என் புத்தகம்

நம்மில் பலபேர்களுக்கு சாப்பிட்ட கொஞ்ச நேரத்தில் அவர்களின் வயிறானது குண்டாக இருக்கும். இதனால், பிடித்த உணவுகளை கூட பயந்துதான் உண்ண வேண்டும்.

அதற்கு அவர்கள் உடம்பின் சீரற்ற செரிமானம் பிரச்சினைகள் தான் முக்கிய காரணமாக உள்ளது.

நம்முடைய உணவு முறைகளில் ஏற்படும் மாற்றங்கள் தான் சீரற்ற செரிமான பிரச்சினைகள் ஏற்படுவதற்கு காரணமாக இருக்கிறது.

எனவே செரிமான பிரச்சனை மற்றும் அதனால் ஏற்படும் சில பிரச்சனைகளுக்கு ஒருசில இயற்கையான வைத்தியங்களை பற்றி தெரிந்துக் கொள்ளலாம்.

குறித்த பிரச்சினைக்கு சீரகம் ஒரு அருமையான மருந்தாகப் பயன்படுகிறது. சீரகம், ஏலக்காய் ஆகியவற்றை நன்கு வறுத்துப் பொடி செய்து, உணவிற்குப் பின் அதில் 1/4 ஸ்பூன் அளவு சாப்பிட்டு வர வேண்டும்.

சாப்பிட்ட பின் இளஞ்சூட்டில் சீரகத் தண்ணீரைக் குடித்து வந்தால், நல்ல பலன் கிடைக்கும்.

செரிமான பிரச்சினை மூலம் நமக்கு பசி எடுக்காமல் இருந்தால், அதற்கு சீரகம், சுக்கு, மிளகு, திப்பிலி, ஏலக்காய் ஆகியவற்றை சம அளவு எடுத்து நன்கு பொடி செய்து, அதை சர்க்கரை கலந்து, சாப்பிடுவதற்கு முன் 2 சிட்டிகை அளவு தேனில் குழைத்து சாப்பிட வேண்டும்.

ஜீரணக் கோளாறுகள் மூலம் அல்சர் பிரச்சனைகள் ஏற்பட்டால், அதற்கு சீரகத்தை வாயில் போட்டு மென்று குளிர்ந்த தண்ணீரை குடித்து வரலாம். அல்லது சீரகப் பொடியை வெண்ணெயில் குழைத்தும் சாப்பிட்டு வரலாம். இதனால் தலைச்சுற்றல், மயக்கம், அல்சர் போன்ற பிரச்சனைகள் தடுக்கப்படும்.

சீரகத்தைக் கரும்புச்சாறு, எலுமிச்சைச்சாறு, இஞ்சிச்சாறு போன்றவற்றில் ஒவ்வொரு நாளும் ஒவ்வொரு சாற்றில் சீரகத்தைக் கலந்து குடித்து வந்தால், பித்த தலைவலி , செரிமான பிரச்சனைகள் குணமாகும்.

கர்ப்பிணி பெண்களுக்கு செரிமான பிரச்சனைகள் ஏற்பட்டால், சீரகத்தை கொதிக்கும் நீரில் போட்டு கஷாயம் செய்து, சாப்பிட்டு வரலாம். இதனால் நோய் எதிர்ப்பு சக்தி அதிகரித்து, நரம்புத் தளர்ச்சி போன்ற பிரச்சனைகளும் வராமல் தடுக்கப்படும்.

"கேரண்டி கையெழுத்து" (ஜாமீன்) மற்றும் "சாட்சி கையெழுத்து" என்ற இருவகைகளை இருப்பதை தெரிந்துக்கொண்டாலே போதும் அனைத்தும் மிக எளிதில் புரியும்.

கேரண்டி கையெழுத்துக்கும், சாட்சி கையெழுத்துக்கும் நிறைய வித்தியாசங்கள் இருக்கிறது.

