என் புத்தகம்

பிரதமர் மோடி மற்றும் ஜனாதிபதி கோவிந்த் ஆகியோரது வெளிநாட்டு பயணங்களுக்கு வேண்டி போயிங் 747 - 400 ஜம்போ என்கிற விமானம் 27 ஆண்டுகளாக பயன்படுத்தப்பட்டு வருகிறது. இதற்கான பராமரிப்பு பணிகள் அனைத்தையும் ஏர் இந்தியா நிறுவனம் மேற்கொண்டு வருகிறது.

தவிர, ஏர் இந்தியாவைச் சேர்ந்த பயிற்சிப் பெற்ற விமானிகள் தான் இந்த விமானங்களை இயக்கி வருகின்றனர். பிரதமர் மற்றும் ஜனாதிபதி ஆகியோரின் பயணங்கள் முடிந்ததும், இந்த விமானங்கள் வர்த்தக பயன்பாட்டுக்காகவும் பயன்படுத்தப்படுகிறது.

விவிஐபி பயணங்களுக்கு வேண்டி சிறப்பு வசதிகளை பெற்றிருக்கும் இந்த விமானம், அந்த பயணம் முடிந்த பிறகு வர்த்தக பயன்பாட்டுக்கு ஏற்றவாறு மாற்றியமைக்கப்படும். விமானத்தை மாற்றியமைக்க மொத்தமாக 12 நாட்கள் வரை ஆகும்.

பிரதமர் உள்ளிட்ட விவிஐபி-க்கள் அமெரிக்கா போன்ற வெளிநாடுகளுக்கு செல்லும் போது எரிபொருள் நிரப்புவதற்காக வளைகுடா நாடுகளில் விமானம் நின்று செல்லும். இதனால் பயண நேரம் அதிகரிப்பதோடு, பாதுகாப்பு குறித்த கேள்விகளும் எழுகின்றன.

மேலும் பிரதமர் மோடி, ஜனாதிபதி ராம்நாத் கோவிந்த் ஆகியோரது உயிருக்கு அச்சுறுத்தல் நிலவும் சூழல் உருவாகிறது. இந்த பிரச்னையை களையும் நோக்கில் நவீன தொழில்நுட்ப அம்சங்கள் கொண்ட புதிய விமானங்களை வாங்குவதற்கு மத்திய அரசு முடிவு செய்தது.

அதை தொடர்ந்து கடந்த 2016ம் ஆண்டில் ரூ. 2,100 கோடி மதிப்பிலான போயிங் 777-300 இ.ஆர் ரக விமானங்களுக்கான ஆர்டர் கொடுக்கப்பட்டன. இந்த விமானங்கள் கடந்த 2018ம் ஆண்டில் போயிங் நிறுவனத்திடமிருந்து இந்தியாவுக்கு கொண்டு வரப்பட்டன.

முக்கியஸ்தர்களில் பயணங்களுக்கு ஏற்றவாறு பல்வேறு வசதிகள் இந்த விமானங்களில் ஏற்படுத்த முடிவுகள் செய்யப்பட்டன. அதற்கு வேண்டி தற்போது இரண்டு போயிங் புதிய ரக விமானங்களும் அமெரிக்காவுக்கு அனுப்பி வைக்கப்பட்டுள்ளன. அங்கு விவிஐபி-க்களின் தேவைகளுக்கு ஏற்றவாறு கஸ்டமைஸ் செய்யும் பணிகள் நடைபெற்று வருகின்றன.

இந்த விமானத்தில் ஆலோசனை நடத்தும் அறை, சமையலறை, 2000 பேருக்கு உணவு பொருட்களை வைப்பதற்கான கூடம், படுக்கையறை, சிறியளவிலான அறுவை சிகிச்சை செய்யும் அறை, விவிஐபி-க்களின் ரத்தப் பிரிவைச் சேர்ந்த ரத்த வங்கி, பத்திரிக்கையாளர்களுக்கான இருக்கை வசதி, 24 மணிநேரம் மருத்துவர்கள் இருப்பதற்கான அறை, விமான உதவிப் பணியாளர்கள் தங்கும் அறை போன்ற பல ஆடம்பர வசதிகள் உண்டு.

