என் புத்தகம்

இன்று சுற்றுச்சூழலுக்கு ஏக கேடு விளைவிப்பதோடு, உலகையே அச்சுறுத்திக் கொண்டிருக்கும் வஸ்து எதுவென்றால், அது கண்டிப்பாக பிளாஸ்டிக்தான். இங்கு அங்கு என்று இல்லாமல் எங்கெங்கும் நீக்கமற நிறைந்து, நீர்நிலைகள், நிலத்தடி நீர், எரித்தால் மனிதர்களுக்குப் புற்றுநோய் ஏற்படுத்தும் நச்சுகளை வெளிப்படுத்துதல் என்று மனிதகுலத்துக்கு எமனாக இருக்கிறது பிளாஸ்டிக். தமிழக அரசு தாமதமாக உணர்ந்தாலும், வரும் 2019 ம் வருடம் ஜனவரி மாதத்திலிருந்து பிளாஸ்டிக் பொருள்களை பயன்படுத்த தடை விதித்து உத்தரவிட்டுள்ளது.

``இதற்கு மாற்று என்ன? இந்தத் திடீர் தடையால் பிளாஸ்டிக் வஸ்துகளை உற்பத்தி செய்யும் ஆலைகளில் வேலை செய்யும் லட்சக்கணக்கான ஊழியர்களின் வாழ்வாதாரத்துக்கு என்ன வழி?" என்றெல்லாம் சிலர் கேள்வி எழுப்பி வருகிறார்கள். இது ஒருபுறம் இருக்க, ``2019 ம் வருடத்திலிருந்து, `இனி பிளாஸ்டிக்கைப் பயன்படுத்தக் கூடாது' என்று தமிழக அரசு உத்தரவிட்டுள்ளது நல்ல விஷயம். ஆனால், இப்போது டன் கணக்கில் தமிழகத்தில் எல்லா ஊர்களிலும் குவிந்து கிடக்கும் பிளாஸ்டிக் கழிவுகளை அப்புறப்படுத்த என்ன வழி?" என்று சமூக ஆர்வலர்கள் கேள்விக் கணைகளை தொடுக்கத் தொடங்கியிருக்கிறார்கள். அந்தக் கேள்விக்கு பதிலாக, பிரத்யேக மெஷின்கள் மூலம் எல்லா பிளாஸ்டிக் கழிவுகளையும் அழிப்பதோடு, அவற்றிலிருந்து டீசலைவிட தரம் வாய்ந்த பயோ டீசலைத் தயாரிக்க முடியும் என்று அடித்துச் சொல்கிறார் காஜா மொயிலுதீன்.

கரூர் மாவட்டம், பள்ளப்பட்டியைச் சேர்ந்தவர்தான் இந்த காஜா மொயிலுதீன். இவர்தான், `தமிழகத்தில் உள்ள அனைத்து ஊராட்சி, பேரூராட்சி, நகராட்சி, மாநகராட்சிகளில் குவிந்து கிடக்கும் பிளாஸ்டிக்குகளை தனது பிரத்யேக மெஷினால் அழிப்பதோடு, அந்த பிளாஸ்டிக் கழிவுகளிலிருந்து டீசலை விட தரம் வாய்ந்த பைரோ ஆயிலை எடுக்க முடியும்' என்று சொல்கிறார். இதுபற்றி, அவரிடம் பேசினோம்.

``நான் ஒன்பதாவதுதான் படிச்சுருக்கேன். சின்ன வயசிலிருந்து எதையாவது கண்டுபிடிச்சுகிட்டே இருப்பேன். திருச்சியில் இப்போ பழைய இரும்புப் பொருள்களையும் பிளாஸ்டிக் பொருள்களையும் வாங்கும் கடையை வெச்சுருக்கேன். இருந்தாலும் இன்னொரு பக்கத்துல எதையாவது புதுசு புதுசா கண்டுபிடிச்சுக்கிட்டே இருப்பேன். சென்னையில் ஒரு காது குடையிற பட்ஸ் தயாரிக்கிற கம்பெனியில் வேஸ்டான 300 பட்ஸை ஓர் இடத்துல மலைபோல் குவிச்சு வெச்சுருந்தாங்க. 30 கோடி மதிப்புள்ள இடமும் வீணாகிக் கொண்டிருந்தது. அதை அழிக்க படாதபாடுபட்டாங்க. அதை அழிக்கிறதா சொல்லி எத்தனையோ கம்பெனிகள் வந்து, அதை அழிக்க முடியாம கைவிரிச்சுட்டு போனாங்க. ஆனால், நான் தயாரிச்ச மெஷினை வெச்சு அதை சுற்றுச்சூழலுக்குக் கேடு இல்லாம அழிச்சுக் காட்டினேன்.

