என் புத்தகம்

அமீர்கான் இந்திய சினிமாவின் பாக்ஸ் ஆபிஸ் சூறாவளி. இவர் நடிப்பில் வெளிவந்த தங்கல் ரூ 2000 கோடி, சீக்ரட் சூப்பர் ஸ்டார் ரூ 950 கோடி என வசூல் சாதனை படைத்தது.

இவரின் தூம்-3, 3 இடியட்ஸ் என பல படங்கள் பாக்ஸ் ஆபிஸில் ருத்ரதாண்டவம் ஆடியது, இந்நிலையில் அமீர்கான் தற்போது தங்ஸ் ஆப் ஹிந்துஸ்தான் என்ற படத்தில் நடித்து வருகின்றார்.

இப்படத்தில் இவருடன் நடிகர் அமிதாப் பச்சனும் நடிக்க, படம் இந்த தீபாவளிக்கு வருவதாக கூறப்படுகின்றது.

இந்நிலையில் அமீர்கான் இனி ஒரு 10 வருடத்திற்கு ஒரே படத்தில் நடிக்க ப்ளான் செய்துள்ளாராம், இதுக்குறித்து நாம் முன்பே ஒரு முறை தெரிவித்து இருந்தோம்.

மேலும், இவை மஹாபாரதத்தை அடிப்படையாக கொண்டு எடுக்க, இதற்கு ரூ 1000 கோடி பட்ஜெட் ஒதுக்கிவுள்ளார்களாம். இப்படத்தை முகேஷ் அம்பானி தயாரிக்கவுள்ளதாக கூறப்படுகின்றது.

முன் எப்போதும் இல்லாதளவுக்கு படு சூடாக நடந்து கொண்டிருக்கிறது தமிழ்சினிமா ஸ்டிரைக். ‘கிழங்கு கெட்டா பசு மாட்டுக்கு, கிழவன் கெட்டா சுடுகாட்டுக்கு’ என்பதை போல இந்த விஷயத்தில் அலட்சியம் காட்டாமல், கண்ணும் கருத்துமாக வேலை நிறுத்தத்தை கண்காணித்துக் கொண்டிருக்கிறது தயாரிப்பாளர் சங்கம். அப்படியிருந்தும் இன்று காலையிலிருந்து வெந்நீரை கொட்டிக் கொண்டது போல குய்யோ முய்யோ ஆகிவிட்டார்கள் சில தயாரிப்பாளர்கள். ஏன்?

விஜய், ஏ.ஆர்.முருகதாஸ் இணையும் படத்தின் ஷுட்டிங் சென்னையிலிருக்கும் விக்டோரியா ஹாலில் நடந்து வருகிறது. அதெப்படி? விஜய் படம்… அதுவும் சன் டி.வி தயாரிக்கும் படம் என்றால் மட்டும் சலுகை கொடுப்பீங்களா? என்றுதான் இவ்வளவு ஆத்திரம். அதிலும் ஒரு நியாயம் இருக்கிறதல்லவா? ஆனால் அதைவிட பெரிய நியாயத்தை முன் வைத்து வாயடைக்க வைத்திருக்கிறது தயாரிப்பாளர் சங்கம்.

23 ந் தேதியிலிருந்து வெளியூர் ஷுட்டிங், வெளிநாட்டில் நடக்கும் படப்பிடிப்புகள் நிறுத்தப்படுகின்றன. அதற்கு முன் தமிழ்நாட்டில் 16 ந் தேதியிலிருந்தே ஸ்டிரைக். தவிர்க்க முடியாத காரணத்தால் ஷுட்டிங் வைப்பவர்கள் மட்டும் சங்கத்தில் ஆதாரத்தோடு கடிதம் கொடுத்தால் இரண்டு நாட்கள் படப்பிடிப்பு நடத்திக் கொள்ள அனுமதி தரப்படும் என்று கூறப்பட்டதாம்.

