என் புத்தகம்

இந்திய சமையற்கலை மிகவும் புகழ் பெற்றதாகும், அதற்கு காரணம் நமது சுவை மிகுந்த மசாலாக்கள் மட்டுமல்ல, நமது சமையற்கலை வழங்கும் பல ஆரோக்கிய நன்மைகள்தான். நமது பாரம்பரிய சமையல் முறைகளும், பழக்கங்களும் நாம் நினைத்து பார்க்க முடியாத அளவிற்கு நமக்கு பல நன்மைகளை வழங்கக்கூடும்.

நமது முன்னோர்கள் வாழ்ந்த ஆரோக்கிய வாழ்விற்கு அவர்களின் வாழ்க்கை முறையும், ஆரோக்கியமான உணவுப்பழக்கமும்தான் காரணம். இப்போதிருக்கும் நமது வாழ்க்கை முறையில் நம்முடைய அத்தியாவசிய தேவை நம்முடைய பாரம்பரிய உணவுமுறைதான். நமது பாரம்பரிய உணவுமுறைகளில் இருந்து இப்பொது நாம் மீண்டும் நடைமுறைக்கு கொண்டுவர வேண்டிய பழக்கவழக்கங்கள் என்னென்ன என்று இந்த பதிவில் பார்க்கலாம்.

வீட்டு காய்கறிகள்

வீட்டில் காய்கறிகளை வளர்ப்பதன் சிறந்த நன்மை என்னவெனில் இவற்றில் பூச்சிக்கொல்லிகளின் அளவு குறைவாக இருப்பதுடன் ஊட்டச்சத்துக்களும் அதிகமாக இருக்கும். ஊட்டச்சத்து நிபுணர்களின் கருத்துப்படி வீட்டில் வளரும் காய்கறிகள் கடைகளில் இருக்கும் காய்கறிகளை விட 75 சதவீதம் ஆரோக்கியமானதாக இருக்கும். மேலும் இது உங்கள் உடல் செயல்பாடுகளை அதிகரிப்பதுடன் இதய ஆரோக்கியம் மற்றும் உடலின் ஒட்டுமொத்த வலிமையையும் அதிகரிக்கும்.

உலக்கை மற்றும் குழவி

ரெடிமேட் மசாலா பொருட்கள் நல்லவைதான் ஆனால் வீட்டில் தயாரிக்கப்படும் மசாலா பொருட்கள் ஆரோக்கியமானவை. இதற்கு காரணம் இயற்கை கற்களில் செய்யப்படும் உலக்கை மற்றும் குழவிதான். இந்த கற்களில் தயாரிக்கப்படும் மசாலா பொருட்கள் உணவின் சுவையை மட்டுமின்றி அதன் ஆரோக்கியத்தின் அளவையும் அதிகரிக்கும். அதற்கு காரணம் அவற்றில் எந்தவித செயற்கை பொருட்களும் சேர்க்கப்படுவதில்லை என்பதால்தான்.

மண்பானை

களிமண் பாத்திரங்கள் அல்லது மண் பாத்திரங்கள் இயற்கையாகவே நீரை குளிர்ச்சியாக்க பயன்படுகிறது. மேலும் இது மனிதர்களின் குணப்படுத்தும் ஆற்றலை அதிகரிக்கிறது. ஊட்டச்சத்து நிபுணர்களின் கருத்துப்படி இந்த மண்பானை தண்ணீர் குடிப்பது குளிர்சாதன பெட்டியில் இருக்கும் தண்ணீரை விட பலமடங்கு ஆரோக்கிய நன்மைகளை வழங்கக்கூடியது.

வெண்கல பாத்திரம்

ஆரோக்கியமாக சமைப்பதற்கும், பரிமாறுவதற்கும் வெண்கல பாத்திரம் ஒரு சிறந்த தேர்வாகும். பழங்காலத்தில் இது செல்வமிக்க குடும்பங்களில் பயன்படுத்தப்பட்டு வந்தது. இந்த பாத்திரத்தில் சமைக்கப்படும் உணவின் ஊட்டச்சத்துக்கள் 97 சதவீதம் பாதுகாக்கப்படும். தற்போது சில உணவகங்கள் மீண்டும் வெண்கல பாத்திரத்தில் உணவு பரிமாறும் பழக்கத்தை மீண்டும் தொடங்கியிருக்கிறார்கள்.

இரும்பு பாத்திரம்

இரும்பு பாத்திரங்கில் சமைப்பது என்பது மிகவும் ஆரோக்கியமான ஒன்றாகும் ஏனெனில் இது உணவு வேகும் வேகத்தை குறைப்பதுடன் அதில் இருக்கும் ஊட்டச்சத்துக்களையும் பாதுகாக்கிறது. உலகின் பாதுகாப்பான உணவு சமைக்கும் முறைகளில் இதுவும் ஒன்றாகும். குறிப்பாக அமிலங்கள் நிறைந்த உணவுகளை இதில் சமைப்பது நமது உடலுக்கு பல நன்மைகளை வழங்கக்கூடும்.

கைகளால் சாப்பிடுவது

ஆயுர்வேதத்தின் படி கைகளால் உணவை எடுத்து உங்கள் வாயில் வைத்து சாப்பிட கைகளை வளைப்பது ஒரு யோகா முத்திரை ஆகும். இது உடலின் உறுப்புகளை செயல்பட வைத்து மூச்சுவிடுவதை சீராக்கும். நமது விரல்கள் உணவை தொடும்போது அதிலிருக்கும் நரம்புகள் அதனை உணர்ந்து மூளைக்கு உணவை செரிமானம் அடையவைக்கும் இரசாயனங்களை வெளியிடும் சிக்னலை அனுப்புகிறது. இதனால்தான் கைகளால் உணவை சப்பிடும்போது அதன் சுவை அதிகமாக இருக்கிறது.

கண்ணாடி குடுவைகள்

கண்ணாடி குடுவை என்பது மிகவும் தூய்மையான மற்றும் இயற்கை சார்ந்த மறுசுழற்சி செய்யக்கூடிய ஒரா பொருளாகும். இது உணவை சேமிக்கும் உலகின் மிகவும் பாதுகாப்பான ஒரு பொருளாக கருதப்படுகிறது. இது உணவிற்குள் எந்த இரசாயனத்தையும், நுண்ணுயிர்களையும் நுழைய அனுமதிக்காது. அதேசமயம் இது உணவின் நிறம் மற்றும் சுவையில் எந்த பாதிப்பையும் ஏற்படுத்தாது.

