என் புத்தகம்

சிந்து சமவெளி திரைப்படம் வாயிலாக அறிமுகமான அமலா பால், மைனா திரைப்படத்தில் நடித்ததின் மூலமாக அனைவரின் கவனத்தையும் ஈர்த்தார்.

பின்னர் வெளிவந்த திரைப்படங்கள், அவரை நட்சத்திர நடிகையாக உயர்த்தியது. நடிப்புக்காக பல விருதுகளையும் பெற்றார்.

எல்லா வாழ்விலும் சோகமான பக்கங்கள் இருப்பது போலவே.. இவரின் வாழ்விலும் கசந்து போன பக்கங்கள் இருப்பது அனைவரும் அறிந்தது.

‘தெய்வ திருமகள்’ படத்தில் நடித்தபோது அந்த படத்தின் இயக்குனர் ஏ.எல்.விஜய்யை காதலித்தார்.

2014-ம் ஆண்டு இருவரும் திருமணம் செய்து கொண்டனர். 2 வருடங்களில் திருமண வாழ்க்கை கசந்தது. 2016-ல் விவாகரத்து கேட்டு கோர்ட்டை அணுகினார்கள். கடந்த வருடம் அமலாபால் சட்டப்படி இயக்குனர் ஏ.எல்.விஜய்யை பிரிந்தார்.

    அதன் பிறகு நடிப்பில் தீவிர கவனம் செலுத்தி வருகிறார். தற்போது தமிழ் மற்றும் மலையாள படங்களில் நடித்து வருகிறார். விவாகரத்து குறித்து அமலாபால், என் வாழ்வில் மீண்டும் நிச்சயமாக திருமணம் இடம் பெறும் என்று குறிப்பிட்டிருந்தார்.

பல சோகங்களை கொண்டிருந்தாலும், சர்ச்சைகளை கடந்து நடிப்பில் தனது திறமையை வெளிப்படுத்தி வருகின்றார்.

காற்று வெளியிட படத்துக்கு பிறகு மணிரத்னம் செக்க செவந்த வானம் என்ற புது படத்தை இயக்கி வருகிறார். இப்படத்தில் சிம்பு, விஜய் சேதுபதி அருண்விஜய் மற்றும் அரவிந்த் சாமி நடிக்கவுள்ளனர்.

இந்நிலையில் நீண்ட நாட்களுக்கு பிறகு மீண்டும் படப்பிடிப்புகள் தொடங்கிய நிலையில் இன்று செக்க செவந்த வானம் படப்பிடிப்பும் தொடங்கியது. மணிரத்னம் விஜய் சேதுபதி நடிக்கவுள்ள காட்சிகளை படமாக்க இருக்கிறார். அதற்காக இன்று காலையே விஜய் சேதுபதி படப்பிடிப்பில் கலந்து கொண்டு தனது பழைய நினைவுகளை மணிரத்தினத்திடம் பகிர்ந்துள்ளார்.

குறிப்பாக முதல்நாள் படப்பிடிப்பின்போது அவரை சந்திக்க காத்திருந்து ஏமாற்றம் அடைந்த பழைய சம்பவத்தை மணிரத்னத்திடம் நினைவு கூர்ந்திருக்கிறார் அதைக்கேட்ட மணிரத்னம் சின்ன புன்முறுவலுடன் நகர்ந்து சென்றாராம் என படப்பிடிப்பில் இருந்தவர்கள் கூறுகின்றனர்

தமிழ் சினிமா உலகில் 1990 மற்றும் 2000 ஆண்டுகளில் முன்னணி கதாநாயகியாக இருந்தவர் நடிகை கவுசல்யா.

காலமெல்லாம் காதல் வாழ்க, நேருக்கு நேர், பிரயமுடன், சொல்லாமலே, பூவேலி, உன்னுடன் ஏழையின் சிரிப்பில், வானத்தைப்போல, மனதை திருடிவிட்டாய் என பல படங்களில் நடித்துள்ளார்.

அவர் தமிழ் தவிர மலையாளம், தெலுங்கு, கன்னட மொழி படங்களிலும் நடித்துள்ளார். பெங்களூருவை சேர்ந்த தற்போது கவுசல்யாவுக்கு 38 வயது ஆகிறது. இதனால் அக்காள், அண்ணி வேடங்களில் நடித்து வருகிறார்.