இவை தவிர சேட்டிலைட் தொலைப்பேசி வசதி, பிரதமருக்கான தனி அலுவலகம், 19 டிவி திரைகள் என ஒரு நட்சத்திர விடுதிக்கான அனைத்து வசதிகளும் இதில் உள்ளது. இந்த கஸ்டமைஸ் பணிகளின் போது உயர் ரக கவச பாதுகாப்பு தொழில்நுட்பம் விமானத்தில் உள்ளதாக தகவல் வெளியாகியுள்ளது. விமானத்தின் மீது ஏவுகணை தாக்குதல் நடத்தினால் அதை முறியடிப்பதற்கான தொழில்நுட்பம், கண்காணிப்பு ரேடார்கள் போன்ற வசதிகளும் இதில் இடம்பெறும்.

மேலும், அணு கதிர்வீச்சு தாக்குதலில் இருந்து தப்புவதற்கான தொழில்நுட்பம், நடுவானில் எரிபொருள் நிரப்புவதற்கான வசதி உள்ளிட்ட அம்சங்களும் இந்த போயிங் 777-300 இ.ஆர் விமானத்தில் இருக்கும். இந்த புதிய கஸ்டமைஸ் பணிகளுக்காக மட்டும் இதுவரை ரூ. 1,100 கோடி செலவிடப்பட்டுள்ளதாக தகவல்கள் தெரியவந்துள்ளன.

தற்போது பிரதமர் மற்றும் குடியரசுத் தலைவர் பயன்படுத்தி வரும் போயிங் 747 விமானம் போன்று, இந்த புதிய ரக விமானங்கள் வர்த்தக சேவைக்காக பயன்படுத்தப்படாது. பிரத்யேகமாக விவிஐபி-களுக்காக மட்டுமே இது இயங்கும். இந்த இரண்டு விமானங்களின் பராமரிப்புப் பணிகளையும் வழக்கம் போல ஏர் இந்தியா மேற்கொள்ள இருக்கிறது.

தவிர, இந்த புதிய ரக விமானங்களை இயக்குவதற்கு இந்தியாவின் விமானப் படை விமானிகளுக்கு சிறப்பு பயிற்சிகள் அமெரிக்காவில் நடைபெற்று வருகிறது. வரும் டிசம்பரிலோ அல்லது அடுத்த வருட தொடக்கத்திலோ இந்த விமானங்கள் இந்தியாவிடம் ஒப்படைக்கப்படலாம் என எதிர்பார்க்கபடுகிறது.

உலகின் மிகப்பெரிய விமானமான போயிங் 777 300 இ.ஆர். மாடல் மிகவும் சக்திவாய்ந்த வானூர்தியும் ஆகும். இதில் முழுமையாக எரிபொருள் நிரப்பினால், இந்த விமானத்தால் அதிகப்பட்சமாக 13,650 கி.மீ வரை செல்ல முடியும். இரண்டு எஞ்சின்களை கொண்ட இந்த விமானத்தில் 513 கே.எம் திரஸ்ட் வழங்கும் திறன் உள்ளது.

இரண்டு பைலட்டுகள் ஒருசேர அமர்ந்து இந்த விமானத்தை இயக்கலாம். மணிக்கு அதிகபட்சமாக 945 கிமீ வேகம் வரை செல்லக்கூடிய திறன் பெற்ற இந்த விமானம், சராசரியாக 892 கிமீ வேகத்தில் இயக்கப்படும் என சொல்லப்பட்டுள்ளது இதனால், நீண்ட தூர பயணங்களை சுலபமாக முடிக்க இந்த விமானங்கள் உதவும்.

