என் புத்தகம்

பிரதமர் நரேந்திர மோடி தனது மான் கீ பாத் உரையில், வேலூர் கணியம்பாடி வட்டார கிராம பகுதியைச் சேர்ந்த பெண்கள் ஒன்று சேர்ந்து நாகநதியை காப்பற்ற களம் இறங்கியதை வெகுவாக பாராட்டி பேசி உள்ளார். தண்ணீர் பிரச்னையை தீர்க்க உறைகிணறுகள் அமைத்துக்காக கிராம மக்களை பிரதமர் பாராட்டி உள்ளார்.

தண்ணீர் பிரச்னையால் நாடே தவித்து வரும இன்றை சூழலில் பல ஊடகங்களால் கவனிக்கப்படாத ஒரு விஷயத்தை பிரதமர் மோடி கவனித்து இருக்கிறார். வேலூர் மாவட்டம் கணியம்பாடி பகுதியில் நாகநதியை காக்க மக்கள் நடத்திவரும் முயற்சியை வெகுவாக பாராட்டி பிரதமர் மோடி பேசி உள்ளார்.

பிரதமர் மோடி வானொலியில் மான் கீ பாத் உரையில் பேசும் போது, வேலூர் மாவட்டம், கணியம்பாடி வட்டாரத்தில் நாக நதியில் நிலத்தடி நீர் செறிவூட்டும் கிணறுகள் அமைக்கப்பட்டுவதாக குறிப்பிட்டார்.

ஆறு செல்லும் நீர் வழிப்பாதையில் 100 மீட்டர் இடைவெளியில், 6 அடி அகலம், 15 அடி நீளம், 20 அடி ஆழத்துக்கு கிணறுகள் அமைக்கப்படுவதாகவும் , இந்த செறிவூட்டும் கிணறுக்குள் மழை நீரை அனுப்ப தடுப்புகளும் வைக்கப்பட்டுள்ளதகாவும் மோடி குறிப்பிட்டார்.

மகாத்மா காந்தி தேசிய ஊரக வேலை உறுதித் திட்டத்தின்கீழ், ஊரக வளர்ச்சியின் முகமையின் கீழ் 20,000 பெண்கள் இந்தப் பணியில் ஈடுபடுத்தப்பட்டுள்ளார்கள் என்றும்,. இதனால் வேலூர் மாவட்டத்தில் நிலத்தடி நீர் மட்டம் உயர்ந்திருப்பதாகவும் பாராட்டு தெரிவித்துள்ளார்.

பிரதமர் மோடி சொல்வது போல் நாகநதியை காக்க கடந்த 5 ஆண்டுகளாக 20 ஆயிரம் பெண்கள் மகாத்மா காந்தி ஊரக வேலைவாய்ப்பு திட்டத்தின் கீழ் பணியாற்றி வருகிறார்கள். இந்த நதியின் குறுக்கே 350 செறிவூட்டும் கிணறுகளும், 210 செக் டேம்களும் கட்டப்பட்டு வருகின்றன. இந்த கிணறுகள் அமைக்கப்பட்டதால் வேலூர் கணியம்பாடி பகுதியில் நிலத்தடி நீர் மட்டம் உயர்ந்துள்ளது.

உலகம் முழுவதும் மக்கள் வித்தியாசமான பழக்கத்துடன் வாழ்ந்து வருகிறார்கள். அந்த வகையில் சீனா, ஜப்பான் நாடுகளில் அரசின் ஒரு குழந்தை திட்டத்தால் மக்கள் தங்கள் வயசான காலத்தில் கூட வேலை செய்து வாழ வேண்டிய சூழல் ஏற்பட்டுள்ளது.

இதனால் மக்கள் தொகையும் குறைய ஆரம்பிக்கிறது. புவியியல் புள்ளி விவரங்களின் படி கிராமப்புற மற்றும் மலைப் பிரதேச பகுதிகளில் மக்கள் தொகை குறைவாகத்தான் காணப்படும். அப்படிப்பட்ட ஒரு அதிசய கிராமம் தான் இது. அப்படி என்ன அதிசயம் என்கிறீர்களா? இங்கு மக்களை விட பொம்மைகளைத் தான் அதிகம் பார்க்க முடிகிறது.

