என் புத்தகம்

நம்முடைய வீடுகளில் செடிகள் வளர்ப்பது என்றால் எல்லோருக்கும் பிடித்த விஷயம். அதில் ஆண், பெண் வேறுபாடு என்றெல்லாம் கிடையாது. ஏனென்றால் அது தன்னையும் அழகுபடுத்திக் கொண்டு நம்முடைய வீட்டையும் அழகுபடுத்தும். அது மட்டுமில்லங்க. நம்முடைய மனதை அமைதிப்படுத்தி புத்துணர்ச்சியைக் கொடுக்கும்.

அதிலும் குறிப்பாக, ரோஜாச்செடிகள் வளர்க்கப் பிடிக்காதவர்கள் யாராவது இருக்க முடியுமா என்ன? ரோஜாக்களைப் பார்த்தாலே நம்முடைய மனம் மகிழ்ச்சியடைந்து விடும். ரோஜாக்கள் தான் எப்போதுமே நம்முடைய தோட்டங்களை அழகுபடுத்தும். அதேசமயம் அது நம்முடைய தோட்டத்தில் நிறைய இடத்தையும் அடைத்துக் கொள்ளும் வாய்ப்புண்டு.

தொட்டிகளில் வளர்க்கலாமா?

ரோஜாச் செடிகளை தொட்டிகளில் வளர்ப்பதை விடவும் மண்ணில் வளர்த்தால் தான் நிறைய பூக்கும். தொட்டிகளில் வளர்க்கக்கூடாது என்றெல்லாம் சிலர் சொல்லக் கேட்டிருப்போம். ஆனால் உண்மை அப்படியல்ல. எங்கு வளர்த்தாலும் அந்த செடிகள் வளரத் தேவையான ஊட்டச்சத்துக்கள் கிடைத்தால் போதும். தொட்டிகளில் தாராளமாக ரோஜாச் செடிகளை வைத்து நிறைய கொத்து கொத்தாக பூக்கள் பூக்க வைக்க முடியும்.

மண்ணே தேவையில்லை

பொதுவாக செடிகள் வளர்க்க நல்ல மண் வளம் இருக்க வேண்டும். இல்லையென்றால் செடி வேகமாக பட்டுப்போய்விடும். செழித்து வளராது. பூக்காது. காய்க்காது எ்னறு சொல்வார்கள். அதனால் தொட்டிகளில் கூட மண்ணை நிரப்பித் தான் வளர்ப்பார்கள். ஒரு விஷயத்தை நாம் நன்றாகப் புரிந்து கொள்ள வேண்டும். தொட்டிகளில் அடைக்கப்பட்ட மண்ணில் எவ்வளவு நாள் ஊட்டச்சத்து அப்படியே இருக்கும்?

ஆம். அதனால் தொட்டிகளில் மண்ணே இல்லாமல் மிக எளிதாக சூப்பராக கொத்துக் கொத்தாக பூக்கும்படி செடிகளை வளர்க்க முடியும். எப்படி என்று பார்க்கலாம்.

கொக்கோ பெட் பிரிக்

மண்ணுக்கு பதிலாக இந்த கொக்கோ பெட் பிரிக்கைத் தான் பயன்படுத்தப் போகிறோம். பேரை பார்த்து பயப்படாதீங்க. இது ஒன்னுமில்ல. நன்கு சுத்தப்படுத்தி மட்க வைக்கப்பட்ட தேங்காய் நார் கலவை தான். இது செங்கல் போன்று பேக் செய்யப்பட்டு விற்கப்படும். இதை வெளியில் எங்கும் தேடி அலையத் தேவையில்லை. செடிகள் விற்கும் நர்சரி கடைகளிலேயே கிடைக்கும். இது நிறைய அளவுகளில் கிடைக்கும். ஒரு செங்கல் அளவு உள்ள பாக்கெட்டை வாங்கிளால் 3 செடிகள் வரை உங்களால் நட முடியும். இது வெறும் 30 ரூபாய் முதல் 45 ரூபாய் தான் செலவாகும்.

மண் புழு உரம்

மண் புழு உரம் முழுக்க முழுக்க செடிகளுக்குத் தேவையான ஊட்டச்சத்தைக் கொடுக்கும் என்பது என்பது உங்களுக்குத் தெரியும். செடிகள், உரங்கள் விற்கும் கடைகளில் இந்த மண்புழு உரங்கள் கிடைக்கின்றன. ஆனால் கிலோ 40 ரூபாய் அளவு வரை விற்கிறார்கள். ஆனால் நம்முடைய ஊர்களில் அரசாங்கத்தால் திடக்கழிவு மேலாண்மை திட்டம் செயல்படுத்தப்படுகிறது. குறிப்பாக 5 கிலோ மீட்டர் சுற்றளவுக்கு ஒரு அலுவலகம் கிராமப்புரங்களில் கூட இருக்கிறது. அங்கு சென்று வாங்கினால் மண்புழு உரம் உங்களுக்கு கிலோ பத்து ரூபாய்க்கு கூட கிடைக்கும்.

எப்படி தயார் செய்வது?

கொகோ பெட் பிரிக்கை (ஒரு செங்கல் அளவு) ஒரு பெரிய பௌல் எடுத்துக் கொண்டு அதில் 3 லிட்டர் அளவு தண்ணீர் ஊற்றி அதற்குள் போட்டு ஊற விடுங்கள். கிட்டதட்ட முக்கால் மணி நேரத்தில் முழுமையாக ஊறிவிடும். கிட்டதட்ட 3 கிலோ அளவுக்கு உங்களுக்கு உதிரியாகக் கிடைக்கும். அது முழுதும் ஊறியதும் சற்று உலர விடுங்கள்.

உரக்கலவை

லேசாக அந்த தண்ணீர் முழுக்க நார் உறிஞ்சிக் கொண்ட பின் அந்த தேங்காய் நார் எவ்வளவு இருக்கிறதோ அதே அளவுக்கு சரிக்கு நிகராக மண் புழு உரத்தையும் அதில் சேர்த்து நன்கு கலந்து விட வேண்டும். இரண்டும் ஒன்றோடு ஒன்று கேலந்த பின் தொட்டிகளில் நிரப்ப ஆரம்பிக்கலாம்.

ரோஜா செடி நடுவது எப்படி?

எந்த தொட்டியில் அல்லது பிளாஸ்டிக் டப்பாக்களில் செடி நடப்போகிறோமோ அதை எடுத்து இரண்டு கரண்டி அளவு இந்த மண்புழு உரம் மற்றும் தேங்காய் நார்க்கலவையை போடுங்கள். அதற்கடுத்து இரண்டு கைப்பிடி அளவுக்கு வெங்காயத்தோல் மற்றும் வீட்டில் இருந்த காய்கறிக் கழிவு சேருங்கள். நிறைய சேர்க்கக்கூடாது. செடி வெப்பமாகி பட்டுப் போய்விடும்.

பிறகு மீண்டும் மண்புழு உரம் மற்றும் தேங்காய் நார்க்கலவையை போட்டு அரை தொட்டி வரை நிரப்பி, அதில் வாங்கி வந்த ரோஜா செடியை வெளிப்புறத்தில் இருக்கும் பிளாஸ்டிக் பேப்ரை மெதுவாகக் கிழித்து விட்டு தொட்டியில் நடுங்கள். குறிப்பாக அற்த செடி இருக்கிற மண் கட்டியை உடைத்து விட்டு விடக்கூடாது. மீண்டும் மீதி உள்ள தொட்டி முழுவதும் தேங்காய் நார் கலவையைப் போட்டு நரப்பி தண்ணீர் தெளிக்க வேண்டும். அவ்வளவு தாங்க. பத்தே நாளில் இந்த செடி துளிர்த்து மொட்டு வைக்க ஆரம்பித்து விடும்.

ரோஜா செடியை பராமரிக்கும் முறை

தொட்டியில் என்பதால் அடிக்கடி தொட்டியை இடம் மாற்றி வைக்கக் கூடாது.

உச்சி வெயில் படும் இடங்களில் ரோஜா தொட்டியை வைக்கக்கூடாது.

தினமும் காலை, மாலை இரண்டு வேளை தண்ணீர் அவசியம் ஊற்ற வேண்டும். மதிய நேரத்தில் கட்டாயம் ஊற்றக்கூடாது.

அவ்வப்போது வெங்காயத் தோல், முட்டை ஓடு, டீ டிகாஷன் ஆகியவற்றை அளவாகப் போடுங்கள். இரண்டு வாரத்துக்கு ஒரு முறை சிறிதளவு மண்புழு உரத்தை தூவி விடலாம்.

பூக்கள் நிறைய பூக்க வேண்டும், நலல் அடர் நிறத்தில் இருக்க வேண்டும் என்று நினைத்தால், பீட்ரூட் தோல், வேகவைத்த உருளைக்கிழங்கு தோல் ஆகியவற்றையும், நல்ல நிறம் கிடைக்க தர்பூசணி தோலையும் சிறிது சிறிதாக வெட்டி செடியைச் சுற்றி போடுங்கள்.

பிறகு பாருங்கள். நீங்களே எதிர்பார்க்காத படி ஒவ்வொரு செடியும் ஒரு தோட்டம் போல பூத்துக் குலுங்கும்.

நமது அழகை எப்பொழுதுமே தூக்கலாக காட்டுவது நமது கூந்தல்தான். கூந்தல் மட்டும் அழகாக இல்லாமல் போனால் நம்மை அழகுபடுத்தி கொள்ள நாம் செய்யும் அனைத்து செயல்களுமே வீண்தான். இறையாய் காலகட்டத்தில் ஆண், பெண் இருவருக்குமே இருக்கும் மிகப்பெரிய பிரச்சினையே முடி உதிர்வுதான்

குறிப்பாக ஆண்களுக்கு இளம் வயதிலேயே வழுக்கை ஏற்பட்டு விடுகிறது. முடி உதிர்வையும், வழுக்கைத்தலையையும் நினைத்து பயப்படாத ஆண்களே இல்லை என்றுதான் கூறவேண்டும். இந்த பதிவில் வழுக்கை தலை விழுவதை தவிர்க்க சாப்பிட வேண்டிய பழங்கள் என்னென்ன என்று பார்க்கலாம்.

வழுக்கை ஏற்பட காரணம்

மனஅழுத்தம் மிக்க வாழ்க்கை முறை, ஆரோக்கியமற்ற உணவுப்பழக்கம் போன்றவைதான் முடி அதன் ஆரோக்கியத்தை இழப்பதற்கும், வழுக்கை விழுவதற்கும் காரணமாக கூறப்படுகிறது. சிலசமயம் நமது சுற்றுசூழலில் இருக்கும் மாசு கூட நமது முடி உதிர்விற்கு காரணமாக அமைகிறது. எதுவாக இருப்பினும் வழுக்கை விழுவதை தவிர்ப்பது இன்றைய தலைமுறையினரின் முதன்மையான இலட்சியமாக மாறிவிட்டது. உங்கள் முடிக்கு தேவையான ஊட்டச்சத்தை வழங்கி வழுக்கை விழுவதில் இருந்து உங்களை காப்பாற்றும் பழங்கள் என்னென்ன என்று மேற்கொண்டு பார்க்கலாம்.

ஸ்ட்ராபெர்ரி

கவர்ச்சிகரமான வடிவத்தை தாண்டி ஸ்டராபெர்ரி பல மருத்துவ குணங்களை தன்னுள் கொண்டுள்ளது. ஸ்டராபெர்ரி வழங்கும் பல முக்கியமான பலன்களில் ஒன்று முடியின் ஆரோக்கியத்தை அதிகரிப்பதாகும். இதில் அதிகளவு சிலிகா மற்றும் எல்லாஜிக் அமிலம் உள்ளது. இது முடியின் அடர்த்தியை அதிகரிப்பதுடன் முடி உதிர்வையும் கட்டுப்படுத்துகிறது.

கொய்யாப்பழம்

கொய்யாப்பழத்தில் ஆரஞ்சை விட அதிகளவு வைட்டமின் சி உள்ளது. இதனை தினமும் சாப்பிடுவது உங்களுக்கு அதன் அதிகபட்ச பலன்களை வழங்குகிறது. வைட்டமின் சி கொலாஜன் உற்பத்தியை ஊக்குவிக்கிறது, இதனால் உங்கள் முடியின் நெகிழ்வுத்தன்மை, வலிமை மற்றும் அமைப்பு என அனைத்தும் அதிகரிக்கிறது. இது உங்கள் முடியின் அளவை மேம்படுத்துவதன் மூலமும் ஆரோக்கியமான உச்சந்தலையை பராமரிப்பதன் மூலமும் முடி உதிர்வதைத் தடுக்கிறது.

கிவி

இனிப்பு மற்றும் புளிப்பு சுவை கொண்ட இந்த பழத்தை பெரும்பாலானோர் விரும்பி சாப்பிடுவதில்லை. கிவி பழத்தில் இருக்கும் ஊட்டச்சத்துக்கள் உங்கள் உச்சந்தலையை பாதுகாப்பதுடன் அங்கு இரத்த ஓட்டத்தை அதிகரிப்பதன் மூலம் வழுக்கை விழுவதை தடுக்கிறது. இதில் இருக்கும் ஜிங்க் முடி வளர்ச்சியை தூண்டுவதுடன் சேதமடைந்த திசுக்களை சரி செய்கிறது. இது எண்ணெய் சுரப்பிகளை பராமரிப்பதுடன் புதிய முடி துளைகளுக்கு தேவையான ஊட்டச்சத்தையும் வழங்குகிறது.

பப்பாளி

பப்பாளி பல மருத்துவ பலன்களை வழங்கக்கூடியது. இதில் அதிகளவு இருக்கும் அமினோ அமிலம், கொலாஜன், வைட்டமின் சி போன்றவை உங்கள் முடி துளைகளை பலப்படுத்துகிறது. இதில் இருக்கும் ஊட்டச்சத்துக்கள் ஆரோக்கியமான உச்சந்தலையை வழங்குகிறது. கொலாஜன் சேதமடைந்த திசுக்களை சரிசெய்யும் போது வைட்டமின் சி கொலாஜன் உற்பத்தியை அதிகரிக்கிறது. இதனால் உங்கள் முடி வளர்ச்சி அதிகரிக்கிறது.

பீச்

முடி உதிர்தல் தொடர்பான அனைத்து தயாரிப்புகளிலும் பீச் பழங்கள் நிச்சயம் இடம் பெற்றிருக்கும். அதற்கு காரணம் அதிலிருக்கும் மருத்துவ குணங்கள்தான். இது வறட்சியை தடுப்பதுடன் முடி வளர்ச்சிக்கு தேவையான எண்ணெய்களை உற்பத்தி செய்கிறது. இதன்மூலம் உச்சந்தையில் pH அளவை சரிசெய்வதன் மூலம் இது முடி வளர்ச்சியை ஊக்குவிக்கிறது.

தமிழக அமைச்சர்கள் 3 பேர் மீது நடவடிக்கை எடுக்க டெல்லி தயாராகிவிட்டதாம்.. இந்த நடவடிக்கைக்குப் பின்னர் அதிமுகவின் பொதுச்செயலாளராக துணை முதல்வர் ஓபிஎஸ்ஸை நியமிக்கவும் டெல்லி முடிவு செய்துள்ளதாக கூறப்படுகிறது.

அதிமுக மற்றும் தமிழக அரசு இரண்டுமே டெல்லியின் பிடியில் சிக்கியுள்ளன. லோக்சபா தேர்தல் தோல்வியை தொடர்ந்து முதல்வர் எடப்பாடி தரப்பு மீது கடும் அதிருப்தியில் இருக்கிறது டெல்லி.

அதிமுகவை தமது கட்டுப்பாட்டில் வைத்திருக்க எடப்பாடி தரப்பு முயற்சிப்பதை டெல்லி ரசிக்கவில்லை. இதனை டெல்லியில் சந்தித்த தமிழக அமைச்சர்களிடம் பாஜக மேலிடம் திட்டவட்டமாகவே தெரிவித்துவிட்டது.

டெல்லி விரைவில் நடவடிக்கை

தமிழக அமைச்சர்களின் ஊழல்கள் பட்டியலையும் டெல்லி தற்போது கையில் எடுத்திருக்கிறதாம். விரைவில் 3 அமைச்சர்களுக்கு எதிராக டெல்லி அதிரடி நடவடிக்கை எடுக்கு உள்ளதாம்.

பாஜகவின் வியூகம்

இந்த நடவடிக்கையானது முதல்வர் எடப்பாடி முகாமின் பலத்தை குறைப்பதற்கும், ஊழலுக்கு எதிராக தயவு தாட்சண்யம் பார்க்காமல் டெல்லி நடவடிக்கை எடுக்கிறது என்பதை வெளிப்படுத்தவுமாக பயன்படுத்த இருக்கிறதாம் பாஜக. அதேஜோரில் அதிமுகவில் ஒற்றைத் தலைமையை ஏற்படுத்தும் திட்டத்தையும் வைத்திருக்கிறதாம்.

ஒற்றைத் தலைமை

அதிமுகவின் பொதுச்செயலராக ஓபிஎஸ்ஸை நியமித்துவிட்டு ஒற்றைத் தலைமை- வலிமையான தலைமை என்பதை முன்னிறுத்த விரும்புகிறது பாஜக. அப்படி செய்தால் சிதறிப் போன அதிமுக தொண்டர்கள் மீதும் அதிமுகவுக்கே திரும்புவார்கள் என்பது அக்கட்சியின் கணக்கு.

முதல்வர் எடப்பாடிக்கு சிக்கல்?

அதேநேரத்தில் ஆட்சியில் முதல்வராக எடப்பாடி நீடித்தாலும் அவருக்கும் எந்த நேரத்திலும் நெருக்கடி வரலாம் என்கிற ஒரு சூழ்நிலையையும் உருவாக்கி வைப்பது என திட்டமிட்டிருக்கிறதாம் பாஜக. இதனால்தான் அதிமுக அரசு மீது விமர்சனங்களை பாஜக காட்டமாக வைத்தாலும் அதிமுகவை காப்பாற்றுவதில் படுமுனைப்பாகவும் இருக்கிறது என சுட்டிக்காட்டப்படுகிறது.

இந்திய அணி புதிய காவி ஜெர்சியோடு இன்று விளையாடும் போட்டிக்கு பின் முக்கியமான விஷயம் ஒன்றும் இருக்கிறது. வெறும் ஹோம் அவே ஜெர்சியாக மட்டும் இந்தியா இதை பயன்படுத்தவில்லை என்பது குறிப்பிடத்தக்கது. இந்த போட்டியே மிகவும் வித்தியாசமாக இருக்க போகிறது என்பது குறிப்பிட போகிறது.

இன்று உலகக் கோப்பை லீக் ஆட்டத்தில் இந்தியா இங்கிலாந்து அணிகளுக்கு இடையில் கிரிக்கெட் போட்டி நடைபெறுகிறது. இரண்டு அணிகளுக்கு இடையில் இன்று நடக்கும் போட்டியில் வெற்றிபெறவேண்டிய கட்டாயத்தில் இங்கிலாந்து இருக்கிறது.

இன்று வென்றால்தான் இங்கிலாந்து அணியால் உலகக் கோப்பை செமி பைனலுக்கு செல்ல முடியும். அதே சமயம் இன்று நடக்கும் போட்டியில் வேறு ஒரு முக்கியமான விஷயமும் உள்ளது.

என்ன போட்டி

இன்று நடக்கும் போட்டியை இந்தியா இங்கிலாந்து அணிகள் குழந்தைகளின் நலனுக்காக விளையாடுகிறது. ஐசிசி மற்றும் யுனிசெப் இணைந்து இந்த போட்டியை குழந்தைகளின் நலனுக்காக அர்பணிக்கிறது. இதனால் இன்று நடக்கும் போட்டிக்கு #OneDay4Children என்று பெயர் வைக்கப்பட்டுள்ளது. இதில் பல சுவாரசியமான சம்பவம் நடக்க உள்ளது.

என்ன பணிகள்

இன்று நடக்கும் போட்டிக்கும் முன்பும், பின்பும் இருக்கும் பல பணிகளை பெரியவர்களுடன் சேர்ந்து குழந்தைகளும் செய்ய இருக்கிறார்கள். அதாவது இன்று குழந்தைகள் மைதானத்தில் வேலை செய்வார்கள். கமெண்ட்ரி செய்வார்கள். அதேபோல் வீரர்களை பேட்டி எடுப்பார்கள். கேமரா மேனுக்கு உதவுவார்கள். இப்படி ஒரு கிரிக்கெட் போட்டிக்கு பின் நடக்கும் பணிகளை எல்லாம் இவர்கள் இன்று செய்ய போகிறார்கள்.

ஆர்வம்

கிரிக்கெட்டில் ஆர்வம் உள்ள குழந்தைகள் எல்லாம் இதை இன்று செய்ய போகிறார்கள். இதற்கான வீடியோ ஒன்றை இப்போதே ஐசிசி வெளியிட்டு இருக்கிறது. இதனால்தான் இதற்கு #OneDay4Children என்று பெயர் வைக்கப்பட்டுள்ளது. முழுக்க முழுக்க குழந்தைகளை வைத்து, அவர்களை மையப்படுத்தி இன்று போட்டி நடக்கிறது.

உடை

இந்த போட்டியில்தான் இந்திய அணி வீரர்கள் புதிய காவி உடையுடன் ஆட இருக்கிறார்கள் என்பது கூடுதல் சிறப்பு. அதேபோல் இன்று நடக்கும் போட்டியில் வரும் வருமானத்தை பிசிசிஐ யுனிசெப் அமைப்பிற்கு அளிக்க உள்ளது. இங்கிலாந்து அணியும் தங்கள் வருமானத்தை யுனிசெப் அமைப்பிற்கு அளிக்க உள்ளது. இந்த பணம் குழந்தைகளின் கல்விக்கு பயன்படுத்தப்பட உள்ளது குறிப்பிடத்தக்கது.

புதிய கார் வாங்கும்போது இந்தியர்கள் அதிகம் கவனிக்கும் விஷயம் மைலேஜ். மைலேஜை வாரி வழங்கும் கார்களுக்குதான் இந்தியர்கள் முக்கியத்துவம் கொடுப்பார்கள் என்ற விஷயம் உலகிற்கே தெரிந்ததுதான். எனவே பல்வேறு முன்னணி நிறுவனங்களும் இந்திய மார்க்கெட்டிற்கு ஏற்றவாறு எரிபொருள் சிக்கனத்தில் தலைசிறந்து விளங்கும் கார்களை இங்கு விற்பனை செய்து வருகின்றன.

