என் புத்தகம்

செவ்வாய் கிரகத்தில் 20 கிலோ மீட்டர் பரப்பளவு உள்ள ஏரி கண்டுபிடிக்கப்பட்டுள்ளதாக இத்தாலியை சேர்ந்த விஞ்ஞானிகள் தெரிவித்துள்ளனர்.

செவ்வாய் கிரகத்தில் மனிதன் வாழ்வதற்கான சாத்தியக் கூறுகள் குறித்து பல்வேறு நாடுகளும் ஆய்வு மேற்கொண்டு வருகின்றன. இதுபோன்ற ஒரு ஆய்வுக்காக ஐரோப்பாவில் இருந்து அனுப்பப்பட்ட மார்ஸ் எக்ஸ்பிரஸ் என்ற செயற்கைக்கோள் சில புகைப்படங்களை அனுப்பியுள்ளன.

இந்த புகைப்படங்களை ஆய்வு செய்ததில் சிவப்புக் கோளின் துருவ பனி முகடுகள் உள்ள கிழக்குப் பகுதியில் ஏரி இருப்பதாக விஞ்ஞானிகள் தெரிவித்துள்ளனர். இதன் ஆழம் எவ்வளவு என்பதை கணிக்க முடியவில்லை எனக் கூறியுள்ள விஞ்ஞானிகள், பனி படலத்தில் மெக்னீசியம், கால்சியம் மற்றும் சோடியம் இருப்பதற்கான சாத்தியக் கூறுகள் உள்ளதாகக் கூறியுள்ளனர்.

திமுக தலைவர் கருணாநிதி உடலை அடக்கம் செய்வதற்கு தமிழக அரசு மறுப்பு தெரிவித்துள்ளது.

திமுக தலைவர் கருணாநிதி கடந்த 10 நாட்களாக காவேரி மருத்துவமனையில் சிகிச்சைப் பெற்று வந்தார். இந்நிலையில், இன்று மாலை 6.10 மணிக்கு சிகிச்சை பலனின்றி காலமானார். அவருக்கு பிரதமர், குடியரசுத் தலைவர் உள்ளிட்ட தலைவர்கள் இரங்கல் தெரிவித்து வருகின்றனர்.

இன்று மதியம் திமுக செயல் தலைவர் ஸ்டாலின் மற்றும் அவரது குடும்பத்தினர் தமிழக முதல்வர் எடப்பாடி பழனிசாமியை சந்தித்து மெரினாவில் அடக்கம் செய்வதற்கு அனுமதி கேட்டனர். இந்தக் கோரிக்கையை பரிசீலிப்பதாக முதல்வர் பழனிசாமி ஸ்டாலினிடம் தெரிவித்திருந்தார்.

இந்நிலையில், கருணாநிதி உடலை மெரினாவில் அடக்கம் செய்வதற்கு தமிழக அரசு மறுப்பு தெரிவித்துள்ளது. மேலும் அரசு மரியாதையுடன் நல்லடக்கம் செய்வதாகவும் தேசியக் கொடி அரைக்கம்பத்தில் பறக்கவிடப்படும் எனவும் தலைமைச் செயலாளர் கிரிஜா வைத்தியநாதன் வெளியிட்டுள்ள அறிக்கையில் கூறப்பட்டுள்ளது.

பெண்களின் வாழ்க்கை சுழற்சியே மிகவும் பிரமிக்கத்தக்கது. குழந்தையாக பிறந்ததில் இருந்தே பல்வேறு நிலைகளை கடந்து வரக்கூடும்.

இதில் மிக முக்கிய பங்கு தாய்மை அடையும்போது அவர்கள் சந்திக்கும் நிலையே. ஆனால் இன்று பல பெண்களால் கர்ப்பம் ஆக முடிவதில்லை. காரணம் ஈஸ்ட்ரோஜன் மற்றும் புரோஜெஸ்ட்டிரோன் ஆகிய ஹார்மோன்களின் குறைபாட்டாலே.

இவை இரண்டும் பெண்ணின் உடலுக்கு மிக அவசியமானவை. இவற்றை "செக்ஸ் ஹார்மோன்கள்" என்றே அழைப்பார்கள். ஒரு ஆணுக்கு எப்படி டெஸ்டோஸ்டிரோன் குழந்தை பிறக்க வழி செய்கிறதோ அதே போன்றுதான் ஒரு பெண்ணுக்கு இந்த 2 ஹார்மோன்களும் குழந்தை உருவாக உதவுகிறது.

