என் புத்தகம்

அம்பானி அதிரடியாகக் களமிறக்கிய ரிலையன்ஸ் ஜியோ, கிட்டத்தட்ட அனைத்து டெலிகாம் நிறுவனங்களையும் கதிகலங்கச் செய்தது; ஜியோவின் அன்லிமிட்டெட் கால்ஸ், மெசேஜ், ஒரு நாளைக்கு ஒரு ஜிபி டேட்டா என எல்லோரையும் தன் பக்கம் இழுத்தது. தங்கள் வாடிக்கையாளர்களை இழந்துவிடக் கூடாது என மற்ற நிறுவனங்களும் ஆஃபர்களை அறிவிக்கவேண்டிய கட்டாயத்துக்கு ஆளாகின. மற்றொரு பக்கம் குறைந்த விலையில் ஸ்மார்ட்போன்களையும் வெளியிட்டு, மற்ற டெலிகாம் நிறுவனங்களுக்கெல்லாம் `பிக் பாஸ்' ஆகவே மாறியது ரிலையன்ஸ் ஜியோ.

‘ஜியோவுக்கு நிகராக நாமும் ஆஃபரை வழங்காவிட்டால் ஃபீல்டில் நிற்க மாட்டோம்' என முடிவெடுத்த ஏர்டெல், ஐடியா மற்றும் பி.எஸ்.என்.எல் உள்ளிட்ட நிறுவனங்களும் ஆஃபர்களை வெளியிட்டன. ஜியோவைப் பொறுத்தவரை தற்போது `தன் தனா தன்' ஆஃபரில்  309 ரூபாய்க்கு மூன்று மாதம் அன்லிமிட்டெட் கால்ஸ், மெசேஜ் மற்றும் ஒரு நாளைக்கு ஒரு ஜிபி டேட்டாவும் கிடைக்கின்றன.

பி.எஸ்.என்.எல்., தன் தரப்புக்கு  `Chaukka444' என்ற ஆஃபர் மூலம் அன்லிமிட்டெட் டேட்டா 90 நாள்களுக்குக் கொடுக்கிறது. வோடபோன் ரம்ஜான் பண்டிகையை முன்னிட்டு அதன் வாடிக்கையாளர்களுக்கு 786 ரூபாய்க்கு அன்லிமிட்டெட் லோக்கல் மற்றும் எஸ்.டி.டி கால் மற்றும் 25 ஜிபி டேட்டாவும் கொடுத்தது. ஐடியா நிறுவனம் 396 ரூபாய்க்கு 70 ஜிபி டேட்டாவை வழங்கியது. ஏர்டெல் 244 ரூபாய்க்கு அன்லிமிட்டெட் ஏர்டெல்-டு-ஏர்டெல் லோக்கல் மற்றும் எஸ்.டி.டி கால்களை வழங்கியது. மேலும், ஒரு நாளைக்கு ஒரு ஜிபி டேட்டாவை 70 நாள்களுக்குப் பயன்படுத்திக்கொள்ளலாம். அதன் பிராட்பேண்ட் வாடிக்கையாளர்களுக்கு 1,000 ஜிபி வரை டேட்டா வசதியை வழங்கியது. இதற்கான 899 ரூபாயிலிருந்து தொடங்குகிறது. இவற்றில் சில, முடிவுக்கு வந்திருக்கலாம். பல புதிய ஆஃபர்கள் இப்போதும் டெலிகாம் நிறுவனங்களால் அள்ளி வழங்கப்படுகின்றன.

இதன் விளைவு, டெலிகாம் நிறுவனங்கள் இதுவரை பார்த்துவந்த லாபம் குறைந்தது. மக்களின் செலவு குறைந்தது. ஜியோ அறிமுகமான கடந்த வருடம் செப்டம்பர் மாதத்திலிருந்து இதுவரை ஒரு காலாண்டுக்கு 11,600 கோடி ரூபாய் என்ற அளவிலும், ஆண்டுக்கு 46,600 கோடி ரூபாய் என்ற அளவிலும் மொபைல் யூசேஜ் கட்டணங்களால் கிடைக்கும் வருமானம் குறைந்திருக்கிறது. கடந்த சில வருடங்களைக் காட்டிலும் சுமார் 26 சதவிகிதம் குறைந்திருக்கிறது. இத்தனை கோடியும் மக்களுக்கு மிச்சமாகியிருக்கிறது.

அப்படியென்றால், ஜியோ நடத்தியிருக்கும் இந்தப் போரில் வென்றது மக்களா என்றால் இல்லை. விலையைக் குறைத்து ஆஃபர்களை அள்ளி வழங்கியதால் மக்களின் பயன்பாடு அதிகரித்திருக்கிறது. அதற்கு கொடுத்த விலை மட்டுமே குறைந்திருக்கிறது. `சதுரங்க வேட்டை'யில் நடிகர் நட்ராஜ் சொல்வார், `ஒருவனிடமிருந்து பணத்தைப் பறிக்க, அவனிடம் கருணையை எதிர்பார்க்கக் கூடாது; அவனது ஆசையைத் தூண்ட வேண்டும்' என்று. அதுதான் நடந்திருக்கிறது.