தண்ணீர் இல்லாத வாழ்க்கை என்பதை எவராலும் நினைத்து பார்க்க முடியாது. ஆரோக்கியமான வாழ்க்கைக்கு மட்டுமின்றி அடிப்படை வாழ்க்கைக்கு கூட தண்ணீர் அத்தியாவசியமான ஒன்றாகும். உடல் எடையை குறைக்க தண்ணீர் குடிக்க வேண்டியது மிகவும் அவசியமாகும். உங்கள் உணவு முறைகளில் செய்யும் மாற்றங்கள், உடற்பயிற்சி, 6 முதல் 8 மணி நேரம் வரையிலான தூக்கம் போன்றவை சின்ன சின்ன மாற்றங்கள் கூட உங்கள் வாழ்க்கையை ஆரோக்கியமானதாக மாற்றும்.

ஆரோக்கிய வாழ்விற்கு அடிப்படையான மற்றும் எளிதான வழி தண்ணீர் குடிப்பதாகும். தினமும் சரியான அளவு தண்ணீர் குடிக்கும் போது உங்கள் வளர்ச்சிதை மாற்றத்தை அதிகரிக்கும் மேலும் பசியையும் கட்டுப்படுத்தும். இந்த பதிவில் உங்கள் எடைக்கு ஏற்ப எவ்வளவு நீர் குடிக்க வேண்டும் என்பதை பார்க்கலாம்.

தினமும் தேவையான நீர்

நீங்கள் ஒவ்வொரு நாளும் குடிக்க வேண்டிய நீரின் அளவு உங்களின் பாலினம், செயல்பாடுகள், ஆரோக்கிய நிலைகள் மற்றும் உங்களின் எடை போன்ற படிநிலைகளை பொறுத்து அமைகிறது. ஒரு நாளைக்கு 8 டம்ளர் அல்லது 2 லிட்டர் தண்ணீர் குடிப்பது அவசியமானது என்று கூறப்படுகிறது. ஆனால் சில ஊட்டச்சத்து நிபுணர்களின் கருத்துப்படி 4 லிட்டர் தண்ணீர் குடிக்க வேண்டும் என்று கூறுகிறார்கள்.

உணவுக்கு முன் தண்ணீர் குடிப்பது

பல்வேறு ஆராய்ச்சியாளர்களின் கருத்துப்படி சாப்பிடுவதற்கு 20 அல்லது 30 நிமிடத்திற்கு முன் 2 கப் தண்ணீர் குடிப்பது உங்களை நிறைவாக உணர வைக்கும். இது எடை குறைப்பில் மிகவும் முக்கியமான பங்கை வகிக்கிறது.

அதிக தண்ணீர் குடிப்பதின் பக்க விளைவுகள்

மனித உடல் 66 சதவீதம் நீரால் ஆனது, நமது உடலில் இருக்கும் அதிக எடையை குறைக்க இது மிகவும் முக்கியமான ஒன்றாகும். அதிகளவு தண்ணீர் குடிப்பது நமது உடலில் இருக்கும் தண்ணீரின் அளவில் சமநிலையின்மையை ஏற்படுத்தும். இதனால் வாந்தி, தலைவலி, சோர்வு போன்ற பிரச்சினைகள் ஏற்படலாம்.

நீர் குடிக்க வழிகாட்டி

தினமும் காலை 2 அல்லது 4 கிளாஸ் தண்ணீரை வெறும் வயிற்றில் குடிக்கவும். நீங்கள் குளிரூட்டப்பட்ட சூழ்நிலையில் பணிபுரிபவராக இருந்தால் தினமும் 2.5 லிட்டருக்கு மேல் தண்ணீர் குடிக்காதீர்கள். நீங்கள் உடற்பயிற்சி செய்பவராக இருந்தால் உடற்பயிற்சி தொடங்குவதற்கு முன் 16 அவுன்ஸ் தண்ணீர் குடிக்க வேண்டும். உடற்பயிற்சி முடிந்த பிறகு 16 அவுன்ஸ் தண்ணீர் குடிக்க வேண்டும்.

உங்கள் எடை

நீங்கள் எவ்வளவு தண்ணீர் குடிப்பது ஆரோக்கியமானது என்பதை முடிவு செய்யும் முதல் காரணி உங்களின் எடை ஆகும். ஒருவர் எவ்வளவு தண்ணீர் குடிக்க வேண்டுமென்பது முழுக்க முழுக்க அவர்களின் உடல் எடையை சார்ந்தது. பொதுவாக ஒருவர் எவ்வளவு எடை அதிகமாக இருக்கிறார்களோ அவ்வளவு அதிகமாக தண்ணீர் குடிக்க வேண்டியது அவசியமாகும்.

எடையை கணக்கிடுவது எப்படி?

முதலில் உங்கள் எடையை கிலோவில் இருந்து பவுண்ட்க்கு மாற்றி கொள்ளுங்கள். 1 கிலோ என்பது 2.20 பவுண்ட் ஆகும். அதற்கு பிறகு உங்கள் எடையை 2/3 ஆல் பெருக்குங்கள். இது நீங்கள் எவ்வளவு தண்ணீர் குடிக்க வேண்டும் என்பதை காட்டும். உதாரணத்திற்கு உங்கள் எடை 200 பவுண்டாக இருந்தால் அதனை 2/4 ஆல் பெருக்கும்போது அது கிட்டதட்ட 113 அவுன்ஸ் தண்ணீர் குடிக்க வேண்டும் என்று வரும். 1 அவுன்ஸ் என்பது 29 மிலி ஆகும்.

உடற்பயிற்சிகள்

நீங்கள் தினமும் உடற்பயிற்சி செய்பவராக இருந்தால் நீங்கள் உங்கள் உடலில் இருக்கும் அதிகளவு நீரை வியர்வை மூலம் இழப்பீர்கள். நீங்கள் உடற்பயிற்சி செய்யும் ஒவ்வொரு அரை மணி நேரத்திற்கும் 350 மிலி நீரை குடிக்கவும். நீங்கள் தினமும் 45 நிமிடம் உடற்பயிற்சி செய்பவராக இருந்தால் நீங்கள் 17 அவுன்ஸ் தண்ணீர் குடிக்க வேண்டும்.