ஈஸ்ட்ரோஜன் மற்றும் புரோஜெஸ்ட்டிரோன் அளவை அதிகரிக்க இந்த 7 மூலிகைகளே போதும்.

1 பிளாக் கோஹெஸ் (Black Cohosh)
மாதவிடாய் சார்ந்த எல்லா பிரச்சினைக்கும் இந்த மூலிகை பெரிதும் உதுவும். இதில் எண்ணற்ற மருத்துவ தன்மைகள் உள்ளது. உடலில் ஹார்மோன் சுரப்பதை சீரான முறையில் வைக்கும்.

கர்ப்பப்பையில் வரும் கட்டிகளை குணப்படுத்த வல்லது. உடலில் செக்ஸ் ஹார்மோன்களை நன்கு சுரக்க செய்து தாய்மை தன்மையை தருகிறது.

200 mg இந்த மூலிகையை சாப்பிட்டு வந்தால் ஈஸ்ட்ரோஜன்களின் அளவு அதிகரிக்கும். மேலும் உடலுறவு கொள்வதற்கு ஏற்ற உடல் அமைப்பை ஏற்படுத்தும்.

2 அஸ்வகந்தா
இது இயல்பாகவே எதிர்ப்பு சக்தியை உடலுக்கு அதிகம் ஏற்படுத்தும் தன்மை கொண்டது. "மூலிகைகளின் ராஜா" என்று மருத்துவர்களால் அழைக்கப்படும் இந்த மூலிகை, பல மருத்துவ குணங்களை கொண்டது.

ஹார்மோன்கள் குறைபாட்டை தீர்ப்பதில் அஸ்வகந்தாவிற்கு நிறைய பங்குண்டு. மேலும் உடலின் ஹார்மோன்களை சமநிலையில் வைக்கவும், ரத்த ஓட்டத்தை சீராக இருக்கவும் செய்கிறது.

உங்கள் சுரப்பிகள் நன்கு வேலை செய்ய வேண்டுமென்றால் அஸ்வகந்தாவே போதும். மேலும் பல நாட்களாக பாலியல் வாழ்க்கையில் நிம்மதி இல்லாமல் இருந்தவர்களுக்கு இது ஒரு நல்ல தீர்வு.

3 அதிமதுரம்
மருத்துவ குணங்கள் நிறைந்த அதிமதுரம் பல பிரச்சினைகளுக்கு விடை தரும். ஈஸ்ட்ரோஜன் ஹார்மோனை தூண்டி மாதவிடாய் சார்ந்த கோளாறுகளை குணப்படுத்தும்.

ஆரோக்கியமான உடலுறவு வைத்து கொள்ள அதிக அளவில் இது உதவும். காலம்காலமாக இதனை அதிக மருத்துவ பயன்பாட்டிற்கு உபயோகித்துள்ளனர்.

தைராய்டு குறைபாடு உள்ளவர்களுக்கும் குறைபாட்டை குணப்படுத்தும். கரு முட்டை நன்கு வளர அதிமதுரம் வழி செய்கிறது. அதிமதுர வேர்களை பொடி செய்து சாப்பிட்டால் ஹார்மோன் குறைபாடுகள் சீராகும்.

4 மஞ்சள்
மஞ்சள் ஒரு சிறந்த கிருமி நாசினி என்பதால், கர்ப்பப்பையில் உள்ள கிருமிகளை கொள்ளும். சமையலில் அதிகம் பயன்படுத்துகின்ற பொருட்களில் முக்கியமான ஒன்று மஞ்சளே.

ஏனெனில் இது நிறைய மருத்துவ குணங்களை கொண்டுள்ளது. தசைகளை சீராக்கி ரத்த நாளங்களின் செயல் திறனை அதிகரிக்கிறது.

இதனால் உடலுறவு கொள்வதறகு அதிக பலத்தை தரும். மேலும் உடலில் நோய்கள் வருவதை தடுக்கும்.