இந்நிலையில்தான், `பிளாஸ்டிக்குகளை அழிக்கிற மெஷினைக் கண்டுபிடிச்சா என்ன?'ன்னு தோணுச்சு. ஆராய்ச்சியில இறங்கிட்டேன். பலவற்றைக் கண்டுபிடிச்சேன். திருப்தியில்லை. அப்போதான், பிளாஸ்டிக்கோட பிறப்பிடத்திற்கே போனா என்னன்னு தோணுச்சு. பிளாஸ்டிக்கை அழிச்சு, டீசல் தயாரிக்கலாம்ங்கிற ஆராய்ச்சியில இறங்கினேன். ஏற்கெனவே, சித்ரா தியாகராஜன், பேராசிரியர் சரவணன் உள்ளிட்டவர்கள் பிளாஸ்டிக்கிலிருந்து பைரோ ஆயில எடுக்கும் முயற்சியைச் செஞ்சுருக்காங்க. ஆனா, அவங்க மக்காத பிளாஸ்டிக் குப்பையிலிருந்து அதை பண்ணலை.

அதனால், மக்காத பிளாஸ்டிக் குப்பைகளை திரவ எரிபொருளா மாத்துற இயந்திரத்தை மூன்று வருட முயற்சியில் கண்டுபிடிச்சேன். நான் பிளாஸ்டிக் கழிவுகளிலிருந்து எடுத்த பைரோ ஆயிலைச் சோதித்த திருச்சி என்.ஐ.டி கல்வி நிறுவனப் பேராசிரியர், `இது டீசலைவிட பெட்டரா இருக்கு'ன்னு சர்ட்டிஃபிகேட் பண்ணினார். ஒரு கிலோ பிளாஸ்டிக்கில் 700 மில்லி லிட்டர் பைரோ ஆயில் எடுக்கலாம். முதல்கட்டமாக இந்த மெஷினரி கொண்ட தொழிற்சாலை அமைப்பைப் பள்ளப்பட்டியில் அமைத்திருக்கிறேன். இதற்கு பண உதவியை ஜியாவுல்ஹக், ரியாஜூல்ஹக் ஆகிய இரு சகோதரர்கள் செஞ்சாங்க. இந்தத் தொழிற்சாலைகளுக்குத் தேவைப்படும் பொருள்களில் நட், போல்ட்டைத் தவிர மத்த அனைத்தையும் நானே சொந்தமாக வடிவமைச்சுருக்கேன். இந்த பைரோ ஆயிலானது பிளாஸ்டிக் கழிவுகளை நேரடியாக எரித்து எடுக்கப்படுவதில்லை. பிளாஸ்டிக் கழிவுகளை இந்தத் தொழிற்சாலையில் 300 டிகிரி டூசு ஏற்றி, அதன்மூலமாக இந்த பைரோ ஆயில் எடுக்கப்படுவதால்,புகை வராமல் இதனால் சுற்றுச்சூழல் பாதிப்படையாது. 300 டிகிரி வெப்பத்தில், ஆக்சிஜன் இல்லாத சூழலில் அதை உருக்கும்போது, அதன் மூலக்கூறுகள் உடைந்து அதிலிருந்து ஆவி வெளிப்பட்டு, பிரத்யேகமாக வடிவமைக்கப்பட்ட இயந்திரத்தின் மூலம், அதிலிருந்து பிரித்து தனிமைப்படுத்தப்படுகிறது. அதன்பிறகு, ஹைட்ரோகார்பன் வாயு அதே இயந்திரத்துக்கு எரிபொருளாகப் பயன்படுத்தப்படுகிறது. இந்தச் செயல்முறைக்கு நைட்ரஜன் வாயு வினையூக்கியாகச் செயல்படுத்தப்படுகிறது.

இந்த பிளாஸ்டிக் கழிவுகள் பைரோ ஆயிலாக மாறியபிறகு, கடைசியாக கார்பன் பிளாக் எனும் கரிப்பொருள் கிடைக்கிறது. இது 6000 கலோரிஃபிக் பவர் உள்ளது. இதை சிமென்ட் தொழிற்சாலை, மின் உற்பத்தி தொழிற்சாலை பாய்லர்களுக்கு எரிபொருளாக உபயோகப்படுத்தலாம். இந்த இயந்திரத்தைக் குளிர்விக்க நீர் பயன்படுத்தப்படுகிறது. ஆனால், அந்த நீரை சுழற்சி முறையில் இயங்குவதால் நீர்த்தேவை அதிகளவில் இருக்காது. இந்த இயந்திரம் மூலம் உலகமே பயந்து நடுங்கும் பிளாஸ்டிக் கழிவுகள் சுத்தமாக மதிப்புக்கூட்டப்பட்ட வகையில் அழிக்கப்படுகின்றன.

