என் புத்தகம்

ஒரு திரைப்படம் உருவாகும் முன்பு அதற்கான ப்ரீ-ப்ரொடக்‌ஷன் என்பது முக்கியம். மிக எளிமையான படம் எடுக்கும் போது கூட அதற்கான முன் தயாரிப்பு வேலைகள் முக்கியம் எனும் போது, ஆயிரக்கணக்கான நடிகர்கள், க்ரீன் மேட், பீரியட் ஃபிலிம், கற்பனையாக எழுதிய வரலாற்றுக் கதையை நிஜமாகவே நடந்தது போன்ற ஒரு காட்சிப்படுத்தலின் அவசியம் என பல பொறுப்புகள் உள்ள படத்தை உருவாக்குவதற்கு எத்தனை திட்டமிடலும் எவ்வளவு மெனக்கெடலும் தேவைப்படும்? அப்படி மனித உழைப்பை சலிக்காது தின்று செரித்த படமான ராஜமௌலியின் 'பாகுபலி த பிகினிங்' வெளியாகி இன்றோடு இரண்டு வருடங்கள் ஆகிறது.

பாகுபலி கதை நமக்குத் தெரியும். பாகுபலி துவங்கிய கதை அதையும் விட சுவாரஸ்யமானது. கதாசிரியர் விஜயேந்திர பிரசாத் ராஜமௌலியிடம், ஒரு பெண் ஆற்று நீரில் மூழ்கியபடி கையில் ஒரு குழந்தையைத் தாங்கிக் கொண்டே வருகிறாள் அவள்தான் சிவகாமி எனச் சொல்கிறார். சில வருடங்களுக்குப் பிறகு கட்டாப்பாவின் கதாபாத்திரம் பற்றி சொல்கிறார். இப்படியே ஒவ்வொரு கதாபாத்திரம் பற்றி கேட்டு கேட்டு ஒரு கட்டத்தில் இந்தக் கதை மீது மிகுந்த ஆர்வமாகும் ராஜமௌலி, முழுக்கதையையும் எழுதச் சொல்கிறார். மூன்று மாதத்தில் கதை வடிவமாக பாகுபலி ரெடி. இங்கிருந்து இதைப் படமாக மாற்றும் வேலைகள் அத்தனை சுலபமானதா என்ன, படத்தின் ஒவ்வொரு கதாபாத்திரத்தையும் எழுதுகிறார்கள். பாகுபலி என்றால் அவன் எப்படிப்பட்டவன்? என்ன கேள்விகேட்டால் எப்படி பதில் சொல்வான் என்பது துவங்கி அவனுக்கு என இருக்கும் பின்புலக் கதைவரை அனைத்தையும் தயார் செய்கிறார்கள். 15,000க்கும் அதிகமான ஸ்டோரி போர்டுகள் வரையப்படுகிறது.

ஒரு பக்கம் குதிரை ஏற்றம், வாள்வீச்சு என நடிகர்கள் பயிற்சி பெறுகிறார்கள், இன்னொரு பக்கம் சாபு சிரில் தலைமையில் மகிழ்மதி வாயில் துவங்கி போர்களத்தில் பயன்படுத்தும் வாள்கள் வரை அத்தனையும் தயாராகிறது. சரி மிகப் பெரிய பட்ஜெட் படம். கண்டிப்பாக இதை எப்படியும் செலவு செய்து எடுத்துவிட முடியும். ஆனால், எப்படி வியாபாரம் செய்வது, எப்படி லாபம் பெருவது. நஷ்டமடைந்தால் திரும்பி எழவே சிரமமான காரியமாக இருக்கும். பின்பு வெளியாகப் போகும் பாகுபலி 2வையும் இது பாதிக்கும். ராஜமௌலி தன் தயாரிப்பாளர்களில் ஒருவரான ஷோபுவிடம் பேசுகிறார். ஷோபு கொஞ்சமும் பதற்றமில்லாமல் ஒரு பதில் சொல்கிறார். "பட்ஜெட் பெருசுதான், அதுக்காக படம் எடுக்காம இருக்க முடியாது. ஆனா, ஒரு வழி இருக்கு. பட்ஜெட்டுக்கு ஏற்ற மாதிரி வியாபாரத்தையும் பெருசு பண்ணுவோம். அனிமேஷன், வீடியோ கேம்ஸ், டிவி சீரிஸ், காமிக்ஸ்னு எல்லா விதத்திலும் சந்தைப்படுத்துவோம். எல்லா மொழிகள்லையும் படத்தைக் கொண்டு சேர்ப்போம்"

