என் புத்தகம்

இன்றைய ஆரோக்கியமற்ற உணவுப் பழகத்தால் எந்த உணவையும் சற்று அதிகமாக உண்டுவிட்டால் மறுநாளே வயிற்றுப் போக்கு மற்றும் வாந்தி என கடுமையான பின்விளைவுகளை சந்திக்க வேண்டியிருக்கின்றன. இப்படி நாம் உண்ணக் கூடிய உணவே ஆபத்தாக மாறும் நிலையை மாற்ற வேண்டிய பொறுப்பு ஒவ்வொருவரின் வாழ்க்கை முறையிலும் அவசியம்.

காரணம் என்ன ?

உணவு விஷமாக மாறுவது என்பது நாம் உண்ணும் உணவுகள் மூலம் பரவும் பாக்டீரியா, வைரஸ் மற்றும் நச்சுகள் மூலமாகப் நமக்கு பரவுகின்றன. இவை நாம் உண்ணும் பழங்கள், காய்கறிகள், அருந்தும் தண்ணீர் , சமைக்கும் தண்ணீர், நன்குக் காய்ச்சாத பால் ஆகியவற்றின் மூலமாகப் பரவும்.

எவ்வாறு பரவுகிறது ?

நோரோ வைரஸ் எனப்படும் வைரஸானது சமைக்காத காய்கறிகள் , பழங்களில் இருக்கக் கூடியவை. அதேபோல் அருந்தும் நீரிலும் இந்த வைரஸ் இருக்கும். சமைப்பவருக்கும் இந்த நோரோ வைரஸ் இருந்தால் அது சமைக்கும் உணவில் பரவும் வாய்ப்புகள் அதிகம்.

அடுத்ததாக சால்மொனெல்லா என்னும் பாக்டீரியாவானது இறைச்சிகளிலும், முட்டை போன்றவற்றின் மூலம் பரவக்கூடியது. அதுமட்டுமன்றி இவை வீட்டில் வளர்க்கக் கூடிய செல்லப் பிராணிகள் மூலமாகவும் எளிதில் பரவும். சில சமையம் அடிக்கடிக் கழுவாத உங்கள் கைகள் மூலமாகவும் பரவும்.

இவை தவிர கெட்டுப் போகாமல் இருக்க உணவை ஃபிரிஜ்ஜில் வைக்கும் பழக்கத்தை பெருபாலோர் பின்பற்றுகின்றனர். இப்படி நீண்ட நாட்கள் வைக்கும் உணவுகளில் பேத்தோஜீனிக் மற்றும் ஸ்பாய்லேஜ் என்னும் பாக்டீரியா உருவாகிறது.

     பேதோஜீனிக் பாக்டீரியா உணவின் சுவை , வாசனை மற்றும் நிறத்தை மாற்றாது. ஆனால் அதனால் பக்கவிளைவுகள் வரலாம்.
    ஸ்பாய்லேஜ் பாக்டீரியா உணவின் சுவை, நிறம், வாசனையை மாற்றக் கூடியது. இப்படி உணவில் எதை உணர்ந்தாலும் அந்த உணவைத் தவிர்த்துவிடுவது நல்லது.

இவற்றை தடுக்கும் வழிகள் என்ன ?

காய்கறிகள் பழங்களை நன்குக் கழுவியப் பின்னர் பயன்படுத்துங்கள்.

காய்கறி, பழங்களை நறுக்கும் கத்தி, அரிவாள் மனை, அரியும் பலகை, சமையல் மேடை மற்றும் ஸ்டவ், சிங்க் தொட்டி போன்றவற்றை சுத்தமாக வைத்துக்கொள்ளுங்கள்.

பயன்படுத்திய பாத்திரங்களை ஒரு நாளைக்கு மேல் சிங்க் தொட்டியில் போட்டு வைக்காதீர்கள். மீறும் உணவுகள் மற்றும் உணவுக் கழிவுகளை அவ்வப்போதே குப்பைத் தொட்டியில் போடவும்.