 பிளாஸ்டிக்கில் இருந்து பைரோ ஆயில்

இந்த முறையில் தமிழ்நாடு முழுக்க உள்ள ஊராட்சி, பேரூராட்சி, நகராட்சி, மாநகராட்சிகளில் குவிந்து கிடக்கும் கழிவுகளை அழித்து, பைரோ ஆயிலைத் தயாரிக்க முடியும். சாதாரண டீசலை கொஞ்சகாலம் சும்மா வைத்திருந்தால், கெட்டுப் போயிரும். ஆனால், இந்த பைரோ டீசல் எத்தனை நாள் சும்மா வைக்கப்பட்டிருந்தாலும் கெடாது. இந்தத் திட்டத்தை முதலில் கரூரில் செயல்படுத்தலாம்ன்னு நினைச்சு, கரூர் மாவட்ட கலெக்டர் அன்பழகனைப் போய் பார்த்தேன். அவர் ஆர்வமாகி, ஊக்கப்படுத்தியதோடு, `கரூர் மாவட்டத்தில் இதை இம்ப்ளிமென்ட் பண்ணுவோம்'ன்னார். அடுத்து, டவுன் பஞ்சாயத்து துணை இயக்குநர் குருசாமியைச் சந்தித்து இதை விளக்கினோம். ஆர்வமான அவர், முதலில் கரூர் மாவட்டத்தில் உள்ள அரவக்குறிச்சி, பள்ளப்பட்டி பேரூராட்சிகளில் முதலில் இதைப் பயன்படுத்திப் பார்க்க அனுமதி அளித்துள்ளார். எனது இயந்திரம் மூலம் பிளாஸ்டிக் கழிவுகளை அழிப்பது அவர்களுக்கு நம்பிக்கை தரும் விதத்தில் இருந்தால், மாவட்டம் முழுக்க பண்ணலாம்ன்னு சொல்லி இருக்காங்க. தமிழ்நாடு அரசு இதற்கு ஒத்துழைத்தால் தமிழ்நாடு முழுக்க இதை விரிவுபடுத்தி, தமிழகத்தை ஒரு பிட்டு பிளாஸ்டிக் கழிவுகூட இல்லாத மாநிலமாக மாற்ற முடியும். இந்த மெஷினரி இன்னும் சிறிய அளவில் நவீனமாக அமைத்து அனைத்து ஊர்களிலும் நிறுவி, எல்லா பிளாஸ்டிக் கழிவுகளையும் அழித்துவிட முடியும்" என்றார்.

ஹாலிவுட், பாலிவுட் ரசிகர்களுக்கு பேவரெட் நிகழ்ச்சியான பிக்பாஸ் இப்போது தென்னிந்திய சினிமா ரசிகர்களும் ரசிக்க ஆரம்பித்துவிட்டனர்.

தமிழ் மற்றும் தெலுங்கில் பிக்பாஸ் நிகழ்ச்சியின் 2வது சீசன் தொடங்க இருக்கிறது. தமிழில் அடுத்த வாரம் தொடங்கவுள்ள நிலையில் தெலுங்கில் நேற்று (ஜுன் 10) தொடங்கியுள்ளது. இந்த சீசனில் ஜுனியர் என்.டி.ஆருக்கு பதிலாக தொகுப்பாளராக நானி கமிட்டாகியுள்ளார்.

Natural ஸ்டார் என்று பெயர் வாங்கிய நானி மீது பெரிய நம்பிக்கை இருந்தது ரசிகர்களிடம். கண்டிப்பாக இவர் என்.டி.ஆர் போல் நிகழ்ச்சி தொகுத்து வழங்குவார் என்று, ஆனால் நேற்று நடந்தது வேறு.

அவர் நிகழ்ச்சியை ஜாலியாக கொண்டு போவதற்கு பதிலாக நிறைய கண்டிஷன்களை பாலோ செய்வதிலேயே இருந்துள்ளார். போட்டியாளர்களையும் வேக வேகமாக வீட்டிற்குள் அனுப்பியுள்ளார்.

