என் புத்தகம்

தளபதி விஜய் நடிப்பில் பிகில் படம் இந்த தீபாவளி விருந்தாக திரைக்கு வரவுள்ளது. இந்நிலையில் இப்படத்தின் மீது மிகப்பெரிய எதிர்ப்பார்ப்பு இருந்து வருகின்றது.

அப்படியிருக்க படத்தின் இசை வெளியீட்டு விழாவை பிரமாண்டமாக நடத்த படக்குழு முடிவு செய்துள்ளதாக கூறப்படுகின்றது.

இதில் ரகுமான் தான் இசை என்பது எல்லோரும் அறிந்ததே, இந்நிலையில் பிகில் படத்திலிருந்து இரண்டு பாடல்கள் இணையத்தில் லீக் ஆகிவிட்டது.

இது ரகுமான் தரப்பை கடுமையாக அப்செட் ஆக்கியுள்ளதாக ஒரு பிரபல பத்திரிகையாளர் கூறியுள்ளார்.

ஏனெனில் ரகுமான் பல வெளிநாட்டு படங்களுக்கு இசைமைப்பவர், அவர் இசையமைத்த படத்தின் பாடல் லீக் ஆனால், கண்டிப்பாக அது அவருக்கு கொஞ்சம் சங்கடம் தானே.

பெங்களூரு அப்படி ஒரு அட்டகாசமான காலச்சூழல் நிறைந்த நகரம். வெயில்காலம் தவிர்த்து மற்ற ஏனைய காலங்களில் பெங்களூரு சொர்க்கம் என்றே சொல்லலாம். மழைக்காலங்களில், சுற்றித் திரியும் பட்டாம்பூச்சி போல நாமும் பெங்களூரிலிருந்து லாங் டிரைவ், பைக் ரைடு போய் வரலாம். ஜாலியா மழைச்சாரலில் நனஞ்சிட்டே..

உங்களுக்கு மழை பிடிக்குமா? நெடுந்தூரம் பயணம் பிடிக்குமா? அப்ப உடனே முடிவெடுங்க இந்த மழைக்காலத்த நீங்க அனுபவிக்கவேண்டிய அந்த 10 டாப் பகுதிகள். நிச்சயம் உங்களுக்கு சிறந்த அனுபவம் காத்திருக்கு....

குடகு மலை பயணம்

இந்தியாவின் ஸ்காட்லாந்து என்று அழைக்கப்படும் இது மிகவும் அழகான, அமைதியான இயற்கையை ரசிக்க ஏதுவான பகுதியாகும்.

குடகுமலையில் நீங்கள் கட்டாயம் செல்லவேண்டிய பகுதிகளாக திபெத்தியன் மடம், அபெய் நீர்வீழ்ச்சி, குசால்நகர் முதலியன உங்களை சொக்கவைக்கும் அழகுடன் திகழ்கின்றன.

கூர்க் எனும் குடகு மலை

பெங்களூருவிலிருந்து ஏறக்குறைய 5.30 மணி நேரத்தில் செல்லும் அளவுக்கு 243 கிமீ தொலைவில் அமைந்துள்ளது குடகுமலை.

சென்னையிலிருந்து குடகு செல்ல குறைந்தது 10 மணி நேரம் ஆகின்றது.

நந்தி மலை அல்லது குன்றுகள்

பெங்களூரு அருகிலுள்ள நந்தி மலை, இந்தியாவின் முக்கிய மழைக்கால சுற்றுலாத் தளங்களுள் ஒன்றாகும்.

இங்கு சூரிய உதயம் மற்றும் மறைவு ஆகியவை அட்டகாசமான காட்சிகளாக இருக்கும். உண்மையில் உங்களை மெய்மறக்கச் செய்யும் இந்த நந்தி மலைத்தொடரை காணத் தவறாதீர்கள்.

நந்தியில் ஓர் அந்தி மழை

அதிகபட்சம் சென்னையிலிருந்து 7 மணி நேரத்தில் செல்லக்கூடிய தொலைவில் அமைந்துள்ளது நந்தி குன்றுகள்.

பெங்களூரிலிருந்து இது மிகவும் அருகில் உள்ளது. அதிகபட்சம் 1.30 மணி நேரத்தில் 60 கிமீ தொலைவில் அமைந்துள்ளது.

ஜாக் அருவி

மலையிலிருந்து கீழே அருவி பாயும் அழகை ரசிக்க இரண்டு கண்கள் பத்துமா.. இல்லை தானே என்னை விட்டால் நாள் முழுக்க ரசித்துக் கொண்டிருப்பேனே.. உண்மைதானே ... பெங்களூருக்கு அருகில் இவ்வளவு அழகான நீர்வீழ்ச்சியா இன்னும் நாம் செல்லவில்லையே என்று ஆதங்கப் படவேண்டாம்.. இப்போது முடிவெடுத்தாலும் போய்ட்டு வந்துடலாம்.