இறைச்சிக்குப் பயன்படுத்திய கத்தியை அப்படியே காய்கறி பழங்களுக்குப் பயன்படுத்தாதீர்கள்.

ஃபிரிஜ்ஜில் வைக்கும் உணவுகளை ஒரு நாளைக்கு மேல்  பயன்படுத்த வேண்டாம். முடிந்த அளவு ஃபிரிஜ்ஜில் வைப்பதைத் தவிர்க்கலாம்.

நாள் தவறிய ( expiry date )  உணவுப் பொருட்கள், பதப்படுத்தப்பட்ட உணவுகளை உண்பதைத் தவிர்க்கவும்.

கைகளை நன்குக் கழுவிய பின் சமையல் செய்யவும். இறைச்சிகளை நன்கு சுத்தம் செய்து , வேக வைத்து உண்ணவும். பாலை நன்குக் காய்ச்சிய பின் குடிக்கவும்.

தமிழ் சினிமாவில் எத்தனையோ வில்லன்கள் வந்தாலும் யாராலும் மறக்க முடியாத வில்லன்களில் ஒருவராக திகழ்ந்தவர் எம்.என்.நம்பியார். இவரது வசனம், நடிப்பு இன்றளவும், எந்த வில்லன்களுக்கும் கிடையாது என்றே கூறலாம்.

    கேரளா மாநிலம் கண்ணூர் மாவட்டம் பெருவமூர் என்ற ஊரில் கடந்த 1919ம் ஆண்டு மார்ச் மாதம் 7ம் தேதி பிறந்தவர் எம்.என்.நம்பியார்.

    இவரது இயற்பெயர், மாஞ்சேரி நாராயணன் நம்பியார்.

    இவரது பெற்றோர் – கெளு நம்பியார் – லட்சுமி அம்மாள்

    நம்பியாரின் 8ஆவது வயதில், தந்தை கெளு நம்பியார் இறக்கவே, கேரளாவில் வசித்து வந்த நம்பியார், ஊட்டிக்கு குடி பெயர்ந்தார். அங்குள்ள நகராட்சி பள்ளியில் 3ம் வகுப்பு வரை படித்துள்ளார்.

    சகோதரர் உதவியால், நாடகக் குழுவில் சேர்ந்த இவருக்கு முதலில் கிடைத்த வேலை சமையல் உதவியாளர்.

    அதன் பிறகு தொடர்ந்து சேலம், மைசூர், தஞ்சாவூர் ஆகிய ஊர்களுக்கு நாடக் குழுவுடன் இணைந்து பயணத்தைத் தொடங்கினார்.

    நாடகக் கலையில், நடிப்புடன் பாட்டும், ஆர்மோனியமும் கற்றுக் கொண்டார்.

    தனது 15ஆவது வயதில், நவாப் ராஜமாணிக்கம் அரங்கேற்றிய நச்சுப் பொய்கை என்ற நாடகத்தில் பெண் நீதிபதி வேடம் கிடைத்தது. அதோடு, மாதம் 3 ரூபாய் சம்பளமும் கிடைத்தது.

    நவாபின் பக்த ராமதாஸ் என்ற நாடகத்தை முருகதாசா படமாக்கினார். ஹீரோயினே இல்லாத இந்தப் படத்தில் பழம்பெரும் நடிகர் டிகே சாரங்கபாணி உடன் இணைந்து நகைச்சுவை வேடத்தில் மாதண்ணாவாக நடித்தார்.

    ஒரு கட்டத்தில் இந்த நாடகக் குழுவில் இருந்து சாரங்கபாணி விலக, அவரது நகைச்சுவை வேடங்கள் அனைத்துமே நம்பியாருக்கு கிடைத்தது. அதோடு, சம்பளமும் ரூ.15 ஆக உயர்ந்தது.


    அதன் பிறகு சக்தி நாடகக் குழுவில் சேர்ந்தார். அங்கு, கவியின் கனவு என்ற நாடகத்தில் ராஜகுரு வேடத்தை ஏற்றுக்கொண்டு தனது வில்லத்தனத்தை காட்டினார்.

