என் புத்தகம்

அர்ச்சனை என்பது கோயில்களில் இறைவனை வழிபடும் முறைகளில் ஒன்று.பூக்களாலும் குங்குமத்தாலும் இறைவனுக்கு உகந்த நாமாக்களால் அர்ச்சனை செய்து அவரின் கருணைக்கு பாத்திரமாவது நமது வழிபடும் முறைகளில் ஒன்று.

அர்ச்சனை என்றால் அர்ச்சிப்பது எனப் பொருள்.கோயில் சென்று ஒருவர் தனது கோத்திரம்,பெயர் ,நட்சத்திரத்தை கூறி சங்கல்பம் செய்து இறைவனை அர்ச்சனை செய்து வழிபட்டு தங்கள் கோரிக்கைகளை நிறைவேற்றிக் கொள்கிறார்கள்.

கோவிலில் நமது பெயரில் அர்ச்சனை செய்வது நல்லதா?

அர்ச்சனை என்றால் என்ன? இறைவனின் புகழை மனதார வாயார பாடுவதாகும். அப்படி பாடும் போதே நமது குறைகளையும் அவனிடம் முறையிடுவது தான் அர்ச்சனை செய்வதன் தாத்பரியம்.

கடவுள் நமக்கு தந்த நன்மைக்காக நன்றி செலுத்த வேண்டுமென்றால் அவர் பெயரில் அர்ச்சனை செய்யலாம். அவரிடம் ஏதாவது விண்ணப்பம் வைக்க வேண்டுமென்றால் நம் பெயரில் செய்யலாம்.

ஆனால் கடவுளுக்கு நம் கோரிக்கை தெரியாதா என்ன? எனவே பொதுவாக அவர் பெயரிலேயே செய்து விடுவது தான் சாலச்சிறந்தது ஆகும்.

திருச்சி திருவெறும்பூர் அருகே, இருசக்கர வாகனத்தில் வந்த ராஜா என்பவரை மறித்த டிராஃபிக் இன்ஸ்பெக்டர் காமராஜ் எட்டி உதைத்ததில், அந்த பைக்கின் பின்பக்கம் அமர்ந்திருந்த ராஜாவின் மனைவி உஷா, சம்பவ இடத்திலேயே பரிதாபமாக உயிரிழந்தார். தற்போது  திருச்சி எஸ்.பி கல்யாண் மற்றும் திருச்சி காவல் ஆணையர்  அமல்ராஜ் ஆகியோர் குற்றாட்டுக்குள்ளான இன்ஸ்பெக்டர் காமராஜை கைதுசெய்திருப்பதாகத் தெரிவித்துள்ளனர்.

இந்தச் சம்பவத்துக்குக் காரணமான இன்ஸ்பெக்டர் காமராஜ் போதையில் இருந்ததாகவும், வாகனச் சோதனை நடத்தியவர், அந்த வழியே வந்த ராஜாவின் வாகனத்தை மறித்தார். அப்போது ஹெல்மெட் போடாத ராஜா, வாகனத்தை நிறுத்தவில்லை என அவரின் காலரைப் பிடித்து இழுத்தார். அடுத்து அவர்களுக்குள் வாக்குவாதம் ஏற்பட்டதாகக் கூறப்படும் நிலையில், அங்கிருந்து கிளம்பிய ராஜாவின் வாகனத்தை எட்டி உதைத்ததில்தான் உஷா உயிரழந்தார்.  இவர், சர்ச்சைகளில் சிக்கிக்கொள்வது புதிதல்ல என்கிறது, திருச்சி காவல்துறை வட்டாரங்கள்..

கடந்த 2002-ம் ஆண்டு ,திருவாரூர் மாவட்டத்தில் பணியற்றிய காமராஜ், அவருக்குக் கீழ் பணியாற்றிய ஒரு காவலர் அவசர தேவைக்காக இவரிடம் விடுப்புக் கேட்டுள்ளார்.  ஆனால் காமராஜ், அந்தக் காவலரை கெட்ட வார்த்தையால் அசிங்கமாக திட்டித் தீர்த்துள்ளார். இதனால் கோபமடைந்த அந்த போலீஸ், தன்னுடைய துப்பாக்கியை எடுத்து காமராஜை நோக்கி சுட்டுள்ளார். அதில் லாகவமாகத் தப்பிவிட, வேறு ஒரு காவலர்மீது குண்டு பாய்ந்தது. அடுத்து, அந்தக் காவலர் தன்னையே சுட்டுத் தற்கொலைசெய்து கொண்டார். இந்தப் பிரச்னையில், நீண்டகாலம் பணி உயர்வு பெறாமல் இருந்த நிலையில், கடந்த சில வருடங்களுக்கு முன்பு பணி உயர்வுபெற்ற காமராஜ், திருச்சிக்கு மாறுதலாகி வந்தார்.