அப்படி சன் டி.வி நிர்வாகமும், மேலும் மூன்று தயாரிப்பாளர்களும் கடிதம் கொடுத்திருக்கிறார்கள். இதில் ஒருவர் டெல்லி ஏர்போர்டில் ஷுட்டிங் எடுப்பதற்கு 18 லட்சத்தை முன் பணமாக கட்டியிருக்கிறார். அது வேஸ்ட் ஆகிவிடக் கூடாது என்பதற்காக அவருக்கு ஒரு நாள் பர்மிஷன் கொடுத்திருக்கிறது சங்கம். இரண்டே நாட்கள் படப்பிடிப்பு இருக்கிறது. முடித்துவிட்டால் படம் ரெடி என்பதால் சமுத்திரக்கனிக்கு பர்மிஷன் வழங்கப்பட்டுள்ளது என்று சங்கம் விளக்கம் அளித்துள்ளது.

முன்பெல்லாம் விஜய் படம் வந்தால்தான் பரபரப்பு. இப்போது ஷுட்டிங் நடக்கும் போதேவா? நல்லாயிருக்கு… பேஷ். பேஷ்.

சூப்பர்ஸ்டார் ரஜினிகாந்த் நடிப்பில் காலா திரைப்படம் கோடைகால விடுமுறை முன்னிட்டு வெளிவரவுள்ளது. இப்படத்தில் ரஜினி ஸ்லம் ஏரியா வில் வாழும் காட்பாதராக நடித்துள்ளார்.

இந்நிலையில் காலா திரைப்படத்தின் தமிழ், தெலுங்கு, ஹிந்தி ஒளிபரப்பு உரிமைத்தை 75 கோடிக்கு ஸ்டார் நிறுவனம் வாங்கியுள்ளதாக கூறப்படுகிறது.

அதுமட்டுமில்லாமல் தனுஷ் நிறுவனத்திடமிருந்து 125 கோடிக்கு லைக்கா நிறுவனம் காலா திரைப்படத்தை கைப்பற்றியுள்ளது குறிப்பிடத்தக்கது

சிறுநீரக கோளாறு காரணமாக அவதிப்பட்டு வந்த சசிகலாவின் கணவரும், புதிய பறவை சிற்றிதழின் நிறுவனருமான நடராஜன் அவர்கள் உறுப்பு தானம் பெற்று நலமாகியதாக தெரிவிக்கப்பட்டுள்ளது.

எனினும், மீண்டும், சில நாட்களுக்கு முன்னர் இருதய நோய்தொற்று காரணமாக குளோபல் மருத்துவமனையில் தீவிர சிகிச்சை பிரிவில் அனுமதிக்கப்பட்ட நடராஜன் இன்று அதிகாலை 01.35 மணியளவில் மரணம் அடைந்துவிட்டார்.

அதிமுக கட்சியில் எம்ஜிஆர்-க்கு பின்பு ஜெ., தலைமை பொறுப்பு வந்ததில் இருந்து, ஜெ - சசிகலா நட்பானது வரை பல முக்கிய நிகழ்வுகளுக்கு காரணமானவர் என அறியப்படும் இவர் ஜெ .வாழ்வில் திருப்பம் உண்டாக காரணமாக இருந்தது எப்படி?

திருமணம்

தஞ்சாவூர் அருகாமையில் அமைந்திருக்கும் விளார் என்ற ஊரை சேர்ந்தவர் நடராஜன். இவருக்கும், திருத்துறைப்பூண்டியை பூர்வீகமாக கொண்ட விவேகானந்தன் மற்றும் கிருஷ்ணவேணிக்கு ஐந்தாவது வாரிசாக பிறந்த சசிகலா இருவருக்கும் 1970ஆம் திமுக தலைவர் கலைஞர் கருணாநிதி முன்னிலையில் திருமணம் நடந்தது.
வேலை

நடராஜன் அவர்கள் தென்னாற்காடு பகுதியில் மக்கள் தொடர்பு அலுவலராக பணிபுரிந்து வந்தார்.