    தொடர்ந்து ஜூபிடர் பிக்சர்சில் கம்பெனி நடிகராகச் சேர்ந்தார். அவருக்கு ஓவியர் மாதவன் பரிந்துரை செய்தார்.

    1946ல் நம்பியார் நடித்த முதல் படம் வித்யாபதி வெளியானது. இப்படத்திற்காக தலையில் மொட்டை அடித்துக் கொண்டார் நம்பியார்.

    இப்படம் வெளியான போதே உறவுக்கார பெண்ணான ருக்மணியை மணந்தார்.


    ராஜகுமாரி படத்தில் எம் ஜி ஆருடன் முதல் முதலாக இணைந்து நடித்தார்.

    அதுவும், எம்ஜிஆருக்கு உதவும் பாகு என்ற கதாபாத்திரத்தில் நடித்துள்ளார்.

    இப்படத்திற்கு கிடைத்த வரவேற்பைத் தொடர்ந்து, கஞ்சன், கல்யாணி, நல்ல தங்கை ஆகிய படங்களில் ஹீரோவாக நடிக்கும் வாய்ப்பு கிடைத்தது.

    வேலைக்காரி, திகம்பர சாமியார் ஆகிய படங்கள் நம்பியாரின் வாழ்க்கையை திசை திருப்பிய படங்கள்.

    பிஎஸ் வீரப்பா, எஸ்.ஏ.அசோகன், ஆர்.எஸ் மனோகர் ஆகியோர் சூப்பர் டூப்பர் வில்லன்கள் இருந்தாலும், எம்.என்.நம்பியாரின் இடத்தை யாராலும் நிரப்பவும் முடியவில்லை, கைப்பற்றவும் முடியவில்லை.

    காலங்கடந்து எத்தனையோ வில்லன்கள் வந்தாலும், எம்.என்.நம்பியாரின் வில்லத் தனத்தை மட்டும் யாராலும் கொடுக்கமுடியவில்லை. அவர் பேசும் வசனங்கள் ஹீரோக்களை மிஞ்சும் அளவிற்கு இருந்துள்ளது என்பது குறிப்பிடத்தக்கது.

ப்ரோக்கோலிக்கு அடுத்து, பரட்டைக்கீரையில் கால்சியம் மற்றும் இரும்புச்சத்து நிறைந்திருக்கிறது.   இதனை அடிக்கடி சாப்பிடுவதால் உடலில் ஹார்மோன்கள் சீராக இயங்குகிறது.  கொலஸ்ட்ரால் அளவும் சீராக இருக்கிறது.  இதில் ஆண்டிஆக்ஸிடன்ட் மற்றும் ஒமேகா 3 இருப்பதால் ஆண்டி-இன்ஃப்ளமேட்ரி தன்மையும் இருக்கிறது.  இந்த பரட்டைக்கீரையில் பீட்டா கெரட்டின் இருப்பதால் கண் பார்வையை அதிகரிக்கிறது.  வைட்டமின் சி இருப்பதால் உடலில் நோய் எதிர்ப்பு சக்தியும் அதிகரிக்கிறது.  பரட்டைக்கீரையின் சாறு எடுத்து அதனை குடித்து வந்தால் இரத்தத்தில் சர்க்கரையின் அளவு சீராக இருக்கும்.  இன்சுலின் சுரப்பை தூண்டுவதுடன், சிறுநீரகம், இருதயத்தின் ஆரோக்கியத்தையும் பராமரிக்கிறது.  கண்கள், பாதம் மற்றும் நரம்பு மண்டலத்தில் ஏற்படக்கூடிய நாட்பட்ட நோய்களை போக்கும் தன்மை கொண்டது.  இந்த கீரையின் மேலும் சில ஆரோக்கிய நன்மைகளை பார்ப்போம்.

