என் புத்தகம்

கடிகார மனிதர்கள் தலைப்பை பார்த்ததும் புரிந்திருக்கும் படத்தின் கதை காலத்தின் பின்னால் ஓடும் ஏழை மனிதர்களை பற்றியது என்று.

நடிகர் கிஷோர், கருணாகரன் மற்றும் லதா ராவ் ஆகியோர் நடிப்பில் உருவாகியுள்ள இந்த படம் வாடகை வீட்டில் உள்ளவர்கள் படும் இன்னல்களை காட்டியுள்ளது.

கதை:

வறுமை காரணமாக சென்னையை தேடி வருகிறது கிஷோர் மற்றும் லதா ராவ் குடும்பம். அவர்களுக்கு மூன்று குழந்தைகள். வண்டியில் வீட்டு சாமான்களை ஏற்றிக்கொண்டு புரோக்கர் உதவியுடன் தெருத்தெருவாக வீடு தேடுகின்றனர்.

5 பேர் கொண்ட குடும்பம் என்பதால் எந்த வீட்டு ஓனரும் இவர்களுக்கு வீடு தர முன்வரவில்லை. 3500 ரூபாய்க்கு மேல் இவராலும் வாடகை கொடுக்க முடியாது.பின்னர் இறுதியாக இவர்களுக்கு ஒருவர் மட்டும் வீடு தர முன்வருகிறார். ஆனால் 4 பேர் மட்டுமே இருக்க வேண்டும் என அவர் கூற புரோக்கர் இவருக்கு இரண்டு குழந்தைகள் மட்டும் தான் இருக்கிறார்கள் என பொய் கூறிவிடுகிறார்.

இந்த பொய்யை மறைக்க கிஷோர் அவரின் கடைசி பையனை ஒரு பெட்டியில் போட்டு தினமும் வீட்டுக்குள் கொண்டுவந்து மீண்டும் காலையில் அதே பெட்டியில் ஸ்கூலுக்கு கொண்டு சென்று விடுவார்.

அதே காம்பவுன்டுக்குள் குடிவரும் கருணாகரனுக்கும் ஹவுஸ் ஓனர் மகளுக்கும் காதல் - அது தனி ட்ராக்கில் செல்கிறது.

இப்படியே தொடரும் வாடகை வீடு வாழ்க்கையில் காலம் கடக்க கடக்க அவர்கள் சொன்ன பொய்யால் அதிக பிரச்சனைகள் வருகிறது.

அதையெல்லாம் எப்படி சமாளித்தார்கள், அவர்களால் சொந்த வீடு வாங்கமுடிந்ததா என்பது தான் மீதி கதை

க்ளாப்ஸ் & பல்ப்ஸ்:

வாடகை வீடு கஷ்டங்களையும், வீடு உரிமையாளர்களின் அராஜகத்தையும் வெட்ட வெளிச்சமாக காட்டியதற்கும், பொய் சொல்லாமல் பலருக்கும் வீடு கிடைக்காது என தற்போதைய சமூக பிரச்சனையை காட்டியதற்கும் அறிமுக இயக்குனர் வைகறை பாலன் அவர்களை பாராட்டலாம். கிஷோர், லதா ராவ் நடிப்பு பர்ப்பெக்ட். கருணாகரனின் காதல் சீன்களை சாம்.C.S மியூசிக் தூக்கி நிறுத்துகிறது.

ஆனால் மெதுவாக செல்லும் திரைக்கதை பார்ப்பவர்களை கொஞ்சம் அதிகமே சோதிக்கிறது. ஒரு சைக்கிள் ரேசை எதோ F1 ரேஸ் அளவுக்கு பில்டப் கொடுத்ததெல்லாம் டூமச்.

மொத்தத்தில் கடிகார மனிதர்கள் 2 மணி நேர வாடகை வீடு சீரியல். எதார்த்த சினிமாவை ரசிப்பவர்கள், அதிக பொறுமை இருப்பவர்கள் பார்க்கலாம்.

ஆரோக்கியமான உணவு பட்டியலில் மீனுக்கு ஒரு தனி இடம் உண்டு. மீனில் பல்வேறு முக்கிய ஊட்டச்சத்துகள் அடங்கி உள்ளன.

புரதம், வைட்டமின் டி , கால்சியம், பாஸ்போரஸ் போன்றவை மீனில் அதிகம் இருக்கும் ஊட்டச்சத்துகள் ஆகும். இரும்பு, ஜின்க், ஐயோடின் , மெக்னீசியம், பொட்டஷியம் போன்ற மினரல்கள் மீனில் அதிகம் காணப்படுகின்றன.ஒமேகா 3 கொழுப்பு அமிலத்தின் ஆதாரமாக விளங்குவது மீன். உடலை ஒல்லியாக வைக்க இந்த சத்து பெரிதும் உதவுகிறது.

