என் புத்தகம்

ராஜமௌலி என்ற பெயரை கேட்டதும் இன்னமும் பாகுபலி படம் மனதில் வந்து போகும். அப்படியான ஒரு அனுபவத்தை அவர் உருவாக்கிவிட்டார்.

பாகுபலி, பாகுபலி கன்குளூசன் என இரு பெரும் படங்களை தொடர்ச்சியாக எடுத்து சினிமா வரலாற்றில் ஒரு பெரும் சாதனையை செய்துவிட்டார். ரூ 1000 கோடிகளை கடந்து சாதனை படைத்தது.

அடுத்து சினிமாவில் ராம்சரணின் படத்தை இயக்குகிறார். மேலும் அவருக்கு ராமாயணம் படத்தை இயக்க வேண்டும் என்ற ஆர்வம் இருக்கிறது. அமீர்கான் கூட பேச்சு வார்த்தை நடத்தி வருகிறாராம்.

தற்போது ராஜமௌலி இன்ஸ்டாகிராம் தளத்திலும் தனக்கென ஒரு பக்கத்தை உருவாக்கியுள்ளார். ஒரே நாளில் இதில் 45 ஆயிரம் பேர் அவரை பின்பற்றியிருக்கிறார்களாம்.

தமிழ் திரையுலகில் டி ஆர் ஆக்ரோஷமான, துடிதுடிப்பான திறமைகளை கொண்ட மனிதர். அதே சமயம் பலதடவை உணச்சிவசப்படும் சுபாவம் கொண்டவர்,

இவர் சமீபத்தில் ஜீ தமிழ் தொலைக்காட்சியில் ஒளிபரப்பாகும் சரிகமப ஷோவில் கலந்துகொண்டு இளம் பாடகர்களுக்கு அவரது கருத்துக்களை பகிர்ந்தார். இந்நிலையில் இன்று ஒளிபரபரப்பாகும் ஷோவில் சரிகமப வின் ராக் ஸ்டார் ரமணி அம்மாவின் செயலை பார்த்து அழுது விட்டார்.

அதாவது ரமணி அம்மா ஒரு முதியோர் இல்லத்துக்கு சென்று அவர்களை தனது பாடலால் மகிழ்வித்து தன்னால் முடிந்த பணத்தை கொடுத்து நம்பிக்கை வார்த்தைகளை கூறினார். குறிப்பாக 300 நாட்கள் கருவில் சுமந்து வளர்த்து பிறகு அவர்களை முதியோர் இல்லத்தில் அனுப்பாதீர்கள் என்று சொல்லத்தான் அங்கு சென்றேன் என்று கூறினார்.

இதை கேட்ட டி ஆர், மாடாய் உழைத்து ஓடாய் தேய்ந்து உன்னால் முடிந்த பணத்தை கொடுத்த தாயே, நீ தான் இந்த உலகத்தில் பணக்காரி, என் கண்ணீரை உன் பாதத்தில் சமர்ப்பிக்கிறேன் என்று உணர்ச்சிமிகு கண்ணீரோடு கூறினார்.

அஜித் தற்போது விசுவாசம் படத்தில் நடிப்பதற்காக ரெடியாகி வருகின்றார். கோலிவுட் ஸ்ட்ரைக் முடிந்த அடுத்த நாள் படப்பிடிப்பிற்கு செல்ல முடிவு செய்துள்ளார்.

இந்நிலையில் அஜித் எப்போதும் மோட்டர் பைக், கார் ரேஸ் ஆகியவற்றில் ஆர்வமாக இருப்பார், நேற்று சென்னையில் உள்ள பிரபல கல்லூரி ஒன்றிற்கு சென்றுள்ளார்.

அஜித் ஏன் அங்கு சென்றார் என்று பலருக்கும் தெரியவில்லை, மாணவர்களுடன் அவர் கலந்துரையாடியுள்ளார்.

என்ன என்று விசாரிக்கையில் அஜித்திற்கு ஏரோ மாடலிங்கில் பெரும் ஆர்வம் சமீப காலமாக இருந்து வருகின்றது.

அதை பற்றி ஒரு சில தொழில்நுட்பத்தை தெரிந்துக்கொள்ள அஜித் அந்த கல்லூரிக்கு சென்றுள்ளார் என கூறப்படுகின்றது.