அவ்வளவுதான் ராஜமௌலிக்கு மீண்டும் பிறக்கிறது உற்சாகம். குதிரை ஏற்றமோ, குளிர்ந்த நீருக்கு அடியில் ஷூட்டிங்கோ எதுவாக இருந்தாலும் முதலில் தான் இறங்கி முயற்சிக்கிறார். ஆம், திரையில் பாகுபலி செய்த எல்லாவற்றையும் தானும் முயல்கிறார். பிறகு படக்குழுவுக்கு அதை எப்படி கையாளவேண்டும் எனக் கற்றுத்தருகிறார். இப்படியாக மெல்ல மெல்ல மகிழ்மதி சாம்ராஜ்யத்தை தன் குழுவினருடன் கட்டி எழுப்புகிறார். ஒரு பாகமாக எடுக்க நினைத்து, படம் எடுத்துக் கொண்டிருக்கும் போதே இரண்டு பாகம் இருந்தால்தான் முழுக்கதையும் சொல்ல முடியும், இல்லை என்றால் நான் விரும்பியதை முழுமையாகக் கொண்டுவர முடியாது என நினைக்கிறார். ஒரே மூச்சாக இரண்டு பாகங்களையும் முடித்து, முதல் பாகம் வெளியாகி நான்கு மாத இடைவெளியில் இரண்டாம் பாகத்தையும் வெளியிடத் திட்டமிடுகிறார். ஆனால், அதில் முக்கால் கிணறுதான் தாண்ட முடிகிறது. ஆனால், ராஜமௌலிக்கு தன் உழைப்பு மேல் அசைக்க முடியாத நம்பிக்கை இருந்தது. முதல் பாகத்தை வெளியிடுகிறார். க்ளைமாக்ஸைப் பார்த்து மிரண்டு நின்றது திரையுலகம். 'கட்டப்பா ஏன் பாகுபலியைக் கொன்றார்' என்ற கேள்வி ட்ரெண்டாகிறது. ‘நல்லா இருக்கீங்களா? சாப்பிட்டீங்களா?’ போல எல்லாருடைய உரையாடல்களிலும் ‘பாகுபலிய ஏன் கட்டப்பா கொன்னான்?’  இடம் பெறுகிறது.  பெரிய பரபரப்பை உருவாக்குகிறது.

அதற்கு பதிலாக இரண்டாம் பாகத்தையும் வெளியிட்டு பாக்ஸ் ஆஃபீசை அடித்து துவம்சம் செய்கிறார். "முதல் பாகத்தில் ஏற்றியிருந்த எதிர்பார்ப்புதான் என் இரண்டாம் பாகத்திற்கான மூலதனம். கண்டிப்பா ஆடியன்ஸ் வந்திடுவாங்க" என அசாத்திய தைரியத்தில் இருக்கிறார் ராஜமௌலி. அவரின் தைரியம் நிஜமாகிறது. உலகம் முழுக்க ஆயிரம் கோடிக்கும் மேல் வசூல் செய்து கால்மேல் கால் போட்டு அமர்கிறது பாகுபலி. "அப்படி என்ன பாகுபலி சிறந்த படம்? அதுல என்ன சொல்லிட்டாங்க, வெறும் பிரமாண்டம் மட்டும்தான் இருக்கு" என்ற நெகட்டிவ் விமர்சனங்களும் எழத்தான் செய்தது. உண்மையில் நம் சினிமாவின் எல்லை, வியாபாரச் சாத்தியங்கள் எல்லாவற்றிற்குமான வழியை வெளிச்சம் போட்டுக் காட்டியிருக்கிறது பாகுபலி மற்றும் பாகுபலி 2. அந்த வகையில் அது தவிர்க்கவே முடியாத சினிமாவாகிறது.

பரிசோதனை முயற்சிகளின் மீது, பாகுபலி பட்ஜெட்டையும், வசூலையும் விட பெரிய அளவில் நம்பிக்கை உள்ளவர் ராஜமௌலி. மகதீராவும், 'ஈகா'வும் பாகுபலிக்கான பரிசோதனை முயற்சிகள் என்று டோலிவுட்டில் அடிக்கடிச் சொல்லப்படும். எனக்குத் தெரிந்து பாகுபலியே, மகாபாரதம் எடுப்பதற்காக ராஜமௌலி செய்த பரிசோதனை முயற்சி என்றுதான் தோன்றும்.