க்ளைசமிக் இண்டெக்ஸ்:

இதில் க்ளைசமிக் இண்டெக்ஸ் மிக குறைவாக இருப்பதால் இரத்தத்தில் சர்க்கரை அளவு சீராக இருக்கும். 

ஸ்டார்ச்:

பரட்டைக்கீரையில் இருக்கக்கூடிய கார்போஹைட்ரேட் உடலில் சர்க்கரை அளவை அதிகப்படுத்தாது. 

ஆண்டிஆக்ஸிடண்ட்:

இந்த பரட்டைக்கீரையில் ஆண்டிஆக்ஸிடண்ட் மற்றும் ஆண்டி-இன்ஃப்ளமேட்ரி தன்மை இருப்பதால் நாட்பட்ட நோய்கள் குணமாகிறது. 

கலோரிகள்:

பரட்டைக்கீரையில் கலோரிகள் மிகவும் குறைவு என்பதால் இதன் சாறு எடுத்து பருகலாம்.

நார்ச்சத்து:

இதில் நார்ச்சத்து அதிகமாக இருப்பதால் செரிமானம் சீராக இருப்பதுடன் மலச்சிக்கல் குணமாகிறது.

ஜோதிகா தொடர்ந்து பெண்களுக்கு முக்கியத்துவம் உள்ள கதைகளாக தேர்ந்தெடுத்து நடித்து வருகின்றார். அந்த வகையில் வெறும் பெண்கள் என்றும் மட்டுமில்லாமல் இந்த முறை வளரும் சமுதாயத்தின் மீது அக்கறை கொண்டு பள்ளி குழந்தைகளுக்காக குறிப்பாக அவர்களின் பெற்றோர்களுக்கான ஒரு கதையை தேர்ந்தெடுத்துள்ளார், இதில் ஜோதிகாவின் மாணவர்கள் மட்டுமின்றி அவரும் பாஸ் செய்தார்களா? பார்ப்போம்.

கதைக்களம்

ஜோதிகா பெரும் பதவியில் இருந்து எத்தனையோ நிறைய சம்பளம் கிடைக்கும் வேலைகள் இருந்தும், இந்த வேலை தான் வேண்டும் என்று வாங்கி வருகின்றார், ஒரு அரசு பள்ளி டீச்சராக.

ஆனால், அந்த பள்ளிக்கூடத்தில் எதுவுமே சரியில்லை, இருக்கின்ற விதிமுறைகளை கூட யாரும் ஒழுங்காக கடைப்பிடிப்பது இல்லை, இதற்கெல்லாம் முக்கிய காரணம் சாட்டை படத்தில் வரும் தம்பி ராமையா போல் ஒரு கதாபாத்திரம் இந்த படத்திலும் வருகின்றது.

இதற்கிடையில் தனியார் பள்ளியின் ஆதிக்கம் வேற, இவை அனைத்தையும் முறியடித்து அரசாங்க பள்ளியில் படிக்கும் மாணவர்களை எப்படி சீர்த்திருத்தி, அவர்களின் தரத்தை உயர்த்தி நல்வழிக்கு கொண்டு வருகின்றார் ஜோதிகா என்பதே மீதிக்கதை.

படத்தை பற்றிய அலசல்

ஜோதிகாவின் திரைப்பயணத்தில் ஆல் டைம் பெஸ்ட் இந்த கதாபாத்திரம் என்று சொல்லி விடலாம், அதை விட அவர் சமீபத்தில் ஹீரோயின்களுக்கு முக்கியத்துவம் உள்ள படங்களில் நடித்ததில் இது தான் நம்பர் 1, பெர்ப்பாமன்ஸாகவே கலக்கியுள்ளார். படத்தில் எந்த ஒரு இடத்திலும் இவர் முகத்தில் ஒரு பெரிய சிரிப்பை பார்த்துவிட முடியாது.

