என் புத்தகம்

என்னை "வருது, வருது" என்று ரெண்டு பேர் தான் உரிமையோடு அழைப்பார்கள். ஒருவர் என் இயக்குனர் சிகரம் கே பாலசந்தர். அடுத்தது என் பெருமைக்குரிய நண்பன் கிரேஸி மோகன் என்று நடிகர் டிவி வரதராஜன் தெரிவித்துள்ளார்.

இது குறித்து அவர் தனது ஃபேஸ்புக் பக்கத்தில் கூறியிருப்பதாவது,

வாய்விட்டு சிரித்தால் வாழ்வாங்கு வாழலாம் என்கிறார்களே.

சிரிப்பவர்களுக்கு மட்டும் தானா அது.. சிரிக்க வைப்பவர்களுக்கு இல்லையா இறைவா ...

கிரேஸி மோகனின் மறைவுச் செய்தியைக் கேட்டவுடன் எனக்குள் எழுந்த ஆதங்கம்

அப்பொழுதுதான் திருப்பதி திருமலை அடைகிறேன். மோகனின் மறைவுச் செய்தி உண்மையா என்று பலர் எனக்கு தொலைபேசியில் அழைக்கிறார்கள். எனக்கு மிகப்பெரிய அதிர்ச்சி. காந்தனை தொடர்பு கொண்டபோது பதில் பேசவில்லை; அழுதார். புரிந்து கொண்டேன். அதற்குப்பிறகு திருப்பதியில் தரிசனம் செய்ய எனக்கு விருப்பமில்லை உடனே சென்னை புறப்பட்டுவிட்டேன்.

நாங்கள் பிறப்பதற்கு முன்பே, எங்கள் இருவரின் பெற்றோர்கள் 1945-1950 காலகட்டத்தில் மைலாப்பூரில் அடுத்த அடுத்த இல்லத்தில் வசித்தவர்கள்; நன்கு அறிந்தவர்கள். மோகன் தாத்தா அடிக்கடி அந்த நினைவுகளை பகிர்ந்துகொள்வார்.

மோகனும், நானும் நாடக மேடையில் சம காலத்தவர்கள். என் நண்பர் சீனாவின் தயாரிப்பில் முதன் முதலாக நாங்கள் மேடையேறிய 1975ல் தான் கிரேஸி தீவ்ஸ் இன் பாலவாக்கம் நாடகம் மூலமாக, ஆர்.மோகன், கிரேஸி மோகனாக அவதாரம் பெற்றார். 1978ல் நண்பர் சீனாவும், நானும் மோகனை சந்தித்து எங்கள் குழுவுக்கு ஒரு நாடகம் எழுதித் தரும்படி கேட்டோம். மோகனோ, தானே ஒரு நாடகக் குழு ஆரம்பிக்கவிருப்பதாகவும், அதில் தான் தயாரிக்கும் முதல் நாடகத்தில் கதாநாயகனாக நான் நடிக்க வேண்டும் என்றும் எனக்கு வேண்டுகோள் விடுத்தார். பிறகு எங்கள் குழுவுக்கு ஒரு நாடகம் எழுதிக் கொடுப்பதாக உறுதியளித்தார்.

இன்றைய க்ரேஸி க்ரியேஷன்ஸின் பூர்வாஸ்ரம பெயர் "விநாயகா அமெச்சூர் ஆர்டிஸ்ட்ஸ்.'. கோணி மூட்டையையும், ஜெயராமனையும் சுற்றி கதை வலம் வந்ததால், முதலில் இதற்கு "கோணி ஜெயராம்" என்றுதான் பெயர் வைத்தோம். அப்பொழுது வாணி ஜெயராம் பாடகராக பிரபலமான நேரம். ஆகவே வேண்டாம் என்று அந்த நாடகத்திற்கு "கொல்லத்தான் நினைக்கிறேன்" என்று நாமகரணம் செய்தோம்.. .அதில் எனது கதாபாத்திரம் பாட்டு வாத்தியார் ஜெயராமன். இன்றும் நான் பெருமையாகச் சொல்லிக்கொள்வது கிரேஸி மோகன் குழுவின் முதல் கதாநாயகன் நான் தான் என்று... எவ்வளவோ நடிகர்கள் மேடையில் நடிக்கக் காத்துக் கொண்டிருந்த காலத்தில், மோகன் எனக்கு அந்த பெருமையைக் கொடுத்ததை நான் என்றும் நினைவு கூர்வேன். அந்த நாடகமே பிற்காலத்தில் சிறிய மாற்றங்களுடன் "மிடில் கிளாஸ் மர்டர்" என்று புதிய வடிவத்தில் கிரேஸி கிரியேஷன்ஸ் குழுவினரால் வெற்றிகரமாக மேடையேற்றப்பட்டது.

எங்களுக்கு அளித்த வாக்குறுதிபடி, 36 பீரங்கி லேன் என்ற நாடகத்தை நண்பர் சீனாவிற்கும், எனக்கும் மோகன் அளித்தார். எங்கள் நாடக வாழ்க்கையில் இது மிகப்பெரிய மைல் கல்.

அப்பொழுது மோகன், அம்பத்தூரில் சுந்தரம் க்ளேடன் நிறுவனத்தில் பணியாற்றிக் கொண்டிருந்தார். காலை ஏழு மணிக்கே வீட்டிலிருந்து புறப்பட்டுவிடுவார். போகும் வழியில் சீனா வீட்டில் அன்று தான் எழுதிய ஒரு காட்சியின் வசனப்பிரதியைக் கொடுத்துவிட்டுப் போவார். சீனாவும் நானும் அப்பொழுது பாங்க் ஆப் இந்தியாவின் கதீட்ரல் ரோடு கிளையில் பணியாற்றிக் கொண்டிருந்தோம். அந்த காட்சியை அவர் வங்கிக்கு எடுத்துக் கொண்டு வருவார். இருவரும் அதைப் படித்து, படித்து சிரித்துக் கொண்டே இருப்போம்.

