என் புத்தகம்

வெஸ்ட்ர்ன் கல்ச்சர் நாகரிக மோகத்தினால் இப்பத்திய பள்ளி சிறுவர்கள், பொண்ணுங்க, கல்லூரி இளைஞர்கள் என பெரும்பாலானோர்கள் தங்கள் பேச்சு வழக்கில் கூட தாய் மொழியை மறந்து அல்லது தவிர்த்து பீட்டர் இங்கிலீஷ் உள்பட பிற மொழிகளை பயன்படுத்துவதை பார்க்கிறோம். அதே சமயம் வங்க மொழியை காக்க உயிர் நீத்த மாணவர்களின் நினைவாக, ஆண்டுதோறும் பிப்., 21ல், உலக தாய்மொழி தினம் கொண்டாடப்படுகிறது. ஆம், இன்று உலக தாய் மொழி தினம் கடைபிடிக்கப்படுகிறது.

அதாவது போன 1946ல் உருதுமொழியை அலுவல் மொழியாக பாகிஸ்தான் அரசு அறிவித்தது. ஆனால் கிழக்கு பாகிஸ்தானில் பெரும்பான்மையாக இருந்த வங்காளிகள் வங்க மொழியையும் தேசிய மொழியாக அறிவிக்க வேண்டும் என்று போராட்டத்தில் குதித்தனர். டாக்கா பல்கலைக்கழகம் பொறியியல் கல்லூரி, மருத்துவக்கல்லூரி மற்றும் பல்வேறு கல்வி நிறுவனங்களில் பயிலும் மாணவர்கள் இந்த போராட்டத்தை தலைமையேற்று நடத்தினர். தாய்மொழி காக்க திரண்ட மாணவர்கள் மீது பாகிஸ்தான் அரசு துப்பாக்கிச் சூடு நடத்தியது. அப்போ பாகிஸ்தானின் நடந்த அந்த துப்பாக்கிச்சூட்டில் நான்கு மாணவர்கள் உயிரிழந்தனர். இதையடுத்து பொதுமக்கள், இளைஞர்கள் போராட்டத்தை தீவிரப்படுத்தியதையடுத்து உருது மற்றும் வங்காளம் ஆகிய இரு மொழிகளும் அலுவலக மொழியாக அங்கீகரிக்கப்பட்டன. அதன் தொடர்ச்சியாகத்தான் பாகிஸ்தானில் இருந்து கிழக்கு பாகிஸ்தான் பிரிந்து வங்காளதேசம் உருவானது.

இதனிடையே வங்க மொழி காக்க உயிர் நீத்த மாணவர்களின் நினைவு நாளான, பிப்., 21 உலக தாய்மொழி நாளாக கொண்டாட வேண்டும் என வங்கதேசம் 28 நாடுகளின் ஆதரவுடன் ஐ.நா. சபையில் கோரிக்கை வைத்தது. கோரிக்கை ஏற்கப்பட்டு, ஆண்டுதோறும் உலக தாய்மொழி தினம் பிப். 21ல் கொண்டாடப்படுகிறது. அதன்படிதான் இன்று உலக தாய் மொழி தினம் கடைபிடிக்கப்படுகிறது.

ஒருவரின் அறிவு வளர்ச்சிக்கு தாய்மொழி கல்வி என்பது ரொம்ப ரொம்ப அவசியமாகும். ஜப்பான், ஜெர்மனி, சீனா போன்ற நாடுகள் தொழில் வளர்ச்சியில் மேலோங்கி இருப்பதற்கு முக்கிய காரணம், அவர்களின் சொந்த தாய்மொழியில் கல்வி கற்பது மட்டுமே என்று உலக வரலாற்றில் பொன்னொழுத்துக்களால் பொறிக்கப்பட்டுள்ளது. தாய்மொழி கல்வியை ஊக்குவிக்கும் நாடுகள் பொருளாதாரத்தில் வளர்ச்சியடைந்த நாடாக திகழ்கிறது.

ஆனால், பெரிய ஜனநாயக நாடு என்று சொல்லிக்கொள்ளும் நமது நாட்டில், மொழிவழி மாநிலங்கள் உருவாக்கப்பட்ட பின் குறிப்பிட்ட மொழியை சேர்ந்த மாநிலத்தில் வாழும் சிறுபான்மை மொழியினர் பல வகையில் பாதிக்கப்படுவது வாடிக்கையாக இருந்து வருகிறது. ஜனநாயகம் மற்றும் தேசிய ஒருமைப்பாடு என்பது வெறும் வார்த்தையால் மட்டுமே பேசப்படுகிறதே தவிர, நடைமுறையில் செயல்படுத்துவதில்லை.