மனித உடல் என்பது பல அதிசயங்களும், ஆச்சரியங்களும் நிறைந்ததாகும். மனித உடலில் மறைந்திருக்கும் ரகசியங்களை தெரிந்து கொள்ளும் ஆராய்ச்சிகள் உலகம் முழுவதும் நடந்து கொண்டுதான் இருக்கிறது. நமது உடலுக்குள் இருக்கும் குணப்படுத்தும் ஆற்றல் நம்மை பல நோய்களில் இருந்தும், ஆபத்துகளில் இருந்தும் பாதுகாக்கிறது.

நமது உடலின் சில பகுதிகளை தூண்டுவது உடலில் இருக்கும் வலி மற்றும் விரும்பத்தகாத உணர்வுகளை குறைக்கும் வழியாகும். நமது உடல் பாகங்களின் சில பாகங்களும், நம் உடலின் இயல்பான செயல்பாடுகளும் நம்மை ஆச்சரியப்படுத்துவது மிகவும் இயல்பானது. உங்கள் உடலில் இருக்கும் சில பாகங்களை தூண்டினால் என்னென்ன மாற்றங்கள் ஏற்படும் என்று இந்த பதிவில் பார்க்கலாம்.

ரிலாக்ஸ் ஆக்க உதவும்

நீங்கள் அதிக மனஅழுத்தத்தில் இருந்து விடுபட விரும்பினால் உங்கள் மூச்சை இழுத்து பிடித்துக்கொண்டு முகத்தை குளிர்ந்த நீரால் நன்கு கழுவவும். குளிர்ந்த நீர் உங்களின் சுழற்சியை அதிகரிப்பதுடன் உங்களை ரிலாக்ஸாக உணர வைக்கும். இது பல நாடுகளில் பல நூற்றாண்டுகளாக கடைபிடிக்கப்பட்டு வரும் ஒரு குணப்படுத்தும் முறையாகும்.

தொண்டை புண்ணை குணப்படுத்த

தொண்டை புண்ணை குணப்படுத்த டீ குடிப்பது நல்ல மருந்தாக கருதப்படுகிறது. ஆனால் அதனை விட எளிய வழி ஒன்று உள்ளது. உங்கள் தொண்டையில் பிரச்சினை ஏற்பட்டால் உங்கள் காதை திருகவும். உங்கள் காதில் இருக்கும் நரம்புகளை தூண்டுவதன் மூலம் உங்கள் தொண்டை பிரச்சினைகளை குணப்படுத்தி நிவாரணத்தை வழங்கும்.

ஊசி பயத்தை நீக்கும்

ஊசி போடுவது குறித்து அனைவருக்குமே அடிமனதில் சிறிய பயம் இருக்கும். ஆனால் இந்த பயத்தை போக்க ஒரு எளிய வழி உள்ளது. ஊசி போடுவதற்கு முன் சிறிது இருமினால் ஊசி மீது இருக்கும் பயம் போய்விடும்.

மூக்கடைப்பை குணப்படுத்தும்

உங்கள் மூக்கு பாதைகளை ரிலாக்ஸாக வைக்க உங்கள் நாக்கை வாயின் மேற்புறம் நோக்கி அழுத்த வேண்டும். உங்கள் ஆள்காட்டி விரலை கொண்டு புருவத்தை நன்கு அழுத்தவும். இதனை செய்வதற்கு ஒவ்வொரு அரைமணி நேரத்திற்கும் மூச்சை இழுத்து பிடிக்கவும்.

தீக்காயங்களை குணப்படுத்தும்

தீக்காயங்கள் குணமாக அதிக காலம் ஏ எடுத்துக்கொள்ளும். உங்கள் விரலின் நுனிகளை பயன்படுத்தி பாதிக்கப்பட்ட இடத்தில் தொடர்ந்து தொடவும். இந்த முறை தீக்காயங்களால் ஏற்பட்ட வடுக்களையும் குணப்டுத்தும்.
உங்கள் நரம்புகளை அமைதிப்படுத்தும்

உங்கள் நரம்புகளை அமைதிப்படுத்தும்

உங்கள் கட்டைவிரல் மீது ஊதினால், இது உங்கள் வயிற்றில் இருக்கும் பிரச்சினைகளை சரி செய்வதுடன் இது உங்கள் நரம்புகளை அமைதிப்படுத்தவும் உதவும். இது மிகவும் பயனுள்ள மருத்துவ முறையாகும்.

தலைவலியை குணப்படுத்தும்

உங்கள் கையில் வலியை குறைக்கும் மாத்திரைகள் இல்லையென்றால், நீங்கள் உங்கள் கட்டை விரலுக்கும், ஆள்காட்டி விரலுக்கும் இடையில் உள்ள பகுதியில் மசாஜ் செய்யவும். இந்த மசாஜ் உங்கள் தலைக்கு செல்லும் இரத்த ஓட்டத்தை அதிகரிப்பதன் மூலம் தலைவலியை குறைக்கும்.

பல் வலி

உங்களுக்கு பல் வலி அல்லது பல் கூச்சம் இருந்தால் உங்கள் கையின் பின்புறத்தில் ஐஸ்கட்டியை வைக்கவும். கையின் பின்புறத்தில் ஐஸ்கட்டியை தேய்த்து விட்டு அப்படியே ஆள்காட்டி விரலுக்கும், கட்டை விரலுக்கும் இடையில் இருக்கும் பகுதியிலும் வைத்து தேய்க்கவும். வலிக்கான சிக்னல்களை மூளைக்கு அனுப்பும் நரம்புகள் இந்த இடத்தில் இருக்கிறது. இந்த குளிர்ந்த வெப்பநிலை சிக்னல்கள் அனுப்புவதை தடுக்கும்.

ஆசியாவைச் சேர்ந்த மக்களுக்கு அரிசி ஒரு முக்கிய உணவாகும். இன்றைய நாட்களில் ஆரோக்கியத்தின் மீது அக்கறை கொண்டவர்களில் நிறைய பேர் அரிசை விட மற்ற முக்கிய உணவுகளில் கவனம் செலுத்துவதால் ஆரோக்கியம் அதிகரிக்கிறது என்று நம்பி, அரிசியை புறக்கணிக்கின்றனர்.