இன்று பெரும்பாலானோர் கைகளில் இரண்டு ஸ்மார்ட்போன்கள், நான்கு சிம் கார்டுகள் நிச்சயம் பார்க்க முடிகிறது. அதுமட்டுமல்லாமல் ஸ்மார்ட்போன்கள் அடிக்கடி பிரச்னைக்குள்ளாவதும் உடைவதும் சகஜமாக நடக்கின்றன. அவற்றை சரிசெய்து பயன்படுத்துவதற்கு பதிலாக, புதிதாக வாங்கவே விரும்புகிறார்கள். இப்படி மொபைல் கால், மெசேஜ் மற்றும் டேட்டா ஆகியவற்றுக்கு நாம் குறைவாக செலவு செய்திருந்தாலும் மறைமுகமாக நாம் மொபைல்களுக்கு என முன்பைவிட கூடுதலாகவே செலவு செய்துகொண்டிருக்கிறோம்.  

சரி, `அம்பானி கொடுத்த விலை' எனத் தலைப்பில் போட்டுவிட்டு, அதைப் பற்றி சொல்லாமல் எதையோ சொல்லிக்கொண்டிருக்கிறேன் என்றுதானே நினைக்கிறீர்கள். `ஒருவனின் உணவு மற்றொருவனுக்கு விஷமாகலாம்' என்று ஒரு சொல்லாடல் உண்டு. அம்பானி நம்மை ஜியோவை நோக்கி இழுக்க செய்த செலவு அதன் ஆண்டறிக்கையில் வெளியிடப்பட்டுள்ளது. மொத்தம் இரண்டு லட்சம் கோடி ரூபாய். அதில் 1.25 லட்சம் கோடி ரூபாய் கடனாக வாங்கப்பட்டிருக்கிறது. அதாவது ஐந்தில் நான்கு பங்கு. யாருடைய பணம் இது?

ஜியோ மட்டுமல்ல, டெலிகாம் நிறுவனங்கள் வங்கிகளிடம் கடன் வாங்கித்தான் இந்த ஆஃபர்களை அள்ளிவிட்டுக்கொண்டிருக்கின்றன. ஆஃபர்களைக் காட்டிலும் அவற்றை விளம்பரம் செய்ய அதிகம் செலவழித்திருக்கின்றன. வங்கிகள் கொடுத்துள்ள கடன்கள் அனைத்தும் திரும்பி வருமா வராத என்ற ரிஸ்க் நிறைந்த கடன்களாகவே மாறிவருகின்றன. இந்த நிலையில் டெலிகாம் நிறுவனங்கள் ஆஃபர்களால் தங்களின் வருமானத்தை லாபத்தை இழந்திருக்கின்றன. இதன் விளைவு விரைவில் டெலிகாம் துறையில் பிரதிபலிக்கும்.

விரைவில் இந்த ஆஃபர்கள் எல்லாம் முடிவுக்கு வந்துவிடும். ஆனால், அகப்பட்டுக்கொண்ட அந்த ஸ்மார்ட்போன் சிறைக்குள்ளிருந்து நம்மால் வெளிவர முடியுமா? அல்லது வெளி உலக தொடர்பில்லாத ஸ்மார்ட்போன் இல்லாத `பிக் பாஸ்' நிகழ்ச்சிக்குத்தான் நம்மால் போக முடியுமா? முடியாது. நாமும் இதற்கு ஒரு விலையைக் கொடுத்தே ஆக வேண்டும்.

சென்னையில் சர்வதேச தரத்துடன் இயங்கி வரும் சாய் ராம் கல்வி குழுமங்களின் நிறுவனத்தலைவர் லியோமுத்து மறைந்ததன் இரண்டாமாண்டு நினைவேந்தல் விழாவில் இசை ஞானி இளையராஜாவும், மக்கள் செல்வன் விஜய் சேதுபதியும் சிறப்பு விருந்தினர்களாக கலந்துகொண்டு மாணவர்களுக்கு கல்வி உதவித் தொகை மற்றும் கற்பதற்கான உபகரணங்களை வழங்கினார்கள்.