5 சாஸ்ட் பெர்ரி (Chaste Berry)
பாரம்பரிய முறையில் இந்த மூலிகையை பெண்களின் ஆரோக்கியத்துக்கு பயன்படுத்துவார்கள். பொதுவாக ஈஸ்ட்ரோஜன் குறைபாட்டிற்கு காரணமாக இருப்பவை அதிக மன அழுத்தம், மார்பக நோய்கள், மாதவிடாய் தள்ளி போகுதல்.

இந்த மூலிகை இவற்றிலிருந்து விடை தரும். அதாவது, பெண்களின் கர்ப்பப்பையை உறுதிப்படுத்தி எந்தவித நோய் தொற்றுகளும் ஏற்படாமல் பாதுகாக்கும். அத்துடன் உடலுக்கு தேவையான அளவில் செக்ஸ் ஹார்மோன்களை சுரக்க தூண்டும்.

6 ப்ரிம்ரோஸ்
மாலை நேரத்தில் பூக்க கூடிய இந்த ப்ரிம் ரோஸ் ஈஸ்ட்ரோஜன் குறைபாட்டுக்கு ஒரு முற்று புள்ளி வைக்கிறது. தைராய்டு சுரப்பியை நன்கு சுரக்க செய்து அதன் செயல்பாட்டை சமமாக்கும்.

சீரான உடல் ஆரோக்கியத்தை ஏற்படுத்தி தாய்மை அடைய உதவுகிறது. அத்துடன் முடி உதிர்தல், வறண்ட சருமம், மாதவிடாயின் போது அதிக உத்திர போக்கு ஆகிய பிரச்சினைகளை குணப்படுத்தும். பசியின்மையால் பாதிக்கப்பட்டவர்களுக்கு இது ஒரு சிறந்த மருந்து.

7 வெந்தயம்
வீட்டிலேயே ஒரு அற்புத மூலிகை உங்கள் ஹார்மோன் பிரச்சினைகளை சரி செய்கிறதென்றால் நம்புவீர்களா..? ஆமாங்க, இது உண்மைதான்.

வீட்டு சமையலில் அதிகம் உதவும் வெந்தயம்தான் இதற்கு தீர்வு தரும். பொதுவாகவே வெந்தயத்தை மாதவிடாய் வலியின் போது வலி குறைய பயன்படுத்துவோம். அத்துடன் இது ஈஸ்ட்ரோஜன் எண்ணிக்கையை அதிகரிக்க செய்கிறது. இதனால் பெண்கள் தாய்மை அடைவதற்கு பெரிதும் உதவும்.

விஸ்வரூபம் படத்தின் இரண்டாம் பாகம் வெளியாக உள்ள நிலையில் கலைஞர் கருணாநிதியின் உடல்நல குறைவு மோசமடைந்துள்ளதால், நடிகர் கமல்ஹாசன் பதற்றத்தில் உள்ளதாக சினிமா வட்டாரங்கள் தெரிவிக்கின்றன.

அரசியலில் மிகப்பெரிய ஆளுமையானவர் என்பதை தாண்டி, தமிழுக்கு மிகப்பெரிய தொண்டாற்றிய திமுக தலைவர் கலைஞர் கருணாநிதி, தற்போது உடல்நிலை குறைபாட்டால் காவேரி மருத்துவமனையில் அனுமதிக்கப்பட்டு தீவிர சிகிச்சை பெற்று வருகிறார்.

வயது முதிர்ச்சியின் காரணமாக உடல்நிலை தற்போது மேலும் மோசமடைந்துள்ளது. இதனால் திமுக தொண்டர்கள் பலரும் பெரும் கலக்கத்தில் இருந்து வருகின்றனர்.

இந்த நிலையில் நடிகர் கமல்ஹாசன் நடித்து, இயக்கியுள்ள விஸ்வருபம் படம் வரும் 10-ம் தேதி திரையரங்குகளுக்கு வர உள்ளது. ஆஸ்கர் பிலிம்ஸ் நிறுவனம் தயாரித்த இப்படத்தினை, படப்பிடிப்பின் இடையே ஏற்பட்ட பிரச்சனையால் நடிகர் கமல்ஹாசன் அதனை மிகப்பெரிய விலை கொடுத்து வாங்கிவிட்டார்.