கமல்ஹாசன் இயக்குனர் சங்கருடன் மீண்டும் இந்தியன் 2 படம் மூலம் கூட்டணி சேரவுள்ளார். இதற்கான அறிவிப்புகள் பிக்பாஸ் நிகழ்ச்சியின் போதே வெளியானது. இந்த தகவல் ரசிகர்களுக்கு மகிழ்ச்சியை தந்தது.

படப்பிடிப்பு எப்போது துவங்கும் என்பதே ரசிகர்களின் எதிர்பார்ப்பு. ஆனால் சங்கர் ரஜினியை வைத்து இயக்கியுள்ள நடித்துள்ள 2.0 படத்தில் தொழிநுட்ப வேலைகள் மிகவும் நுணுக்கமாக நடைபெற்று வருகிறது.

இது முடிவடைய இன்னும் நீண்ட நாட்கள் தேவைப்படுவதாலேயே படம் அடுத்தமாதத்திலிருந்து நாள் குறிப்பிடப்படாமல் தள்ளி வைக்கப்பட்டது. இதனால் ரசிகர்களுக்கு வருத்தம் தான்.

தற்போது புதிய இப்படத்தில் வசனம் எழுத லட்சுமி சரவணக்குமார் ஒப்பந்தமாகியுள்ளாராம். கதைகள், நாவல்கள் எழுதிவரும் இவர் கடந்த 2016 ல் கானகன் என்ற தன் நாவலுக்கு சாகித்திய அகாடமி விருது பெற்றுள்ளார்.

மேலும் காவியத்தலைவன், அரவான் ஆகிய படங்களில் பணியாற்றியுள்ளாராம்.

பெரும்பாலும் கோயில்கள் ஆன்மீகத்துக்கும் கட்டடக்கலையை பறைசாற்றும் வகையிலும் அமைக்கப்பட்டிருக்கும். அவற்றில் ஒரு சில வித்தியாசமான அம்சங்களை கொண்டதாகவும் இருக்கும்.

பொதுவாகவே கோயில்களுக்கு பக்தர்கள் விரும்பி வேண்டி செல்வார்கள். அதே கோயில் பக்தர்களுக்கு பயத்தை ஊட்டினால், எப்படி இருக்கும்.
ராஜஸ்தானில் உள்ள ஒரு கோயிலுக்கு செல்லும் பக்தர்கள் அலறியடித்துக்கொண்டு ஓடுகின்றனராம். ஏன் எதற்கு என்று தெரிந்துகொள்ளவேண்டுமா தொடர்ந்து படியுங்கள்.
ராஜஸ்தான் மாநிலத்தில் அமைந்துள்ள இந்த கிரடு கோயிலில் தான் வரும் பக்தர்கள் அனைவரும் மாலை நேரங்களில் அலறியடித்துக்கொண்டு ஓட்டம்பிடிக்கின்றனர்.
என்னதான் ராஜஸ்தான் மாநிலத்தில் பெரும்பாலும் வறட்சியாக காணப்பட்டாலும், பாலைவனத்துக்கு அருகில் இருக்கும் இந்த கோயிலுக்கு செல்லும் பாதை கான்கிரிட் தளமிட்டு அழகாக்கப்பட்டுள்ளது. அதன் இருபுறமும் வழிநெடுகிலும் பச்சை பசேலென்று செடி மரங்கள் உள்ளன.
காடுகள் நிறைந்த பாலைவனப்பகுதியில் அமைந்துள்ள இந்த கோயிலுக்கு செல்லும் பக்தர்கள் மாலை நேரங்களில் மிகுந்த பயத்துடனே இந்த கோயில் வழிபடுகின்றனர்.
மாலை நேரங்களில் வழிபடும் பக்தர்கள் இரவு ஆவதற்குள் அதாவது 6 மணிக்குள் இடத்தை காலி செய்துவிடுகின்றனர். தப்பி தவறி கூட 6 மணிக்குமேல் இங்கு தங்குவதில்லை. ஏன் தெரியுமா?
இங்கு இரவு நேரங்களில் தங்குபவர்கள் தூங்கிக் கொண்டிருக்கும் போது திடீரென்று அந்த அதிர்ச்சியான அதிசயம் நடக்கிறதாம்.
கோயிலில் தங்கக்கூடாது என்று தெரிந்தவர்கள் தெரியாதவர்களுக்கு அறிவுறுத்துகின்றனர். மீறி தங்கினால் அவ்வளவுதான். அவர்கள் சிலையாக மாறிவிடுகின்றனர். நம்பமுடியவில்லையா?
உள்ளூர் வாசியிடம் விசாரித்தபோது, பல ஆண்டுகளுக்கு முன்னர் இந்த ஊருக்கு ஒரு முனிவர் வந்ததாகவும், அவருக்கு இந்த மக்கள் பிடிக்காததால் அனைவரையும் கல்லாக மாற்றிவிட்டதாகவும் கூறினார். மகாபாரதம் நடைபெற்ற இடம் இப்போ எப்படி இருக்கு தெரியுமா?. அந்த முனிவர் இந்த கோயிலில்தான் தற்போதும் இருக்கிறார் என்கின்றனர் வேறு சிலர்.
இந்த கோயில் ஆயிரம் வருடங்கள் பழமையானது என நம்பப்படுகிறது. பழமைக்கும் கட்டத்துக்கும் பெயர்பெற்ற இந்த கோயில் தற்போது பயத்துக்கும் அமானுஷ்யத்துக்கும் புகழ் பெற்று விளங்குகிறது.
இங்குள்ள சுவர்கள் , தூண்கள் என அனைத்திலும் மனித உருவங்களைக் கொண்ட சிலைகள் உள்ளன. அவை பார்ப்பதற்கு மனிதனாக இருந்து கல்லாக உருமாறியதாகவே தோற்றமளிக்கிறது.
இந்த கோயிலின் கட்டிடக் கலையை ரசிப்பதற்காகவே தினமும் பல ஆயிரம் சுற்றுலாப் பயணிகள் வருகை தருகின்றனர். நீங்களும் ராஜஸ்தான் போனா மறக்காம போகவேண்டிய இடம் இந்த கிரடு.. ஆனா... சாயங்காலம் ஆகுறதுக்குள்ள எஸ் ஆகிடுங்க...