மாலை வீடு திரும்போது மோகன் எங்கள் வங்கிக்கு வருவார். "தினமும் அம்பத்தூருக்கு ஸ்கூட்டரில் சென்று வருவது ரொம்ப அலுப்பாக இருக்கிறது. உங்க பேங்குல ஒரு ப்யூன் வேலை வாங்கி குடுங்களேன். வவுச்சரையும் கொண்டு குடுக்கறேன். அப்படியெ இந்த ஸ்டூல்ல உக்காந்து ஸ்கிரிப்டும் எழுதிடுவேன்" என்று நகைச்சுவையோடு சொல்லுவார்.

குறைந்த பட்சம் ஒரு காட்சி 100 பக்கமாவது இருக்கும். ஒரு நகைச்சுவை சம்பவத்தை வைத்து மோகன் ஒரு காட்சி எழுதினால், அதற்கு மேல் யாராலும் அதில் இன்னொரு நகைச்சுவை வசனத்தையோ சம்பவத்தையோ நினைத்துக் கூட பார்க்கமுடியாது. அந்த அளவுக்கு முழு பரிமாணம் அதில் அடங்கிவிடும்.

36 பீரங்கி லேன் நாடகம் மிகக்குறுகிய காலத்தில், அதாவது நான்கு அல்லது ஐந்து மாதங்களில் நூறு காட்சிகளைக் கொண்டாடியது. நூறாவது காட்சி விழா ராணி சீதைஹாலில், இயக்குனர் பாரதிராஜா தலைமையில் நடைபெற்றது. மோகனின் நகைச்சுவையைப் பாராட்டும் போது, பாரதிராஜா , "இவரது நாடகங்களைப் பார்க்க வேண்டும் என்று நினைக்க வேண்டாம். கண்ணை மூடிக்கொண்டு கேட்டாலே போதும், சிரிக்கலாம்" என்றார். மோகன் பதிலளிக்கும்போது, "என்னதான் கேட்டாலும், அந்த வசனங்களை நடிகர்கள் ஏற்ற இறக்கங்களோடு நடித்தால் தான் சிறக்கும்" என்றார். மறுநாள் பத்திரிகைகளில், 36 பீரங்கி லேன் நாடக விழா.. பாரதிராஜா கிரேஸி மோகன் மோதல் என்று தலைப்பிட்டு, ஒரு சாதாரண கருத்துப் பரிமாற்றத்தை பரபரப்பாக்கிவிட்டார்கள்.

மோகனின் எழுத்துக்கள் சிரஞ்சீவித்தனம் வாய்ந்தவை என்பதற்கு 36 பீரங்கி லேன் மிகப்பெரிய உதாரணம். இந்த நாடகத்தை எங்கள் குழுவே 100 காட்சிகளுக்கு மேல் மேடையேற்றியது. பின்னர் அதே நாடகம், "கல்யாணத்துக் கல்யாணம்" என்ற பெயரில் நாங்களே நடிக்க, சென்னைத் தொலைக்காட்சியில் தொடராக ஒளிபரப்பாகியது. பின்னர் நாடக மேடையில் நாங்கள் சற்று ஓய்வெடுக்க, மோகன் வேண்டுகோளுக்கிணங்க அதே நாடகத்தை அவரது குழுவினர் "அன்புள்ள மாதுவுக்கு" என்று நூற்றைம்பது காட்சிகளுக்கு மேல் மேடையேற்றினார்கள். ஆம் மோகனின் வசனங்கள் எந்த காலத்திலும் சிரிக்க வைக்கும் என்பதற்கு இதுவே மிகப்பெரிய உதாரணம்.

மோகன், பாலாஜி மற்றும் அவரது குடும்பத்தாருடன் எங்கள் பயணம் மிகவும் சுவையானது. மோகனின் வெற்றிக்கு பெரிய பலம் அவரது தாத்தா. சில நேரங்களில் அவரது தாத்தாவை சந்திந்து அவருடன் பேசவே நாங்கள் அவர் வீட்டுக்கு சென்றிருக்கிறோம்.

"மைக்கேல் மதன காமராஜன்" படத்தில் ஒரு காட்சி எங்கள் திருவல்லிக்கேணி இல்லத்தில் படமாக்கப்பட்டதற்கு மோகன் தான் காரணம். கோயில் பின்னணியில் அந்த காட்சியை படமாக்க வேண்டும் என்று கமல் விரும்பியபோது, மோகன் எங்கள் திருவல்லிக்கேணி வீட்டிற்கு கமலை அழைத்து வந்துவிட்டார். கமலுக்கு எங்கள் வீடு ரொம்ப பிடித்து விட்டது. கமலும் ஹிந்து உயர்நிலைப்பள்ளியில் என் தகப்பனாரிடம் சில காலம் படித்த மாணவர் என்பதால், என் தந்தை ஒப்புக்கொண்டார். அந்த காட்சி தொடக்கத்தில் ஒரு மளிகைக் கடையில் மோகன் பேசுவதும், அதைத் தொடர்ந்து, கமல் ஊர்வசி சம்பந்தப்பட்ட காட்சிகளும் எங்கள் வீட்டில் படமாக்கப்பட்டது தான்.. மோகனும் கமலும் அந்த காட்சியை நகைச்சுவையால் சிறப்பாக்கியதைக் கண்ட நாங்கள், நம்ம மோகன், நம்ம கமல் என்று பெருமையாக சொல்லத் தொடங்கினோம். இந்த படப்பிடிப்பின்போது எங்க அம்மா தங்களுக்குத் தெரிந்தவர்களுக்கெல்லாம் போன் செய்து வரச்சொல்லியதை, என்னைப் பார்க்கும் போதெல்லாம் மோகன் தனக்கே உரிய நகைச்சுவையுடன் சொல்லுவார்.