சிறிய கிராமம்

நாகோரோ என்ற சிறிய கிராமம் மேற்கு ஜப்பானின் மலைகளில் அமைந்துள்ளது. இங்கே சென்று நீங்கள் பார்த்தால் ஒரு தெருவில் கூட ஆள் நடமாட்டத்தை பார்க்க முடியாது. அந்தளவுக்கு தெருவே வெறிச்சோடி காணப்படுகிறது.

இதற்கு முன்னதாக இந்த கிராமத்தில் 300 க்கும் மேற்பட்ட மக்கள் வசித்து வந்ததாக கூறுகின்றனர். ஆனால் தற்போது இங்கே இருப்பவர்களின் எண்ணிக்கை வெறும் 27 மட்டுமே.

தனிமையை போக்க

எனவே கிராம மக்களிடையே உள்ள தனிமையை போக்க , அவர்களுள் ஒருவரான சுகிமி அயனோ என்பவர் மனித அளவிலான சில பொம்மைகளை தெருக்களில் வைக்க முடிவு செய்தார். இதன் படி பார்த்தால் 69 வயதான பொம்மை தயாரிப்பாளர்கள் கடந்த 16 ஆண்டுகளாக பொம்மைகளைச் செய்து வைத்து வருகின்றனர். இதில் என்ன வேடிக்கை என்றால் தற்போது மக்களை விட பொம்மைகளின் எண்ணிக்கை அதிகமாக உள்ளது என்பது தான்.

முதல் பொம்மை

பொம்மை தயாரிப்பாளர் 16 வருடங்களுக்கு முன்பு தன்னுடைய முதல் பொம்மையை தயாரிக்கும் போது அந்த பொம்மைகளுக்கு என் தந்தையின் ஆடைகளை அணிவித்தேன். மேலும் எங்கள் தோட்டத்தில் வளர்க்கின்ற உணவுகளை பறவைகளிடம் இருந்து காப்பாற்ற ஒரு பயமுறுத்தும் காக்கை பொம்மையை தயாரித்து அங்கே நிப்பாட்டினேன் என்கிறார்.

தயாரிக்க பயன்படுத்தும் பொருட்கள்

இந்த பொம்மைகளைத் தயாரிக்க மரக் குச்சிகள் மற்றும் நியூஸ் பேப்பர் போதுமானது. எலாஸ்டிக் போன்ற துணிகள் பொம்மையின் முகத்தை செய்வதற்கும், கூந்தலுக்கு உல்லன் நூல்களையும் பயன்படுத்துகிறேன். இதை பார்த்தால் அச்சு அசல் அப்படியே மனிதர்கள் போன்றே இருக்கும். உதட்டிற்கும் மற்றும் கன்னத்திற்கும் பிங்க் கலர் லிப்ஸ்டிக் கொண்டு மேக்கப்பும் செய்துள்ளேன். இது அந்த பொம்மைகளுக்கு ஒரு இயற்கையான அழகை தருகிறது.

ரெடியா?

என்னங்க இந்த கிராமத்துக்கு போக நீங்க ரெடியா? அப்போ ஒவ்வொரு மூலை முடுக்குகளிலும் உங்களை வரவேற்க பொம்மைகளும் தயாராக இருக்கிறது.

குழந்தைகளே இல்லை

இந்த கிராமத்தில் சிறிய வயதினர் என்றால் 55 வயது ஒருத்தர் தானாம். ஏனெனில் இந்த கிராமத்தில் குழந்தைகளே கிடையாதாம் என்கிறார் அயனோ. இப்படி குறைந்து வரும் மக்கள் தொகையை கணக்கில் கொண்டு டோக்கியோவுக்கு வெளியில் உள்ள பகுதிகளை புதுப்பிக்கவும் அரசாங்கம் நிறைய நடவடிக்கைகளை எடுக்கப் போவதாக உறுதியளித்துள்ளது. மனிதர்களே இல்லாமல் பொம்மைகள் மட்டுமே வாழும் சூழல் வந்தால் கூட அதிசயப்பதற்கில்லை.