இதனால் அவர் மீது ரசிகர்கள் கொஞ்சம் வருத்தத்தில் இருப்பதாக கூறப்படுகிறது. இனி வரும் நிகழ்ச்சிகளில் என்.டி.ஆர் இடத்தை நானி பிடிக்கிறாரா என்பதை பார்ப்போம்.

நிலம் எங்கள் உரிமை எனப் போராட வைக்கும் மக்கள் தலைவனின் கதையே 'காலா'.

தாராவி பகுதியில் இருக்கும் குடிசைப் பகுதிகளை அப்புறப்படுத்திவிட்டு சொகுசான கட்டிடங்கள் கட்டித் தருவதாக ஆசை வார்த்தை கூறுகிறது ஒரு கார்ப்பரேட் கும்பல். அதற்கும் சிலர் இணங்க, அதன் ஆபத்தை அறிந்து முட்டுக்கட்டை போடுகிறார் ரஜினி. இதனால் எம்.எல்.ஏவாக தேர்தலில் நின்று தோல்வியைத் தழுவிய சம்பத் சில வில்லங்க வேலைகளைச் செய்ய எந்தத் தப்பும் செய்யாத ஓர் இளைஞனின் உயிர் பறிபோகிறது. ரஜினி இதற்கான விலையாக சம்பத்துக்கு பெரும் தண்டனையை அளிக்கிறார். இந்த சூழலில் தாராவியைக் கைப்பற்றத் துடிக்கும் கார்ப்பரேட் மூளையாக இருக்கும் நானா படேகர் ரஜினியை சந்தித்து எச்சரிக்கிறார். அந்த மோதல் வலுக்க, ஒரு பிடி மண் கூட இந்த தாராவி மண்ணில் இருந்து எடுத்துக்கொண்டு போக முடியாது என்று ரஜினி சவால் விடுகிறார். இதனிடையே ரஜினியைத் தீர்த்துக் கட்ட சதித் திட்டங்கள் தீட்டப்படுகின்றன. இதில் தாராவி என்ன ஆனது, நானா படேகரின் கனவு நனவாகிறதா, ரஜினி என்ன ஆகிறார் என்ற கேள்விகளுக்குப் பதில் சொல்கிறது திரைக்கதை.
 

தலித் அரசியல், சுவர் அரசியல், புலம்பெயர் தமிழர்களின் பிரச்சினைகள் பேசிய இயக்குநர் பா.இரஞ்சித் இதில் நிலம் சார் அரசியலை அழுத்தமாகப் பதிவு செய்திருக்கிறார். துணிச்சலான அவரது முயற்சிக்கு வாழ்த்துகள். ஆனால், படம் ஆவணப்படத்துக்கான அம்சங்களுடனேயே இருப்பது அலுப்பைத் தருகிறது.

கமர்ஷியல் படம் என்றாலும் அதில் ரஜினி மாஸ் நடிகர் என்பதைக் காட்டிலும் ஃபெர்பாமன்ஸ் நடிகர் என்பதை இரஞ்சித் முன்னிலைப்படுத்து திரையில் வெளிப்படுத்திய விதம் ரசிக்க வைக்கிறது. ஸ்டைலிஷ் ரஜினி படம் முழுக்க வசீகரிக்கிறார். உடல் மொழியிலும், பழைய காதலின் கதகதப்பை கண்களிலேயே காட்டும் நடிப்பிலும் அசர வைக்கிறார். 'என்னைக் கேட்காம நீ வந்துட்ட, என் பெர்மிஷன் இல்லாம நீ போக முடியாது' என்று நானா படேகருக்கு தாராவியின் சூழலை உணர்த்தும்போதும், யாரு இவரு என காவல் நிலையத்தில் ரிப்பீட்டாகக் கேட்டு பதிலடி கொடுக்கும்போதும் 'நான் நடிகன்டா' என்பதை நிரூபிக்கிறார்.

ஈஸ்வரி ராவ் இயல்பான நடிப்பை அள்ளி வழங்கி இருக்கிறார். 'நீங்க மட்டும்தான் உங்க முன்னாள் காதலியைப் பார்த்துட்டு வருவீங்களா? இப்போ திருநெல்வேலிக்கு டிக்கெட் போடுங்க. என்னைக் காதலிச்ச பெருமாளை நான் போய் பார்த்துட்டு வர்றேன்' என்று ரஜினியிடம் ஊடல் கொள்ளும் காட்சிகளிலும், ரஜினி மீதான காதலையும், மகன்கள் மீதான பாசத்தையும் வெளிப்படுத்தும் காட்சிகளில் தேர்ந்த நடிப்பை வழங்கியிருக்கிறார்.