படத்தில் செலவிட்ட பணத்தை எப்படியாவது திரும்ப பெற்றுவிட வேண்டும் என்ற எண்ணத்தில், பல்வேறு மாநிலங்களுக்கு சென்று கமல்ஹாசன் படத்தினை விளம்பரம் செய்து வருகிறார். இதுவரை இல்லாத அளவிற்கு குறைந்த நாட்களில் பல்வேறு நிகழ்ச்சிகளிலும் கமல்ஹாசன் கலந்துகொண்டுள்ளதாக ஒரு செய்தி வெளியாகியுள்ளது.

இப்படிப்பட்ட நிலையில் கலைஞரின் உடல்நலக்குறைவு படத்தின் வெளியீட்டை பாதித்து விடுமோ என்ற குழப்பத்தில் கமல் இருந்து வருவதாக சினிமா வட்டாரங்கள் தெரிவிக்கின்றன.

முன்னதாக நடிகர் கமல்ஹாசன், விஸ்வரூபம் படத்தின் முதல் பாகத்தில் செலவிட்ட ரூ.90 கோடி பணத்தினை முழுமையாக எடுக்கவில்லை என விமர்சகர்கள் பலரும் கருத்து தெரிவித்திருந்தது குறிப்பிடத்தக்கது.

விஜய் சேதுபதி மிகவும் தைரியமான ஒரு நடிகர். மாஸ், ரொமான்ஸ், பாடல்கள் இருந்தால் மட்டுமே அந்த படம் ஹிட்டடிக்கும் என்பதை நோக்கி போகாமல் வித்தியாசமான கதைகளை தேர்ந்தெடுத்து நடித்து வருகிறார்.

அண்மையில் அவரது நடிப்பில் ஜுங்கா என்ற படம் வெளியாகி இருந்தது. அதில் ஒரு காட்சியில் தனுஷை கலாய்ப்பது போல் ஒரு காட்சி இருப்பதாக ரசிகர்கள் கிசுகிசுத்து வந்தனர்.

தனுஷை ஏன் படத்தில் கலாய்த்தீர்கள் என்று ஒரு பேட்டியில் விஜய் சேதுபதியிடம் ரசிகர் ஒருவர் கேட்டார். அதற்கு விஜய் சேதுபதி கவிஞர் தனுஷ் மட்டும் தானா, மற்றவர்களை கேவலப்படுத்துகிறீர்கள்.

முதலில் அந்த வசனம் எழுதியது கோகுல், தனுஷை கலாய்க்க வேண்டும் என்ற அவசியம் இல்லை, தேவையும் இல்லை, சமகாலத்தில் இருக்கும் நடிகரை ஏன் நாங்கள் அப்படி செய்யப்போகிறோம் என்று அதிரடி பதில் கொடுத்துள்ளார்.

வாழ்ந்த வாழ்க்கையை நினைத்தபடியும் , சூதி லும் .. வாழ்க்கையை கோட்டை விட்ட அப்பா ., காதலியின் தூண்டுதலால் அப்பாவிட்ட தையும் சேர்த்து பிடிக்க போராடும் மகன் ... இவர்களே கரு.

கதை: அந்த கிராமமே போற்றும் மணியார் குடும்பம் ஹீரோ உமாபதி ராமைய்யாவின் குடும்பம். அப்பா தம்பி இராமைய்யாவின் பழம் பெருமை பேசியபடியே காலம் தள்ளும் சோம்பேறித்தனத்தால் அவர்கள் வசிக்கும் பெரிய வீட்டின் கதவு, ஜன்னல் கதவை எல்லாம் விற்று தின்று வரும் சூழல் .ஹீரோ குட்டி மணியார் - உமாபதி ராமைய்யாவும் குடி, கும்மாளம் ...என ஜாலி மைனராகவே ஊரைச் சுற்றி வருகிறார்.

இந்நிலையில், நிறைய படித்து விட்டு,கை நிறைய சம்பதிக்கும் தம்பி இராமைய்யாவின் சகோதரியின் மகள் மிருதுளா முரளி முறைப்பையன் குட்டி மணி - உமாபதி ராமைய்யாவை தீவிரமாக காதலிப்பதுடன், அவரை தொழில் அதிபராக உயர்த்தவும் முயற்சி எடுக்கிறார். ஆனால் மிருதுளாவின் முயற்சிக்கு அவரது அப்பா ஜெயப்பிரகாஷே கடும் தடையாக இருப்பதுடன் மிருதுளாவை உமாபதிக்கு கொடுப்பதிலும் விருப்பம் இல்லாமல் இருக்கிறார். காரணம் சோம்பேறிமச் சானின் மகனும் சோம்பேறியாகத்தான் இருப்பான் .... அசைக்க முடியா நம்பிக்கை தான். அவரது எண்ணத்தை தவிடு பொடியாக்கி, தடைபல கடந்து உமாபதி உயர்ந்தாரா? மிருதுளாவின் கரம் பற்றினாரா? இல்லையா ..? என்பது தான்
மணியார் குடும்பம் படத்தின் கதைக்களம் மொத்தமும்.

