என் புத்தகம்

விஷால் நடித்த 'இரும்புத்திரை' படத்தில் டிஜிட்டல் குற்றங்கள் குறித்து விரிவாக விளக்கப்பட்டிருந்தது. குறிப்பாக ஜெராக்ஸ் கடையில் இருந்து தகவல்கள் திருடப்பட்டு அந்த தகவல்கள் மூலம் மோசடி நடப்பது குறித்த காட்சி விரிவாக கூறப்பட்டிருந்தது.

இந்த படம் நல்ல வரவேற்பை பெற்ற நிலையில் இந்த படத்தின் பாணியில் கடந்த 10 வருடங்களாக டிஜிட்டல் மோசடி செய்த ஒருவரை போலீசார் கைது செய்துள்ளனர்.

சென்னை கொடுங்கையூரில் உள்ள ஜெராக்ஸ் கடை ஒன்றில் ஜெராக்ஸ் எடுக்க வருபவர்களின் ஆவணங்களில் இருந்து தகவல்களை திருடி போலி ஆவணங்கள் தயாரித்து அந்த ஆவணங்கள் மூலம் போலி கிரெடிட் கார்டுகள் வாங்கப்பட்டுள்ளது.

ஜெராக்ஸில் உள்ள புகைப்படத்தை மட்டும் மாற்றி இவ்வாறு கடந்த பத்து வருடங்களாக போலி கிரெடிட் கார்டுகள் பல்வேறு நபர்களின் பெயர்களில் வாங்கி அந்த கார்டுகள் மூலம் பல பொருட்கள் ஆன்லைனில் வாங்கப்பட்டுள்ளது.

இந்த நிலையில் சென்னையைச் சேர்ந்த யுவராஜ் என்பவர் தனது பெயரில் மர்ம நபர் ஒருவர் கிரெடிட் கார்டு வாங்கியுள்ளதாக மத்திய குற்றப்பிரிவு காவல்துறையினரிடம் புகார் ஒன்றை அளித்தார். இந்த புகாரின் அடிப்படையில் விசாரணை செய்த காவல்துறையினர் சென்னையைச் சேர்ந்த ராஜேஷ், ஆண்டனி மற்றும் வினோத் ஆகியோர்களை கைது செய்தனர்.

மேற்கண்ட மூவரும் அடுத்தவர் பெயரில் போலி ஆவணங்கள் தயாரித்து அதன் மூலம் கிரெடிட் கார்டு பெற்று அதனை பயன்படுத்தி வீட்டு உபயோக பொருட்கள் வாங்கி அதனை குறைந்த விலைக்கு விற்பனை செய்து வந்ததாகவும், இதேபோல் 10 வருடங்களாக பலகோடி ரூபாய் மோசடி செய்துள்ளதும் முதல்கட்ட விசாரணையில் தெரிய வந்துள்ளது

ராஜஸ்தான் மாநிலத்தில் மாட்டு பாலை விட கோமியத்திற்கு டிமாண்ட் அதிகமாக உள்ளதாம். இதனால், மாடு வளப்பவர்களுக்கு இரட்டிப்பு லாபம் கிடைத்துள்ள மகிழ்ச்சியில் உள்ளனர்.

குறிப்பாக உயர்ரக பசுக்களின் சிறுநீர் லிட்டர் குறைந்தபட்சம் ரூ.15 முதல் ரூ.30 வரை விற்கப்படுகிறது. ஆனால், பால் ஒரு லிட்டருக்கு ரூ.22 முதல் ரூ.25 வரை மட்டுமே கிடைக்கிறது.

இது குறித்து மாட்டுப்பண்ணை வைத்திருக்கும் ஒருவர் கூறியது பின்வருமாறு, பால் விற்பனையை காட்டிலும், கோமியத்தை விற்பனை செய்வதன் மூலம் கூடுதலாக 30 சதவீதம் லாபம் கிடைக்கிறது.