நம் இந்தியர்களில் பெரும்பாலானோர் புழங்கும் பேஸ்புக்கில் இருந்து தகவல்கள் திருடப்பட்ட விவகாரம் தொடர்பாக குற்றம் சாட்டப்பட்டுள்ள கேம்பிரிட்ஜ் அனாலிட்டிக்கா நிறுவனத்திற்கு மத்திய அரசு நோட்டீஸ் அனுப்பியுள்ளது. ஃபேஸ்புக்கில் அந் நிறுவனம் தகவல்களை எடுத்தது தொடர்பாக விளக்கம் அளிக்க அந்த நோட்டீசில் கேள்வி எழுப்பப்பட்டுள்ளது. உரியவர்களின் அனுமதி பெறப்பட்டுதான் அவர்களைப் பற்றிய விவரங்கள் பயன்படுத்தப்பட்டனவா என்று அனாலிட்டிக்கா நிறுவனம் உரிய விளக்கம் அளிக்காவிட்டால் அதன்மீது சட்டப்படி நடவடிக்கை எடுக்கப்படும் என்றும் மத்திய தகவல் தொழில்நுட்பத் துறை அமைச்சகம் கடுமையாக எச்சரித்துள்ள நிலையில் பிரதமர் மோடியின் நமோ செயலி, பயனாளர்களின் தகவல்களை அவர்கள் அனுமதியின்றி அமெரிக்க நிறுவனம் ஒன்றுடன் பகிர்ந்து கொள்வதாகக் குற்றச்சாட்டு எழுந்துள்ளது.

நாட்டு மக்கள் தங்கள் கருத்துகளைப் பிரதமர் மோடியுடன் பகிர்ந்துகொள்வதற்காக நமோ என்ற பெயரில் ஆண்ட்ராய்டு மற்றும் ஐ-ஓ.எஸ். இயங்குதளங்களில் இயங்கும் செயலி ஒன்று வடிவமைக்கப்பட்டுள்ளது. இந்தச் செயலி, பயனாளர்களின் தகவல்களை அமெரிக்காவைச் சேர்ந்த கிளவர் டாப் (Clever Top) என்ற நிறுவனத்துடன் பகிர்ந்து கொள்வதாக பிரான்ஸ் நாட்டைச் சேர்ந்த பாதுகாப்பு ஆய்வாளர் எலியாட் ஆண்டர்சன் குற்றம்சாட்டியுள்ளார்.