பெங்களூருவில் ஒரு தங்க அருவி

சென்னையிலிருந்து செல்ல கொஞ்சம் கூடுதல் தொலைவு என்றாலும், நீங்கள் செய்யும் பயணம் துளியளவும் வீணாவதில்லை. அந்த அளவுக்கு சிறப்பான பயணமாக அமையும்.

சென்னையிலிருந்து 13 மணி நேரமும், பெங்களூருவிலிருந்து ஏறக்குறைய 7 மணி நேரமும் ஆகும்.

டேனிஷ் ஆட்சியின் கீழ் இருந்த ஒரே தமிழக நகரம் எது தெரியுமா?

மூணாறு

மூணாறுக்கு பொதுவாக தேனிலவு கொண்டாடத்தான் செல்வார்கள் என்ற எண்ணம் அநேக பேருக்கு இருக்கிறது. அட மூணாறு இதுக்கு கூட ஏற்றதா என்று நீங்கள் உங்கள் கல்லூரி தோழர்களுடன் சென்று வந்தால் கூறுவீர்கள். உண்மையாக கல்லூரி கால சுற்றுலாவுக்கு சிறந்த இடம் இதுவாகும்.

ஊட்டி

ஊட்டி.. அடிக்கடி போய்ட்டு வரும் பகுதிதானே என்கிறீர்களா.. பெங்களூருவிலிருந்து சற்று தொலைவில் அமைந்திருந்தாலும், சிறப்பான இடம் இதுவாகும். சென்னையிலிருந்தும் சற்று தொலைவுதான். ஆனால் உங்கள் கோடை விடுமுறைக்கு மட்டுமல்லாமல்,, இங்கு மழையையும் ரசிக்க மிக அழகான இடங்களும் உள்ளன என்பதை மறவாதீர்கள்.

சிக்மகளூர்

கபைஃன் எனப்படும் ஒருவித மூலக்கூறுவின் வாசம் உங்களுக்கு பிடிக்குமா. அதுதானுங்க காஃபிக்களின் ஒரு விதவாசம். அது ஒரு பகுதிமுழுவதும் பரவி இருந்தால் எப்படி இருக்கும் சொல்லுங்க. அதுதான் கர்நாடகத்தின் மிக உயரமான சிகரமான சிக்மகளூர்.

எப்படி செல்லலாம்?

சென்னையிலிருந்து 609 கிமீ தொலைவில் அமைந்துள்ள இந்த சிக்மகளூரு நீங்கள் கட்டாயம் பார்த்துவிட்டு வரவேண்டிய பகுதியாகும்.

மைசூர்

சென்னையிலிருந்து 477 கிமீ தொலைவிலும், பெங்களூருவிலிருந்து 150 கிமீ தொலைவிலும் அமைந்துள்ளது மைசூரு.

கர்நாடகத்தின் கலை நகரமான இந்த மைசூரு தென்னிந்திய மக்களுக்கு சூப்பரான ஒரு வாரஇறுதி விடுமுறைகால கொண்டாட்டம் தரும் இடமாகும். இரவு நேரத்தில் மினுமினுக்கும் கோட்டையை கண்டு மகிழுங்கள்.

வயநாடு

மூன்று மாநிலங்களை எல்லையாகக் கொண்ட இந்த இடம் இந்தியாவின் மிக முக்கிய கோடைகால சுற்றுலாத் தளமாகும். அதே நேரத்தில் மழைக் காலங்களிலும் இங்கு அனுபவிக்க ஏராளமான வாய்ப்புகள் உள்ளன.

ஏற்காடு

சென்னையிலிருந்து சற்று தொலைவில் உள்ள ஏற்காடு, ஏழைகளுக்கு ஏற்ற இடமாக கருதப்படுகிறது. இங்கு செல்லவேண்டுமென்றால் பயணச் செலவு தவிர பெரியதாக வேறெந்த செலவும் இல்லை. அதனால் தான் இது ஏழைகளின் ஊட்டி என்றழைக்கப்படுகிறது.

சிவசமுத்திரம் நீர்வீழ்ச்சி

பெங்களூரு அருகிலேயே ஆனால் பெரிதாக யாரும் கேள்விப்பட்டிராத இந்த நீர்வீழ்ச்சி ஒரு இயற்கையின் கொடை என்றே சொல்லலாம்.

கர்நாடகத்தின் மிக மிக அட்டகாசமான நீர்வீழ்ச்சி என்றால் அது இதுதான்.

எப்படி செல்லலாம்

பெங்களூருவிலிருந்து 138 கிமீ தொலைவில் அமைந்துள்ள இந்த பகுதிக்கு குறைந்த பட்சம் 3 மணி நேரம் ஆகிறது.

இந்த ஊருக்கு மட்டும் அப்படி என்ன வரம்... தினமும் மழை பெய்யுதாம்...