மேலும், திருச்சி திருவெறும்பூர் காவல்நிலையத்தில் பணியாற்றிவரும் இவர், கடந்த சில மாதங்களுக்கு முன்பு திருச்சி திருவெறும்பூரை அடுத்த வேங்கூர் பகுதியில் குடியேறினார். அவர் தற்போது குடியிருக்கும் வீடு, சமீபத்தில் நகைக்கொள்ளையில் சிக்கிய பிரபல கொள்ளையன் தங்கியிருந்த வீடு என்கிறார்கள்.  

 யானைப்படை இருந்தால் யாரையும் வெல்லலாம். ஆனால், இன்றைய சூழலில் அத்தகைய யானைகளின் இறப்பு அதிகரித்துள்ள நிலையில், இந்திய நிலப்பரப்பில் அதன் எண்ணிக்கை குறைவு மிகுந்த வேதனையை ஏற்படுத்தியுள்ளது. இருப்பினும், வேதனைகளை ஒதுக்கிவிட்டு அவற்றின் பாதுகாப்பிற்கான தேவையைக் கவனிக்க வேண்டிய அவசியத்தை நாம் புரிந்துகொள்ள வேண்டும். எந்த ஒரு பிரச்னையும் அதன் வரலாறு அறியப்படாதவரை அதைப் பற்றியதான புரிதல் முழுமை அடைவதில்லை. அவ்வகையில் யானைகள் தோன்றிய காலம், அதன் பரிணாம வளர்ச்சி பற்றி அறிந்துகொள்ள வேண்டியது அவசியம்.

யானைகள்

இந்தியாவில் தற்போது வாழக்கூடிய ஆசிய யானைகளின் மூதாதையர்களாக மோரித்தீரியம் (Moeritherium) என்ற விலங்கு கூறப்படுகிறது. இது பன்றி உருவிலும், அதே உயரத்திலும் வாழ்ந்தவை. ஈயோசீன் (Eocene) காலத்திற்கு முன்னதாகத் தோன்றிய இவ்வுயிரினம் அக்காலத்தில்தான் பரிணாம வளர்ச்சி அடையத் தொடங்கி ஆலிகோசீன் (Oligocene)காலத்தில் அளவில் பெரிய யானை இனமாக உருவெடுத்தன. இந்த மோரித்தீரியம் என்ற இனத்திலிருந்து பல இனங்கள் பரிணாம வளர்ச்சியடைந்து, பின் வந்த ஐந்து பெரிய உயிரழிவுகளில் (Major Extinctions) அழிந்தும் போயிருக்கிறது.

கடைசியாக அழிந்த பேரானை இனமான மம்மூத் (Mammoth) உட்பட, இன்று இருக்கும் ஆசிய மற்றும் ஆப்பிரிக்க யானை இனங்களுக்கும் இதுதான் மூதாதையர் என்று சொல்லப்படுகிறது. இந்த மூன்று இனங்களும் பரிணாம வளர்ச்சியடைந்தது ஆப்பிரிக்காவில். அங்கே தோன்றிய யானைகள் ஆப்பிரிக்காவிலிருந்து ஆசிய கண்டத்திற்கு பரவியதற்கு நிலவழித் தொடர்புக்கான அடையாளங்கள் இன்றளவும் இருக்கின்றன. நிலவழித் தொடர்பு அறுந்துபோன பகுதிகள் எதிலேனும் யானைகளின் பரவல் இருக்கிறதா என்றால், இருக்கிறது. போர்னியோ (Borneo) தீவுகளில் யானைகள் இருக்கின்றன. யானைகள் நன்றாக நீந்தக்கூடிய உயிரினம். பிறந்தவுடன் நீரில், கடலில் நன்றாக நீந்தக்கூடியது யானை. தும்பிக்கை உட்பட உடற்பகுதி அனைத்தையும் பயன்படுத்தி மிக அருமையாக நீந்தும். இதற்குக் காரணமாக மோரித்தீரியம் ஆதியில் நீர்வாழ் உயிரினமாக வாழ்ந்திருக்க வேண்டும் என்று அறியப்படுகிறது. யானைகளின் உடலில் விதைப்பை கிடையாது. அது அதன் வயிற்றுக்குள் இருக்கும். கடல்வாழ் உயிரினங்களுக்கும் அப்படித்தான். கடலில் தட்பவெப்பநிலை மாற்றம் அதிகம். நீரோட்டம் வெதுவெதுப்பாக இருக்கும், அருகிலேயே குளிர்நீரோட்டம் இருக்கும். இவ்வாறு வெப்பநிலையில் உடனடி மாறுதல் ஏற்படும்போது விதைப்பை வெளியே இருந்தால் உயிரணு உற்பத்தி பாதிக்கப்படும். விதைப்பையின் முக்கியமான வேலையே உயிரணு உற்பத்தி சீராக இருப்பதற்கு ஏற்ப முப்பது டிகிரியிலேயே வெப்பநிலையை வைப்பது. அதனால்தான் கடல்வாழ் உயிரிகளுக்கு விதைப்பை வயிற்றினுள் உள்ளது. இதனால் யானைகள் நீர்வாழ் உயிரினமாக இருந்திருக்குமென்று கருதப்படுகிறது.