காட்சிப்படுத்தல்: இயக்குனர், நடிகர் ஜெ.தம்பி இராமையாவின் கதை, திரைக்கதை, வசனம் பாடல்கள், இசை மற்றும் இயக்கத்தில் அவரது கலையுலக வாரிசு உமாபதி ராமைய்யா கதாநாயகராக நடித்துள்ள "மணியார் குடும்பம்" திரைப்படத்தை கருத்தாழமிக்க காமெடி படமாக காட்சிப்படுத்தி இருப்பதில் ஜெயித்திருக்கிறார் தம்பி இராமையா.

கதா நாயகர்: உமாபதி ராமைய்யா, குட்டிமணியாக வாழ்ந்து கெட்ட பெரிய குடும்பத்து கிராமத்து இளைஞராக நடிக்கவில்லை.... வாழ்ந்திருக்கிறார். இந்த தம்பி இராமையாவின் வாரிசு தம்பிக்கு டான்ஸ், பைட் ... இரண்டும் சர்வ சாதாரணமாக வருகிறது. நடிப்பிலும் குறை சொல்வதற்கில்லை விறுவிறுப்பான பேச்சு, துறு துறு நடை, நல்ல நிறம், உயரம், அழகிய பாவனை ....எனக்கூடிய விரைவில் தமிழ் சினிமாவை ஆளப்போகும் இளம் ஹீரோக்களில், இந்த தம்பி இராமைய்யாவின் வாரிசும் இடம் பிடிக்கப் போவது நிச்சயம் ... என கட்டியம் கூறுகிறது இத்திரைப்படம்!

கதாநாயகி: நாயகரை நல் வழிக்கு கொண்டு வரும் அத்தை மகளாக கிராமத்து நாயகியாக மிருதுளா முரளி, இப்படக் கதைக்கும், பாத்திரத்திற்கும் ஏற்ற பக்கா தேர்வு என்பதை காட்சிக்கு காட்சி மெய்பித்திருக்கிறார். வாரே வா !

அப்பா நாயகர்: வாழ்ந்து கெட்ட குடும்ப தலைவனாக நாயகரின் அப்பாவாக தம்பி இராமைய்யா, செம கெத்து காட்டியிருக்கிறார். அதிலும் காலையிலேயே எழுந்து பரபரப்பாக குளித்து மூழ்கி, சலவை வேஷ்டி சகிதமாக ஏதோ வேலைக்கு போவது போல் கிளம்பி வீட்டு முற்றத்தில் சாய்வு நாற்காலியில் அமர்த்து பேப்பர் படித்த படி பொண்டாட்டியை நாட்டாமை பண்ணும் தம்பி இராமைய்யாவின் அழகோ அழகு.வெத்து, கெத்து காட்டும் கேரக்டர்களில் தம்பி இராமைய்யாவை அடித்துக் கொள்ள ஆளே கிடையாது .... என்பதை மீண்டும் ஒருமுறை இப்படத்தின் மூலம் நிரூபித்திருக்கிறார். வாவ்!