இதுநாள் வரை திருமணம் செய்து கொள்ளாமலேயே இருந்தார். மலையாள படப்பிடிப்பில் கலந்து கொள்ள கேரளா சென்ற கவுசல்யா விரைவில் திருமணம் செய்து கொள்ளப்போவதாக அறிவித்தார். இதுகுறித்து அவர் கூறும்போது,

“நான் திருமணம் செய்துகொள்ள திட்டமிட்டு உள்ளேன். என் மனதுக்கு பிடித்த ஒருவரை மணக்க இருக்கிறேன். எனது பெற்றோர்கள் மாப்பிள்ளை பார்க்க தொடங்கி உள்ளனர். விரைவில் திருமணம் நடக்கும் என்ற நம்பிக்கை உள்ளது” என்று கூறியுள்ளார்.

இன்றைய பரபரப்பான உலகத்தில் நாம் செய்யும் பல்வேறு வேலைகளுக்கு நேரம் என்பதே போதுமானதாக இருப்பதில்லை.

இந்த களேபரத்தில் நாம் சரியான உணவை, சரியான நேரத்தில் பெரும்பாலும் சாப்பிடுவதில்லை.

எதிலும் வேகத்தை எதிர்ப்பார்க்கும் நாம் உணவையும் வேகமாக எதிர்ப்பார்க்க ஆரம்பித்து விட்டோம். அப்படி தலைத்தூக்கியது தான் ஃபாஸ்ட் ஃபுட் கலாச்சாரம். ஆனால் அதனால் ஏற்படும் தீமைகளைப் பற்றி நம்மில் பல பேர் இன்று உணர்ந்து கொண்டோம்.

அதற்கான மாற்றாக நமக்கு கிடைத்தது தான் ஓட்ஸ். துரிதமாக உண்ண வேண்டுமானால் இதனை தாராளமாக தேர்ந்தெடுக்கலாம். நொடிப்பொழுதில் தயார் செய்து சாப்பிட்டு விடவும் செய்யலாம்.

ஓட்ஸ் என்பது உங்கள் உடல் நலத்தை மேம்படுத்தும் மிகச்சிறந்த முழு தானிய காலை உணவாக விளங்குகிறது. இந்த தானியத்தில் நார்ச்சத்து, புரதம், இரும்பு, மெக்னீசியம், பொட்டாசியம், செலீனியம், ஃபோலேட் மற்றும் ஒமேகா-3 கொழுப்பமிலங்கள் போன்ற ஊட்டச்சத்துக்களும் வளமையாக நிறைந்துள்ளது.

    மேலும் உங்கள் உடல்நலத்திற்கு தேவையான சக்தி வாய்ந்த ஃபைட்டோ-நியூட்ரியன்ட்டுகள் மற்றும் ஆன்டி-ஆக்ஸிடன்ட்கள் இதில் உள்ளது.

ஓட்ஸ் உணவால் கிடைக்கும் உடல்நல பயன்களை ஊக்குவிக்க நட்ஸ், பழங்கள் அல்லது மசாலாக்களை அதில் சேர்த்துக் கொள்ளலாம். ஆனால் அளவுக்கு அதிகமாக சர்க்கரை சேர்த்துக் கொள்ளாதீர்கள்.

ஒரு பௌல் ஓட்ஸில் 5 கிராம் நார்ச்சத்து உள்ளது. இதை தொடர்ச்சியாக உட்கொண்டு வந்தால், உடலில் உள்ள கெட்ட கொலஸ்ட்ரால் குறைய உதவியாக இருக்கும். எடையைக் குறைக்க நினைப்போருக்கு இது மிகவும் சிறப்பான ஓர் உணவுப் பொருள்.

பிரபல தனியார் தொலைகாட்சியில் தொகுப்பாளினியாக பணியாற்றி வந்தவர் தான் டிடி. இவருக்கு ரசிகர்கள் கூட்டம் ஏராளம், இவர் தற்பொழுது சில படத்திலும் நடித்து வருகிறார் இவர் தொகுத்து வழக்கும் நிகழ்ச்சிக்கு அதிக ரசிகர்கள் இருப்பார்கள்.