அவருக்கு இந்த வேலையை கலைஞர் அவர்கள் ஏற்பாடு செய்துக் கொடுத்ததாகவும் சில தகவல்கள் மூலம் அறியப்படுகிறது.

(1967ல் திமுக ஆட்சியில் இருந்த போதுதான், நடராஜன் அவர்களுக்கு இந்த வேலை கிட்டியது என்று அறியப்படுகிறது)
வினோத் வீடியோ விஷன்

திருமணத்திற்கு பின்பு சில காலம் கழித்து சென்னைக்கு பணியிடம் மாற்றமாகி வருகிறார்கள் நடராஜன் - சசிகலா. அப்போது தான் சென்னையில் தனது மனைவிக்கு வினோத் வீடியோ விஷன் என்ற பெயரில் ஒரு வீடியோ கேசட் கடை அமைத்துத் தருகிறார் நடராசன்.
கலெக்டர். சந்திரலேகா

இந்த காலக்கட்டத்தில் தான் கலெக்டராக இருந்த சந்திரலேகா ஐ.ஏ.எஸ் அவர்கள் மூலம் ஜெயலலிதாவுடன் அறிமுகம் கிடைக்கிறது நடராஜனுக்கு. 1982ல் எம்.ஜி.ஆரால் ஜெயலலிதா அவர்கள் கொள்கை பரப்பு செயலாளர் ஆகிறார்.

அப்போது ஜெயலலிதா மேற்கொள்ளும் பயணங்களை, மேடைப் பேச்சுகளை படம்பிடித்து தரும் வாய்ப்பு வினோத் வீடியோ விஷனுக்கு வருகிறது.

நட்பு

இப்படியாக தான் முதன் முறையாக, ஜெ.,வின் ஒரு சுற்றுப்பயணத்தின் வீடியோ கேசட்டை கொடுப்பதற்காக ஜெயலலிதாவை நேரில் காண வேதா நிலையம் இல்லத்திற்குள் காலடி எடுத்து வைக்கிறார் சசிகலா.

ஜெயலலிதாவுக்கு ஒருமுறை உடல்நலம் குறைபாடு ஏற்பட்டு சில நாள் பெங்களூரு செல்ல, அப்போது மருத்துவமனையில் ஜெயலலிதாவுக்கு உதவியாக இருந்து பணிவிடை செய்தார் சசிகலா என்று கூறப்படுகிறது.

இந்த சூழலில் தான் ஜெயலலிதாவுக்கும், சசிகலாவுக்கும் இடையேயான நட்புறவு வலுவாகிறது.
முக்கிய காரணமா?

1984-85ல் மறைந்த முன்னாள் முதல்வர் ஜெயலலிதா அவர்கள் நேரடி அரசியலில் தீவிரமாக ஈடுபட்டு வந்தார். அப்போது ஜெயலலிதாவின் அரசியல் ஆசான் எம்ஜிஆர் அவர்களும் உடல்நல குறைபாட்டில் இருந்தார். ஜெயலலிதா அவர்கள் அடுத்த தலைவராக வரவேண்டும் என்பது ஆலோசனை வழங்கியவர்களில் நடராஜன் அவர்களும் ஒருவர் என்று கூறப்படுகிறது.
எம்.ஜி.ஆர் மரணம்

எம்ஜிஆர் இறந்த போது ஜெயலலிதாவுக்கு கட்சியை சேர்ந்த பலர் மன உளைச்சல்கள் ஏற்படுத்தினர். இறுதி ஊர்வலத்தில் கலந்துக் கொள்ள இருந்த ஜெயலலிதாவை வாகனத்தில் இருந்து கீழே தள்ளி அவமானப்படுத்தினார்கள். அந்த காலத்தில் கலங்கிய ஜெயலலிதாவுக்கு அரவணைப்பாக சசிகலா இருந்தார். இதுப் போல பல சூழல்கள் இவர்களது நட்பை வலுவாக்கியது.
பிரிவு