எப்படியாவது இன்னொரு நாடகம் மோகனிடம் பெற்று மேடையேற்றவேண்டும் என்பது எனக்கு நீண்ட நாள் அவா. ஆனால் அந்த நேரத்தில் சினிமாக்களில், குறிப்பாக, கமலுடன் பல படங்களில் பணியாற்றிக் கொண்டிருக்கும்போது, அவரது குழுவிற்கே நாடகம் எழுத அவருக்கு நேரம் இல்லாத போது, நாம் எப்படி அவரைத் தொந்தரவு செய்யமுடியும்..

அடிக்கடி மோகன் என் வீட்டிற்கு போன் பண்ணுவார். அவர் எழுதிய வெண்பாக்களை ஈ மெயிலில் அனுப்புவார். ஆன்மீக சந்தேகங்களைத் தீர்த்துக்கொள்ள என் தம்பி தாமல் ராமகிருஷ்ணனிடம் பேசுவார். ஒவ்வோரு முறை போன் பண்ணும்போதும், 'வருது உன் அண்ணா இருக்காரா... ஒரு சந்தேகம். அவர் உனக்கு அண்ணாவா இல்ல தம்பியா" என்று கேட்காமல் இருந்ததில்லை.

எங்கள் குழுவின் நாடகங்களை பார்க்க வருவார். சோவின் "என்று தணியும் இந்த சுதந்திர தாகம்" நாடகத்தைப் பார்த்துவிட்டு, இது போன்ற புகழ்பெற்ற சாதனையாளர் மேடையேற்றிய நாடகத்தை மீண்டும் அதன் பெருமை குலையாமல் மேடையேற்ற ஒரு தைரியம் வேண்டும் வரது. பாராட்டுக்கள் என்றார். ஶ்ரீ தியாகராஜர் இசை நாடகம் நாங்கள் யாருமே நினைத்துக்கூட பார்க்க முடியாத ஒன்று.. உனக்கு சிகரம் என்று புகழ்ந்தார்.

ஒராண்டுகளுக்கு முன்பாக என்னை பாரதிய வித்யா பவன் மேடையில் நெகிழவைத்தார். 'நம்ம வரது தியாகராஜர் நாடகம் மூலமாக ஒரு பெரிய சாதனை படைக்கிறான். ஆனா அவன் நல்ல நகைச்சுவை நடிகன்,. இப்படியே ஆன்மீக நாடகமா போயிடக்கூடாது. அதுக்காகவே, என்னோட அடுத்த டிராமா நான் நம்ம வரதுவுக்குத் தான் எழுதப்போறேன். சாக்லேட் கிருஷ்ணா மாதிரி ஒரு சூப்பர் ஹிட் நகைச்சுவை நாடகம் அவனுக்குக் குடுக்கப் போறேன்' அப்படீன்னு பேசினார்.. அன்று வந்திருந்த நாடகத்துறை சம்பந்தப்பட்டவர்கள் அனைவரும், எனக்கு வாழ்த்து சொல்லத் தொடங்கிவிட்டார்கள். நான் மறு நாள் மோகனை இல்லத்தில் சந்தித்து நன்றி தெரிவிக்கும் போது, இப்படி சொன்னேன்.

" மோகன் நேற்று மேடையில என்னையே நான் மறந்துபோனேன். நீ இருக்கற பிஸியில் உன் குழுவுக்கு நாடகம் எழுதறதுக்கே நேரமில்லை; இதுல எனக்கு அடுத்த நாடகம் குடுக்கணும்னு உன் மனசுல தோணி அதை ஒரு பொதுமேடையில சொன்னதே எனக்கு பெரிய அங்கீகாரம். எனக்கு ஒரு ஸ்கிரிப்டும் கொடுத்தா அது என் பாக்கியம்" அப்படின்னேன். "இல்லடா வரது நிச்சயம் ஒரு ஸ்கிரிப்ட் உண்டு உனக்கு" அப்படீன்னார். தொடர்ந்து சொன்னது தான் எனக்கு நெகிழ்ச்சி ஏற்படுத்தியது.

' வரது, ரஜினி நடித்த ராகவேந்திரர் படத்திற்கு முதல்ல நான் தான் கதை வசனம் எழுத முடிவானது. அதற்காக நான் நிறைய ஆராய்ச்சி செய்து ஒரு பெரிய ஸ்க்ரிப்ட் பண்ணத் தொடங்கினேன். அந்த பைல் என்கிட்ட இருக்கு. நீ தியாகராஜர் நாடகம் பண்ணி இது போல மோகனும் நாடகம் பண்ண முடியும்னு ப்ரூவ் பண்ணு. இதை படி. ஓகேன்னா, இதுக்கு தேவையான வசனங்களையும், பாடல்களையும் எழுதித் தரேன். ஆனா ஒண்ணு நிச்சயமா உனக்கு என் காமெடி டிராமா உண்டு. இதுக்கும் அதுக்கும் எந்த சம்பந்தமுமில்லேன்னு சொல்லி அந்த ராகவேந்திரர் பைலை என்கிட்ட குடுத்தார். மிகச்சிறப்பான உருவாக்கம். அதற்கு வசனங்களும், கவிதைகளும் எழுத ஏற்பாடுகள் செய்யலாம்னு முடிவெடுக்கும்போது, மோகன் மறைந்துவிட்டார்.,. நான் மட்டுமல்ல, எங்க குழு குடுத்துவைச்சது அவ்வளவுதான்.

அவருக்கு அஞ்சலி செலுத்த சென்றபோது, அவருக்கு செட் போடும் குமார் ஷண்முகம் சொன்னது கண்ணீரை வரவழைத்துவிட்டது. இவர்கள் மோகனிடம் "வரதராஜன் சாரின் துக்ளக் தர்பார் நாடகம் பாத்தீங்களா சார்"என்று கேட்டார்களாம். "இல்லப்பா. பாலாஜி பாத்துட்டு ரொம்ப பிரமாதமா இருக்குண்ணான். பாக்கணும். அதுக்கு முன்னாடி வருதுக்கு ஒரு காமெடி ஸ்கிரிப்ட் குடுக்கணும் அந்த கமிட்மெண்ட் இருக்குன்னு" சொன்னாராம்.