இதுதொடர்பாக ட்விட்டரில் பதிவிட்டுள்ள ஆண்டர்சன், “நமோ செயலியில் ஒவ்வொரு பயனாளரும், தங்கள் தகவல்களைக் கொடுத்து பதிவு செய்தவுடன், பயனாளர் பயன்படுத்தும் செல்போன் குறித்த தகவல்கள், புகைப்படம், பாலினம் மற்றும் இ-மெயில் முகவரி உள்ளிட்ட தனிப்பட்ட தகவல்களைக் குறிப்பிட்ட ஓர் இணையதளத்துடன் பகிர்ந்து வருகிறது. இது அந்தப் பயனாளர்களின் அனுமதியின்றியே நடந்து வருகிறது. அந்த இணையதளம் கிளவர் டாப் என்ற அமெரிக்க நிறுவனத்துக்குச் சொந்தமானது’’ என்று தெரிவித்துள்ளார்.

அமெரிக்காவில் 5 கோடிக்கும் அதிகமான ஃபேஸ்புக் பயனாளர்களின் தகவல்களைப் பயன்படுத்தி அமெரிக்க அதிபர் தேர்தலில் டிரம்ப்புக்கு ஆதரவாக கேம்பிரிட்ஜ் அனாலிடிகா என்ற நிறுவனம் பிரசாரத்தில் ஈடுபட்டதாகப் புகார் எழுந்தது. கேம்பிரிட்ஜ் அனாலிடிகா நிறுவனத்தின் வாடிக்கையாளர்களாக இந்தியாவைச் சேர்ந்த பல்வேறு அரசியல் கட்சிகளும் இருப்பதாகவும் கூறப்படுகிறது. இந்த விவகாரம் பெரிய அதிர்வலைகளை ஏற்படுத்தியது இன்று வரை தொடரும் நிலையில் மோடியின் ஆப்-ஸூம் சர்ச்சையில் சிக்கியுள்ளது குறிப்பிடத்தக்கது.

அப்பல்லோ மருத்துவக் குழுமங்களின் தலைவர் பிரதாப் சி.ரெட்டிக்கு நேற்று நள்ளிரவில் திடீரென மாரடைப்பு ஏற்பட்டுள்ளது. மயங்கி விழுந்த அவருக்கு இருதய அடைப்புக்கான ஆஞ்சியோ சிகிச்சை அளிக்கப்பட்டது. பின்னர் அவர் ஆயிரம் விளக்கில் உள்ள அப்பல்லோ மருத்துவ மனையில் சேர்க்கப்பட்டார். அங்கு, முக்கிய பிரமுகர்களுக்கான வார்டு அறையில் அவருக்கு சிறப்பு சிகிச்சை அளிக்கப்பட்டு வருகிறது. அவரது உடல்நிலை சீராக இருப்பதாக தகவல்கள் வெளியாகி உள்ளன.

நாள் ஒன்றுக்கு 100 ரூபாய்க்கும் குறைவாக சம்பாதித்த பிரதாப் ரெட்டி என்கிற அந்த இளைஞன், கார்ப்பரேட் மருத்துவமனை தொடங்கப் போவதாக 33 வருடத்துக்கு முன்பு கூறியதைக் கேட்டு அனைவரும் சிரித்தனர். அதைப் பற்றி எந்தக் கவலையும் இல்லாமல் 150 படுக்கையுடன் 1983-ம் ஆண்டு தொடங்கப்பட்ட அப்போலோ மருத்துவமனை இன்று 12 நாடுகளில் 69 மருத்துவமனைகளையும் 9,500 படுக்கைகளுடன் கூடிய மிகப்பெரிய மருத்துவ சாம்ராஜ்யமாக வளர்ந்து உள்ளது.