ஆனால் எரிபொருள் சிக்கனம் தொடர்பாக இந்தியர்களுக்கு போதிய விழிப்புணர்வு இருக்கிறதா? என கேள்வி எழுப்பினால், பெரும்பாலானோருக்கு இல்லை என்பதுதான் உண்மை. எரிபொருள் சிக்கனம் தொடர்பான பல விஷயங்களை நம்மில் பலரும் தவறாக புரிந்து கொண்டிருக்கிறோம். அவற்றை சரியாக புரிந்து கொண்டு செயல்பட்டால், உங்கள் காரில் இருந்து சிறப்பான மைலேஜை பெறலாம்.
இந்த கட்டுக்கதைகளை நம்புவதால்தான் உங்கள் வாகனம் மைலேஜை வாரி வழங்குவதில்லை... உண்மை இதுதான்

இன்ஜினை ஐட்லிங்கில் விட்டால் மைலேஜ் பாதிக்குமா?

இன்ஜினை நீண்ட நேரம் ஐட்லிங்கில் (Idling) விட்டாலும் மைலேஜ் பாதிக்காது என பலர் நினைத்து கொண்டிருக்கின்றனர். அது உண்மை எனவும் நம்புகின்றனர். ஆனால் இது தவறு. இன்ஜின் ஐட்லிங்கில் இருந்தாலும் கூட எரிபொருளை எரித்து கொண்டேதான் இருக்கும். எனினும் கார் வேகமாக ஓடி கொண்டிருப்பதை காட்டிலும் இந்த சமயத்தில் எரிபொருள் நுகர்வு சற்று குறைவாக இருக்கும்.
இந்த கட்டுக்கதைகளை நம்புவதால்தான் உங்கள் வாகனம் மைலேஜை வாரி வழங்குவதில்லை... உண்மை இதுதான்

எனவே ஐட்லிங்கில் விடுவதை விட இன்ஜினை ஆஃப் செய்வதே சிறந்தது. இதன்மூலம் அதிக எரிபொருளை மிச்சம் பிடிக்கலாம். இருந்தபோதும் ஓரிடத்தில் நீங்கள் 15 வினாடிகளுக்கு உள்ளாக மட்டுமே காத்திருக்க வேண்டியதாகிறது என்றால், இன்ஜினை ஆஃப் செய்ய வேண்டியதில்லை. ஆனால் ஒரு இடத்தில் நீங்கள் 15-20 வினாடிகளுக்கும் மேலாக நிற்க வேண்டியுள்ளது என்றால், இன்ஜினை ஆஃப் செய்து விடுங்கள்.

க்ரூஸ் கண்ட்ரோலுக்கும், மைலேஜிற்கும் தொடர்பு உள்ளதா?

க்ரூஸ் கண்ட்ரோல் என்பது கார்களில் வழங்கப்படும் ஒரு வசதி மட்டும்தான். அதற்கும் மைலேஜிற்கும் எவ்விதமான தொடர்பும் இல்லை என பலர் நினைக்கின்றனர். ஆனால் அது தவறு. உண்மையில் க்ரூஸ் கண்ட்ரோல் காரின் மைலேஜை அதிகரிக்கிறது. கார் ஒரே சீரான வேகத்தில் பயணம் செய்ய க்ரூஸ் கண்ட்ரோல் வசதி உதவி செய்கிறது.
இந்த கட்டுக்கதைகளை நம்புவதால்தான் உங்கள் வாகனம் மைலேஜை வாரி வழங்குவதில்லை... உண்மை இதுதான்

க்ரூஸ் கண்ட்ரோல் வசதியை பயன்படுத்தினால் லாங் டிரிப்களை எளிதாக மேற்கொள்ள முடியும். க்ரூஸ் கண்ட்ரோல் வசதியை நீங்கள் பயன்படுத்தும்போது, தேவையில்லாத ஆக்ஸலரேஷன் மூலம் இன்ஜின் எரிபொருளை வீணாக்குவது முற்றிலுமாக தவிர்க்கப்படும். இதன் விளைவாக உங்கள் காரின் மைலேஜ் அதிகரிக்கும்.
இந்த கட்டுக்கதைகளை நம்புவதால்தான் உங்கள் வாகனம் மைலேஜை வாரி வழங்குவதில்லை... உண்மை இதுதான்

எடைக்கும், எரிபொருள் சிக்கனத்திற்கும் தொடர்பு உள்ளதா?

க்ரூஸ் கண்ட்ரோலுக்கும், மைலேஜிற்கும் தொடர்பு இல்லை என்பதை போல், எடைக்கும், மைலேஜிற்கும் தொடர்பு இல்லை எனவும் கூட சிலர் நம்புகின்றனர். ஆனால் இதுவும் தவறுதான். எடைக்கும், மைலேஜிற்கும் நெருங்கிய தொடர்பு உள்ளது. காரில் எடை குறைவாக இருந்தால், இன்ஜினிற்கான வேலையும் குறைவாகதான் இருக்கும்.

அதாவது எடை குறைவாக இருக்கும் சமயத்தில், கார் 'மூவ்' ஆக இன்ஜின் குறைவான எரிபொருளை மட்டுமே நுகரும். இதன் மூலம் உங்கள் கார் நல்ல மைலேஜை வழங்கும். எனவே காரில் தேவையில்லாமல் எடையை திணிக்காதீர்கள். உங்கள் காரின் பூட்டில் அதிக எடையுடைய பொருட்கள் தேவையில்லாமல் இருந்தால், அவற்றை உடனடியாக அப்புறப்படுத்தி விடுங்கள்.
இந்த கட்டுக்கதைகளை நம்புவதால்தான் உங்கள் வாகனம் மைலேஜை வாரி வழங்குவதில்லை... உண்மை இதுதான்

எந்த பெட்ரோல் பங்க்கில் வேண்டுமானாலும் எரிபொருள் நிரப்பலாமா?

''அனைத்து இடங்களிலும் ஒரே மாதிரியான எரிபொருள்தான் விற்பனை செய்யப்படுகிறது. எனவே எங்கே நிரப்புகிறோம் என்பதெல்லாம் ஒரு விஷயமே அல்ல'' என பலர் நினைக்கின்றனர். இந்தியாவில் பொதுவாக பலருக்கும் இருக்கும் ஒரு தவறான எண்ணம் இது. பெட்ரோல் பங்க்கின் நிறுவனம் ஒன்றாக இருந்தாலும் கூட, அவை வெவ்வேறு நபர்களால், வெவ்வேறு இடங்களில் நடத்தப்படுகின்றன.

இதில், ஒரு சில பெட்ரோல் பங்க் உரிமையாளர்கள் எரிபொருளில் கலப்படம் போன்ற முறைகேடுகளில் ஈடுபடுகின்றனர். இன்னும் ஒரு சில பெட்ரோல் பங்க்குகளில் டிஸ்ப்ளேவில் நீங்கள் பார்க்கும் அளவை விட உங்களுக்கு குறைவான எரிபொருள் மட்டுமே வினியோகம் செய்யப்பட்டிருக்கும். இதுபோன்று பெட்ரோல் பங்க்குகளில் பல்வேறு முறைகேடுகள் அரங்கேற்றப்படுகின்றன.
இந்த கட்டுக்கதைகளை நம்புவதால்தான் உங்கள் வாகனம் மைலேஜை வாரி வழங்குவதில்லை... உண்மை இதுதான்

எனவே உங்கள் காரின் மைலேஜ் குறைந்தால், அது நீங்கள் உங்கள் பெட்ரோல் பங்க்கை மாற்றியாக வேண்டிய நேரம் என்பதன் அறிகுறியாக கூட இருக்கலாம். இதுபோன்ற பிரச்னைகளை தவிர்க்க உங்களுக்கு சௌகரியமான அதே சமயம் தரமான மற்றும் சரியான அளவில் எரிபொருளை வினியோகம் செய்யும் பெட்ரோல் பங்க்கை கண்டறியுங்கள். அங்கு எரிபொருள் நிரப்புவதை கடைபிடிக்கலாம்.

பிரேக்கிங்கிற்கும், மைலேஜிற்கும் தொடர்பு உள்ளதா?

பிரேக்கிங்கிற்கும், மைலேஜிற்கும் தொடர்பு இல்லை என பலர் நினைக்கின்றனர். ஆனால் இதுவும் தவறு. காரின் வேகத்தை குறைக்க வேண்டும் அல்லது காரை நிறுத்த வேண்டும் என்பதற்காகவே பிரேக் பிடிக்கப்படுகிறது. ஆனால் ஒரு சிலருக்கு தேவையில்லாமல் தொடர்ந்து பிரேக்குகளை பயன்படுத்தும் பழக்கம் இருக்கிறது.
இந்த கட்டுக்கதைகளை நம்புவதால்தான் உங்கள் வாகனம் மைலேஜை வாரி வழங்குவதில்லை... உண்மை இதுதான்

தேவையில்லாமல் பிரேக்குகளை பயன்படுத்தினால், பிரேக் பேடுகள் (Brake Pads) சேதம் அடையும் என்பதுடன், மைலேஜ் குறைந்து விடும் என்பதை நினைவில் கொள்ளுங்கள். நீங்கள் ஒவ்வொரு முறை பிரேக் பிடிக்கும்போதும் காரின் வேகம் குறைகிறது. இதன்பின் மீண்டும் நீங்கள் ஆக்ஸலரேட்டரை மிதிக்கும்போது, மறுபடியும் வேகம் எடுக்க இன்ஜின் கடினமாக வேலை செய்ய வேண்டியதாகிறது.

இதன் காரணமாக மைலேஜ் குறையலாம். எனவே தேவைப்படும் நேரங்களில் மட்டும் பிரேக்குகளை பயன்படுத்துங்கள். முன்னதாக ஒரு சிலர் வாகனத்தின் மைலேஜ் தொடர்பாக தாங்கள் கேள்விப்பட்ட கட்டுக்கதைகளை மற்றவர்களுக்கும் உபதேசம் செய்கின்றனர். அவர்களும் அதனை ஆராயாமல் அப்படியே நம்புகின்றனர். இதுபோன்ற தகவல்களை எல்லாம் ஆராய்ந்து செயல்பட்டால், உங்கள் வாகனம் சிறப்பான வழங்குவது உறுதி.

நமது உடலின் வலிமையான இடங்களில் ஒன்று நகங்களாகும். அதேசமயம் நமது உடலுக்கும் பாக்டீரியாக்கள் நுழைய பெரும்பாலும் நுழைவாயிலாக இருப்பது நகம்தான். எனவே நகங்களை சுத்தமாகவும், அழகாகவும் வைத்துக்கொள்ள வேண்டியது அவசியமாகும்.

நகங்களை வெட்டுவது ஆரோக்கியமான மற்றும் சுகாதாரமான பழக்கமாகும். நகங்கள் மற்றும் விரல்களுக்கு இடையில் உள்ள இடத்தில் அழுக்கு மற்றும் கிருமிகள் குவிவதைத் தடுக்க இது உதவுகிறது. ஏனெனில் இதனால் நாம் சாப்பிடும் உணவில் இவை கலந்துவிடும் வாய்ப்புள்ளது. மாலை நேரத்தில் நகம் வெட்டக்கூடாது என்பது பல நூற்றாண்டுகளாக இருக்கும் ஒரு நம்பிக்கையாகும். இதற்கான காரணங்கள் என்னென்ன என்று இந்த பதிவில் பார்க்கலாம்.

இது மூடநம்பிக்கையா?

இது புராணகாலங்களில் இருந்து வரும் ஒரு நம்பிக்கையாகும். ஒவ்வொரு கலாச்சாரத்திலும் இப்படிப்பட்ட பல மூடநம்பிக்கைகள் இருக்கிறது. ஆனால் இவை அனைத்தையும் மூடநம்பிக்கை என்று ஒதுக்கி விடமுடியாது. ஏனெனில் நமது முன்னோர்கள் ஒவ்வொரு நம்பிக்கைக்கு பின்னாலும் காரணத்தை வைத்தே நம்மிடம் கொடுத்துள்ளனர். நகம் வெட்டுவதற்கு பின்னால் இருக்கும் அறிவியல்ரீதியான காரணங்கள் என்ன என்று மேற்கொண்டு பார்க்கலாம்.

காரணம் 1

கடந்த காலங்களில் மின்சாரம் இல்லை. அந்த காலத்தில் இருளானது இப்போதிருப்பதை விட அதிக இருளாக இருந்தது. மாலை நேரத்தில் நகம் வெட்டும் போது அது கீழே விழும் சிறிய சிறிய நகத்துகள்களை அப்புறப்படுத்துவது மிகவும் கடினமானதாகும். இந்த நகங்கள் உங்கள் ஆரோக்கியத்திற்கு ஏற்றதல்ல மேலும் இது ஒருவேளை உணவில் கலந்து விட்டால் அதனால் பல அலர்ஜிகள் ஏற்பட வாய்ப்புள்ளது.

காரணம் 2

அந்த காலத்தில் நகவெட்டிகள் இல்லை. கத்திகளை கொண்டே நகங்களை ஒழுங்குபடுத்திக் கொண்டிருந்தார்கள். இருள் நேரத்தில் கத்தியை கொண்டு நகம் வெட்டும்போது அதனால் காயங்களோ அல்லது இரத்தப்போக்கோ ஏற்பட வாய்ப்புள்ளது. மருத்துவ வசதி அதிகமில்லா அந்த காலத்தில் மருத்துவ உதவி பெறுவது மிகவும் கடினமாகும். அதனாலேயே நகம் வெட்டுவதை மாலை நேரத்தில் தவிர்க்கப்பட்டது.

காரணம் 3

இதற்கு பின்னால் சில மத காரணங்களும் உள்ளது. மாலை நேரம்தான் லக்ஷ்மி தேவி நமது வீட்டிற்கு வரும் நேரமாகும். இரவு நேரத்தில் லக்ஷ்மி தேவி நமது இல்லத்தில் தங்கி நமக்கு செல்வத்தை ஆசீர்வாதமாக வழங்குகிறார் என்பது நம்பிக்கையாகும். எனவே இந்த நேரத்தில் கழிவுகளை அப்புறப்படுத்துவது, பணம் கொடுப்பது, நகம் வெட்டுவது போன்ற செயல்களை செய்யக்கூடாது. இது லக்ஷ்மி தேவியை அவமதிக்கும் செயலாகும்.

காரணம் 4

ஒருவருக்கு செய்வினை வைப்பதற்கு அவர்களின் உடைந்த நகங்களே போதுமானது. எனவே மாலை நேரத்தில் உங்கள் நகங்கள் கீழே விழும்போது தீய சக்திகள் அதன் மூலம் உங்களை தாக்கலாம். அதேசமயம் நம்மை விரும்பாதவர்கள் கையில் இது கிடைத்தால் அவர்கள் அதனை நமக்கு எதிராக பயன்படுத்த வாய்ப்புள்ளது. இதனால்தான் நகத்தை மாலை நேரத்தில் வெட்டக்கூடாது என்று நம் முன்னோர்கள் கூறியிருக்கிறார்கள்.

செய்ய வேண்டியது

இந்த காலகட்டத்தில் நமக்கு மின்சார வசதிகள் இருந்தாலும் மாலை நேரத்தில் நகம் வெட்டுவதை தவிர்ப்பது நல்லது. ஏனெனில் மாலை நேரத்தில் நம்மை கடவுள் ஆசீர்வதிப்பார் என்பது பரவலாக இருக்கும் நம்பிக்கையாகும். லக்ஷ்மி தேவியின் அருளை பெறுவதர்காகவாவது நகத்தை மாலை நேரத்தில் வெட்டாதீர்கள்.

எவ்வளவு பெரிய தடை வந்தாலும் போராடி வெல்வேன் என நடிகை அமலா பால் தெரிவித்துள்ளார்.

ஆடை படத்தின் பர்ஸ்ட்லுக் வெளியானதில் இருந்தே சர்ச்சையில் சிக்கி வருகிறார் அமலா பால். டீசர் வெளியானதில் இருந்து அவரது நிர்வாணக் காட்சிகள் பற்றிய சமூக வலைதளங்களில் ஒரு ஆராய்ச்சியே நடந்தது.

விஜய் சேதுபதியின் படத்தில் இருந்து தூக்கி எறியப்பட்டார் அமலா பால். நிர்வாணமாக நடித்ததாலேயே தன்னை நீக்கியதாக அவர் கூறினார்.

    I’ll fight
    I’ll survive
    let obstacles come,big or small
    I’ll shine I’ll stand tall
    crush them to bits&blow away the dust
    my strength is the only thing i trust
    for freedom&happiness combined i thrive
    cos if u have will,then no one can fail
    well this is just me,its my tale #Aadai pic.twitter.com/Z42Fvs8rUX
    — Amala Paul ⭐️ (@Amala_ams) June 29, 2019

அமலாபால் டிவீட்:

இந்நிலையில் தனது மனவலிமையை மற்றவர்களுக்கு தெரியப்படுத்தும் வகையிலான டிவீட் ஒன்றை வெளியிட்டுள்ளார் அமலா பால். எவ்வளவு பெரிய தடைகள் வந்தாலும் போராடி வெல்வேன் என அதில் அவர் கூறியுள்ளார்.

இது தான் நான்:

டிவீட்டில் அவர், "நான் சண்டை போடுவேன். வாழ்வேன். பெரியதோ, சிறியதோ தடைகள் வரட்டும். நான் ஜொலிப்பேன். உயரத்தில் நிற்பேன். பிரச்சினைகளை பொடிப்பொடியாக்கி, ஊதித் தள்ளுவேன். எனது வலிமையை தான் நான் நம்புகிறேன். சுதந்திரமும், சந்தோஷமும் தான் முக்கியது. உங்களுக்கு தன்னம்பிக்கை இருந்தால் நீங்கள் தோற்க மாட்டீர்கள். இது தான் நான். இது தான் எனது 'ஆடை'யின் கதை", என குறிப்பிட்டுள்ளார்.

ஆடை ரிலீஸ்:

அமலா பால் நடித்த ஆடை திரைப்படம் வரும் 19ம் தேதி ரிலீசாகிறத. இதையொட்டியே அவர் இவ்வாறு பதிவிட்டுள்ளார். அமலா பாலுக்கு தொடர்ச்சியாக நடக்கும் நிகழ்வுகளை வைத்து பார்க்கும் போது, தனது மனவலிமையை மற்றவர்களுக்கு உணர்த்தவே இவ்வாறு பதிவிட்டுள்ளார் என்பதை புரிந்துகொள்ள முடியும்.

முன்னாள் கணவர்:

மேலும், அமலா பாலின் முன்னாள் கணவர் இயக்குனர் ஏ.எல்.விஜய்க்கு அடுத்த மாதம் திருமணம் நடக்க இருக்கிறது. இதனால் கூட அவர் இந்த டிவீட்டை பதிவிட்டுள்ளார் என்றும் சமூக வலைதளங்களில் பகிர்ந்து வருகின்றனர்.

 நீதா அம்பானி (Nita ambani) தற்போது ரிலையன்ஸ் நிறுவனத்தில் ஒரு Non Executive இயக்குநராக இருக்கிறார். அதோடு மும்பையில் இருக்கும் திருபாய் அம்பானி சர்வதேச பள்ளியின் தலைவராகவும் இருந்து நடத்தி வருகிறார்.

அவ்வளவு ஏன், வணிகம் மற்றும் பொருளாதாரம் படித்த நீதா அம்பானி தான், இந்தியாவில் இருந்து சர்வதேச ஒலிம்பிக் கமிட்டிக்கு தேர்ந்தெடுக்கப்பட்டு முதல் இந்தியப் பெண் உறுப்பினர். இத்தனை வேலைக்கு மத்தியில் தான் மும்பை இந்தியன்ஸ் டீமை நடத்துவது, வீட்டை நிர்வகிப்பது எல்லாம் நடந்து கொண்டிருக்கிறது. சரி விஷயத்துக்கு வருவோம். அது மட்டுமின்றி ரிலையன்ஸ் அமைப்பின் (Reliance foundation) தலைவரும் நீதா அம்பானி தான்.

இந்த 200-க்கும் மேற்பட்ட வைரக் கற்கள் பதித்த Hermès Himalaya Birkin bag உடன் கொடுத்திருக்கும் போஸ் தான் தற்போதைய சோஷியல் மீடியா வைரல். இந்த ஒரு கைப் பையின் விலை 2.6 கோடி ரூபாயாம்.

இன்ஸ்டாகிராமில் பாலிவுட் நடிகை கரிஸ்மா கபூர் ஒரு புகைப்படத்தை வெளியிட்டிருக்கிறார். அந்த படத்தில் பாலிவுட் நடிகை கரீனா கபூர், கரிஸ்மா கபூர், உடன் நீதா அம்பானி, அந்த 2.6 கோடி ரூபாய் மதிப்பிலான கைப்பையை அசால்டாக மாட்டிக் கொண்டு போஸ் கொடுக்கிறார்.

Hermès Himalaya Birkin bag தான் கைப்பைகளின் அரசன் எனச் சொல்லலாம் என்கிறது உலகின் முன்னனி ஏல நிறுவனங்களில் ஒன்றான க்றிஸ்டீஸ். அதோடு இந்த விலை உயர்ந்த கைப்பைகளை நைல் நதிகளில் இருக்கும் முதலைகளின் தோலில் இருந்து பதப்படுத்தி செய்திருக்கிறார்களாம். ஹிமாலயா என்பது இவர்கள் கைப்பைகளின் வண்ணத்தை குறிப்பதாம்.

கடந்த 2017-ம் ஆண்டில், விலை உயர்ந்த கலை பொருட்கள் மற்றும் அரிய பொருட்களை ஏலம் விட்டுக் கொடுக்கும் உலகின் முன்னனி ஏல நிறுவனங்களில் ஒன்றான க்றிஸ்டீஸ் ஒரு Hermès Himalaya Birkin bag-ஐ ஏலம் விட்டுக் கொடுத்தார்கள். அந்த கைப்பை சுமார் 3.79 லட்சம் டாலர் விலை போனதாம். இதுவரை க்றிஸ்டீஸ் நிறுவனம் ஏலம் விட்டுக் கொடுத்த பைகளிலேயே அதிக விலை போன பை இந்த Hermès Himalaya Birkin bag தான் என அதன் அருமை பெருமைகளைச் சொல்கிறார்கள்.

சரி அப்படி இந்த கைப்பையில் என்ன தான் இருக்கிறது எனப் பார்த்தால் எல்லாம் தங்கம் வைரம் தான். இந்த ஒரு குட்டி கைப்பையில் 240 வைரக் கற்கள் மற்றும் 18 கேரட் தங்கம் என ஒரு மினி நகைக் கடையையே நீதா மேடம் கையில் எடுத்துச் சென்று கொண்டிருக்கிறாராம்

தமிழகத்தில் நிலவும் தண்ணீர் பிரச்சனையை தீர்க்க நடிகர் ரஜினிகாந்த் அரசுக்கு யோசனை கூறியுள்ளார்.