எனக்கும் ஒரு ஆசை இருக்கு. நான் நடித்த மோகனின் இரண்டு நாடகங்களில் - அதாவது "கொல்லத்தான் நினைக்கிறேன்" அல்லது

"36 பீரங்கிலேன்" இரண்டில் ஒன்றையாவது மேடையேற்றி, எங்கள் யுனைடெட் விஷுவல்ஸ் குழுவினரின் வெள்ளிவிழா ஆண்டில் எங்கள் நட்புக்கு காணிக்கையாக்க விரும்புகிறேன்.

மோகன் எல்லாருக்கும் நண்பர். யாரைப் பற்றியும் தவறாகப் பேசமாட்டார். எல்லாரையும் ஊக்கப்படுத்துவார். நகைச்சுவையும், இறை பக்தியும், ஆன்மிகமும், உண்மையான அன்பும் அவரது குணாதியங்கள். அவரது பலம் அவரது குழுவினர். அவரது வெற்றிக்கு அடித்தளம் கூட்டுக்குடும்ப வாழ்க்கை, வேறுபாடு இல்லாமல் நட்பு பாராட்டுவது. புகழின் உச்சியில் இருந்தாலும், அதை தன் உள்ளே கனமாக ஏற்றிக்கொள்ளாமல் இருந்தது..

என்னை "வருது, வருது" என்று ரெண்டு பேர் தான் உரிமையோடு அழைப்பார்கள். ஒருவர் என் இயக்குனர் சிகரம் கே பாலசந்தர். அடுத்தது என் பெருமைக்குரிய நண்பன் கிரேஸி மோகன்.

மோகனுக்கு அஞ்சலி செலுத்தும்போது, என்னை "வருது வருது" என்று மோகன் அழைப்பது என் காதில் ஒலித்துக்கொண்டே இருந்தது. இருக்கிறது. அது நிரந்தரமாக ஒலித்துக்கொண்டேயிருக்கும்.

மறைந்தாலும் நிரந்தரமாக வாழ்பவர்கள் ஒரு சிலரே.

அந்த வரிசையில் உயரிய இடத்தைப் பெற்றிருக்கிறார் மோகன்.

வாழ்க நீ எம்மோகன், இவ்வையகம் கடந்தும் வாழியவே என்று வரதராஜன் தெரிவித்துள்ளார்.

ஆரோக்கியமான வாழ்விற்கு ஆரோக்கியமான உணவுமுறைதான் அடிப்படை ஆகும். நாம் ஆரோக்கியமாக வாழ நமது உடல் எடை கட்டுப்பாட்டிற்குள் வைத்துக்கொள்ள வேண்டியது அவசியமாகும். உடல் எடையை கட்டுப்பாட்டிற்குள் வைத்திருக்க உலகம் முழுவதும் பல டயட்கள் பின்பற்றப்பட்டு வருகிறது. அதில் முக்கியமான ஒரு டயட் யோகர்ட் டயட் ஆகும்.

இந்த யோகர்ட் டயட் உங்களுடைய ஒட்டுமொத்த வயிற்றின் ஆரோக்கியத்தையும் பாதுகாப்பதுடன் உங்களுக்கு எடை குறைப்பிலும் உதவும். யோகர்டுடன் ஊட்டச்சத்துக்கள் நிறைந்த காய்கறிகள், பழங்கள் மற்றும் புரோட்டின் உணவுகளை 7 நாட்கள் தொடர்ந்து சாப்பிட்டால் அது உங்கள் உடலில் ஆரோக்கியமான பாக்டீரியாக்களின் எண்ணிக்கையை அதிகரிப்பதுடன், எடை குறைப்பிற்கு உதவும். இந்த பதிவில் யோகர்ட் டயட்டை எப்படி பின்பற்ற வேண்டும் என்று பார்க்கலாம்.

யோகர்ட்

யோகர்ட் என்பது பாலில் இருந்து சில பாக்டீரியாக்கள் சேர்த்து புளிக்க வைக்கப்பட்டு தயாரிக்கப்படும் பால் சார்ந்த ஒரு பொருளாகும். பொதுவாக யோகர்ட்டை உங்கள் உணவில் சேர்த்து கொள்வது உங்கள் டயட்டின் சிறந்த பகுதியாகும். அதற்கு காரணம் இதிலிருக்கும் ப்ரோபையோட்டிக்ஸ், வைட்டமின்கள் மற்றும் புரோட்டின்கள் ஆகும். ஒரு கப் யோகர்ட்டில் 100 கலோரிகளும், 6 கிராம் கார்போஹைட்ரேட்டும், 17 கிராம் புரோட்டினும் உள்ளது.

யோகர்ட் டயட்

நீங்கள் யோகர்ட் டயட்டை கடைபிடிக்க விரும்பினால் நீங்கள் நினைவில் வைத்துக்கொள்ள வேண்டியது இது மற்ற டயட்டுகளை போல எளிதானதாக இருக்காது. யோகர்ட் டயட் மிகவும் சிறிய அளவை கொண்டதாகும். இதில் அனைத்து நாட்களிலும் நீங்கள் சாப்பிடும் உணவின் அளவு மாறாது. மிதமான அளவில் எடையை குறைக்க இந்த யோகர்ட் டயட் மிகவும் சரியான தேர்வாகும்.

யோகர்ட் டயட் உணவுகள்

யோகர்ட் டயட்டில் நீங்கள் முக்கியமாக நினைவில் வைத்துக்கொள்ள வேண்டியது தினமும் 500 கிராம் யோகர்ட் சேர்த்து கொள்ள வேண்டும். இதனுடன் வேறுசில ஊட்டச்சத்துள்ள உணவுகளையும் உங்கள் உணவில் சேர்த்து கொள்ள வேண்டும். குறிப்பாக கிவி பழம், ஆப்பிள், பேரிக்காய், சுட்ட உருளைக்கிழங்கு, சிக்கன் மார்பு, தக்காளி, திராட்சை, கீரை, மாம்பழம் போன்றவற்றை உங்கள் உணவில் சேர்த்துக்கொள்ளுங்கள்.