சென்னையை அடுத்துள்ள மேற்கு தாம்பரத்தில் சாய்ராம் கல்வி குழுமத்தின் நிறுவனத்தலைவர் லியோமுத்து இரண்டாமாண்டு நினைவேந்தல் விழா இன்று (10 7 17) சாய்ராம் கல்லூரியின் கலையரங்கத்தில் நடைபெற்றது. இவ்விழாவில் கல்லூரியின் முதன்மை செயல் அதிகாரி திரு சாய் பிரகாஷ் லியோமுத்து, இசைஞானி இளையராஜா, மக்கள் செல்வன் விஜய் சேதுபதி, திராவிடர் இயக்க தமிழர் பேரவையின் தலைவர் சுப வீரபாண்டியன், சட்ட மன்ற உறுப்பினர்  டி ஆர் பி ராஜா மற்றும் சாய் ராம் கல்வி குழுமத்தில் பயிலும் ஆயிரக்கணக்கான மாணவர்கள், ஆசிரியர்கள் உள்ளிட்ட பலர் கலந்து கொண்டனர்.

விழாவிற்கு வந்திருந்த அனைவரையும் சாய்பிரகாஷ் லியோ முத்து வரவேற்றார். தன்னுடைய வரவேற்புரையில் சாய் ராம் கல்வி குழுமத்தினை நிறுசிய நிறுவனத் தலைவர் லியோமுத்து நோக்கத்தையும், கல்வி கற்பதற்காக அளித்து வந்த உதவிகளையும், அவரது நினைவலைகளையும் அனைவரிடமும் பகிர்ந்துகொண்டார். லியோ முத்து தன் வாழ்நாள் முழுவதும் ஏழை எளிய மக்களின் வாழ்க்கைத்தரத்தை உயர்த்த, தரமான கல்வி வழங்குவதன் மூலம் அவர்களை உயரிய நிலையை அடைய வைத்து அதன் மூலம் மகிழ்ச்சி கண்டார். மேலும் லியோ முத்து எண்ணங்களை சாய்ராம் கல்வி குழுமம் நிறைவேற்றி வருகிறது என்றும் குறிப்பிட்டார்.

விழாவில் இரண்டு கோடி ரூபாய் மதிப்பிலான கல்வி உதவி தொகை மற்றும் மாணவர்கள் கல்வி கற்பதற்கான உபகரணங்கள் ஆகியவற்றை நாற்பது மாணவ மாணவிகளுக்கு, இசைஞானி இளையராஜாவும், மக்கள் செல்வன் விஜயசேதுபதியும் வழங்கினார்கள்.

பின்னர் இசைஞானி வாழ்த்துரை வழங்கி பேசும் போது,‘மாணவர்கள் கனவு காணும் பழக்கத்தை விட்டுவிடவேண்டும். கனவு காண்பதற்கு செலவிடும் நேரம் வீண், அந்த நேரத்தை உங்களுடைய லட்சியத்திற்காக அயராது உழைத்தால் வெற்றி கிடைக்கும். நான் இசையமைப்பாளராக வேண்டும் என நான் எண்ணியதைப் போல, பல முயற்சிகள் செய்து இசையமைப்பாளர் ஆனேன். அதே போல தாங்கள் வைத்துள்ள திட்டத்தை முழு மூச்சுடன் செயல்படுத்த வேண்டும். அப்போது தான் உங்கள் லட்சியத்தை அடைய முடியும்’என்றார்.

பின்னர் பேசிய  சுப வீரபாண்டியன்,‘மாணவர்களுக்கு சமுதாய பொறுப்புணர்வு இருக்கவேண்டும். சமூக முன்னேற்றத்திற்காக தங்கள் கற்ற கல்வியை பயன்படுத்தவேண்டும். இதன் மூலமே நாட்டை வளர்ச்சிப் பாதையில் அழைத்து செல்ல இயலும்.இன்றைய சூழலில் மாணவர்களுக்கு சுய சிந்தனை, திறந்த மனம், தன்னம்பிக்கை ஆகியவற்றுடன் தான் பிரச்சனைகளை எதிர்கொள்ளவேண்டும். அப்போது தான் சாதனையாளராக முடியும். அத்துடன் கடின உழைப்பின் மூலம் முன்னுக்கு வந்தவர்கள் தான் திரு லியோமுத்து, இளையராஜா விஜய் சேதுபதி போன்றவர்கள்’ என்றார்.

பின்னர் வாழ்த்துரை வழங்கி விஜய் சேதுபதி பேசும் போது, ‘ நான் நீண்ட நேரம் பேசமாட்டேன். கொஞ்ச நேரமே பேசப்போகிறேன். இங்கு படித்து தேர்ச்சியடைவது பெரிய கடினமான விசயமல்ல, இங்கு படித்து முடித்தவுடன் பல கோரமுகங்களைக் கொண்ட பொது சமுதாயத்திற்கு வரும் போது நீங்கள் எதிர்பார்க்காத பல விசயங்கள் இருக்கும். இங்கு நன்றாக படித்தால்தான் சமுதாயத்தில் உள்ள சில மிருகங்களை எப்படி எதிர்கொள்வது என்ற, சமூக பாடத்தில் வெற்றி பெற முடியும். வாழ்க்கை தான் சிறந்த பாடங்களை கற்றுத்தரும். அதனை எளிதாக எடுத்துக் கொண்டும், யதார்த்த நிலையை உணர்ந்து கொண்டும் செயல்படவேண்டும். நேர்மறை சிந்தனை மற்றும் தன்னம்பிக்கையின் மூலம் வாழ்க்கையில் நீங்கள் நினைத்த உயர்ந்தநிலையை அடைய முடியும்’ என்றார். விழாவின் இறுதியில் சட்டமன்ற உறுப்பினர் டி ஆர் பி ராஜா அனைவருக்கும் நன்றி தெரிவித்தார்