படம் முழுவதும் அட்வைஸ், நீண்ட வசனங்கள் இருந்தாலும் எங்குமே அலுப்புத்தட்டவில்லை, இதில் குறிப்பாக ‘கணக்கு பாடத்தில் ஒரு பையன் 100 மார்க் எடுத்து, சயின்ஸில் தோல்வி பெற்றால், அவன் மக்கு பையனா, கல்வி சிஸ்டம் சரியில்லை’ என யோசிக்க வைக்கும் பல வசனங்கள் கவர்கின்றது.

ஒரு பையன் என்னை பாக்கின்றேன் மிஸ், என கூறும் பெண்ணிடம் ஜோதிகா சொல்லும் கதை, அரசாங்க பள்ளியில் இருக்கிற ரூல்ஸை ஒழுங்காக கடைப்பிடித்தாலே நன்றாக இருக்கும் என்று காட்டிய விதம் என காட்சிக்கு காட்சி கைத்தட்டல் பறக்கின்றது.

அதிலும் ஜோதிகா தன் தந்தை இழப்பில் கூட அழாமல், பள்ளிக்கு சென்று உருகும் காட்சி பார்ப்பவர்களை நெகிழ வைக்கின்றது, சூப்பர் ஜோதிகா. ஜோதிகாவிடம் காதலை சொல்லும் குட்டிப்பையன் கூட, ஓவர் ஆக்டிங் இல்லாமல் யதார்த்தமாக கியூட்டாக கடந்து செல்கின்றார்.

இப்படி பல அழகிய காட்சிகள் படம் முழுவதும் வருகின்றது, இப்படம் வெறும் மாணவர்களுக்காக படம் என்று மட்டுமே சொல்லிவிட முடியாது, ஒவ்வொரு பெற்றோர்களுக்கான படமாகவும் உள்ளது. படத்தின் ஒளிப்பதிவு அப்படியே அரசாங்க பள்ளியை பார்த்த அனுபவம், ஷான் ரோல்டனின் பின்னணி இசையும் படத்திற்கு கூடுதல் பலம்.

க்ளாப்ஸ்

ஜோதிகா மற்றும் நடிகர், நடிகைகள் அனைவரின் நடிப்பு.

எடுத்துக்கொண்ட களம், பெற்றோர்கள் எல்லாம் தனியார் பள்ளியை நோக்கி ஓடும் நேரத்தில், அரசாங்க பள்ளியை பற்றி பேசிய விதம்.

இசை, ஒளிப்பதிவு போன்ற டெக்னிக்கல் விஷயங்கள்.

ஜோதிகா ஒரு காட்சியில் சண்டை எல்லாம் போடுகின்றார், அட என்னடா இது என்று நினைக்க, அதற்கு ஒரு பின்கதை வைத்தது செம்ம.

பல்ப்ஸ்

கண்டிப்பாக சாட்டை படத்தை நியாபகப்படுத்துவதை தவிர்க்க முடியவில்லை.

மொத்தத்தில் குழந்தைகள், பெற்றோர்கள் என அனைவருக்கும் பிடிக்கும் இந்த ராட்சசி கீதா ராணி மேடத்தை.

2009ம் ஆண்டு கபடி விளையாட்டு போட்டியை பிரதான படுத்தி சுசீந்திரன் இயக்கத்தில் வெளிவந்து எல்லா தரப்பு மக்களையும் கவர்ந்து பெரும் வெற்றி பெற்ற படம் வெண்ணிலா கபடி குழு. இந்த படத்தின் மூலம்தான் நடிகர்கள் விஷ்ணு விஷால், பரோட்டா சூரி, இயக்குனர் சுசீந்திரன் ஆகியோருக்கு தமிழ் சினிமாவில் நல்லதொரு அங்கீகாரம் கிடைத்தது.

மீண்டும் இயக்குனர் சுசீந்திரனின் வெண்ணிலா கபடிக் குழு பார்ட் 2 கதையை இயக்குனர் செல்வசேகரன் இயக்குகிறார். புதுப்பொலிவுடன் வெண்ணிலா கபடி குழு 2 திரைப்படம் விரைவில் வெளியாக உள்ளது.