முதல் நாள்

டயட்டின் முதல் நாள் 6 கப் யோகார்ட்டை எடுத்துக்கொள்ள வேண்டும். மேலும் இதனுடன் 4 ஸ்பூன் சிக்கனையும் எடுத்துக்கொள்ள வேண்டும்.

இரண்டாம் நாள்

டயட்டின் இரண்டாவது நாள் 6 கப் யோகார்ட்டை எடுத்து கொள்ளுங்கள். மேலும் 4 சுட்ட உருளைக்கிழங்கையும் எடுத்து கொள்ள வேண்டும.

மூன்றாம் நாள்

டயட்டின் மூன்றாவது நாள் 6 கப் யோகர்ட்டை எடுத்து கொள்ளுங்கள். இதனுடன் 1 ஆப்பிள், 1 கிவிப்பழம் மற்றும் 4 ஸ்பூன் சிக்கனை எடுத்துக்கொள்ள வேண்டும்.

நான்காம் நாள்

டயட்டின் நான்காவது நாள் 6 கப் யோகர்ட், 4 ஸ்பூன் சால்மன் மீன் எடுத்துக்கொள்ள வேண்டும். மேலும் இதனுடன் 1 மாம்பழத்தையும் எடுத்துக்கொள்ளுங்கள்.

ஐந்தாம் நாள்

டயட்டின் ஐந்தாவது நாளில் காய்கறிகள் மற்றும் பழங்களை ஒன்றாக சேர்த்து சாப்பிடுங்கள். குறிப்பாக வாழைப்பழத்தை இதில் சேர்த்துக்கொள்ள கூடாது. இதனுடன் 6 கப் யோகர்ட் சேர்த்துக்கொள்ள வேண்டும்.

ஆறாவது நாள்

ஆறாவது நாள் டயட்டில் வெறும் யோகார்ட்டை மட்டும் எடுத்துக்கொள்ள வேண்டும். எனவே கப் யோகார்ட்டை மட்டும் எடுத்து கொள்ளுங்கள்.

ஏழாவது நாள்

டயட்டின் இறுதி நாளில் வெறும் யோகார்ட்டும், தண்ணீரும் மட்டும் எடுத்துக்கொள்ள வேண்டும். 6 கப் யோகார்ட்டும், 8 முதல் 10 கப் தண்ணீரும் எடுத்து கொள்ளுங்கள். இந்த டயட் நீங்கள் எதிர்பார்க்கும் எடை இழப்பை உங்களுக்கு வழங்கும்.

பாலா தமிழ் சினிமாவிற்கு பல தரமான படைப்புக்களை கொடுத்தவர். இவர் இயக்கத்தில் வரும் படங்கள் ஓடுகிறதோ, இல்லையோ நடிகர், நடிகைகள் என அனைவருக்குமே அடுத்தக்கட்டமாக இருக்கும்.

ஆனால், சமீப காலமாக இவரின் படங்கள் எதுவும் பழைய படங்கள் போல் இல்லை, அவர் இன்னும் அப்டேட் ஆகவில்லை என்றார்கள்.

அதற்காகவே அர்ஜுன் ரெட்டி படத்தை பாலா ரீமேக் செய்தார், ஆனால், அதுவும் பாலா ஒழுங்காக படம் எடுக்கவில்லை, என கூறி கைவிடப்பட்டது.

இந்த சமயத்தில் விக்ரம் கைவிட, பாலா ஆர்யா பக்கம் சென்றார், ஆனால், ஆர்யாவும் கால்ஷிட் அப்போது தருகிறேன், இப்போது தருகிறேன் என இழுத்தடித்து வருகிறாராம்.

இதனால், பாலா தற்போது வரை எந்த ஒரு படத்தையும் இயக்கவில்லை என்பதே செய்தி.

ஆணவக்கொலையால் ஒரு காதல் ஜோடிக்கு நேரும் கொடுமைகளை பேசுகிறது பிரான்மலை திரைப்படம்.

பிரான்மலை ஊரின் முக்கிய தலைக்கட்டான வேலராமமூர்த்தியின் மகன் வர்மன். அப்பா போல் இல்லாமல் மிகவும் சாதுவானவர், அம்மா இல்லாததால் பாசத்துக்காக ஏங்ககூடிய நபர். ஆதரவற்றோர் ஆசிரமத்தில் வளர்ந்து, எல்லோர் மீதும் அன்பு செலுத்தும் நேகா மீது வர்மனுக்கு காதல் மலர்கிறது. நேகாவும் வர்மனை காதலிக்கிறார். அப்பாவிடம் தன் காதலை சொல்ல தயங்கும் வர்மன், யாருக்கும் தெரியாமல் நேகாவை திருமணம் செய்து கொண்டு குடும்பம் நடத்த தொடங்குகிறார். இந்த விஷயம் சாதி வெறிப்பிடித்த வேலராமமூர்த்தி மற்றும் குடும்பதாருக்கு தெரிந்துவிடுகிறது. இதையடுத்து நடக்கும் அதிரடி சம்பவங்களை அழுத்தமாக பதிவு செய்கிறது பிரான்மலை.

படத்தின் ஹீரோவாக நடித்துள்ள வர்மன், தனது பாத்திரத்தை உணர்ந்து சிறப்பாக செய்திருக்கிறார். ஆக்ஷன், செண்டிமெண்ட், காதல் என தனது கடமையை நிறைவாக செய்திருக்கிறார். அடுத்தடுத்த படங்களில் நடிப்பை மெருகேற்றினால், எதிர்காலம் சிறக்க வாய்ப்புகள் அதிகம்.

புதுமுகம் நேகா தமிழ் சினிமாவுக்கு நல்ல அறிமுகம். கயல் ஆனந்தி சாயலில், பக்கத்து வீட்டு பெண் போல் இருக்கிறார்.