ஒரு திருடனும், டாக்டரும், போலீசுடன் நடத்தும் யுத்தம் தான் கடாரம் கொண்டான்.

படத்தின் முதல் காட்சியில் மலேசியாவின் டிவின் டவரின் ஒரு மாடியில் இருந்து கண்ணாடியை உடைத்துக்கொண்டு வெளியே குதித்து உயிர் தப்பி ஓடி வருகிறார் விக்ரம். அவரை இரண்டு பேர் விரட்டி வந்து கொல்ல முயற்சிக்கிறார். அப்போது எதிர்பாராத விதமாக அதிவேகத்தில் வரும் பைக் விக்ரம் மீது மோதி தலையில் அடிப்பட்டு மயக்கமடைகிறார். போலீசார் அவரை மருத்துவமனையில் அனுமதிக்கிறார்கள்.

விக்ரம் சிகிச்சை பெறும் மருத்துவமனையில் பயிற்சி மருத்துவராக சேர்கிறார் அபி. அவருடைய மனைவி அக்ஷரா நிறைமாத கர்ப்பிணி. மனைவியை வீட்டில் தனியே விட்டுவிட்டு, இரவில் மருத்துவமனைக்கு வேலைக்கு வருகிறார் அபி. விக்ரம் அனுமதிக்கப்பட்டிருக்கும் வார்டில் தான் அபிக்கு டியூட்டி. யாரோ சிலர் விக்ரமை கொல்லப் பார்க்கிறார்கள். உயிருக்குப் போராடும் விக்ரமை அபி காப்பாற்றுகிறார். போலீஸ் விசாரணையில் விக்ரம் ஒரு திருடன் என்பது தெரியவருகிறது.

காலை வீடு திரும்பிய அபியை தாக்கி, அக்ஷராவை கடத்திச் செல்கிறார் விக்ரமின் தம்பி நந்தா. மருத்துவமனையில் இருந்து விக்ரமை வெளியே கொண்டுவந்தால், அக்ஷராவை ஒப்படைப்பதாக மிரட்டுகிறார். வேறு வழியே இல்லாத நிலையில், போலீசை ஏமாற்றி விக்ரமை வெளியே அழைத்து வருகிறார். இதனால் அபியும் குற்றவாளி லிஸ்டில் சேர்க்கப்படுகிறார். விக்ரம் யார்? அவரை கொல்ல முயற்சிப்பது யார்? அபியும், அக்ஷராவும் என்ன ஆனார்கள்? என்பது உள்ளிட்ட பல கேள்விகளுக்கு விடை தேடி பயணிக்கிறது மீதிப்படம்.

கிட்டத்தட்ட விக்ரம் வேதா படத்தின் கதையும் கடாரம் கொண்டான் கதையும் ஒன்று தான். ஆனால் இது 'பாய்ண்ட் பிளாங்க்' எனும் பிரெஞ்ச் படத்தின் ரீமேக். ஏற்கனவே கொரிய மொழியில் 'தி டார்கெட்' என்ற பெயரில் ரீமேக்காகி இருக்கிறது. தற்போது நெட்பிளிக்சில் 'பாயிண்ட் பிளாங்க்' ஆங்கிலப்பதிப்பும் வெளியாகியுள்ளது.

பாயிண்ட் பிளாக் படத்துக்கும் கடாரம் கொண்டான் படத்துக்கும் பெரிய வித்தியாசம் ஏதும் இல்லை. ஒரிஜினலை கெடுக்காமல் அப்படி எடுத்திருக்கிறார் இயக்குனர் ராஜேஷ் ம.செல்வா. ஹாலிவுட் தரத்தில் இருக்கிறது படத்தின் மேக்கிங். கொஞ்சம் கூட விறுவிறுப்பு குறையாமல் படத்தை நகர்த்தி சென்றிருக்கிறார்.

முதல் பாதி சைலண்டாகவும், இரண்டாம் பாதியில் வைலண்டாகவும் கெத்து காட்டியிருக்கிறார் விக்ரம். கெட்டப்பிலும் சரி, லுக்கிலும் சரி, செம மாஸ், ஸ்டைலிஷ் சீயான். முழு படத்துக்கும் சேர்த்து ஒரு பக்க வசனம் கூட விக்ரமுக்கு இல்லை. சின்ன சின்ன கண்ணசைவுகளால் கொள்ளை கொள்கிறார். குறிப்பாக துப்பாக்கி காட்டி நிற்கும் அபியை, அநாயசமான ஒரு பார்வையில் கடந்து போகும் அந்த காட்சி, வாவ் செம தூள். தில்லாக நெஞ்சம் நிமிர்த்தி, கடாரம் கொண்டானாக மாறியிருக்கிறார்.