இயற்கை விவசாயம் செய்பவர்களுக்கு செயற்கை பூச்சிக்கொல்லி மருந்துகளுக்குப் பதிலாக பசுவின் கோமியம் சிறந்த மாற்று மருந்தாக இருப்பதால், இதை விவசாயிகள் விரும்புகிறார்கள்.

அதோடு, மருத்துப் பயன்பாட்டுக்கும், வீட்டில் பூஜைகள் செய்வதற்கும் மக்கள் கோமியத்தை அதிகமாக வாங்கி செல்கிறார்கள். இதனால், இரவெல்லாம் தூங்காமல் கோமியத்தை பிடிக்க கண்விழிக்க வேண்டியுள்ளது என கூறியுள்ளார்.

திருப்பதி வெங்கடேசப் பெருமாள் கோயில்  மகா சம்ப்ரோக்ஷண வைபவங்கள், ஆகஸ்ட் மாதம் 11-ம் தேதி தொடங்கி, 16-ம் தேதி வரை நடைபெறவிருக்கிறது. பன்னிரண்டு ஆண்டுகளுக்குப் பிறகு கும்பாபிஷேகம் நடைபெறுவதால், லட்சக்கணக்கான பக்தர்கள் கலந்துகொள்வார்கள் என எதிர்பார்க்கப்படுகிறது.

இதையொட்டி, `ஆகஸ்ட் 9-ம் தேதி மாலை 6 மணி முதல் சுவாமி தரிசனம் ரத்துசெய்யப்படுகிறது என்று திருமலை திருப்பதி தேவஸ்தானம் அறிவித்திருந்தது. இதற்கு, பக்தர்களிடையே பெரிய அளவில் எதிர்ப்புக் கிளம்பியது. சமூக வலைதளங்களில் பலரும் தங்களின் அதிருப்தியைப் பதிவுசெய்திருந்தார்கள்.

இந்த சர்ச்சைகளுக்கெல்லாம் முற்றுப்புள்ளி வைக்கும் விதமாக, ஆந்திர மாநில முதலமைச்சர் சந்திரபாபு நாயுடு, திருமலை திருப்பதி தேவஸ்தான அதிகாரிகளை அழைத்து ஆலோசனை நடத்தினார். பின்னர், திருமலை திருப்பதி தேவஸ்தானம், கும்பாபிஷேகம் தொடர்பாக ஏற்கெனவே வெளியிட்டிருந்த அறிவிப்பை திரும்பப்பெற்றது. `கும்பாபிஷேகம் நடைபெறும் நேரத்தில், எந்த வழிமுறையில் சுவாமி தரிசனம் செய்யலாம் என்பதுகுறித்த தங்களின் மேலான கருத்துகளை வருகிற 23-ம் தேதி வரை தெரிவிக்கலாம். தேவஸ்தானம், திறந்த மனதுடன் பக்தர்களின் கருத்தைக் கேட்டறியக் காத்திருக்கிறது’ என்று கோயில் நிர்வாக அதிகாரி அசோக் சிங்கால் தெரிவித்திருந்தார்.

இந்த கருத்துக் கேட்பு குறித்த ஆலோசனைக் கூட்டம், இன்று ( 24-ம் தேதி) நடைபெற்றது. அதன்படி முதலில் வருபவர்களுக்கு முன்னுரிமை என்ற அடிப்படையில் குறிப்பிட்ட அளவிலான பக்தர்களை   ஆகஸ்ட் 11 முதல் 16 -ம் தேதி முடிய சுவாமி தரிசனம் செய்ய அனுமதிக்க திருமலை திருப்பதி தேவஸ்தானம் முடிவுசெய்துள்ளது. இந்த நாள்களில், வைகுண்டம் கியூ காம்ப்ளக்ஸ் வழியாக மட்டுமே பக்தர்கள் அனுமதிக்கப்படுவார்கள் . வி.ஐ.பி தரிசனம், சர்வதரிசனம், திவ்ய தரிசனம் உள்ளிட்ட அனைத்து தரிசனங்களும் ரத்து செய்யப்படும். இவ்வாறு, திருமலை திருப்பதி தேவஸ்தானம் தெரிவித்துள்ளது.