ஆவணத்தில் தனக்கு முன்பாக அதை எழுதிக் கொடுத்தவர் கையப்பமிட்டார் என்பதற்கு ஆதாரம்தான் சாட்சிக் கையெழுத்து. அதற்கு மட்டுமே சாட்சி பயன்படுவார். தவிர, அந்த ஆவணத்தில் இருக்கும் மற்ற விஷயங்களுக்கு சாட்சி கையெழுத்து போட்டவர் பொறுப்பாக மாட்டார். சாட்சி கையெழுத்து போடும்போது அந்த ஆவண த்தில் இருக்கும் சங்கதிகள் அல்லது தகவல்கள் சாட்சி கையெழுத்து போடும் நபருக்கு தெரிந்திருக்க வேண்டிய அவசியமில்லை.

அதாவது ஆவண த்தின் தன்மை, உரிமை மாற்றம் என எதுவாக இருந்தாலும் அதை சாட்சி தெரிந்து கொள்ள, தெரிந்திருக்க வேண்டிய அவசிய மில்லை. (நெருங்கிய உறவினர் தயாரித்த ஆவணத்தில் கையெழுத்து போடுகையில் விதி விலக்கு உண்டு)

சாட்சி கையெழுத்து

சாட்சி கையெழுத்து என்பது எந்த ஒரு ஆவணத்திலும் கையெழுத்து இட்டதற்கு சாட்சியாக இரண்டு நபர்களை கையெழுத்து போட வைப்பதுதான். அதாவது, அந்த ஆவணத்தில் கையெழுத்து போட்டவர் இந்த நபர்தான் என்பதை உறுதிப்படுத்தும் வகையில் போடும் கையெழுத்துதான் சாட்சி கையெழுத்து.உயில், தானம் போன்ற ஆவணங்களில் சாட்சி கையெழுத்து அவசியம்

கேரன்டி கையெழுத்து

வங்கியில் கடன் வாங்கும்போது கேரன்டி கையெழுத்து கேட்பார்கள். கேரன்டி கையெழுத்து என்பது கடன் வாங்கும் நபர் கடனை திரும்பச் செலுத்தவில்லை எனில் கேரன்டி கையெழுத்து போட்டவர் தான் அந்த கடனை திரும்பச் செலு த்த கடமைப்பட்டவர் ஆவார். நேரடியாக கடன் வாங்கிய நபரை அணுகாமல் கேரண்டி கையெழுத்து போட்டவரிடமே கடனை கேட்க வங்கிக்கு உரிமை உண்டு. அந்த கடனில் அவருக்கும் பங்குண்டு என்பதே கேரண்டி கையெழுத்தின் சாராம்சம்.

சாட்சி கையெழுத்து போடுபவருக்கு என்ன சிக்கல்வரும்?

நில அபகரிப்பு மோசடி வழக்கு தொடுக்கபடும் போது, இந்த நிலத்தை நான் விற்கவில்லை இந்த கையெழுத்து என்னுடையது இல் லை என அந்த நிலத்தை விற்ற நபர்கள் சொல்லும்போது. அல்லது புரோ நோட்டை எழுதி கொடுத்தவர் அதில் உள்ள கையெழுத்தை மறுக்கும் போது அந்த ஆவணத்தில் சாட்சி கையெழுத்து போட்ட நபர்களை நீதி மன்றம் விசாரணைக்கு வரச்சொல்லும். இந்த இடத்தில்தான் சாட்சி கையெழுத்து போடும் நபருக்கு பொறுப்பு வருகிறது.

அந்த ஆவணத்தில் கையெழுத்து போட்டது இவர்தான் என சாட்சி கையெழுத்து போட்ட நபர் சொல்லும் சாட்சிதான் மிக முக்கியமாக கருதப்படும். இந்த நேரத்தில் மட்டும்தான் சாட்சி கையெழுத்து போட்டவர் நீதிமன்றத்திற்கு அழைக்கப்படுவார்.

நன்கு தெரிந்தவர் உங்களிடம் கேட்டுக் கொண்டால் ஒழிய, முன்பின் தெரியாதவர்களுக்கு சாட்சி கையெழுத்து போட வேண்டாம். சிலர் நூறு அல்லது இருநூறு கொடுப்பதாகவும் ஆசை காட்டுவார்கள். பணத்திற்காக ஆசைப்பட்டு யார் யாருக்கோ கையெழுத்து போட்டால் பிற் பாடு நீதிமன்றத்தின் படிகளை அடிக்கடி ஏற வேண்டியிருக்கும் என்பது தான் நிதர்சனமான உண்மை.