அக்ஷராவுக்கு கொஞ்சம் நேரம் மட்டும் தான் படத்தில் வேலை. ஆனால் வரும் ஒவ்வொரு பிரேமிலும் தடம் பதிக்கிறார். க்ளைமாக்ஸ் காட்சியில் அவர் கதறும் போது, நம் உள்ளம் பதறுகிறது. நாசரின் மகன் அபி ஹசனுக்கு படத்தில் நிறைய வேலை இருக்கிறது. நிறைவாக நடித்து கவனம் ஈர்க்கிறார். போலீஸ் அதிகாரிகள் லேனா, வின்சென்ட் ராஜதுரை உள்பட அனைவரும் சரிவிகித நடிப்பை தந்திருக்கிறார்கள்.

ஜிப்ரானின் இசையில் 'தாரமே தாரமே' சாரல் மழையாய் நனைக்கிறது. பின்னணி இசையில் அதிரடியாய் முழங்கியிருக்கிறார். மான்டேஜாய் ஒலிக்கும் 'வேறென்ன வேணும் நீ மட்டும் போதும்' பாடல் சுனாமிக்கு மத்தியில் தென்றலாய் வீசுகிறது.

ஸ்ரீனிவாஸ் குதாவின் கேமரா படத்தை ஹாலிவுட் தரத்திற்கு எடுத்து சென்றிருக்கிறது. ராவான லைட்டிங் டோனில் சண்டைக்காட்சிகளும், கார் சேசிங் ஆக்ஷன் காட்சியும் மிரட்டுகிறது. படத்தை விறுவிறுப்பு குறையாமல், அதேசமயம் எந்த குழப்பமும் இல்லாமல் கட் செய்திருக்கிறார் எடிட்டர் பிரவீன் கே.எல்.

படம் விறுவிறுப்பாக இருக்க வேண்டும் என்பதற்காக வசனங்களை மிகவும் குறைத்திருக்கிறார்கள். அதனால் விக்ரம் உண்மையில் யார் என்பதைக்கூட தெளிவாக புரிந்துகொள்ள முடியவில்லை. அதேபோல் நேட்டிவிட்டிக்காக மலாய் மொழியும் அதிகளவில் பயன்படுத்தப்பட்டுள்ளது. இதுவும் படம் புரியாமல் போகும் நிலையை உருவாக்கியுள்ளது. க்ளைமாக்ஸ் காட்சி சினிமாத்தனமாக மாறிவிடுகிறது. இரண்டாம் பாதியில் துப்பாக்கி சத்தம் காதைக் கிழிக்கிறது.

விறுவிறுப்பு, பரபரப்பு நிறைந்த ஆக்ஷன் விரும்பிகளுக்கு இந்த படம் நிச்சயம் பிடிக்கும். தமிழ் ரசிகர்களுக்கு ஒரு ஹாலிவுட் படம் பார்த்த உணர்வை தருகிறான் 'கடாரம் கொண்டான்'.

சில நாட்களாக சமூக வலைதளத்தில் பேசு பொருளாக இருப்பது விஜய் தொலைக்காட்சியின் பிக் பாஸ் நிகழ்ச்சி.

பரபரப்புக்கு சிறிதும் பஞ்சமில்லாமல் போகும் அந்த நிகழ்ச்சியில் ரசிகர்களின் ஆதரவை அதிகம் பெற்றவர்கள் பட்டியலில் முதலில் இருக்கிறார் இலங்கையை சேர்ந்த லாஸ்லியா.

லாஸ்லியா என்று இவரை தமிழக ரசிகர்கள் அழைத்து வந்தாலும், இவரது பெயர் லொஸ்லியா மரியநேசன்.

பிக்பாஸ் நிகழ்ச்சி தொடங்கிய சில நாட்களில் அவருக்கென ``லாஸ்லியா ஆர்மி" என்ற இணைய பக்கங்களும் அவரின் ரசிகர்களினால் தொடங்கப்பட்டன.

இலங்கையில் தமிழர்கள் அதிகம் வாழும் வட மாகாணத்தின் கிளிநொச்சி மாவட்டத்தில் 1996ஆம் ஆண்டு மார்ச் மாதம் 23ஆம் தேதி லொஸ்லியா மரியநேசன் பிறந்தார்.

கிளிநொச்சியில் அன்று காணப்பட்ட யுத்த சூழ்நிலை காரணமாக கிழக்கு மாகாணத்தின் திருகோணமலை மாவட்டத்திற்கு லாஸ்லியாவின் பெற்றோர் இடம்பெயர்ந்துள்ளனர்.

திருகோணமலையிலுள்ள அழகிய கிராமமான அன்புவெளிப்புரம் என்ற பகுதிக்கு சென்ற அவர்கள், ஓலைகளினாலான வீடொன்றை கட்டி அந்த வீட்டில் மிகவும் சிரமத்திற்கு மத்தியில் வாழ்ந்து வந்துள்ளனர்.

பல்வேறு சிரமங்களை எதிர்கொண்ட லொஸ்லியாவின் தந்தை மரியநேசன், ஓட்டுநராக பணி செய்து வந்து குடும்பத்தை காப்பாற்றி வந்துள்ளார்.