மூளை வளர்ச்சி, கல்லீரல் வளர்ச்சி மற்றும் அறிவு சார்ந்த செயல்பாடுகள் , போன்றவற்றிற்கு இந்த ஒமேகா கொழுப்பு அமிலத்தின் தேவை இருக்கிறது. மேலும் ஆந்த தூக்கத்தை பெற இந்த சத்து மிக முக்கியம்.

மீனை தொடர்ந்து சாப்பிடுவதால், பல நோய்கள் கட்டுப்படுத்தப்படுகின்றன.

கொலஸ்ட்ராலை குறைக்கிறது

உடலில் உள்ள கொலஸ்ட்ராலை குறைக்கும் தன்மை மீனுக்கு உள்ளது. மீனில் உள்ள ஒமேகா 3 கொழுப்பு அமிலம், உடலில் உள்ள கெட்ட கொலஸ்ட்ராலை குறைக்க உதவுகிறது. ஒமேகா 3 கொழுப்பு அமிலம், கொலஸ்ட்ரால் அளவை குறைப்பதோடு மட்டும் இல்லாமல், உடலில் கொலஸ்ட்ரால் சேர்வதையும் தடுக்கிறது.

மாதவிடாய்க்கு முந்தைய அறிகுறிகள்

பெண்களுக்கு ஏற்படும், மாதவிடாய்க்கு முந்தைய அறிகுறிகளை நிர்வகிக்க மீன் உணவுகள் உதவுகின்றன. ஆம், மாதவிடாய்க்கு முந்தய அறிகுறிகளான, குமட்டல், வாந்தி, தலைவலி, மன உளைச்சல் உடல் வலி, போன்றவற்றால் அவதி படும் பெண்கள் மீனை தங்கள் தினசரி உணவில் சேர்த்துக் கொள்வதால், அவர்களின் இந்த அறிகுறிகள் குறைவதாக ஒரு ஆய்வு குறிப்பிடுகிறது.

இதற்கு காரணம், மீனில் இருக்கும் ஒமேகா 3 கொழுப்பு அமிலம், இந்த அமிலம், இத்தகையை அறிகுறிகள் ஏற்படாமல் தடுக்கிறது.

    சிலர் மீன் சாப்பிடும் போது அதன் சதைப் பகுதிகளை மட்டும் சாப்பிட்டு, அதன் தலையைத் தூக்கி போட்டுவிடுவார்கள். சொல்லப்போனால் மீன்களின் தலை மற்றும் கண்களில் தான் ஏராளமான சத்துக்கள் அடங்கியுள்ளன.
    அதைத் தூக்கி எறிந்துவிட்டு மீன்களை சாப்பிடுவதில் என்ன இருக்கிறது. ஆகவே உங்களுக்கு மீன்களில் இருந்து முழு நன்மைகளையும் பெற வேண்டுமானால், அதன் தலையைத் தூக்கி போடாதீர்கள். முக்கியமாக அதன் கண்களை அவசியம் சாப்பிடுங்கள்.

சக்கரை நோய்

மீன்களை கண்களுடன் சேர்த்து சாப்பிட்டால் கிடைக்கும் மற்றொரு நன்மை, சர்க்கரை நோயை தடுக்கும் என்பது. இந்தஉறுப்பு போதும். மீன்களில் உள்ள ஒமேகா-3 கொழுப்பு அமிலங்கள் மற்றும் வைட்டமின் டி உடலில் இன்சுலின் அளவைக் குறைக்கும்.

அதோடு மீன்களை ஒருவர் அடிக்கடி சாப்பிட்டு வந்தால், டைப்-1 சர்க்கரை நோயின் அபாயத்தையும் குறைப்பதோடு தடுக்கலாம்.

பிரபு சாலமன் திரைப்பயணத்தில் மிக முக்கியமான படம் கும்கி. இப்படம் ரசிகர்களிடம் செம்ம வரவேற்பை பெற்றது.

விக்ரம் பிரபு, லட்சுமி மேனன் என இரண்டு புதிய நட்சத்திரங்கள் இப்படத்தின் மூலம் தான் அறிமுகமானார்கள்.

தற்போது பிரபு சாலமன் கும்கி-2வை எடுக்க முடிவு செய்துள்ளார். இதற்கான லொக்கேஷன் பணிகள் முடிய இதில் ஹீரோயினாக நடிக்க பலரிடம் பேச்சு வார்த்தை நடந்தது.