மம்மூத் என்ற பேரானை சமீபத்தில் அழிந்துபோன பேருயிர். யானைகளைப் போல் மோரித்தீரியத்திலிருந்து பிரிந்து வந்தது. அவை அழிந்ததற்கு இரண்டு முக்கியக் காரணங்கள் உண்டு. ஒன்று அதிகளவு வேட்டை, அது வாழ்ந்த பகுதிகளில் மனிதர்களின் நாகரிக வளர்ச்சி அதிகமாக ஏற்பட்டிருக்கிறது. அவர்கள் அதை உணவாகப் பார்த்தார்கள். இன்னொரு காரணம், அவற்றை அழிப்பதை வீரத்திற்கான அடையாளமாகக் கருதி வேகமாக அழித்தார்கள்.

காலப்போக்கில் யானைகளைப் பிடித்து போர் மற்றும் மற்ற பயன்பாடுகளுக்கு மாற்றுவது என நிகழ்ந்துள்ளது. அவற்றில் தந்தம் உள்ள யானைகளுக்கு முக்கியத்துவம் அதிகம். வெள்ளைத் தங்கம் என்று குறிப்பிடக்கூடிய அளவிற்குத் தந்தத்திற்கு முக்கியத்துவம் இருந்திருக்கிறது. வெட்பாலை எனப்படும் ஐவரி (Ivory) என்ற பொருள் தந்தத்தில் அதிகமாக இருக்கிறது. அதனால் யானை அதிகமாக வேட்டையாடப்படுகிறது. அனைத்து யானைகளுக்கும் தந்தம் இருக்கிறதா என்றால், இல்லை. ஆசியாவில் பெண் யானைகளுக்குத் தந்தம் இல்லை. ஆப்பிரிக்காவில் ஆண், பெண் இரண்டு பாலினங்களுக்கும் தந்தம் உண்டு. தந்தம் இல்லாத ஆண் யானைகளும் உண்டு. அவை, மோழைகள் என்றழைக்கப்படுகின்றன. சிலர் இம்மோழைகளைப் பற்றி தவறான எண்ணம் கொண்டுள்ளார்கள். இவை ஆண்மையற்றவையாகக் கருதப்படுகின்றன. ஆனால், மோழைகளும் ஆண்மைத்தன்மை மிகுந்தவைதான். அழகுப் பொருட்கள், கலைப் பொருட்கள் என்று பல தேவைகளுக்குத் தந்தம் தேடி யானைகள் வேட்டையாடப் படுகின்றன. ஆகையால் சூழ்நிலைக்கும் தனது பாதுகாப்பிற்கும் ஏற்ப தந்தமின்றி பிறப்பதாகக் கருதப்படுகிறது. அத்தோடு மோழைகளோடு இனப்பெருக்கம் செய்ய பெண் யானைகளுக்கு வாய்ப்புகள் அதிகம் அமைகிறது. இதை அவற்றின் பாதுகாப்பிற்கு ஆரோக்கியமானதாகவே கருதுகின்றன.

பரிணாம வளர்ச்சி

தலைமை உயிரினங்கள், குடையுயிரிகள், மறைதிறவுச் சிற்றினங்கள் என்று கானுயிர்களை மூன்று வகைகளில் குறிப்பிடலாம். காட்டின் வளமைக்கு இவை அனைத்துமே முக்கியப் பங்காற்றுகின்றன. ஆனால், ஓர் உயிரைத் தேர்வு செய்து பாதுகாத்தால் அதைத் தொடர்ந்து பல உயிர்கள் நமது முயற்சி இல்லாமலே காக்கப்படும். அப்படிப்பட்ட உயிரினங்களை குடையுயிரிகள் எனலாம். யானையும் ஒரு குடையுயிரிதான். யானைகள் செல்லும் வழிகளில் நீர்வழிகள் தோன்றும், கானகம் செழிக்கும். பல்லுயிர்ச்சூழல் பெருகும்.

ஆப்பிரிக்கக் காடுகளில் ஆண்டொன்றுக்கு கிட்டதட்ட 30,000 யானைகள் கொல்லப்படுகின்றன. இந்தியாவில் தற்போது மொத்தம் இருப்பதே 50,000 யானைகள்தான். வேட்டை மட்டுமின்றி காடுகள் துண்டாடப்படுவதும் இவற்றின் அழிவுக்கு முக்கியக் காரணம். காடுகள் துண்டாடப்படுவது நம் நாட்டில் தொடர்ந்து நடைபெற்று வருகிறது. அவ்வாறு நடப்பதால் அங்குள்ள உயிர்கள் வெளியே செல்ல இயலாது நெருங்கிய சொந்தங்களோடு இனப்பெருக்கம் செய்வதால் மரபணு வேறுபாடு (Genetic Diversity) குறைந்து நோய் எதிர்ப்புத் திறனை இழக்கின்றன. இதனால் கொள்ளை நோய், தொற்று நோய்களால் பாதிக்கப்பட்டும் யானைகள் இறக்கின்றன. இத்தகைய பரிதாபகரமான நிலை கிர் காட்டில் வாழும் சிங்கங்களுக்கு ஏற்பட்டது குறிப்பிடத்தக்கது.