ராஜமௌலி: "இந்தப் படத்தை ஏன் எடுத்தேன் தெரியுமா?"

விஜயேந்திர பிரசாத்: "ஏன்?"

ராஜமௌலி: "என் வாழ்நாள் லட்சியமே மகாபாரதத்தை எடுப்பதுதான். அதற்கு முன்னோடி இந்த பாகுபலி. என்னை நான் பரிசோதித்துக் கொள்ள விரும்புகிறேன். இதில் நான் வென்றுவிட்டால், கண்டிப்பாக என்னால் மகாபாரதத்தை எடுக்க முடியும், எடுப்பேன்"

பாகுபலி படப்பிடிப்பு சமயத்தில் இயக்குநர் ராஜமௌலிக்கும் அவரது தந்தையும், கதாசிரியருமான விஜயேந்திர பிரசாத்துக்கும் இடையேயான உரையாடல் இது. 'மகாபாரதம்' மூலம் கண்டிப்பாக இன்னும் பல கதவுகளைத் திறப்பார் என நம்பலாம். ஜெய் ராஜமௌலி!

ஒருவரது இதயம் பலவீனமாக உள்ளது அல்லது அவருக்கு ஓரிரு மாதங்களில் மாரடைப்பு ஏற்படலாம் என்பதை வெளிப்படுத்தும் அறிகுறிகள் சிலவன இருக்கின்றன. இதை வைத்து முன்கூட்டிய நாம் பாதுகாப்பாக இருந்துக் கொள்ள வேண்டும். மாரடைப்புக்கு மட்டுமல்ல, நமது உடலில் எந்த ஒரு நல்ல, தீய மாற்றங்கள் ஏற்பட்டாலும் அதை குறித்து நமது உடல் ஒருசில அறிகுறிகளை வெளிப்படுத்தி நம்மை ஜாக்கிரதையாக இருக்க சொல்லி வலியுறுத்தும். இனி, ஒருவருக்கு மாரடைப்பு வர போகிறது என ஒரு மாதத்திற்கு முன்னரே வெளிப்படும் அறிகுறிகள்…

மிகையான மயக்கம்!

மாரடைப்பு ஏற்பட போகிறது என்பதை வெளிப்படுத்தும் முதல் அறிகுறியே இதுதான். மிகையான மயக்கம். தொடர்ந்து நாள் முழுதும் வேலை செய்து கொண்டே இருந்தால் இந்த மயக்க நிலை தென்படுவது இயல்பு. ஆனால், பெரிதாக எந்த வேலையும் செய்யாத போதும் தொடர்ந்து இந்த மயக்க நிலை தென்படுவது மாரடைப்பிற்கான அறிகுறியாகும். நீங்கள் இதை உணர்ந்தால் உடனடியாக மருத்துவரிடம் பரிசோதனை செய்துக் கொள்ள வேண்டியது அவசியம்.

தூக்க கோளாறுகள்!

இரண்டாவதாக காணப்படும் அறிகுறி தூக்க கோளாறுகள். மாரடைப்பு ஏற்பட போகிறது என்ற சூழல் உங்களை நெருங்கும் போது, அதன் காரணத்தால் தூக்க கோளாறுகள் உண்டாகும். சரியாக தூக்கமே வராது. தூங்கிக் கொண்டிருக்கும் போது அடிக்கடி விழிப்பு ஏற்படும், நள்ளிரவில் அடிக்கடி சிறுநீர் கழிக்க எழுவீர்கள் அல்லது நள்ளிரவில் அதிக தாகம் எடுக்கும். பொதுவாக உங்களுக்கு இந்த எந்த கோளாறும் இல்லாமல், திடீரென எப்படி சில மாற்றங்கள் காண துவங்கினால் நீங்கள் கட்டாயம் மருத்துவரை காண வேண்டும்.

மூச்சு திணறல்!

முன்பு இல்லாமல் திடீரென மூச்சு திணறல் உண்டாவது மூன்றாவது மாரடைப்பு அறிகுறியாக காணப்படுகிறது. ஒருவேளை உங்களுக்கு இதய கோளாறுகள் இருந்தால் தான் திடீரென இந்த மூச்சு திணறல் கோளாறு ஏற்படும். உங்கள் இதயத்திற்கு போதுமான அளவு ஆக்ஸிஜன் கிடைக்கவில்லை என்றால் தான் இந்த மூச்சு திணறல் கோளாறு தென்படும்.

அஜீரணம்!