இறுதியாக நிவேதா பெத்துராஜ் இதில் நடிக்க கமிட் ஆகியுள்ளாராம். சுமார் 70 நாட்கள் வரை இப்படத்திற்காக கால்ஷிட் கொடுத்துள்ளாராம்.

பழைய நடிகர் சங்கத்தில் பல ஊழல்கள் நிகழ்ந்துள்ளன என அது இதுவென்று பல காரணங்களை கூறி நாசர் தலைமையிலான நடிகர் சங்கம் சில வருடங்கள் முன்பு பதிவியேற்றது.

இவர்களின் பிரத்யேக திட்டமே நடிகர் சங்கத்துக்கு கட்டிடம் கட்டுவது. அதுபோல தான் ஒரு வாரத்திற்கு 2 அல்லது 3 படங்கள் மட்டுமே ரிலீஸ் ஆக வேண்டும் என்பதும்.

ஆனால் இப்போது, அதாவது ஆக.3 தேதி ஆர்யாவின் கஜினிகாந்த், தம்பி ராமையாவின் மணியார் குடும்பம், காட்டுபய சார் இந்த காளி, எங்க காட்ல மழை, அழகு மகன், நாடோடி கனவு, கடிகார மனிதர்கள், கடல் குதிரை, அரளி, உப்பு புளி காரம், ஓ!காதலனே, போயா என மொத்தம் 12 படங்கள் ரிலீஸாக உள்ளன.

இதனால் தற்போதைய நடிகர் சங்கத்தின் மீது பல சந்தேகங்கள் எழுந்துள்ளன.

வடிவேலுவுக்கும் இயக்குனர் ஷங்கருக்குமான பஞ்சாயத்து ஊரறிந்த கலாட்டா! சுமார் ஏழரை கோடி ரூபாய் நஷ்டம். அதை வாங்கிக் கொடுங்கள் என்று ஷங்கர் தயாரிப்பாளர் சங்கத்தில் கடிதம் கொடுத்ததும் தெரிந்த விஷயம்தான். அப்படியும் அடங்காத வடிவேலு என்னென்னவோ மாய்மாலம் செய்தார்…செய்தும் வருகிறார். அதில் ஒன்றுதான் இது.

சில தினங்களுக்கு முன் லைக்கா நிறுவனத்தின் முதலாளிக்கு ஒரு போன். எதிர்முனையில் வடிவேலு. “நீங்களும் ஷங்கரும் சேர்ந்துதானே 24 ம் புலிகேசி தயாரிக்கிறீங்க? அந்த ஒப்பந்தத்தை ரத்து பண்ணுங்க. நீங்க உங்களோட சிங்கிள் பேனர்ல படத்தை தயாரிச்சா என் முழு ஒத்துழைப்பும் உண்டு” என்றாராம்.

கறக்கிற பசுவை விட்டுட்டு, கன்னுக்குட்டிய புடிச்சு என்ன லாபம்? யோசித்து சொல்வதாக போனை கட் பண்ணினாராம் முதலாளி!

பின்குறிப்பு- இது குறித்து பேசுவதற்காக சென்ற தயாரிப்பாளர் சங்கத்தின் பொறுப்பாளர்களிடம் வடிவேலு நடந்து கொண்ட விதம் அசிங்கமானது. அவமானத்திற்குரியது என்று கொந்தளிக்கிறது சங்கம். அம்மா காலத்திலேயே அடங்காம சிலிர்த்தவர். இந்த ‘சும்மா’ காலத்திலே சும்மாவா இருப்பாரு?

 தமிழ் சினிமாவில் பலவருடங்களாக கனவுக்கன்னியாக இருந்த த்ரிஷா நாயகி படத்தையடுத்து மீண்டும் சோலோ ஹீரோயினாக பேயாக மாறி மிரட்ட முயற்சித்துள்ளார். மோகினி ரசிகர்களை கவர்ந்தாரா என்பதை பார்ப்போம்.

கதைக்களம்

தமிழ்நாட்டிலிருந்து லண்டனுக்கு யோகிபாபுவின் திருமணத்திற்கு உதவி செய்ய போகிறார். அங்கு அவர் பங்களாவில் தங்குகிறார்.

அப்போது தேம்ஸ் நதியில் படகு சவாரி செய்யும் திரிஷாவின் உடம்பில் மோகினி இறங்குகிறது. அதிலிருந்து தமிழ் சினிமாவின் வழக்கமான பேய் கதைக்களம் ஆரம்பமாகிறது.