தமிழகத்தில் முன் எப்போதும் இல்லாத அளவுக்கு கடுமையான தண்ணீர் தட்டுப்பாடு நிலவி வருகிறது. இதனால் மக்கள் பெரும் அவதிக்கு ஆளாகியுள்ளனர்.

தண்ணீர் பிரச்சனையை தவிர்க்க தமிழக அரசும் பல்வேறு நடவடிக்கைகளை மேற்கொண்டு வருகிறது. இந்நிலையில் தண்ணீர் பிரச்சனையை தவிர்க்க நடிகர் ரஜினிகாந்த் யோசனை கூறியுள்ளார்.

ரசிகர்களுக்கு பாராட்டு

சென்னை விமான நிலையத்தில் நடிகர் ரஜினிகாந்த் செய்தியாளர்களை சந்தித்தார். அப்போது அவர் பேசியதாவது, குடிநீர் பிரச்சினையில் தவிக்கும் மக்களுக்கு தண்ணீர் வழங்கும் பணியில் ஈடுபட்டு உள்ள ரசிகர்களை மனமார்ந்து பாராட்டுகிறேன். ரசிகர்களுக்கு என்னுடைய வாழ்த்துகள்.

தெரிய தொடங்கியிருக்கிறது

ரசிகர்கள் செய்வது மிகவும் நல்ல விஷயம். இதுபோன்ற நல்ல வேலைகளை முதலில் இருந்து செய்து வருகிறோம். இப்போதுதான் எல்லோருக்கும் தெரிய தொடங்கியிருக்கிறது.

நீர்நிலைகளை தூர் வாரவேண்டும்

குடிநீர் பிரச்சினையை தீர்க்க மழைநீரை சேகரிக்க வேண்டும். உடனடியாக ஏரி, குளங்களை தூர்வாரவேண்டும். மழைக்கு முன்பு அவற்றை சரிசெய்து வைத்து மழைநீரை சேமிக்கவேண்டும்.

நதிநீர் இணைப்பு

பாஜக அரசு இப்போதுதான் பொறுப்பேற்று உள்ளது. நதிநீர் இணைப்புகளை நிச்சயமாக செய்வார்கள்.

வாக்களிக்காதது வருத்தம்

நடிகர் சங்க தேர்தலில் வாக்குசீட்டு உரிய நேரத்தில் எனக்கு கிடைக்கவில்லை. வாக்களிக்காதது எனக்கு வருத்தமாகதான் உள்ளது. இவ்வாறு நடிகர் ரஜினிகாந்த் பேசினார்.

எமனாக மாறிய கூகுள் மேப்! ஒரே நேரத்தில் சேற்றில் சிக்கிய 100 கார்கள்!!
அமெரிக்காவில் கூகுள் மேப் காட்டிய பாதையில் சென்றதால், ஒரே நேரத்தில் 100 கார்கள் சேற்றில் சிக்கிய சம்பவம் அரங்கேறியுள்ளது.

அமெரிக்காவில் உள்ள கொலரேடோ மாகாணத்தில் கோன்னீ என்பவர் கூகுள் மேப் பயன்படுத்தி அங்குள்ள ஏர்போர்ட்டுக்கு காரில் சென்று கொண்டிருந்தார். அப்போது கூகுள் மேப்பில், விமான நிலையத்துக்கு மாற்றுப் பாதையில் செல்லாம் என்பது போல வேறொரு பாதையை காட்டியது. மேலும், இந்த மாற்று பாதையில் சென்றால், 20 நிமிடங்கள் சீக்கரமாக ஏர்போர்ட்டுக்கு சென்று விடலாம் என்று காண்பித்துள்ளது. இதை நம்பி கொன்னீ மாற்றுப் பாதையில் சென்றுள்ளார்.

ஆனால், கூகுள் மேப் காட்டிய பாதை சேறும் சகதியும் நிரம்பிய ஒரு பொது வெளியில் சென்று முடிந்தது. இதனால், கொன்னீயின் கார் சகதியில் மாட்டிக் கொண்டது. இதே போல், சுமார் 100க்கும் மேற்பட்ட கார்கள் அதே சகதி வழியில் மாட்டிக் கொண்டு நின்றுள்ளது.

ஒரே நேரத்தில் நூற்றுக்கும் மேற்பட்ட கார்கள் சகதியில் மாட்டிக் கொண்டமையால், திரும்புவதற்கு கூட வழியில்லாமல் திக்கு முக்காடி போனது. மேலும், குறித்த நேரத்தில் விமான நிலையத்துக்குச் செல்ல முடியாமல் பலர் தவித்தனர். தொழில்நுட்பக் கோளாறு காரணமாக கூகுள் மேப்பில் ஏற்பட்டதாக கூகுள் தரப்பில் இருந்து விளக்கமும் மன்னிப்பும் தெரிவிக்கப்பட்டது.

நாம் அனைவரும் வியப்பாக தற்போது பார்த்து வரும் கோயில்களில் ஒன்றாக மாறி உள்ளது காஞ்சிபுரம் ஸ்ரீ வரதராஜ பெருமாள் திருக்கோயில். இங்குள்ள அத்தி வரதராஜ பெருமாளை பிரம்ம தேவர் உருவாக்கினார். அவர் தற்போது திருக்குளத்தில் வாசம் செய்வதுடன், 40 ஆண்டுகளுக்கு ஒருமுறை எடுத்து ஒரு மண்டலம் பூஜை செய்து மீண்டும் குளத்தில் வைக்கப்படுவது வழக்கமாக வைக்கப்பட்டுள்ளது.

ஸ்ரீ வரதராஜ பெருமாள் திருக்கோயில் மூலவராக இருக்கும் வரதராஜ பெருமாள் என்று சொல்லப்பட்டாலும், உண்மையில் இவர் பழைய சீவிரம் பகுதியில் இருந்து கொண்டு வரப்பட்ட தேவராஜ பெருமாள் என கூறப்படுகின்றது.

புராண கதை:

ஸ்ரீரங்கம், திருப்பதி ஆகியவற்றிற்கெல்லாம் முந்தைய மிகப் பழமையான வரலாறு கொண்டது காஞ்சிபுரம் ஸ்ரீ வரதராஜ பெருமாள் திருக்கோயில் வரலாறு.

ஆதியில் ஸ்ருஷ்டியை மேற்கொண்ட பிரம்ம தேவன் தனது காரியங்கள் செவ்வனே நடைப்பெற ஒரு யாகம் மேற்கொண்டார். யாகத்திற்கு சரஸ்வதி தேவியை அழைக்காததால், துனைவி இல்லாமல் யாகத்தை பூர்த்தி செய்ய முடியாது என்பதால் காயத்திரி, சாவித்திரியை வைத்து யாகத்தை முடிக்க எண்ணினார். தன்னை அழைக்காமல் யாகம் செய்த பிரம்மர் தேவர் மீது கோபம் கொண்ட சரஸ்வதி தேவி, பிரம்மனின் யாகத்தை அழிக்க வேகவதி ஆறாக உருமாறி யாகத்தை நோக்கி வந்தாள்.

பிரம்ம தேவனின் யாகத்தை காப்பாற்றும் பொருட்டு பெருமாள், சயனம் கொண்டு நதியை தடுத்து பிரம்மனின் யாகத்தை காப்பாற்றினார்.


யாகத்தை காப்பாற்றிய திருமாளிடம் தேவர்கள் உள்ளிட்டோர் வரங்கள் கேட்டனர். அவர்கள் கேட்ட வரத்தை எல்லாம் வாரி வழங்கியதால் இங்குள்ள பெருமாளுக்கு வரதர் என்று பெயர் வந்தது.

சித்திரை மாதம், திருவோண நட்சத்திரத்தில், பிரம்மன், தேவர்களுக்கு புண்ணியகோடி கோலத்தில் அதாவது சங்கு, சக்கரம், கதை தாங்கிய கோலத்தில் பெருமாள் காட்சி அளித்ததார்.

அப்படி புண்ணியகோடி கோலத்தில் காட்சி அளித்த வரதராஜ பெருமாளை பிரம்ம தேவர் அத்தி மரத்தில் வடித்து வழிபட்டார்.

அத்தி வரதர் ஏன் குளத்தில் இருக்கிறார்?
மீண்டும் ஒரு யாகத்தை நடத்திய பிரம்ம தேவர், அத்திமரத்தால் ஆன வரத ராஜ பெருமாளை முன்னிருத்தி யாகத்தை நடத்தினார்.

அப்போது யாகத்தின் நெருப்பு பெருமாள் சிலையை பாதித்தது. இதனால் செய்வதறியாமல் தவித்த பிரம்ம தேவன், நான் என்ன செய்வது என பெருமாளை வேண்டினார்.

பெருமாளின் யோசனையின் படி, தன்னை குளிர் விக்க கோயிலின் சரஸ் குளத்திற்கு நடுவில் உள்ள மண்டபத்தின் அடியில் சயனத்தில் வைக்க கூறினார்.

பிரம்மனுக்கு பெருமாள் இட்ட கட்டளையின் படி 40 ஆண்டுகளுக்கு ஒரு முறை குளத்து நீரை வெளியே இறைத்துவிட்டு பெருமாளை வெளியே எடுத்து 48 நாட்கள் சிறப்பு பூஜைகள் செய்யப்படும்.

என்ன சிறப்பு:

வெளியே எடுக்கப்பட்ட அத்தி வரத பெருமாள் 24 நாட்கள் சயன வடிவிலும், 24 நாட்கள் நின்ற கோலத்திலும் பக்தர்களுக்கு சேவை சாதிப்பார்.

இந்த அத்தி வரதரை வணங்குவதால் மோட்சம் பெறலாம் என்பதால், வாழ்வில் ஒருமுறையேனும் இவரை தரிசிக்க வேண்டும் என பக்தர்கள் அலை மோதுவார்கள். இரண்டவாது முறையாக இந்த பெருமாளை தரிசித்தால் வைகுண்ட பதவி பெறுவார்கள் என்பது ஐதீகம்.

மூன்று முறை தரிசித்த சிலரும் உண்டு.

எப்போது வெளி வருகிறார் அத்தி வரதர்:

வரும் ஜூலை 15ம் தேதி அத்தி வரத பெருமாள் குளத்திலிருந்து வெளியே எடுக்கப்பட உள்ளார். முன்னதாக 1939 மற்றும் 1979ம் ஆண்டு வெளியே வந்த பெருமாள் வந்ததை சிலர் கண்டுள்ளனர்.

பிக்பாஸ் நிகழ்ச்சியில் சின்னப் பிரச்சனையை பேசி பெரிதாக்கியது வனிதாதான்.

பிக்பாஸ் நிகழ்ச்சியில் நேற்று வெளியான ப்ரமோவிலேயே தெரிந்தது சண்டை நடப்பது. வழக்கமாக சின்ன சின்ன விஷயங்களை கூட ப்ரமோவில் ஓவர் பில்டப் செய்து புரோகிராமில் புஸ் என்று ஆக்கிவிடுவார்கள்.

ஆனால் நேற்றைய எபிசோடில் ப்ரோமிவில் காட்டியதைவிட பெரும் சண்டை நடந்துள்ளது பிக்பாஸ் ஹவுஸில். சண்டைக்கு முக்கிய காரணமே வனிதாதான்.

பெட் ரூமுக்குள் பேச்சு

காம் டவுன் என வாயை விட்ட மீராவை, ஏற்கனவே பிடிக்காமல் இருந்த அபிராமி முகத்தில் அடித்தாற் போல் நான் உன்னிடம் பேசவில்லை என கூறிவிட்டார். இதைத்தொடர்ந்து பெட்ரூமுக்குள் சென்ற அபிராமி அங்கிருந்த வனிதாவிடம் பொதுவாக நடந்ததை கூறுகிறார்.

மீராவை வாங்கிய வனிதா

ஆனால் அதை பெரிசு படுத்திய வனிதா நீ என்னிடம் கம்ப்ளையன்ட் செய் நான் பார்த்துக்கொள்கிறேன் என்றார். இதைத்தொடர்ந்து மீராவிடம் சென்ற வனிதா அவரை லெப்ட் அன்ட் ரைட் வாங்குகிறார். ஷெரினும் மீராவை கார்னர் செய்கிறார்.

கண்டமேனிக்கு பேசிய வனிதா

ஷெரின், சாக்ஷி, வனிதா, அபிராமி, ரேஷ்மா ஆகியோர் ஒரு குரூப்பாக பெட்ரூமுக்குள் சென்றனர். பெட் ரூமில் இருந்தபடியே மீராவை கண்டமேனிக்கு பேசினார் வனிதா.

மீரா ஒரு சாக்கடை

மீராவை ஒரு சாக்கடை என்றும் கடுமையான சொற்களால் விமர்சிக்கிறார். அப்பப்பா வனிதா பேசும் பேச்சு கடவுளே.. ஒரு கேப்டன் போல் நடந்து கொள்ளவில்லை வனிதா.

அபிராமிக்கு சொம்பு தூக்கிய குரூப்

மீரா அழும் போது ஃபாத்திமா, தர்ஷன், உள்ளிட்டவர்கள் மட்டுமே ஆறுதல் கூறினர். வேறு யாரும் கண்டுகொள்ளவில்லை. சும்மா சீன் கிரியேட் செய்து அபிராமி அழ அனைவரும் சேர்ந்து சொம்பு தூக்கினர்.

கவினை கட்டிப்பிடித்த அபி

அதுதான் சாக்கு என்று கவினை அழைத்து கட்டிப்பிடித்தார் அபிராமி. கேப்டனாக நியூட்ரலாக இருக்க வேண்டிய வனிதா, கேப்டன் என்ற கெத்தை காட்ட ஒரு சார்பாக டீம் கிரியேட் செய்து பிரச்சனையை பெரிதாக்கி குளிர்காய்ந்தார் வனிதா.

சொர்ணாக்கா 2.0

ஏற்கனவே கணவருடன் தகராறு தந்தையுடன் தகராறு, செய்தியாளர்களுடன் தகராறு என வனிதாவுக்கு என ஒரு ஹிஸ்டரி உள்ளது. பிக்பாஸ் வீட்டிற்குள் வனிதா வந்தவுடன் எல்லோருக்குமே ஒரு பயம் இருந்தது. வனிதாவுக்கு மதுமிதா சொர்ணாக்கா தங்கச்சி பீர்க்கங்கா என்றார். ஆனால் பீர்க்கங்காவெல்லாம் இல்லை. சொர்ணாக்கா 2.0.

நாம் விழுந்து விழுந்து ரசிக்கும் தலையில் தூக்கி வைத்துக் கொண்டாடும் ஹீரோக்கள் தங்களுடைய நிஜ வாழ்க்கையில் உண்மையிலே ஹீரோக்களாக இருக்கிறார்களா?.

அதிலும் நமக்குப் பிடித்த நிறைய நடிகர்கள் தங்களுடைய முதல் திருமண வாழ்க்கையில் திருப்தி இல்லாமல் விவாகரத்து செய்துவிட்டு இரண்டாவது திருமணம் செய்து கொண்டிருக்கிறார்கள். அதற்குக் காரணம் என்ன என்பது மிக முக்கியம். அந்த காரணம் பற்றி தான் இங்கு தெரிந்து கொள்ளப் போகிறோம். வாங்க பார்க்கலாம்.

சஞ்சய் தத் (Sanjay Dutt)

இவருடைய முதல் மனைவியின் பெயர் ரீயா பிள்ளை. ரீயாவுக்கும் நம் இந்திய கிரிக்கெட் வீரர் லியாண்டர் பயாஸ்க்கும் நெருக்கமான தொடர்பு இருந்ததால் சஞ்சய் தத் தன் முதல் மனைவியான ரீயாவை விவாகரத்து செய்து விட்டார்.

சயஃப் அலி கான் (Saif Ali Khan)

சயஃப் அலி கானின் முதல் மனைவியின் பெயர் அம்ரிதா சிங். இவருக்கு ரோஷா கெட்டலோனா என்பவர் மீது விருப்பம் இருந்ததாகவும் அதற்காகத் தான் சயஃப் இவரை விவாகரத்து செய்ததாகவும் கூறப்படுகிறது.

அமீர் கான் (Aamir Khan)

அமீர் கானின் முதல் மனைவியின் பெயர் ரீனா துட்டா. இவர் எதற்கெடுத்தாலும் டெம்பராகிக் கோபப்பட்டுக் கொண்டே இருப்பாராம். அதனாலேயே வீட்டில் பிரச்சினை வந்து அமீர் கான் முதல் மனைவியை விவாகரத்து செய்து விட்டார்.

போனி கபூர் (Boney Kapoor)

போனி கபூரின் முதல் மனைவியின் பெயர் மோனா கபூர். இதில் போனி கபூருக்கு ஸ்ரீதேவியுடனாக இருந்த உறவின் காரணமாக தன்னுடைய முதல் மனைவியை விவாகரத்து செய்தார்.

ஹ்ரித்திக் ரோஷன் (Hrithik Roshan)

ஹ்ரித்திக் ரோஷனின் முதல் மனைவியின் பெயர் சுஷானி கான். ஹ்ரித்திக் ரோஷனுக்கு கங்கனா மீது காதல் இருப்பதாக வெளிவந்த தகவலால் சுஷானிக்கு கோபம் வரவே வீட்டில் பிரச்சினை வந்து இருவரும் விவாகரத்து பெற்றனர்.

மிதுன் சக்கரவர்த்தி (Mithun Chakraborthy)

மிதுன் சக்கரவர்த்தியின் முதல் மனைவியின் பெயர் யோகிதா பாலி. இருவருக்கும் இடையே பரஸ்பர புரிதல் இல்லாத காரணத்தினால் இருவரும் பிரிந்து விட்டனர்.

விஜய் சேதுபதி தமிழ் சினிமாவின் மிகச்சிறந்த நடிகர். இவர் நடிகர் என்பதை தாண்டி நல்ல மனிதரும் கூட. இந்நிலையில் இவர் நடிப்பில் இன்று சிந்துபாத் ரிலிஸாகியுள்ளது.

இப்படத்தின் தயாரிப்பாளர் வைத்த பண பிரச்சனையால் ரிலிஸாகமால் தள்ளிக்கொண்டே போனது, ஏற்கனவே இப்படி ஒரு பிரச்சனையை 96 படத்தில் விஜய் சேதுபதி சந்தித்தார்.

அப்போதும் அவர் தான், தன் கையில் இருக்கும் பணத்தை கொடுத்து அந்த பிரச்சனையை முடித்து வைத்தார்.

தற்போது அதேபோல் சிந்துபாத் படத்திற்கும் தன் பணத்தை கொடுத்து கடைசியில் ரிலிஸ் செய்ய முடிவு செய்துவிட்டாராம்.

முகவரி தல அஜித் திரைப்பயணத்தில் யாராலும் மறக்க முடியாத படம். வெற்றி பெற வேண்டும் என போராடுபவர்கள் அனைவருக்கும் இந்த படம் எளிதில் கனேக்ட் ஆகும்.

இந்நிலையில் இப்படத்தில் அஜித் சாதிக்க முடியாமல் திரும்பி போவது போல் முதலில் காட்சிகளை எடுத்து படத்தை ரிலிஸ் செய்தனர்.

பிறகு அந்த கிளைமேக்ஸ் மாற்ற சொல்லி பலரும் சொல்ல, ரிலிஸான அன்றே ‘அஜித் கிளைமேக்ஸில் பெட்ரோல் பேங்கில் வேலைப்பார்ப்பது போலவும், அப்போது கே.எஸ்.ரவிகுமார் பெட்ரோல் போட வருகின்றார்.

அஜித்தை பார்த்தவுடன், தம்பி நீயா? ஏன் இந்த வேலைக்கு வந்தாய், உன் டியூன்கள் எனக்கு பிடித்திருந்தது, நீ தான் அடுத்தப்படத்தின் இசையமைப்பாளர்’ என சான்ஸ் கொடுப்பாராம்.

ஆனால், இதை ஒளிப்பதிவாளர் பி.சி.ஸ்ரீராம் என்னால் இப்படி ஒரு காட்சியை எடுக்க முடியாது, இந்த படம் நாவல் போல் உள்ளது, கெடுக்க வேண்டாம் என்று சொல்லிவிட்டதாக அப்படத்தில் பணியாற்றிய சுப்ரமணியசிவா கூறியுள்ளார்.

உங்கள் உச்சந்தலையை ஆரோக்கியமாகவும் சுத்தமாகவும் நிர்வகிப்பதால் வலிமையான மற்றும் ஆரோக்கியமான கூந்தல் உருவாகிறது. அதே நேரம் உங்கள் உச்சந்தலை அசுத்தமாக அழுக்குகள் நிறைந்து காணப்பட்டால் , பல்வேறு ரசாயனங்கள் நிறைந்து இருந்தால் ஆரோக்கியமான முடி வளர்ச்சி என்பது ஒரு கேள்விக்குறியாகவே இருக்கும்.

சில நேரங்களில் வெறும் ஷாம்பூ பயன்படுத்துவதால் மட்டும் உச்சந்தலை சுத்தமாக இருப்பதில்லை. உங்கள் உச்சந்தலைக்கு புத்துணர்ச்சி ஊட்டுவதற்கு இன்னும் சில நிலைகளை கடைபிடிக்க வேண்டியுள்ளது. உங்கள் உச்சந்தலை பிசுபிசுப்பாக இருப்பதாகவும், அதிக எண்ணெய்ப் பசையுடன் இருப்பதாகவும் நீங்கள் உணர்ந்தால் இன்னும் அதிக முறை உங்கள் கூந்தலை சுத்தம் செய்ய வேண்டும் என்று உணர்ந்தால், உங்கள் உச்சந்தலைக்கு ஒரு சிறப்பான ஸ்க்ரப் தேவை என்பதை நீங்கள் அறிந்து கொள்ளலாம்.

உச்சந்தலை ஸ்க்ரப்

உங்கள் உச்சந்தலையை புத்துணர்ச்சியூட்டி ஆழமான முறையில் சுத்தம் செய்ய நீங்கள் உச்சந்தலை ஸ்க்ரப்பிங் முறையை முயற்சிக்க வேண்டும். அதன் பிறகு நீங்கள் ஒரு அற்புதத்தை உணர முடியும். இந்த பதிவில் உச்சந்தலையை எவ்வாறு ஸ்க்ரப் செய்வது, அதன் நன்மைகள் என்ன என்பது பற்றி உரையாடவிருக்கிறோம்.

ஸ்க்ரப்பிங் என்றால் என்ன?