ரஜினிகாந்த் இந்திய சினிமாவின் ஈடு இணையில்லா நடிகர். இவர் 69 வயது நெருங்கியும் இன்றும் இந்தியாவின் முன்னணி நடிகர்கள் லிஸ்டில் உள்ளார்.

இந்நிலையில் ரஜினிகாந்த் வாழ்க்கை வரலாறை மையமாக கொண்டு ஒரு படத்தை உருவாக்க ஒரு சிலர் முடிவு செய்துள்ளார்களாம்.

இப்படத்தை மிகப்பிரமாண்டமாக எடுக்க ப்ளான் செய்து வருகின்றார்களாம், மேலும், ரஜினி கதாபாத்திரத்தில் நடிக்க வைக்க எந்த ஹீரோவை கமிட் செய்யலாம் என்ற பேச்சு வார்த்தையும் நடந்து வருகின்றதாம்.

வடிவேலு காமெடி உலகின் ராஜா. இவருடைய காமெடி காட்சிகள் தான் இன்று வரை எல்லோருக்கும் மீம்ஸில் பயன்பட்டு வருகின்றது.

இவரை தவிர்த்து மீம்ஸ் என்பதே உருவாக்க முடியாது, இப்படி பல விஷயங்களில் நம்மை சிரிக்க வைத்த வடிவேலு ரியல் லைப் பல மர்மங்கள் அடங்கியுள்ளது.

இதுக்குறித்து அவரிடம் முன்பு பணிபுரிந்த நடிகர் சிங்கமுத்துவே சமீபத்தில் ஒரு பேட்டியில் கூறியுள்ளார், இவரிடம் பணிபுரிந்த ஒரு மேனேஜர் தூக்குப்போட்டு கொண்டாராம்.

அது மட்டுமின்றி துளசி என்ற பெண் பால் டாயில் குடித்தார், இதெல்லாம் யாரால் என்று நான் சொல்லட்டுமா? என்று பல அதிர்ச்சி விஷயங்களை சிங்கமுத்து பேட்டியில் கூறியுள்ளார்

ஒவ்வொருவரின் வாழ்க்கையிலும் திருமணம் என்பது மிகவும் முக்கியமானதாகும். ஒருவரின் வாழ்க்கைக்கு புதிய நிறத்தை வழங்குவது என்றால் திருமணம்தான். ஏனெனில் திருமணத்திற்கு முன்பு இருந்த ஒருவரின் வாழ்க்கைக்கும், திருமணத்திற்கு பிறகான ஒருவரின் வாழ்க்கைக்கும் பல வித்தியாசங்கள் இருக்கும்.

திருமணம் செய்வதற்கு வயதோ, வருமானமோ மட்டும் முக்கியமல்ல. திருமணம் செய்து கொள்ள மனதளவில் பக்குவமும், மாற்றங்களை ஏற்றுக்கொள்ளும் மனமும், எதிர்கால வாழ்க்கைக்கான திட்டங்களும் இருக்க வேண்டும். வெற்றிகரமான திருமண வாழ்க்கைக்கு நீங்கள் மனதளவில் எப்படி தயாராகி கொள்ள வேண்டும் என்று இந்த பதிவில் பார்க்கலாம்.

திருமணத்தில் நம்பிக்கை வையுங்கள்

மகிழ்ச்சியான திருமண வாழ்க்கைக்கு நம்பிக்கைதான் அடிப்படையாகும். எனவே எதிர்பாலினத்தருடன் மிக நெருக்கமாக இருப்பதை தவிர்க்கவும். இந்த செயல்களில் நீங்கள் ஈடுபட்டால், உங்கள் திருமண வாழ்க்கையில் மோசமான காலக்கட்டம் ஏற்படும்போது நீங்கள் வேறு துணையை நோக்கி செல்வீர்களே தவிர உங்கள் துணையை நோக்கி நகர மாட்டிர்கள்.