அரிசியைப் பற்றியும் அதன் பல்வேறு வகைகளைப் பற்றியும் நிறைய விவாதங்கள் நடந்த வண்ணம் உள்ளன. ஆரோக்கியத்தில் அரிசியின் பங்கு குறித்து ஊட்டச்சத்து நிபுணர்கள் கருத்து தெரிவித்துக் கொண்டே இருக்கின்றனர்.

அரிசி

குறிப்பாக வெள்ளை அரிசியை புறக்கணிக்கும் மக்களின் எண்ணிக்கை நாளுக்கு நாள் அதிகமாகிக் கொண்டே உள்ளது. ஆரோக்கியத்தின் மீது அதிக அக்கறை கொண்டவர்கள் சிலர், சிவப்பு அரிசி, பழுப்பு அரிசி, திணை அரிசி, கவுனி அரிசி என்று பல்வேறு அரிசி வகைகளை உட்கொள்ளத் தொடங்கியுள்ளனர். உண்மையில் இந்த வகை அரிசி நமது முன்னோர்களால் அதிகம் உட்கொள்ளப்பட்டு பின்பு வெள்ளை அரிசியின் வருகையால் மறைக்கப்பட்டவை.

கருப்பு அரிசி

கருப்பு அரிசி என்னும் கவுனி அரிசி மிகவும் ஆரோக்கியமான அரிசியாக கருதப்படுகிறது. இது மிகவும் அரிய வகை அரிசியாகும். இந்தியாவில் பல நூற்றாண்டுகளுக்கு முன்னரே இந்த அரிசியின் அறிமுகம் உள்ளது. வட கிழக்கு நாடுகளில் சக் ஹோ என்றும் தென்னிந்தியாவில் கவுனி அரிசி என்று அழைக்கப்படுகிறது.

ஊட்டச்சத்துக்கள்

அரிசியின் நிறத்தை வைத்தே அதன் ஊட்டச்சத்தை கணிக்க முடியும். அரிசி எந்த அளவுக்கு அடர் நிறம் கொண்டுள்ளதோ, அந்த அளவிற்கு அதில் ஊட்டச்சத்து அதிகம் இருக்கும். இந்த அளவுகோல் வைத்து பார்க்கும்போது, கருப்பு அரிசி என்னும் கவுனி அரிசி, அரிசி வகைகளின் ஆரோக்கிய வரிசையில் முதல் இடத்தைப் பிடிக்கிறது. இத்தகைய பெருமை பொருந்திய கருப்பு அரிசியின் அற்புத நன்மைகளைப் பற்றி இந்த பதிவில் பார்க்கலாம்.

அன்டி ஆக்சிடென்ட்

கருப்பு கவுனி அரிசியில் அளவுக்கு அதிகமான அன்டி ஆக்சிடென்ட்கள் நிறைந்து உள்ளன. கருப்பு அரிசியில் காணப்படும் அந்தோசயனின் உள்ளடக்கம், மற்ற தானியங்களை விட அதிகம் இருப்பதால், சிவப்பு அரிசி, திணை அரிசி போன்றவற்றை விட இது ஒரு சிறந்த உணவாக போற்றப்படுகிறது.

இந்த அந்தோசயனின் என்னும் அன்டி ஆக்சிடென்ட் இந்த தானியத்தில் இருப்பதால், இதனை உட்கொள்பவர்களுக்கு இதய நோய், புற்று நோய் மற்றும் இன்னும் பல நோய்கள் தடுக்கப்படுகிறது என்று ஆய்வுகள் கூறுகின்றன.

நார்ச்சத்து

கருப்பு கவுனி அரிசியில் நார்ச்சத்து மற்றும் கனிமங்கள் அதிகம் உள்ளன. ஒரு கிண்ணம் அல்லது 100 கிராம் கவுனி அரிசியில் 4.9 கிராம் அளவுக்கு நார்ச்சத்து உள்ளது. பழுப்பு அரிசியில் உள்ள நார்ச்சத்தின் அளவை விட இது இரண்டு மடங்கு உயர்ந்ததாகும்.

ஆகவே, உங்கள் உணவில் அதிக நார்ச்சத்து கிடைக்கக் வேண்டும் என்று விரும்புகிறவர்கள், மற்ற வகை அரிசியை உட்கொள்வதை விட கருப்பு கவுனி அரிசியை எடுத்துக் கொள்வது நல்ல பலனைத் தரும்.

அழற்சி எதிர்ப்பு தன்மை

கருப்பு அரிசி இயற்கையாகவே குணப்படுத்தும் தன்மை கொண்ட உணவுப் பொருள். கருப்பு கவுனி அரிசி, உடலில் அழற்சி உண்டாக்கும் கூறுகளைக் குறைத்து, அழற்சி எதிர்ப்பு கூறுகளை அதிகரிக்கும் என்று ஆராய்ச்சிகள் கூறுகின்றன. இதனால், புற்று நோய், ஒவ்வாமை மற்றும் கீல்வாதம் போன்ற அழற்சி தொடர்புடைய நோய்கள் தடுக்கப்படுகின்றன.
நச்சுகள்
நச்சுகள்

கருப்பு கவுனி அரிசி இயற்கையாகவே அதிக அளவில் உடலில் உள்ள நச்சுகளை நீக்கும் தன்மை கொண்ட ஒரு உணவுப் பொருள். கருப்பு அரிசியில் காணப்படும் பல்லூட்டச்சத்துகள் உடலில் உள்ள கழிவுகளை நீக்கி, கல்லீரலுக்கு தீங்கு விளைவிக்கும் நச்சுகளைப் போக்க உதவுகிறது என்று ஆய்வுகள் கூறுகின்றன.

அடுத்த முறை நீங்கள் அரிசி வாங்கும்போது, கட்டாயம் இந்த சிறப்பு தன்மை வாய்ந்த கருப்பு அரிசியை வாங்க நீங்கள் முயற்சிக்கலாம்.