நடிகை பாவனாவின் பாலியல் துன்புறுத்தல் வழக்கு சூடு பிடித்துவிட்டது. நடிகை என்பவள் இமேஜ் பார்ப்பாள். போலீசுக்கு போக மாட்டாள் என்று நம்பி செய்த ஒரு கெட்ட காரியம், இன்று சிறை வரைக்கும் கொண்டுபோய் தள்ளிவிட்டது கேரளாவின் சூப்பர் ஸ்டார்களில் ஒருவரான திலீப்பை.

தனது மனைவி மஞ்சு வாரியரை தன்னிடமிருந்து பிரிக்க காரணமாக இருந்தவர் பாவனாதான் என்று நினைத்த திலீப், பல்சர் சுனில் என்ற ரவுடியை தூண்டிவிட்டு அவரை கேங் ரேப்பில் ஈடு பட வைத்தார் என்பதுதான் வழக்கு. இதில் பலமான ஆதாரங்களை கைப்பற்றிய போலீஸ், திலீப்பின் மித மிஞ்சிய செல்வாக்கையும் பண பலத்தையும் தாண்டி அவரை கைது செய்திருப்பது போலீஸ் துறையின் மீதே பெருத்த மரியாதையை ஏற்படுத்தியிருக்கிறது. நேற்று மாலை கைது செய்யப்பட்ட திலீப் நீதிமன்ற காவலில் 14 நாட்கள் அடைக்கப்பட்டுள்ளார்.

இது ஒருபுறமிருக்க, இன்று கூடிய மலையாள சினிமா நடிகர்கள் சங்கம் திலீப்பை நடிகர் சங்கத்திலிருந்தே துரத்தியடித்திருக்கிறது. மம்முட்டி மோகன்லால் உள்ளிட்ட பெரும் நடிகர்களின் இந்த முடிவை கேரள மக்கள் கொண்டாடி மகிழ்கிறார்கள். நான் குற்றமற்றவன் என்று நிரூபிப்பேன் என்று திலீப் பேட்டி கொடுத்துவிட்டு சிறைக்கு சென்றாலும், இவரைப் போன்ற ஹீரோக்களுக்கு இமேஜ் முக்கியமல்லவா? இவ்வளவு பெரிய குற்ற வழக்கில் உள்ளே போனவருக்கு இந்த சமூகம் என்ன பொக்கே கொடுத்தா கவுரவிக்கப் போகிறது?

வெளியே வரும் திலீப், இன்னொரு என்.எஸ்.கே, மற்றும் தியாகராஜ பாகவதரின் வாழ்க்கையை பிரதிபலிப்பார் என்றே நம்புவோம்!

பின்குறிப்பு- திலீப்பின் இரண்டாவது மனைவியான காவ்யா மாதவன் குடும்பத்தோடு தலைமறைவாகிவிட்டார். அவரையும் போலீஸ் தேடிக் கொண்டிருக்கிறது.

நடிகை பாவனாவின் பாலியல் துன்புறுத்தல் வழக்கு சூடு பிடித்துவிட்டது. நடிகை என்பவள் இமேஜ் பார்ப்பாள். போலீசுக்கு போக மாட்டாள் என்று நம்பி செய்த ஒரு கெட்ட காரியம், இன்று சிறை வரைக்கும் கொண்டுபோய் தள்ளிவிட்டது கேரளாவின் சூப்பர் ஸ்டார்களில் ஒருவரான திலீப்பை.

தனது மனைவி மஞ்சு வாரியரை தன்னிடமிருந்து பிரிக்க காரணமாக இருந்தவர் பாவனாதான் என்று நினைத்த திலீப், பல்சர் சுனில் என்ற ரவுடியை தூண்டிவிட்டு அவரை கேங் ரேப்பில் ஈடு பட வைத்தார் என்பதுதான் வழக்கு. இதில் பலமான ஆதாரங்களை கைப்பற்றிய போலீஸ், திலீப்பின் மித மிஞ்சிய செல்வாக்கையும் பண பலத்தையும் தாண்டி அவரை கைது செய்திருப்பது போலீஸ் துறையின் மீதே பெருத்த மரியாதையை ஏற்படுத்தியிருக்கிறது. நேற்று மாலை கைது செய்யப்பட்ட திலீப் நீதிமன்ற காவலில் 14 நாட்கள் அடைக்கப்பட்டுள்ளார்.