உங்கள் துணையை விமர்சிக்காதீர்கள்

உங்கள் துணையை விமர்சிக்கும் பழக்கம் உள்ளதா உங்களுக்கு? திருமண உறவை முறிக்கும் மோசமான ஆயுதம் விமர்சனம் ஆகும். உங்கள் துணையை ஒட்டுமொத்தமாக விமர்சிக்காமல் குறிப்பிட்ட சிக்கலை பற்றி மட்டும் விவாதிப்பது தம்பதிகளுக்கிடையே ஏற்படும் பிரிவை குறைக்கும்.

உங்கள் துணை சொல்வதை கவனியுங்கள்

திருமண வாழ்க்கை அழகாவதே ஒருவரை ஒருவர் சார்ந்து வாழும்போதுதான். உங்கள் துணை பேசும்போது அவர்களை சொல்வதை கவனிக்க மறந்து விடாதீர்கள். மகிழ்ச்சியான திருமண வாழ்க்கைக்கும் பரஸ்பரம் மரியாதை செலுத்துவது அவசியமாகும்.

ஒன்றாக வேடிக்கையை அனுபவிக்க வேண்டும்

உங்கள் இருவரையும் மகிழ்ச்சிப்படுத்தும் ஒரு பொதுவான விஷயத்தை கண்டுபிடியுங்கள் அதன்பின் உங்கள் நேரத்தை அதில் செலவழியுங்கள். அது உடற்பயிற்சியாகவோ, பிடித்த நிகழ்ச்சியாகவோ எதுவாக வேண்டுமென்றாலும் இருக்கலாம். எதுவாக இருந்தாலும் அது உங்களை மகிழ்ச்சியாக வைத்திருந்தால் அதனை தொடர்ந்து செய்யுங்கள்.

அமைதியை கடைபிடிக்கவும்

உங்கள் துணையுடன் பேசும்போது அமைதியான மற்றும் அழகான சொல்லாடல்களை பயன்படுத்தவும். அமைதியாக இருப்பது உங்களை காட்டக்கூடாது மாறாக உங்களின் துணை மேல் நீங்கள் வைத்திருக்கும் மரியாதையை உணர்த்தும் வகையில் இருக்க வேண்டும்.

பொறுப்பேற்று கொள்ளுங்கள்

இருவரில் ஒருவருக்காவது இந்த குணம் இருக்க வேண்டும். இந்த் குணம் உறவின் தன்மையையே மாற்றக்கூடும். ஒருவரின் இந்த குணம் மற்றவரின் மனதில் மாற்றங்களை ஏற்படுத்தக்கூடும். தேவைப்படும் நேரத்தில் உங்கள் துணையிடம் மன்னிப்பு கேட்கவும். இது அவர்களின் மனதை மாற்றவும், மன்னிப்பை விரைவாகவும் பெற்றுத்தரும்.

மன்னிக்க கற்றுக்கொள்ளுங்கள்

மன்னிப்பு நீங்கள் அடைந்த காயத்திற்கு மருந்தாக இருக்காது ஆனால் நீங்கள் அதனை மறக்க உதவும். உங்கள் இருவரின் வாழ்க்கையும் பிணைக்கப்பட்டது என்பதை மறந்து விடாதீர்கள். உங்கள் துணையை அவர்களின் உண்மை முகத்தோடு ஏற்றுக்கொள்ளவும், அதிகம் புரிந்து கொள்ளவும் தயாராகி கொள்ளுங்கள்.

பொதுவாக குளிர்காலம் வந்துட்டாலே நம் தோல் உலர்ந்து போய் வறண்டு போக ஆரம்பித்து விடும். இதனால் அரிப்பு, சரும பிரச்சனைகள் போன்றவை எளிதாக தொற்றிக் கொள்ளும் வாய்ப்புள்ளது. சரி இதை எப்படி போக்குவது? இருக்கவே இருக்கு நம் வீட்டில் இருக்கும் தேங்காய் எண்ணெய்யை பயன்படுத்தியே இந்த சரும பிரச்சனையை போக்கிடலாம்.