"சீக்கிரமா பணம் சம்பாதிக்கணும்னு ஆசை.. அதனாலதான் ஆள் கடத்தல் வேலையில் ஈடுபட்டோம்" என்று பத்திர எழுத்தரான ஜெயந்தி போலீசில் வாக்குமூலம் அளித்துள்ளார்.

சேலம் மாவட்டம் ஆத்தூர் தாண்டவராயபுரத்தைச் சேர்ந்தவர் சுரேஷ். இவருக்கு வயசு 44. ஆத்தூரில் பெட்ரோல் பங்க் வைத்துள்ளார். தனியார் பள்ளி ஒன்றிலும் அவர் பங்குதாரராக உள்ளார்.

போன மாசம் 18-ம் தேதி மகனை ஸ்கூலில் இருந்து கூப்பிட்டு வர சுரேஷ் சென்றார். ஆனால் மர்மநபர்கள் சிலர் வழிமறித்து, கடத்தி கொண்டும் போய்விட்டனர்.

சிசிடிவி காமிரா

ஆனால் அடுத்தநாளே உள்ள அல்லிக்குட்டை பகுதியில், கடத்தியவர்கள் சுரேஷை இறக்கிவிட்டு விட்டு தப்பி ஓடிவிட்டனர். இது சம்பந்தமாக சுரேஷ் பள்ளப்பட்டி ஸ்டேஷனில் புகார் தந்தார். அப்போது போலீசார் முதல்வேலையாக, சிசிடிவி காமிராக்களை ஆய்வு செய்து விசாரணையை ஆரம்பித்தனர்.

ஜெயந்தி

சுரேஷ் சொன்ன காரின் அடையாளத்தை வைத்து அதன் நம்பரையும், உரிமையாளரையும் கண்டுபிடித்து சம்பந்தப்பட்டவர்களையும் ரவுண்டு கட்டிவிட்டனர். கடத்தலில் சம்பந்தப்பட்டவர்கள் மொத்தம் 4 பேர் என்பதும் இந்த குரூப்புக்கு தலைவி ஜெயந்தி என்பதும் தெரியவந்தது.

ஜெயந்தி

ஜெயந்தி ஒரு பத்திர எழுத்தர். போலீசாரிடம் இவர் அளித்த வாக்குமூலத்தில், "கணவனிடம் விவாகரத்து பெற்றுவிட்டு தனியாக வசித்து வருகிறேன். பத்திரம் எழுதும் நபருடன் எனக்கு பழக்கம் ஏற்பட்டது. அவருடன் சேர்ந்து பத்திரம் எழுதி தருமாறு கேட்டார்.

4 பேருக்கு வலைவீச்சு

அதன்மூலம்தான் நிறைய தொழிலதிபர்கள், அரசியல்வாதிகள், ரியல் எஸ்டேட் அதிபர்கள் எனக்கு பழக்கம் ஆனார்கள். நிறைய பணம் சம்பாதிக்கணும்னு என்று எனக்கு ஆசை. இதை ஹரிபிரசாத் என்பவரிடம் சொன்னேன். அப்போதுதான் சுரேஷை கடத்தினால் நிறைய பணம் கிடைக்கும் என்று பிளான் செய்தோம்" என்றார். தற்போது ஜெயந்தியுடன் 3 பேர் கைது செய்யப்பட்டு ஜெயிலில் அடைக்கப்பட்டுள்ளனர். மீதமுள்ள 4 பேரை போலீசார் தேடி வருகிறார்கள்.

"மாவு வாங்கினால் தண்ணீர் இலவசம்"  என்று சென்னை மாவு கடைக்காரர் ஒருவர் அசத்தல் அறிவிப்பு செய்திருக்கிறார்.

