள். அந்தக் காட்சியின் தீவிரத்தை ஏ.ஆர்.ரஹ்மான் இசையில் உணர்த்தியிருப்பார். அந்த இசையோடு சேர்ந்து உங்கள் நெஞ்சமும் படபடவென்று இசைக்கும். அவரது கரங்களுக்கு அழுத்தமான கைகுலுக்கல்கள்.

’அவளுக்குப் புரிய வைக்கணும்னு இல்ல. நாம அவளைப் புரிஞ்சுக்கணும்’, ‘அம்மா வாழ்க்கைல புதிய மகள் வரலாம். மகள் வாழ்க்கைல புதுஅம்மா வரமாட்டாங்க’ என்று பல இடங்களில் வசனங்கள் நேர்த்தி.

‘பாபநாசம்’ போன்று பல படங்களில் நாம் பார்த்த கதைதான்.  3 பேரைப் பழிவாங்க ஸ்ரீதேவி எடுக்கும் முயற்சிகளும், அவற்றில் மாட்டிக்கொள்ளாமல் இருக்க நவாசுதீன் சித்திக்கின் துணையும் சரிதான். ஆனால் இன்னும் அழுத்தமாக அவர்கள்   சந்திக்கும் காட்சிகள் இருந்திருக்கலாம். அந்த ஆர்ட் கேலரியில் அவர்கள் சந்திக்கும் காட்சி மட்டும் கொஞ்சம் ஓகே. அதிலும் யாருக்கும் தெரியாமல் பென் டிரைவை மாற்றிக் கொள்வதெல்லாம் செயற்கைதான்.   நவாசுதீன் சித்திக் கதாபாத்திரத்தின் முடிவும் சினிமாத்தனம்.  அதுவும் அந்தக் கடைசி வில்லன் வந்து செய்யும் வேலைகள் எல்லாம் எண்பதுகளை ஞாபகப்படுத்துகின்றன.

 முதல் பகுதியில் கொஞ்சம் தொய்வாகும் திரைக்கதையைப் பொறுத்துக் கொள்ளத் தயாரானால், ‘மாம்’ உங்களை நிச்சயம் கவரும்.