இது ஒருபுறமிருக்க, இன்று கூடிய மலையாள சினிமா நடிகர்கள் சங்கம் திலீப்பை நடிகர் சங்கத்திலிருந்தே துரத்தியடித்திருக்கிறது. மம்முட்டி மோகன்லால் உள்ளிட்ட பெரும் நடிகர்களின் இந்த முடிவை கேரள மக்கள் கொண்டாடி மகிழ்கிறார்கள். நான் குற்றமற்றவன் என்று நிரூபிப்பேன் என்று திலீப் பேட்டி கொடுத்துவிட்டு சிறைக்கு சென்றாலும், இவரைப் போன்ற ஹீரோக்களுக்கு இமேஜ் முக்கியமல்லவா? இவ்வளவு பெரிய குற்ற வழக்கில் உள்ளே போனவருக்கு இந்த சமூகம் என்ன பொக்கே கொடுத்தா கவுரவிக்கப் போகிறது?

வெளியே வரும் திலீப், இன்னொரு என்.எஸ்.கே, மற்றும் தியாகராஜ பாகவதரின் வாழ்க்கையை பிரதிபலிப்பார் என்றே நம்புவோம்!

பின்குறிப்பு- திலீப்பின் இரண்டாவது மனைவியான காவ்யா மாதவன் குடும்பத்தோடு தலைமறைவாகிவிட்டார். அவரையும் போலீஸ் தேடிக் கொண்டிருக்கிறது.

நடிகை பாவனாவின் பாலியல் துன்புறுத்தல் வழக்கு சூடு பிடித்துவிட்டது. நடிகை என்பவள் இமேஜ் பார்ப்பாள். போலீசுக்கு போக மாட்டாள் என்று நம்பி செய்த ஒரு கெட்ட காரியம், இன்று சிறை வரைக்கும் கொண்டுபோய் தள்ளிவிட்டது கேரளாவின் சூப்பர் ஸ்டார்களில் ஒருவரான திலீப்பை.

தனது மனைவி மஞ்சு வாரியரை தன்னிடமிருந்து பிரிக்க காரணமாக இருந்தவர் பாவனாதான் என்று நினைத்த திலீப், பல்சர் சுனில் என்ற ரவுடியை தூண்டிவிட்டு அவரை கேங் ரேப்பில் ஈடு பட வைத்தார் என்பதுதான் வழக்கு. இதில் பலமான ஆதாரங்களை கைப்பற்றிய போலீஸ், திலீப்பின் மித மிஞ்சிய செல்வாக்கையும் பண பலத்தையும் தாண்டி அவரை கைது செய்திருப்பது போலீஸ் துறையின் மீதே பெருத்த மரியாதையை ஏற்படுத்தியிருக்கிறது. நேற்று மாலை கைது செய்யப்பட்ட திலீப் நீதிமன்ற காவலில் 14 நாட்கள் அடைக்கப்பட்டுள்ளார்.

இது ஒருபுறமிருக்க, இன்று கூடிய மலையாள சினிமா நடிகர்கள் சங்கம் திலீப்பை நடிகர் சங்கத்திலிருந்தே துரத்தியடித்திருக்கிறது. மம்முட்டி மோகன்லால் உள்ளிட்ட பெரும் நடிகர்களின் இந்த முடிவை கேரள மக்கள் கொண்டாடி மகிழ்கிறார்கள். நான் குற்றமற்றவன் என்று நிரூபிப்பேன் என்று திலீப் பேட்டி கொடுத்துவிட்டு சிறைக்கு சென்றாலும், இவரைப் போன்ற ஹீரோக்களுக்கு இமேஜ் முக்கியமல்லவா? இவ்வளவு பெரிய குற்ற வழக்கில் உள்ளே போனவருக்கு இந்த சமூகம் என்ன பொக்கே கொடுத்தா கவுரவிக்கப் போகிறது?

வெளியே வரும் திலீப், இன்னொரு என்.எஸ்.கே, மற்றும் தியாகராஜ பாகவதரின் வாழ்க்கையை பிரதிபலிப்பார் என்றே நம்புவோம்!

பின்குறிப்பு- திலீப்பின் இரண்டாவது மனைவியான காவ்யா மாதவன் குடும்பத்தோடு தலைமறைவாகிவிட்டார். அவரையும் போலீஸ் தேடிக் கொண்டிருக்கிறது.