வில்லுக்கு விஜயன்! விவகாரங்களுக்கு விஜய்!!

இந்தக் கட்டுரையை இப்படி ஆரம்பித்தால் அந்த விஜய் ரசிகர்களே கூட கோபித்துக் கொள்ள மாட்டார்கள். ஏனென்றால், ‘பிடறி சிங்கம் இடறி விழுமா?’ என்று காத்திருப்பது யார்? அது போகிற வழியில் புதைகுழியை தோண்டி வைத்திருப்பது யார் யார்? என்றெல்லாம் அவர்களுக்கு நன்றாகவே புரிந்திருக்கிறது.

தமிழகத்தில் இதற்கு முன் எந்த சினிமா ஹீரோவுக்கும் நடந்தேயிராத தொடர் அழுத்தம் விஜய்க்கு மட்டுமே தரப்படுகிறது. தமிழகத்தில் எந்தக்கட்சி ஆட்சியிலிருந்தாலும் விஜய் படம் வெளிவருகிற போதெல்லாம் வழியெங்கும் ஸ்பீட் பிரேக்கர்கள். ஒவ்வொன்றும் சீனப் பெருஞ்சுவரையே சின்னதாக்குகிற அளவுக்கு என்றால், அந்த விஜய்தான் என்ன செய்வார்?

கடந்த ஒரு வாரத்திற்கும் மேல் தமிழகத்தின் பார்வை ‘சர்கார்’ படத்தின் மீதுதான் குவிந்து கிடக்கிறது. இந்தப்படத்தின் ஃபர்ஸ்ட் லுக் போஸ்டரில் விஜய் சிகரெட் புகைத்தபடி போஸ் கொடுத்திருந்தார். அது வெளியான சில மணி நேரத்திலேயே முன்னாள் மத்திய அமைச்சர் அன்புமணி ராமதாஸ் தனது கண்டனத்தை தெரிவித்தார். உடனடியாக அந்த போஸ்டரை நீக்க வேண்டும் என்று கோரிக்கை விடுத்தார். அதற்கப்புறம் நடந்த கதையைதான் நாடு அறியுமே?

படத்தை தயாரித்த சன்பிக்சர்ஸ், அதில் நடித்த விஜய், இயக்கிய ஏ.ஆர்.முருகதாஸ் மூவரும் தலா பத்து கோடியை அபராதமாக செலுத்த வேண்டும் என்றும் வழக்கு தொடுக்கப்பட்டுள்ளது. தீர்ப்பு இன்னும் வரவில்லை.

‘அழகிய தமிழ் மகன்’ படத்திலும் இதே போலொரு பிரச்சனை வந்து அன்புமணி ராமதாஸ் கேட்டுக் கொண்டதற்கு இணங்க ஒரு அறிக்கையை வெளியிட்டார் விஜய். அதில் “இனி நான் புகைபிடிக்கும் காட்சிகளில் நடிக்க மாட்டேன்” என்று கூறியிருந்தார். வார்த்தை தவறி விட்டார் விஜய் என்றாலும், முப்பது கோடி அபராதம் செலுத்த வேண்டும் என்கிற அளவுக்கு இது முற்றிப்போன குற்றமல்ல!

இந்த பிரச்சனை ஸ்டார்ட் ஆன நாளிலிருந்தே சோஷியல் மீடியாவில் குமுறி வரும் பல்லாயிரக்கணக்கான விஜய் ரசிகர்கள், “நாங்கள் விஜய் ரசிகர்கள்தான். ஆனால் சிகரெட் குடிப்பவர்கள் அல்ல” என்று தன்னிலை விளக்கம் கொடுத்து வருகிறார்கள்.

விஜய்யின் அதி தீவிர ரசிகர்கள் மட்டும், ‘குடிசை கொளுத்தி’ என்ற ஹேஷ்டாக்கை உருவாக்கி அதில் மருத்துவர்கள் இருவரையும் இயன்றளவுக்கு ‘டேமேஜ்’ பண்ணிய அதிர்ச்சியும் நடந்தது.