அவதார் பட சாதனையை சமன் செய்த பிளாக் பாந்தர் சென்ற மாதம் வெளியான பிளாக் பாந்தர் திரைப்படம் உலக அளவில் பிரம்மாண்ட வசூல் சாதனை படைத்து வருகிறது. இதுவரை இந்த படம் $1.1 பில்லியனுக்கும் மேல் வசூல் செய்துள்ளது.

இந்நிலையில் இந்த படம் 2009ம் ஆண்டு வெளிவந்த அவதார் படத்தின் ஒரு முக்கிய சாதனையை சமன் செய்துள்ளது. 5 வாரங்களாக தொடர்ந்து பிளாக் பாந்தர் வசூலில் முதலிடத்தில் இருப்பது தான் அந்த சாதனை.

அவதார் படத்திற்குமுன் 1999ல் வெளியான The Sixth Sense என்ற படம் தான் இந்த சாதனையை படைத்திருந்தது. கிட்டத்தட்ட 10 வருடங்களுக்கு ஒரு படம் மட்டுமே இந்த சாதனையை நெருங்கியுள்ளது குறிப்பிடத்தக்கது.

ரஜினியை தாறுமாறாக ரசித்த கட்சிக்காரர்களில் பலர், மைக்ராஸ்கோப் கண்ணாடி போட்டுக் கொண்டு அவரை விமர்சிக்க ஆரம்பித்துவிட்டார்கள். அது நொள்ளை, இது நொட்டை என்று அடுக்கடுக்காக அவிழ்த்துவிடும் ஆவேசப் பேச்சுகள் எதிலும் நிதானம் இல்லை என்பது மட்டும் நிச்சயம். ‘முதல்ல தமிழை சரியா பேசக் கத்துக்கங்க’ என்று மன்சூரலிகான் மாதிரியான ஆட்கள் பேசுகிற அளவுக்கு நிலைமை படு மோசம். (அந்த தமிழ் புடிச்சுதானேய்யா இத்தனை காலம் அவரை சூப்பர் ஸ்டாரா வச்சுருக்கு தமிழ்நாடு?)

இந்த எரிச்சல்களில் இன்னும் கொஞ்சம் எண்ணை ஊற்றுவது போல வந்திருக்கிறது ஒரு புது செய்தி. ரஜினி ஆரம்பிக்கப் போகும் புதுக்கட்சியில் அவரது மகள் சவுந்தர்யாவுக்கு முக்கிய பொறுப்பு தரப்பட இருக்கிறதாம். நேற்றே மதுரை நகரில் தனுஷ் படத்தை போட்டு பெரிய போஸ்டர் அடித்து ஒட்டிவிட்டார்கள். ‘வருங்கால அரசியல் வாரிசே…’ என்பதுதான் போஸ்டரின் தத்துவம்.

இந்த லட்சணத்தில் சவுந்தர்யாவுக்கு கட்சிப்பதவி கொடுத்தால், குடும்ப கட்சி என்கிற இமேஜ் வளரும்போதே வந்துவிடாதா? அதுமட்டுமல்ல… ரஜினியை கூறு போட்டு விற்பதில் அவரது குடும்பத்திற்கு இருக்கிற வியாபார நுணுக்கத்தை ஏற்கனவே அறிந்து வைத்திருக்கிறது நாடு. இதில் ரஜினியே ரஜினி கட்சிக் கூட்டத்தில் பேசினா எவ்வளவு கொடுப்பீங்க? என்று ஆரம்பித்தால் என்னாவது?

இப்படியெல்லாம் பீதி கிளம்புது. பார்த்து செய்ங்க தலைவா?