உலகில் 6 ஆயிரத்திற்கும் மேற்பட்ட மொழிகள் உள்ளது. சமீபத்தில் எடுத்துள்ள ஆய்வின் படி நாள் ஒன்றுக்கு ஒரு மொழி அழிந்து வருவதாக கண்டறியபட்டுள்ளது. நமது நாட்டில் கடந்த 50 ஆண்டுகளில் 250க்கும் மேற்பட்ட மொழிகள் அழிந்துள்ளதாக மொழி ஆராய்ச்சியாளர்கள் தெரிவித்துள்ளனர். ஒருமொழி அழிந்தால் அதன் பண்பாடு, கலாச்சாரம், இலக்கியம், நாகரீகம் ஆகியவையும் அழிந்துவிடும் என்பதை கவனத்தில் கொண்டு தாய் மொழியான தமிழி பேசுவோம்.. தமிழில் எழுதுவோமே.1 .

தாய்மொழி என்பது நமது தாய்க்கு நிகரானது. நம் தாய்மொழியை அழிப்பது, தாய்க்கு செய்யும் துரோகம் என்பதில் சந்தேகமில்லை. தாய் மீது அன்பு செலுத்தவோ அல்லது அவளின் தேவையை சந்திக்கவோ இன்னொருவரின் ஆலோசனை அவசியமில்லை. அதேபோல் தான் தாய்மொழியும், நமது மொழியை காப்பாற்ற வேண்டும். “தாய்மொழியை சுவாசியுங்கள், பிறமொழியை நேசியுங்கள்“ என்று தேசியகவிஞர் குவெம்பு சொல்லியுள்ளதை நூற்றுக்கு நூறு மனத்தில் தாங்கி ஒவ்வொரு மொழியினரும் செயல்பட வேண்டும்.

ஆங்கிலம் உள்பட பிறமொழிகள் மீது நான் பற்றுகொள்வதின் மூலம், சொந்த மொழியை அழித்துவருகிறோம். வர்த்தக ரீதியில் தற்போது ஆங்கிலம் உள்பட பல மொழி கல்வி நிறுவனங்கள் பிராந்திய மொழிகளான தமிழ், கன்னடம், தெலுங்கு உள்பட பல மொழிகளை நீச மொழியாக பாவிப்பதுடன், பள்ளியில் படிக்கும் மாணவ, மாணவிகள் அவர்கள் சொந்த மொழியில் பேசுவதற்கும் தடை விதித்து வருகிறார்கள். சில பெற்றோர்களும் தங்கள் பிள்ளைகள் வேறுமொழியில் பேசுவதை பெருமையாக நினைக்கிறார்கள்.

அதன் மூலம் தங்களின் மூல அடையாளத்தை தொலைத்து வருகிறார்கள் என்பதை மறந்துவிடுகிறார்கள். ஒவ்வொருவரும் தங்கள் பிள்ளைகளுக்கு ஆங்கிலம் உள்பட பிறமொழியில் கல்வி கொடுத்தாலும், வீட்டில் தாய்மொழியை கற்றுகொடுக்க வேண்டும். உலக தாய்மொழி தினமான இன்று தமிழ் மொழியை காக்க உறுதிமொழியை ஏற்போம்.

கமல்ஹாசன் இன்று பிரமாண்டமாக தன் அரசியல் பயணத்தை தொடங்கியுள்ளார். காலை இராமேஸ்வரத்தில் ஆரம்பித்து அப்படியே மதுரை வந்து அரசியல் அறிமுக விழாவிற்கு வருகை தந்தார்.

இதில் டெல்லி முதல்வர் அரவிந்த் கெஜ்ரிவால் உடன் கலந்துகொண்டார். நம்மவர் என்ற பெயர் இசையுடன் விழா தொடங்கியது. நாளை நமதே என இப்பயணம் தொடங்கியுள்ளது.

சினேகனின் எழுச்சியரை நிகழ்ந்தது. மக்கள் பலரும் ஆரவாரத்துடன் கைதட்டு தங்கள் மகிழ்ச்சியை வெளிப்படுத்தினர். மக்களின் பிரதிநிதியாக கமல் வழியில் நாம் செல்லவேண்டும் என கூறினார்.

நூற்றுக்கணக்கான ரசிகர்கள் முன்னிலையில் அவர் மக்கள் நீதி மய்யம் என தன் கட்சி பெயரை அறிவித்தார். கமலில் இந்த கூட்டத்தில் தமிழகம் முழுவதும் ஆயிரக்கணக்கானோர் வந்தனர், மதுரையே கூட்டத்தில் ஸ்தம்பித்தது.