இந்த நிமிஷம் வரைக்கும் இது தொடர்பாக எந்த விளக்கமும் கொடுக்கவில்லை விஜய். இதுதான் அவரது வயதுக்கு மீறிய அறிவு முதிர்ச்சி என்கிறார்கள் திரையுலகத்தில். இந்த படத்திற்கு மட்டுமல்ல… இதற்கு முன் அவர் சந்தித்த எந்த பிரச்சனைக்கும் அவர் பெரிதாக எதிர்ப்பு காட்டியதில்லை. இன்று ‘சர்கார்’ படத்தை தயாரித்து வரும் இதே சன் பிக்சர்ஸ், முன்பு விஜய்யின் படம் ஒன்றை வெளியிடுவதற்கு வேண்டுமென்றே காலம் தாழ்த்தியது. பொறுமையை சோதிக்கிற அளவுக்கு நிகழ்த்தப்பட்ட அந்த கால தாமதத்தின் போது கூட, அமைதி காத்தாரே ஒழிய ஆவேசப்பட்டதில்லை விஜய்.

‘தலைவா’ பட வெளியீட்டின் போது ‘டைம் டூ லீட்’ என்ற ஒரு சப் டைட்டிலுக்காக அந்தப்படம் சந்தித்த கொடுமை, வேறு எந்த ஹீரோக்களின் படங்களுக்கும் நிகழக் கூடாத அபாயம். தமிழகம் தவிர உலக நாடுகள் முழுக்க படம் வெளியாகிவிட்டது. தமிழகத்தில் மட்டும் சில நாட்கள் கழித்துதான் வெளியிட முடிந்தது. யாருடைய தூண்டுதலின் பேரில் நாலாபுறத்திலிருந்தும் நசுக்கப்பட்டார் விஜய் என்கிற விபரம் அறிந்தும் வேறு கட்சிகள் கூட அவருக்கு ஆதரவாக குரல் கொடுக்கவில்லை. ‘தலைவா’ தியேட்டருக்கு வருவதற்குள் முக்கால்வாசி தமிழர்கள் அப்படத்தை பைரஸியில் கண்டு களித்திருந்தார்கள். படம் அவுட்! கலெக்ஷனும் அவுட்! அப்போதும் வாய் திறக்கவில்லை விஜய்.

விஜய்யின் ஒவ்வொரு படத்திற்கும் ஒவ்வொரு பிரச்சனை! அதில் ‘கத்தி’ படம்தான் லட்டு போல சிக்கியது எதிராளிகளுக்கு. “இலங்கையில் தமிழர்களை கொன்று குவித்த ராஜபக்சேவின் தொழில் பார்ட்னருக்கு சொந்தமான நிறுவனம் லைக்கா. அந்நிறுவனத்தின் தயாரிப்பில் உருவான படத்தை வெளியிட விட மாட்டோம்” என்று ரவுண்டு கட்டினார்கள். விஜய்க்கு மட்டுமல்ல… ஒட்டு மொத்த தமிழகத்திற்கே தெரியும்… பிரச்சனை லைக்கா அல்ல என்று! அதற்கப்புறம் லைக்கா ஏராளமான படங்களை தயாரித்தது. எதற்கும் வாயை திறக்கவில்லை திடீர் போராளிகள்.

தமிழகத்தில் ஏற்பட்ட அடுத்தடுத்த அரசியல் மாற்றங்களில் விஜய்யின் விலங்குகள் தானாகவே அகன்றுவிட்டன என்று நினைத்த அவரது ரசிகர்களுக்கு… பெருத்த ஏமாற்றமே! மெர்சலில் விஜய் பேசிய ஜி.எஸ்.டி வசனங்கள் மத்திய அரசின் கோபத்தை கிளறியது. நாடெங்கிலும் அப்படத்தை வெளியிட்ட தியேட்டர்காரர்களே அரண்டு போகிற அளவுக்கு போனது அச்சுறுத்தல். அப்போதும் வாய் திறக்கவில்லை விஜய். மாறாக அவர் செய்ததும்… செய்து வருவதும் ஒன்றே ஒன்றுதான்!