உச்சந்தலை ஸ்கரப் செய்வது என்பதை எளிய முறையில் உணர்த்த வேண்டும் என்றால், உச்சந்தலையின் மேற்படலத்தைப் பிரிப்பது என்பதாகும். நம்முடைய உச்சந்தலையின் ஆரோக்கியம் , நம்முடைய கூந்தலின் ஆரோக்கியம் மற்றும் தோற்றத்தை நேரடியாக பாதிக்கிறது. நமக்கு ஆரோக்கியமான மற்றும் வலிமையான தலைமுடி வேண்டுமென்றால் ஆரோக்கியமான உச்சந்தலையை பராமரிக்க வேண்டும். இந்த வேலையை செய்வதற்காக உச்சந்தலை ஸ்க்ரப் பயன்படுகிறது.

உச்சந்தலையை அழுத்தி தேய்த்து ஸ்க்ரப் செய்வதால் அழுக்கு, தூசு மற்றும் ரசாயனக் கட்டமைப்புகள் உச்சந்தலையில் இருந்து வெளியேறி உச்சந்தலை புத்துணர்ச்சி அடைகிறது. உங்கள் உச்சந்தலையில் எண்ணெய் பிசுபிசுப்பு அதிகம் இருந்தால், உச்சந்தலையை ஸ்க்ரப் செய்வதால் அதிக எண்ணெய் உற்பத்தி குறைந்து, உச்சந்தலை புதுப்பிக்கப்படுகிறது.

ஒரு மாதத்திற்கு ஒரு முறையாவது இந்த உச்சந்தலையை ஸ்க்ரப் செய்து கொள்வது நல்ல பலன்களைத் தரும். இதனால் உங்கள் கூந்தல் பளபளப்பாகவும், வலிமையாகவும், நீளமாகவும் வளர்கிறது. ஆகவே உங்கள் கூந்தலை புத்துணர்ச்சியுடன் வைத்துக் கொள்ள விரும்பினால் உங்கள் வழக்கமான கூந்தல் பராமரிப்பில் உச்சந்தலை ஸ்க்ரப்பிங் முறையையும் இணைத்துக் கொள்ளுங்கள்.

நன்மைகள்

. உச்சந்தலையில் மேற்படல பிரிப்பை மேற்கொண்டு இறந்த சரும அணுக்கள், அழுக்கு மற்றும் தூசு போன்றவற்றை வெளியேற்ற உதவுகிறது.

. உச்சந்தலை உற்பத்தி செய்யும் அதிக எண்ணெய்யை அகற்றவும் உதவுகிறது.

. தலைமுடியின் வேர்க்கல்களில் உள்ள அடைப்பைப் போக்க உதவுகிறது.

. உச்சந்தலையில் இரத்த இட்டத்தை அதிகரித்து, கூந்தலின் தரத்தை மேம்படுத்த உதவுகிறது.

. கூந்தல் உதிர்வதைத் தடுக்க உதவுகிறது.

. கூந்தல் வளர்ச்சியை ஊக்குவிக்கிறது.

. பொடுகு தொந்தரவிற்கு சிகிச்சை அளிக்க உதவுகிறது.

வீட்டிலேயே ஸ்க்ரப் செய்வது எப்படி?

அழகு நிலையங்களில் இதனை தொழில் ரீதியில் செய்து வந்தாலும், உங்கள் வசதிக்கேற்ற முறையில் வீட்டிலேயே ஸ்க்ரப் செய்து கொள்வதால் இன்னும் அதிக பலன் கிடைக்கும். மேலும் இயற்கை மூலப்பொருள் கொண்டு இதனை செய்யும்போது கூந்தலுக்கு எந்த ஒரு தீங்கும் ஏற்படாது.
ஓட்ஸ் மற்றும் பழுப்பு சர்க்கரை

ஓட்ஸ் மற்றும் பழுப்பு சர்க்கரை

உச்சந்தலையின் மேற்படலத்தில் உள்ள அழுக்கை நீக்கி இறந்த அணுக்களை வெளியேற்ற பழுப்பு சர்க்கரை உதவுகிறது. உச்சந்தலையை சுத்தம் செய்ய ஓட்ஸ் உதவுகிறது. மேலும் ஓட்ஸ்ஸில் உள்ள அழற்சி எதிர்ப்பு தன்மை உச்சந்தலையில் உண்டாகும் அரிப்பைக் கட்டுப்படுத்தி இதமான உணர்வைத் தருகிறது .

தேவையான பொருட்கள்

. இரண்டு ஸ்பூன் பழுப்பு சர்க்கரை

. இரண்டு ஸ்பூன் ஓட்ஸ் பவுடர்

. ஒரு ஸ்பூன் கண்டிஷனர்

. பத்து துளி பாதாம் எண்ணெய்

செய்முறை

1. ஒரு கிண்ணத்தில் கண்டிஷனர் சேர்க்கவும்.

2. இதனுடன் ஓட்ஸ், பழுப்பு சர்க்கரை ஆகியவற்றைக் கலந்துக் கொள்ளவும்.

3. பிறகு இதனுடன் பாதாம் எண்ணெயைச் சேர்க்கவும்.

4. எல்லாவற்றையும் ஒன்றாகக் கலந்துக் கொள்ளவும்.

5. இந்த கலவையைக் கொண்டு உச்சந்தலையில் 5 நிமிடங்கள் சுழல் வடிவத்தில் மசாஜ் செய்யவும்.

6. பின்பு வெதுவெதுப்பான நீரைக் கொண்டு தலை முடியை அலசவும்.

7. பிறகு தலை முடியை நன்றாக காய விடவும்.
கடல் உப்பு, ஆலிவ் எண்ணெய் மற்றும் எலுமிச்சை சாறு
கடல் உப்பு, ஆலிவ் எண்ணெய் மற்றும் எலுமிச்சை சாறு

உச்சந்தலையில் உள்ள கழிவுகளை அகற்றி உச்சந்தலைக்கு இதமளிக்க உதவுவது கடல் உப்பாகும். ஆலிவ் எண்ணெய் உச்சந்தலையின் ஆழத்தில் ஊடுருவி ஈரப்பதத்தைத் தந்து கூந்தலின் வேர்க்கால்களுக்கு புத்துணர்ச்சி அளித்து, கூந்தல் வளர்ச்சியை ஊக்குவிக்கிறது. எலுமிச்சையில் வைட்டமின் சி சத்து இருக்கிறது. மேலும் எலுமிச்சையில் உள்ள அன்டி ஆக்சிடென்ட் தன்மை காரணமாக, உச்சந்தலை தீங்கு விளைவிக்கும் கூறுகளில் இருந்து பாதுகாக்கப்படுகிறது . இதனால் பொடுகு மற்றும் கூந்தல் உதிர்வு போன்றவை தடுக்கப்படுகின்றன.

தேவையான பொருட்கள்

. இரண்டு ஸ்பூன் கடல் உப்பு

. ஒரு ஸ்பூன் ஆலிவ் எண்ணெய்

. அரை ஸ்பூன் எலுமிச்சை சாறு

. ஒரு ஸ்பூன் கண்டிஷனர்

செய்முறை

1. ஒரு கிண்ணத்தில் கடல் உப்பு மற்றும் ஆலிவ் எண்ணெய் சேர்க்கவும்.

2. இரண்டையும் ஒன்றாகக் கலக்கவும்.

3. இந்தக் கலவையுடன் சிறிதளவு எலுமிச்சை சாறு சேர்த்து நன்றாகக் கலக்கவும்.

4. இந்தக் கலவையுடன் கண்டிஷனர் சேர்த்து, எல்லாவற்றையும் ஒன்றாகக் கலக்கவும்.

5. உங்கள் உச்சந்தலையை ஈரமாக்கிக் கொள்ளவும்.

6. உங்கள் உச்சந்தலையில் இந்த கலவையைத் தடவி சுழல் வடிவத்தில் இரண்டு நிமிடம் மசாஜ் செய்யவும்.

7. ஒரு மிதமான ஷாம்பூ கொண்டு தலையை அலசவும்.

பாதாம், தேங்காய் எண்ணெய் மற்றும் டீ ட்ரீ எண்ணெய்

கூந்தலின் வேர்கால்களுக்கு புத்துணர்ச்சி தரும் அத்தியாவசிய ஊட்டச்சத்துகள் பாதாமில் உள்ளன. கூந்தலுக்குள் ஆழமாக ஊடுருவி, சேதங்களைத் தடுக்க உதவுகிறது தேங்காய் எண்ணெய். டீ ட்ரீ எண்ணெய்யின் கிருமி எதிர்ப்பு மற்றும் அழற்சி எதிர்ப்பு பண்புகள் அரிப்பைப் போக்கி, எரிச்சலைத் தடுத்து, ஆரோக்கியமான உச்சந்தலை உருவாக்கத்தை செயல்படுத்த உதவுகிறது.

தேவையான பொருட்கள்

. இரண்டு ஸ்பூன் அரைத்த பாதாம் விழுது

. ஒரு ஸ்பூன் தேங்காய் எண்ணெய்

. ஒரு ஸ்பூன் டீ ட்ரீ எண்ணெய்

செய்முறை

1. ஒரு கிண்ணத்தில் எல்லா மூலப்பொருட்களையும் ஒன்றாகக் கலந்துக் கொள்ளுங்கள்.

2. தலைக்கு வழக்கம் போல் ஷாம்பூ தேய்த்து குளித்து அதிக நீரை பிழிந்துக் கொள்ளுங்கள்.

3. பிறகு இந்த கலவையை தலையில் தடவி, மென்மையாக ஐந்து நிமிடம் சுழல் வடிவத்தில் மசாஜ் செய்து கொள்ளுங்கள்

4. பிறகு தலையை அலசுங்கள்.

5. தலையைத் துடைத்து காய வைத்துக் கொள்ளுங்கள்.

சோள மாவு மற்றும் டீ ட்ரீ எண்ணெய்

டீ ட்ரீ எண்ணெயுடன் சேர்த்து கலக்கப்பட்ட சோளமாவு உச்சந்தலையை சுத்தம் செய்து சேதங்களைத் தடுக்க உதவுகிறது. இதனால் கூந்தலின் புத்துணர்ச்சி அதிகரிக்கிறது.

தேவையான பொருட்கள்

. ஒரு ஸ்பூன் சோளமாவு

. அரை ஸ்பூன் டீ ட்ரீ எண்ணெய்

செய்முறை

1. ஒரு கிண்ணத்தில் சோளமாவு ஒரு ஸ்பூன் போடவும்.

2. அதில், டீ ட்ரீ எண்ணெய் சேர்த்து இரண்டையும் நன்றாகக் கலக்கவும்.

3. இந்த கலவை கொண்டு உச்சந்தலையில் சுழல் வடிவத்தில் ஐந்து நிமிடங்கள் மென்மையாக மசாஜ் செய்யவும்.

4. பிறகு வழக்கமான முறையில் ஷாம்பூ தேய்த்து தலையை அலசவும்.

முட்டையின் மஞ்சள் கரு, தயிர் மற்றும் விளக்கெண்ணெய்

முட்டையின் மஞ்சள் கரு கூந்தலின் வேர்கால்களில் புத்துணர்ச்சி தந்து முடி வளர்ச்சியை ஊக்குவிக்கிறது. உச்சந்தலையை புத்துணர்ச்சி பெறச் செய்யும் அத்தியாவசிய ஊட்டச்சத்துகள் தயிரில் உள்ளன. மேலும் பொடுகைப் போக்கவும் தயிர் உதவுகிறது, விளக்கெண்ணெய் , இரத்த ஓட்டத்தை அதிகரித்து , உச்சந்தலையில் முடி வளர்ச்சியை ஊக்குவிக்கிறது.

தேவையான பொருட்கள்

. இரண்டு முட்டை மஞ்சள் கரு

. ஒரு கிண்ணத்தில் தயிர்

. ஒரு ஸ்பூன் விளக்கெண்ணெய்

. ஒரு ஸ்பூன் உப்பு

செய்முறை

1. மேலே கூறிய எல்லா மூலப்பொருட்களையும் ஒரு கிண்ணத்தில் சேர்க்கவும்.

2. எல்லாவற்றியும் ஒன்றாகக் கலக்கவும்.

3. இந்த கலவையை உங்கள் உச்சந்தலையில் தடவி சுழல் வடிவத்தில் 5 முதல் 10 நிமிடங்கள் மென்மையாக மசாஜ் செய்யவும்.

4. பிறகு ஒரு ஷவர் கேப் அணிந்து தலையை மூடிக் கொள்ளவும்.

5. 15 நிமிடங்கள் அப்படியே விடவும்.

6. பிறகு ஒரு மிதமான ஷாம்பூ கொண்டு தலையை அலசவும்.
தேன், பெப்பெர்மின்ட் எண்ணெய் மற்றும் பழுப்பு சர்க்கரை
தேன், பெப்பெர்மின்ட் எண்ணெய் மற்றும் பழுப்பு சர்க்கரை

உச்சந்தலையில் உள்ள ஈரப்பதத்தை உள்ளுக்குள்ளேயே பூட்டி வைக்கும் திறன் தேனுக்கு உண்டு. மேலும் உச்சந்தலையின் pH அளவைப் பராமரிக்க தேன் உதவுகிறது. இதனால் உச்சந்தலை சீரான முறையில் கண்டிஷன் செய்யப்படுகிறது. இதனால் சேதங்கள் தடுக்கப்படுகின்றன. பெப்பெர்மின்ட் எண்ணெய் கூந்தலின் வேர்க்கால்களை புத்துணர்ச்சி பெறச் செய்து, கூந்தல் வளர்ச்சிக்கு உதவுகிறது.

தேவையான பொருட்கள்

. ஒரு ஸ்பூன் ஆர்கானிக் தேன்

. ஒரு ஸ்பூன் பெப்பெர்மின்ட் எண்ணெய்

. ஒரு ஸ்பூன் பழுப்பு சர்க்கரை

செய்முறை

1. மேலே கூறிய எல்லா மூலப்பொருட்களையும் ஒரு கிண்ணத்தில் போடவும்.

2. எல்லாவற்றையும் ஒன்றாகக் கலக்கவும்.

3. இந்த கலவையை உங்கள் உச்சந்தலையில் தடவவும்.

4. பிறகு மென்மையான முறையில் சுழல் வடிவத்தில் ஐந்து நிமிடம் மசாஜ் செய்யவும்.

5. பிறகு மென்மையான ஷாம்பூ கொண்டு தலையை அலசவும்.
பேக்கிங் சோடா மற்றும் டீ ட்ரீ எண்ணெய்
பேக்கிங் சோடா மற்றும் டீ ட்ரீ எண்ணெய்

உச்சந்தலையை சிறப்பாக சுத்தம் செய்யவும் ஆரோக்கியமான முறையில் பராமரிக்கவும் ஒரு சக்தி வாய்ந்த தீர்வாக இருப்பது பேக்கிங் சோடா மற்றும் டீ ட்ரீ எண்ணெயின் ஒருங்கிணைப்பு.

தேவையான பொருட்கள்

. ஒரு ஸ்பூன் பேக்கிங் சோடா

. டீ ட்ரீ எண்ணெய் சில துளிகள்

. ஒரு ஸ்பூன் ஷாம்பூ

செய்முறை

1. ஒரு கிண்ணத்தில் ஷாம்பூ சேர்க்கவும்.

2. அதில் மேலே கூறிய அளவு பேக்கிங் சோடா மற்றும் டீ ட்ரீ எண்ணெய் சேர்த்து ஒன்றாகக் கலக்கவும்.

3. பிறகு இந்த கலவையை உங்கள் உச்சந்தலையில் சுழல் வடிவத்தில் இரண்டு நிமிடம் மசாஜ் செய்யவும்.

4. பிறகு வெதுவெதுப்பான நீரால் தலையை அலசவும்.

MOST READ: சிகரெட் பிடிக்கிறத திடீர்னு நிறுத்திட்டா என்ன ஆகும்னு தெரியுமா? இத பார்த்து தெரிஞ்சிகங்க...
அஸ்பிரின் ஸ்க்ரப்
அஸ்பிரின் ஸ்க்ரப்

அஸ்பிரின் மாத்திரையில் சலிசிலிக் அமிலம் உள்ளது. இது முடி உதிர்வைத் தடுத்து, வேர்கால்களுக்கு புத்துணர்ச்சியை அளிக்கிறது.

தேவையான பொருட்கள்

. 6-8 அஸ்பிரின் மாத்திரைகள்

. 4 ஸ்பூன் வெதுவெதுப்பான நீர்

செய்முறை

1. ஒரு கிண்ணத்தில் வெதுவெதுப்பான நீரை ஊற்றிக் கொள்ளவும்.

2. அந்த நீரில், அஸ்பிரின் மாத்திரைகளைக் கலந்து அது கரையும் வரை நன்றாகக் கலக்கவும்.

3. ஒரு பிரஷ் கொண்டு உங்கள் உச்சந்தலையில் இந்த கலவையைத் தடவவும்.

4. பிறகு 5 நிமிடம் மென்மையாக மசாஜ் செய்யவும்.

5. பிறகு வழக்கமான ஷாம்பூ கொண்டு தலையை அலசவும்.

6. தலையை அலசியபின் நன்றாகக் காய விடவும்.

நிம்மதியான தூக்கம் என்பது அனைவரும் விரும்பும் ஒன்றாகும். நமது உடலுக்கு போதுமான ஓய்வு கிடைக்கவும், இழந்த ஆற்றலை மீண்டும் பெறவும் தூக்கம் ஒன்று மட்டுமே சிறந்த வழியாகும். ஆற்றலுக்கு மட்டுமின்றி ஆரோக்கியத்திற்கும் உங்களுக்கு குறிப்பிட்ட அளவு தூக்கம் அவசியமாகும்.

இன்றைய மாறிவரும் வாழ்க்கை முறையில் போதுமான அளவு தூக்கம் தூங்குபவர்களின் எண்ணிக்கை குறைந்து கொண்டே வருகிறது. அதிலும் குறிப்பாக விளக்கு எரியும்போதே தூங்குவது, டிவி ஓடிக்கொண்டிருக்கும் போது தூங்குவது போன்றவை உங்கள் ஆரோக்கியத்தின் மீது பெரிய பாதிப்புகளை ஏற்படுத்தும் என்று ஆய்வுகள் கூறுகிறது.

ஆராய்ச்சி

சமீபத்தில் அமெரிக்காவில் நடத்தப்பட்ட ஆய்வில் வெளிச்சத்தில் தூங்குவபவர்களுக்கு புற்றுநோய் ஏற்படும் அபாயம் அதிகமுள்ளது கண்டுபிடிக்கட்டது. மேலும் வெளிச்சத்தில் தூங்குபவர்களுக்கு தொடர்ந்து எடை அதிகரிப்பதும் கண்டுபிடிக்கப்பட்டுள்ளது.

காரணம்

விளக்கு அல்லது டிவியில் இருந்து வெளிப்படும் செயற்கை ஒளியானது மெலடோனின் ஹார்மோன் சுரப்பில் பாதிப்பை ஏற்படுத்துவதுடன் பெண்களின் நாள்சுழற்சி அமைப்பிலும் பாதிப்பை ஏற்படுத்தும். பெண்களின் எடை அதிகரிப்பிற்கு முக்கிய காரணம் டிவி ஓடும்போது அதன் அருகில் தூங்குவதாகும். ஆண்களுக்கும் இதனால் பல பிரச்சினைகள் ஏற்பட வாய்ப்புள்ளது.

வெளிச்சத்தால் ஏற்படும் பாதிப்புகள்

சரியான தூக்கம் இல்லாதபோது எடை தானாக அதிகரிக்கும். அதிக கலோரிகள் எடுத்துக்கொள்ளும் வாழ்க்கை முறையுடன் இந்த தூக்க பிரச்சினையும் சேரும்போது உடல் பருமன் தானாக அதிகரிக்கிறது. மேலும் இது மனதளவிலும் பல பாதிப்புகளை ஏற்படுத்தும்.

தூக்க பிரச்சினைகள்

அமைதியான சூழ்நிலையில் மட்டுமே உங்களால் நிம்மதியாக தூங்க முடியும். டிவி ஓடிக்கொண்டிருக்கும்போது அதன் வெளிச்சமும், சத்தமும் உங்களுக்கு நிம்மதியான தூக்கத்தை தராது. நிம்மதியாக தூங்கவும், கனவு காணவும் கவனசிதறல்கள் இல்லாமல் தூங்குவதுதான் நல்லது. எனவே ஒருபோதும் டிவி ஓடும்போது தூங்க முயற்சிக்காதீர்கள்.

மற்ற சாதனங்கள்

டிவி மட்டுமின்றி படுக்கையறையில் நீங்கள் உபயோகிக்கும் எந்த மின்னணு சாதனமும் உங்கள் தூக்கத்தின் தரத்தை கெடுக்கக்கூடும். தூங்கும் முன் செல்போனை பார்த்துக்கொண்டே தூங்குவது என்பது இன்று பலரின் அன்றாட பழக்கங்களில் ஒன்றாக மாறிவிட்டது. செல்போனை தலைக்கு அருகிலேயே வைத்துக்கொண்டு தூங்குவது உங்கள் மூளையின் செயல்பாட்டின் மீது பல பாதிப்புகளை ஏற்படுத்தும். அதிலிருந்து வெளிப்படும் கதிர்வீச்சுகள் உங்கள் மூளையின் மீது நேரடி பாதிப்பை ஏற்படுத்தும். தொலைக்காட்சிக்கும் இந்த விதி பொருந்தும். டிவி ஓடிக்கொண்டிருக்கும் அறையில் தூங்கும்போது அதிலிருந்து வெளிப்படும் கதிர்வீச்சுகள் உங்கள் மீது பாதிப்புகளை உண்டாக்கும்.

சியோமி நிறுவனம் ஐந்தாவது ஆண்டு விழாவை முன்னிட்டு, பரிசுப் போட்டி அறிவித்துள்ளது. குலுக்கல் முறையில் தேர்நதெடுக்கப்படும் வாடிக்கையாளர்களுக்கு அழகிய ரெட்மி நோட் 7S ஸ்மார்ட்போன் வழங்கப்படுகிறது.

இந்தியாவில் சியேமி நிறுவனம் ஐந்தாவது ஆண்டு விழாவை கொண்டாடுகிறது. இதனை முன்னிட்டு ஜூன் 28ம் தேதிமுதுல் ஜூலை 19ம் தேதி வரையில், சிறப்பு பரிசுப் போட்டி நடத்துகிறது. இதில் ஒவ்வொரு வாரமும் ஒரு ரெட்மி நோட் 7S ஸ்மார்ட்போனும், இரண்டு ரெட்மி நோட் 7 ஸ்மார்ட்போனும், இரண்டு ரெட்மி 7 ஸ்மார்ட்போனும் பரிசாக வழங்கப்படுகிறது. மொத்தத்தில் 20 நாளில் 20 ஸ்மார்ட்போன் இலவசமாக வழங்கப்படுகிறது.