2009ஆம் ஆண்டு காலப் பகுதியில் குடும்பம் எதிர்கொண்ட கஷ்ட சூழ்நிலைக்கு மத்தியில், லொஸ்லியாவின் தந்தை தொழில் வாய்ப்பை தேடி கனடா சென்றுள்ளார்.

அதன் பின்னர் லொஸ்லியா மற்றும் அவரது இரண்டு சகோதரிகள், தனது தாயான மேரி மாக்ரட்டின் அரவணைப்பின் கீழ் திருகோணமலை சென் மேரிஸ் கல்லூரியில் கல்வி கற்றுள்ளனர்.

லொஸ்லியா, தமிழ் சார்ந்த பல்வேறு போட்டிகள், விவாதங்கள் ஆகியவற்றில் பங்கேற்று தனது திறமையை வெளிப்படுத்தியுள்ளார்.

உயர்தர பரீட்சையை எழுதிய லொஸ்லியா, பெறுபேறு வரும் வரை காத்திருந்த சந்தர்ப்பத்தில் இலங்கையிலுள்ள தமிழ் தொலைக்காட்சியான சக்தி டிவியில் நிகழ்ச்சி தொகுப்பாளராக பணியாற்றுவதற்கான சந்தர்ப்பம் கிடைத்துள்ளது.

ஊடக பிரவேசத்திற்கான சந்தர்ப்பம் கிடைத்த தருணத்திலேயே, உயர்தரத்தில் சித்தியும் பெற்றுள்ளார் லொஸ்லியா அதனூடாக அவருக்கு பல்கலைக்கழகம் செல்வதற்கான வாய்ப்பும் கிடைத்துள்ளது.

பல்கலைக்கழக பிரவேசமா? ஊடக பயணமா? என்ற கேள்விக்கு பதில் தெரியாது தடுமாறிய லொஸ்லியா, இறுதியில் ஊடக பயணத்தை தொடர்வது என்ற முடிவை எட்டியுள்ளார்.

இதன்படி, சக்தி தொலைக்காட்சியில் காலை நேர நிகழ்ச்சியை தொகுத்து வழங்கியதன் ஊடாக, சற்று பிரபலமடைந்த அவர், பின்னரான காலப் பகுதியில் அதே தொலைக்காட்சியில் செய்தி வாசிப்பாளராக தன்னை உயர்த்தி வளர்த்துக் கொண்டுள்ளார்.

இலங்கை தொலைக்காட்சி செய்தி வாசிப்பாளர்கள் மத்தியில் லொஸ்லியா மிகவும் பிரபலமடைந்தார்.

''இந்த நிகழ்ச்சிக்கு போவது குறித்து அவங்க கடைசி வரைக்கும் யாருக்கும் சொல்லவேயில்லை. சில வேளைகளில் அது விதிமுறையாகவும் இருக்கலாம். எங்களோட மிக நெருக்கமாக பழகியும் கூட இந்த விஷயத்தை சொல்லவில்லை. அது நல்ல விஷயம். அந்த நிறுவத்தினால் வழங்கப்பட்ட விதிமுறைகள அவங்க மதித்து இருக்காங்க. போனதுக்கு பிறகு தான் தெரியும் இந்த நிகழ்ச்சியில் லாஸ்லியாவும் இருக்கானு. ரொம்ப சந்தோஷப்பட்டோம். வியப்படைந்தோம்." என்றார்

''எந்த சந்தர்ப்பத்திலயும் லொஸ்லியா அவங்கட அப்பா, அம்மா கூட மட்டும் தான் கதைச்சுக்கிட்டு இருப்பா. வேறு யாரு கூடவும் பெருசா பேச மாட்டா. இப்படியான ஆட்களை தேடுறது ரொம்ப அரிது. அம்மா, அப்பாவோட இந்த 100 நாட்கள் எப்படி தான் கதைக்காம இருப்பாவோ என நினைக்கிறேன். எங்கள் நிறுவனம் உருவாக்கிய திறமைசாலி என நாங்கள் பெருமை அடைகிறோம். லொஸ்லியா தொடர்பான தொகுப்புக்களையும் நாங்கள் தொலைக்காட்சியில் ஒளிபரப்பு செய்கிறோம்."

விஜய் டிவில் ஒளிபரப்பான நாடகம் ஒன்றில் பணியாற்றிய இலங்கை பெண் ஒருவரின் உதவியுடனேயே, லொஸ்லியா தமிழக ஊடகத்துறைக்குள் சென்றுள்ளார்.

விஜய் டிவிக்கு சென்ற அவரிடம் நடத்தப்பட்ட நேர்முகப் பரீட்சையின் ஊடாக, அவர் நேரடியாக பிக் பாஸ் நிகழ்ச்சிக்கு தேர்வு செய்யப்பட்டுள்ளார்;.