மக்களின் துக்கத்தில் பங்கெடுத்துக் கொள்வது! அதை அவர் ஆத்மார்த்தமாக செய்கிறாரா? அல்லது வருங்கால அரசியல் வளர்ச்சிக்காக செய்கிறாரா? என்கிற பெரும் கேள்வி எழுந்தாலும், இந்த நிமிஷம் வரைக்கும் விஜய்யின் செயல்களுக்கு மக்கள் மத்தியில் ஆரவார ஆரத்தியே!

மருத்துவம் படிக்க ஆசைப்பட்ட மாணவி அனிதா தற்கொலை செய்து கொண்ட பின் ஒரு அதிகாலை நேரத்தில் யாருக்கும் சொல்லாமல் கொள்ளாமல் அனிதாவின் வீட்டுக்குப் போய் நின்றார் விஜய். நீட் தேர்வுக்கு எதிரான விஜய்யின் மன நிலையாகவே பார்க்கப்பட்டது அந்த சம்பவம்.

தூத்துக்குடி துப்பாக்கி சூடு சம்பவத்தில் கொல்லப்பட்டவர்களின் வீடுகளுக்கு அதே நள்ளிரவில் அவர் போய் நின்றது உலகம் முழுக்க வாழும் விஜய் ரசிகர்களை ஆச்சர்யப்படுத்தியது. துக்கம் தழுவிய முகத்தோடு சம்பந்தப்பட்ட குடும்பங்களுக்கு பண உதவியும் செய்துவிட்டு திரும்பினார் விஜய். துப்பாக்கி சூட்டுக்கு அவர் செலுத்தும் கண்டனமாகவே பார்க்கப்பட்டது அந்த தூத்துக்குடி வருகை!

இந்த இரு நிகழ்விலும் அவர் துளி கூட கூட்டம் சேர்க்கவில்லை. கோஷங்களை அனுமதிக்கவில்லை. நாடே நேரில் பார்க்க ஆசைப்படுகிற ஒரு ஸ்டார், நள்ளிரவில் தகுந்த பாதுகாப்பு கூட இல்லாமல் போவது எவ்வளவு பெரிய ரிஸ்க்? அதற்கு துணிந்த விஜய், இதையெல்லாம் அரசியலுக்காக மட்டுமே செய்கிறார் என்றால், அந்த கருத்து முற்றிலும் சரியல்ல என்பதே பலரது பார்வையாக இருக்கிறது.

கலைஞர் கருணாநிதி முதல்வராக இருந்த காலத்தில் தன் ரசிகர்களை ஒன்று திரட்டி இயக்கமாக மாற்றிய விஜய், அதற்கப்புறம் ஜெயலலிதா முதல்வராக இருந்த காலத்தில் கூட அந்த அமைப்பை சப்தமின்றி வலுவூட்டிக் கொண்டிருந்தார். அப்படிப்பட்டவர் இவ்விரு தலைவர்களும் வழிவிட்ட பின், பகிரங்கமாக இறங்கிவிட வேண்டியதுதானே?

விஜய்யின் அப்பா எஸ்.ஏ.சந்திரசேகரனே அதற்கு விரும்பிய போதும், ‘இது நேரமில்ல…’ என்று விஜய் தள்ளிப் போடுவதன் ரகசியம் என்ன?

விஜயகாந்த், சரத்குமார் போன்ற சினிமா ஹீரோக்களுக்கு எம்.ஜி.ஆர், ஜெயலலிதா இருவரது ‘சினிமா டூ அரசியல்’ பயணம் ‘கைடு’ ஆக இருந்தது.