வியாபாரத்தில் என்னதான், இலவசமாக பொருட்கள் கொடுத்தாலும், தற்போதைய நிலைமையை உணர்ந்து தண்ணீருக்காக மக்கள் அவதிப்படுவதை கண்ட ஒருவர் 1 கிலோ மாவு வாங்கினால் ஒரு குடம் தண்ணீரை இலவசமாக,  வழங்குகிறார்.

சென்னை திருவல்லிக்கேணியில், "ஒரு கப் மாவு வாங்கினால் ஒரு குடம் தண்ணீர் இலவசம்" என்கிற அறிவிப்பு, தண்ணீர் பஞ்சத்தில் சிக்கித் தவிக்கும் அப்பகுதி மக்களிடையே நல்ல வரவேற்பை பெற்றுள்ளது.

தலைநகர் சென்னையில் கடந்த சில மாதங்களாக தண்ணீருக்கு திண்டாடும் அவல நிலை ஏற்படுவது உலகம் அறிந்ததே.

சென்னையின் குறிப்பாக திருவல்லிக்கேணி - விடுதிகள், ஹோட்டல்கள், கோயில்கள் அதிகம் நிறைந்த பகுதி.
சென்னையின் பிற பகுதிகளை விட வேகமாக நிலத்தடி நீர் பற்றாக்குறையால் பாதிக்கப்பட்ட பகுதி. தண்ணீர் பற்றாக்குறையால் அதிகமான விடுதிகள் மற்றும் வீடுகள் காலியாகிவிட்டது.

இந்நிலையில், இப்பகுதி மக்கள் தண்ணீருக்கு படும் துயரத்தை பார்த்த, எல்லம்மன் மாவுக் கடை அதிபர் கிருஷ்ண ராஜேந்திரன் ஒரு அசத்தல் அறிவிப்பை வெளியிட்டார்.

அது, ஒரு கிலோ மாவு வாங்கினால், ஒரு குடம் தண்ணீர் இலவசம் என்பது தான். ஏற்கனவே, தண்ணீருக்கு படாதபாடு பட்டுக் கொண்டிருக்கும் இப்பகுதி மக்களுக்கு இது ஒரே கல்லில் இரண்டு மாங்காய் கிடைத்தது போன்ற சந்தோஷத்தை கொடுத்துள்ளது.

”எங்கள் கடையில் வேலை செய்பவர்கள் தண்ணீர் கஷ்டத்தால் தினமும் பெர்மிஷன் கேட்கின்றனர்.
இதை பற்றி சிந்தித்த போதுதான் இந்த திட்டம் உதித்தது” என்று உரிமையாளர் கூறுகிறார்.

”இந்த அறிவிப்பு எங்களுக்கு ரொம்ப மகிழ்ச்சியாக உள்ளது. மாவு வாங்குவதும் சேர்த்து தண்ணீரும் பெற்று செல்கிறோம். இது எங்கள் வேலையை குறைக்கிறது.” என்று வாடிக்கையாளர் ஒருவர் கூறுகிறார்.

”தனியார் லாரியின் மூலம் தான் தண்ணீர் பெற்று மிகவும் சிரமப்பட்டு இந்த சேவையை செய்து வருவதாகவும், இது தங்களுக்கு வியாபாரம் சார்ந்தது மட்டுமல்ல, சென்னையின் எதிர்காலம் சார்ந்த ஒரு பிரச்னை. எனவே, இது தற்காலிகமானது தான். இது தொடர கூடாது” என்று வேதனை தெரிவிக்கிறார் கடை அதிபர் பார்த்தசாரதி.

மாவு வாங்கினால் தண்ணீர் இலவசம் என்கிற இந்த அறிவிப்பு கவர்ச்சிகரமாக இருந்தாலும், கவலைக்கிடமாக இருக்கும் சென்னையின் தண்ணீர் ஆதாரம் காக்கப்பட வேண்டும் என்பது தான் இந்த விளம்பரம் தெரிவிக்கும் அபாய அறிவிப்பாக உள்ளது.