உலகம் முழுவதும் கோடிக்கணக்கான மக்களுக்கு மருத்துவ சிகிச்சையை அப்போலோ அளித்து வருகிறது. 60 ஆயிரம் செவிலியர்கள் 7ஆயிரத்திற்கும் மேற்பட்ட மருத்துவர்கள் என தற்போதைய வளர்ச்சி எல்லாமே ‘மெடிக்கல் மிராக்கிள்’ பிரம்மாண்டம் தான். வருடத்திற்கு 3லட்சத்து 70 ஆயிரம் உள்நோயாளிகளும் 33 லட்சம் வெளிநோயாளிகளும் அப்போலோ வந்து செல்கின்றனர். இந்த வருடத்தில் மட்டும் 5,900 மூட்டு ,இடுப்பு அறுவை சிகிச்சைகளும், 14 ஆயிரம் நரம்பு அறுவை சிகிச்சையும், 400 கல்லீரல் மாற்றும், 1,100 சிறுநீரக மாற்று அறுவை சிகிச்சைகளும் நடந்துள்ளன. 5 ஆயிரத்து 400 கோடி ரூபாய்க்கு வர்த்தகம் நடைபெற்றுள்ளது. இது கடந்த ஆண்டை விட 100 கோடி அதிகம். நாள் ஒன்றுக்கு எல்லா செலவுகளும் போக 2 கோடி ரூபாய் லாபம் ஈட்டுகிறது அப்போலோ.

1983-ம் ஆண்டு தொடங்கப்பட்ட அப்போலோ பிரபலம் ஆனதே 1984-ல்தான். அப்போதுதான் எம் .ஜி .ஆர். சிகிச்சைக்காக அங்கு சேர்க்கப்பட்டார். அவர் மருத்துவமனையில் இருந்த 10 நாட்களும் அப்போலோ ஏரியாவை தொண்டர்கள் சூழ்ந்து கொண்டனர். எம் .ஜி .ஆர் உடல் நிலை குறித்த அறிக்கைகளை அப்போது உடனுக்குடன் வெளியிட்டது அப்போலோ. அதன் பிறகு கடந்த 2002-ம் ஆண்டு உடல்நல குறைவால் சிகிச்சைக்காக சேர்க்கப்பட்ட முரசொலி மாறனை பார்க்க, திமுக தலைவர் கருணாநிதி தினமும் அப்போலோ வந்தார். அப்போதும் தொண்டர்களால் நிரம்பி வழிந்தது அப்போலோ. சென்ற 2011-ம் ஆண்டு தொடர் பிரசாரத்தால் கருணாநிதியும் அப்போலோவில் அனுமதிக்கப்பட்டார். ரஜினியும் உதடு சிகிச்சைக்காக அப்போலோ வந்துள்ளார். இப்படி அரசியல், சினிமா நட்சத்திரங்களின் மருத்துவமனையாகத் திகழ்கிறது அப்போலோ.

இந்தியாவின் அத்தனை மெட்ரோ நகரங்களிலும் அப்போலோ மருத்துவமனை உள்ளது. தமிழ்நாட்டில் தற்போது மதுரை,கோவை, காரைக்குடி என இரண்டாம் நிலை நகரங்களிலும் தனது கிளைகளை தொடங்கியுள்ளது.33 வருடத்திற்கு முன்பு ரெட்டி சொன்னது போல், அப்போலோ இப்போது பணக்காரர்களின் மருத்துவமனை தான். நட்சத்திர ஹோட்டல்களில் வசூலிக்கப்படும் அறை வாடகையை விட அப்போலோ ரூம் வாடகை அதிகம். மேற்கு உலக நாடுகளில், மருத்துவமனைகளை இன்சூரன்ஸ் நிறுவனங்கள் தான் இயக்குகின்றன. இந்தியாவில் அப்படி ஒரு கார்ப்ரேட் மருத்துவமனை இருக்குமானால் அது அப்போலோ மட்டுமே. இங்கு நோயாளிகளுக்கான கட்டணங்கள் எல்லாமே பேக்கேஜ் முறையில் தான் வசூலிக்கப்படுகிறது. சாதாரண நோய்க்கே லட்சங்கள் இல்லாமல் நீங்கள் அப்போலோவிற்குள் நுழைய முடியாது. 3,500 ரூபாயில் இருந்து 30 ஆயிரம் வரை அப்போலோவில் அறைகள் உள்ளன என்பது கூடுதல் தகவல். அப்பேர் பட்ட அப்போலோ சாம்ராஜ்யத்தின் அதிபர் தான் உருவாக்கிய ஆஸ்பத்திரியில் ஒரு பேஷண்டாக அனுமதிக்கப்பட்டுள்ள்ளார் என்பதுதான் சோகம்.