ஒரு தருணத்தில் நடராஜன் அவர்கள் ஜெயலலிதாவுக்கு அனைத்து ஆலோசனைகளும் வழங்குவது நான் தான் என்று பேசிக் கொண்டிருக்கிறார் என்பது ஜெயலலிதாவின் செவிகளை எட்ட, சசிகலாவுக்கு கணவரா - நட்பா? என்ற கேள்வி எழுகிறது. எப்படியும் ஜெயலலிதா நடராஜன் அவர்களை தனது வட்டத்தில் இருந்து நீக்கிவிடுவார் என்பதை சசிகலா அறிந்திருந்தார். ஆகவே, கணவரை பிரிந்து, நட்பு தான் முக்கியம் என வேதா இல்லத்தில் தஞ்சம் புகுந்தார் சசிகலா.

ஜெயலலிதா முதல்வர்

சட்டமன்றத்தில் அவமானப்படுத்தப்பட்ட ஜெ., அடுத்த முறை சட்டமன்றத்திற்குள் முதல்வராக தான் வருவேன் என்று சப்தம் ஏற்கிறார். அதே போல 1991 தேர்தலில் மகத்தான வெற்றி பெற்று முதல்வர் அரியணை ஏறினார்.
ஆட்டம் ஆரம்பம்

கிட்டத்தட்ட ஜெயலலிதாவுக்கு அனைத்துமே நான் தான் என்கிறது போல கட்சிக்குள் உருவெடுக்கிறார் சசிகலா. ஜெயலலிதா செல்லும் இடங்களுக்கு எல்லாம் உடன் செல்கிறார். கோவில், அரசு விழாக்கள் என ஜெயலலிதா எங்கு சென்றாலும் அவரது நிழலாக பின்தொடர்கிறார். இப்போது தான் மன்னார்குடி கூட்டத்தின் ஆட்டம் ஆரம்பிக்கிறது.
சுதாகரன் திருமணம்

குழந்தைகள் இல்லாத ஜெயலலிதா, சசிகலாவின் சகோதரி மகனான சுதாகரனை தத்தெடுத்து, அவருக்கு இந்தியாவே ஆச்சரியப்படும் அளவிற்கு ஆடம்பர திருமணம் செய்து வைக்கிறார். ஜெயலலிதா, சசிகலா இருவரும் தங்கத்தில் ஜொலித்தனர்.

இதன் பிறகு எழுந்த சர்ச்சைகள் மற்றும் சொத்துகுவிப்பு வழக்குகளுக்கு பிறகே இனிமேல், நான் நகை அணிய மாட்டேன் என்ற வாக்குறுதி எடுக்கிறார் ஜெயலலிதா. அதே போல, அதன் பிறகு பெரும்பாலும் பச்சை நிற புடவை மற்றும் கொண்டையிட்ட சிகை அலங்காரத்துடனான தோற்றத்திற்கு மாறினார் ஜெயலலிதா.

வாய்ஸ் கொடுத்த ரஜினி

ஜெயலலிதாவின் பெயரை வைத்து பல மோசடிகள், சொத்துக் குவிப்புகள், அராஜகங்கள் அரங்கேறின. பலதரப்பட்ட மக்கள் ஜெயலலிதாவின் முதல் ஆட்சியில் கலங்கினர்.

அப்போது தான் ஜெயலலிதா மூலம் இன்னல்களுக்கு உண்டான ரஜினி அவர்கள் இந்த ஆட்சி இனி தொடர்ந்தால், தமிழ்நாட்டை ஆண்டவனும் காப்பாற்ற முடியாது என்று வாய்ஸ் கொடுத்துவிட்டு கிளம்புகிறார். வரலாறு காணாத படுதோல்வி காண்கிறார் ஜெயலலிதா.