பல்லுயிர்ச் சூழல் பெருகி காடுகள் வளமை பெற்று இயற்கை செழிப்பதற்கு பேருயிர் பாதுகாப்பு அவசியம். அந்த வகையில் ஆதியிலிருந்து வாழ்ந்து வரும் யானைகள் நம் காலத்தில் அழிந்துவிட்டது, அதுவும் நம்மால் அழிந்துவிட்டது என்ற அவப்பெயர் மனித இனத்தைச் சேராமல் பார்த்துக்கொள்ள வேண்டியது நமது கடமை. இயற்கை அன்னையின் படைப்பில் இலைகள் தொடங்கி இன்று அவளையே அழித்துக்கொண்டிருக்கும் மனிதன் வரை அனைத்துமே அதிசயம்தாம். அனுதினமும் அதிசயம் புரியும் அவளை மண்டியிட்டு வணங்குவதை விட்டுவிட்டு மடியினைச் சுரண்டும் நாம் நிச்சயம் மூடர்கள்தாம். கார்பனற்ற காற்று வேண்டுமெனில் காடுகள் காக்கப்பட வேண்டும். காடுகளைக் காக்க கானுயிர்கள் கவனிக்கப்பட வேண்டும்.

இன்றைய தினம் சர்வதேச மகளிர் தினம். மகளிர் தினம் ஆண்டுதோறும் மார்ச் மாதம் 8ம் திகதி உலகளாவிய ரீதியில் கொண்டாடப்படுகிறது.

ஐக்கிய நாடுகள் சபையினால் உத்தியோகபூர்வமாக அறிவிக்கப்பட்டுள்ள இந்த தினத்தினை சீனா, ரஷ்யா, பல்கேரியா, வியட்நாம் உற்பட பல நாடுகள் விடுமுறை தினமாக பிரகடனப்படுத்தியுள்ளன.

இனம், மொழி, கலாசாரம், பொருளாதாரம், அரசியல் ஆகிய பல்வேறு வேறுபாடுகளை மறந்து பெண்கள் தினம் அனைத்து பெண்களாலும் கொண்டாடப்பட்டு வருகிறது.

இத்தினத்தில் பெண்கள் முன்னேற்றத்தை ஊக்குவிக்கும் வகையிலும், அவர்களின் உரிமைகளுக்குப் பங்கம் விளைவிக்காமல் சாதனைகளை கொண்டாடும் வகையிலும் கடைபிடிக்க வேண்டும்.

இக்கொண்டாட்டங்களில் குறிப்பாக உலகம் முழுவதும் இயங்கிக் கொண்டிருக்கும் ஆக்கபூர்வமான பெண்ணிலைவாதச் செயற்பாட்டாளர்கள் தனியாகவும், குழுக்களாகவும் அமைப்புக்கள் சார்ந்தும், அக்கபூர்வமான செயல்வாதங்களில் ஈடுபட்டு வருகின்றனர்.

பெண்களுக்கான சமத்துவம் மற்றும் உரிமைகளை வலியுறுத்தும் சர்வதேச மகளிர் தினம் இன்று கொண்டாடப்படும் நிலையில், தாயாக, வழிபடும் தெய்வமாக, வழிகாட்டும் கருவியாக வலம் வரும் பெண்மையை போற்றுவோம்.

பெண் என்பவள் வியப்புக்குரியவள். இறைவன் படைப்பிலே மனஉறுதி கொண்ட உயர்வான சிற்பம். விண்ணுலகின் கவிதை மலர்கள் விண்மீன்கள் என்றால், மண்ணுலகின் கவிதை மலர்கள் பெண்கள். பெண் மனம் அறிவு பெறுவதைப் பொறுத்தே இம்மண்ணுலகம் அறிவு பெறுகிறது.

ஒரு அழகிய கற்புடைய பெண் ஆண்டவனின் முழுமையான படைப்பாகவும் தேவதைகளின் பெருமையாகவும், உலகின் அதி அற்புதமான தனித்த அதிசயமாகவும் விளங்குகிறாள் என்று ஹெர்மிஸ் என்ற உலக அறிஞன் ஒத்துக் கொள்கிறான்.

மனிதகுலத்தின் வாழ்விற்கும் அந்த வாழ்வை தகுதி உள்ளதாக மாற்றி காட்டியதற்கும், படைத்த இறைவனுக்கே நிகர் இவள். பெண்கள் போற்றப்பட வேண்டியவர்கள் மட்டுமல்ல பின்பற்றப்பட வேண்டியவர்களும் கூட.

பெண்கள் சிரித்தால் செண்பகமரம் பூக்கும். அவள் காலடி பட்டால் அசோகமரம் பூக்கும். பேசினால் பூக்கும் நமேரு மரங்கள், பெண்கள் தழுவினால் பூக்கும் குராபக மரங்கள், அவர்களின் கடைக்கண் பார்வைபட்டால் பூக்கும் திலக மரங்கள் என்று பறைசாற்றுகிறது பழமையான சமஸ்கிருத பாடல்.