அதற்கப்புறம் ரஜினியும் கமலும் புயல் வேகத்தில் அரசியலுக்குள் நுழைந்துவிட்டார்கள். கண் எதிரே ஓடுகிற ட்ரெய்லரே இப்போது இவ்விருவரும்தான். விஜய் தினந்தோறும் இந்த ட்ரெய்லரை கவனித்து வருகிறார். இவருக்கு ‘முன் பாடமாக’ இருக்கப் போவதே இவ்விருவரும்தான்.

இவர்களுக்கு மக்கள் தரப்போவது பரிசா, பாடமா என்பதை வைத்துதான் விஜய்யின் அரசியல் மூவ் இருக்கும்!

அதுவரைக்கும் எந்த ‘சர்க்கார்’ வந்தாலும் விஜய்யை சுற்றியே ‘புகை’ மூட்டம் இருக்கும்!

நீதிமன்றத்தின் நியாயத் தராசு… நடமாடும் பீரங்கி… நட்டு வைத்த வெட்டருவா… என்றெல்லாம் நாடு போற்றும் ஒரு மனுஷனை, தேடிப் போய் சிறுமை படுத்தியிருக்கிறார்கள். ‘டிராபிக் ராமசாமி’ என்கிற பிடறி சிங்கம், சினிமா என்கிற சின்ன பொறிக்குள் இடறி விழுந்திருக்கிறது. இ.பி.கோ வில் என்னனென்ன அபாயம் இருக்கோ, அவ்வளவும் போய் சேரட்டும் அவர்களை!

கடந்த சில வாரங்களுக்கு முன்தான் சாவித்ரியின் பயோபிக் வந்து நாட்டையே தாலாட்டிவிட்டு போனது. கிட்டதட்ட அப்படியொரு பயோபிக்தான் இதுவும். ஆனால் பயோ ‘சிக்’ என்று சொல்லும்படியான திரைக்கதை. காட்சியமைப்பு. இன்னபிற இம்சைகள்…!

கண்ணெதிரே நடக்கும் சமூக விரோத செயல்களையெல்லாம் தட்டிக் கேட்கும் பழக்கமுள்ள ராமசாமி, மீன் பாடி வண்டிகளால் செய்யப்படும் திட்டமிட்ட கொலைகளை அம்பலப்படுத்த கிளம்புகிறார். அவருக்கு தரப்படும் பிரம்படி பிரசாதங்களும், நரம்படி தாக்குதல்களுமே படத்தை பாதிக்கும் மேல் ஆக்ரமித்துவிட, கதையை கோர்வையாக ஒட்டவே முடியாமல் திணறியிருக்கிறார் அறிமுக இயக்குனர் விக்கி. ஏதோ நானும் படம் எடுத்தேன் என்று சொம்பை கச்சேரி செய்ய உங்களுக்கு டிராபிக் ராமசாமிதான் அகப்பட்டாரா தம்பி?

விஜய் சேதுபதி தன் சொந்த கண்களால்(?) டிராபிக் ராமசாமியின் வாழ்க்கை வரலாற்றை படிப்பதாக துவங்குகிறது படம். ஒரே மூச்சில் அவர் படித்து முடிக்கிறார். நமக்குதான் மூச்சு வாங்குகிறது. இந்த படத்திற்கு ஏன் விஜய் சேதுபதி? அப்புறம் சீமான், குஷ்பு, விஜய் ஆன்ட்டனியெல்லாம் ஒரு காட்சியில் தோன்றி உரம் போட்டிருக்கிறார்கள்.

நாலா புறமும் சுற்றி வளைத்துத் தாக்கப்படும் எஸ்.ஏ.சி யை விஜய் ஆன்ட்டனி காப்பாற்றும் அந்த அரை நிமிஷ சீனில் கூட, நடிப்பேனா என்கிறார் எஸ்.ஏ.சி யின் சிஷ்யர் வி.ஆ!