"நண்பர்கள் மாத்திரம் ரசித்துக் கொண்டிருந்த லொஸ்லியாவை, இன்று உலகமே ரசித்துக் கொண்டிருப்பதை பார்க்கும் போது மிகவும் மகிழ்ச்சியாக உள்ளது" என அவரது நெருங்கிய தோழி தர்ஷி தெரிவிக்கின்றார்.

''மிகவும் சந்தோஷமா இருக்கு. ப்ரண்ட்ஸ் மட்டும் ரசிச்சிட்டு இருந்த லொஸ்லியா அப்படின்ற கேரேக்டர, இப்போ உலகம் ரசிக்க ஆரம்பிச்சு இருக்கு. அத பார்க்கும் போது சந்தோஷமா இருக்கு. எங்களோட இருந்த லொஸ்லியாவையே நாங்க இப்போ டி.வியில் பார்க்கிறோம். ரொம்ப சந்தோஷமா இருக்கு. லாஸ்லியா இப்போ இருக்க இடத்த நினைச்சு அவங்க அம்மா ரொம்ப சந்தோஷமா இருக்காங்க. ஆனா அதே அளவு அவள மிஸ் பண்ணுறாங்க." என்று தெரிவித்தார் லாஸ்லியாவின் தோழி தர்ஷி.

சண்டைகள் அதிகம் நிறைந்த அந்த நிகழ்ச்சியில், எந்த வித வம்பு தும்புக்கும் போகாமல் அமைதியாகவும் பொறுமையாகவும் இருக்கும் லொஸ்லியா ரசிகர்களை ஈர்த்துள்ளதில் எந்தவித ஆச்சரியமும் இல்லை.

அவருக்கு அதிக ரசிகர்கள் இருப்பதை தெரிந்த கொண்ட சேனல் அவரை அதிகம் பேச வைத்தும் அழகு பார்த்து வருகிறது. கடந்த வார நிகழ்ச்சியில் அவர் சொன்ன `மைனம்மா` கதைக்கு பிறகு அவரின் ரசிகர்களின் எண்ணிக்கை மேலும் அதிகரித்துவிட்டது என்றே சொல்லலாம்.

இதற்கு முன்பு பிக் பாஸ் சீசன் ஒன்றில் இம்மாதிரியான புகழை பெற்றவர் நடிகை ஓவியா. அவருக்கென்று அப்போது பல சமூக வலைதளப்பக்கங்களும், `ஆர்மி` களும் தொடங்கப்பட்டன.

எத்தனை முறை நாமினேட் செய்யப்பட்டாலும், ரசிகர்களின் வாக்குகளை பெற்று நிகழ்ச்சியில் இருந்தவர் ஓவியா.

இதுவரை லொஸ்லியா நாமினேட் செய்யப்படவில்லை என்றாலும், ஏதோ ஒரு தருணத்தில் அவர் நாமினேட் செய்யப்பட்டாலும் அவருக்கு விழும் வாக்குகள் மிகப்பெரிய எண்ணிக்கையில் இருக்கும் என்பதை நாம் சமூக ஊடகத்தின் வழியாக பார்க்க முடியும்.

தற்போதுள்ள சூழ்நிலையில் லொஸ்லியா இந்த சீஸனின் இறுதிவரை போகக் கூடியவர் என்பதும் பலரின் கருத்தாகவே உள்ளது.

ரஞ்சித் தமிழ் சினிமாவில் தரமான படங்களை கொடுத்தவர். அட்டக்கத்தி, மெட்ராஸ் சிறந்த படங்களை கொடுத்த இவர் கபாலி, காலா மூலம் இந்தியா முழுவதும் தெரிய தொடங்கினார்.

தற்போது இவர் பாலிவுட் படம் ஒன்றை எடுக்க முடிவு செய்துள்ளார், அதோடு தமிழிலும் பாக்ஸிங் படம் ஒன்றை எடுக்கவுள்ளார்.

இந்நிலையில் சிறு வயதில் இவர் அருணாச்சலம் படத்திற்கு சென்ற போது கூட்டம் அலை மோதியதாம், அப்போது போலிஸார்கள் சிலர் அங்கு வந்தவர்களை அடிக்க தொடங்கினார்களாம்.

அதைப்பார்த்து அப்படி அடிவாங்கி இந்த படத்தை பார்க்கவேண்டும் என்ற அவசியமில்லை என அவரே ஒரு பேட்டியில் கூறியுள்ளார்.

இன்றைய ஆரோக்கியமற்ற உணவுப் பழகத்தால் எந்த உணவையும் சற்று அதிகமாக உண்டுவிட்டால் மறுநாளே வயிற்றுப் போக்கு மற்றும் வாந்தி என கடுமையான பின்விளைவுகளை சந்திக்க வேண்டியிருக்கின்றன. இப்படி நாம் உண்ணக் கூடிய உணவே ஆபத்தாக மாறும் நிலையை மாற்ற வேண்டிய பொறுப்பு ஒவ்வொருவரின் வாழ்க்கை முறையிலும் அவசியம்.