கேள்வி: ''நீங்கள் ரஜினிகாந்துடன் இணைந்து நடிக்க மறுப்பதாக கூறப்படுகிறதே. உண்மையா?''
(ஏ.பி.பன்னீர்செல்வம், ஐ.சி.எப் காலணி, சென்னை)

ஜெயலலிதா: ''ஒரு படத்தில் அவருடன் நடிக்க மறுத்தது உண்மைதான். ஆனால், அதற்கு காரணம் என் வேடம். அந்த வேடம் என் மனதுக்கு திருப்தி அளிக்கும் வகையில் பொருத்தமாக அமையவில்லை. அதைத் தவிர, வேறு எந்தக் காரணமும் இல்லை. நல்ல படம் கிடைத்தால் அவருடன் நடிப்பதில் ஆட்சேபணை இல்லை.''

- 1979-ம் ஆண்டு தமிழ் புத்தாண்டையொட்டி 'மாலை முரசு' நாளிதழில் வெளியான ஜெயலலிதாவின் பதில் இது. வாசகர்கள் கேட்ட நிறைய கேள்விகளுக்கு ஜெயலலிதா பதில்கள் அளித்திருந்தார். அதில் ரஜினியைப் பற்றிய இந்த பதில் முக்கியமானது.

ஜெயலலிதா பதில்களில், எம்.ஜி.ஆர் பற்றிய பதிலும் இடம்பெற்றிருந்தது. மதுரை வி.எம்.பஷீர் அகமது என்பவர், எம்.ஜி.ஆரைப் பற்றி ஒரு கேள்வி எழுப்பியிருந்தார். ''எம்.ஜி.ஆர் மீண்டும் நடிக்க வந்தால், அவருடன் நீங்கள் இணைந்து நடிப்பீர்களா?'' என்பதுதான் அவர் கேட்ட கேள்வி.

அதற்கு ஜெயலலிதா, ''அவர் மீண்டும் நடிக்க வந்தால், அவருடன் நடிக்க என்னை அழைத்தால், ஓ.எஸ்..'' என சொல்லியிருந்தார்.

சரி விஷயத்துக்கு வருவோம். அரசியலில் கால் பதித்திருக்கும் ரஜினி, இப்போது, எம்.ஜி.ஆர் புகழ் பாட ஆரம்பித்திருக்கிறார். எம்.ஜி.ஆர், ஜெயலலிதா பற்றி சிலாகித்து பேசியிருக்கிறார். எம்.ஜி.ஆர் தொப்பியை மாட்ட ஆரம்பித்திருக்கும் ரஜினி, இத்தனைக் காலம் அவரைப் பற்றி எதுவுமே பேசாமல் இருந்துவிட்டு, இப்போது புரட்சித்தலைவருக்கு புகழாஞ்சலி செலுத்துகிறார்.

1979-ல் எம்.ஜி.ஆர், ரஜினி தொடர்பான கேள்விகளுக்கு பதில் அளித்திருக்கிறார் ஜெயலலிதா. 2018-ம் ஆண்டு எம்.ஜி.ஆர் சிலையை திறந்து வைத்திருக்கிறார் ரஜினி.
கடந்த காலத்தையும் நிகழ்காலத்தையும் முடிச்சுப்போட்டு பார்ப்போம்.

'ஜெயலலிதா பதில்கள்' வெளியான 1979-ம் ஆண்டு எம்.ஜி.ஆர் முதல்வராக இருந்தார். அதற்கு இரண்டு ஆண்டுகளுக்கு முன்பு, 1977-ம் ஆண்டு சட்டசபைத் தேர்தலில் வென்று, முதன்முறையாக ஆட்சியை பிடித்திருந்தார் எம்.ஜி.ஆர். அப்போது, ஜெயலலிதா அ.தி.மு.க-வில் இல்லை. சினிமாவில் நடிப்பதை குறைத்து, திரைத் துறையிலிருந்து கொஞ்சம் ஒதுங்க ஆரம்பித்திருந்தார். அதற்கு அடுத்த ஆண்டு1980-ல்தான், ஜெயலலிதா நடித்த கடைசி படமான 'நதியைத் தேடி வந்த கடல்' திரைப்படம் ரிலீஸ் ஆனது.