உங்கள் சருமத்திற்கு ஈரப்பதத்தை மூட்ட பெட்ரோலியம் ஜெல்லி போன்றவற்றை பயன்படுத்துவதை தவிருங்கள். ஏனெனில் பெட்ரோலியம் ஜெல்லி, மினரல் ஆயில் போன்றவை புற்றுநோயை உருவாக்கும் சாத்தியக் கூறுகள் அதிகம்.

மேலும் இந்த வறண்ட சருமத்தை போக்க நீங்கள் ஒமேகா 3 கொழுப்பு அடங்கிய கிரில் ஆயிலை கூட பயன்படுத்தி கொள்ளலாம். இது உங்கள் சருமத்திற்கு நீங்கள் போதுமான நீர் அருந்தாவிட்டாலும் உள்ளிருந்து நல்ல போஷாக்கையும் ஈரப்பதத்தையும் தருகிறது.
பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

தேங்காய் எண்ணெய்யின் மகத்துவம்

தேங்காய் எண்ணெய் சரும தொற்றுகளை எதிர்த்து போரிடுகிறது. சருமத்தில் ஏற்படும் சுருக்கங்கள், சரும கோடுகள், தோல் இணைப்புத் திசு வலிமைக்கு, தோலின் மேற்பரப்பில் உள்ள இறந்த செல்களை நீக்குதல் போன்ற வேலைகளை செய்கிறது.

தேங்காய் எண்ணெய் உங்களை ஆரோக்கியமாக வைக்க உதவுகிறது. இது உலர்ந்த சருமத்திற்கு போதுமான ஈரப்பதத்தை தருகிறது. இதன் ஆன்டி பாக்டீரியல் மற்றும் பூஞ்சை எதிர்ப்பு தன்மை சரும பாதிப்புகளை சரி செய்கிறது. சரும அழகுக்கும் உங்கள் குடல் ஆரோக்கியத்திற்கும் நிறையவே தொடர்பு உள்ளது. நல்ல ப்ரஷ்ஷான காய்கறிகள் குடல் பாக்டீரியாக்களை அதிகரிக்க செய்கிறது.

தேங்காய் எண்ணெய் சரும பராமரிப்பு

வீட்டில் இருக்கும் தேங்காய் எண்ணெய்யை வைத்தே உங்கள் சருமழகை மெறுகேற்றலாம். இந்த தேங்காய் எண்ணெய்யைக் கொண்டு சருமத்திற்கு என்று நிறைய ரெசிபிகளை நாம் வீட்டிலேயே செய்து பயன் பெறலாம். பாடி ஸ்க்ரப், ஹோம்மேடு டியோடிரெண்ட், டூத் பேஸ்ட், கை மற்றும் உடல் க்ரீம், லிப் பாம் ஏன் பூச்சி விரட்டி மருந்தாக கூட தேங்காய் எண்ணெய்யை பயன்படுத்தி கொள்ளலாம்.

இது இயற்கையாகவே பாதுகாப்பான ஒன்றாகவும் உள்ளது. அழகு சாதனப் பொருட்களால் சருமத்தில் ஏற்படும் நச்சுக்களை போன்ற அபாயம் இதில் இல்லை.

பயன்படுத்தும் முறை

ஸ்கின் க்ளீன்சர்

1/2 டீ ஸ்பூன் தேங்காய் எண்ணெய்யை உங்கள் கைகளில் எடுத்து சருமத்தை வட்ட இயக்கத்தில் நன்றாக மசாஜ் செய்யவும். பிறகு வெதுவெதுப்பான நீரில் கழுவி துடைத்து விடுங்கள்.