காரணம் என்ன ?

உணவு விஷமாக மாறுவது என்பது நாம் உண்ணும் உணவுகள் மூலம் பரவும் பாக்டீரியா, வைரஸ் மற்றும் நச்சுகள் மூலமாகப் நமக்கு பரவுகின்றன. இவை நாம் உண்ணும் பழங்கள், காய்கறிகள், அருந்தும் தண்ணீர் , சமைக்கும் தண்ணீர், நன்குக் காய்ச்சாத பால் ஆகியவற்றின் மூலமாகப் பரவும்.

எவ்வாறு பரவுகிறது ?

நோரோ வைரஸ் எனப்படும் வைரஸானது சமைக்காத காய்கறிகள் , பழங்களில் இருக்கக் கூடியவை. அதேபோல் அருந்தும் நீரிலும் இந்த வைரஸ் இருக்கும். சமைப்பவருக்கும் இந்த நோரோ வைரஸ் இருந்தால் அது சமைக்கும் உணவில் பரவும் வாய்ப்புகள் அதிகம்.

அடுத்ததாக சால்மொனெல்லா என்னும் பாக்டீரியாவானது இறைச்சிகளிலும், முட்டை போன்றவற்றின் மூலம் பரவக்கூடியது. அதுமட்டுமன்றி இவை வீட்டில் வளர்க்கக் கூடிய செல்லப் பிராணிகள் மூலமாகவும் எளிதில் பரவும். சில சமையம் அடிக்கடிக் கழுவாத உங்கள் கைகள் மூலமாகவும் பரவும்.

இவை தவிர கெட்டுப் போகாமல் இருக்க உணவை ஃபிரிஜ்ஜில் வைக்கும் பழக்கத்தை பெருபாலோர் பின்பற்றுகின்றனர். இப்படி நீண்ட நாட்கள் வைக்கும் உணவுகளில் பேத்தோஜீனிக் மற்றும் ஸ்பாய்லேஜ் என்னும் பாக்டீரியா உருவாகிறது.

     பேதோஜீனிக் பாக்டீரியா உணவின் சுவை , வாசனை மற்றும் நிறத்தை மாற்றாது. ஆனால் அதனால் பக்கவிளைவுகள் வரலாம்.
    ஸ்பாய்லேஜ் பாக்டீரியா உணவின் சுவை, நிறம், வாசனையை மாற்றக் கூடியது. இப்படி உணவில் எதை உணர்ந்தாலும் அந்த உணவைத் தவிர்த்துவிடுவது நல்லது.

இவற்றை தடுக்கும் வழிகள் என்ன ?

காய்கறிகள் பழங்களை நன்குக் கழுவியப் பின்னர் பயன்படுத்துங்கள்.

காய்கறி, பழங்களை நறுக்கும் கத்தி, அரிவாள் மனை, அரியும் பலகை, சமையல் மேடை மற்றும் ஸ்டவ், சிங்க் தொட்டி போன்றவற்றை சுத்தமாக வைத்துக்கொள்ளுங்கள்.

பயன்படுத்திய பாத்திரங்களை ஒரு நாளைக்கு மேல் சிங்க் தொட்டியில் போட்டு வைக்காதீர்கள். மீறும் உணவுகள் மற்றும் உணவுக் கழிவுகளை அவ்வப்போதே குப்பைத் தொட்டியில் போடவும்.

இறைச்சிக்குப் பயன்படுத்திய கத்தியை அப்படியே காய்கறி பழங்களுக்குப் பயன்படுத்தாதீர்கள்.

ஃபிரிஜ்ஜில் வைக்கும் உணவுகளை ஒரு நாளைக்கு மேல்  பயன்படுத்த வேண்டாம். முடிந்த அளவு ஃபிரிஜ்ஜில் வைப்பதைத் தவிர்க்கலாம்.

நாள் தவறிய ( expiry date )  உணவுப் பொருட்கள், பதப்படுத்தப்பட்ட உணவுகளை உண்பதைத் தவிர்க்கவும்.

கைகளை நன்குக் கழுவிய பின் சமையல் செய்யவும். இறைச்சிகளை நன்கு சுத்தம் செய்து , வேக வைத்து உண்ணவும். பாலை நன்குக் காய்ச்சிய பின் குடிக்கவும்.

தமிழ் சினிமாவில் எத்தனையோ வில்லன்கள் வந்தாலும் யாராலும் மறக்க முடியாத வில்லன்களில் ஒருவராக திகழ்ந்தவர் எம்.என்.நம்பியார். இவரது வசனம், நடிப்பு இன்றளவும், எந்த வில்லன்களுக்கும் கிடையாது என்றே கூறலாம்.