பில்லா

இதே காலக்கட்டத்தில் ரஜினி, சினிமாவில் உயர தொடங்கியிருந்தார். 'முள்ளும் மலரும்', 'ப்ரியா' படங்கள் சூப்பர் ஹிட் ஆகி, நிறையப் பட வாய்ப்புகள் ரஜினியைத் தேடி வந்து கொண்டிருந்தன. 'ஜெயலலிதா பதில்கள்' வெளியான 1979 ஏப்ரல் 14-ம் தேதியில்தான், 'நினைத்தாலே இனிக்கும்' படமும் ரிலீஸ் ஆனது. அதற்கு முந்தைய மாதமான மார்ச் மாதத்தில், ரஜினியைப் பற்றி ஒரு செய்தி பரப்பரப்பாக பேசப்பட்டது. 'ரஜினிகாந்த் கைது' என்ற செய்தி கொட்டை எழுத்துகளில் முக்கிய தினசரிகளில் இடம் பிடித்தன. எம்.ஜி.ஆர் ஆட்சியில் நடந்த ரஜினியின் கைது செய்தியின் பின்னணி இதுதான்.

ரஜினியின் கைதுக்கு காரணமாக இருந்தவர் ஜெயமணி. வாரப் பத்திரிகை ஒன்றில், சினிமா செய்தியாளராக இருந்த ஜெயமணி, போலீஸில் அதிரடியாக அளித்த புகாரில்தான் ரஜினி கைதானார். ''சென்னை மியூசிக் அகாடமி அருகில் சாலையில் நின்று கொண்டிருந்தேன். அப்போது அங்கே காரில் வந்த ரஜினிகாந்த், என் மீது மோத முயன்றார். நான் சுதாரித்து நகர்ந்து கொண்டதால் தப்பித்தேன். என் மீது காரை ஏற்ற முயற்சித்ததோடு என்னை கொலை செய்துவிடுவதாகவும் ரஜினிகாந்த மிரட்டினார்.'' என ஜெயமணி கொடுத்த புகாரில் 1979 மார்ச் 7-ம் தேதி இரவு ரஜினி கைது செய்யப்பட்டார். அப்போது ராயப்பேட்டை போலீஸ் இன்ஸ்பெக்டர் சோமசுந்தரமும் சப் இன்ஸ்பெக்டர் பாஸ்டின் ஆகிய இருவரும்தான் ரஜினியை கைது செய்தவர்கள். ராயப்பேட்டை போலீஸ் ஸ்டேஷனுக்கு முதலில் ரஜினி விசாரணைக்கு அழைக்கப்பட்டார். நள்ளிரவு வரையில் விசாரணை நடத்தப்பட்டு, கைது செய்யப்பட்டார். பிறகு ஜாமீனில் விடுவிக்கப்பட்டார்.

லதா எம்ஜிஆர்

இ.பி.கோ 506 (மிரட்டுதல்), 336 (மற்றவர்களுக்கு ஆபத்து உண்டாக்கக் கூடிய காரியத்தில் கவனக் குறைவாக ஈடுபடுதல்) ஆகிய பிரிவுகளில் வழக்குப் பதிவு செய்யப்பட்டது. விசாரணையின்போது வாக்குமூலமும் கொடுத்திருந்தார் ரஜினி. ''கார் ஓட்ட எனக்கு லைசென்ஸ் இல்லை. டிரைவர் இல்லாததால் காரை நானே ஓட்டினேன். ஜெயமணி என்னை தாக்கி நிறைய செய்திகளை எழுதினார். வழியில் அவரைப் பார்த்ததும் இதுபற்றி கேள்வி கேட்க நினைத்து, காரை நிறுத்தி பின்னால் இயக்கினேன். மோதவில்லை. அவரைக் கொலை செய்யும் நோக்கமும் எனக்கில்லை. காரைவிட்டு இறங்கியதும், ஜெயமணி செருப்பை கழற்றினார். அதனால் அவரின் சட்டையைப் பிடித்தேன். அவ்வளவுதான் நடந்தது. அவரை நான் மிரட்டவில்லை.'' என வாக்குமூலத்தில் சொல்லியிருந்தார் ரஜினிகாந்த்.