இதற்கு 1,000 ரூபாய் மதிப்புள்ள கூப்பன் முதலில் வழங்கப்படும். இதைத் தொடர்ந்து வாடிக்கையாளர்கள் குலுக்கல் முறையில் தேர்ந்தெடுக்கப்படுவார்கள். இவ்வாறு ஒவ்வொரு வாரமும் வாடிக்கையாளர்கள் தேர்ந்தெடுக்கப்பட்டு, வெற்றி பெற்றவர்களுக்கு ரெட்மி ஸ்மார்ட்போன் வழங்கப்படுகிறது. பரிசாக வழங்கப்படும் ஸ்மார்ட்போன்களும் அவற்றின் சிறப்பம்சங்களும் பின்வருமாறு:

ரெட்மி நோட் 7S:
விலை: 10,999 ரூபாய்
கேமரா: 48MP + 5MP
பிராசசர்: குவால்காம் ஸ்னாப்டிராகன் 660
பேட்டரி: 4000 mAh
திரை: 6.3 இன்ச்
செல்பி கேமரா: 13 மெகா பிக்சல்
சார்ஜர்: டைப் சி


ரெட்மி 7:
விலை: 8,999 ரூபாய்
கேமரா: 12MP + 2MP
ரேம்: 3ஜிபி
மெமரி : 32 ஜிபி
பிராசசர்: குவால்காம் ஸ்னாப்டிராகன் 632
பேட்டரி: 4000 mAh
திரை: 6.26 இன்ச்
செல்பி கேமரா: 8 மெகா பிக்சல்
சார்ஜர்: டைப் சி

ரெட்மி நோட் 7:
விலை: 9,999 ரூபாய்
கேமரா: 12MP + 2MP
ரேம்: 3ஜிபி
மெமரி : 32 ஜிபி
பிராசசர்: குவால்காம் ஸ்னாப்டிராகன் 660
பேட்டரி: 4000 mAh
திரை: 6.26 இன்ச்
செல்பி கேமரா: 8 மெகா பிக்சல்
சார்ஜர்: டைப் சி

ஷங்கர் இயக்கத்தில் கமலஹாசன் நடிப்பில் பிக் பாஸ் 2 சீசனில் ஆச்சர்யர்கரமாக அறிவித்த படம் தான் இந்தியன் 2.22வருடங்களுக்கு முன் வந்து பெரு வெற்றி பெற்றஇந்தியன் படத்தின் இரண்டாம் பாகமாக இப்படம் உருவாக உள்ளதாக அறிவிக்கப்பட்டது. தெலுங்கு தயாரிப்பாளர் தில் ராஜீ இப்படத்தை தயாரிப்பதாக முதலில் அறிவிக்கப்பட்டது. ஆனால் இடையில் ஏறபட்ட சில பிரச்சனைகளால் லைகா நிறுவனம் இந்தியன் 2 படத்தை தயாரிப்பதாக அறிவித்தது.

இதற்கு மிக முக்கிய காரணமக எந்திரன் 2 படத்தில் அதிக பட்ஜெட்டை ஷங்கர் இழுத்து விட்டதாகவும் மேலும் லைகாவுடன் அவர் இணைந்து தயாரிப்பதாக இருந்த இம்சை அரசன் 24ம் புலிகேசி படம் பிரச்சனையில் நின்றதாலும் ஷங்கர் இந்தியன் 2 படத்தை லைகாவுக்கு செய்து கொடுத்து சரி கட்டுவதாக சொல்லப்பட்டது.

இந்தியன் 2 படம் காஜல் அகர்வால் ஜோடியாக கமலின் இந்தியன் மேக்கப்புடன் விமரிசையாக துவக்கப்பட்டது. இந்தியன் மேக்கப் சரியில்லை என முதலில் ஷூட்டிங் நிறுத்தப்பட்டது. இடையில் கமல் நாடாளுமன்ற தேர்தலுக்கு சென்றுவிட்டார். மீண்டும் தொடங்கவிருந்த இந்தியன் 2 கமலின் காலஷீட் பிரச்சனைகளில்நின்றது. கமல் தற்போது பிக் பாஸ் 3 சீசன் நடத்துவதில் பிஸியாகிவிட்டார். அனைத்து பிரச்சனைகளையும் முடித்து கமலிடமும் அனுமதி வாங்கி ஷங்கர் ஷூட்டிங்கிற்கு தயாராக எதிர்பாராத விதமாக இப்போது லைகா நிறுவனம் ஷூட்டிங்கிற்கு முட்டுக்கட்டை போட்டுள்ளது.

இந்தியன் 2 படத்திற்கு மிகப்பெரிய தொகையை லைகா நிறுவனம் செலவு செய்துள்ளது. இதனிடையே இம்சை அரசன் 24 ம் புலிகேசி படத்தில் 10 கோடிக்கு மேல் செலவு செய்த பிறகு இயக்குநர் மற்றும் வடிவேலு பிரச்சனையால் படம் பாதியில் நிற்கிறது. சமீபத்தில் பேட்டியளித்த வடிவேலு படத்தில் ஷங்கர் தலையீடு அதிகமாக உள்ளதாக தெரிவித்தார். லைகா நிறுவனம் ஷங்கர் நினைத்தால் வடிவேலுவை சமாதானப்படுத்தி அழைத்து வரலாம். ஆனால் ஷங்கர் முரண்டு பிடிக்கிறார் என நினைக்கிறது.

உண்மையில் பிரச்சனை வடிவேலு பக்கம் இருக்க ஷங்கர் வடிவேலுவுடன் பேச தயாராக இல்லை. ஆனால் இந்தியன் 2 ஆரம்பிக்க வேண்டுமானால் வடிவேலுவை அவர் சமாதானம் செய்ய வேண்டும் என்று சொல்லி விட்டதாம் லைகா. இதனால் இப்போது இந்தியன் 2 படத்திற்கு வடிவேலு வில்லனாக மாறியுள்ளார் என்பது குறிப்பிடத்தக்கது. இந்தியன் 2 இனி என்ன ஆகும் என்பது யாரைக்கேட்டும். தெரியவில்லை.

சிந்துபாத் விஜய் சேதுபதி நடிப்பில் நாளை உலகம் முழுவதும் வெளிவரவுள்ளது. இப்படம் பல தடைகளை தாண்டி நாளை வரவுள்ளது அனைவரும் அறிந்ததே.

இந்நிலையில் சிந்துபாத் படம் எப்படியிருக்கும் என்ற ஆவல் ரசிகர்களிடம் தற்போதே இருந்து வருகின்றது.

ஆடை படத்தை இயக்கியுள்ள இயக்குனர் ரத்னகுமார் தன் டுவிட்டர் பக்கத்தில் சிந்துபாத் படம் குறித்து சில கருத்துக்களை கூறியுள்ளார்.

இதில் ‘மனைவியை தேடி கடல் கடந்து, தடைகள் தாண்டி எதிரிகளை துவம்சம் செய்யும் மரண மாஸ் படமே சிந்துபாத்’ என அவர் குறிப்பிட்டுள்ளார்.

ஜப்பானில் பெரும்பாலும் அதிவேகமாக இயங்ககூடிய புல்லட் ரயில்கள் தான் அதிகம் இயக்கப்படுகின்றன. அப்படிப்பட்ட புல்லட் ரயிலையே ஒரு நத்தை நிறுத்தியிருக்கிறது என்றால் நம்பமுடிகிறதா?..

ஆம் கடந்த மாதம் 30-ம் திகதி மின்சாரம் துண்டிக்கப்பட்டதால் இரயிலில் பயணித்த 12,000 பயணிகள் பாதிக்கப்பட்டனர். இதனால் அவர்கள் தாங்கள் செல்ல வேண்டிய இடத்திற்குச் செல்ல முடியாமல் தவித்துள்ளனர். இரயில் வழித்தடத்திலேயே நின்றதால் அடுத்தடுத்து வரவிருந்த 26 ரயில்களின் சேவையும் முடக்கப்பட்டது.

பின்னர் பழுது சரிசெய்யப்பட்டு ரயில்கள் இயக்கப்பட்டன. அதற்கான காரணங்கள் கண்டுபிடிக்கப்படாத நிலையில் நேற்றுதான் ஜப்பான் ரயில் சேவை நிறுவனமான ஜே.ஆர் குஷு( JR Kyushu) அதற்கான காரணத்தைக் கண்டுபிடித்துக் கூறியுள்ளது.

இரயில் வழித்தடத்தில் மின்சார பாதிப்பு ஏற்பட்டதற்கு ஏதேனும் கருவி பழுதடைந்திருக்கும் என்றுதான் நினைத்தோம். பழுது பார்த்தபோது கருவிகள் அனைத்தும் சரியான முறையிலேயே இயங்கின. பின் மேலும் ஆராய்ந்ததில் இரயில் பாதையில் மின்சாரம் துண்டிக்கப்பட்டதற்கான காரணம்;

எலெக்ட்ரானிக் கருவியில் சிக்கியிருந்த இறந்த நத்தை என்பது பின்புதான் தெரிய வந்தது என்று ஜே.ஆர் குஷுரயில்வே நிறுவனம் கூறியுள்ளது. இதுபோன்ற சம்பவம் மிகவும் அரிதானது என்றும் குறிப்பிட்டுள்ளது.

மேலும் இதுபோன்ற சம்பவம் தொடராமல் கவனிக்கப்படும் என்றும் தெற்கு ஜப்பான் இரயில் நிறுவனம் கூறியுள்ளது.

சில அறிகுறிகளை வைத்தே டயாபெட்டீஸ் வருவதை நீங்கள் முன்னரே அறிந்து கொள்ளலாம்.

அதை நீங்கள் கட்டுப்படுத்தவும் முடியும். அது குறித்து ழுமுமையாக தெரிந்து கொள்ள தொடர்ந்தும் படியுங்கள்.
டைப் 1 டயாபெட்டீஸ்

டைப் 1 டயாபெட்டீஸ் நோய் மொத்த மக்கள் தொகையில் 1% க்கும் குறைவான மக்களை பாதிக்கிறது. கிட்டத்தட்ட 5% மக்கள் சர்க்கரை நோயால் பாதிப்படைகின்றனர். நமது கணையம் சரியான அளவு இன்சுலினை சுரக்காத சமயத்தில் ஊசிகள் மருந்துகள் வழியாக இன்சுலின் சுரப்பு செய்யப்படுகிறது.
டைப் 2 டயாபெட்டீஸ்

டைப் 2 டயாபெட்டீஸ் வயதாகும் போது ஏற்படுகிறது. இதற்கு முக்கிய காரணம் உடல் பருமன். 60% மக்களுக்கு டைப் 2 டயாபெட்டீஸ் வரக் காரணம் அதிக உடல் பருமனாகும். பைட் 2 டயாபெட்டீஸில் உடலில் உள்ள செல்கள் இன்சுலின் எதிர்ப்பு சக்தியாக செயல்படுகிறது. செல்கள் இந்த இன்சுலினை பயன்படுத்தி கார்போஹைட்ரேட் (சர்க்கரை சத்தை) ஆற்றலாக மாற்றுகிறது. இந்த வகை டயாபெட்டீஸில் இன்சுலின் சுரப்பு இருக்கும். ஆனால் போதுமான சர்க்கரையை ஆற்றலாக மாற்ற முடியாமல் இரத்தத்தில் கலக்கிறது.
ரிவர்ஸ் டைப் 2

டயாபெட்டீஸ் மருத்துவர் ஒரு நாளைக்கு 600 கலோரிகள் வீதம் 8 வாரங்களுக்கு டயட் இருக்க சொல்கிறார். இப்பொழுது செல்கள் இன்சுலினை எதிர்க்கும் திறன் போய்விடும். கணையத்திற்கு மீண்டும் இன்சுலினை சுரக்கும் திறன் ஏற்படும். எனவே இதனால் மருந்து, ஊசிகள் போன்றவை தேவையில்லை. 12 வாரங்களுக்கு பிறகு பார்த்தால் உங்களின் குளுக்கோஸ் அளவு நார்மலாகி இருக்கும். எனவே போதுமான உடற்பயிற்சி, உணவுப் பழக்கம் உங்கள் உடல் எடையை குறைத்து டயாபெட்டீஸ் வருவதை தடுக்கிறது.
டயாபெட்டீஸ்யை தடுப்பது எப்படி?

நீங்கள் டயாபெட்டீஸ் வரப் போவதை முன்னரே தடுக்கலாம். 7% அளவு உடல் எடையை குறைக்க முயல வேண்டும்.

தினசரி 30 நிமிடங்கள் நடைபயிற்சி, உடற்பயிற்சி என வாரத்திற்கு 5 தடவை செய்து வாருங்கள். இந்த மாதிரி செய்து வந்தால் டைப் 2 டயாபெட்டீஸ் வருவதை 58% சரி செய்யலாம்.

உங்களுக்கு டயாபெட்டீஸ் வருவதாக இருந்தால் முன்னரே சில அறிகுறிகள் தென்படும். இதை இரத்த பரிசோதனை மூலம் கண்டறியலாம்.

குளுக்கோஸ் அளவு 100-125 அதாவது 5.7%-6.4 % என்ற அளவில் இருந்தால் அதற்கு ப்ரீ டயாபெட்டீஸ் என்று பெயர். இதற்கு குறைவாக இருந்தால் நார்மல், அதிகமாக இருந்தால் டயாபெட்டீஸ் இருக்கு என்று அர்த்தம். எனவே 5 வருடத்திற்கு ஒரு முறை பரிசோதனை செய்து கொள்வது நல்லது.
அறிகுறிகள்

    சோர்வு
    அடிக்கடி தாகம் எடுத்தல்
    அடிக்கடி சிறுநீர் கழித்தல் எனவே போதுமான உடற்பயிற்சி, உடல் எடை, உணவுப் பழக்கம் போன்றவை உங்களை டயாபெட்டீஸ் நோயி லிருந்து காக்கிறது.

ஜியோ நிறுவனம் தொடர்ந்து மலிவு விலையில் பல புதிய திட்டங்களை கொண்டுவர முயற்சி செய்துள்ளது, அதன்படி இப்போது ஜியோ ஜிகா ஃபைபர் இணைய சேவை தற்போது மிகவும் குறிப்பிட்ட நகரங்களில் மட்டும சோதனை முயற்சியாக நடத்தப்பட்டு வருகிறது.

ஒரே இணைப்பில்...

இந்த புதிய சேவை கூடிய விரைவில் அறிமுகமாக உள்ள நிலையில் டிவி, இணையம், போன் என மூன்று சேவைகளையும் ஒரே இணைப்பில் தரும் இந்த ஜிகா ஃபைபர் சேவைகளுக்கான கட்டணங்கள் வெளியாகி உள்ளன.

டெபாசிட் கட்ட வேண்டும்

இந்த சேவைக்கு செக்யூரிட்டி டெபாசிட் கட்ட வேண்டும் என்று 4500 ரூபாய் கட்டணம் விதிக்கப்பட்டதாகவும், அது 2500 ஆக குறைக்கப்படுகிறது என்றும் அந்த தகவல்களில் கூடுதலாக சில முக்கிய செய்திகள் இடம் பெற்றுள்ளன.

வருடாந்திர ஜியோ மாநாட்டில் ..

புதிய தொழில்நுட்பத்தில் உருவான இந்த சிங்கிள் ரூட்டர், சிங்கிள் பேண்டில் மிக அதிகமான இண்டர்நெட் வேகத்தை தரும். அதாவது 50 Mbps வேகத்தில் இருந்து 100 Mbps வேகம் வரை இண்டர்நெட் வேகம் பெறக்கூடியது இந்த ஆப்டிக்கல் நெட்வொர்க் டெர்மினல் ஆகும். 50Mbps வேகத்தில் செயல்படும் இணைய சேவையை பெற ரூ. 600 கட்டணமாகும் என்றும் 100Mbps வேகத்தில் இயங்கும் இணைய சேவையைப் பெற ரூ. 1000 கட்டணமாகும் என்றும் அறிவிக்கப்பட்டுள்ளது. ஜூலை மாதத்தில் நடைபெற இருக்கும் வருடாந்திரஜியோ மாநாட்டில் அதிகாரப்பூர்வ கட்டண அறிவிப்புகள் வெளியாகும்.

2.4GHz சப்போர்ட் செய்யும்

இந்த தகவலை பிரெஷிட் தியோருக்கார் என்பவர் தனது டுவிட்டர் பக்கத்தில் பகிர்ந்துள்ளார். மேலும் இண்டர்நெட் மட்டுமின்றி அழைப்புகளுக்கும் இந்த டிவைஸை பயன்படுத்தி கொள்ளலாம். அவருடைய டுவிட்டின்படி இந்த ஜியோ ஜிகாஃபைபர் டிவைஸ் 2.4GHz சப்போர்ட் செய்யும் என்றும் வைஃபை மற்றும் 5GHz பிராண்ட் வைஃபை பயன்படுத்தலாம் என்றும், 10/100 ஈதர்நெட் போர்ட் கொண்ட இந்த டிவைஸ் 9 x 5 இன்ச் அளவினை கொண்டது என்றும் இது கருப்பு நிறத்தில் இருக்கும் என்றும் அவர் தனது டுவிட்டரில் தெரிவித்துள்ளார். மேலும் இந்த டிவைஸில் மூன்று RJ45 போர்ட்டுக்க்ள், ஒரு மைக்ரோ யூஎஸ்பி 2.0 மற்றும் ஒரு RJ11 போர்ட் ஆகியவைகளும் உள்ளன.

ஜியோ ஜிகாஃபைபருக்கு நல்ல வரவேற்பு இருக்கும்

இந்தியாவின் ஒருசில நகரங்களில் ரிலையன்ஸ் நிறுவனத்தின் ஜியோ ஜிகாஃபைபர் சோதனை முயற்சியில் உள்ளது என்பது தெரிந்ததே. இந்தியாவில் ஆப்டிக்கல் நெட்வொர்க் டெர்மினல் என்ற புதிய தொழில்நுட்பத்தை அறிமுகம் செய்து தொடங்கப்பட்டுள்ள இந்த ஜியோ ஜிகாஃபைபருக்கு நல்ல வரவேற்பு இருக்கும் என எதிர்பார்க்கப்படுகிறது.

Price Waterhouse and Co (PwC) உலகின் முன்னணி ஆடிட் நிறுவனங்களில் ஒன்று. உலகின் பல வளர்ந்த மற்றும் வளரும் நாட்டு ஆடிட்டர்களை (பட்டையக் கணக்காளர் - Chartered Accountant) ஒன்று சேர்ந்து ஒரு நிறுவனமாக உலகம் முழுக்க இயங்கி வருகிறார்கள்.

உலகின் டாப் 5 ஆடிட் நிறுவனங்களில் இதுவும் ஒன்று. இவர்கள் மனது வைத்து, கை வைத்த கம்பெனி கணக்குகள் எல்லாம், கவனிக்கப்படாமல் இருந்ததில்லை. எடுக்கும் கணக்குகளில் முதலாளிகளுக்குத் தேவையானதை சட்டப் படி செய்யாமல் விட்டதே இல்லை. அந்த அளவுக்கு நம்பகமான வளர்ந்த நிறுவனம்.

இந்த Price Waterhouse and Co (PwC) தான் இந்தியாவின் டாடா, பிர்லா, அம்பானியின் Reliance, ஸ்டெர்லைட் என பல முன்னணி கார்ப்பரெட் நிறுவனங்களுக்கு கணக்கு வழக்குகளை நேர் செய்து கொடுக்கும் பெரிய தல கட்டு ஆடிட்டர்கள். இப்போது இவர்களே Reliance நிறுவனத்தில் ஏமாற்று வேலைகள், தப்பு தண்டாக்கல் அதிகம் நடப்பதாகச் சொல்லி வெளியேறி இருக்கிறார்கள். இந்த நிறுவனம் ராஜினாமா செய்தது அவ்வளவு பெரிய விஷயமா..? ஆம். அதற்கு இந்த ஆடிட் நிறுவனம் எவ்வளவு பெரியது என்பதை தெரிந்து கொள்ள வேண்டும்.

திறமைகள்

ரஷ்யாவில் அரசியல் ரீதியாக பலி கெடா ஆக்கப்பட்ட Yukos என்கிற எண்ணெய் நிறுவனத்தை வீழ்த்த நினைத்தது ரஷ்ய அரசு. ஆனால் அதன் கணக்கு வழக்குகள் தெள்ளத் தெளிவாக இருந்தன. ரஷ்ய அரசாங்கத்தாலேயே ஒன்றும் செய்ய முடியாமல் திணறியது. Yukos நிறுவனத்தை வீழ்த்த முடியவில்லை. காரணம் சுத்தமான கணக்கு வழக்குகள். போதாக் குறைக்கு Yukos நிறுவனம் சார்பாக அரசோடு கணக்கு வழக்குகளை வாதிடுவதும் இந்த Price Waterhouse and Co என்பதால் ரஷ்ய அதிகாரிகளுக்கு மண்டை வலி எடுத்துவிட்டது.

பொய் வழக்குகள்

வேறு வழி இல்லாமல் Price Waterhouse and Co மீதே இல்லாத வழக்கு எல்லாம் போட்டு 243 மில்லியன் ரபல் (9.4 மில்லியன் அமெரிக்க டாலர்) அபராதம் எல்லாம் விதித்தது ரஷ்ய அரசு. பணிந்தது Price Waterhouse and Co. பணிந்த உடனேயே 14 நாட்களில் ரஷ்ய அரசு விதித்த அபராதங்கள், வழக்குகள் எல்லாம் பின் வாங்கப்பட்டன. அப்படியே மிரட்டி Yukos நிறுவனத்தில் இருந்து Price Waterhouse and Co-ஸை வெளியேற்றியது ரஷ்ய அரசு. அதன் பின் தான் Yukos நிறுவனம் மீது ரஷ்ய அரசாங்கத்தால் கை வைக்க முடிந்தது.

ரஷ்யாவின் ஒப்புதல்

2010-ம் ஆண்டில் ரஷ்ய அரசாங்கமே "நாங்கள் தான் Yukos நிறுவனத்தில் இருந்து அழுத்தம் கொடுத்து Price Waterhouse and Co நிறுவனத்தை வெளியேற வைத்தோம்" என ஒப்புக் கொண்டது என்றால் Price Waterhouse and Co-வின் திறமைகளை புரிந்து கொள்ள முடியும். அதே நேரத்தில் இவர்கள் தவறே செய்ததில்லையா..? ஏன் இல்லை..? இதோ...