திருவிழா போல் கபடி

இந்த கதை பலவருடங்கல்பின்நோக்கி சென்று நடப்பதாக படம் எடுத்து உள்ளார்கள்.1987ம் ஆண்டில் கிரமங்களில் உள்ள மக்கள் அனைவரும் ஒன்று கூடி மிக விமர்சையாக திருவிழா போல் கபடி விளையாட்டு போட்டியை கொண்டாடும் நிகழ்வை அப்படியே நம் கண்முண்னே கொண்டு வந்துள்ளதாகவும், மேலும் முதல் பாகத்தில் நடித்த பரோட்டா சூரி, அப்புகுட்டி என பல நடிகர்கள் இரண்டாம் பாகத்திலும் நடித்தது இப்படத்திற்கு மேலும் எதிர்பார்ப்பை கூட்டியுள்ளது என்றும் கூறியுள்ளார் இயக்குனர் செல்வசேகரன்.

முதல் பாகத்தில் ஸ்ரித்திகா

இப்படத்தின் கதாநாயகனாக விக்ராந்த் நடிக்க, கதாநாயகியாக அர்த்தனா பினு நடித்துள்ளனர். மேலும் பசுபதி, பரோட்டா சூரி, கிஷோர், அப்பு குட்டி, ரவிமரியா உள்ளிட்ட பலர் நடித்துள்ளனர். இந்த படத்தின் முதல்பாகத்தில் நடிகை சரண்யா, அதோடு, நாதஸ்வரம் சீரியலில் மலராக நடித்த ஸ்ரித்திகா இந்த படத்தில்தான் அறிமுக நடிகையானார். இதற்குப் பின் வேங்கை உள்ளிட்ட அப்பள படங்களில் நடித்துள்ளார் ஸ்ரித்திகா.

சாய் அற்புதம் சினிமாஸ் சார்பாக பூங்காவனம், ஆனந்த் தயாரித்துள்ள இப்படத்தை விஜய் சேதுபதி நடித்த கருப்பன், இரும்புத்திரை, தர்மதுரை, அண்ணாதுரை படங்களின் வினியோகஸ்தர் பிக்சர் பாக்ஸ் அலெக்ஸாண்டர் இந்த படத்தை உலகமெங்கும் வெளியிடுகிறார்.படத்திற்கு இசை, செல்வ கணேஷ் ஒளிப்பதிவு, கிருஷ்ண்சாமி

மின்னொலி கபடி போட்டி

நிஜ கபடி வீரர்கள் மற்றும் ஊர் பொதுமக்கள் கலந்து கொண்ட மின்னொலி கபடி போட்டியை எட்டு நாட்கள் தொடர்ந்து தத்ருபமாக படமாக்கி உள்ளார்களாம். காப்பதை நமது வீராதி தமிழரை விளையாட்டு. கில்லி படத்தில் விஜய் கபடி விளையாட்டு வீரராக நடித்து அசத்தி இருப்பார் இப்படி கபடி விளையாட்டை விரும்பாதவர்ள் இல்லை. அனைத்து தரப்பு ரசிகர்களுக்கும் நல்ல விருந்தாக வெண்ணிலா கபடி குழு 2 படம் அமையும் என்று உத்திரவாதம் அளிக்கிறார்கள்.

வெண்ணிலா கபடி குழு முதல் பாகத்தின் மூலம் புகழடைந்த பரோட்டா சூரி, இந்த இரத்தம் பாகத்தில் என்ன நகைச்சுவை செய்யப் போகிறார் என்பதைப்பார்க்க ரசிகர்கள் ஆவலாக உள்ளனர்.