க்ளுடன் அல்லாத தானியம்

கருப்பு அரிசி, மற்ற அரிசி வகைகளைப் போல், இயற்கையாகவே க்ளுடன் இல்லாமல் இருக்கும் அரிசியாகும். க்ளுடன் ஒவ்வாமை இருந்து உங்களுக்கு செலியாக் நோய் பாதிப்பு இருந்தால், உங்கள் தினசரி உணவு அட்டவணையில் கருப்பு அரிசியை இணைத்துக் கொள்ளலாம்.
சர்க்கரை நோயாளிகள்
சர்க்கரை நோயாளிகள்

கருப்பு கவுனி அரிசியில் நார்ச்சத்து அதிகமாக உள்ளது. இதனால் குளுக்கோஸ் நீண்ட நேரம் உங்கள் உடலில் உறிஞ்சப்படுவதற்கு உதவுகிறது. கருப்பு அரிசி போன்ற முழு தானியங்களை உட்கொள்வதால் உங்கள் உடலில் டைப் 2 நீரிழிவு அபாயம் குறைக்கப்படுகிறது, உங்கள் உடல் எடை கண்காணிக்கப்படுகிறது.

இதனால் உங்கள் உடலின் ஆற்றல் அதிகரிக்கிறது என்று ஆராய்ச்சிகள் மூலம் நிரூபிக்கப்பட்டுள்ளது. உங்களுக்கு நீரிழிவு பாதிப்பு இருந்தால், வெள்ளை அரிசியை உண்பதற்கு மாற்றாக, கருப்பு கவுனி அரிசியை தினசரி உணவில் எடுத்துக் கொள்வதால், உங்கள் உடல் நீரிழிவை எதிர்த்து போராட உதவுகிறது.

எடையைக் குறைக்க

கருப்பு கவுனி அரிசி, ஓர் முழு தானியம். இதில் நார்ச்சத்து அதிகம் உள்ளது என்பதை முன்னரே பார்த்தோம். இந்த ஒருங்கிணைந்த பண்பு, உடலில் பசிக்கான அறிகுறியை குறைத்து, அதிகம் சாப்பிடுவதைக் குறைக்க உதவுகிறது. பொதுவாக இன்சுலின் எதிர்ப்பு உடல் எடை அதிகரிப்புடன் தொடர்புடையது.

ஆனால் கருப்பு அரிசி இன்சுலின் எதிர்ப்பை தடுக்க உதவுகிறது. இதனால் மறைமுகமாக எடை குறைப்பில் உதவுகிறது என்று ஆராய்ச்சிகள் கூறுகின்றன. உங்கள் எடை அதிகரித்து உடல் பருமனால் கவலைப்படுபவர்கள் நிச்சயம் கருப்பு அரிசியை உங்கள் உணவில் சேர்த்துக் கொள்ளலாம். இதனால் விரைவாக உங்கள் எடை குறையும்.

இதய ஆரோக்கியம்

மாரடைப்பு மற்றும் பக்க வாதத்தின் முக்கிய காரணமான தமனியில் கொழுப்பு படிதலை குறைக்க கவுனி அரிசி உதவுகிறது. இது ஒரு சிறந்த குணப்படுத்தும் தன்மை கொண்ட ஒரு உணவுப் பொருள். மேலும் இதய நோய்க்கான மற்ற இரண்டு முக்கிய காரணிகளை குறைக்கவும் கருப்பு கவுனி அரிசி உதவுகிறது, அது, LDL ,ட்ரை க்ளிசரைடு அளவு மற்றும் மொத்த கொலஸ்ட்ரால் ஆகியவையாகும்.

பணத்தை பங்கு போடுவதில் ஏற்பட்ட பிரச்சனை, தகராறு, போதை, கொலை, சரண் என ஒவ்வொன்றாக நடந்து முடிந்துள்ளது இந்த திருநங்கைகளின் வாழ்க்கையில்!

சென்னை மாங்காடு அடுத்த சிக்கராயபுரம் பகுதியில் சவுமியா என்ற திருநங்கை தனது தோழிகளான 8 திருநங்கையுடன் ஒரு வீடு வாடக்கு எடுத்து தனியாக தங்கியிருந்தார். சவுமிவுக்கு வயசு 25

வசந்த் (எ) வசந்தி,செல்வமணி (எ) ஸ்ரேயா, வெங்கடேசன் (எ) ஆர்த்தி. மனோஜ் (எ) மனீசா சபிக்ஷா (எ) திவ்யா, ரோசி (எ) வினோதினி, சங்கர் (எ) சுதா, அசோக் (எ) ரெஜினா, ஆகியோர்தான் அந்த தோழிகள். இவர்கள் அனைவருமே 26 வயசை தாண்டாதவர்கள்!

 கல்குவாரி

இவர்கள், அந்தப் பகுதியில் இருக்கும் கடைகளில் வசூல் செய்து, அதனை பங்கிட்டு வாழ்க்கை ஓட்டி வந்தனர். கடந்த 6-ம்தேதி வசூல் செய்த பணத்துடன், மது வாங்கி கொண்டு, சிக்கராயபுரம் கல்குவாரி குட்டை அருகே வந்தனர்.

வசூல் பணம்

எல்லோரும் ஒன்றாக சேர்ந்து தண்ணி அடித்தனர். போதையும் தலைக்கு ஏறியது. அப்போது சவுமியாவிற்கும் மற்ற திருநங்கைளுக்கும் வசூல் செய்த பணத்தை பிரிப்பதில் பிரச்சனை எழுந்தது. இதனால் ஆத்திரப்பட்ட மற்ற திருநங்கைகள் சவுமியாவை சரமாரியாக தாக்கியதில், அங்கேயே உயிரிழந்துவிட்டார் சவுமியா.

மகாலட்சுமி

இதைபார்த்து என்ன செய்வதென்றே தெரியாத திருநங்கைகள் தங்கள் சங்க தலைவி கணபதி என்ற மகாலட்சுயிடம் வந்து சொன்னார்கள். உடனே அவர், கொல்லப்பட்ட கல்குட்டையிலேயே சவுமியா பிணத்தை வீசிவிடுங்கள் என்றார். அதன்படியே செய்துவிட்டு, ஒன்றும் தெரியாதது போல சகஜமாக இருந்தனர். கல்குட்டையில் சவுமியா உடலை கண்ட போலீசார், யார், என்ன விவரம் என கண்டுபிடித்து, தோழிகளிடமே கொண்டு வந்து கொடுத்துவிட்டு போயினர்.