மற்றுமொரு மாரடைப்பு அறிகுறியாக இருப்பது செரிமான கோளாறு, அஜீரணம். எப்போதுமே வயிற்றில் ஏதோ சத்தம் உண்டாவது போன்ற உணர்வு ஏற்படுவது இயல்பாக எடுத்துக் கொள்ள கூடாது. மேலும், சில சமயங்களில் காரமான, மசாலா அதிகம் கலந்த உணவு அல்லது கடினமான உணவுகள் உட்கொண்டால் கூட இந்த உணர்வு தென்படலாம்.

பதட்டம்!

எப்போதும் இல்லாமல் திடீரென நீங்கள் மிக பதட்டமாக அல்லது படபடப்பாக உணர்கிறீர்கள் என்றால், உடன மருத்துவரை கண்டு பரிசோதனை செய்துக் கொள்ளுங்கள். இதுவும் மாரடைப்பு ஏற்படுவதை முன்கூட்டியே வெளிப்படுத்தும் அறிகுறி தானாம்.

உடல் சோர்வு!

எப்போதும் உடல் சோர்வாக வலிமை இன்றி காணப்படுவது அல்லது தோள்ப்பட்டை கனமாக இருப்பது போன்ற உணர்வு ஏற்படுவது. உங்கள் இதயத்திற்கு சரியான அளவு ஆக்ஸிஜன் செல்லாவிட்டால். தண்டுவடத்தில் மற்றும் இதயத்திற்கு இடையே இருக்கும் நரம்புகளில் ஏற்படும் தாக்கத்தால், நீங்கள் தோள்பட்டை வலி உணர வாய்ப்புகள் உள்ளன.

ஆன்மீக சூறாவளி நித்யானந்தாவை புல்டோசர் கொண்டு பெயர்த்தாலும், நெஞ்சை நிமிர்த்திக் கொண்டு நிற்கிற விதத்தில் அவர் ஒரு விடா முயற்சியானந்தா போலிருக்கிறது. பக்தி பலகாரம், பவர்புல் சவுக்காரம் என்றெல்லாம் அவரது ரசிகர்கள்(?) அவரை போற்றி வணங்கிக் கொண்டிருக்க, தனது சமஸ்தானத்தை நாடெங்கிலும் நிறுவ வேண்டும் என்கிற ஆசையில் வெறித்தனமாக இயங்கிக் கொண்டிருக்கிறார் அவர்.

அவரோடு சேர்ந்து எல்லாவற்றுக்கும் மல்லுக்கட்ட ஆரம்பித்துவிட்டார்கள் அவரது சிஷ்ய கோடிகள். கடந்த பல வருஷங்களாகவே செல்லும் இடமெல்லாம் கல்லும் கட்டியும் இவர்களை எதிர்கொள்ள… “என்னடா துறவு வாழ்வு இது?” என்று அலுத்துக் கொள்ள வேண்டுமல்லவா? அங்குதான் நிற்கிறது நித்யானந்தாவின் நீடித்த உழைப்பு.

சரி மேட்டருக்கு வருவோம். புகழ்மிகு நித்யானந்தாவை தன் வாரிசாக அறிவித்துவிட்டு அடுத்த சில நாட்களிலேயே, ஐயய்யோ தப்பு பண்ணிட்டேன் என்று கன்னத்தில் போட்டுக் கொண்ட மதுரை ஆதினம், ‘மடத்தை விட்டு வெளியே போ’ என்று நித்யானந்தரை விரட்டிய கதையை நாடே அறியும். மடத்துக்கெல்லாம் அதிபதி அந்த கடவுள்தான் என்றாலும், இவர்கள் போய் நின்றது கோர்ட்டில். “நான்தான் மடாதிபதியின் அடுத்த வாரிசு. நியமித்தது நியமித்ததுதான். மாற்றி மாற்றி பேசினால் செல்லாது” என்றார் நித்தி.

பதிலுக்கு தனது விளக்கத்தை சொன்னார் மதுரை ஆதினம். இரு தரப்பையும் தீர விசாரித்த உயர்நீதிமன்றம் நாடே வியக்கிற அளவுக்கு ஒரு தீர்ப்பை எழுதியிருக்கிறது. அது இதுதான்….

1. ஸ்ரீசோமநாதஸ்வாமி கோவில் மற்றும் மடம். திருவாரூர்.
2. ஸ்ரீ அருணாசல ஞான தேசிகர் கோவில் மற்றும் மடம், வேதாரண்யம்.
3. ஸ்ரீபொ.கா.சாதுகள் மடம், வேதாரண்யம்.
4. ஸ்ரீ பால்சாமி மடம், தஞ்சாவூர்.
5. ஸ்ரீசங்கர ஸ்வாமி மடம், தஞ்சாவூர்.