பிற நட்சத்திரங்கள்: மிடுக்கான நேர்மையான போலீஸ் அதிகாரியாக சமுத்திரகனி, நாயகியின் அப்பாவாக நாயகர் முன்னேறிவிடக் கூடாது எனும் வரட்டு கெளரவ பிடிவாதக்காரராக ஜெயப்பிரகாஷ், நொடிந்த தொழில் அதிபராக ராதாரவி, திருட்டு தனம் மிக்க கார் டிரைவராக மெட்டை ராஜேந்திரன், நாயகரின் மாமா பொட்டலமாக விவேக் பிரசன்னா, நாயகருக்கு இடையூறு செய்து பின் திருந்தும் இளம் வில்லனாக பவன், நாயகி ரிஜக்ட் செய்ததால் அவரை சமயம் பார்த்து பழிக்கு பழிவாங்கும் மற்றொரு வில்லன் ராகுல், தம்பி ராமைய்யாவின் குடும்ப குத்து விளக்கு சம்சாரமாக ஸ்ரீரஞ்சனி, பாசக்கார பாட்டி ஸ்ரீஜா ரவி.ஒத்த பாட்டுக்கு செமகுத்துப் போட்டு பின் காணாமல் போகும்"பிக்பாஸ்" யாஷிகா ஆனந்த், நாயகியின் அம்மா மீராகிருஷ்ணன், மியூசெ(சி)க்ஸ் சிங்கம் புலி, மற்றொரு வில்லன் ராகுலின் முரட்டு மீசை அப்பா சிங்கமுத்து, வைரபாலன், ஜெ.பி வீட்டு காமெடி வேலையாட்கள்ராமர், தங்கதுரை, ராதாரவி காரில் குடும்பத்தோடு லிப்ட் கேட்டு ஏறி கழுத்தில் கத்தியை வைத்து மிரட்டி நகை பறிக்கும் சரவணசக்தி, ஹலோ கிருஷ்ணமூர்த்தி .... உள்ளிட்ட பெரும் நட்சத்திர பட்டாளம் மொத்தமும் படத்திற்கும் தங்கள் பாத்திரங்களுக்கும் கூடுதல் பலம் சேர்த்திருக்கின்றனர். பலே, பலே!

தொழில்நுட்பகலைஞர்கள்: ஹரி தினேஷ், பிரதீப் தினேஷ் இருவரது சண்டை பயிற்சியும், தினேஷ் மற்றும் ராபர்ட் மாஸ்டரின் நடன பயிற்சியும் இப்படத்தை ஒரு படி உயர்த்தி பிடிக்கின்றன. வைர பாலனின் கலை இயக்கம், கோபி கிருஷ்ணாவின் படத்தொகுப்பு, பி.கே .வர்மாவின் ஒளிப்பதிவு உள்ளிட்டவைகளில் கோபி கிருஷ்ணாவின் கத்திரி மட்டும் பின் பாதி நீளத்தை சற்று குறைத்திருக்கலாம். மற்றபடி மூவரும், அவர்களது வேலை பாடு களும் படத்திற்கு பெரிய ப்ளஸ்.

பலம்: அப்பா தம்பி இராமைய்யாவின் இசை மற்றும் இதம்,பதமான பாடல்களும், முன் பாதி படமும், மகன் உமாபதியின் பைட் & டான்ஸ் மூவ்மென்ட்ஸும் படத்திற்கு பெரும் பலம்.

பலவீனம்: பின் பாதி படத்தில் இடம் பெறும் சில இழுவையான காட்சிகளும், தம்பி இராமையா மகனை தேடி வந்த இடத்தில் மொட்டை ராஜேந்திரனை பாலோ பண்ணிப் போய் அடி உதைப்பட்டு வாமிட் வாயுடன் 20 பது நிமிடங்களுக்கு மேல் டயலாக் பேசும் இடங்களும் சற்று ரசிகனை முகம் சுளிக்க வைக்கின்றன.

இசை & இயக்கம்: இயக்குனர், நடிகர் J. தம்பி இராமையாவின் கதை, திரைக்கதை, வசனம் பாடல்கள், இசை மற்றும் இயக்கத்தில், "அடி பப்பாளி பழமே என் தக்காளி ரசமே ... " , " யேன் மனசுக்குள்ள ...." உள்ளிட்ட பரவசமூட்டும்,பளபள பாடல்களும், "காய்ச்சின பால் பிடிக்காது. பீய்ச்சுன்ன பால் தான் பிடிக்கும்...." ,"ஒரு பொண்ணுக்கு கிடைச்ச வாழ்க்கைய வாழறதை விட நினைச்ச வாழ்க்கை வாழறது தான் ரொம்ப பிடிக்கும் .... " , "நாம உயர ணும்னா நாம தான் குட்டிமணி சிந்திக்கணும் உழைக்கணும் ... " ஆகிய அர்த்தம் தொனிக்கும் வசனங்களும்., °வம்சவிருத்தி இல்லாது பேசுவது." , "கிளம்பலை கிளம்பிட்டா ..." ஆகிய இலைமறை காய் இரட்டை அர்த்த காட்சிகளும் படத்தில் ஆங்காங்கே தென்படும் லாஜிக் மிஸ்டேக்குகளை மேஜிக்காக ரசிகனின் கண்களுக்கு தெரியாது மறைத்து விடுவது சிறப்போ சிறப்பு!