ஒரு திரைப்படம் உருவாகும் முன்பு அதற்கான ப்ரீ-ப்ரொடக்‌ஷன் என்பது முக்கியம். மிக எளிமையான படம் எடுக்கும் போது கூட அதற்கான முன் தயாரிப்பு வேலைகள் முக்கியம் எனும் போது, ஆயிரக்கணக்கான நடிகர்கள், க்ரீன் மேட், பீரியட் ஃபிலிம், கற்பனையாக எழுதிய வரலாற்றுக் கதையை நிஜமாகவே நடந்தது போன்ற ஒரு காட்சிப்படுத்தலின் அவசியம் என பல பொறுப்புகள் உள்ள படத்தை உருவாக்குவதற்கு எத்தனை திட்டமிடலும் எவ்வளவு மெனக்கெடலும் தேவைப்படும்? அப்படி மனித உழைப்பை சலிக்காது தின்று செரித்த படமான ராஜமௌலியின் 'பாகுபலி த பிகினிங்' வெளியாகி இன்றோடு இரண்டு வருடங்கள் ஆகிறது.

பாகுபலி கதை நமக்குத் தெரியும். பாகுபலி துவங்கிய கதை அதையும் விட சுவாரஸ்யமானது. கதாசிரியர் விஜயேந்திர பிரசாத் ராஜமௌலியிடம், ஒரு பெண் ஆற்று நீரில் மூழ்கியபடி கையில் ஒரு குழந்தையைத் தாங்கிக் கொண்டே வருகிறாள் அவள்தான் சிவகாமி எனச் சொல்கிறார். சில வருடங்களுக்குப் பிறகு கட்டாப்பாவின் கதாபாத்திரம் பற்றி சொல்கிறார். இப்படியே ஒவ்வொரு கதாபாத்திரம் பற்றி கேட்டு கேட்டு ஒரு கட்டத்தில் இந்தக் கதை மீது மிகுந்த ஆர்வமாகும் ராஜமௌலி, முழுக்கதையையும் எழுதச் சொல்கிறார். மூன்று மாதத்தில் கதை வடிவமாக பாகுபலி ரெடி. இங்கிருந்து இதைப் படமாக மாற்றும் வேலைகள் அத்தனை சுலபமானதா என்ன, படத்தின் ஒவ்வொரு கதாபாத்திரத்தையும் எழுதுகிறார்கள். பாகுபலி என்றால் அவன் எப்படிப்பட்டவன்? என்ன கேள்விகேட்டால் எப்படி பதில் சொல்வான் என்பது துவங்கி அவனுக்கு என இருக்கும் பின்புலக் கதைவரை அனைத்தையும் தயார் செய்கிறார்கள். 15,000க்கும் அதிகமான ஸ்டோரி போர்டுகள் வரையப்படுகிறது.

ஒரு பக்கம் குதிரை ஏற்றம், வாள்வீச்சு என நடிகர்கள் பயிற்சி பெறுகிறார்கள், இன்னொரு பக்கம் சாபு சிரில் தலைமையில் மகிழ்மதி வாயில் துவங்கி போர்களத்தில் பயன்படுத்தும் வாள்கள் வரை அத்தனையும் தயாராகிறது. சரி மிகப் பெரிய பட்ஜெட் படம். கண்டிப்பாக இதை எப்படியும் செலவு செய்து எடுத்துவிட முடியும். ஆனால், எப்படி வியாபாரம் செய்வது, எப்படி லாபம் பெருவது. நஷ்டமடைந்தால் திரும்பி எழவே சிரமமான காரியமாக இருக்கும். பின்பு வெளியாகப் போகும் பாகுபலி 2வையும் இது பாதிக்கும். ராஜமௌலி தன் தயாரிப்பாளர்களில் ஒருவரான ஷோபுவிடம் பேசுகிறார். ஷோபு கொஞ்சமும் பதற்றமில்லாமல் ஒரு பதில் சொல்கிறார். "பட்ஜெட் பெருசுதான், அதுக்காக படம் எடுக்காம இருக்க முடியாது. ஆனா, ஒரு வழி இருக்கு. பட்ஜெட்டுக்கு ஏற்ற மாதிரி வியாபாரத்தையும் பெருசு பண்ணுவோம். அனிமேஷன், வீடியோ கேம்ஸ், டிவி சீரிஸ், காமிக்ஸ்னு எல்லா விதத்திலும் சந்தைப்படுத்துவோம். எல்லா மொழிகள்லையும் படத்தைக் கொண்டு சேர்ப்போம்"