கருத்த தேகம், தெளிவான பார்வை பக்கத்து வீட்டு பையன் போன்ற தோற்றம், அடுத்தடுத்து வெற்றி படங்களை தந்த கதைத்தேர்வு இவை அத்தனையும் விஜய் சேதுபதியை நாயகனாக தமிழகம் அள்ளிக்கொள்ள காரணமாக மாறியது.

இயக்குநர்களிடமும் ரசிகர்களிடமும் விஜய் சேதுபதி பாராட்டிய அன்பு, விஜய் சேதுபதியை மக்கள் செல்வன் என தமிழ் சினிமா அன்போடு அழைக்க காரணமாய் மாறியது.

ரசிகர்களுக்கு பணம் கொடுத்து உதவுவது, தயாரிப்பாளருக்காக சம்பளத்தை விட்டுக் கொடுப்பது என ஒரு நடிகனை தாண்டி மனிதாபிமானம் பாராட்டி மக்களின் மனம் கவர்ந்த விஜய் சேதுபதி அண்மைக்காலமாக கதை தேர்வில் கோட்டை விடுகிறார். உச்ச நட்சத்திர அந்தஸ்தை நோக்கிச் சென்று கொண்டிருந்த விஜய் சேதுபதி மார்க்கெட்டில் இப்பொழுது ஓட்டை விழுவதாக பேச்சு அடிபடத் தொடங்கியுள்ளது.

இதற்கு காரணம் அண்மையில் வெளியான விஜய்சேதுபதியின் சிந்துபாத் திரைப்படம். இந்தப் படம் தமிழகம் முழுக்க முதல் நாளில் வசூல் செய்த தொகை ஏறத்தாழ ரூ.1.8 கோடி மட்டுமே. இது சராசரியான ஒரு திரைப்படம் முதல் நாள் வசூல் என்பதால் விஜய் சேதுபதியின் உச்ச நட்சத்திர அந்தஸ்து என்னவானது என்ற கேள்விகள் எழுந்துள்ளன. விஜய் சேதுபதியின் சிந்துபாத் திரைப்படத்தின் வசூல் குறைந்ததற்கு காரணமும் விஜய் சேதுபதிதான் என்று சொல்லப்படுகிறது.

அண்மைக்காலமாக கதை தேர்வில் கோட்டை விடும் விஜய்சேதுபதி, அதிகப்படியான கேமியோ கதாபாத்திரங்களில் தோன்றுவதும் மீண்டும் மீண்டும் நண்பர்களுக்கு வாய்ப்பளிப்பதும் விஜய் சேதுபதிக்கு பின்னடைவாக பார்க்கப்படுகிறது. 2018 - ம் ஆண்டின் துவக்கத்தில் வெளியான ‘ஒரு நல்ல நாள் பார்த்து சொல்றேன்’, ‘ஜுங்கா’, ‘சீதக்காதி’, ‘சூப்பர் டீலக்ஸ்’,‘சிந்துபாத் ஆகிய ஐந்து திரைப்படங்களும் பெரிய வெற்றியைப் பெறவில்லை.

இதற்கிடையில் வெளியான ‘96’ திரைப்படம் மட்டும் ரசிகர்களின் மனதில் நீங்காத இடத்தை பிடித்துள்ளது. மேலும் இந்த காலகட்டத்தில் விஜய் சேதுபதி கவுரவ கதாபாத்திரத்தில் தோன்றிய டிராபிக் ராமசாமி, இமைக்கா நொடிகள், செக்கச் சிவந்த வானம் திரைப்படங்களின் கதாபாத்திரங்களும் ரசிகர்களின் மனதை வெகுவாக கவரவில்லை.