சென்னை உயர்நீதிமன்றம் மற்றும் அதன் கிளை நீதிமன்றங்களில் காலியாக உள்ள 500க்கு மேற்பட்ட பணியிடங்களை நிரப்பிடுவதற்கான அறிவிப்பு வெளியிடப்பட்டுள்ளது. இப்பணியிடங்களுக்குத் தகுதியும், விருப்பமும் உள்ளவர்கள் விண்ணப்பிக்க விரும்பினால் ஜூலை 31ஆம் தேதிக்குள் https://www.mhc.tn.gov.in/recruitment/login என்னும் இணையதள முகவரியின் மூலம் விண்ணப்பிக்கலாம்.

நிர்வாகம் : சென்னை உயர்நீதிமன்றம்

மேலாண்மை : தமிழக அரசு

பணி மற்றும் காலிப் பணியிட விபரங்கள்:-

    கம்ப்யூட்டர் ஆப்ரேட்டர் - 76
    டைப்பிஸ்ட் - 229
    உதவியாளர் - 119
    வாசிப்பாளர்/ஆய்வாளர் - 142
    ஜெராக்ஸ் ஆப்ரேட்டர் - 07

கல்வித் தகுதி:-

    இப்பணியிடங்களுக்கு குறைந்தபட்சமாக ஏதேனும் ஓர் துறையில் இளநிலை பட்டப்படிப்பை முடித்திருக்க வேண்டும்.
    வாசிப்பாளர் மற்றும் ஆய்வாளர், ஜெராக்ஸ் ஆப்ரேட்டர் உள்ளிட்ட பணிகளை தவிர மற்ற பணிகளுக்கு கணினி தொடர்பான சான்றிதழ் படிப்பு அவசியம்.
    கம்ப்யூட்டர் ஆப்ரேட்டர், தட்டச்சர் பணிகளுக்குத் தட்டச்சு சான்றிதழ் கட்டாயம்.

வயது வரம்பு :-

    பொது பிரிவினர் ஜூலை 1, 2019 அன்று 18 வயது முதல் 30 வயது வரை உள்ளவராக இருக்க வேண்டும்.
    எஸ்.சி / எஸ்.டி / ஓபிசி பிரிவினர் ஜூலை 1, 2019 அன்று 18 வயது முதல் 35 வயது வரை இருக்க வேண்டும்.
    ஏற்கெனவே உயர்நீதிமன்றத்தில் பணிபுரிபவராக இருந்தால் 18 வயது முதல் 45 வயது வரை இருக்கலாம்.

ஊதியம்:-

கம்ப்யூட்டர் ஆப்ரேட்டர் - ரூ.20,600 முதல் ரூ.65,500 வரையில்

டைப்பிஸ்ட் - ரூ.19,500 முதல் ரூ.62,000 வரையில்

உதவியாளர் - ரூ.20,000 முதல் ரூ.63,600 வரையில்

வாசிப்பாளர்/ஆய்வாளர் - ரூ.19,500 முதல் ரூ.62,000 வரையில்

ஜெராக்ஸ் ஆப்ரேட்டர் - ரூ.16,600 முதல் ரூ.52,400 வரையில்

விண்ணப்பக் கட்டணம் :-

    பொதுப் பிரிவினருக்கு ரூ.300
    எஸ்.சி., எஸ்.டி. மற்றும் மாற்றுத் திறனாளிகள் விண்ணப்பதாரர்களுக்குத் தேர்வுக் கட்டணம் கிடையாது.

தேர்வு முறை :-

    முதலில் எழுத்துத் தேர்வு நடைபெறும். பின், திறன் அறியும் தேர்வு மற்றும் வாய்மொழித் தேர்வின் அடிப்படையில் தகுதியானவர்கள் தேர்வ செய்யப்படுவர்.

பணியிடம்:-

சென்னை உயர்நீதிமன்றம், உயர்நீதிமன்ற மதுரை கிளை அல்லது சென்னை உயர்நீதிமன்றத்தின் கீழ் செயல்படும் மாவட்ட நீதிமன்றங்கள் ஆகியவற்றில் பணி நியமனம்.