அவ்வளவுதான் ராஜமௌலிக்கு மீண்டும் பிறக்கிறது உற்சாகம். குதிரை ஏற்றமோ, குளிர்ந்த நீருக்கு அடியில் ஷூட்டிங்கோ எதுவாக இருந்தாலும் முதலில் தான் இறங்கி முயற்சிக்கிறார். ஆம், திரையில் பாகுபலி செய்த எல்லாவற்றையும் தானும் முயல்கிறார். பிறகு படக்குழுவுக்கு அதை எப்படி கையாளவேண்டும் எனக் கற்றுத்தருகிறார். இப்படியாக மெல்ல மெல்ல மகிழ்மதி சாம்ராஜ்யத்தை தன் குழுவினருடன் கட்டி எழுப்புகிறார். ஒரு பாகமாக எடுக்க நினைத்து, படம் எடுத்துக் கொண்டிருக்கும் போதே இரண்டு பாகம் இருந்தால்தான் முழுக்கதையும் சொல்ல முடியும், இல்லை என்றால் நான் விரும்பியதை முழுமையாகக் கொண்டுவர முடியாது என நினைக்கிறார். ஒரே மூச்சாக இரண்டு பாகங்களையும் முடித்து, முதல் பாகம் வெளியாகி நான்கு மாத இடைவெளியில் இரண்டாம் பாகத்தையும் வெளியிடத் திட்டமிடுகிறார். ஆனால், அதில் முக்கால் கிணறுதான் தாண்ட முடிகிறது. ஆனால், ராஜமௌலிக்கு தன் உழைப்பு மேல் அசைக்க முடியாத நம்பிக்கை இருந்தது. முதல் பாகத்தை வெளியிடுகிறார். க்ளைமாக்ஸைப் பார்த்து மிரண்டு நின்றது திரையுலகம். 'கட்டப்பா ஏன் பாகுபலியைக் கொன்றார்' என்ற கேள்வி ட்ரெண்டாகிறது. ‘நல்லா இருக்கீங்களா? சாப்பிட்டீங்களா?’ போல எல்லாருடைய உரையாடல்களிலும் ‘பாகுபலிய ஏன் கட்டப்பா கொன்னான்?’  இடம் பெறுகிறது.  பெரிய பரபரப்பை உருவாக்குகிறது.

அதற்கு பதிலாக இரண்டாம் பாகத்தையும் வெளியிட்டு பாக்ஸ் ஆஃபீசை அடித்து துவம்சம் செய்கிறார். "முதல் பாகத்தில் ஏற்றியிருந்த எதிர்பார்ப்புதான் என் இரண்டாம் பாகத்திற்கான மூலதனம். கண்டிப்பா ஆடியன்ஸ் வந்திடுவாங்க" என அசாத்திய தைரியத்தில் இருக்கிறார் ராஜமௌலி. அவரின் தைரியம் நிஜமாகிறது. உலகம் முழுக்க ஆயிரம் கோடிக்கும் மேல் வசூல் செய்து கால்மேல் கால் போட்டு அமர்கிறது பாகுபலி. "அப்படி என்ன பாகுபலி சிறந்த படம்? அதுல என்ன சொல்லிட்டாங்க, வெறும் பிரமாண்டம் மட்டும்தான் இருக்கு" என்ற நெகட்டிவ் விமர்சனங்களும் எழத்தான் செய்தது. உண்மையில் நம் சினிமாவின் எல்லை, வியாபாரச் சாத்தியங்கள் எல்லாவற்றிற்குமான வழியை வெளிச்சம் போட்டுக் காட்டியிருக்கிறது பாகுபலி மற்றும் பாகுபலி 2. அந்த வகையில் அது தவிர்க்கவே முடியாத சினிமாவாகிறது.

பரிசோதனை முயற்சிகளின் மீது, பாகுபலி பட்ஜெட்டையும், வசூலையும் விட பெரிய அளவில் நம்பிக்கை உள்ளவர் ராஜமௌலி. மகதீராவும், 'ஈகா'வும் பாகுபலிக்கான பரிசோதனை முயற்சிகள் என்று டோலிவுட்டில் அடிக்கடிச் சொல்லப்படும். எனக்குத் தெரிந்து பாகுபலியே, மகாபாரதம் எடுப்பதற்காக ராஜமௌலி செய்த பரிசோதனை முயற்சி என்றுதான் தோன்றும்.

ராஜமௌலி: "இந்தப் படத்தை ஏன் எடுத்தேன் தெரியுமா?"

விஜயேந்திர பிரசாத்: "ஏன்?"

ராஜமௌலி: "என் வாழ்நாள் லட்சியமே மகாபாரதத்தை எடுப்பதுதான். அதற்கு முன்னோடி இந்த பாகுபலி. என்னை நான் பரிசோதித்துக் கொள்ள விரும்புகிறேன். இதில் நான் வென்றுவிட்டால், கண்டிப்பாக என்னால் மகாபாரதத்தை எடுக்க முடியும், எடுப்பேன்"

பாகுபலி படப்பிடிப்பு சமயத்தில் இயக்குநர் ராஜமௌலிக்கும் அவரது தந்தையும், கதாசிரியருமான விஜயேந்திர பிரசாத்துக்கும் இடையேயான உரையாடல் இது. 'மகாபாரதம்' மூலம் கண்டிப்பாக இன்னும் பல கதவுகளைத் திறப்பார் என நம்பலாம். ஜெய் ராஜமௌலி!