அடுத்த மூன்று மாதங்களுக்குள் ரஜினிகாந்த் மீண்டும் கைதானார். இந்த கைது ஐதராபாத்தில் நடந்தது. இதுபற்றிய செய்தியை 'மாலை முரசு' பதிவு செய்திருக்கிறது. அதில் வந்த செய்தி இதுதான். 'சூட்டிங்கிற்காக ஐதராபாத் சென்றிருந்தார் ரஜினி. ஜூன் 20-ம் தேதி சென்னை திரும்புவதற்காக இரவு 11 மணி விமானத்துக்கு டிக்கெட் எடுக்கப்பட்டிருந்தது. அப்போது ரஜினி மது அருந்தியிருந்தார். ஏர்போர்ட்டுக்கு வந்ததும் அங்கிருந்தவர்களுடன் ரஜினி தகராறில் ஈடுபட்டார். தன்னுடன் வந்த நண்பர்களிடமே ரஜினி சண்டை போட்டார். ஏர்போர்ட் அதிகாரிகள் சமாதானம் செய்ய முயன்று தோற்றுப் போனார்கள். அவரை ஒரு அறைக்கு அழைத்துப் போனார்கள் அதிகாரிகள். அங்கிருந்த கண்ணாடிகளை ரஜினி உடைத்தார். இதனால் போலீஸ் அவரைக் கைது செய்தனர். அவரது விமான டிக்கெட்டும் ரத்து செய்யப்பட்டது' என அந்த செய்தியில் சொல்லப்பட்டிருந்தது.

மாலைமுரசு

ரஜினிகாந்த்தின் இந்த இரண்டு கைது சம்பவங்கள் நடப்பதற்கு, முந்தைய ஆண்டு அதாவது, 1978 ஏப்ரலில் முதல்வர் எம்.ஜி.ஆர், அன்றை பிரதமர் மொரார்ஜிக்கு கடிதம் ஒன்றை எழுதினார். 'வருமான வரி பாக்கி செலுத்த வேண்டும். அதற்கு முதல்வராக இருந்து கிடைக்கும் சம்பளம் போதாது. அதனால், சினிமாவில் நடிக்க அனுமதி தாருங்கள்.' என கடிதத்தில் சொல்லியிருந்தார் எம்.ஜி.ஆர். அரசியலில் முதல்வர் என்கிற உச்சாணிக்கு போனபோதும்கூட எம்.ஜி.ஆருக்கு சினிமா ஆசை போகவில்லை. சினிமாவில் நடிப்பதில் அவர் ஆர்வம் கொண்டிருந்தார். அவர் சினிமாவில் தொடர்ந்திருந்தால் அது ரஜினி உட்பட பலரின் வளர்ச்சிக்கு பாதிப்பாககூட அமைந்திருக்கலாம்.

1972-ம் ஆண்டு அ.தி.மு.க-வை தொடங்கியிருந்த காலத்திலும்கூட சினிமாவில் நடித்துக் கொண்டிருந்தார் எம்.ஜி.ஆர். 1974 மார்ச் 9-ம் தேதி மோரீஸ் நாட்டுக்கு எம்.ஜி.ஆர் பயணம் மேற்கொண்டார். இந்தப் பயணம் பற்றி மார்ச் 6-ம் தேதி பிரஸ் மீட் ஒன்று கொடுத்தார் எம்.ஜி.ஆர். ''ஒரு நடிகரோ அல்லது டைரக்டரோ தன்னுடன் யாராவது ஒரு நடிகையையோ பெண்ணையோ அழைத்து சென்றால், அதற்கு உள்நோக்கம் கற்பிப்பது சரியல்ல. நான் வெளிநாட்டுக்கு செல்லும்போது நடிகை லதாவை அழைத்து செல்வதில்லை. லதாவுக்கும் எனக்கும் ஒப்பந்தம் உள்ளது. என் அனுமதியின்றி வேறு படங்களில் அவர் நடிக்க முடியாது. கால்ஷீட் தருவதிலும் முதல் சலுகை எங்களுக்குதான் கிடைக்கும். 'உலகம் சுற்றும் வாலிபன்' படத்தில் கிடைத்த அனுபவம் இது.'' என அந்த பேட்டியில் விரிவாக பேசியிருந்தார் எம்.ஜி.ஆர்.