படத்தின் ஒரே ஆறுதல் எஸ்.ஏ.சி தான். அவ்வளவு பெரிய மனுஷன்… முதியவர்… நிஜமாகவே சேற்றில் விழுந்து சில்லரைகளால் மிதிபட்டு பரிதாபத்தை அள்ளிக் கொள்கிறார். நீதிமன்றத்தில் சாதகமான தீர்ப்பு வாங்கி விட்டோம் என்கிற சந்தோஷத்தில் ஒரு வெற்றி நடை நடக்கிறாரே… செம ஸ்மார்ட்! மற்றபடி அவரது குடும்ப பின்னணி, வசதியான வாழ்க்கை முறை இவையெல்லாம் ஒட்டவே இல்லை.

நாலைந்து காட்சிகள் வந்தாலும் நறுக் தெறிக்கிறார் ஆர்.கே.சுரேஷ். ஒரு ரவுடி ராமசாமிக்கு உதவுவதும், அதே ரவுடியின் தனக்கான கொலைகளை அதே ராமசாமி கண்டுகொள்ளாமல் இருப்பதும் திரைக்கதை அழுக்கு.

நீதிமன்றத்தையும், பெண் நீதிபதிகளையும் இவ்வளவு துச்சமாக வேறெந்த சினிமாவும் காட்டியிருக்கிறதா? டவுட்…

பாலமுரளியின் இசையில் பெரிய ஈர்ப்பு இல்லை.

ஒரு காலத்தில் சட்டத்தை கதையாக எழுதி தமிழ்நாட்டையே புரட்டிப் போட்ட எஸ்.ஏ.சி மறுபடியும் சட்டத்தை கையில் எடுத்திருக்கிறார். ஒரு வாரம் கழித்து அதே சட்டத்தால், செய்வியா? செய்வியா? என்று தலையிலடித்துக் கொண்டால் கூட ஆச்சர்யமில்லை!

தமிழ் சினிமாவில் தவிர்க்க முடியாத இயக்குனராக வரவேண்டியவர் சசிக்குமார். ஆனால், ஹீரோ வேஷமிட்டு இன்று வரை தான் இயக்குனர் என்பதையே மறந்து முழு நேர ஹீரோவாகிவிட்டார், ஆனால், ஆரம்பித்தில் இவரின் ஹீரோ அவதாரத்தை ரசிகர்கள் ரசித்தாலும், ஒரே டெம்ப்ளேட் கதையால் கொஞ்சம் ரசிகர்களை சோதித்தார், இந்நிலையில் தற்போது முற்றிலும் வேறு தளத்தில் மருதுபாண்டியன் இயக்கத்தில் சசிக்குமார் நடித்த அசுரவதம் அவருக்கு கைக்கொடுத்ததா? பார்ப்போம்.

கதைக்களம்

படத்தின் முதல் காட்சியில் இருந்தே ஒருவரை கொல்ல சசி முயற்சி செய்துக்கொண்டே இருக்கின்றார். அவருக்கு அவ்வபோது சாவு பயத்தை காட்டி வருகின்றார் சசி.

ஆனால், அவர் எதற்காக அவரை கொல்ல முயற்சிக்கின்றார் என்பதை படத்தின் கடைசி வரை சொல்லாமல், கிளைமேக்ஸ் டுவிஸ்ட்டாக இயக்குனர் ஓபன் செய்கின்றார். இது தான் அசுரவதம் படத்தின் கதை.

படத்தை பற்றிய அலசல்

சசிக்குமார் படம் என்றாலே வெட்டு, குத்து, இரத்தம் என தெறிக்கும், அதற்கு எந்த விதத்திலும் இந்த படம் குறை போகவில்லை, படம் முழுவதும் ஒருவரை கொலை செய்ய போய், பல பேரை வெட்டி கொல்கின்றார், எப்போதும் சசிக்குமாரிடம் ரசிகர்கள் என்ன எதிர்ப்பார்ப்பார்களோ அதே நடிப்பை தான் இதிலும் வெளிப்படுத்தியுள்ளார்.