மேலே குறிப்பிட்டிருக்கும் இந்த ஐந்து மடங்களும் கோவில்களும் நித்யானந்தாவின் கண்ட்ரோலுக்கு செல்லும். அவரே இந்த ஆதினங்களின் மடாதிபதியாக கருதப்படுவார்.

இந்த ஆன்மீக எடப்பாடி, பன்னீர்செல்வங்களுக்கு மக்கள் என்ன முடிவு வைத்திருக்கிறார்களோ?

அட்றா அட்றா நாக்க முக்க’ பாடலை அண்டார்டிகாவில் ஒலிக்க விட்டாலும், அங்கேயும் பலர் எழுந்தாடுவார்கள். அப்படியொரு கொலகுத்துப் பாடல் அது. அப்படியொன்று அதற்கு முன்பும் சரி, பின்பும் சரி. வந்ததும் இல்லை. வரப்போவதும் இல்லை. அந்த பாடலை எழுதியவர், அந்த மெட்டு உருவாக காரணமாக இருந்தவர் என்று பற்பல புகழுக்கு காரணமான பி.வி.பிரசாத், அவரே இயக்கி அவரே தயாரித்து அவரே இசையமைத்து அவரே ஹீரோவாக நடித்தும் இருக்கிறார். அதுதான் ‘சகுந்தலாவின் காதலன்’.

‘அடியே சகுந்தலா’ என்று இந்தப்படத்திலும் ஒரு பாடல் இருக்கிறது. ச்சும்மா போட்டு புரட்டியிருக்கிறார் பி.வி.பிரசாத். இந்த வருடத்தின் சூப்பர் ஹிட் பாடல்களுக்கு இப்பவே மார்க் குத்திவிடலாம் என்கிற அளவுக்கு அசத்திவிட்டார் அசத்தி! இந்த பாடல்களை கேட்ட மாத்திரத்தில், தனது வி மியூசிக் நிறுவனம் சார்பில் பாடல்களுக்கான உரிமையை வாங்கியிருக்கிறார் விஷால். ஒரு தலைக் காதல், அதனால் சிறைவாசம், கொலை வெறி துரத்தல் என்று படத்தின் கதையை சின்ன அளவில் சொன்னது அங்கே திரையிடப்பட்ட டீசர். இந்த டீசரும், அங்கு திரையிடப்பட்ட பாடல்களும் இந்த படத்தின் ரிசல்ட்டை இப்பவே எழுதி வைத்தாலும், படத்தின் வியாபாரம் குறித்த எவ்வித தகவலும் அந்த மேடையில் பகிர்வு செய்யப்படாதது ஆச்சர்யம்தான்.

சமீபகாலமாக அறிவாலயத்தின் க்ளிப்பிங்ஸ்களில் கூட அதிகம் அகப்படாத முன்னாள் அமைச்சர் ஆற்காடு வீராச்சாமி இந்த நிகழ்வுக்கு வந்திருந்தார். விசாரித்தால், இந்த பி.வி.பிரசாத் வீராசாமியின் சித்தி மகனாம். “சின்ன வயசுலேர்ந்து அவனுக்கு இது மாதிரி விஷயங்களில்தான் அதிக ஆர்வம். இன்னைக்கு ஒரு ஹீரோவா வளர்ந்து நிக்கறதை பார்க்கும் போது பெருமையா இருக்கு” என்றார் ஆற்காட்டார்.

விஷாலின் பேச்சிற்கு நிறைய கவன ஈர்ப்பு இருந்தாலும், ஒரு விஷயத்திற்காக கைதட்டியது கூட்டம். “எங்க கம்பெனியில் இருக்கிற வி. மியூசிக் வெறும் வி இல்ல. வெஞ்சன்ஸ் மியூசிக்தான் அது. பாண்டிநாடு படத்தில் வரும் ஃபை ஃபை பாட்டு அவ்வளவு பேமஸ். ஆனால், அந்த மியூசிக்கை வாங்கிய நிறுவனம் நஷ்ட கணக்குதான் காட்டியது. அதனால்தான் நாமளே ஒண்ணு ஆரம்பிக்கலாம்னு ஆரம்பிச்சேன். நிச்சயமா பி.வி.பிரசாத் பாடலுக்கு என்ன வருமானம் வந்திச்சோ, அது அப்படியே அவர் அக்கவுன்ட்டுக்கு போயிடும்” என்றார்.