தவறுகள்

1. கண ரக வாகனங்களைத் தயாரிக்கும் Caterpillar நிறுவனத்துக்கு 2.4 பில்லியன் டாலர் வரியை மிச்சப்படுத்த குறுக்கு வழியில் ஆட்டோ ஓட்டியது,

2. அமெரிக்க பாடகர் Willie Nelson-க்கு 32 மில்லியன் டாலர் வரி செலுத்தாமல் இருக்க அமெரிக்க வருமான வரித் துறையில் இருக்கும் ஓட்டைகளைப் பயன்படுத்தி மிச்சப்படுத்தி மாட்டிக் கொண்டது,

2. AIG என்கிற பெரிய நிறுவனத்தை சின்ன அலட்சியத்தால் மூடுவிழா நடத்தியது,

3. Kanebo என்கிற ஜப்பானிய காஸ்மெட்டிக்ஸ் நிறுவனத்தில் நடந்த கணக்கு வழக்கு குளறுபடிகளால் Price Waterhouse and Co-ன் ஜப்பானிய துணை நிறுவனமான ChuoAoyama Audit Corporation ஜப்பானிய அரசால் தடை விதிக்கப்பட்டது.

4. Tyco என்கிற நிறுவனத்தின் முதலாளிகள் 600 மில்லியன் டாலர் திருட உதவியாக இருந்தது,

5. Global Trust Bank-ல் நடந்த குளறுபடிகளால் ஒரு வருடத்துக்கு இந்தியாவில் நிதி சார்ந்த நிறுவனங்களுக்கு ஆடிட் செய்யக் கூடாது என ஆர்பிஐ கொட்டியது

6. டெல்லி குடிநீரை தனியார் மயமாக்க உதவியது என நிறைய அவமானங்கள், திருட்டுத் தனங்கள் மற்றும் சர்ச்சைகள் இவர்களைச் சுற்றிக் கொண்டு தான் இருக்கின்றன.

சமீபத்திய சனி

சத்தியம் நிறுவனத்துக்கு கூட நம் Price Waterhouse and Co தான் கணக்கு வழக்குகளை எல்லாம் நேர் செய்து கொடுத்தார்கள். சத்தியம் பிரச்னை தலை விரித்தாட, ஒவ்வொரு சிக்கலாக வெளியே வந்தன. கடைசியில் சத்தியம் கம்ப்யூட்டர்சில் சில பொய் கணக்குகளை எல்லாம் நேர் செய்து கொடுத்த காரணத்துக்காக Price Waterhouse and Co இரண்டு ஆண்டுகளுக்கு (2017 - 18 மற்றும் 2018 - 19) எந்த கணக்கு வழக்கு சார்ந்த சான்றுகள் (Certificate) வழங்கக் கூடாது என தலையில் கொட்டி அவமானப்படுத்தியது செபி. அதோடு 2 மில்லியன் டாலர் அபராதமும் விதித்தது. அந்த ஒரு அவமானமே Price Waterhouse and Co மேல் இருந்த கொஞ்ச நஞ்ச நல்ல பெயரை, இந்தியாவில் அந்தள சந்தளை ஆக்கிவிட்டது. இத்தனை பிரச்னைகளைச் சமாளித்த, இவ்வளவு சர்ச்சைகளோடு தன் வேலையைப் பார்க்கும் Price Waterhouse and Co தான் இப்போது ரிலையன்சில் பெரிய முறைகேடுகள் நடப்பதாகச் சொல்லி இருக்கிறார்கள். அதனால் தான் கவனிக்க வேண்டி இருக்கிறது.

ராஜினாமா

இந்த பயத்தினாலோ என்னவோ... சில தினங்களுக்கு முன் Reliance Capital மற்றும் Reliance Home Finance ரிலையன்ஸ் குழும நிறுவனங்களின் ஆடிட்டர் பொறுப்பில் இருந்து திடீரென ராஜினாமா செய்திருக்கிறது. ஏன், என்ன என விசாரித்தால் "நாங்க கேக்குற விவரங்கள தராம எப்புடிங்க ஆடிட் பண்றது. அதொடு நிறைய முறை கேடான பணப் பரிமாற்றங்கள், ஏமாத்து வேலைகள் நடந்திருக்கு" என இந்திய கார்ப்பரெட் உலகில் கொளுத்திப் போட்டிருக்கிறார்கள் இந்த நேர்மையான ஆடிட்டர்கள். இந்திய நிறுவனங்கள் சட்டம் 143 உட்பிரிவு 12-ன் படி தன் ராஜினாம கடிதத்தை Reliance Capital, Reliance Home Finance மற்றும் மத்திய கார்ப்பரெட் விவகாரத்துறை அமைச்சகத்துக்கும் அனுப்பி இருக்கிறார்களாம்.

அப்படி இல்லை

ரிலையன்ஸ் கேப்பிட்டல் நிறுவனத்தை Pathak HD & Associates ஆகிய நாங்களும், Price Waterhouse and Co நிறுவனமும் இணைந்து தான் ஆடிட் செய்கிறோம். இதில் ஒரு சில விஷயங்கள் முழுக்க முழுக்க எங்கள் பார்வைக்கு மட்டும் தான் வரும். அதே போல ஒரு சில விஷயங்கள் முழுக்க முழுக்க Price Waterhouse and Co-வின் பார்வைக்கு மட்டும் தான் போகும். ஆக Price Waterhouse and Co சொன்ன சந்தேகத்துக்குரிய பணப் பரிவர்த்தனைகளை எல்லாம் நாங்கள் ஆய்வு செய்து கொண்டிருக்கிறோம். அப்படி ஏதாவது முறையற்ற செயல்கள் நடந்திருந்தால் அதை ஆடிட் அறிக்கையில் வெளிப்படையாக தெரிவிப்போம் என முட்டு கொடுத்திருக்கிறார்கள் Pathak HD & Associates நிறுவனத்தினர்.

என்ன சொல்கிறது 143 (12)

இந்த சட்டப் பிரிவு ஒரு ஆடிட்டரின் ராஜினாமா பற்றிப் பேசுகிறது. "ஒரு ஆடிட்டர் தன் தணிக்கை பணியை செய்யும் போது , நிறுவனத்தில் சட்டத்துக்கு முரணாக தவறுகள் நடப்பதாகவோ அல்லது ஏமாற்று வேலைகளை அந்த நிறுவனத்தின் ஊழியர்கள் மற்றும் அதிகாரிகள் செய்கிறார்கள் என்பதை கண்டாலோ, அதை மத்திய கார்ப்பரெட் விவகார அமைச்சகத்துக்கு முறையாகத் தெரியப்படுத்த வேண்டும்" என்கிறது 143 (12).

சட்டப்படி குற்றமில்லை

இப்படி ஒரு நிறுவனத்தின் ஆடிட்டர் மத்திய அமைச்சகத்துக்கு சொல்லிவிட்டால் நிறுவனத்தில், சட்டத்துக்கு முரணாக தவறுகள் நடப்பதாகவோ அல்லது ஏமாற்று வேலைகளை அந்த நிறுவனத்தின் ஊழியர்கள் மற்றும் அதிகாரிகள் செய்கிறார்கள் என உறுதியாகச் சொல்ல முடியாது என்கிறார்கள் சட்ட வல்லுநர்கள். இதற்கு ரிலையன்ஸ் கேப்பிட்டல் நிறுவனத்தின் தரப்பில் மும்பை பங்குச் சந்தையிடம் பதிலளித்திருக்கிறார்கள்.

ரிலையன்ஸ் பதில்

"Price Waterhouse and Co ஆடிட் நிறுவனம் பார்த்த விஷயங்கள் ஆதாரமற்றவை. இது சிறு பிள்ளைத்தனமாக இருக்கிறது. அப்படி ரிலையன்ஸ் கேப்பிட்டல் நிறுவனத்தில் ஏதாவது தவறு நடப்பதாக இருந்தால், அதை முதலில் நிறுவனத்தின் தணிக்கை குழுவோடு பேசி விவாதித்து ஒரு முடிவுக்கு வந்திருக்க வேண்டும். அதையும் Price Waterhouse and Co செய்யவில்லை. ரிலையன்ஸ் கேப்பிட்டல் நிறுவனம் ஒரு ரூபாயைக் கூட தவறாக பயன்படுத்தவில்லை அதற்கு ரிலையன்ஸிடம் போதிய ஆதாரங்கள் இருக்கின்றன" என காட்டமாக பதில் கொடுத்திருக்கிறது ரிலையன்ஸ் கேப்பிட்டல்.

நிறுவனத்தில் விசாரணை

இந்த பக்கம் Price Waterhouse and Co ஆடிட் நிறுவனத்தை கண்டித்து விட்டு, அந்த பக்கம் Crawford Bayley & Co என்கிற சட்ட நிறுவனத்தை கூப்பிட்டு பேசிக் கொண்டிருக்கிறார்களாம். "எங்க கம்பெனில ஏதுனா ஏமாத்து வேலை, பித்தலாட்டம் நடக்குதா பாருங்க" என விசாரணைக்கு உத்தரவிடப் போகிறார்களாம். ரிலையன்ஸ் தங்களை அழைத்து பேசியது உண்மை தான், ஆனால் இன்னும் உறுதி செய்யப்படவில்லை என Crawford Bayley & Co சட்ட நிறுவனமே சொல்லி இருக்கிறார்கள். ஆக ஒருவேளை தவறு நடந்திருக்கலாமோ என ரிலையன்ஸ் சலனப்படுவதை இதில் பார்க்க முடிகிறது.

தனி நபர் விசாரனை

இந்த சட்ட நிறுவனம் தன் விசாரணையைத் தொடங்கினால் இரண்டு வாரத்துக்குள் ரிலையன்ஸ் குழுமத்தில் நடக்கும் பணப் பரிமாற்றங்களை முழுமையாக ஆய்வு செய்து ஒரு அறிக்கையை மேலிடத்துக்கு கொடுக்குமாம். இந்த Crawford Bayley & Co சட்ட நிறுவனம் போதாதென்று ஒரு நிதி சார்ந்த தடயவியல் விசாரணையாளரையும் (Financial Forensic Investigator) தனியாக விசாரிக்கச் சொல்ல இருப்பதாக ரிலையன்ஸ் வட்டாரங்களில் செய்திகள் பரவி வருகிறதாம்.

ஆடிட் நிறுவனம்

Price Waterhouse and Co நிறுவனமோ ரிலையன்ஸை எதிர்த்து வாதிட Shardul Amarchand Mangaldas, J Sagar and AZB சட்ட நிபுணர்க்ளோடு கலந்து ஆலோசித்துக் கொண்டிருக்கிறார்களாம். ரிலையன்ஸ் மட்டுமின்றி National Financial Reporting Authority (NFRA) and the Serious Fraud and Investigation Office (SFIO) என அரசு அமைப்புகளுக்கு தகுந்த பதில் அளிக்கும் விதத்திலும் தன் வாதத்துக்கான விவரங்களை எடுக்கச் சொல்லி இருக்கிறார்களாம்.

இது புதுசோ..?

இந்தியாவின் முன்னணி நிறுவனங்களில் ஒன்றான ரிலையன்ஸ் குழும நிறுவனத்துக்கு எதிராக உலகின் முன்னணி ஆடிட் நிறுவனம் Price Waterhouse and Co-வே முன் வந்து ஏமாற்று வேலைகலைச் சொல்கிறது என்றால்... நடந்திருப்பது சாதாரன Fraud ஆக இருக்காது. பெரிய சைஸ் கார்ப்பரெட் ஏமாற்று வேலையாக, புது வித Fraud ஆக, இதுவரை கார்ப்பரெட் இந்தியா பார்த்திராத Fraud ஆக இருக்கலாம் என்கிறார்கள் அனலிஸ்டுகள்.

ரங்கராஜ் பாண்டே தன் கேள்விகளால் பல அரசியல் பிரமுகர்களை கதிகலங்க வைத்தவர். இவர் தற்போது சினிமாவிலும் எண்ட்ரீ கொடுத்துவிட்டார்.

அதுவும் முதல் படமே அஜித் போன்ற முன்னணி நடிகருக்கு எதிராக போட்டிப்போடும் ஒரு கதாபாத்திரம்.

இப்படத்தின் ட்ரைலர் வந்து அனைவரையும் கவர்ந்துவிட்டது, இந்நிலையில் ரங்கராஜ் பாண்டே சமீபத்தில் ஒரு பேட்டி கொடுத்துள்ளார்.

அதில் அவர் ‘நான் முதன் முதலாக நடிக்க வந்துள்ளேன், அதனால், அடுத்தநாள் வசனத்தை முதல் நாளே மனப்பாடம் செய்துக்கொண்டு இருப்பேன்.

அதை பார்த்த அஜித் “எப்படி இருந்த ரங்கராஜ் பாண்டே சார், இப்படி ஆகிட்டீங்களே” என்று ஜாலியாக கலாய்த்தார்’ என்று கூறியுள்ளார்.

தமிழ் பிக்பாஸ் நிகழ்ச்சியின் 3வது சீசன் நேற்று துவங்கியுள்ளது. முதல் இரண்டு சீசன்களை போன்றே இந்த சீசனையும் நடிகர் கமல்ஹாஸன் தொகுத்து வழங்குகிறார்.

இது ஒருபுறம் இருக்க, இந்தி பிக்பாஸ் நிகழ்ச்சியின் 13வது சீசன் வரும் செப்டம்பர் மாதம் 29ம் தேதி துவங்க உள்ளது. பொதுவாக இந்தி பிக்பாஸ் நிகழ்ச்சி துவங்குகிறது என்றால் போட்டியாளர்கள் யார் யார் என்பதைவிட இந்த சீசனில் சல்மான் கானுக்கு எவ்வளவு சம்பளம் கொடுக்கப் போகிறார்களோ என்று தான் அதிகம் பேசுவார்கள்.

இந்நிலையில் பிக்பாஸ் நிகழ்ச்சியை சனி மற்றும் ஞாயிற்றுக்கிழமை ஆகிய இரண்டு நாட்கள் தொகுத்து வழங்க சல்மான் கானுக்கு வாரத்திற்கு ரூ.31 கோடி சம்பளம் என 26 எபிசோடுகளுக்கு மொத்தம் ரூபாய் 403 கோடி சம்பளம் பேசி முடிக்கப்பட்டுள்ளதாக தகவல் வெளியாகியுள்ளது.

தமிழ் பிக்பாஸை தொகுத்து வழங்கும் கமலுக்கு ரூபாய் 100 கோடி சம்பளமாக கொடுக்கப்பட்டுள்ளதாக ஏற்கனவே ஒரு தகவல் வெளியாகியிருந்தது குறிப்பிடத்தக்கது.

தமிழகம் முழுவதும் தண்ணீர் தட்டுப்பாடு பெரும் கொந்தளிப்பை ஏற்படுத்தி உள்ளது. மாநிலம் முழுவதும் உள்ள நீர் நிலைகள், அணைப் பகுதிகள் உள்ளிட்டவை வறண்ட நிலையில் காணப்படுகின்றன.

பருவமழை பொய்த்தது முக்கிய காரணமாக சொல்லப்பட்டாலும், நீர் நிலைகளை தூர்வாராதது தான் அடிப்படை காரணமாக விளங்குகிறது. ஆரவாரம் இன்றி மண் மேடுகளுடன் காணப்படும் அணைகளில் ஒன்றாக மதுரையின் வைகை ஆற்றுப் பாலம் இருக்கிறது.

சங்கம் வைத்து வளர்க்கப்பட்ட மதுரையில் வைகை ஆறு பல்வேறு சிறப்புகளை உள்ளடக்கியது. இவ்வளவு சிறப்புகளை பெற்றிருந்தாலும், வைகை ஆற்று பாலம் தற்போது சர்ச்சையில் சிக்கியுள்ளது. அதாவது பாலத்திற்கு சமீபத்தில் காவி நிறம் பூசப்பட்டுள்ளது.

இதுகுறித்து தனது டுவிட்டரில் பதிவிட்டிருந்த திமுக எம்.எல்.ஏ பி.தியாகராஜன், பாரம்பரியமிக்க மதுரை ஏ.வி மேம்பாலத்திற்கு இந்த வண்ணத்தை அடிப்பது எப்படி சரியாகும்? இங்கு யார் ஆட்சி நடக்கிறது?

அண்ணா, திராவிடம் என்று கட்சிக்கு பெயர் வைத்துக்கொண்டு கொஞ்சமும் சுயமரியாதையற்ற வகையில் செயல்பட்டால் மக்கள் இவர்களை 'அடிமை, டயர்நக்கி' என்றெல்லாம் அழைக்காமல் இருப்பார்களா? என்று கேள்வி எழுப்பியுள்ளார்.

இதில் அந்த அணையின் புகைப்படத்தையும் பதிவிட்டுள்ளார். உத்தரப் பிரதேச மாநிலத்தில் யோகி ஆதித்யநாத் தலைமையிலான பாஜக ஆட்சி நடைபெற்று வருகிறது. அவர் ஒரு சாமியாராக இருந்து, அரசியலில் களமிறங்கியவர்.

தனது ஆட்சியில் அரசு கட்டடங்களுக்கு காவி நிறம் பூசி பெரும் பரபரப்பை ஏற்படுத்தினார். ஆனால் தமிழகத்திலோ பாஜக ஆட்சி நடைபெறாமலே, காவி பூசப்பட்டு வருகிறது.

அதாவது பாஜகவின் கைப்பாவையாக அதிமுக இருக்கிறது என்று கூறுவதெல்லாம் உண்மை தானா? என்று பல்வேறு தரப்பினரும் கேள்வி எழுப்புகின்றனர்.

ராஜ ராஜ சோழன் குறித்து தரக்குறைவாக விமர்சனம் செய்தது தொடர்பான வழக்கை விசாரித்த உயர்நீதிமன்ற கிளை இயக்குநர் பா ரஞ்சித்தை சரமாரியாக வெளுத்து வாங்கியுள்ளது.

திரைப்பட இயக்குநர் பா.ரஞ்சித் சோழ மன்னர் ராஜ ராஜ சோழன் குறித்து கடந்த 5 ஆம் தேதி திருப்பனந்தாளில் நடைபெற்ற நிகழ்ச்சியில் மிகவும் தரக்குறைவாக பேசினார். தலித் நிலங்களை பிடுங்கியவர் ராஜ ராஜ சோழன் என்றும் தேவதாசி முறையை கையாண்டவர் ராஜ ராஜ சோழன் என்றும் அவர் கூறினார்.

அவரது பேச்சுக்கு கடுமையான எதிர்ப்பு எழுந்தது.இதுதொடர்பாக ரஞ்சித் மீது பல காவல் நிலையங்களில் புகார் அளிக்கப்பட்டுள்ளது. திருப்பனந்தாள் காவல் நிலைய ஆய்வாளரே முன்வந்து ரஞ்சித் மீது வழக்குப்பதிவு செய்தார்.

கைவிரித்த ஹைகோர்ட்

இதில் முன்ஜாமீன் கோரி இயக்குநர் ரஞ்சித் உயர்நீதிமன்ற மதுரை கிளையில் மனுத்தாக்கல் செய்துள்ளார். இந்த வழக்கில் இரண்டு முறை ரஞ்சித்தை கைது செய்ய தடை விதித்த நீதிமன்றம் மூன்றாவது முறை கைவிரித்துவிட்டது.

ரஞ்சித் புதிய மனு

இதனால் அவர் எப்போது வேண்டுமானாலும் கைது செய்யப்படலாம் என்ற நிலை உள்ளது. இந்த வழக்கு நீதிமன்றத்தில் நிலுவையில் உள்ளது. இந்நிலையில் இந்த வழக்கை ரத்து செய்யக்கோரி ரஞ்சித் தரப்பில் புதிய மனுத்தாக்கல் செய்யப்பட்டது.

ரத்துசெய்ய கோரிக்கை

தன் மீதான வழக்கில் எந்த முகாந்திரமும் இல்லை என்றும் சாதி பிளவை ஏற்படுத்தும் வகையில் தான் பேசவில்லை, நில உரிமை பற்றி விழிப்புணர்வு ஏற்படுத்தவே தான் பேசியதாகவும் எனவே தன் மீதான வழக்கை ரத்து செய்ய வேண்டும் என்றும் ரஞ்சித் தரப்பில் மனுவில் கோரிக்கை விடுக்கப்பட்டது.

நீதிபதி மறுப்பு

இந்த மனு நீதிபதி பாரதிதாசன் முன்னிலையில் இன்று விசாரணைக்கு வந்தது. அப்போது மனுவை விசாரித்த நீதிபதி ரஞ்சித்தின் மீதான வழக்கை ரத்து செய்ய மறுப்பு தெரிவித்துவிட்டார்.

ஆதாரம் எங்குள்ளது?

ராஜ ராஜ சோழன் தலித் நிலங்களை பறித்தார் என்று எந்த நோக்கத்தில் கூறப்பட்டது என்றும் நீதிபதி கேள்வி எழுப்பினார். ராஜ ராஜ சோழன் தலித் மக்களின் நிலத்தை பறித்தார் என்பதுதற்கு ஆதாரம் எங்குள்ளது என்றும் நீதிபதி வினா எழுப்பினார்.

ஒரு வரம்பு இல்லையா?

பயிர் செய்வோர் நிலத்தை சொந்தமாக வைத்திருக்கலாம், பயிர் செய்யாதோர் நிலத்தை ஒப்படைக்க வேண்டும் என்றுதான் நூலில் உள்ளது என்றும் நீதிபதி பாரதிதாசன் கூறினார். மேலும் ஜனநாயக நாட்டில் பேச்சுரிமை என்றாலும் அதற்கு ஒரு வரம்பு இல்லையா? என நீதிபதி கேள்வி எழுப்பினார்.

காவல்துறைக்கு உத்தரவு

இதைத்தொடர்ந்து ரஞ்சித்தின் உரை முழுவதையும் உயர்நீதிமன்றத்தில் விரிவான அறிக்கையாக தாக்கல் செய்ய காவல் துறைக்கு நீதிபதி பாரதிதாசன் உத்தரவிட்டார். மேலும் வழக்கு விசாரணையை வரும் 8 ஆம் தேதிக்கு நீதிபதி ஒத்திவைத்துள்ளார்.

பிக்பாஸ் சீசன் 3-ல் பங்கேற்றுள்ள லாஸ்லியா, தர்ஷன் ஆகிய ஈழத் தமிழர்களை அறிந்து கொண்ட தமிழகம், பாஸ்கரன், ரமேஷ், செல்வம் என்கிற 3 ஈழத் தமிழர்களைப் பற்றி தெரிந்து கொண்டதா? என குமுறல் பதிவு ஒன்று சமூக வலைதளங்களில் வைரலாகி வருகிறது.