கோடைக்காலங்களில் முகம் கருமையடைந்து காணப்படுவதுண்டு, இதற்கு ஒரு அற்புத பொருள் தான் உருளைக்கிழங்கு, இது இயற்கையாகவே ப்ளிச் தன்மை கொண்டது.

உருளைக்கிழங்கை வைத்து முகத்தின் அழகை எவ்வாறு மெருகூட்டுவது என்று பார்ப்போம்.
தேவையானவை

    அரிசி மா
    எலுமிச்சை
    உருளைக்கிழங்கு

முதலில் உருளைக்கிழங்கு நறுக்கிய துண்டுகளை எடுத்து கொள்ளுங்கள், பின் அதை அரைத்து சாறு எடுத்து கொள்ளுங்கள்.

அதன் பிறகு அதில் அரிசி மா மற்றும் எலுமிச்சை சாறு, உருளைக்கிழங்கு சாறு என்பவற்றை நன்கு கலந்து அதை முகத்தில் தடவுங்கள், பின் 10 நிமிங்கள் கழித்து கழுவ வேண்டும்.

இவ்வாறு செய்வதனால் முகத்தில் உள்ள கருமை நீங்க பெற்று முகம் இயற்கையாக பிரகாசம் அடையும்.

கிராமிய பாடல்களை பாடுவதின் மூலம் மிகவும் பிரபலமானவர் புஷ்பவனம் குப்புசாமி. கர்நாடக இசை, நாட்டுப்புற இசை என அனைத்துவிதமான இசையையும் முறையாக கற்று பல வருடங்களாக மக்கள் இசைக்காக சேவை செய்து வரும் இவர் தமிழிசையிலும், கர்நாடக இசையிலும் முனைவர் பட்டம் பெற்றுள்ளார். கலைமாமணி விருதும் பெற்றுள்ளார்.

இவர் தமிழ்நாடு அரசு இசை மற்றும் கவின் பல்கலைக்கழகத்தின் துணை வேந்தர் பதவிக்கு விண்ணப்பித்தார். அத்தனை தகுதி இருந்தும், சரியான நேரத்தில் விண்ணப்பித்திருந்தும் இவரை நிராகரித்துவிட்டு கடைசி நேரத்தில் கர்நாடக இசைக்கு மட்டும் முக்கியத்துவம் தரும் பிராமண பெண்ணான பிரமிளா குருமூர்த்தியை நியமித்துள்ளனர்.

பிற்படுத்தப்பட்டவன் என்பதற்காகவும், தமிழிசையை வளர்த்து விடுவேன் என்பதற்காகவும், ஆசிரியர் பதவிக்காக பணம் வாங்கமாட்டேன் என்பதற்காகவும் தான் வஞ்சிக்கப்பட்டேன் என வருந்தியுள்ளார்.

பணத்துக்காக இந்த பதவிக்கு விண்ணப்பிக்கவில்லை, நான் இதைவிட அதிகமாகவே எனது கச்சேரிகளில் சம்பாதிக்கிறேன். ஆனால் உண்மையான கலைஞனுக்கான அங்கீகாரம் கிடைக்கவில்லை என்பதே எனது ஆதங்கம் என்று கூறியுள்ளார்.

டிகர் சிவகார்த்திகேயன் இன்று சினிமாவில் ஒரு நல்ல இடத்தை பிடித்து விட்டார். அவரின் நடிப்பில் வேலைகாரன் வெளியாகி வெற்றி பெற்றுவிட்டது. நல்ல வரவேற்பு கிடைத்தது.

தற்போது அவர் பொன்ராம் இயக்கும் சீமராஜா படத்தில் சமந்தாவுக்கு ஜோடியாக நடித்து வருகிறார். அண்மையில் அவரின் தயாரிப்பு நிறுவனம் சார்பில் முதல் படம் பூஜையுடன் ஆரம்பிக்கப்பட்டது.

இதை அருண்ராஜா காமராஜ் இயக்க தர்ஷன், ஐஸ்வர்யா ராஜேஷ் மற்றும் பலர் நடிக்கிறார்கள். இது கிரிக்கெட்டில் சாதிக்கும் ஒரு சாதாரண கிராமத்து பெண்ணை மையமாக வைத்து எடுக்கபடுகிறதாம்.