வாய்பேசத் தெரியாத விருட்சங்கள் கூட பெண்ணின் அன்பையும், அரவணைப்பையும் உள் வாங்குகிறது என்று சொன்னால் மீதமுள்ள உயிர்கள் இப்பெருமைகளை எண்ணிப் பார்ப்பதில் ஒன்றும் ஆச்சரியமில்லை.

அதனால்தான் பெண்ணின் கருணை, அடியாள் போல் செய்யும் தொண்டு, பூமாதேவி போல் காட்டும் பொறுமை, குடும்ப நிர்வாகத்தில் செயல்படும் மந்திரி, என்று நீதி வெண்பா “அன்னை தயையும் அடியாள் பணியும் மலர்ப் பொன்னின் அழகும் புவிப் பொறையும் வன்னமுலை வேசி துயிலும், விறல் மந்திரி மதியும் பேசில் இவையுடையாள் பெண்”, என்றது.

இத்தனைச் சிறப்புகளையும் அசை போடுவதற்கு காரணம் உலக மகளிர்தின கொண்டாட்டம்.

1789 ம் ஆண்டு பிரெஞ்சு புரட்சி நடந்த போது சமத்துவம், வாக்குரிமை, வேலைக்கு ஏற்ற ஊதியம் வேண்டி பெண்கள் போராட்ட களத்தில் இறங்கினர்.

அதன் விளைவு மன்னர் லூயிஸ் பிலிப் தன் பதவியைத் துறந்தான். ஐரோப்பா முழுவதும் அமெரிக்காவிலும் போராட்டம் பரவியது.

இதையடுத்து பிரான்சின் 2-ம் குடியரசை நிறுவிய லூயிஸ் பிளாங் 1848 மார்ச் 8-ல் பெண்களின் கோரிக்கைகளை நிறைவேற்ற ஒப்புக்கொண்டார்.

1910-ம் ஆண்டு ஓப்பன் ஹேகலில் வீரப் பெண்மணி கிளாராஜெட்கின் தலைமையில் அனைத்துலக பெண்கள் மாநாடு நடந்தது. பின்னர் சர்வதேச மாதர் அமைப்பு உருவானது.

1920-ம் ஆண்டு சோவியத் ரஷியாவில் செயின்ட் பீட்டர்ஸ் நகரில் நடந்த பெண்களின் போராட்டத்தில் கலந்து கொண்ட அலெக்ஸண்டிரா ஹெலன்ரா ஆண்டு தோறும் மார்ச் மாதம் 8-ம் திகதி உலக மகளிர் தினமாக கொண்டாடப்பட வேண்டும் என்று பிரகடனம் செய்தார்.

ஐ.நா.சபையால் அங்கீகரிக்கப்பட்ட இந்நாள் பல நாடுகளில் பொது விடுமுறையாக அறிவிக்கப்பட்டிருப்பது பெண் இனத்தின் பெருமைகளை மற்றவர்கள் மனப்பூர்வமாக ஏற்று கொண்டிருக்கிறார்கள் என்பதைதான் காட்டுகிறது.

ஒரு காலத்தில் ஆணாதிக்க சமூகத்தில் இருந்து, பெண்கள் தங்களுக்கான உரிமைகளை வென்றெடுக்கப் போராடினார்கள்.

ஆனால் இன்று சமுத்துவம், சுதந்திரம், உரிமைகளைப் பெற்று சாதனைப் படைத்து கொண்டிருக்கிறார்கள் என்பதை கண்கூடாகப் பார்க்கிறோம்.

ஒரு காலத்தில் ஆண்கள் பெண்களை அடிமைபடுத்தினார்களே, அதேபோல இன்று ஆண்களை அடிமைப்படுத்த பெண்கள் ஒருசிலர் நினைப்பது துரதிஷ்டம்.

நிகர், இளைப்பில்லை என்று பாடியதன் ஆழத்தை செவி மடுத்து நமக்கு பெறப்பட்ட உரிமைகளை சரியாகப் பயன்படுத்துவது சாலச்சிறந்தது. அதை விடுத்து ஒரு காலத்தில் ஆண்கள் இப்பெண் சமூகத்திற்கு இளைத்த அதே கொடுமைகளை நாம் ஏவுகணைகளாக பிரயோகம் செய்தால் நமக்கும் அவர்களுக்கும் வித்தியாசம் இல்லாமல் போய்விடும்.

நமக்காக போராடி நம் உரிமைக்காக குரல் கொடுத்த நம் முன்னோடிகளின் கனவை நனவாக்க முயல்வோம். பெண்ணுக்கு ஞானத்தை வைத்தான் என்பதை உலகறியச் செய்வோம்.

அந்த ஞானத்திற்கு உதாரணமாக விளங்கிய பாரத ரத்னா எம்.எஸ்.சுப்புலெட்சுமி, முதல் பெண் மருத்துவர் முத்துலெட்சுமி ரெட்டி, ஆங்கில படையுடன் போரிட்டு வெற்றி கொண்ட முதல் பெண் அரசி ராணி வேலு நாச்சியார், சாதிய ஆதிக்கங்களுக்கு எதிராகப் போராடிய குஜராத் மாநிலம், அகமதாபாத்தைச் சேர்ந்த சாவித்திரிபாய் போன்றோரை, மேலும் பல சாதனைகளைப் படைத்த பெண்களைப் பின்பற்றி சாதி, மதங்களுக்கு அப்பாற்பட்ட சமூகத்தை உருவாக்க முயல்வோம்.