    கேரளா மாநிலம் கண்ணூர் மாவட்டம் பெருவமூர் என்ற ஊரில் கடந்த 1919ம் ஆண்டு மார்ச் மாதம் 7ம் தேதி பிறந்தவர் எம்.என்.நம்பியார்.

    இவரது இயற்பெயர், மாஞ்சேரி நாராயணன் நம்பியார்.

    இவரது பெற்றோர் – கெளு நம்பியார் – லட்சுமி அம்மாள்

    நம்பியாரின் 8ஆவது வயதில், தந்தை கெளு நம்பியார் இறக்கவே, கேரளாவில் வசித்து வந்த நம்பியார், ஊட்டிக்கு குடி பெயர்ந்தார். அங்குள்ள நகராட்சி பள்ளியில் 3ம் வகுப்பு வரை படித்துள்ளார்.

    சகோதரர் உதவியால், நாடகக் குழுவில் சேர்ந்த இவருக்கு முதலில் கிடைத்த வேலை சமையல் உதவியாளர்.

    அதன் பிறகு தொடர்ந்து சேலம், மைசூர், தஞ்சாவூர் ஆகிய ஊர்களுக்கு நாடக் குழுவுடன் இணைந்து பயணத்தைத் தொடங்கினார்.

    நாடகக் கலையில், நடிப்புடன் பாட்டும், ஆர்மோனியமும் கற்றுக் கொண்டார்.

    தனது 15ஆவது வயதில், நவாப் ராஜமாணிக்கம் அரங்கேற்றிய நச்சுப் பொய்கை என்ற நாடகத்தில் பெண் நீதிபதி வேடம் கிடைத்தது. அதோடு, மாதம் 3 ரூபாய் சம்பளமும் கிடைத்தது.

    நவாபின் பக்த ராமதாஸ் என்ற நாடகத்தை முருகதாசா படமாக்கினார். ஹீரோயினே இல்லாத இந்தப் படத்தில் பழம்பெரும் நடிகர் டிகே சாரங்கபாணி உடன் இணைந்து நகைச்சுவை வேடத்தில் மாதண்ணாவாக நடித்தார்.

    ஒரு கட்டத்தில் இந்த நாடகக் குழுவில் இருந்து சாரங்கபாணி விலக, அவரது நகைச்சுவை வேடங்கள் அனைத்துமே நம்பியாருக்கு கிடைத்தது. அதோடு, சம்பளமும் ரூ.15 ஆக உயர்ந்தது.


    அதன் பிறகு சக்தி நாடகக் குழுவில் சேர்ந்தார். அங்கு, கவியின் கனவு என்ற நாடகத்தில் ராஜகுரு வேடத்தை ஏற்றுக்கொண்டு தனது வில்லத்தனத்தை காட்டினார்.

    தொடர்ந்து ஜூபிடர் பிக்சர்சில் கம்பெனி நடிகராகச் சேர்ந்தார். அவருக்கு ஓவியர் மாதவன் பரிந்துரை செய்தார்.

    1946ல் நம்பியார் நடித்த முதல் படம் வித்யாபதி வெளியானது. இப்படத்திற்காக தலையில் மொட்டை அடித்துக் கொண்டார் நம்பியார்.

    இப்படம் வெளியான போதே உறவுக்கார பெண்ணான ருக்மணியை மணந்தார்.


    ராஜகுமாரி படத்தில் எம் ஜி ஆருடன் முதல் முதலாக இணைந்து நடித்தார்.

    அதுவும், எம்ஜிஆருக்கு உதவும் பாகு என்ற கதாபாத்திரத்தில் நடித்துள்ளார்.

    இப்படத்திற்கு கிடைத்த வரவேற்பைத் தொடர்ந்து, கஞ்சன், கல்யாணி, நல்ல தங்கை ஆகிய படங்களில் ஹீரோவாக நடிக்கும் வாய்ப்பு கிடைத்தது.

    வேலைக்காரி, திகம்பர சாமியார் ஆகிய படங்கள் நம்பியாரின் வாழ்க்கையை திசை திருப்பிய படங்கள்.

    பிஎஸ் வீரப்பா, எஸ்.ஏ.அசோகன், ஆர்.எஸ் மனோகர் ஆகியோர் சூப்பர் டூப்பர் வில்லன்கள் இருந்தாலும், எம்.என்.நம்பியாரின் இடத்தை யாராலும் நிரப்பவும் முடியவில்லை, கைப்பற்றவும் முடியவில்லை.

    காலங்கடந்து எத்தனையோ வில்லன்கள் வந்தாலும், எம்.என்.நம்பியாரின் வில்லத் தனத்தை மட்டும் யாராலும் கொடுக்கமுடியவில்லை. அவர் பேசும் வசனங்கள் ஹீரோக்களை மிஞ்சும் அளவிற்கு இருந்துள்ளது என்பது குறிப்பிடத்தக்கது.