சித்ரவதை

இந்த சம்பவத்துக்கு பிறகு, மகாலட்சுமியிடம் நடவடிக்கை மாறியது. 8 திருநங்கைகளிடமும், தினமும் 3000 ரூபாய் வேண்டும் என்று மிரட்ட தொடங்கினார். அதன்படியே அவர்களும் தந்தனர். ஒருசில சமயங்களில் தர முடியாமல் போனால் மகாலட்சுமி ஆட்களை வைத்து அடித்து உதைத்து சித்ரவதை செய்துள்ளார்.

சரமாரி அடி

இதனால் வலி பொறுக்க முடியாத அவர்கள், தப்பித்து சென்றாலும் ஆள்வைத்து கடத்தி அடித்துள்ளார். இதனால் அவர்களிடமிருந்தும் தப்பிய 8 பேரும் மாங்காடு போலீஸ் ஸ்டேஷனில் சரண் அடைந்தனர். இதையடுத்து அனைவரையும் போலீசார் கைது செய்து, ஜெயிலில் அடைத்தனர். சங்க தலைவி மகாலட்சுமியை தேடி வருகிறார்கள்.

தடுப்பூசிகள் மீதான உலகின் பிற்போக்குத்தனமான செயல்பட்டால், நோய் கிருமிகளின் மூலம் பரப்பப்படும் உயிழப்பை ஏற்படுத்தக் கூடிய நோய்களை தடுக்க வாய்ப்பிருந்தும் முறியடிக்க முடிவதில்லை என்று வல்லுநர்கள் எச்சரிக்கின்றனர்.

நோய்த்தடுப்பு ஊசிகள் குறித்த மக்களின் மனப்பான்மையை அறிவதற்காக நடத்தப்பட்ட உலகளவிலான ஆய்வில் பல பிராந்தியங்கள் மிகவும் குறைவான நம்பகத்தன்மையை பதிவு செய்துள்ளன.

உலகிலுள்ள 140க்கும் மேற்பட்ட நாடுகளை சேர்ந்த 1,40,000க்கும் மேற்பட்ட மக்களிடம் இதுகுறித்த ஆராய்ச்சியை வெல்கம் டிரஸ்ட் எனும் அமைப்பு மேற்கொண்டது.

உலகளவில் சுகாதாரத்துறைக்கு இருக்கும் முக்கியமான 10 அச்சுறுத்தல்களாக ஐநாவின் சுகாதார நிறுவனம் குறிப்பிட்டுள்ள பட்டியலில், தடுப்பூசியை போட்டுக்கொள்வதில் இருக்கும் தயக்கமும் இடம்பெற்றுள்ளது.

தடுப்பூசி போட்டுக்கொள்வது தொடர்பாக உலகம் முழுவதும் மேற்கொள்ளப்பட்ட ஆய்வில், மக்கள் சிறிதளவு நம்பிக்கையையே கொண்டுள்ளதாக தெரியவந்துள்ளது.

தடுப்பூசிகள் பாதுகாப்பானதா என்று கேட்டபோது,

    79% பேர் சிறிதளவு அல்லது முற்றிலுமாக நம்புவதாக தெரிவித்தனர்.
    7% பேர் சிறிதளவு அல்லது முற்றிலுமாக நம்பவில்லை
    17% பேர் தெளிவுற பதிலளிக்கவில்லை.

தடுப்பூசிகள் வேலை செய்ததாக நம்பினார்களா என்று கேட்டபோது,

    84% பேர் சிறிதளவோ அல்லது முற்றிலுமாகவோ நம்புவதாக தெரிவித்தனர்.
    5% சிறிதளவோ அல்லது முற்றிலுமாகவோ நிராகரித்தனர்.
    12% பேர் தெளிவுற பதிலளிக்கவில்லை.

இது ஏன் முக்கியமானது?

தட்டம்மை போன்ற கொடிய மற்றும் பலவீனப்படுத்தும் தொற்றுநோய்களுக்கு எதிராக தடுப்பூசி சிறந்த பாதுகாப்பாகும் என்பதற்கு ஏராளமான அறிவியல் சான்றுகள் உள்ளன.

தடுப்பூசிகள் உலகெங்கிலும் உள்ள பில்லியன்கணக்கான மக்களைப் பாதுகாக்கின்றன. பெரியம்மை எனும் நோயிலிருந்து உலகம் முற்றிலுமாக விடுபட்டுள்ளதுடன், போலியோ போன்றவற்றை உலகிலிருந்து முற்றிலுமாக நீக்கும் முயற்சியில் வெற்றியை நெருங்கியுள்ளது.

ஆனால்,பயம் மற்றும் தவறான தகவல்களால் மக்கள் தடுப்பூசிகளை போட்டுக்கொள்வதை தவிர்ப்பதால் அம்மை போன்ற வேறு சில நோய்கள் மீண்டும் எழுச்சி பெறுகின்றன என்று நிபுணர்கள் கூறுகின்றனர்.

தற்போதைய நிலைமை தீவிரமாக உள்ளதாக கூறுகிறார் ஐநாவின் உலக சுகாதார மையத்தின் நோய்த்தடுப்பு நிபுணர் டாக்டர் ஆன் லிண்ட்ஸ்ட்ராண்ட்.

"தடுப்பூசியின் மூலம் தடுக்கக் கூடிய நோய்களை கட்டுப்படுத்துவதில் உலகம் கண்டுள்ள மிகப் பெரிய முன்னேற்றத்தை, தடுப்பூசியை போட்டுக்கொள்வதிலுள்ள தயக்கம் மட்டுப்படுத்துகிறது" என்று அவர் கூறுகிறார்.

"உலகிலிருந்து முற்றிலுமாக நீக்கப்பட்டுவிட்டதாக நாம் நினைக்கும் சில நோய்கள் மீண்டும் தலைத்தூக்குவது ஏற்றுக்கொள்ள முடியாத பின்னடைவு."
தட்டமையின் நிலவரம் என்ன?

தட்டமையை முற்றிலுமாக நீக்கும் நிலையை நெருங்கிய பல நாடுகளில் திடீர் பின்னேற்றம் ஏற்பட்டுள்ளது.

எந்தவொரு காரணத்திற்காகவும் தடுப்பூசி போடுவதை தவிர்க்க நினைத்தால் அது அச்சுறுத்தலுக்கு வழிவகுக்கும்.