நடிகை லதா எம்.ஜி.ஆருடன் நடித்துக் கொண்டிருந்தபோது வேறு படங்களில் நடிக்கவும் அவருக்கு வாய்ப்புகள் வந்தன. அப்படி ரஜினியோடு நடிக்கவும் வாய்ப்பு வந்தபோது ஒப்பந்தம் காரணமாக அவருக்கு எம்.ஜி.ஆர் முட்டுக்கட்டைப் போட்டார். இது ரஜினிக்கு தெரிய வந்தது. ஆனால், அப்போது ரஜினியால் எதுவும் செய்ய முடியவில்லை. 

எம்.ஜி.ஆர் கதாநாயகியான ஜெயலலிதா ரஜினியோடு நடிக்க முடியாமல் போய்விட்டது. ''அது எம்.ஜி.ஆரால் நடந்ததா?'' என்கிற விமர்சனத்துக்கு இன்று வரையில் விடை கிடைக்கவில்லை.

எம்.ஜி.ஆரின் கட்டுப்பாடு தளர்ந்த பிறகு லதா, ரஜினி கமல் படங்களில் நடித்தார். 'வயநாடு தம்பான்' என்ற மலையாளப் படத்திலும் 'நீயா' படத்திலும் கமலுடன் நடித்தார் லதா. ரஜினியோடு 'சங்கர் சலீம் சைமன்', 'ஆயிரம் ஜென்மங்கள்' 'வட்டத்துக்குள் சதுரம்' ஆகிய படங்களில் நடித்தார்.

ஜெயலலிதா கடிதம்

ரஜினியோடு ஜெயலலிதா நடிக்க மறுத்த படம் 'பில்லா'.
'சினிமா வாய்ப்புகள் இல்லாமல் ஜெயலலிதா தவித்து வருகிறார்' என மும்பையில் இருந்து வெளிவரும் 'காஸ் பாத் பத்திரிகை செய்தி வெளியிட்டது. 1980 மே 25-ம் தேதி வெளியான அந்த செய்தியில் 'பில்லா' பற்றி விஷயமும் இடம்பெற்றிருந்தது. உடனே, ஜெயலலிதா மறுப்பு தெரிவித்தார். ஜூன் 10-ம் தேதி அன்று, 'காஸ் பாத்' பத்திரிகையின் ஆசிரியருக்கு தன் கைப்பட கடிதம் ஒன்றை அனுப்பினார்.   

''சினிமாவில் மீண்டும் நடிப்பதற்கு நான் போராடவில்லை. உண்மையில், நடிப்பதற்கு நல்ல வாய்ப்புகள் என்னைத் தேடி வந்தன. 'பில்லா' படத்தில் கதாநாயகியாக நடிப்பதற்காக அந்தப் படத்தின் தயாரிப்பாளர் பாலாஜி, என்னைதான் முதலில் அணுகினார். நான் மறுத்ததால் அந்த கேரக்டரில் ஸ்ரீப்ரியா நடித்தார். தமிழ் சினிமாவின் சூப்பர் ஸ்டாரான ரஜினிதான் 'பில்லா' படத்தின் ஹீரோ. ஆனாலும், நான் நடிக்க மறுத்தேன். சினிமா வாய்ப்புக்காக போராடியிருந்தால் அதனை ஏற்று நடித்திருப்பேனே. ஆனால், எனக்கு நடிப்பில் இருந்த ஆர்வம் போய்விட்டது.'' என அந்த கடிதத்தில் சொல்லியிருந்தார் ஜெயலலிதா.

கமல் ஶ்ரீபிரியா

அதற்கு அடுத்த ஆண்டான 1981-ல் அ.தி.மு.க-வில் இணைந்தார் ஜெயலலிதா. கொள்கைப் பரப்பு செயலாளர், ராஜ்ய சபா எம்.பி. என உயர்ந்தார். எம்.ஜி.ஆருக்குப் பிறகு அ.தி.மு.க. ஜெயலலிதா வசம் வந்தது.