படத்தை பற்றிய அலசல்

த்ரிஷா நாயகி படத்திற்கு பிறகு மீண்டும் பேய்க்கதைக்களத்தில் சோலோ ஹீரோயினாக இறங்கியுள்ளார். படம் முழுவதும் இவரைச் சுற்றித்தான் நகர்கிறது.

சமீபகாலமாக யோகிபாபுவின் காமெடி அதிகமாக ரசிக்கப்படுகிறது. இந்தப்படத்தில் இவரின் காமெடியால் படத்தை காப்பாற்ற முயன்றுள்ளார்.

பேய் வந்ததும் வழக்கமாக சாமியாரை கூட்டி வந்து விரட்ட முயற்சிக்கும் காட்சிகள், காமெடியன்கள் பேயிடம் அடிவாங்குவது என பல படங்களில் பார்த்த அதே காட்சியைத்தான் மீண்டும் படமாக்கியுள்ளனர்.

எப்போதும் தமிழ்நாட்டுக்குள்ளேயே நடக்கும் பேய்க்கதை இதில் லண்டனில் நடப்பதால் பார்ப்பதற்கு படத்தில் கொஞ்சம் புதுமையான அனுபவமாக இருக்கும்.

படத்தின் ஒளிப்பதிவு சிறப்பாகவே உள்ளது. பாடல்களும் ரசிக்கும் வண்ணம் உள்ளது. அடுத்தடுத்த காட்சிகள் என்ன என யூகிக்கும்படியான திரைக்கதை படத்துக்கு தொய்வாக அமைந்துள்ளது.

ப்ளாஷ்பேக் காட்சிகளும் படத்திற்கு தேவையான வலு சேர்க்கவில்லை. வைஷ்ணவி, மோகினி என இரு வேடங்களில் நடித்தும் எந்த வித்தியாசத்தையும் வெளிப்படுத்தவில்லை

க்ளாப்ஸ்

த்ரிஷாவின் நடிப்பு. யோகிபாபுவின் காமெடி

கலர்புல்லான படத்தின் காட்சிகள், கேட்கும்படியான பாடல்கள்

பல்ப்ஸ்

பழைய கதை, திரைக்கதை

மற்ற கதாபாத்திரங்களுக்கும் இன்னும் வலுவான காட்சிகள் இருந்திருக்கலாம்.

யூகிக்கும்படியான காட்சிகள்

மொத்தத்தில் த்ரிஷாவையும், பேய்ப்படத்தையும் ரசிப்பவர்கள் மட்டும் போய் பார்த்துவரலாம். 

நடிகர் கமல்ஹாசன் தற்போது பிக்பாஸ் நிகழ்ச்சியை தொகுத்து வழங்கி வருகிறார். மறுபக்கம் வரும் ஆகஸ்ட் 10 ல் வெளியாக இருக்கும் விஸ்வரூபம் 2 படத்தின் புரமோஷன் வேலைகளில் பிசியாக இருக்கிறார்.

இதற்காக அவர் நேற்று சென்னையில் பத்திரிக்கையாளர்களை சந்தித்து பேசினார். இதில் அவர் விஸ்வரூபம் படம் முன்பே எடுக்கப்பட்டது. அதன் தொடர்ச்சியாக இப்படம் வந்துள்ளது.

அரசியலுக்கு வந்திருப்பதால் அந்த சாயம் இருக்கும் என நினைக்க வேண்டாம். இது அரசியலுக்கு அப்பாற்பட்ட படம். முன்பு போல எதிர்ப்புகள் இருக்காது என நினைக்கிறேன்.

மதம், தேசம் இவற்றுக்கு நடுவே கடமையை நிறைவேற்ற போராடும் இந்தியனின் கதை இது. என்னிடம் என் தேவைகளை நிறைவேற்றிக்கொள்ள பணம் இருக்கிறது. அதனால் தவறு செய்ய மாட்டேன் என மக்கள் நினைக்கிறார்கள். அதை தக்க வைக்க விரும்புகிறேன்.

கட்சி மூலம் அரசுப்பொறுப்புக்கு வந்தால் சினிமாவை விட்டு விலகிவிடுவேன். விஸ்வரூபம் 1 ன் போது நான் இந்தியாவை விட்டு வெளியேறுவேன் என சொன்னது அப்போதைய ஆட்சிக்கு கொடுத்த அவமானம் என நினைக்கிறேன். அப்படியாக என்னை என் வேலையை செய்யவிடாமல் தடுத்தார்கள் என கூறியுள்ளார்.