வாட்டர் ப்ரூவ் மேக்கப் ரிமூவர்

கண்களில் உள்ள கண்மை, ஐ லைனர், ஐ மேக்கப்பை கலைக்க தேங்காய் எண்ணெய்யை பயன்படுத்தலாம். அதே நேரத்தில் எண்ணெய் கண்ணுக்குள் போகாமல் பார்த்துக் கொள்ளுங்கள். கொஞ்சமாக எண்ணெய்யை கையில் எடுத்து கண்களில் மெதுவாக மசாஜ் செய்யுங்கள். காட்டன் பஞ்சை எடுத்து துடைத்தெடுங்கள். பிறகு வெதுவெதுப்பான நீர் கொண்டு கழுவுங்கள்.

சரும மாய்ஸ்சரைசர்

கொஞ்சம் தேங்காய் எண்ணெய்யை கையில் எடுத்து சருமத்தில் முகத்தில் அப்ளே செய்து மசாஜ் செய்யுங்கள். இதனுடன் இயற்கை லோசன் அல்லது க்ரீம்களைக் கூட சேர்த்து மசாஜ் செய்யலாம்.

ஷேவிங் க்ரீம்

ஷேவிங் க்ரீமிற்கு பதிலாக தேங்காய் எண்ணெய்யை கூட நீங்கள் பயன்படுத்தி கொள்ளலாம்.

தோல் நோய்கள்

எக்ஸிமா, சொரியாஸில் போன்ற தீவிர சரும பிரச்சினைக்கு கூட தேங்காய் எண்ணெய் பயன்படுகிறது. இதன் ஆன்டி வைரல், ஆன்டி பாக்டீரியல் தன்மை சருமத்தின் வறண்ட உலர்ந்த தன்மையை போக்கி சருமத்திற்கு மென்மையையும், ஈரப்பதத்தையும் தருகிறது.

பாகிஸ்தான் அணிக்கு எதிரான போட்டியில் தோனி செய்த தவறுக்கு இந்திய அணியின் கேப்டன் கோலி ஆதரவாக பேசி இருக்கிறார். இதனால் தோனி தொடர்பாக நிலவி வந்த சர்ச்சைக்கு முற்றுப்புள்ளி வைக்கப்பட்டு இருக்கிறது.

உலகக் கோப்பை தொடரில் இந்தியா பாகிஸ்தான் போட்டி நேற்று முதல் மான்செஸ்டர் மைதானத்தில் மோதிக்கொண்டது. இந்த போட்டி பெரிய அளவில் வைரலானது.தொடக்கம் முதல் இறுதி வரை இந்த போட்டி விறுவிறுப்பாக சென்றது.

அதேபோல் மூன்று முறை இந்த போட்டியில் மழை குறுக்கிட்டது. நேற்று டாஸ் வென்ற பாகிஸ்தான் அணி முதலில் பவுலிங் செய்ய முடிவெடுத்தது.

எப்படி ஆடியது

இந்திய வீரர்கள் அனைவரும் இந்த போட்டியில் அதிரடியாக ஆடினார்கள். இதில் மொத்தம் 50 ஓவரில் இந்திய அணி 5 விக்கெட்டிற்கு 336 ரன்கள் எடுத்துள்ளது. இதில் மழை காரணமாக பாகிஸ்தான் இன்னிங்ஸ் மட்டும் 40 ஓவர்களாக குறைக்கப்பட்டது. 40 ஓவரில் 212 ரன்கள் எடுத்த பாகிஸ்தான் டக் வொர்த் லீவிஸ் முறையில் 89 ரன்கள் வித்தியாசத்தில் தோல்வி அடைந்தது.