சமுத்திரக்கனி படம் முழுக்க முக்கிய வரும் முக்கியக் கதாபாத்திரத்தில் அதகளப்படுத்தி இருக்கிறார். படத்தின் நகைச்சுவைக்கு கனியே காரணம். இடையிடையே அவர் பேசும் வசனங்களால் தியேட்டரில் அப்ளாஸ் அள்ளுகிறது.

ஆர்ப்பாட்டமில்லாத அழுத்தமான நடிப்பால் நானா படேகர் கவனத்தை ஈர்க்கிறார். ரஜினியுடன் பேசும் காட்சியில் அவரைத் தாண்டியும் வசனத்திலும், நடிப்பிலும் மிரட்டுகிறார்.


ரஜினியின் மகனாக விழித்தெழு இயக்கத்தின் தோழராக வரும் மணிகண்டனின் நடிப்பு செம்ம. இவருக்கு பிரகாசமான வாய்ப்பு வெளிச்சம் இனிவரும் காலங்களில் கிடைக்கும் என நம்பலாம். திலீபன் கொடுக்கப்பட்ட வாய்ப்பை மிகச் சரியாகப் பயன்படுத்தி ரஜினியின் தளபதியாகவே மாறியிருக்கிறார்.

தைரியமான பெண்ணாக உரிமைக்குரல் எழுப்பும் அஞ்சலி பாட்டீல், முன்னாள் காதலியாக மனதில் அன்பைச் சுமக்கும் ஹீமா குரேஷி, போலீஸாக வரும் அரவிந்த் ஆகாஷ், கலவரத்தைத் தூண்டிவிடும் பங்கஜ் திரிபாதி ஆகியோர் பொருத்தமான பாத்திர வார்ப்புகள்.

சம்பத் ராம், அருள்தாஸ், அருந்ததி, சாக்‌ஷி அகர்வால், சாயாஜி ஷிண்டே ஆகியோரும் படத்தில் வந்து போயிருக்கிறார்கள்.

முரளியின் கேமரா தாராவியின் ஒட்டுமொத்த அழகையும் சூழலையும் கண்களுக்குள் கடத்துகிறது. ஆக்‌ஷன் காட்சிகள், ரொமான்ஸ் காட்சிகள், குடிசைப் பகுதிகள் என எல்லாவற்றிலும் முரளியின் உழைப்பு பளிச்சிடுகிறது. சந்தோஷ் நாராயணன் பின்னணி இசையில் தி பெஸ்ட் கொடுத்திருக்கிறார். கண்ணம்மா பாடலில் காதலின் மகோன்னத்தை இசைத்தவர் கற்றவை பற்றவை பாடலில் போராட்ட உணர்வைப் பாய்ச்சுகிறார்.

நீட்டி முழக்க வேண்டிய காட்சிகளை கத்தரி போட்டு கச்சிதமாகக் கொடுத்த விதத்தில் ஸ்ரீகர் பிரசாத்தின் பங்கு அளப்பரியது. தாராவி பகுதியை அச்சு அசலாகக் காட்டியதில் கலை இயக்குநர் ராமலிங்கத்தின் பணி பாராட்டுக்குரியது. மகிழ்நன், ஆதவன் தீட்சண்யா, பா.இரஞ்சித்தின் வசனங்கள் படம் சார்ந்த அரசியலை மட்டும் நேர்மையாகவும் உண்மையாகவும் பேசுகின்றன.

குடும்பம், அரசியல் என எதற்கு முக்கியத்துவம் கொடுப்பது என முதல் பாதியில் இரஞ்சித் குழம்பியிருக்கிறார். அந்தக் குழப்பம் காட்சிகளின் இழுவையாக எதிரொலிக்கிறது. படத்தில் 'மெட்ராஸ்', 'கபாலி' என அவரது முந்தைய படங்களின் சாயல் இருப்பதும் கவனிக்கத்தக்கது. குறிப்பாகச் சொல்ல வேண்டுமென்றால் 'மெட்ராஸ்' படத்தில் சுவரில் பெயிண்ட்டைத் தூக்கி வீசுவார்கள். 'காலா'வில் வெண்மையையே ஆடையாகக் கொண்டு அதுதான் தூய்மை என்று இருக்கும் நபர் மீது கலர் சாயங்களை வீசி எறிந்து எதிர்ப்பை வெளிப்படுத்துவார்கள்.