வழக்கம் போல இந்த படத்திலும் தனது நடிப்பால் படத்தை தாங்கிப்பிடித்திருக்கிறார் வேலராமமூர்த்தி. கறிக்குழம்பை அள்ளிக்குடிக்கும் அந்த காட்சியில் உண்மையிலேயே மிரளவைக்கிறார்.

காமெடிக்காக பிளாக் பாண்டி, கஞ்சா கருப்பு என இருவர் இருக்கிறார்கள். ஆனால் படத்தில் காமெடி தான் இல்லை. சிரிக்க வைப்பதற்கு பதிலாக 'கடுப்பேத்துறாங்க மைலார்டு' என புலம்ப வைக்கிறார்கள்.

படத்தின் கதை மிக ஆழமானது. தமிழ்நாட்டில் இப்போது நடக்கும் பல உண்மை சம்பவங்களை அடிப்படையாக கொண்டது. ஆனால் திரைக்கதை என்ற ஒன்று இல்லாததால் படம் ஏனோதானோவென செல்கிறது.

ஒவ்வொரு காட்சியும் நிறுத்தி நிதானமாக செல்வதால் படத்தில் சுவாரஸ்யமே இல்லை. அதுவும் க்ளைமாக்சில் இருந்து தான் படமே ஆரம்பமாகிறது. நல்ல திரைக்கதை அமைத்திருந்தால், கதைக்கு வலு சேர்த்திருக்கும். இதை அடுத்த படத்திலாவது கவனத்தில் வைத்துக்கொள்ளுங்கள் இயக்குனர் அகரம்குமரா.

ஆனால் படத்தில் இரட்டை அர்த்த வசனங்களோ, ஆபாசமான காட்சிகளோ இல்லை. அதற்காக வேண்டுமானால் இயக்குனரை பாராட்டலாம்.

குறைந்த பட்ஜெட் படம் என்பதால், ஒளிப்பதிவு, எடிட்டிங் என சுமாராகவே இருக்கிறது. இசை மட்டும் ஆறுதல் தரக்கூடிய வகையில் இருக்கிறது. குறிப்பாக அந்த ஓபனிங் குத்து பாடலுக்காக இசையமைப்பாளர் பாரதி விஸ்கரை பாராட்டலாம்.

முதல் படம் என்றாலும், அதில் ஆணவக்கொலையை பற்றி பேசியிருப்பதால் 'பிரான்மலை'க்கு சின்னதா ஒரு கைத்தட்டல்.

எந்த ஒரு காரியத்தையும் தொடர்ந்து செய்து வந்தால் அதன் பயன் பல மடங்காக நமக்கு கிடைக்கும். பொதுவாக இதனை 1 வாரம், 15 நாட்கள், 21 நாட்கள் போன்ற கால அளவில் குறிப்பிடுவர். இது நாம் உண்ணும் உணவு பழக்கத்துக்கும் பொருந்தும். அந்த வகையில் திராட்சையை தினமும் 1 மாதத்திற்கு தொடர்ந்து சாப்பிட்டு வந்தால் ஏராளமான பயன்கள் கிடைக்குமாம்.
ஒரு மாதத்திற்கு தொடர்ந்து திராட்சை சாப்பிட்டு வந்தால் என்னென்ன மாற்றங்கள் உடலில் நடக்கும்..?

நாம் நினைப்பது போன்று திராட்சை சாதாரண உணவு கிடையாது. பல்வேறு விதமான பயன்கள் இந்த திராட்சையில் நிறைந்துள்ளதாம். தொடர்ந்து 1 மாதம் இதை சாப்பிடுவதால் கொலஸ்ட்ரால் பிரச்சனை முதல் உடல் எடை பிரச்சினை வரை தீர்வுக்கு வரும் என ஆய்வுகள் சொல்கின்றது. இது எப்படி சாத்தியம் என்பதை இனி அறிந்து கொள்வோம்.

காரணம் என்ன..?

அப்படி என்னதான் இந்த திராட்சையில் இருக்குனு யோசிக்கிறவங்களுக்கு தான் இந்த முழு பதிவும். நாம் பெரும்பாலும் சாதாரணமாக நினைக்க கூடிய பழங்கள் தான் எண்ணற்ற பயன்களை நமக்கு தர கூடியதாக இருக்கும்.

அதிலும் இந்த திராட்சையில் வைட்டமின் சி, எ, இரும்பு சத்து, மெக்னீசியம், பொட்டாசியம், கால்சியம் போன்றவை நிறைந்துள்ளது.

கெட்ட கொலெஸ்ட்ராலுக்கு டாட்..!

தினமும் தொடர்ந்து 1 மாத கால அளவு இந்த திராட்சையை சாப்பிட்டு வந்தால் உடலில் சேர்ந்துள்ள கெட்ட கொலஸ்ட்ரால் வந்த இடம் தெரியாமல் ஓடி விடும்.

திராட்சையில் உள்ள ஆன்டி ஆக்சிடன்ட்ஸ் கொலஸ்ட்ராலை முழுவதுமாக குறைத்து ரத்த அழுத்தத்தை சீராக வைத்து கொள்ளும்.

சிறுநீரக நோய்களுக்கு

திராட்சையில் anthocyanin என்கிற அதிக சக்தி வாய்ந்த ஆன்டி ஆக்சிடன்ட்ஸ் உள்ளதால் கிட்னியில் எந்த பாதிப்பும் ஏற்படாதவாறு பார்த்து கொள்ளும். மேலும், சிறுநீர் பாதை தொற்றுகளில் உள்ள கிருமிகளை எதிர்த்து இது போராடும்.

முக்கியமாக சிறுநீரகத்தில் உள்ள நச்சுக்களை வெளியேற்றுவதில் திராட்சை முதன்மையான பங்கு வகிக்கிறது.

புற்றுநோயிற்கு நோ நோ..!

புற்றுநோய் வராமல் நம்மை காக்கும் ஆற்றல் இந்த திராட்சைக்கு உள்ளது என ஆராய்ச்சியாளர்கள் கூறுகின்றனர்.