மேலும் அடிக்கடி விஜய் சேதுபதி நடிப்பில் திரைப்படங்கள் வெளியாவதும் அவர் வெள்ளிக்கிழமை நடிகர் என்ற பெயரை பெற்றுதந்துள்ளதோடு, ஒரே மாதிரி எல்லா திரைப்படங்களிலும் நடிப்பதாய் ஒரு அயர்ச்சியையும் உருவாக்கியுள்ளது. இது ரசிகர்கள் மத்தியில் சலிப்பையும் ஏற்படுத்தியுள்ளது.

இனி வரும் காலங்களில் விஜய் சேதுபதி கதை தேர்வு, ரிலீஸ் தேதி ஆகியவைகளில் கவனம் செலுத்த தவறினால் விஜய் சேதுபதியின் திரை எதிர்காலம் இன்னும் மோசமாகும் என்கின்றனர் சினிமா அறிந்தவர்கள்.

ஃபேஸ்புக் நிறுவனம் 27 பங்குதாரர்களுடன் இணைந்து புதிதாக ‘லிப்ரா’ என்னும் டிஜிட்டல் கரன்ஸியை அடுத்த ஆண்டு அறிமுகம் செய்யவுள்ளது.

சர்வதேச அளவில் உலகையே இணைக்கும் வகையில் ஒரு ‘க்ளோபல் கரன்ஸி’யை அறிமுகப்படுத்துவதே ஃபேஸ்புக்கின் குறிக்கோள். ஆனால், லிப்ரா என்றால் என்ன? லிப்ரா எப்படிச் செயல்படும்? போன்ற கேள்விகள் மக்கள் மத்தியில் இருக்கின்றன.

லிப்ரா என்னும் க்ரிப்டோகரன்ஸியை கட்டணங்கள் ஏதும் இன்றி பயனாளர்கள் உபயோகிக்க முடியும். பிட்காயின் எப்படி இயங்கியதோ அதன் அடிப்படையிலேயே இந்த லிப்ராவும் இயங்கும். ஆனால், பிட்காயினில் இருந்து மாறுபட்டு இருப்பது லிப்ராவின் ஸ்திரத்தன்மை.

உலகின் அத்தனை கரன்ஸிகளாலும் செல்லுபடியாகும் கரன்ஸியாகவே லிப்ரா உள்ளது. ஃபேஸ்புக் குழுவினரே இந்த லிப்ரா கரன்ஸியை இணைந்து உருவாக்கியுள்ளனர். 2020-ம் ஆண்டில் லிப்ரா வெளியாகும் எனக் கூறப்பட்டாலும், சர்வதேச அளவில் எழுந்துள்ள எதிர்ப்புகள் லிப்ரா வெளியீட்டைக் காலதாமதமாக்கும் என்றே கூறப்படுகிறது.

நம்முடைய வீடுகளில் செடிகள் வளர்ப்பது என்றால் எல்லோருக்கும் பிடித்த விஷயம். அதில் ஆண், பெண் வேறுபாடு என்றெல்லாம் கிடையாது. ஏனென்றால் அது தன்னையும் அழகுபடுத்திக் கொண்டு நம்முடைய வீட்டையும் அழகுபடுத்தும். அது மட்டுமில்லங்க. நம்முடைய மனதை அமைதிப்படுத்தி புத்துணர்ச்சியைக் கொடுக்கும்.

அதிலும் குறிப்பாக, ரோஜாச்செடிகள் வளர்க்கப் பிடிக்காதவர்கள் யாராவது இருக்க முடியுமா என்ன? ரோஜாக்களைப் பார்த்தாலே நம்முடைய மனம் மகிழ்ச்சியடைந்து விடும். ரோஜாக்கள் தான் எப்போதுமே நம்முடைய தோட்டங்களை அழகுபடுத்தும். அதேசமயம் அது நம்முடைய தோட்டத்தில் நிறைய இடத்தையும் அடைத்துக் கொள்ளும் வாய்ப்புண்டு.

தொட்டிகளில் வளர்க்கலாமா?