தண்ணீரைக் கண்டால் பயிர்கள் எப்படி பசுமையாக நிமிர்ந்து நிற்குமோ, அதைப்போல பெண்கள் தங்கள் குணங்களால் தலைநிமிர்ந்து வாழ முடியும், நல்லொழுக்கத்தை படைக்க முடியும் என்பதையும், உலகிற்கு உணர்த்த வேண்டும்.

விஞ்ஞான உலகை அசைத்து பார்க்கக் கூடிய வீரமங்கையாக, இல்லறத்திலும், சமூகத்திலும், நாடு போற்றக்கூடிய வகையில் திட்டங்களை வகுத்து திறமையாக செயல்படும் மந்திரியாக அதற்கேற்றாற்போல் மதிநுட்பத்தை மகுடமாக சூடியவளாக பெண் வலம் வந்தால் இவ்வுலகம் உள்ளளவும் வாழும்.

பெண் என்பவள் மகளாக, மனைவியாக, தாயாக, தன்னலம் கருதா தொண்டுள்ளம் கொண்ட சேவகியாக, உதவுவதன் மூலம் உயிர்களை வாழ்விக்க முடியும் என்ற உண்மையை உலகுக்கு உணர்த்திய முதல் ஜீவனாகிய, பெண்ணின் சிறப்புகளை, உயர்வினை போற்றுவோம்..வாழ்த்துவோம்.

நோயற்ற வாழ்வே குறைவற்ற செல்வம் என்ற பொதுவான பழமொழி ஒன்று உள்ளது.

ஒருவரது உடல் ஆரோக்கியம் சிறப்பாக இருப்பதற்கு பின்பற்ற வேண்டிய சில வாஸ்து சாஸ்திர டிப்ஸ் கொடுக்கப்பட்டுள்ளது. கட்டாயம் தெரிந்து கொள்ளுங்கள்...

வீட்டின் மையப் பகுதியான ஹாலில் கனமான நாற்காலிகளைப் போட்டு வைக்கக்கூடாது. எப்போதுமே வீட்டின் மையப்பகுதி வெற்றிடமாக இருக்க வேண்டும்.

ஏனெனில் வீட்டின் மையப் பகுதியான ஹால் தான் பிரம்மஸ்தானம். இந்த இடம் வெற்றிடமாக இருந்தால் தான், நேர்மறை ஆற்றல் தடையின்றி பாயும்.

ஒருவேளை அவ்விடத்தில் பாயும் ஆற்றலுக்கு தடை ஏற்பட்டால், அதனால் அவ்வீட்டில் உள்ளோர் தான் ஆரோக்கிய பிரச்சனைகளை சந்திக்க வேண்டியிருக்கும்.

இதேவேளை, அனுமன் உடல் ஆரோக்கியத்தைப் பாதுகாப்பர். வீட்டின் தெற்கு திசையை நோக்கி அனுமன் போட்டோவை தொங்கவிடுங்கள்.

இதனால் வீட்டினுள் உடல் ஆரோக்கியத்தை பாதிக்கும் ஆற்றல்கள் நுழைவது தடுக்கப்பட்டு, உடல் ஆரோக்கியம் சிறப்பாக இருக்கும்.

வீட்டைச் சுற்றியுள்ள சுவர் மற்றும் நுழைவு வாயில் கதவு ஒரே உயரத்தில் இருக்க வேண்டியது அவசியம். அதிலும் வீட்டின் நுழைவு வாயிலின் பக்கவாட்டில் சிட்ரஸ் பழங்கள் அல்லது செடிகளை வளர்த்து வாருங்கள். இது உடல் ஆரோக்கியத்தை மேம்படுத்தும்.

 வெற்றி மிகவும் எளிதான காரியம் அல்ல. அதற்கு பின்னணியில் நீண்ட நெடுந்தூர பயணம் இருக்கிறது. வலிகள், துயரங்கள், அவமதிப்புகள், கேலி பேச்சு, கேவலத்திற்கு ஆளானது என்று வெற்றியாளர்கள் தங்கள் முதுகில் சுமந்து வந்த எதுவுமே எளிமையானவை அல்ல.

உச்சம் அனைவராலும் தொட்டுவிட முடியாது. ஓரிரு வெற்றிகள் நிலைபெற உதவாது. சில தோல்விகளையும் எதிர்கொள்ள வேண்டி இருக்கும்.

சினிமாவில் காமெடி செய்வது எளிது என்பார்கள். ஆனால், உங்களால் ஒரு நபரை எளிதாக சிரிக்க வைத்துவிட முடியுமா? அழவைப்பது எளிது ஆனால், சிரிக்க வைப்பது கடினம்.
புரோட்டா சூரி!