இவை எதிர்ப்பு சக்தியை பலப்படுத்தி மார்பக புற்றுநோய், குடல் புற்றுநோய் போன்றவற்றில் இருந்து பெரிதும் காக்குமாம். எனவே, தினமும் திராட்சை எடுத்து கொண்டால் இந்த பலனும் கிடைக்கும்.

சோர்வை நீக்க

காலையிலே சோர்வாக இருக்க..? உங்களின் இந்த பிரச்சினைக்கு திராட்சை வைத்தியம் இருக்கே. திராட்சையை தினமும் தொடர்ந்து 1 மாத காலம் சாப்பிட்டு வந்தால் இதன் பலன் உங்களுக்கே புரியும் மக்களே. அதிக ஸ்டாமினாவை தந்து மூளையை திறனுடன் செயல்பட வைக்கும்.

இதய கோளாறுகளுக்கு...

எந்த நோய் வந்தாலும் அதற்கு தொடர்பான பலவித நோய்களும் கூடவே வர தொடங்கி விடுகிறது. அந்த வகையில் இதய நோய்களும் விதிவிலக்கல்ல. இதயம் சார்ந்த நோய்கள் வந்தால் அவை நமது உயிருக்கே ஆபத்தை தரும். தினமும் தொடர்ந்து திராட்சையை உங்களின் உணவில் சேர்த்து கொண்டால் இதய நோய்களுக்கான வாய்ப்புகள் மிக குறைவாம்.
ஆஸ்துமா பிரச்சினைக்கு
ஆஸ்துமா பிரச்சினைக்கு

சுவாச கோளாறால் இத்தனை நாட்கள் அவதிப்பட்டோருக்கு ஒரு எளிய வழி உள்ளது. திராட்சையை தினமும் சிறிதளவு உங்களின் உணவு பழக்கத்தில் சேர்த்து கொண்டால் சுவாச கோளாறு, ஆஸ்துமா, நுரையீரல் பிரச்சினை ஆகியவற்றிற்கு தீர்வு கிடைக்கும் என அண்மைய ஆய்வில் கண்டறிந்துள்ளனர்.

மோசமான நிலையா..?

எதை சாப்பிட்டாலும் செரிக்காமல் இருக்கிறதா..? இதற்கு ஒரு முடிவு கட்டுகிறது திராட்சை.

திராட்சையில் உள்ள அதிக நார்சத்து செரிமான கோளாறை குணப்படுத்துகிறது. குடலின் செயல்திறனை அதிகரித்து, மலச்சிக்கல் ஏற்படாமலும் பார்த்து கொள்கிறது.

உடல் எடை குறைப்பு

தொடர்ந்து ஒரு மாதம் இந்த திராட்சையை சாப்பிட்டு வருவதால் எளிதாக உடல் எடையை குறைக்க முடியும். குறிப்பாக மற்ற வகை திராட்சையை விட கருப்பு திராட்சையில் இதன் பயன் ஒருபடி மேலே உள்ளது. எனவே, கருப்பு திராட்சை சாப்பிடுவது சிறந்தது.

தசைகளுக்கு பளு சேர்க்க

தசைகள் மிகவும் பாதிக்கப்பட்டுள்ளோர்க்கு திராட்சை நல்ல தீர்வை தரும். தொடர்ந்து 1 மாதகாலம் திராட்சை சாப்பிட்டு வந்தால் தசைகள் வலு பெற்று, உடனடி ஸ்டாமினா கிடைக்கும். மேலும், எலும்புகளுக்கும் ஆற்றல் அதிகமாக கிடைக்கும்.

கவனம்..!

குழந்தைகள் மற்றும் பெரியவர்கள் அளவுக்கு அதிகமாக திராட்சை சாப்பிட கூடாது. மீறி சாப்பிட்டால் அலர்ஜி, உடல் எடை கூடுதல், செரிமான கோளாறுகள், வாந்தி போன்றவை ஏற்பட கூடும்,. எனவே, இதன் அளவில் கவனம் தேவை.

சர்கார் படத்தை அடுத்து முன்னணி இயக்குனர் முருகதாஸ் தற்போது ரஜினி படத்தை இயக்க முதற்கட்ட பணிகளில் ஈடுபட்டு வருகிறார்.

இந்நிலையில் அவர் சமீபத்தில் வெளிவந்த கனா படத்தை ட்விட்டரில் புகழ்ந்து தள்ளியுள்ளார். சிவகார்த்திகேயன் தயாரிப்பில் அருண்ராஜா கமராஜ் இயக்கியுள்ள இந்த படத்தில் ஐஸ்வர்யா ராஜேஷ் ஹீரோயினாக நடித்துள்ளார்.

விவசாயத்தையும் கிரிக்கெட்டையும் இணைந்து இப்படிஒரு ஐடியா பிடித்திருந்தது என கூறியுள்ள அவர், கிளைமாக்ஸ் காட்சி மனதை தொட்டுவிட்டதாக கூறியுள்ளார்.

ஏர்டெல் நிறுவனம், அதன் போட்டியாளர்களை எதிர்க்கும் மிகப்பெரிய முயற்சியொன்றில் களமிறங்கியுள்ளது. இந்தியாவின் முன்னணி தொலைத் தொடர்பு நிறுவனமென்ற பெயரை மட்டுமே தக்கவைத்து கொண்டிருக்கும் ஏர்டெல் நிறுவனம் அதன் வாடிக்கையாளர்களையும் முன்பை போல் தக்கவைத்துக்கொள்ள மாபெரும் டேட்டா மற்றும் வாய்ஸ் திட்டமொன்றை அறிவித்துள்ளது.

ஏர்டெல் அதிரடி : மொத்தம் 360ஜிபி அளவிலான 4ஜி டேட்டா வழங்கும் திட்டம்.!

அதிக அளவிலான தரவு நுகர்வு கொண்ட பயனர்களை இலக்காகக் கொண்டுள்ள இந்த திட்டமானது மொத்தம் 360ஜிபி அளவிலான 4ஜி டேட்டாவை வழங்கும். ப்ரீபெயிட் பயனர்களுக்கு மட்டுமே கிடைக்கும் இந்த புதிய திட்டத்தின் விலை மற்றும் இதர நன்மைகளை பொறுத்தமட்டில்..