ரோஜாச் செடிகளை தொட்டிகளில் வளர்ப்பதை விடவும் மண்ணில் வளர்த்தால் தான் நிறைய பூக்கும். தொட்டிகளில் வளர்க்கக்கூடாது என்றெல்லாம் சிலர் சொல்லக் கேட்டிருப்போம். ஆனால் உண்மை அப்படியல்ல. எங்கு வளர்த்தாலும் அந்த செடிகள் வளரத் தேவையான ஊட்டச்சத்துக்கள் கிடைத்தால் போதும். தொட்டிகளில் தாராளமாக ரோஜாச் செடிகளை வைத்து நிறைய கொத்து கொத்தாக பூக்கள் பூக்க வைக்க முடியும்.

மண்ணே தேவையில்லை

பொதுவாக செடிகள் வளர்க்க நல்ல மண் வளம் இருக்க வேண்டும். இல்லையென்றால் செடி வேகமாக பட்டுப்போய்விடும். செழித்து வளராது. பூக்காது. காய்க்காது எ்னறு சொல்வார்கள். அதனால் தொட்டிகளில் கூட மண்ணை நிரப்பித் தான் வளர்ப்பார்கள். ஒரு விஷயத்தை நாம் நன்றாகப் புரிந்து கொள்ள வேண்டும். தொட்டிகளில் அடைக்கப்பட்ட மண்ணில் எவ்வளவு நாள் ஊட்டச்சத்து அப்படியே இருக்கும்?

ஆம். அதனால் தொட்டிகளில் மண்ணே இல்லாமல் மிக எளிதாக சூப்பராக கொத்துக் கொத்தாக பூக்கும்படி செடிகளை வளர்க்க முடியும். எப்படி என்று பார்க்கலாம்.

கொக்கோ பெட் பிரிக்

மண்ணுக்கு பதிலாக இந்த கொக்கோ பெட் பிரிக்கைத் தான் பயன்படுத்தப் போகிறோம். பேரை பார்த்து பயப்படாதீங்க. இது ஒன்னுமில்ல. நன்கு சுத்தப்படுத்தி மட்க வைக்கப்பட்ட தேங்காய் நார் கலவை தான். இது செங்கல் போன்று பேக் செய்யப்பட்டு விற்கப்படும். இதை வெளியில் எங்கும் தேடி அலையத் தேவையில்லை. செடிகள் விற்கும் நர்சரி கடைகளிலேயே கிடைக்கும். இது நிறைய அளவுகளில் கிடைக்கும். ஒரு செங்கல் அளவு உள்ள பாக்கெட்டை வாங்கிளால் 3 செடிகள் வரை உங்களால் நட முடியும். இது வெறும் 30 ரூபாய் முதல் 45 ரூபாய் தான் செலவாகும்.

மண் புழு உரம்

மண் புழு உரம் முழுக்க முழுக்க செடிகளுக்குத் தேவையான ஊட்டச்சத்தைக் கொடுக்கும் என்பது என்பது உங்களுக்குத் தெரியும். செடிகள், உரங்கள் விற்கும் கடைகளில் இந்த மண்புழு உரங்கள் கிடைக்கின்றன. ஆனால் கிலோ 40 ரூபாய் அளவு வரை விற்கிறார்கள். ஆனால் நம்முடைய ஊர்களில் அரசாங்கத்தால் திடக்கழிவு மேலாண்மை திட்டம் செயல்படுத்தப்படுகிறது. குறிப்பாக 5 கிலோ மீட்டர் சுற்றளவுக்கு ஒரு அலுவலகம் கிராமப்புரங்களில் கூட இருக்கிறது. அங்கு சென்று வாங்கினால் மண்புழு உரம் உங்களுக்கு கிலோ பத்து ரூபாய்க்கு கூட கிடைக்கும்.

எப்படி தயார் செய்வது?

கொகோ பெட் பிரிக்கை (ஒரு செங்கல் அளவு) ஒரு பெரிய பௌல் எடுத்துக் கொண்டு அதில் 3 லிட்டர் அளவு தண்ணீர் ஊற்றி அதற்குள் போட்டு ஊற விடுங்கள். கிட்டதட்ட முக்கால் மணி நேரத்தில் முழுமையாக ஊறிவிடும். கிட்டதட்ட 3 கிலோ அளவுக்கு உங்களுக்கு உதிரியாகக் கிடைக்கும். அது முழுதும் ஊறியதும் சற்று உலர விடுங்கள்.