ஒருவரது இதயம் பலவீனமாக உள்ளது அல்லது அவருக்கு ஓரிரு மாதங்களில் மாரடைப்பு ஏற்படலாம் என்பதை வெளிப்படுத்தும் அறிகுறிகள் சிலவன இருக்கின்றன. இதை வைத்து முன்கூட்டிய நாம் பாதுகாப்பாக இருந்துக் கொள்ள வேண்டும். மாரடைப்புக்கு மட்டுமல்ல, நமது உடலில் எந்த ஒரு நல்ல, தீய மாற்றங்கள் ஏற்பட்டாலும் அதை குறித்து நமது உடல் ஒருசில அறிகுறிகளை வெளிப்படுத்தி நம்மை ஜாக்கிரதையாக இருக்க சொல்லி வலியுறுத்தும். இனி, ஒருவருக்கு மாரடைப்பு வர போகிறது என ஒரு மாதத்திற்கு முன்னரே வெளிப்படும் அறிகுறிகள்…

மிகையான மயக்கம்!

மாரடைப்பு ஏற்பட போகிறது என்பதை வெளிப்படுத்தும் முதல் அறிகுறியே இதுதான். மிகையான மயக்கம். தொடர்ந்து நாள் முழுதும் வேலை செய்து கொண்டே இருந்தால் இந்த மயக்க நிலை தென்படுவது இயல்பு. ஆனால், பெரிதாக எந்த வேலையும் செய்யாத போதும் தொடர்ந்து இந்த மயக்க நிலை தென்படுவது மாரடைப்பிற்கான அறிகுறியாகும். நீங்கள் இதை உணர்ந்தால் உடனடியாக மருத்துவரிடம் பரிசோதனை செய்துக் கொள்ள வேண்டியது அவசியம்.

தூக்க கோளாறுகள்!

இரண்டாவதாக காணப்படும் அறிகுறி தூக்க கோளாறுகள். மாரடைப்பு ஏற்பட போகிறது என்ற சூழல் உங்களை நெருங்கும் போது, அதன் காரணத்தால் தூக்க கோளாறுகள் உண்டாகும். சரியாக தூக்கமே வராது. தூங்கிக் கொண்டிருக்கும் போது அடிக்கடி விழிப்பு ஏற்படும், நள்ளிரவில் அடிக்கடி சிறுநீர் கழிக்க எழுவீர்கள் அல்லது நள்ளிரவில் அதிக தாகம் எடுக்கும். பொதுவாக உங்களுக்கு இந்த எந்த கோளாறும் இல்லாமல், திடீரென எப்படி சில மாற்றங்கள் காண துவங்கினால் நீங்கள் கட்டாயம் மருத்துவரை காண வேண்டும்.

மூச்சு திணறல்!

முன்பு இல்லாமல் திடீரென மூச்சு திணறல் உண்டாவது மூன்றாவது மாரடைப்பு அறிகுறியாக காணப்படுகிறது. ஒருவேளை உங்களுக்கு இதய கோளாறுகள் இருந்தால் தான் திடீரென இந்த மூச்சு திணறல் கோளாறு ஏற்படும். உங்கள் இதயத்திற்கு போதுமான அளவு ஆக்ஸிஜன் கிடைக்கவில்லை என்றால் தான் இந்த மூச்சு திணறல் கோளாறு தென்படும்.

அஜீரணம்!

மற்றுமொரு மாரடைப்பு அறிகுறியாக இருப்பது செரிமான கோளாறு, அஜீரணம். எப்போதுமே வயிற்றில் ஏதோ சத்தம் உண்டாவது போன்ற உணர்வு ஏற்படுவது இயல்பாக எடுத்துக் கொள்ள கூடாது. மேலும், சில சமயங்களில் காரமான, மசாலா அதிகம் கலந்த உணவு அல்லது கடினமான உணவுகள் உட்கொண்டால் கூட இந்த உணர்வு தென்படலாம்.

பதட்டம்!

எப்போதும் இல்லாமல் திடீரென நீங்கள் மிக பதட்டமாக அல்லது படபடப்பாக உணர்கிறீர்கள் என்றால், உடன மருத்துவரை கண்டு பரிசோதனை செய்துக் கொள்ளுங்கள். இதுவும் மாரடைப்பு ஏற்படுவதை முன்கூட்டியே வெளிப்படுத்தும் அறிகுறி தானாம்.

உடல் சோர்வு!

எப்போதும் உடல் சோர்வாக வலிமை இன்றி காணப்படுவது அல்லது தோள்ப்பட்டை கனமாக இருப்பது போன்ற உணர்வு ஏற்படுவது. உங்கள் இதயத்திற்கு சரியான அளவு ஆக்ஸிஜன் செல்லாவிட்டால். தண்டுவடத்தில் மற்றும் இதயத்திற்கு இடையே இருக்கும் நரம்புகளில் ஏற்படும் தாக்கத்தால், நீங்கள் தோள்பட்டை வலி உணர வாய்ப்புகள் உள்ளன.