கடிதம்

சற்றும் எதிர்பாராத அந்த வரலாற்று தோல்விக்கு காரணம் என்ன, என் மீது, என் ஆட்சி மீது நீங்கள் கண்ட குறை என்னவென்று கட்சி ஆட்களிடம் கடிதம் வாயிலாக பதில் கேட்கிறார் ஜெயலலிதா. பெரும்பாலான முக்கிய உறுப்பினர்கள் சசிகலா மற்றும் மன்னார்குடி குடும்பத்தை கைக்காட்ட, சசிகலா வேதா இல்லத்தில் இருந்தும், கட்சியில் இருந்தும் வெளியேற்றப்படுகிறார். ஆனால், சிறிது காலம் கழித்து மீண்டும் ஜெயலலிதாவுடன் இணைந்துவிடுகிறார் சசி.
டிஜிபி இராமானுஜம்

2011ல் அதிமுக மீண்டும் ஆட்சிக்கு வந்த பிறகு மன்னார்குடி குடும்பம் 1991ல் செய்த அதே வேலைகளை மீண்டும் செய்கிறது. இதை டிஜிபி இராமானுஜம் அவர்கள் ஜெயலலிதாவின் காதுகளுக்கு எடுத்துச்செல்ல மீண்டும் வெளிற்றப்படுகிறார் சசிகலா.
அறிக்கை

வெளியேற்றப்பட்ட பிறகு, மிக சோகமாகவும், ஜெயலலிதாவின் மீது அக்கறை கொண்டபவராகவும் ஒரு அறிக்கை வெளியிடுகிறார் சசிகலா. அதில், தனக்கு இதில் எந்த சம்மந்தம் இல்லை என்றும், நான் ஜெவுடன் இருப்பதை அறிந்து எனது உறவினர்கள் சிலர் தான் தவறான செயல்களில் ஈடுபடுகிறார்கள் என்றும், அவர்களை கண்டறிந்து தக்க தண்டனை வாங்கித் தருவேன். நான் ஜெயலலிதாவின் மீது அதீத அன்பும், பாசமும் கொண்டுள்ளேன் என வருத்ததுடன் வெளிவருகிறது சசிகலாவின் அறிக்கை. பிறகு, ஜெயலலிதாவால் மீண்டும் சேர்த்துக் கொள்ளப்படுகிறார் சசிகலா.
க்ளைமேக்ஸ்

    பிறகு என்ன நடந்தது என்று ஊர் அறிந்த விஷயம்.

    சொத்துக்குவிப்பு வழக்கு - ஜெயலலிதா சிறை தண்டனை - நீதிபதி குமாரசாமி - ஜெயலலிதா விடுதலை - மீண்டும் ஆட்சியை பிடித்த ஜெயலலிதா - திடீர் உடல்நல கோளாறு - 75 நாட்கள் நாடகம் - ஜெயலலிதா மரணம் - சின்னம்மா அரிதாரம் - கட்சிக்குள் சலசலப்பு - பன்னீர்செல்வம் பதவிப்பறிப்பு - தியானம் - மீண்டும் சொத்துக்குவிப்பு வழக்கு - சிறை தண்டனை பெறுகிறார் சசிகலா - இன்று கணவர் நடராஜன் மரணம் அடைய பரோலில் வெளிவருகிறார் சசிகலா.

அஜித் தமிழ் சினிமாவில் தவிர்க்க முடியாத பெயர். அவருக்கு என்று பிரமாண்ட ரசிகர்கள் வட்டம் உள்ளது. அஜித் எப்போதும் தான் உண்டு தன் வேலையுண்டு என்று இருப்பவர்.