படத்தின் வில்லனாக வரும் வசுமித்ரா இவர் தான் படத்தின் மொத்த பலமும், ஏனெனில் அவரை சுற்றி தான் கதையே நகர்கின்றது, வில்லன் என்றாலே 10 பேரை அடிப்பது, 20 பேரை கொல்வது என்றில்லாமல் தன்னை ஒருவன் கொல்ல வருகின்றான் என தெரிந்து பயந்து ஓடுவது என கொஞ்சம் வித்தியாசப்படுத்தியுள்ளனர்.

படத்தின் டுவிஸ்ட் மிகவும் பாதிக்கின்றது, நாட்டில் நடக்கும் கொடூர விஷயங்களை இயக்குனர் கண்முன் கொண்டு வந்துள்ளார், அதே நேரத்தில் இப்படி ஒரு தவறு செய்பவன் இனி அந்த தவறை நினைத்துக்கூட அவன் பார்க்க கூடாது, அல்லது மற்றவர்கள் செய்ய பயப்பட வேண்டும் என்பது போல் ஒரு கிளைமேக்ஸ் இருந்திருக்க வேண்டும் அல்லவா, இதில் இப்படி செய்வதற்கு ஏன் இவ்வளவு மெனக்கெட வேண்டும் சசி என்று தான் கேட்க தோன்றுகின்றது.

படத்தின் மற்றொரு மிகப்பெரும் பலம் கதிரின் ஒளிப்பதிவு தான், நம்மை காட்சியில் ஒன்றி பார்க்க வைக்கின்றார், அதே போல் ஸ்டெண்ட் காட்சிகளும் ரசிக்க வைக்கின்றது, கோவிந்த் மேனன் பின்னணி இசையில் காட்சிக்கு வலு சேர்த்துள்ளார்.

க்ளாப்ஸ்

படத்தின் கதைக்களம், நாட்டில் நடக்கும் அதுவும் அன்றாட நாம் செய்தியில் பார்க்கும் விஷயத்தை தைரியமாக சொன்ன விதம். நமக்கே கொஞ்சம் மனம் பதறுகின்றது.

வில்லனாக நடித்த வசுமித்ரா

டெக்னிக்கலாக ஒளிப்பதிவு, ஸ்டெண்ட் என ரசிக்க வைக்கின்றது. படத்தின் முதல் மணி நேர விறுவிறுப்பு.

பல்ப்ஸ்

படத்தின் கதை தற்போதைய சமூகத்திற்கு தேவையானது என்றாலும், அதை முழுவதும் விறுவிறுப்பாக கொண்டு செல்லாதது.

அதிலும் கிளைமேக்ஸ் இப்படியான கதைக்கு எத்தனை அழுத்தமாக இருந்திருக்க வேண்டும் அது மிஸ்ஸிங்.

மொத்தத்தில் படத்தின் ஆரம்பத்திலிருந்த விறுவிறுப்பு படம் முழுவதும் இருந்திருந்தால் அசுரவதம் தமிழ் சினிமாவில் அழுத்தமான இடம் பிடித்திருக்கும்.

சர்கார் முருகதாஸ் இயக்கத்தில் பிரமாண்டமாக உருவாகி வரும் படம். இப்படத்தின் மீது ரசிகர்களுக்கு தற்போதே ஆர்வம் அதிகரித்துள்ளது.

இதற்கு முக்கிய காரணம் சர்கார் படத்தின் பர்ஸ்ட் லுக் தான், இந்தியா முழுவதும் ட்ரெண்ட் ஆகி செம்ம வரவேற்பை பெற்றது.

இந்நிலையில் இன்று பிரபல வார இதழ் ஒன்று சர்கார் படத்தின் பல விஷயங்களை வெளியிட்டுள்ளது.

இதில் குறிப்பாக சர்கார் படம் விவசாயிகள் பற்றியும், கார்ப்ரைட் அரசியல் பற்றியும் வலுவாக பேசும், அது தான் படத்தின் கரு என்று குறிப்பிட்டுள்ளது.

பிறகு என்ன விஜய் ரசிகர்களுக்கு இந்த தீபாவளி செம்ம விருந்து காத்திருக்கின்றது.