இயக்குனர் சுசீந்திரன் இயக்கத்தில் வெளியான வெண்ணிலா கபடி குழு என்ற படத்தில் அறிமுகம் ஆனவர் புரோட்டா சூரி. இவரது புரோட்டா காமெடி சூப்பர் ஹிட் ஆனதால், புரோட்டா இவரது அடைமொழியாக மாறிவிட்டது.

சினிமாவில் நடிக்க வருவதற்கு முன் இவர் தனது சொந்த ஊரில் பால் ஊற்றும் வேலை செய்து வந்துள்ளார். மேலும், சென்னைக்கு வந்த பிறகு பெயின்ட்டிங் வேலைகள், கலை இயக்குனர்களிடம் செட் அமைக்கும் வேலைகள் செய்து வந்திருக்கிறார்.

அப்புகுட்டி

இவர் இயக்குனர் சுசீந்திரனின் அழகர் சாமியின் குதிரை என்ற படத்தில் நடிகராகவும் நடித்திருந்தார். அதற்கு தேசிய விருதும் வென்றிருந்தார். சினிமாவிற்குள் நுழைவதற்கு முன் இவர், வடபழனி சரவணபவன் ஓட்டலில் கிளீனர், சர்வர் வேலை செய்துவந்தாராம்.

வையாபுரி!

1993ல் வெளியான உடன்பிறப்பு என்ற படத்தில் அறிமுகமானார் வையாபுரி. ஆனால், சிலர் பாரதிராஜாவினி கருத்தம்மா தான் இவரது அறிமுக படம் என்கிறார்கள். தொடர்ந்து இவர் செல்லக்கண்ணு, அவ்வை சண்முகி போன்ற பல படங்களில் நடிக்க துவங்கினார். இயக்குனர் பாலு மகேந்திரா இயக்கிய ராமன் அப்துல்லா என்ற படம் இவருக்கு ஒரு திருப்புமுனையாக அமைந்தது.

சினிமாவிற்குள் வருவதற்கு முன்னர் காமெடி நடிகர் வையாபுரி எக்மோர் வசந்தபவன் ஓட்டலில் சர்வர் வேலை செய்து வந்துள்ளார். மேலும், திருமண விழாக்களில் சமையல் வேலைக்கு செல்லலும் வேலைகளும் செய்து வந்துள்ளார்.

ராமதாஸ்

முண்டாசுப்பட்டி முனீஸ்காந்த் என்றே பலரால் இன்றும் அறியப்படும் ராம்தாஸ் நடிப்பில் பெரிய ஆள் ஆகிவிட என்ற ஆசையில் சென்னைக்கு வந்த பல ஆயிரக்கணக்கான நபர்களில் ஒருவர். ஆனால், இவர் முதலில் கமிட்டான படம் சவாரி என்று அறியப்படுகிறது.

ஆனால், முதலில் திரைக்கு வந்த படம் முண்டாசுப்பட்டி தான், மேலும் இந்த படம் தான் இவருக்கு ஒரு விசிட்டிங் கார்டாக அமைந்தது. சென்னை வந்த புதியதில் சாலைகளில் படுத்து உறங்கி வாய்ப்பு தேடியவர். சினிமாவில் அறிமுகம் ஆவதற்கு முன்னர் குறும்படங்கள், சிறுசிறு வேடங்கள் ஏற்று நடித்து வந்துள்ளார்.

ரமேஷ் திலக்!

மங்காத்தாவில் பெயரிடப்படாத பாத்திரத்திலும், மெரினாவில் கொரியர் பாயாகவும் நடித்திருந்தார் ரமேஷ் திலக். இவர்க்கு திருப்பு முனையாக அமைந்த படம் சூது கவ்வும். அந்த படத்தின் வெற்றிக்கு பிறகு தொடர்ந்து பல படங்களில் நடித்து வருகிறார் ரமேஷ் திலக். இவர் ஒருசில நாட்களுக்கு முன்னர் தான் தனது காதலியை திருமணம் செய்தார் என்பது குறிப்பிடத்தக்கது.

சினிமாவில் நடிக்க வருவதற்கு முன்னர் ரமேஷ் திலக் ஒரு பிரபல வானொலி நிலையத்தில் நிகழ்ச்சி தொகுப்பாளராக பணியாற்றி வந்தார். மேலும், தனது நட்பு வட்டாரத்தில் பல குறும்பட இயக்குனர்களின் படங்களில் காமெடி வேடங்களில், சின்ன, சின்ன வேடங்களில் நடித்து வந்தார்.

காளி வெங்கட்!

மிர்ச்சி சிவா மற்றும் எஸ்.பி.பி. சரண் நடிப்பில் வெளியான வா குவாட்டர் கட்டிங் என்ற படத்தில் அறிமுகம் ஆனவர் காளி வெங்கட். இதை தொடர்ந்து இவர் மௌன குரு, தடையறத்தாக்க, கலகலப்பு என தொடர்ந்து பிஸியான காமெடி நடிகர் ஆகிவிட்டார்.