தன் ரசிகர்கள் நலனுக்காக கூட ரசிகர் மன்றத்தையே கலைத்தவர், அப்படிப்பட்டவரை ஒருவர் இப்படி சொன்னால் சர்ச்சை ஆகாமல் இருக்குமா?.

ஆனால், அஜித்தை அப்படி சொன்னவர் சினிமா பிரபலம் இல்லை, அவர் ஒரு அரசியல் பிரபலம், அவர் அஜித்தை உரிமையாக கூட அப்படி சொல்லியிருக்கலாம் என்று கூறப்படுகின்றது.

சரி அது இருக்கட்டும் யார், என்ன சொன்னார்கள் என்று தானே கேட்க வருகிறீர்கள், அது வேறு ஒன்றுமில்லை, அரசியல் களத்தில் அவ்வபோது சர்ச்சை பேச்சை வெளியிடுபவர் நாஞ்சில் சம்பத்.

இவர் சில மாதங்களுக்கு முன் ஒரு நிகழ்ச்சியில் கலந்துக்கொண்ட போது ‘அஜித்தின் ஒரு படத்தை பார்த்தேன்.

அதை பார்த்து முடித்த பிறகு அஜித்தை உதைக்க வேண்டும் என்று போல் இருந்தது’ என அவர் சிரித்துக்கொண்டே ஜாலியாக தான் சொன்னார்.

ஆனால், ரசிகர்களும் அப்படி எடுத்துக்கொள்ள வேண்டும் அல்லவா, அவர்கள் எப்படி எடுத்துக்கொண்டார்களோ தெரியவில்லை.

வயிற்றினைச் சுற்றி தொப்பை வருவதற்கு முக்கிய காரணம், ஆரோக்கியமற்ற வாழ்க்கை முறையை பின்பற்றுவது தான். இத்தகைய வாழ்க்கை முறையை யாரும் கட்டாயப்படுத்தி வாழ வேண்டும் என்று சொல்வதில்லை. நாமே தான் அத்தகைய ஆரோக்கியமற்ற வாழ்க்கை முறையை வெளியுலகத்திற்காக தேர்ந்தெடுத்து வாழ்ந்து வருகிறோம்.

மேலும் பலர் ஆரோக்கியமற்றது என்று தெரிந்தும் இன்றும் அதனைப் பின்பற்றுகின்றனர். இவ்வாறு தேர்ந்தெடுத்து பின்பற்றிவிட்டு, பின்னர் குத்துதே குடையுதே என்று பெரிதும் அவஸ்தைப்படுவோர் அதிகம். ஆனால் இத்தகைய தொப்பையை குறைப்பது என்பது மிகவும் எளிது தான்.

அதற்கு முதலில் செய்ய வேண்டியது எல்லாம் ஜங்க் உணவுகளை தவிர்த்து, தினமும் போதிய அளவில் உடற்பயிற்சி செய்வது தான். இதனால் அதிகப்படியான உடல் எடை குறைவதோடு, வயிற்றைச் சுற்றியிருக்கும் தொப்பையை எளிதில் குறைக்கலாம்.

ஏனெனில் உடற்பயிற்சியானது ஒரு குறிப்பிட்ட பாகத்திற்கு மட்டும் என்பதில்லை. பொதுவாக உடற்பயிற்சி செய்தால், உடல் முழுவதுமே அப்பயிற்சியில் ஈடுபடுவதால், நிச்சயம் உடல் எடையுடன், தொப்பை என்று சொல்லப்படும் பெல்லி குறையும். அதற்கு தினமும் உடற்பயிற்சியுடன், ஒருசில தொப்பையையும் மேற்கொள்ள வேண்டும்.

அத்தகைய டயட்டை கீழேக் கொடுத்துள்ளோம். அதைப் படித்து, உடற்பயிற்சியுடன் சேர்த்து, இதையும் பின்பற்றினால், நிச்சயம் உடல் எடையுடன், வயிற்றினைச் சுற்றியுள்ள தொப்பையையும் குறைக்க முடியும். சரி, அதைப் பார்ப்போமா!!!