வெளிநாடுகளில் அதிக பார்வையாளர்கள் கிடைக்க வேண்டும் என்பதற்காக ஈழத் தமிழர்கள் 2 பேரை இம்முறை களமிறக்கிவிட்டிருக்கிறது விஜய் டிவி. பிக்பாஸ் சீசன் 3-ல் ஈழத் தமிழ் செய்தி வாசிப்பாளர் லாஸ்லியா மற்றும் தர்ஷன் ஆகியோர் இணைந்துள்ளனர்.

இது அப்பட்டமான வணிக நோக்கம்தான் என்கிற விமர்சனம் ஒருபக்கம் முன்வைக்கப்பட்டு வருகிறது. அதேநேரத்தில் தமிழகத்தில் இன்னமும் சிறப்பு முகாம்களில் போராடும் ஈழத் தமிழர்களையும் தர்ஷன், லாஸ்லியாவையும் முன்வைத்து முன்னாள் போராளி பாலன் சந்திரன் எழுதிய பதிவு ஒன்று சமூக வலைதளங்களில் வைரலாக பரவி வருகிறது. அப்பதிவு விவரம்:

3 ஈழத் தமிழர் போராட்டம்

தர்ஷன், லொஸ்லியா, பாஸ்கரன், ரமேஷ், செல்வம் அனைவரும் ஈழத் தமிழர்கள். இதில் தர்ஷன், லொஸ்லியா இருவரும் பிக்பாஸ் நிகழ்வில் கலந்துகொள்வதால் விஜய் ரிவி மூலம் பல கோடி தமிழர்கள் நேற்று முதல் அறிந்துள்ளனர். இந்த இருவரையும் அறிந்துள்ள பல தமிழர்களுக்கு பாஸ்கரன், ரமேஷ், செல்வம் ஆகியோர் யார் என்று தெரிந்திருக்கவில்லை.

விடுதலை கோரி வைகோ அறிக்கை

ஆனால் வைகோ அவர்களுக்கு தெரிந்திருக்கிறது. திருச்சி சிறப்புமுகாமில் இந்த மூவரும் கடந்த ஜந்து நாட்களாக உண்ணாவிரதம் இருந்து வருகின்றார்கள் என்பதும் தெரிந்திருக்கிறது. தெரிந்தது மட்டுமன்றி இந்த அப்பாவி ஈழ அகதிகளை உடனடியாக விடுதலை செய்யுமாறு அவர் அறிக்கை விட்டிருக்கிறார்.

வைகோ மீது வழக்கு

வைகோ அவர்கள் எம்.பி இல்லை. அவர் கட்சி ஆட்சியிலும் இல்லை. ஆனாலும் அவர் ஈழத் தமிழர்களுக்கு ஆதரவாக அறிக்கை விட்டிருக்கிறார். இப்போது தேர்தல் இல்லை. இருந்தாலும் ஈழத் தமிழர் பற்றி பேசுவதால் அது வைகோ அவர்களுக்கு பயன் தரப்போவதில்லை. இருந்தாலும் அவர் அறிக்கை விட்டிருக்கிறார். அதுவும் 2008ம் ஆண்டு ஈழத் தமிழர்களுக்காக பேசியதற்காக அவர்மீது போடப்பட்ட தேசவிரோத வழக்கு விசாரணை ஒருபுறம் நடந்துகொண்டிருக்க மறுபுறம் அது பற்றி கவலைப்படாமல் மீண்டும் ஈழத் தமிழர்களுக்காக அறிக்கை விட்டிருக்கிறார். அண்மையில் ஈழத்தில் இருந்து தமிழ் தலைவரான மாவை சேனாதிராசா தமிழகம் வந்து ஸ்டாலின் அவர்களை சந்தித்தார். இதே ஸ்டாலினை ஈழத்திற்கு வரும்படி முன்னாள் மாகாணசபை முதல்வர் விக்னேஸ்வரன் அழைத்திருக்கிறார்.

முன்வைக்கப்படாத விடுதலை கோரிக்கை

இந்த ஈழத் தமிழ் தலைவர்களும் சிறப்புமுகாமில் அடைக்கப்பட்டிருக்கும் அகதிகளை விடுதலை செய்யுமாறு இந்திய அரசிடம் கோரவில்லை. அல்லது, இந்திய அரசை வலியுறுத்தும்படி தாங்கள் சந்தித்த ஸ்டாலின் அவர்களிடமும் கோரவில்லை. ஆனால் யார் கேட்காமலும், எந்தவித பயனும் எதிர் பாராமல் வைகோ அவர்கள் அறிக்கை விட்டிருக்கிறார்.

இந்திய இலங்கை அரசு எண்ணம்

பிக்பாஸ் பார்ப்பவர்கள் " இப்போது ஈழத்தில் யுத்தம் இல்லை. அந்த தமிழர்கள் இந்தியா வந்து டிவி நிகழ்வுகளில் சந்தோஷமாக கலந்து கொள்கிறார்கள். அதற்கு இலங்கை இந்திய அரசுகள்கூட அனுமதிக்கின்றன" என்றே நினைப்பார்கள். அவ்வாறு உலகில் உள்ள தமிழர்கள் எல்லாம் நினைக்க வேண்டும் என்பதே இலங்கை மற்றும் இந்திய அரசின் விருப்பமாகும். அதற்கு விஜய் டிவி யும் ஒத்துழைக்கிறது.

ஊடகங்கள் மறைக்கும் ஈழ அவலங்கள்

ஆனால் தமிழ்நாட்டில் சிறப்புமுகாமில் ஈழ அகதிகள் அடைக்கப்பட்டிருப்பதையோ அல்லது ஈழத்தில் அரசியல் கைதிகள் மற்றும் காணாமல் போனவர்களின் உறவுகள் நடத்தும் போராட்டங்களையோ உலகத் தமிழர் அறிந்து கொள்வதை இந்த அரசுகள் விரும்புவதில்லை. அதனால்தான் பிக்பாஸ் மற்றும் சுப்பர் சிங்கர் நிகழ்வில் ஈழத் தமிழர்களை காட்டும் விஜய் டிவி போன்றன தமிழ் நாட்டில் ஈழ அகதிகள் படும் துன்பத்தையும் காட்டுவதில்லை. ஈழத்தில் அவர்களின் அவலத்தையும் காட்டுவதில்லை. இந்நிலையில் வைகோ அவர்களின் அறிக்கை ஈழத் தமிழர்களின் உண்மை நிலையை வெளி உலகிற்கு காட்டியுள்ளது.

கமல்ஹாசன் தொகுத்து வழங்கும் பிக்பாஸ் நிகழ்ச்சியின் மூன்றாவது சீசன் தற்போது துவங்கியுள்ளது. இன்று இரவு 8 மணி முதல் முதல் நாள் காட்சி ஒளிபரப்பப்பட்டு வருகிறது.

தற்போது போட்டியாளர்கள் ஒவ்வொருவரும் வீட்டுக்குள் அனுப்பப்பட்டு வருகின்றனர். போட்டியாளர்கள் விவரம் பற்றி லைவ் அப்டேட்ஸ் இதோ..

1. பாத்திமா பாபு (செய்தி வாசிப்பாளர்)

2. லோஸ்லியா (செய்தி வாசிப்பாளர்)

3. சாக்‌ஷி அகர்வால்

4. ஜாங்கிரி மதுமிதா (காமெடி நடிகை)

5. கவின் (நடிகர்)

6. அபிராமி (நேர்கொண்ட பார்வை பட நடிகை)

உங்கள் உச்சந்தலையை ஆரோக்கியமாகவும் சுத்தமாகவும் நிர்வகிப்பதால் வலிமையான மற்றும் ஆரோக்கியமான கூந்தல் உருவாகிறது. அதே நேரம் உங்கள் உச்சந்தலை அசுத்தமாக அழுக்குகள் நிறைந்து காணப்பட்டால் , பல்வேறு ரசாயனங்கள் நிறைந்து இருந்தால் ஆரோக்கியமான முடி வளர்ச்சி என்பது ஒரு கேள்விக்குறியாகவே இருக்கும்.

சில நேரங்களில் வெறும் ஷாம்பூ பயன்படுத்துவதால் மட்டும் உச்சந்தலை சுத்தமாக இருப்பதில்லை. உங்கள் உச்சந்தலைக்கு புத்துணர்ச்சி ஊட்டுவதற்கு இன்னும் சில நிலைகளை கடைபிடிக்க வேண்டியுள்ளது. உங்கள் உச்சந்தலை பிசுபிசுப்பாக இருப்பதாகவும், அதிக எண்ணெய்ப் பசையுடன் இருப்பதாகவும் நீங்கள் உணர்ந்தால் இன்னும் அதிக முறை உங்கள் கூந்தலை சுத்தம் செய்ய வேண்டும் என்று உணர்ந்தால், உங்கள் உச்சந்தலைக்கு ஒரு சிறப்பான ஸ்க்ரப் தேவை என்பதை நீங்கள் அறிந்து கொள்ளலாம்.

உச்சந்தலை ஸ்க்ரப்

உங்கள் உச்சந்தலையை புத்துணர்ச்சியூட்டி ஆழமான முறையில் சுத்தம் செய்ய நீங்கள் உச்சந்தலை ஸ்க்ரப்பிங் முறையை முயற்சிக்க வேண்டும். அதன் பிறகு நீங்கள் ஒரு அற்புதத்தை உணர முடியும். இந்த பதிவில் உச்சந்தலையை எவ்வாறு ஸ்க்ரப் செய்வது, அதன் நன்மைகள் என்ன என்பது பற்றி உரையாடவிருக்கிறோம்.

ஸ்க்ரப்பிங் என்றால் என்ன?

உச்சந்தலை ஸ்கரப் செய்வது என்பதை எளிய முறையில் உணர்த்த வேண்டும் என்றால், உச்சந்தலையின் மேற்படலத்தைப் பிரிப்பது என்பதாகும். நம்முடைய உச்சந்தலையின் ஆரோக்கியம் , நம்முடைய கூந்தலின் ஆரோக்கியம் மற்றும் தோற்றத்தை நேரடியாக பாதிக்கிறது. நமக்கு ஆரோக்கியமான மற்றும் வலிமையான தலைமுடி வேண்டுமென்றால் ஆரோக்கியமான உச்சந்தலையை பராமரிக்க வேண்டும். இந்த வேலையை செய்வதற்காக உச்சந்தலை ஸ்க்ரப் பயன்படுகிறது.

உச்சந்தலையை அழுத்தி தேய்த்து ஸ்க்ரப் செய்வதால் அழுக்கு, தூசு மற்றும் ரசாயனக் கட்டமைப்புகள் உச்சந்தலையில் இருந்து வெளியேறி உச்சந்தலை புத்துணர்ச்சி அடைகிறது. உங்கள் உச்சந்தலையில் எண்ணெய் பிசுபிசுப்பு அதிகம் இருந்தால், உச்சந்தலையை ஸ்க்ரப் செய்வதால் அதிக எண்ணெய் உற்பத்தி குறைந்து, உச்சந்தலை புதுப்பிக்கப்படுகிறது.

ஒரு மாதத்திற்கு ஒரு முறையாவது இந்த உச்சந்தலையை ஸ்க்ரப் செய்து கொள்வது நல்ல பலன்களைத் தரும். இதனால் உங்கள் கூந்தல் பளபளப்பாகவும், வலிமையாகவும், நீளமாகவும் வளர்கிறது. ஆகவே உங்கள் கூந்தலை புத்துணர்ச்சியுடன் வைத்துக் கொள்ள விரும்பினால் உங்கள் வழக்கமான கூந்தல் பராமரிப்பில் உச்சந்தலை ஸ்க்ரப்பிங் முறையையும் இணைத்துக் கொள்ளுங்கள்.
நன்மைகள்
நன்மைகள்

. உச்சந்தலையில் மேற்படல பிரிப்பை மேற்கொண்டு இறந்த சரும அணுக்கள், அழுக்கு மற்றும் தூசு போன்றவற்றை வெளியேற்ற உதவுகிறது.

. உச்சந்தலை உற்பத்தி செய்யும் அதிக எண்ணெய்யை அகற்றவும் உதவுகிறது.

. தலைமுடியின் வேர்க்கல்களில் உள்ள அடைப்பைப் போக்க உதவுகிறது.

. உச்சந்தலையில் இரத்த இட்டத்தை அதிகரித்து, கூந்தலின் தரத்தை மேம்படுத்த உதவுகிறது.

. கூந்தல் உதிர்வதைத் தடுக்க உதவுகிறது.

. கூந்தல் வளர்ச்சியை ஊக்குவிக்கிறது.

. பொடுகு தொந்தரவிற்கு சிகிச்சை அளிக்க உதவுகிறது.

வீட்டிலேயே ஸ்க்ரப் செய்வது எப்படி?

அழகு நிலையங்களில் இதனை தொழில் ரீதியில் செய்து வந்தாலும், உங்கள் வசதிக்கேற்ற முறையில் வீட்டிலேயே ஸ்க்ரப் செய்து கொள்வதால் இன்னும் அதிக பலன் கிடைக்கும். மேலும் இயற்கை மூலப்பொருள் கொண்டு இதனை செய்யும்போது கூந்தலுக்கு எந்த ஒரு தீங்கும் ஏற்படாது.

ஓட்ஸ் மற்றும் பழுப்பு சர்க்கரை

உச்சந்தலையின் மேற்படலத்தில் உள்ள அழுக்கை நீக்கி இறந்த அணுக்களை வெளியேற்ற பழுப்பு சர்க்கரை உதவுகிறது. உச்சந்தலையை சுத்தம் செய்ய ஓட்ஸ் உதவுகிறது. மேலும் ஓட்ஸ்ஸில் உள்ள அழற்சி எதிர்ப்பு தன்மை உச்சந்தலையில் உண்டாகும் அரிப்பைக் கட்டுப்படுத்தி இதமான உணர்வைத் தருகிறது .

தேவையான பொருட்கள்

. இரண்டு ஸ்பூன் பழுப்பு சர்க்கரை

. இரண்டு ஸ்பூன் ஓட்ஸ் பவுடர்

. ஒரு ஸ்பூன் கண்டிஷனர்

. பத்து துளி பாதாம் எண்ணெய்

செய்முறை

1. ஒரு கிண்ணத்தில் கண்டிஷனர் சேர்க்கவும்.

2. இதனுடன் ஓட்ஸ், பழுப்பு சர்க்கரை ஆகியவற்றைக் கலந்துக் கொள்ளவும்.

3. பிறகு இதனுடன் பாதாம் எண்ணெயைச் சேர்க்கவும்.

4. எல்லாவற்றையும் ஒன்றாகக் கலந்துக் கொள்ளவும்.

5. இந்த கலவையைக் கொண்டு உச்சந்தலையில் 5 நிமிடங்கள் சுழல் வடிவத்தில் மசாஜ் செய்யவும்.

6. பின்பு வெதுவெதுப்பான நீரைக் கொண்டு தலை முடியை அலசவும்.

7. பிறகு தலை முடியை நன்றாக காய விடவும்.
கடல் உப்பு, ஆலிவ் எண்ணெய் மற்றும் எலுமிச்சை சாறு
கடல் உப்பு, ஆலிவ் எண்ணெய் மற்றும் எலுமிச்சை சாறு

உச்சந்தலையில் உள்ள கழிவுகளை அகற்றி உச்சந்தலைக்கு இதமளிக்க உதவுவது கடல் உப்பாகும். ஆலிவ் எண்ணெய் உச்சந்தலையின் ஆழத்தில் ஊடுருவி ஈரப்பதத்தைத் தந்து கூந்தலின் வேர்க்கால்களுக்கு புத்துணர்ச்சி அளித்து, கூந்தல் வளர்ச்சியை ஊக்குவிக்கிறது. எலுமிச்சையில் வைட்டமின் சி சத்து இருக்கிறது. மேலும் எலுமிச்சையில் உள்ள அன்டி ஆக்சிடென்ட் தன்மை காரணமாக, உச்சந்தலை தீங்கு விளைவிக்கும் கூறுகளில் இருந்து பாதுகாக்கப்படுகிறது . இதனால் பொடுகு மற்றும் கூந்தல் உதிர்வு போன்றவை தடுக்கப்படுகின்றன.

தேவையான பொருட்கள்

. இரண்டு ஸ்பூன் கடல் உப்பு

. ஒரு ஸ்பூன் ஆலிவ் எண்ணெய்

. அரை ஸ்பூன் எலுமிச்சை சாறு

. ஒரு ஸ்பூன் கண்டிஷனர்

செய்முறை

1. ஒரு கிண்ணத்தில் கடல் உப்பு மற்றும் ஆலிவ் எண்ணெய் சேர்க்கவும்.

2. இரண்டையும் ஒன்றாகக் கலக்கவும்.

3. இந்தக் கலவையுடன் சிறிதளவு எலுமிச்சை சாறு சேர்த்து நன்றாகக் கலக்கவும்.

4. இந்தக் கலவையுடன் கண்டிஷனர் சேர்த்து, எல்லாவற்றையும் ஒன்றாகக் கலக்கவும்.

5. உங்கள் உச்சந்தலையை ஈரமாக்கிக் கொள்ளவும்.

6. உங்கள் உச்சந்தலையில் இந்த கலவையைத் தடவி சுழல் வடிவத்தில் இரண்டு நிமிடம் மசாஜ் செய்யவும்.

7. ஒரு மிதமான ஷாம்பூ கொண்டு தலையை அலசவும்.

பாதாம், தேங்காய் எண்ணெய் மற்றும் டீ ட்ரீ எண்ணெய்

கூந்தலின் வேர்கால்களுக்கு புத்துணர்ச்சி தரும் அத்தியாவசிய ஊட்டச்சத்துகள் பாதாமில் உள்ளன. கூந்தலுக்குள் ஆழமாக ஊடுருவி, சேதங்களைத் தடுக்க உதவுகிறது தேங்காய் எண்ணெய். டீ ட்ரீ எண்ணெய்யின் கிருமி எதிர்ப்பு மற்றும் அழற்சி எதிர்ப்பு பண்புகள் அரிப்பைப் போக்கி, எரிச்சலைத் தடுத்து, ஆரோக்கியமான உச்சந்தலை உருவாக்கத்தை செயல்படுத்த உதவுகிறது.

தேவையான பொருட்கள்

. இரண்டு ஸ்பூன் அரைத்த பாதாம் விழுது

. ஒரு ஸ்பூன் தேங்காய் எண்ணெய்

. ஒரு ஸ்பூன் டீ ட்ரீ எண்ணெய்

செய்முறை

1. ஒரு கிண்ணத்தில் எல்லா மூலப்பொருட்களையும் ஒன்றாகக் கலந்துக் கொள்ளுங்கள்.

2. தலைக்கு வழக்கம் போல் ஷாம்பூ தேய்த்து குளித்து அதிக நீரை பிழிந்துக் கொள்ளுங்கள்.

3. பிறகு இந்த கலவையை தலையில் தடவி, மென்மையாக ஐந்து நிமிடம் சுழல் வடிவத்தில் மசாஜ் செய்து கொள்ளுங்கள்

4. பிறகு தலையை அலசுங்கள்.

5. தலையைத் துடைத்து காய வைத்துக் கொள்ளுங்கள்.
சோள மாவு மற்றும் டீ ட்ரீ எண்ணெய்
சோள மாவு மற்றும் டீ ட்ரீ எண்ணெய்

டீ ட்ரீ எண்ணெயுடன் சேர்த்து கலக்கப்பட்ட சோளமாவு உச்சந்தலையை சுத்தம் செய்து சேதங்களைத் தடுக்க உதவுகிறது. இதனால் கூந்தலின் புத்துணர்ச்சி அதிகரிக்கிறது.

தேவையான பொருட்கள்

. ஒரு ஸ்பூன் சோளமாவு

. அரை ஸ்பூன் டீ ட்ரீ எண்ணெய்

செய்முறை

1. ஒரு கிண்ணத்தில் சோளமாவு ஒரு ஸ்பூன் போடவும்.

2. அதில், டீ ட்ரீ எண்ணெய் சேர்த்து இரண்டையும் நன்றாகக் கலக்கவும்.

3. இந்த கலவை கொண்டு உச்சந்தலையில் சுழல் வடிவத்தில் ஐந்து நிமிடங்கள் மென்மையாக மசாஜ் செய்யவும்.

4. பிறகு வழக்கமான முறையில் ஷாம்பூ தேய்த்து தலையை அலசவும்.

முட்டையின் மஞ்சள் கரு, தயிர் மற்றும் விளக்கெண்ணெய்

முட்டையின் மஞ்சள் கரு கூந்தலின் வேர்கால்களில் புத்துணர்ச்சி தந்து முடி வளர்ச்சியை ஊக்குவிக்கிறது. உச்சந்தலையை புத்துணர்ச்சி பெறச் செய்யும் அத்தியாவசிய ஊட்டச்சத்துகள் தயிரில் உள்ளன. மேலும் பொடுகைப் போக்கவும் தயிர் உதவுகிறது, விளக்கெண்ணெய் , இரத்த ஓட்டத்தை அதிகரித்து , உச்சந்தலையில் முடி வளர்ச்சியை ஊக்குவிக்கிறது.

தேவையான பொருட்கள்

. இரண்டு முட்டை மஞ்சள் கரு

. ஒரு கிண்ணத்தில் தயிர்

. ஒரு ஸ்பூன் விளக்கெண்ணெய்

. ஒரு ஸ்பூன் உப்பு

செய்முறை

1. மேலே கூறிய எல்லா மூலப்பொருட்களையும் ஒரு கிண்ணத்தில் சேர்க்கவும்.

2. எல்லாவற்றியும் ஒன்றாகக் கலக்கவும்.

3. இந்த கலவையை உங்கள் உச்சந்தலையில் தடவி சுழல் வடிவத்தில் 5 முதல் 10 நிமிடங்கள் மென்மையாக மசாஜ் செய்யவும்.

4. பிறகு ஒரு ஷவர் கேப் அணிந்து தலையை மூடிக் கொள்ளவும்.

5. 15 நிமிடங்கள் அப்படியே விடவும்.

6. பிறகு ஒரு மிதமான ஷாம்பூ கொண்டு தலையை அலசவும்.

தேன், பெப்பெர்மின்ட் எண்ணெய் மற்றும் பழுப்பு சர்க்கரை

உச்சந்தலையில் உள்ள ஈரப்பதத்தை உள்ளுக்குள்ளேயே பூட்டி வைக்கும் திறன் தேனுக்கு உண்டு. மேலும் உச்சந்தலையின் pH அளவைப் பராமரிக்க தேன் உதவுகிறது. இதனால் உச்சந்தலை சீரான முறையில் கண்டிஷன் செய்யப்படுகிறது. இதனால் சேதங்கள் தடுக்கப்படுகின்றன. பெப்பெர்மின்ட் எண்ணெய் கூந்தலின் வேர்க்கால்களை புத்துணர்ச்சி பெறச் செய்து, கூந்தல் வளர்ச்சிக்கு உதவுகிறது.