கிட்டத்தட்ட 1 ஆண்டு காலம்.!

மொத்தம் 360ஜிபி அளவிலான டேட்டாவுடன் வர்மபற்ற இலவச குரல் அழைப்பு நன்மைகளும் இந்த திட்டத்தின் கீழ் கிடைக்கும் மற்றும் ஒரு நாளைக்கு 100 இலவச எஸ்எம்எஸ்களையும் வழங்குகிறது. இந்த திட்டத்தின் செல்லுபடியாகும் காலம் 360 நாட்கள் ஆகும், கிட்டத்தட்ட 1 ஆண்டு காலம்.!

ஒரே நாளில் கூட பயன்படுத்திக்கொள்ளலாம்.!

இந்த திட்டத்தின் கீழ் கிடைக்கும் தரவைப் பயன்படுத்துவதில் எந்த விதமான தினசரி வரம்பும் இல்லை என்பதால் மொத்த 360 ஜிபி டேட்டாவை நீங்கள் ஒரே நாளில் கூட பயன்படுத்திக்கொள்ளலாம் அல்லது 360 நாட்களுக்குள் அதைப் பயன்படுத்தலாம். ஏர்டெல் நிறுவனத்தின் இந்த புதிய திட்டமானது ரூ.3,999/- ஆகும்.

மாதம் ரூ.334/-என்ற செலவில் 25ஜிபி.!

ஒரு சிறிய கணக்கு போட்டுப்பார்த்தால் இது ஒரு மோசமான திட்டம் அல்ல என்பதை நீங்களே உணர்வீர்கள். வருடம் ரூ.3,999/- என்றால் மாதம் ரூ.334/-என்ற செலவில் 25ஜிபி அவளிவான 4ஜி டேட்டா பெறுவீர்கள்வ உடன் வழக்கமான வரம்பற்ற குரல் அழைப்புகளையும், எஸ்எம்எஸ்களையும் பெறலாம்.

சமீபத்தில் திருத்தப்பட்ட ரூ.349/- திட்டம்.!

மாதந்தோறும் 28 நாட்களுக்கு செல்லுபடியாகும் ரீசார்ஜ்களை நிகழ்த்துவதற்கு ஏர்டெல் நிறுவனத்தின் இந்த திட்டத்தை தேர்ந்தெடுப்பதொன்றும் அவ்வளவு பெரிய முட்டாள்தனமான முடிவாக இருக்காது என்றே நம்புகிறோம். ஒரு ஆண்டு செல்லுபடியாகும் ரீசார்ஜ் செய்ய விருப்பமில்லை மாதந்தோறுமே ரீசார்ஜ் செய்ய விருப்பம்ஏ என்பவர்கள் சமீபத்தில் திருத்தப்பட்ட ரூ.349/- திட்டத்தை தேர்ந்தெடுத்துக்கொள்ளலாம்.

நாள் ஒன்றிருக்கு 1.5ஜிபி.!

தற்போது கிடைக்கும் ஏர்டெல் ரூ.349/- பேக் ஆனது முன்பு போலல்லாமல், இப்பொழுது 1.5ஜிபி அளவிலான டேட்டா, 100 இலவச எஸ்எம்எஸ்கள் மற்றும் வரம்பற்ற குரல் அழைப்புகளை நாள் ஒன்றிருக்கு வழங்குகிறது. கிட்டத்தட்ட ரூ.3,999/- திட்டத்தின் மாதாந்திர செலவு கணக்கோடு ஒற்றுப்போகும் இந்த திட்டம் 28 நாட்களுக்கு செல்லுபடியாகும் என்பது தான் ஒரே வித்தியாசம்.

ரூ.349/- திட்டத்திற்கு எதிரான திட்டங்கள்.?

மற்றபடி, விலை மற்றும் நன்மைகள் ஆகியவைகளில் இரண்டு திட்டங்களும் சரிக்கு சமமாக இதர நிறுவனங்களை விட அதிகமாகவே வழங்குகிறது. இருப்பினும் கூட அம்பானி தலைமையிலான ரிலையன்ஸ் ஜியோ நிறுவனத்திடம் ஏர்டெல் நிறுவனத்தின் ரூ.349/- திட்டத்திற்கு எதிரான ஒரு சில திட்டங்கள் உள்ளன.

மொத்தம் 49ஜிபி அளவிலான டேட்டா.!

குறிப்பாக அதன் ரூ.309/- திட்டத்தை கூறலாம். 49 நாட்கள் செல்லுபடியாகும் இந்த திட்டமானது இலவச வரம்பற்ற அழைப்புகள் (உள்ளூர் மற்றும் எஸ்டிடி) மற்றும் நாள் ஒன்றிக்கு 1 ஜிபி அளவிலான 4ஜி டேட்டா ஆகிய நன்மைகளை வழங்குகிறது. 1ஜிபி வரம்பை அடைந்த பிறகு இணைய வேகம் 64கேபிபிஎஸ் ஆக குறைக்கப்படும்.

மொத்தம் 70ஜிபி அளவிலான டேட்டா.!

ரிலைன்ஸ் ஜியோவின் மற்றொரு திட்டமான ரூ.399/- பேக்கும் ஏர்டெல் நிறுவனத்தின் ரூ.349/-கு போட்டியான ஒரு திட்டம்தான். இது 70 நாட்கள் செல்லுபடியாகும். அதாவது நாள் ஒன்றிற்கு 1ஜிபி அளவிலான 4ஜி டேட்டா என மொத்தம் 70ஜிபி அளவிலான டேட்டாவுடன் வரம்பற்ற எஸ்எம்எஸ் மற்றும் பிற பிரீமியம் ஜியோ பயன்பாடுகள் மற்றும் சேவைகளையும் அணுக வழிவகுக்கும்.