தற்போது, இவர் பிரபல சேனலில் ஒளிபரப்பாகும், என்கிட்ட மோதாதே என்ற நிகழ்ச்சியை தொகுத்து வழங்க இருக்கிறார், இந்த நிகழ்ச்சிக்காக இவர் மூன்று வருடத்திற்கு பிறகு மேடையில் ஏறி நடனமாடியுள்ளார் இந்த வீடியோ சமூக வலைத்தளத்தில் ரசிகரக்ளிடையே நல்ல வரவேற்ப்பை பெற்று வருகிறது .

இவர் கால் முட்டியில் ஆப்ரேஷன் செய்த பிறகு தான் வில்சேரில் இருந்து விட்டு தற்பொழுது மீண்டும் ஆர்வத்துடன் திரும்ப வந்துள்ளது மகிழ்ச்சியை தருவதான தனது டிவிட்டரில் கூறியுள்ளார்.ரசிகர்கள் இந்த வீடியோவை பார்த்து விட்டு இது நம்ம DD யா என ஆச்சரிய படுகிறார்கள்.

படங்களில் நடிக்கும் நாயகிகளை தாண்டி சின்னத்திரையில் கலக்கும் பெண்களுக்கு அதிக ரசிகர்கள் வட்டாராம் என்று கூறலாம்.

அதிலும் தொகுப்பாளினிகளை பற்றி சொல்லவே வேண்டாம், டிடி, ரம்யா, பாவனா, பிரியங்கா போன்ற பெண் தொகுப்பாளர்களின் ரசிகர்கள் வட்டாரம் எவ்வளவு பெரியது என்பது அனைவருக்கும் நன்றாக தெரியும். இந்த நிலையில் தொகுப்பாளினி பிரியங்கா கர்ப்பமாக இருப்பதாக சில நாட்களுக்கு முன் செய்தி வைரலாக பரவியது.

இதுகுறித்து பிரியங்கா, ஒரு முறை மதிய உணவு சாப்பிட்டுவிட்டு உடனே ஷுட்டிங் செய்தோம். அப்போது பாம்பு நடனம் ஆடச் சொன்னார்கள், நிறைய சாப்பிட்டதால் அப்போது என்னால் சரியாக ஆட முடியவில்லை. அதை என்னுடன் இருந்த தொகுப்பாளர் மா.கா.பா என்ன இது கர்ப்பமான பாம்பு ஆடுகிற மாதிரி இருக்கு என்று கலாய்த்தார்.

அவர் சொன்னதை தப்பா எடுத்துக் கொண்டு வீடியோ எல்லாம் வெளியிட்டிருக்கிறார்கள். இந்த விஷயம் என் குடும்பத்தையும் பாதித்திருக்கிறது என்று நினைக்கும் போது தான் கஷ்டமாக இருக்கிறது, எப்படி எடுத்துக் கொள்வது என்பது தெரியவில்லை என்றார்.

பிளாஸ்டிக் பயன்பாடு என்பது இன்றைக்குத் தவிர்க்க முடியாததாக இருக்கிறது. ஒரு புறம் தேவைக்குத் தகுந்தவாறு பிளாஸ்டிக் பொருள்கள் உற்பத்தி செய்யப்பட்டு கொண்டிருக்கும் அதே வேளையில் மறுபுறம் கழிவாக உருமாறிக்கொண்டே இருக்கிறது. பிளாஸ்டிக் பயன்படுத்துவதற்கு எளிதானதாக இருந்தாலும் மக்காத தன்மை கொண்டது என்பதுதான் அதிலிருக்கும் பிரச்னை. பிளாஸ்டிக் கழிவுகள் மக்குவதற்குக் குறைந்தபட்சமாக ஐந்நூறு முதல் ஆயிரம் ஆண்டுகள் வரை கூட ஆகலாம் என்பது ஆராய்ச்சியாளர்கள் கூறும் அதிர்ச்சி கணக்கு.