 'கபாலி'யில் ரஜினி தன் மனைவியைத் தேடி வருவார். 'காலா'வில் ஹீமா குரேஷி தன் முன்னாள் காதலனைப் பார்க்க வருகிறார். அவர் வருவதற்கான நோக்கம் வெறொன்றாக இருந்தாலும் இதுவும் ஒரு முக்கியக் காரணமாக அமைந்துவிடுகிறது. 'மெட்ராஸ்' படத்தில் வருவதைப் போல இதிலும் கானா பாடல் பாடி, திடீரென்று டான்ஸ் ஆடி கவனம் ஈர்க்கும் ஹிப்- ஹாப் இளைஞர்கள் இருக்கிறார்கள். ஆனால், அது 'காலா'வில் பொருந்தாமல் துருத்தி நிற்கிறது.

படத்தின் முக்கியமான காட்சிகளில் ரஜினி நடந்துகொண்டே இருப்பதும், ஸ்லோமோஷன் காட்சிகளின் பில்டப்பும் படத்தின் தீவிரத் தன்மையக் குறைக்கின்றன. இன்னும் சொல்லப்போனால் ரஜினியின் பில்டப் காட்சிகள் முழுமையடையாமல் தொக்கி நிற்கிறது. எந்த இடத்திலும், காட்சியிலும் நாயகனின் புத்திசாலித்தனமோ, ஒப்புயர்வில்லாத வீரமோ வெளிப்படவே இல்லை. 'வேங்கை மகன் ஒத்தையில நிக்கேன், மொத்தமா வாங்கலே' என்று ரஜினி மாஸ் பன்ச் வசனம் பேசுகிறார். ஆனால், அதற்குப் பிறகான காட்சியில் அவருக்கு முக்கியத்துவமே இல்லாமல் போகிறது.

ரஜினி- நானா படேகருக்கான மோதலோ, எதிர்ப்போ, உரசலோ வலுவாக இல்லை. குடும்பத்தின் இரு ஜீவன்களை இழந்த பிறகும் ரஜினி எந்த வித எதிர்ப்பையும் இல்லாமல் சாதாரணமாகவே பேசிவிட்டுச் செல்வது நம்பும்படியாக இல்லை. படத்தின் மையப் புள்ளியான தாராவிக்கும் ரஜினிக்குமான உறவும், பிணைப்பும் சொல்லப்பட்ட விதத்தில் போதாமையே மிஞ்சுகிறது.

சுத்தம் - தூய்மையை ஆதரிக்கும் திட்டங்கள், அதை எதிர்ப்பவர்கள் தேசத் துரோகிகள் என்று கட்டமைக்கப்படும் அரசியல், ராம காதை, ராவண காவியம், ராவணன் தலை துண்டிக்கப்பட்டால் ஆயிரம் தலைகள் முளைக்கும் என்று சொல்லப்படும் கதாகாலட்சேபம், பெரியார் சிலை என இரஞ்சித் சொல்லியிருக்கும் குறியீடு சார் அரசியல் தெளிவாகக் காட்சிப்படுத்தப்பட்டுள்ளது. அது நம்பகத்தன்மையோடும் ஏற்புடையதாகவும் உள்ளது. கல்விதான் முக்கியம் என்று ரஞ்சித் படத்தில் முன்னெடுக்கும் இயக்கத்தின் மாற்று வடிவமும் வரவேற்கத்தக்கது.

காலா' திரைப்படம் தொடர்பாக வெளிவரும் தகவல்களால் உற்சாகத்தில் இருக்கிறார் நடிகர் ரஜினிகாந்த். 'கபாலி அளவுக்குக் காலாவையும் விளம்பரப்படுத்த வேண்டும் என்ற முடிவில் உறுதியாக இருந்தார் தயாரிப்பாளர் தனுஷ். ஆனால், படத்தை விளம்பரப்படுத்துவதை ரஜினி விரும்பவில்லை' என்கின்றனர் ரஜினி மக்கள் மன்றத்தின் மூத்த நிர்வாகிகள்.