சினிமாவில் காமெடி நடிகராக அறிமுகம் ஆவதற்கு முன்னர் காளி வெங்கட் காய்கறி வியாபாரம் செய்து வந்தார். அது மட்டுமின்றி டீ கடையிலும் வேலை செய்திருக்கிறார் காளி வெங்கட்.

யோகி பாபு!

சுப்பிரமணியம் சிவா இயக்கத்தில் இயக்குனர் அமீர் நடித்து தயாரித்த யோகி என்ற படத்தில் வளரும் நடிகராக ஒரு காமெடி பாத்திரத்தில் அறிமுகமானார் யோகி பாபு. அறிமுகப்படத்தின் பெயரே இவரது அடைமொழியாக மாறிவிட்டது. தொடர்ந்து தில்லாலங்கடி, வேலாயுதம், ராஜாபாட்டை போன்ற படங்களில் நடித்து முன்னணி காமெடி நடிகராக வளர்ந்து நிற்கிறார் யோகி பாபு.

யோகி பாபுவிற்கு இராணுவத்தில் சேர வேண்டும் என்பது சிறுவயது கனவாம். ஆனால், அது கைகூடாமல் போய்விட்டது. சினிமாவில் அறிமுகம் ஆவதற்கு முன்னர் இவர் உதவி இயக்குனராக பணியாற்றி வந்திருக்கிறார்.

ஜாங்கிரி மதுமிதா!

ஒரு கல் ஒரு கண்ணாடி படத்தில் நடிகர் சந்தானத்துடன் துணை சேர்ந்த ஜாங்கிரியாக சூப்பர்ஹிட்டானர் மதுமிதா. இவர் தொடர்ந்து அட்டக்கத்தி, ராஜா ராணி, ஜில்லா, வெள்ளைகார துரை பல நடிகைகளில் நடித்து ஆச்சி மனோரமா, கோவை சரளாவுக்கு பிறகு தமிழ் திரையிலகில் பெயர் சொல்லும் அளவிற்கு ஒரு காமெடி நடிகையாக வளம்வந்துக் கொண்டிருக்கிறார்.

சினிமாவில் அறிமுகம் ஆவதற்கு முன் நடிகை மதுமிதா, சின்னத்திரையில் பல தொடர்கள் மற்றும் நிகழ்ச்சிகளில் நடித்து வந்தார். விஜய் டிவியில் ஒளிப்பரப்பான லொள்ளு சபா இவருக்கு ஒரு நல்ல பெயரை பெற்றுக் கொடுத்தது. இவர் அறிமுகம் சன் டிவி, கலைஞர் டிவிகளிலும் சில நிகழ்ச்சிகளில் நடித்திருந்தார். 

ரஜினிகாந்த் உலகம் முழுவதும் கோடிக்கணக்கில் ரசிகர்களை கொண்டவர். இவர் நடிப்பில் இந்த வருடமே காலா, 2.0 என இரண்டு படங்கள் வரவுள்ளது.

இப்படங்களின் மீது ரசிகர்கள் மிகுந்த எதிர்ப்பார்ப்பில் உள்ளனர், இந்நிலையில் ரஜினிகாந்தை டுவிட்டரில் 4 மில்லியனுக்கு மேல் பாலோ செய்கின்றனர்.

இவரின் ஹாண்டில் ‘சூப்பர் ஸ்டார் ரஜினிகாந்த்’ என்று தான் இருந்தது, தற்போது சூப்பர் ஸ்டார் என்பதை நீக்கிவிட்டார்.

வெறும் ரஜினிகாந்த் இருக்க, ரசிகர்கள் இவரின் டுவிட்டர் ஐடியை தேடுகையில் ‘எங்கே ரஜினிகாந்த் ஐடி, டுவிட்டரை விட்டு சென்றுவிட்டாரா’ என்று கூட பேசி வந்தனர்.

ஆனால், ஹாண்டில் நேம் மாற்றியதால் தான் இந்த குழப்பம் என பிறகு தெரிந்தது.

விஜய் சேதுபதி நல்ல நடிகர் என்பதை தாண்டி நல்ல மனிதரும் கூட. மிகவும் யதார்த்தமாக எல்லோரிடத்திலும் பழகக்கூடியவர்.

தான் இவ்வளவு பெரிய நடிகர் என்ற கர்வத்தை எங்குமே காட்ட மாட்டார், இவரிடம் சமீபத்தில் ஒரு பேட்டியில் ‘ஒருவரை கேள்வி கேட்க, வேண்டும் என்றால். யாரை? என்ன கேட்பீர்கள்?’ என கேட்டனர்.

அதற்கு விஜய் சேதுபதி ‘நிறைய பேர் உள்ளனர், அவர்கள் எல்லாம் கொஞ்சம் வயதானவர்கள், இந்த வயதிலும் மக்களுக்கு நல்லது செய்யாமல் பணத்தின் பின்னாடி ஓடுபவர்கள்(அரசியல்வாதிகளை குறிப்பிடுகிறார்).

அவர்களை எல்லாம் நாக்கை பிடுங்குற மாதிரி கேட்கனும்’ என்று விஜய் சேதுபதி கூறியுள்ளார்.