எம்.ஜி.ஆர் ஆட்சியை தருவதாக சொல்லி அரசியல் களம் புகுந்திருக்கிறார் ரஜினி. அதோடு 'ஜெயலலிதா போற்றி' பாடியிருக்கிறார். ''இந்தியாவிலேயே கட்சியைக் கட்டுப்பாட்டுடன், வைத்திருந்தவர் ஜெயலலிதா. அவரைப் போல யாரும் கட்சியை நடத்தவில்லை.'' என சொல்லியிருக்கிறார். எம்.ஜி.ஆரும் ஜெயலலிதாவும் இப்போது உயிருடன் இல்லை. 

ரஜினிக்கு முன்பே கட்சி தொடங்கிவிட்டார் கமல். 'பில்லா' படத்தில் நடித்த ஶ்ரீபிரியா கமலின் கட்சியில் சேர்ந்துவிட்டார். லதாவோ எம்.ஜி.ஆர் சிலை திறப்பு விழாவில் ரஜினியோடு மேடையேறியிருக்கிறார்.

காலம் மாறிக் கொண்டே இருக்கிறது!

கோலிவுட்டின் பாக்ஸ் ஆபிஸ் கிங்ஸ் என்றால் விஜய், அஜித் தான். இவர்கள் படங்களின் வசூலை இவர்களே மாறி மாறி முறியடிப்பார்கள்.

அந்த வகையில் பல நல்ல படங்களில் நடிக்க மறுத்து அஜித் மற்ற நடிகர்கள் அதே படத்தில் நடித்து சூப்பர் ஹிட்டாகியுள்ளது.

இதில் குறிப்பாக சூர்யாவிற்கு தான் அதிக லாபம், ஏனெனில் காக்க காக்க, நந்தா, கஜினி, நேருக்கு நேர் என அவர் வாழ்க்கையை புரட்டி போட்ட படங்கள் அனைத்து அஜித்திற்கு வந்தது தான்.

அந்த வகையில் விஜய் நடித்த இரண்டு மெகா ஹிட் படங்களும் அஜித்திற்கு வந்தது தானாம், ஆனால், அதில் அஜித் நடிக்க மறுக்க விஜய் நடித்துள்ளார்.

ஆம், கில்லி, கத்தி இந்த இரண்டு படங்களுமே முதலில் அஜித் தான் நடிக்க விருந்தது, ஆனா, இந்த இரண்டுமே பேச்சு வார்த்தையிலேயே நின்றது.

அதை தொடர்ந்து விஜய் நடித்து மெகா ஹிட் ஆனது குறிப்பிடத்தக்கது, இந்த படத்தை அஜித் தவறவிட்டது அவருடைய ரசிகர்களுக்கே கொஞ்சம் வருத்தம் தான்.

தொலைக்காட்சியில் தற்போதெல்லாம் பிரபலமானால் போதும், வெள்ளித்திரை சென்று ஜொலித்து விடலாம். அந்த வகையில் ரியாலிட்டி ஷோக்கள் ரசிகர்கள் மத்தியில் பெரும் வரவேற்பை பெற்று வருகின்றது.

அதிலும் ஜீ தொலைக்காட்சியில் வரும் ஒரு பாடல் நிகழ்ச்சி ரசிகர்களிடம் செம்ம வரவேற்பில் உள்ளது, அதில் பாடும் ரமணியம்மாள் என்ற வயதானவருக்கு ரசிகர்கள் அதிகம்.

இவரை கண்டிப்பாக என் இசையில் பாட வைக்கின்றேன் என யுவன் ஷங்கர் ராஜா வாக்கு கொடுத்தார், அதை தொடர்ந்து சமீபத்தில் இந்த நிகழ்ச்சியில் டி.இமான் கலந்துக்கொண்டார்.

அப்போது ரமணியம்மாள் தாய் பாசம் மிகுந்த ஒரு பாடலை அவர் முன்பு பாட, ஒரு கட்டத்தில் இமான் கண் கலங்கிவிட்டார்.

இவர் பாடிய பாடல் தன் தாயை நினைவுப்படுத்தியது, என மிகவும் நெகிழ்ச்சியாக பேசினார், அந்த தருணத்தில் அரங்கத்தில் இருந்தவர்கள் அனைவரும் கண் கலங்கினார்கள்.