பா.இரஞ்சித் இயக்கத்தில் இன்று வெளியான `காலா' திரைப்படம், சினிமா ரசிகர்களிடையே வரவேற்பைப் பெற்றுள்ளது. ' என்னுடைய தந்தை திரவியம் நாடார் தொடர்பான கதை இது. படத்தின் ட்ரெயிலரில் வரும் காட்சிகளும் அவரைத்தான் நினைவுபடுத்துகின்றன. ஆனால், 'இது முழுக்க முழுக்க கற்பனைக் கதை' எனக் கூறிவிட்டார் இரஞ்சித். எனவே, 101 கோடி ரூபாய் மானநஷ்ட வழக்குப் போட்டிருக்கிறோம்' என அதிர வைத்தார் ஜவஹர் என்பவர். இதன்பிறகு, 'கர்நாடகாவிலும் காலாவை வெளியிட மாட்டோம்' என கன்னட அமைப்புகள் களத்தில் இறங்கின. 'காலா படத்துக்குப் பாதுகாப்பு கொடுக்க வேண்டும்' என கர்நாடக உயர்நீதிமன்றமும் உத்தரவிட்டது. இதற்குப் பதில் அளித்த முதல்வர் குமாரசாமி, ' நீதிமன்றத்தின் உத்தரவை நிறைவேற்றுவது ஒரு முதல்வரின் கடமை. ஆனால், இப்படிப்பட்ட சூழலில் காலாவை வெளியிடாமல் இருப்பதே நல்லது' எனப் பேட்டி அளித்தார்.

தனுஷ்இதை எதிர்பார்க்காத ரஜினி, ' காவிரி பிரச்னையில் நான் கூறிய கருத்தில் இருந்து பின்வாங்க முடியாது. கர்நாடகாவில் நஷ்டப்பட்டாலும் பரவாயில்லை' என தன்னைத் தேடி வந்து பேசிய கன்னட நடிகர் ஒருவரிடம் உறுதியாகத் தெரிவித்தார். இந்நிலையில், படத்தின் வெற்றி தொடர்பாக வெளிவரும் தகவல்களால் உற்சாகத்தில் இருக்கிறார் நடிகர் ரஜினி. படம் வெளிவருவதற்கு முன்னதாக, தயாரிப்பாளரும் நடிகருமான தனுஷிடம் அவர் பேசிய விவரங்களை நம்மிடம் தெரிவித்தார் ரஜினி மக்கள் மன்ற நிர்வாகி ஒருவர்.

`` தொடக்கத்தில் இருந்தே படம் நல்லபடியாக ஓடும் என்பதில் நம்பிக்கையுடன் இருந்தார் ரஜினி. முழு படத்தையும் பார்த்த பிறகு, தயாரிப்பாளராக மிகுந்த உற்சாகத்தில் இருந்தார் தனுஷ். உடனே ரஜினியை சந்தித்துப் பேசியவர், ' சினிமாரீதியாக கலைப்புலி தாணு கபாலிக்குச் செய்த விளம்பரம் போல, காலாவையும் மக்களிடம் கொண்டு போய்ச் சேர்க்க வேண்டும். பெரிய அளவுக்கு விளம்பரம் செய்யலாம். இதற்காக சில அவுட்சோர்ஸிங் நிறுவனங்களை அணுகலாம் என நினைக்கிறேன்' எனக் கூற, இதற்குப் பதில் கொடுத்த ரஜினி, ' நோ...நோ...படத்துக்கு எந்த விளம்பரமும் தேவையில்லை. கபாலி படம் அளவுக்குப் படத்தைப் புரமோட் செய்ய வேண்டாம். படத்தின் மீதும் அதன் கன்டன்ட்(உள்ளடக்கம்) மீதும் எனக்கு நம்பிக்கை இருக்கிறது. இதுபோன்ற படங்கள் நிச்சயமாக ஓடும்' என விவரித்தவர்,

' கபாலி படத்தில் தலித் அடையாளத்தைக் காட்டினோம். இந்தப் படத்தில் எந்த அடையாளத்தையும் காட்டாமல் ஒரு தமிழராக பொது அடையாளத்தோடு காட்சிகள் எடுக்கப்பட்டுள்ளன. எம்.ஜி.ஆர் படங்களிலேயே உலகம் சுற்றும் வாலிபனைவிட உரிமைக்குரல் படம்தான் மிகப் பெரிய வெற்றியைப் பெற்றது. எம்.ஜி.ஆரே இயக்கிய பிரமாண்ட படம் உலகம் சுற்றும் வாலிபன். ஆனால், உரிமைக்குரல் படத்தில் இயக்குநர் ஸ்ரீதரோடு சேர்ந்து காதல், அண்ணன்-தம்பி சென்டிமெண்ட் என அசர வைத்திருப்பார் எம்.ஜி.ஆர். இந்தக் கலவையின் காரணமாகப் படம் வெற்றி பெற்றது. ஸ்ரீதர் ப்ளஸ் எம்.ஜி.ஆர் காம்பினேஷனாக படம் இருந்ததால் இந்த வெற்றி சாத்தியமானது. காலா படத்திலும் இரஞ்சித் பெரிய வேல்யூவாக இருக்கிறார். வழக்கமான என்னுடைய படங்களைவிடவும் இந்தப் படம் பெரிய அளவுக்குப் போகும். படம் வெளியான பிறகு, மேக்ஸிமம் எந்தளவுக்கு விளம்பரப்படுத்த முடியுமோ அப்போது செய்யுங்கள்' என சிரித்தபடியே கூறிவிட்டார். ரஜினியின் இந்தக் கருத்தை தனுஷும் ஏற்றுக்கொண்டார். இனி படத்தின் விளம்பர வேலைகள் தொடங்க இருக்கின்றன" என்றார் விரிவாக.