பிளாஸ்டிக்கை மக்க வைக்கும் பாக்டீரியா

இத்தகைய பிளாஸ்டிக் கழிவுகள் சுற்றுச்சூழலில் பெரும் பாதிப்பை ஏற்படுத்தி வருகின்றன. கடலில் கலந்துவிட்ட கழிவுகளால் பாதிக்கப்பட்டு இறக்கும் கடல்வாழ் உயிரினங்களின் எண்ணிக்கை நாளுக்கு நாள் அதிகரித்துக்கொண்டே செல்கிறது. நிலத்திலோ இன்னும் மோசமான பாதிப்புகளை அது ஏற்படுத்துகிறது. இதன் மூலம் உருவான பாதிப்புகள் முதல் இனிமேல் உருவாகப்போகும் பாதிப்புகள் வரை உலகம் அறிந்திருந்தாலும் கூட ஒவ்வொரு நாளும் டன் கணக்கில் பிளாஸ்டிக் உருவாக்கப்பட்டுக்கொண்டுதான் இருக்கிறது.

பிளாஸ்டிக்கை மக்க வைப்பதற்கான தீர்வுதான் என்ன?

ஆய்வு

இப்படி ஒவ்வொரு நாளும் பல மில்லியன் டன் கணக்கில் கழிவுகளாக உருமாறும் பிளாஸ்டிக் கழிவுகளை மக்க வைப்பதற்கான வழிகளைக் கண்டுபிடிக்க பல வருடங்களாக முயற்சிகள் நடந்துகொண்டிருக்கின்றன. அப்படி ஒரு முயற்சியின்போதுதான் 2016-ம் வருடத்தில் ஜப்பானில் விஞ்ஞானிகள் குழு ஒன்று அந்தப் பாக்டீரியாவை கண்டறிந்தார்கள். குவித்து வைக்கப்பட்டிருந்த குப்பைகளின் நடுவே ஆய்வு செய்யும்போது கண்டறியப்பட்ட அந்தப் பாக்டீரியா அவர்கள் அதிசயப்படும் வகையில் ஒரு வேலையைச் செய்து கொண்டிருந்தது. குப்பைகளில் இருந்த PET என்று சுருக்கமாக அழைக்கப்படும் பாலிஎத்திலீன் டெரெப்த்தலேட்(Polyethylene terephthalate) எனப்படும் ஒரு வகை பிளாஸ்டிக்கை உணவிற்கான மூலப்பொருளாக அந்தப் பாக்டீரியா பயன்படுத்திக்கொண்டிருந்தது. அப்படி அந்தப் பாக்டீரியாக்களின் கூட்டம் உணவிற்காக PET-டை பயன்படுத்தும் போது அது பிளாஸ்டிக்கின் மூலக்கூறுகளை உடைக்கும் தன்மையைக் கொண்டிருந்ததையும் கண்டறிந்தார்கள். அந்தப் பாக்டீரியாவிற்கு Ideonella sakaiensis 201-F6 என்று பெயரிட்ட அந்த விஞ்ஞானிகள் குழு இந்தப் பாக்டீரியா சிறப்பாகச் செயல்படும். ஆனால், இதை நடைமுறைக்குக் கொண்டுவருவது சாத்தியமானதாக இருக்குமா என்று தெரியவில்லை எனவும் தெரிவித்திருந்தார்கள். இந்தப் பாக்டீரியா கண்டுபிடிக்கப்பட்டது பிளாஸ்டிக்கிற்கு எதிரான முக்கியமான ஒன்றான கருதப்பட்டது. ஏனென்றால் அதற்கு முன்பு வரை அது போன்ற ஒரு விஷயம் கண்டுபிடிக்கப்பட்டதில்லை.