முக்கிய தேதிகள்:-

    ஆன்லைனில் விண்ணப்பிக்கும் அவகாசம் தொடங்கிய நாள் : 2019 ஜூலை 1
    ஆன்லைனில் விண்ணப்பிக்கக் கடைசி நாள் : 2019 ஜூலை 31
    தேர்வுக்கட்டணம் செலுத்த கடைசி நாள் : 2019 ஆகஸ்ட் 2

இந்திய மக்கள் தொகையில் கணிசமானோர் வயது மூப்பு அடையத் தொடங்கியுள்ளதால், ஓய்வு பெறும் வயதை அதிகரிக்க வேண்டும் என்று பொருளாதார ஆய்வறிக்கையில் பரிந்துரைக்கப்பட்டுள்ளது.

நாளை பொது பட்ஜெட் தாக்கல் செய்யப்படும் நிலையில், நாடாளுமன்றத்தில் இன்று பொருளாதார ஆய்வறிக்கை தாக்கல் செய்யப்பட்டது. அதில் முக்கியமான பல அம்சங்கள் இடம் பெற்றுள்ள நிலையில், இப்படி ஒரு அதிரடி பரிந்துரையும் உள்ளது.

2021-31 க்கு இடையில் நாட்டின் உழைக்கும் மக்கள் தொகை ஆண்டுக்கு சுமார் 9.7 மில்லியனாக அதிகரிக்கும் என்பதால், அடுத்த 10 ஆண்டுகளுக்கான "மக்கள்தொகை பங்கு பகிர்வு" மூலம், இந்தியா பயனடைய வேண்டும். அதேநேரம், கருவுறுதல் வீதம் குறைந்து கொண்டே செல்வதால், இதே நிலை மிக நீண்ட காலத்திற்கு நீடிக்காது. மீண்டும் பழைய நிலைக்கு நாடு திரும்பும்.

ஒரு பக்கம் முதியோர் எண்ணிக்கை கூடுவதால், ஓய்வு பெறும் வயதை அதிகரிக்க வேண்டியது கட்டாயம் என்பதைபோலவே, சிறுவர்கள் எண்ணிக்கை குறைவதால், பள்ளிகள் காலியாகும் சூழ்நிலை உள்ளது. எனவே பள்ளிக்கூடங்களை இணைப்பது கட்டாயமாகும்.

5-14 வயதிலுள்ள குழந்தைகளின் எண்ணிக்கை கணிசமாகக் குறையும். இது பள்ளி இணைப்பின் தேவைக்கு வழிவகுக்கும். ஏற்கனவே இமாச்சலப் பிரதேசம், உத்தரகண்ட், ஆந்திரா மற்றும் மத்தியப் பிரதேசம் போன்ற மாநிலங்களில் 40 சதவீதத்திற்கும் அதிகமான துவக்க பள்ளிகளில், தலா 50 க்கும் குறைவான மாணவர்கள்தான் உள்ளனர்.

அதிக எண்ணிக்கையிலான முதியவர்கள் உருவாகப்போகிறார்கள் என்பதால், அரசு இதை எதிர்கொள்ள தயாராக வேண்டும். 2041 ஆம் ஆண்டில் 60 வயதிற்கு மேற்பட்ட வயதுள்ளோர் எண்ணிக்கை 239.4 மில்லியன் என்ற அளவில் இருக்கும். 2011ல் 60 வயதுக்கு மேற்பட்டோர், 104.2 மில்லியன்தான் இருந்தனர்.

எனவே, இந்த பிரச்சினையை எதிர்கொள்ள, சுகாதாரப் பணிகளில் முதலீடுகள் தேவை. படிப்படியாக, ஓய்வூதிய வயதை அதிகரிக்கவும் திட்டம் தேவை.

இதற்கிடையில், 0-19 வயதுக்குட்பட்ட சிறார்கள் எண்ணிக்கை ஏற்கனவே குறையத் தொடங்கியுள்ளது. அந்த வயதினரின் மக்கள் தொகை விகிதம் 2041 ஆம் ஆண்டில் 25 சதவீதமாகக் குறையும் என்று எதிர்பார்க்கப்படுகிறது.