எப்படி அந்த பெண் சாதிக்கிறாள், கனவை நிஜமாக்குகிறார் என்பது கதையாம். ஐஸ்வர்யா தான் அந்த சாதனை பெண்ணாம். இதை அவரே ஒரு பத்திரிக்கை பேட்டியில் தெரிவித்துள்ளார்.

 இரண்டு கைகளின் விரல்களையும் ஒன்றோடு ஒன்றாக இறுக்கமாகக் கோர்த்து, இடது பெருவிரலை மட்டும் நேராக நிமிர்த்தி வைத்துக் கொள்ளவேண்டும். அத்துடன் இரண்டு உள்ளங்கஈகளும் அசுத்தமாக இணைந்திருக்குமாறு வைத்துக் கொள்ள வேண்டும். இதுவே லிங்க முத்திரையாகும். இதை பதினைந்து முதல் இருபது நிமிடங்கள் வரை செய்யலாம்.

லிங்கம், வெப்பத்தின் வடிவமாகக் கருதப்படுகிறது. இது, வெப்பம் மற்றும் உயிர்சக்தியைத் தன்னிடத்தில் உள்ளடக்கி, நோய் க்கிருமிகள், உடலில் தேங்கி உள்ள கழிவுகளை அகற்றவல்லது. பல மணி நேரம் நடைப்பயிற்சி செய்யும்போது ஏற்படும் வியர்த்தல் உள்ளிட்ட பலனை சில நிமிடங்களில் இந்த முத்திரை  தந்துவிடும்.

இந்த முத்திரையை தொடர்ந்து செய்து வருவதன் மூலம் உடல் எடை அதிகமாக இருப்பின் குறைந்து சரியான அளவில் இருக்கும். மேலும் இந்த முத்திரை ஜலதோசத்திற்கு நிவாரணம் தரும்.

பெண்கள்: வலது கை மேற்புறமாக இருக்குமாறு கோத்து, இடது கை கட்டைவிரலை உயர்த்த வேண்டும்.

ஆண்கள்: இடது கை மேல்புறமாக இருக்குமாறு கோத்து, வலது கட்டை விரலை உயர்த்த வேண்டும்.

வயிறு சம்பந்தமான நோய் உள்ளவர்கள் இந்த முத்திரையை செய்யகூடாது என்றும் கூறப்படுகிறது. ஒரேயடியாக நீண்ட நேரத்திற்குச் செய்ய ஆரம்பிக்காமல்  சுமார் ஐந்து நிமிட காலம் செய்வதில் இருந்து ஆரம்பிப்பது நல்லது. பின் சிறிது சிறிதாக நேரத்தைக் கூட்டிக் கொண்டு செல்லுங்கள். இந்த முத்திரையால வியக்கத்தக்க பெரும்பலன்கள் கிடைக்கின்றன.

படங்கள் பல தியேட்டர்களில் வந்து குவிகிறது. இந்த வாரம் வந்துள்ள மூன்று படங்களில் ஒன்று சொல்லிவிடவா. அர்ஜூன் இயக்கத்தில் வெளியான இப்படம் என்ன சொல்ல விரும்புகிறது என பார்க்கலாம்.

கதைக்களம்

படத்தின் ஹீரோ சந்தன் குமார் தமிழுக்கு புதுமுகம். இதில் இவரின் பெயர் சஞ்சய். பெரிய தொழிலதிபராக இருக்கும் இவர் விமானத்திற்காக காத்திருக்கிறார். அப்போது திடீரென பழைய நினைவுகள் அவருக்கு வருகிறது.

இவரின் அப்பாவாக மொட்டை ராஜேந்திரன். நண்பர்களாக பிளாக் பாண்டி மற்றும் சதீஷ். ஆரம்பத்தில் பத்திரிக்கை துறையில் இருக்கும் இவர் ஒரு கொலை தொடர்பான உண்மை சம்பவத்தை அம்பலமாக்கி பாராட்டை பெறுகிறார்.

இதே போல ஹீரோயின் ஐஸ்வர்யா (மது) ஒரு ஊடகத்தில் நிகழ்ச்சி தொகுப்பாளராக பணியாற்றுகிறார். இவருக்கு அப்பா, அம்மா இல்லை. சுஹாசினியின் பார்வையிலும், தாத்தாவின் வளர்ப்பிலும் இருக்கிறார். இவருக்கு தோழர்களாக போண்டா மணி மற்றும் யோகி பாபு.

சஞ்சய், மது ஒரு சின்ன விபத்தால் சந்திக்கிறார்கள். இருவருக்கும் தங்கள் வேலை சார்பாக கார்கில் செல்ல வேண்டிய சூழ்நிலை வருகிறது. இருவரும் தங்கள் நண்பர்களோடு வழிப்பயணத்தை தொடர ஹீரோ, ஹீரோயின் இருவரும் மீண்டும் இங்கே சந்திக்கிறார்கள்.