காலா படம் ரசிகர்கள் மத்தியில் மிகுந்த எதிர்ப்பார்ப்பில் இருந்தது. ஆனால், ரஜினியின் சமீபத்திய தூத்துக்குடி விசிட், கொஞ்சம் காலாவை பாதித்து தான் உள்ளது.

அந்த வகையில் பிரமாண்ட ஓப்பனிங் எல்லாம் இப்படத்திற்கு இல்லை, டீசண்டான ஓப்பனிங் இருக்கும் என எதிர்ப்பார்க்கப்படுகின்றது.

இந்நிலையில் காலா படத்தின் கிளைமேக்ஸ் குறித்து டான்ஸ் மாஸ்டர் பிருந்தா ஒரு சில கருத்துக்களை கூறியுள்ளார்.

காலா கிளைமேக்ஸில் சண்டைக்காட்சி ஒரு பக்கம் இருக்க, திருவிழா பாடல் ஒன்றும் இருக்குமாம், மக்கள் எல்லாம் நடனமாட, ஒத்த தல இராவணா என்ற பாடலுடன் ரஜினி எண்ட்ரீ ஆவாராம்.

அப்போது கருப்பில் உள்ளது எல்லாம் கலராக மாறுவது போல் இருக்கும் என கூறியுள்ளார்.

ரஜினிகாந்திற்கும், சத்யராஜிற்கும் இன்று நேற்று இல்லை, எப்போதுமே ஆகாது. சிவாஜி படத்தில் ஷங்கர் நடிக்க அழைத்த போது கூட சத்யராஜ் மறுத்துவிட்டார்.

அப்படியிருக்க சமீபத்தில் ஒரு மேடையில் ‘அரசியலுக்கு வருவதன் நோக்கம் மக்களுக்கு பணி செய்ய தான்.

ஆனால், இங்கு வியாபாரம் என்று நினைத்தால், அது ஆன்மிக அரசியலாக தான் இருக்கும், நமக்கு தெரிந்த ஆன்மிக அரசியல் எல்லாம் அன்புகரம் கொண்டு அடக்கவேண்டும்.

இரும்புக்கரம் கொண்டு எப்படி அடக்குவது என்று தெரியவில்லை’ என சத்யராஜ் மேடையிலேயே ரஜினியை வெளுத்து வாங்கினார்.

சொல்வதெல்லாம் நிகழ்ச்சி மக்களிடம் எத்தனை பெரிய விமர்சனங்களை பெற்றது என்பது எல்லோருக்கும் தெரிந்திருக்கும். இதை நடிகை லட்சுமி ராமகிருஷ்ணன் தொகுத்து வழங்கி வருகிறார்.

இந்நிகழ்ச்சிக்கு தடைவிதிக்கப்பட்டு ஒளிபரப்பு நிறுத்தப்பட்டதாக அண்மையில் தகவல் பரவியது. மதுரை உயர் நீதிமன்றம் இதற்கு தடை விதித்துள்ளாக சொல்லப்பட்டது. இது பலருக்கும் அதிர்ச்சி தான்.

இந்நிலையில் லட்சுமி இது பற்றி விளக்கம் அளித்துள்ளார். என்னுடைய அடுத்த படத்தில் நான் பிசியாக இருக்கிறேன். அதனால் சமூகவலைதளம் பக்கம் வரவில்லை.

இது தற்காலிக தடை தான். நாங்கள் எங்கள் தரப்பு ஞாயங்களை புரியவைத்து வருகிறோம். ஆனால் எதுவும் விவாதம் செய்ய விரும்பவில்லை.

அதில் கவனம் செலுத்த போவதில்லை என கூறியிருக்கிறார்.