நொதி

அதன் பிறகு ஆராய்ச்சிகள் தொடர்ச்சியாக நடைபெற்று வந்த நிலையில் தற்போழுது அது போன்ற பிளாஸ்டிக்கை சிதைக்கும் நொதி ஒன்றை யதேச்சையாகக் கண்டுபிடித்திருக்கிறார்கள் மற்றொரு குழுவினர். இங்கிலாந்தைச் சேர்ந்த போர்ட்ஸ்மவுத் பல்கலைக்கழக விஞ்ஞானிகள் மற்றும் அமெரிக்காவின் ஆற்றல் துறை மற்றும் தேசியப் புதுப்பிக்கத்தக்க எரிசக்தி ஆய்வுக்கூட விஞ்ஞானிகள் ஆகியோர் நடத்தி வந்த ஆராய்ச்சியின் பொழுதுதான் இந்த நொதியைக் கண்டுபிடித்திருக்கிறார்கள். முன்னர் கண்டுபிடிக்கப்பட்ட பாக்டீரியா பயன்படுத்தும் நொதியின் விரிவான கட்டமைப்பு விஞ்ஞானிகளுக்குத் தெரிந்திருக்கிறது. எனவே, அதில் மாற்றம் செய்து அதை மேம்படுத்தலாம் என்று முயற்சிக்கும் போதுதான் இந்தப் புதிய நொதியை அவர்கள் கண்டுபிடித்திருக்கிறார்கள். இந்த நொதி சில நாள்களிலேயே பிளாஸ்டிக்கை சிதைக்கும் வேலையில் இறங்கி விடுகிறது என்பது ஆச்சர்யமளிக்கும் விஷயம். எனவே, பிளாஸ்டிக் மக்குவதற்குத் தேவைப்படும் பல நூறு வருடங்கள் என்ற கால அளவை இந்த நொதியின் மூலமாக சில நாள்களாகக் குறைத்து விட முடியும் என்றும் அவர்கள் நம்பிக்கை தெரிவித்திருக்கிறார்கள். முன்னர் கண்டுபிடிக்கப்பட்டது போல இல்லாமல் இதைப் பெரிய அளவில் நடைமுறைப்படுத்த முடியும் என்பதுதான் ஹைலைட்.


உலகம் முழுவதும் பயன்படுத்தப்படும் பிளாஸ்டிக்கில் அதிகம் பயன்படுத்தப்படுவது பாலிஎத்திலீன் டெரெப்த்தலேட் வகைதான். குளிர்பான பாட்டில்கள் முதல் நம்மைச்சுற்றி கண்ணில் படும் பெரும்பாலான பிளாஸ்டிக் பொருள்கள் பெரும்பாலும் இந்த பாலிஎத்திலீன் டெரெப்த்தலேட் வகை பிளாஸ்டிக்கால்தான் உருவாக்கப்பட்டிருக்கின்றன. ஆகவே, இந்தக் கண்டுபிடிப்பு என்பது மிக முக்கியமான ஒன்றாகக் கருதப்படுகிறது. உலகம் முழுவதும் ஒரு நிமிடத்தில் விற்பனையாகக் கூடிய பிளாஸ்டிக் பாட்டில்களின் எண்ணிக்கை மட்டும் ஒரு மில்லியனுக்கும் அதிகம். இந்த எண்ணிக்கை 2021-ம் ஆண்டில் இருபது மடங்கு அதிகரிக்கும். பிளாஸ்டிக்கைப் பொறுத்தவரையில் பெரும்பாலான இடங்களில் அதன் பயன்பாட்டைத் தவிர்க்கவே முடியாது என்ற நிலை உருவாகிப் பல காலமாகி விட்டது. அதன் படி இன்றைக்கு இருக்கும் பிளாஸ்டிக் கழிவுகளில் குறைப்பதற்கு உலகம் முழுவதும் கடைப்பிடிக்கப்படுவது மறுசுழற்சிதான். பாட்டில்கள் பயன்பாட்டிற்குப் பிறகு மறுசுழற்சிக்குச் செல்லும் விகிதம் என்பது பத்து சதவிகிதத்துக்கும் குறைவாகத்தான் இருக்கிறது. மறுசுழற்சி தவிர்த்து பிளாஸ்டிக் பாட்டில்களில் பெரும்பாலான பகுதி கழிவுகளாக நிலத்தையும் கடலையும்தான் சென்றடைகின்றன. இனிமேல் பிளாஸ்டிக்கை மக்க வைக்க முடியும் என்ற புதிய நம்பிக்கையை உலகத்திற்கு அளித்திருக்கிறது இந்தக் கண்டுபிடிப்பு .