அதே போன்று, குதிரை ரேஸ் உள்ளிட்ட சூது வெறி பிடித்தவர்களாலும் "குந்தி தின்று குன்றையும் கரைக்கும் " சோம்பேறிகளாலும் பெரிய வசதியான குடும்பம் கூட எப்படி நிலை குலையும்? என்பதை காட்டியிருக்கும் விதம் அசத்தல்! இவை எல்லாவற்றுக்கும் மேல் படித்து விட்டும், படிக்காமல் விட்டும் ... அடுத்து என்ன செய்வது எனத் தெரியாது குழப்பத்தில் வேலை வெட்டி இல்லாது சும்மா திரியும் இளைஞர்களுக்கு இப்படத்தில் காட்டப்படும் "வின்ட் மில் "மாதிரி எத்தனையோ தொழில்கள் இருக்கிறது... அவற்றை ஊரோடும், உறவோடும் செய்து பெரிதாய் பிழைத்துக் கொள்ளப் பாருங்கள் ... எனகாமெடி படத்தில், நல்ல கருத்தையும் சொல்லி வழிகாட்டியிருக்கும் இயக்குனர் ஜெ. தம்பி இராமைய்யாவை கட்டிப்பிடித்து பாராட்டலாம்.

பைனல்" பன்ச் " : மொத்தத்தில், சில நிறை, குறைகள் இருந்தாலும் கருத்தாழமிக்க காமெடி திரைப்படமாக வந்துள்ள "மணியார் குடும்பம்' - 'மணியான குடும்பம்' ரசிகனுக்கு 'மகிழ்வான திரைப்படம் !" 

தேவையான பொருள்கள்:

முட்டைகோஸ் – கால் கிலோ
மிளகு – அரை டீஸ்பூன்
சீரகம்- அரை டீஸ்பூன்
இஞ்சி,பூண்டு விழுது – ஒரு டீஸ்பூன்
எண்ணெய் – ஒரு டீஸ்பூன்
உப்பு – தேவையான அளவு
கொத்தமல்லி தழை – சிறிதளவு
மிளகு தூள் – அரை டீஸ்பூன்

செய்முறை:

முதலில் முட்டைகோஸை நன்கு கழுவி சிறியதாக நறுக்கிக் கொள்ள வேண்டும்.
பின் கடாயில் எண்ணெய் எடுத்துக்கொண்டு அதில் மிளகு, சீரகம் ஆகியவற்றை போட்டு தாளிக்க வேண்டும்.
தாளித்ததும் இஞ்சி, பூண்டு விழுது மற்றும் உப்பு ஆகியவற்றை சேர்த்து நன்கு வதக்க வேண்டும்.
நன்கு வதங்கிய பின்பு நறுக்கிய முட்டைகோஸ் சேர்த்து வதக்க வேண்டும்.
அதன்பின் ஒரு கப் தண்ணீர் சேர்த்து கால் மணி நேரம் கொதிக்க வைக்க வேண்டும்.
நன்கு கொதித்ததும் அதனை வடிகட்டி மிளகுத்தூள், கொத்தமல்லி தழை ஆகியவற்றை சேர்த்து குடிக்க வேண்டும்.

மருத்துவக்குணங்கள்:

முட்டைகோஸை ஜூஸ் போட்டு குடித்தால் அல்சர் குணமாகும்.
உடல் எடையை குறைக்க வேண்டுமெனில் வேக வைத்த முட்டைகோஸ் அல்லது முட்டைகோஸ் சூப் சாப்பிட வேண்டும்.
முட்டைகோஸில் நார்ச்சத்து அதிகமாக உள்ளதால் இவை செரிமான மண்ட‌லத்தை சீராக இயக்கி மலச்சிக்கல் பிரச்‌சனையை குணமாக்கும்.
மேலும் உடலை தாக்கும் புற்றுநோய், இதயநோய் ஆகியவற்றை குணப்படுத்தும்.

குறிப்பு:

காலையில் தினமும் வெறும் வயிற்றில் பருகினால் உடல் கொழுப்பு கரையும்.