உரக்கலவை

லேசாக அந்த தண்ணீர் முழுக்க நார் உறிஞ்சிக் கொண்ட பின் அந்த தேங்காய் நார் எவ்வளவு இருக்கிறதோ அதே அளவுக்கு சரிக்கு நிகராக மண் புழு உரத்தையும் அதில் சேர்த்து நன்கு கலந்து விட வேண்டும். இரண்டும் ஒன்றோடு ஒன்று கேலந்த பின் தொட்டிகளில் நிரப்ப ஆரம்பிக்கலாம்.

ரோஜா செடி நடுவது எப்படி?

எந்த தொட்டியில் அல்லது பிளாஸ்டிக் டப்பாக்களில் செடி நடப்போகிறோமோ அதை எடுத்து இரண்டு கரண்டி அளவு இந்த மண்புழு உரம் மற்றும் தேங்காய் நார்க்கலவையை போடுங்கள். அதற்கடுத்து இரண்டு கைப்பிடி அளவுக்கு வெங்காயத்தோல் மற்றும் வீட்டில் இருந்த காய்கறிக் கழிவு சேருங்கள். நிறைய சேர்க்கக்கூடாது. செடி வெப்பமாகி பட்டுப் போய்விடும்.

பிறகு மீண்டும் மண்புழு உரம் மற்றும் தேங்காய் நார்க்கலவையை போட்டு அரை தொட்டி வரை நிரப்பி, அதில் வாங்கி வந்த ரோஜா செடியை வெளிப்புறத்தில் இருக்கும் பிளாஸ்டிக் பேப்ரை மெதுவாகக் கிழித்து விட்டு தொட்டியில் நடுங்கள். குறிப்பாக அற்த செடி இருக்கிற மண் கட்டியை உடைத்து விட்டு விடக்கூடாது. மீண்டும் மீதி உள்ள தொட்டி முழுவதும் தேங்காய் நார் கலவையைப் போட்டு நரப்பி தண்ணீர் தெளிக்க வேண்டும். அவ்வளவு தாங்க. பத்தே நாளில் இந்த செடி துளிர்த்து மொட்டு வைக்க ஆரம்பித்து விடும்.

ரோஜா செடியை பராமரிக்கும் முறை

தொட்டியில் என்பதால் அடிக்கடி தொட்டியை இடம் மாற்றி வைக்கக் கூடாது.

உச்சி வெயில் படும் இடங்களில் ரோஜா தொட்டியை வைக்கக்கூடாது.

தினமும் காலை, மாலை இரண்டு வேளை தண்ணீர் அவசியம் ஊற்ற வேண்டும். மதிய நேரத்தில் கட்டாயம் ஊற்றக்கூடாது.

அவ்வப்போது வெங்காயத் தோல், முட்டை ஓடு, டீ டிகாஷன் ஆகியவற்றை அளவாகப் போடுங்கள். இரண்டு வாரத்துக்கு ஒரு முறை சிறிதளவு மண்புழு உரத்தை தூவி விடலாம்.

பூக்கள் நிறைய பூக்க வேண்டும், நலல் அடர் நிறத்தில் இருக்க வேண்டும் என்று நினைத்தால், பீட்ரூட் தோல், வேகவைத்த உருளைக்கிழங்கு தோல் ஆகியவற்றையும், நல்ல நிறம் கிடைக்க தர்பூசணி தோலையும் சிறிது சிறிதாக வெட்டி செடியைச் சுற்றி போடுங்கள்.

பிறகு பாருங்கள். நீங்களே எதிர்பார்க்காத படி ஒவ்வொரு செடியும் ஒரு தோட்டம் போல பூத்துக் குலுங்கும்.