தடுப்பூசிகள் போட்டுக்கொண்ட மக்களின் எண்ணிக்கை பெரும்பான்மையை தொட்டுவிட்டால், அது மேலும் பரவுவதை தடுக்க முடியும் என்று வல்லுநர்கள் தெரிவிக்கின்றனர்.

எந்த பகுதியில் நம்பகத்தன்மை குறைவாக உள்ளது?

அதிக வருமானத்தை கொண்டவர்கள் வசிக்கும் பிராந்தியங்கள் உள்பட உலகின் பல்வேறு பகுதிகளிலும் தடுப்பூசிகள் குறித்து மக்களிடையே குறைந்த நம்பகத்தன்மை நிலவி வருகிறது.

எடுத்துக்காட்டாக, இந்த கருத்துக்கணிப்பில் பங்கேற்ற மூன்றில் ஒரு பிரான்ஸ் நாட்டு மக்கள் தாங்கள் தடுப்பூசியை நம்புவதில்லை என்று தெரிவித்துள்ளனர். அதுமட்டுமின்றி, தடுப்பூசிகள் மீதான குறைந்த நம்பகத்தன்மையில் பிரான்ஸ்தான் முதலிடம் வகிக்கிறது.

இதன் காரணமாக, பிரான்ஸ் நாட்டை சேர்ந்தவர்கள் கண்டிப்பாக போட்டுக்கொள்ள வேண்டிய தடுப்பூசிகளின் எண்ணிக்கையை மூன்றிலிருந்து எட்டாக அந்நாட்டு அரசாங்கம் உயர்த்தியுள்ளது.

அதே போன்று, பிரான்ஸுக்கு அருகிலுள்ள நாடான இத்தாலியில் நோய்த்தாக்கங்களின் எண்ணிக்கை அதிகரிக்கவே, தடுப்பூசி போடாத குழந்தைகள் பள்ளியில் படிப்பதை தடைசெய்யும் மற்றும் அவர்களது பெற்றோருக்கு தடை விதிக்கம் சட்டத்தை அந்நாட்டு அரசாங்கம் சமீபத்தில் நிறைவேற்றியுள்ளது. இத்தாலியில் 76 சதவீத மக்கள் தடுப்பூசிகளை நம்புவதாக தெரிவித்துள்ளனர்.

கடந்த சில தசாப்தங்களில் இல்லாத அளவுக்கு, 2019ஆம் ஆண்டின் முதல் பாதிப் பகுதி வரை, அமெரிக்காவின் 26 மாநிலங்களில் 980 தட்டம்மை பாதிப்புகள் கண்டறியப்பட்டுள்ளது.

வட அமெரிக்காவிலும், வட மற்றும் தென் ஐரோப்பாவிலும் 70 சதவீதத்திற்கும் மேற்பட்டவர்கள் தாங்கள் தடுப்பூசியை ஆதரிப்பதாக தெரிவித்துள்ளனர். ஆனால், மேற்கு ஐரோப்பாவில் 59% மற்றும் கிழக்கு ஐரோப்பாவில் 50% பேர்தான் நம்பகத்தன்மை தெரிவித்துள்ளனர்.

கடந்தாண்டு ஐரோப்பியாவிலேயே அதிகமாக 53,218 தட்டம்மை பாதிப்புகளை பதிவு செய்திருந்த உக்ரைன் மக்கள் தடுப்பூசிகள் மேல் 50 சதவீத நம்பிக்கையையே கொண்டுள்ளதாக தெரிவித்துள்ளனர்.

நம்பகத்தன்மை மிக்க பகுதிகள்

குறைந்த வருமானம் கொண்ட நாடுகளை சேர்ந்த மக்கள் பெரும்பாலும் தடுப்பூசிகள் பாதுகாப்பானது என்று இந்த கருத்துக்கணிப்பின்போது தெரிவித்துள்ளனர். அதாவது, உலகிலேயே அதிகபட்சமாக தெற்காசியாவை சேர்ந்த 95 சதவீத மக்கள், அதற்கடுத்த இடத்தை 92 சதவீதத்துடன் கிழக்கு ஆப்ஃரிக்காவும் பெற்றுள்ளது.

வங்கதேசமும் ருவாண்டாவும் மக்களுக்கு தடுப்பூசிகளைப் பெறுவதில் பல சவால்கள் இருந்தபோதிலும் மிக உயர்ந்த நோய்த்தடுப்பு விகிதங்களை அடைந்துள்ளன.

குறைந்த வருமானம் கொண்ட நாடுகளில் ஒன்றான ருவாண்டா இளம்பெண்களை கர்ப்பப்பை புற்றுநோயிலிருந்து பாதுகாக்கும் தடுப்பூசியை நாடு முழுவதும் வழங்கியதில் உலகின் முதல் நாடாக உருவெடுத்துள்ளது.
இந்தியா மற்றும் இலங்கையின் நிலவரம்

இதே கருத்துக்கணிப்பு இந்தியா மற்றும் இலங்கையிலும் நடத்தப்பட்டது.

95 சதவீத இந்தியர்கள் தடுப்பூசிகள் பாதுகாப்பானவை என்று தாங்கள் நம்புவதாக தெரிவித்துள்ளார்கள். அதே போன்று, தடுப்பூசிகள் உண்மையிலேயே பலன்மிக்கதாக உள்ளதாக 95 சதவீதத்தினரும், குழந்தைகளுக்கு தடுப்பூசிகள் முக்கியமென்று 98 சதவீதம் பேரும் கருத்துத் தெரிவித்துள்ளனர்.

அதே போன்று தங்களது குழந்தைகளுக்கு தடுப்பூசிகள் போடப்பட்டதாக 91 சதவீத பெற்றோர்கள் தெரிவித்துள்ளனர்.

இலங்கையை பொறுத்தவரை, 95 சதவீத்தினர் தடுப்பூசிகள் பாதுகாப்பானவை என்று தாங்கள் நம்புவதாக தெரிவித்துள்ளார்கள். அதே போன்று, தடுப்பூசிகள் உண்மையிலேயே பலன்மிக்கதாக உள்ளதாக 95 சதவீதத்தினரும், குழந்தைகளுக்கு தடுப்பூசிகள் முக்கியமென்று 95 சதவீதம் பேரும் கருத்துத் தெரிவித்துள்ளனர்.