ஆனால் எங்கே செல்கிறோம் என விசயம் தெரிந்ததும் இருவரது நண்பர்களும் ஒரு விலகிச்செல்கிறார்கள். பின் தனியாக சஞ்சய், மது தங்கள் பயணத்தை தொடர்கிறார்கள்.

கார்கில் பகுதியில் ராணுவத்துறையில் நடக்கும் விசயங்களை பதிவு செய்கிறார்கள். நடந்து போகும் சில விசயங்கள் சொல்லாத காதல் ஒருபக்கம் இருவரின் மனதுக்குள்ளும். இந்நிலையில் ஒரு பெரும் ஆபத்து வர இருவரும் என்ன ஆனார்கள், காதலை சொன்னார்களா என்பது தான் கதை.

படத்தை பற்றிய அலசல்

படத்தின் ஹீரோ சந்தனுக்கு நல்ல தோற்றம். நடிப்பும், நடனமும் ஓகே ரகம் தான். ஆரம்பத்திலேயே சண்டை காட்சிகள். நல்ல முயற்சி. ஆனாலும் சில லாஜிக்கை மீறிய சண்டைகள்.

இருந்தாலும் ஹீரோ தமிழ் படத்துக்கு செட்டாவார் என்று சொல்கிறது. முன்பே கன்னடப்படங்களில் நடித்துள்ளார். அந்த அனுபவம் இப்போது அவருக்கு கைகொடுத்திருக்கிறது.

ஹீரோயின் ஐஸ்வர்யா, நடிகர் அர்ஜூனின் மகள். முன்பே பட்டத்து யானை படம் மூலம் வந்தார். அதன் பிறகு ஐந்து வருடங்கள் கழித்து இப்போது மீண்டும் வந்திருக்கிறார். அதுவும் தன் அப்பா இயக்கிய படத்தில். நன்றாக நடித்திருக்கிறார். ஆனால் சில இடங்களில் அதீதமான வசனங்கள் கொஞ்சம் சலிப்பு தட்டுகிறது.

படத்தின் இயக்குனரும் நடிகருமான அர்ஜுன் ஒரு கேமியோ ரோலில் வருகிறார். விமானத்துறை அதிகாரியாக. அதிலும் ஒரு பாடல் இவருக்காகவே படத்தின் இடையில். பொருந்தும் படியாக அமைந்ததா என்றால் படக்குழுவை தான் கேட்கவேண்டும்.

மேலும் காமெடியன்கள் சதீஷ் சில இடங்களில் வந்தாலும் ஒரு பெரியளவில் காமெடிகள் இல்லை. ஆனாலும் யோகி பாபு இருந்தும் படத்தில் அவரை பயன்படுத்தாமல் விட்டார்களா இல்லை இவர் எடுத்துக்கொள்ளவில்லையா என சந்தேகம்.

மொட்டை ராஜேந்திரன் ஒரு அப்பாவாக நடித்திருக்கிறார். ஆனாலும் அபார்ட்மெண்ட் ஆண்ட்டிகளுடன் சேர்ந்து செய்யும் ரகளை கொஞ்சம் தூக்கல். அப்போது உள்ளே நுழைகிறார் மனோபாலா.

படத்தில் சில பதிவு செய்யப்பட்ட போர் காட்சிகள் மீண்டும் மீண்டும் வந்தது போல ஒரு ஃபீல்.

கிளாப்ஸ்

ராணுவ வீரர்களுக்காக இப்படம் எடுக்கப்பட்ட முயற்சியை பாராட்டலாம்.

இருக்கும் பாடல்களில் உயிரே உயிரே பாடல் மீண்டும் மீண்டும் நம்மை கேட்க தூண்டும்.

பல்பஸ்

வந்த ஜோரிலேயே அடுத்தடுத்து பாடல்கள் கொஞ்சம் ஆர்வத்தை குறைக்கிறது.

பட காட்சிகள் அமைப்பு, தொழில் நுட்ப விசயங்கள் என கவனம் செலுத்தியிருக்கலாம்.

ஹீரோயின் டையலாக்கில் கொஞ்சம் செண்டிமெண்ட்களை தவிர்த்திருக்கலாம்.

மொத்தத்தில் சொல்லிவிடவா ஓகே தான். இன்னும் பிளான் செய்து பக்காவாக சொல்லியிருக்கலாம் அர்ஜுன் சார்.