தேவையான பொருட்கள்

. ஒரு ஸ்பூன் ஆர்கானிக் தேன்

. ஒரு ஸ்பூன் பெப்பெர்மின்ட் எண்ணெய்

. ஒரு ஸ்பூன் பழுப்பு சர்க்கரை

செய்முறை

1. மேலே கூறிய எல்லா மூலப்பொருட்களையும் ஒரு கிண்ணத்தில் போடவும்.

2. எல்லாவற்றையும் ஒன்றாகக் கலக்கவும்.

3. இந்த கலவையை உங்கள் உச்சந்தலையில் தடவவும்.

4. பிறகு மென்மையான முறையில் சுழல் வடிவத்தில் ஐந்து நிமிடம் மசாஜ் செய்யவும்.

5. பிறகு மென்மையான ஷாம்பூ கொண்டு தலையை அலசவும்.

பேக்கிங் சோடா மற்றும் டீ ட்ரீ எண்ணெய்

உச்சந்தலையை சிறப்பாக சுத்தம் செய்யவும் ஆரோக்கியமான முறையில் பராமரிக்கவும் ஒரு சக்தி வாய்ந்த தீர்வாக இருப்பது பேக்கிங் சோடா மற்றும் டீ ட்ரீ எண்ணெயின் ஒருங்கிணைப்பு.

தேவையான பொருட்கள்

. ஒரு ஸ்பூன் பேக்கிங் சோடா

. டீ ட்ரீ எண்ணெய் சில துளிகள்

. ஒரு ஸ்பூன் ஷாம்பூ

செய்முறை

1. ஒரு கிண்ணத்தில் ஷாம்பூ சேர்க்கவும்.

2. அதில் மேலே கூறிய அளவு பேக்கிங் சோடா மற்றும் டீ ட்ரீ எண்ணெய் சேர்த்து ஒன்றாகக் கலக்கவும்.

3. பிறகு இந்த கலவையை உங்கள் உச்சந்தலையில் சுழல் வடிவத்தில் இரண்டு நிமிடம் மசாஜ் செய்யவும்.

4. பிறகு வெதுவெதுப்பான நீரால் தலையை அலசவும்.

அஸ்பிரின் ஸ்க்ரப்

அஸ்பிரின் மாத்திரையில் சலிசிலிக் அமிலம் உள்ளது. இது முடி உதிர்வைத் தடுத்து, வேர்கால்களுக்கு புத்துணர்ச்சியை அளிக்கிறது.

தேவையான பொருட்கள்

. 6-8 அஸ்பிரின் மாத்திரைகள்

. 4 ஸ்பூன் வெதுவெதுப்பான நீர்

செய்முறை

1. ஒரு கிண்ணத்தில் வெதுவெதுப்பான நீரை ஊற்றிக் கொள்ளவும்.

2. அந்த நீரில், அஸ்பிரின் மாத்திரைகளைக் கலந்து அது கரையும் வரை நன்றாகக் கலக்கவும்.

3. ஒரு பிரஷ் கொண்டு உங்கள் உச்சந்தலையில் இந்த கலவையைத் தடவவும்.

4. பிறகு 5 நிமிடம் மென்மையாக மசாஜ் செய்யவும்.

5. பிறகு வழக்கமான ஷாம்பூ கொண்டு தலையை அலசவும்.

6. தலையை அலசியபின் நன்றாகக் காய விடவும்.

பிக்பாஸ் மூன்றாவது சீசன் நாளை பிரமாண்டமாக தொடங்கவுள்ளது. இதில் யார் கலந்துக்கொள்வார்கள் என்ற எதிர்ப்பார்ப்பு பலரிடமும் உள்ளது.

இந்நிலையில் நமக்கு கிடைத்த தகவல் அனைத்தையும் நாம் ஒவ்வொரு நாளும் கூறிக்கொண்டே தான் இருக்கின்றோம்.

அந்த வகையில் டுவிட்டரில் பிக்பாஸ்-3 நிகழ்ச்சிக்கு வரும் மொத்த போட்டியாளர்கள் லிஸ்ட் என்று ஒருவர் டுவிட் செய்துள்ளார். இந்த லிஸ்டில் நாம் முன்பே குறிப்பிட்ட ஒரு சிலரும் உள்ளனர்.

இது எந்த அளவிற்கு உண்மை என்று தெரியவில்லை, ஆனாலும்,இது பலராலும் பகிரப்பட்டு வருகின்றது, இதோ...

#BigBoss3 #Cast
Fathima Babu
Power star
Cheran
Sherin
Kavan actress
Sandy master
Pink Abirama
Sakshi Agarwal
Paruthiveeran Saravanan
Jangerry comedy Madhumitha
Malaysian male model
Mohan vaithiya
One more srilankan model
17 contestants.

இந்திய சமையற்கலை மிகவும் புகழ் பெற்றதாகும், அதற்கு காரணம் நமது சுவை மிகுந்த மசாலாக்கள் மட்டுமல்ல, நமது சமையற்கலை வழங்கும் பல ஆரோக்கிய நன்மைகள்தான். நமது பாரம்பரிய சமையல் முறைகளும், பழக்கங்களும் நாம் நினைத்து பார்க்க முடியாத அளவிற்கு நமக்கு பல நன்மைகளை வழங்கக்கூடும்.

நமது முன்னோர்கள் வாழ்ந்த ஆரோக்கிய வாழ்விற்கு அவர்களின் வாழ்க்கை முறையும், ஆரோக்கியமான உணவுப்பழக்கமும்தான் காரணம். இப்போதிருக்கும் நமது வாழ்க்கை முறையில் நம்முடைய அத்தியாவசிய தேவை நம்முடைய பாரம்பரிய உணவுமுறைதான். நமது பாரம்பரிய உணவுமுறைகளில் இருந்து இப்பொது நாம் மீண்டும் நடைமுறைக்கு கொண்டுவர வேண்டிய பழக்கவழக்கங்கள் என்னென்ன என்று இந்த பதிவில் பார்க்கலாம்.

வீட்டு காய்கறிகள்

வீட்டில் காய்கறிகளை வளர்ப்பதன் சிறந்த நன்மை என்னவெனில் இவற்றில் பூச்சிக்கொல்லிகளின் அளவு குறைவாக இருப்பதுடன் ஊட்டச்சத்துக்களும் அதிகமாக இருக்கும். ஊட்டச்சத்து நிபுணர்களின் கருத்துப்படி வீட்டில் வளரும் காய்கறிகள் கடைகளில் இருக்கும் காய்கறிகளை விட 75 சதவீதம் ஆரோக்கியமானதாக இருக்கும். மேலும் இது உங்கள் உடல் செயல்பாடுகளை அதிகரிப்பதுடன் இதய ஆரோக்கியம் மற்றும் உடலின் ஒட்டுமொத்த வலிமையையும் அதிகரிக்கும்.

உலக்கை மற்றும் குழவி

ரெடிமேட் மசாலா பொருட்கள் நல்லவைதான் ஆனால் வீட்டில் தயாரிக்கப்படும் மசாலா பொருட்கள் ஆரோக்கியமானவை. இதற்கு காரணம் இயற்கை கற்களில் செய்யப்படும் உலக்கை மற்றும் குழவிதான். இந்த கற்களில் தயாரிக்கப்படும் மசாலா பொருட்கள் உணவின் சுவையை மட்டுமின்றி அதன் ஆரோக்கியத்தின் அளவையும் அதிகரிக்கும். அதற்கு காரணம் அவற்றில் எந்தவித செயற்கை பொருட்களும் சேர்க்கப்படுவதில்லை என்பதால்தான்.

மண்பானை

களிமண் பாத்திரங்கள் அல்லது மண் பாத்திரங்கள் இயற்கையாகவே நீரை குளிர்ச்சியாக்க பயன்படுகிறது. மேலும் இது மனிதர்களின் குணப்படுத்தும் ஆற்றலை அதிகரிக்கிறது. ஊட்டச்சத்து நிபுணர்களின் கருத்துப்படி இந்த மண்பானை தண்ணீர் குடிப்பது குளிர்சாதன பெட்டியில் இருக்கும் தண்ணீரை விட பலமடங்கு ஆரோக்கிய நன்மைகளை வழங்கக்கூடியது.

வெண்கல பாத்திரம்

ஆரோக்கியமாக சமைப்பதற்கும், பரிமாறுவதற்கும் வெண்கல பாத்திரம் ஒரு சிறந்த தேர்வாகும். பழங்காலத்தில் இது செல்வமிக்க குடும்பங்களில் பயன்படுத்தப்பட்டு வந்தது. இந்த பாத்திரத்தில் சமைக்கப்படும் உணவின் ஊட்டச்சத்துக்கள் 97 சதவீதம் பாதுகாக்கப்படும். தற்போது சில உணவகங்கள் மீண்டும் வெண்கல பாத்திரத்தில் உணவு பரிமாறும் பழக்கத்தை மீண்டும் தொடங்கியிருக்கிறார்கள்.

இரும்பு பாத்திரம்

இரும்பு பாத்திரங்கில் சமைப்பது என்பது மிகவும் ஆரோக்கியமான ஒன்றாகும் ஏனெனில் இது உணவு வேகும் வேகத்தை குறைப்பதுடன் அதில் இருக்கும் ஊட்டச்சத்துக்களையும் பாதுகாக்கிறது. உலகின் பாதுகாப்பான உணவு சமைக்கும் முறைகளில் இதுவும் ஒன்றாகும். குறிப்பாக அமிலங்கள் நிறைந்த உணவுகளை இதில் சமைப்பது நமது உடலுக்கு பல நன்மைகளை வழங்கக்கூடும்.

கைகளால் சாப்பிடுவது

ஆயுர்வேதத்தின் படி கைகளால் உணவை எடுத்து உங்கள் வாயில் வைத்து சாப்பிட கைகளை வளைப்பது ஒரு யோகா முத்திரை ஆகும். இது உடலின் உறுப்புகளை செயல்பட வைத்து மூச்சுவிடுவதை சீராக்கும். நமது விரல்கள் உணவை தொடும்போது அதிலிருக்கும் நரம்புகள் அதனை உணர்ந்து மூளைக்கு உணவை செரிமானம் அடையவைக்கும் இரசாயனங்களை வெளியிடும் சிக்னலை அனுப்புகிறது. இதனால்தான் கைகளால் உணவை சப்பிடும்போது அதன் சுவை அதிகமாக இருக்கிறது.

கண்ணாடி குடுவைகள்

கண்ணாடி குடுவை என்பது மிகவும் தூய்மையான மற்றும் இயற்கை சார்ந்த மறுசுழற்சி செய்யக்கூடிய ஒரா பொருளாகும். இது உணவை சேமிக்கும் உலகின் மிகவும் பாதுகாப்பான ஒரு பொருளாக கருதப்படுகிறது. இது உணவிற்குள் எந்த இரசாயனத்தையும், நுண்ணுயிர்களையும் நுழைய அனுமதிக்காது. அதேசமயம் இது உணவின் நிறம் மற்றும் சுவையில் எந்த பாதிப்பையும் ஏற்படுத்தாது.

தண்ணீர் இல்லாத வாழ்க்கை என்பதை எவராலும் நினைத்து பார்க்க முடியாது. ஆரோக்கியமான வாழ்க்கைக்கு மட்டுமின்றி அடிப்படை வாழ்க்கைக்கு கூட தண்ணீர் அத்தியாவசியமான ஒன்றாகும். உடல் எடையை குறைக்க தண்ணீர் குடிக்க வேண்டியது மிகவும் அவசியமாகும். உங்கள் உணவு முறைகளில் செய்யும் மாற்றங்கள், உடற்பயிற்சி, 6 முதல் 8 மணி நேரம் வரையிலான தூக்கம் போன்றவை சின்ன சின்ன மாற்றங்கள் கூட உங்கள் வாழ்க்கையை ஆரோக்கியமானதாக மாற்றும்.

ஆரோக்கிய வாழ்விற்கு அடிப்படையான மற்றும் எளிதான வழி தண்ணீர் குடிப்பதாகும். தினமும் சரியான அளவு தண்ணீர் குடிக்கும் போது உங்கள் வளர்ச்சிதை மாற்றத்தை அதிகரிக்கும் மேலும் பசியையும் கட்டுப்படுத்தும். இந்த பதிவில் உங்கள் எடைக்கு ஏற்ப எவ்வளவு நீர் குடிக்க வேண்டும் என்பதை பார்க்கலாம்.

தினமும் தேவையான நீர்

நீங்கள் ஒவ்வொரு நாளும் குடிக்க வேண்டிய நீரின் அளவு உங்களின் பாலினம், செயல்பாடுகள், ஆரோக்கிய நிலைகள் மற்றும் உங்களின் எடை போன்ற படிநிலைகளை பொறுத்து அமைகிறது. ஒரு நாளைக்கு 8 டம்ளர் அல்லது 2 லிட்டர் தண்ணீர் குடிப்பது அவசியமானது என்று கூறப்படுகிறது. ஆனால் சில ஊட்டச்சத்து நிபுணர்களின் கருத்துப்படி 4 லிட்டர் தண்ணீர் குடிக்க வேண்டும் என்று கூறுகிறார்கள்.

உணவுக்கு முன் தண்ணீர் குடிப்பது

பல்வேறு ஆராய்ச்சியாளர்களின் கருத்துப்படி சாப்பிடுவதற்கு 20 அல்லது 30 நிமிடத்திற்கு முன் 2 கப் தண்ணீர் குடிப்பது உங்களை நிறைவாக உணர வைக்கும். இது எடை குறைப்பில் மிகவும் முக்கியமான பங்கை வகிக்கிறது.

அதிக தண்ணீர் குடிப்பதின் பக்க விளைவுகள்

மனித உடல் 66 சதவீதம் நீரால் ஆனது, நமது உடலில் இருக்கும் அதிக எடையை குறைக்க இது மிகவும் முக்கியமான ஒன்றாகும். அதிகளவு தண்ணீர் குடிப்பது நமது உடலில் இருக்கும் தண்ணீரின் அளவில் சமநிலையின்மையை ஏற்படுத்தும். இதனால் வாந்தி, தலைவலி, சோர்வு போன்ற பிரச்சினைகள் ஏற்படலாம்.

நீர் குடிக்க வழிகாட்டி

தினமும் காலை 2 அல்லது 4 கிளாஸ் தண்ணீரை வெறும் வயிற்றில் குடிக்கவும். நீங்கள் குளிரூட்டப்பட்ட சூழ்நிலையில் பணிபுரிபவராக இருந்தால் தினமும் 2.5 லிட்டருக்கு மேல் தண்ணீர் குடிக்காதீர்கள். நீங்கள் உடற்பயிற்சி செய்பவராக இருந்தால் உடற்பயிற்சி தொடங்குவதற்கு முன் 16 அவுன்ஸ் தண்ணீர் குடிக்க வேண்டும். உடற்பயிற்சி முடிந்த பிறகு 16 அவுன்ஸ் தண்ணீர் குடிக்க வேண்டும்.

உங்கள் எடை

நீங்கள் எவ்வளவு தண்ணீர் குடிப்பது ஆரோக்கியமானது என்பதை முடிவு செய்யும் முதல் காரணி உங்களின் எடை ஆகும். ஒருவர் எவ்வளவு தண்ணீர் குடிக்க வேண்டுமென்பது முழுக்க முழுக்க அவர்களின் உடல் எடையை சார்ந்தது. பொதுவாக ஒருவர் எவ்வளவு எடை அதிகமாக இருக்கிறார்களோ அவ்வளவு அதிகமாக தண்ணீர் குடிக்க வேண்டியது அவசியமாகும்.

எடையை கணக்கிடுவது எப்படி?

முதலில் உங்கள் எடையை கிலோவில் இருந்து பவுண்ட்க்கு மாற்றி கொள்ளுங்கள். 1 கிலோ என்பது 2.20 பவுண்ட் ஆகும். அதற்கு பிறகு உங்கள் எடையை 2/3 ஆல் பெருக்குங்கள். இது நீங்கள் எவ்வளவு தண்ணீர் குடிக்க வேண்டும் என்பதை காட்டும். உதாரணத்திற்கு உங்கள் எடை 200 பவுண்டாக இருந்தால் அதனை 2/4 ஆல் பெருக்கும்போது அது கிட்டதட்ட 113 அவுன்ஸ் தண்ணீர் குடிக்க வேண்டும் என்று வரும். 1 அவுன்ஸ் என்பது 29 மிலி ஆகும்.

உடற்பயிற்சிகள்

நீங்கள் தினமும் உடற்பயிற்சி செய்பவராக இருந்தால் நீங்கள் உங்கள் உடலில் இருக்கும் அதிகளவு நீரை வியர்வை மூலம் இழப்பீர்கள். நீங்கள் உடற்பயிற்சி செய்யும் ஒவ்வொரு அரை மணி நேரத்திற்கும் 350 மிலி நீரை குடிக்கவும். நீங்கள் தினமும் 45 நிமிடம் உடற்பயிற்சி செய்பவராக இருந்தால் நீங்கள் 17 அவுன்ஸ் தண்ணீர் குடிக்க வேண்டும்.

மனித உடல் என்பது பல அதிசயங்களும், ஆச்சரியங்களும் நிறைந்ததாகும். மனித உடலில் மறைந்திருக்கும் ரகசியங்களை தெரிந்து கொள்ளும் ஆராய்ச்சிகள் உலகம் முழுவதும் நடந்து கொண்டுதான் இருக்கிறது. நமது உடலுக்குள் இருக்கும் குணப்படுத்தும் ஆற்றல் நம்மை பல நோய்களில் இருந்தும், ஆபத்துகளில் இருந்தும் பாதுகாக்கிறது.

நமது உடலின் சில பகுதிகளை தூண்டுவது உடலில் இருக்கும் வலி மற்றும் விரும்பத்தகாத உணர்வுகளை குறைக்கும் வழியாகும். நமது உடல் பாகங்களின் சில பாகங்களும், நம் உடலின் இயல்பான செயல்பாடுகளும் நம்மை ஆச்சரியப்படுத்துவது மிகவும் இயல்பானது. உங்கள் உடலில் இருக்கும் சில பாகங்களை தூண்டினால் என்னென்ன மாற்றங்கள் ஏற்படும் என்று இந்த பதிவில் பார்க்கலாம்.

ரிலாக்ஸ் ஆக்க உதவும்

நீங்கள் அதிக மனஅழுத்தத்தில் இருந்து விடுபட விரும்பினால் உங்கள் மூச்சை இழுத்து பிடித்துக்கொண்டு முகத்தை குளிர்ந்த நீரால் நன்கு கழுவவும். குளிர்ந்த நீர் உங்களின் சுழற்சியை அதிகரிப்பதுடன் உங்களை ரிலாக்ஸாக உணர வைக்கும். இது பல நாடுகளில் பல நூற்றாண்டுகளாக கடைபிடிக்கப்பட்டு வரும் ஒரு குணப்படுத்தும் முறையாகும்.

தொண்டை புண்ணை குணப்படுத்த

தொண்டை புண்ணை குணப்படுத்த டீ குடிப்பது நல்ல மருந்தாக கருதப்படுகிறது. ஆனால் அதனை விட எளிய வழி ஒன்று உள்ளது. உங்கள் தொண்டையில் பிரச்சினை ஏற்பட்டால் உங்கள் காதை திருகவும். உங்கள் காதில் இருக்கும் நரம்புகளை தூண்டுவதன் மூலம் உங்கள் தொண்டை பிரச்சினைகளை குணப்படுத்தி நிவாரணத்தை வழங்கும்.

ஊசி பயத்தை நீக்கும்

ஊசி போடுவது குறித்து அனைவருக்குமே அடிமனதில் சிறிய பயம் இருக்கும். ஆனால் இந்த பயத்தை போக்க ஒரு எளிய வழி உள்ளது. ஊசி போடுவதற்கு முன் சிறிது இருமினால் ஊசி மீது இருக்கும் பயம் போய்விடும்.

மூக்கடைப்பை குணப்படுத்தும்

உங்கள் மூக்கு பாதைகளை ரிலாக்ஸாக வைக்க உங்கள் நாக்கை வாயின் மேற்புறம் நோக்கி அழுத்த வேண்டும். உங்கள் ஆள்காட்டி விரலை கொண்டு புருவத்தை நன்கு அழுத்தவும். இதனை செய்வதற்கு ஒவ்வொரு அரைமணி நேரத்திற்கும் மூச்சை இழுத்து பிடிக்கவும்.

தீக்காயங்களை குணப்படுத்தும்

தீக்காயங்கள் குணமாக அதிக காலம் ஏ எடுத்துக்கொள்ளும். உங்கள் விரலின் நுனிகளை பயன்படுத்தி பாதிக்கப்பட்ட இடத்தில் தொடர்ந்து தொடவும். இந்த முறை தீக்காயங்களால் ஏற்பட்ட வடுக்களையும் குணப்டுத்தும்.
உங்கள் நரம்புகளை அமைதிப்படுத்தும்

உங்கள் நரம்புகளை அமைதிப்படுத்தும்

உங்கள் கட்டைவிரல் மீது ஊதினால், இது உங்கள் வயிற்றில் இருக்கும் பிரச்சினைகளை சரி செய்வதுடன் இது உங்கள் நரம்புகளை அமைதிப்படுத்தவும் உதவும். இது மிகவும் பயனுள்ள மருத்துவ முறையாகும்.

தலைவலியை குணப்படுத்தும்

உங்கள் கையில் வலியை குறைக்கும் மாத்திரைகள் இல்லையென்றால், நீங்கள் உங்கள் கட்டை விரலுக்கும், ஆள்காட்டி விரலுக்கும் இடையில் உள்ள பகுதியில் மசாஜ் செய்யவும். இந்த மசாஜ் உங்கள் தலைக்கு செல்லும் இரத்த ஓட்டத்தை அதிகரிப்பதன் மூலம் தலைவலியை குறைக்கும்.

பல் வலி

உங்களுக்கு பல் வலி அல்லது பல் கூச்சம் இருந்தால் உங்கள் கையின் பின்புறத்தில் ஐஸ்கட்டியை வைக்கவும். கையின் பின்புறத்தில் ஐஸ்கட்டியை தேய்த்து விட்டு அப்படியே ஆள்காட்டி விரலுக்கும், கட்டை விரலுக்கும் இடையில் இருக்கும் பகுதியிலும் வைத்து தேய்க்கவும். வலிக்கான சிக்னல்களை மூளைக்கு அனுப்பும் நரம்புகள் இந்த இடத்தில் இருக்கிறது. இந்த குளிர்ந்த வெப்பநிலை சிக்னல்கள் அனுப்புவதை தடுக்கும்.