அதே போன்று தங்களது குழந்தைகளுக்கு தடுப்பூசிகள் போடப்பட்டதாக 95 சதவீத பெற்றோர்கள் தெரிவித்துள்ளனர்.
மக்களை அச்சமடைய வைப்பது எது?

விஞ்ஞானிகள், மருத்துவர்கள் போன்றவர்கள் மீது நம்பிக்கை கொண்டவர்கள் பெரும்பாலும் தடுப்பூசிகள் குறித்த நேர்மறையான பார்வையை கொண்டுள்ளதாக இந்த கருத்துக்கணிப்பின் மூலம் தெரியவந்துள்ளது.

தடுப்பூசிகள் குறித்து மக்களிடையே குறைந்த நம்பகத்தன்மை உள்ளது தொடர்பாக குறிப்பிட்ட எந்த ஒரு காரணமும் இந்த கருத்துக்கணிப்பில் வாயிலாக அறியப்படவில்லை.

அனைத்து விதமான மருந்துகளும் பக்கவிளைவுகளை கொண்டுள்ளன. ஆனால், தடுப்பூசிகள் முழு சோதனைக்கு உட்படுத்தப்பட்ட பின்னரே பயன்பாட்டுக்கு அனுமதிக்கப்படுகிறது.

ஜப்பான், பிரான்ஸ் உள்ளிட்ட பல்வேறு நாடுகளில் தடுப்பூசிகள் குறித்து இணையதளம் வாயிலாக பரப்பப்பட்ட போலிச் செய்திகள் மக்களிடையே அதுகுறித்த எதிர்மறையான எண்ணவோட்டத்தை ஏற்படுத்தியதாக வல்லுநர்கள் தெரிவிக்கின்றனர்.

"தடுப்பூசிகள் குறித்த மக்களிடையேயான தயக்கத்தையும், அச்சத்தையும் போக்குவதற்கு மக்களின் அடிப்படையான கேள்விகளுக்கு அறிவியல் ரீதியாக பதிலளிக்க தெரிந்த மருத்துவ பணியாளர்களே மிகவும் அவசியம்" என்று மருத்துவர் லிண்ட்ஸ்ட்ராண்ட்.

 கும்பகோணம் அருகே திருப்பனந்தாளில் நடந்த நீலப் புலிகள் நிறுவனர் உமர் பாரூக் நினைவு நாள் நிகழ்ச்சியில் பங்கேற்றுப் பேசிய இயக்குநர் பா.ரஞ்சித், தஞ்சையை தலைமையிடமாகக் கொண்டு ஆட்சி புரிந்த மாமன்னர் ராஜராஜசோழனின் ஆட்சிக்காலம் இருண்டகாலம் என்று குறிப்பிட்டிருந்தார். மேலும், சாதி ரீதியான ஒடுக்குமுறைகள் அவரது ஆட்சிக் காலத்தில்தான் தொடங்கின, அந்த ஆட்சியில்தான் தலித் மக்களின் நிலங்களைப் பறித்து பிராமணர்களுக்கு கொடுக்கப்பட்டது என்ற குற்றச்சாட்டை பா.ரஞ்சித் முன்வைத்திருந்தார்.

இந்தப் பேச்சுக்கு பல்வேறு தரப்பினரும் எதிர்ப்பு தெரிவித்து வருகின்றனர்.

இந்த நிலையில் இயக்குநர் பா.ரஞ்சித் மீது திருப்பனந்தாள் காவல் நிலையத்தில் இரண்டு பிரிவுகளின் கீழ் வழக்குப்பதிவு செய்யப்பட்டுள்ளது. பா.ரஞ்சித்தின் கருத்து குறித்து திருப்பனந்தாள் காவல் நிலைய ஆய்வாளர் கவிதா, தாமாக முன்வந்து வழக்குப்பதிவு செய்துள்ளார். 153, 153 – ஏ ஆகிய இரண்டு பிரிவுகளின் கீழ் வழக்குப்பதிவு செய்யப்பட்டுள்ளது. கலகத்தை தூண்டும் வகையில் பேசுவது, சாதி, மதம், மொழி ரீதியாக மோதலை தூண்டும் வகையில் பேசியது என இரண்டு பிரிவுகளில் வழக்குப்பதிவு செய்யப்பட்டுள்ளது.

இந்நிலையில் தனக்கு முன்ஜாமீன் வழங்கக் கோரி  உயர்நீதிமன்ற மதுரைக் கிளையில் பா.ரஞ்சித் மனுத் தாக்கல் செய்து இருந்தார்.  பா.ரஞ்சித்தின் ஜாமீன் மனு, நீதிபதி ராஜமாணிக்கம் முன்பு 19-ம் தேதி விசாரணைக்கு வந்தது.

அப்போது வழக்கில் தங்களையும் எதிர்மனுதாரராக சேர்க்கக் கோரி, முத்துக்குமார் என்பவர் தாக்கல் செய்த மனுவில் சில திருத்தங்கள் இருப்பதால் அதனை சரிசெய்ய கால அவகாசம் வழங்க வேண்டும் என்று கோரி இருந்தார். இதனையடுத்து இந்த வழக்கை ஜுன் 21 ஆம் தேதிக்கு நீதிபதி ஒத்திவைத்தார். அதுவரை பா.ரஞ்சித் மீது எவ்வித கைது நடவடிக்கையையும் எடுக்கக்கூடாது என நீதிபதி தெரிவித்தார்.

இந்நிலையில், இந்த மனு மீதான வழக்கு  இன்று விசாரணைக்கு வந்தது. வழக்கை விசாரித்த நீதிபதி இயக்குநர் பா.ரஞ்சித்தை கைது செய்ய விதித்த தடையை நீட்டிக்க மறுப்பு தெரிவித்து விட்டார்.  இதனையடுத்து இந்த வழக்கு விசாரணையை திங்கள் கிழமைக்கு ஒத்திவைத்தார்.

தடையை நீட்டிக்க உயர்நீதிமன்ற மதுரைக் கிளை மறுத்து உள்ளதால் பா.ரஞ்சித் கைதாவாரா என்ற கேள்வி எழுந்துள்ளது.