என்ன சிக்கல்

எப்போதும் டிஆர்எஸில் கலக்கும் தோனி நேற்று முதல்நாள் நடந்த போட்டியில் முதல்முறை தவறு செய்தார். நேற்று முதல்நாள் நடந்த போட்டியில் குல்தீப் போட்ட ஓவர் ஒன்றில் தோனி ஒரு தவறு செய்தார். பாகிஸ்தானின் பாபர் அசம் அதிரடியாக ஆடிக்கொண்டு இருந்தார். அப்போது சரியாக பாபர் குல்தீப் ஓவரில் எல்பிடபில்யூ முறையில் அவுட்டானார்.

ஆனால் இல்லை

இதற்கு நடுவர் விக்கெட் கொடுப்பார் என்று எல்லோரும் எதிர்பார்த்தார்கள். ஆனால் நடுவர் இதற்கு அவுட் கொடுக்கவில்லை. இதை சரியாக கவனித்த கோலி டிஆர்எஸ் எடுக்கலாமா என்று தோனியிடம் ஆலோசனை கேட்டார். தோனி இதற்கு ஓகே சொல்வார் என்றுதான் களத்தில் இருந்த ரசிகர்கள் எல்லோரும் நினைத்தார்கள்.

கேட்கவில்லை

ஆனால் தோனி பந்து பேட்டில்தான் பட்டது என்று கூறினார். தோனியின் பேச்சை கேட்டு கோலி எல்பிடபிள்யூ கேட்கவில்லை. ஆனால் ரீப்ளேயில்தான் பந்து பேட்டில் படவில்லை, பேடில்தான் பட்டது என்பது தெரிந்தது. இது விக்கெட்தான் என்பது எல்லோருக்கும் தெரிந்தது. இதனால் தோனிக்கு எதிராக நேற்று சிலர் கருத்து தெரிவித்து இருந்தனர்.

விளக்கம்

இந்த நிலையில் கோலி இதுகுறித்து பேசி இருக்கிறார். இன்று ஜிம்மில் உடற்பயிற்சி மேற்கொண்டவர் அணியினரிடம் இதுகுறித்து பேசியுள்ளார். தோனி எப்போதும் தவறு செய்ததே இல்லை. அவர் மிக சரியாக கணிப்பார். அன்று மட்டும் மிஸ்ஸாகிவிட்டது என்று தோனிக்கு ஆதரவாக சக வீரர்களிடம் அவர் பேசி இருக்கிறார். நேற்று டிஆர்எஸ் எடுக்கவில்லை என்ற போதும் கூட கோலி முகத்தில் எந்த விதமான வருத்தத்தையும் காட்டவில்லை என்பது குறிப்பிடத்தக்கது.

விஜய் டிவியில் ஒளிபரப்பாகி வருகிறது பிக்பாஸ் நிகழ்ச்சி. அதில் பல பிரபல நடிகர் நடிகைகள் மற்றும் பிரபலங்கள் 100 நாட்கள் ஒரு வீட்டில் எந்த வித வெளி தொடர்பும் இல்லாமல் இருக்க வேண்டும்.

வாரம் ஒருவர் வெளியேற்றப்படுவர். கடைசியில் இருக்கும் போட்டியாளர் மக்கள் ஓட்டு அடிப்படையில் வெற்றியாளராக அறிவிக்கபடுவார்கள்.

மூன்றாவது சீசன் வரும் ஞாயிற்றுக்கிழமை துவங்கவுள்ள நிலையில் தற்போது பிக்பாஸ் நிகழ்ச்சிக்கு தடை கேட்டு வழக்கு பதிவு செய்யப்பட்டுள்ளது.

பிக்பாஸ் நிகழ்ச்சியை இந்தியன் பிராட்காஸ்ட் ஃபவுண்டேசனின் (IBF) தணிக்கை சான்று பெறாமல் ஒளிபரப்பக்கூடாது என வழக்கறிஞர் சுதன் சென்னை உயர்நீதிமன்றத்தில் தடை கேட்டு மனுதாக்கல் செய்துள்ளார்.