‘சகுந்தலாவின் காதலன்’ படத்தில் தாமிரபரணி பானுதான் ஹீராயின். இந்தப்படம் தாறுமாறான ஹிட்டடித்தாலும், பானுவுக்கு ஒரு பிரயோஜனமும் இல்லை. ஏனென்றால் அவருக்குதான் கல்யாணம் ஆகிருச்சே மக்கா?

ஜெகன் மாதிரியான ஒரு அழுக்கு சொம்பை சினிமா மேடைகளில் ஏற்றி, தன்னையும் அசிங்கப்படுத்திக் கொண்டு, அந்த மேடையையும் அசிங்கப்படுத்துகிற விழாக்களில் ஒன்றாகிப் போனது நேற்று நடந்த ‘சகுந்தலாவின் காதலன்’ பட விழா. முன்னாள் அமைச்சர் ஆற்காடு வீராச்சாமி, தயாரிப்பாளர் சங்கத் தலைவர் விஷால், இன்னும் பல பெரிய மனிதர்கள் சூழ்ந்திருந்த அந்த மேடையை இந்த அழுக்கு சொம்பு, மாறி மாறி நாறடித்துக் கொண்டேயிருந்தது. சற்றும் மேடை நாகரீகம் இல்லாமல் ‘ங்கொய்யால…’ என்றெல்லாம் பேசிக் கொண்டிருந்தார் மனுஷன்.

மேடையில் பேச அழைக்கப்படுகிறர்களுக்கும், இவர் கொடுக்கும் முன்னோட்டத்திற்கும் துளி சம்பந்தமில்லை. அடிக்கடி பிக் பாஸ் நிகழ்ச்சிக்கு ஸ்பான்சர் செய்ய வந்தது போல, அது குறித்தும் வார்த்தைக்கு வார்த்தை உளறிக் கொட்டிக் கொண்டிருந்தார்.

ஜுலி, நமீதா, என்று என்னென்னவோ பேசி பேசி அறுத்த ஜெகன், உண்மையில் நிகழ்ச்சியில் நீண்டநேரம் பேச வேண்டியவர்களை கூட ஒரு நிமிஷத்துல பேசி முடிங்க என்று வாயை அடைக்கக் கிளம்பியதுதான் கொடுமை. (முதல்ல தொகுப்பாளர்கள் வாயை அடக்கினாலே நிறைய நேரம் மிச்சப்படும்)

மேடைக்கு வந்த விஷாலின் தங்கையின் எலுமிச்சை கலரை கூட விட்டுவைக்கவில்லை இவர். ‘ஏம்மா நாயெல்லாம் வளர்க்குற. என்னை மட்டும் கண்டுக்க மாட்டேங்குற?’ என்று ஜெகன் உளறியதற்கு வேறொரு பெண்ணாக இருந்திருந்தால் செ.பி. இருக்கும்.

அட. ச்சே… ஒரு நல்ல விழாவை இப்படி நாறடிச்சுட்டியே தம்பீ…

கமல்ஹாசன் பிரபல தொலைக்காட்சியில் பிக்பாஸ் என்ற நிகழ்ச்சியை தொகுத்து வழங்கி வருகின்றார். இந்த நிகழ்ச்சி முழுவதும் ஏற்கனவே பேசி முடிவெடுத்து அதற்கு ஏற்றார் போல் நடிப்பார்கள் என கூறி வந்தனர்.

இதை கமல் கடுமையாக மறுத்தார், இந்நிலையில் இன்று வெளிவந்த ப்ரோமோவில் பரணி பிக்பாஸ் வீட்டை விட்டு தப்பித்து செல்வது போல் வந்தது.

இதேபோல் தான் ஹிந்தியில் வெளிவந்த பிக்பாஸில் குஷால் என்பவர் தப்பி செய்ய முயற்சிப்பார், அதன் அப்பட்டமான காப்பி தான் இந்த பிக்பாஸ், ரசிகர்களை இவர்கள் ஏமாற்றுகிறார்கள் என சமூக வலைத்தளத்தில் ஒரு பேச்சு அடிப்படுகின்றது.

வாரம் தோறும் அனைத்திற்கும் விளக்கம் தரும் கமல், இந்த சர்ச்சைக்கும் வரும் வாரத்தில் விளக்கம் தருவாரா? பார்ப்போம்.