1. தண்ணீர்: தினமும் குறைந்தது 8 டம்ளர் தண்ணீர் குடித்தால், உடல் வறட்சியில்லாமல் இருப்பதோடு, உடலில் தங்கியிருக்கும் நச்சுக்கள் அனைத்தும் வெளியேறிவிடும். மேலும் அவ்வப்போது சீரான இடைவெளியில் தண்ணீர் குடித்தால், உடலின் மெட்டபாலிசமானது அதிகரிக்கும். இதனால் வயிற்றைச் சுற்றி காணப்படும் பெல்லியும் குறைந்துவிடும்.

2. உப்பை:தவிர்க்கவும் உணவில் அதிகப்படியான உப்பு சேர்ப்பதை தவிர்க்க வேண்டும். ஏனெனில் உப்பை அதிகம் சேர்த்தால், உடலில் தண்ணீரானது வெளியேறாமல், அதிகமாக தங்கிவிடும். எனவே உணவில் அதிகப்படியான உப்பு சேர்ப்பதை அறவே தவிர்க்க வேண்டும். வேண்டுமெனில் அதற்கு பதிலாக உணவில் சுவையைக் கூட்டுவதற்கு மூலிகைகள் மற்றும் மசாலாக்கள் அதிகம் சேர்த்துக் கொள்ளலாம்.

தேன்: வயிற்றைச் சுற்றி தொப்பையை ஏற்படுவதற்கு, சர்க்கரையும் ஒரு காரணம். எனவே உண்ணும் உணவுப் பொருளில் சர்க்கரைக்கு பதிலாக தேனை சேர்த்துக் கொண்டால், தொப்பையை குறைவதோடு, உடல் எடையும் குறையும்.

3. பட்டை: தினமும் காலையில் காபி அல்லது டீ குடிக்கும் போது, அதில் சிறிது பட்டை தூளை சேர்த்து கலந்து குடித்தால், இரத்தத்தில் உள்ள சர்க்கரையின் அளவை சீராக வைக்கலாம். மேலும் உடல் எடையையும் ஆரோக்கியமான முறையில் குறைக்கலாம்.

4. நட்ஸ்: உடல் எடையை குறைக்க வேண்டுமெனில் உடனே கொழுப்புள்ள உணவுப் பொருட்கள் அனைத்தையும் நிறுத்திவிடுவோம். உண்மையில் அது தவறான கருத்து. ஏனெனில் உடலுக்கு ஆரோக்கியமான கொழுப்புக்கள் கிடைக்க வேண்டியது மிகவும் இன்றியமையாதது. அத்தகைய கொழுப்புக்கள் நட்ஸில் அதிகம் உள்ளது. எனவே ஸ்நாக்ஸ் நேரத்தில் வால்நட், பாதாம், வேர்க்கடலை போன்றவற்றை சாப்பிடுவது மிகவும் நல்லது.

5. அவகேடோ: அவகேடோவிலும் உடலுக்கு வேண்டிய கொழுப்பானது அதிகம் நிறைந்துள்ளது. மேலும் இதனை சாப்பிட்டால், அதில் நிறைந்துள்ள ஊட்டச்சத்துக்கள், வயிற்றை நிறைத்து, அடிக்கடி பசி ஏற்படுவதை தடுக்கும்.

6. சிட்ரஸ்: பழங்கள் பழங்களில் சிட்ரஸ் பழங்களை அதிகம் சாப்பிட்டால், அதில் உள்ள வைட்டமின் சி, உடலில் தங்கியுள்ள தேவையில்லாத கொழுப்புக்களை கரைத்து வெளியேற்றிவிடும். இதனால் அழகான உடலை பெற முடியும்.

7. தயிர்: தினமும் உணவில் தயிரை சேர்த்து வந்தால், அதில் உள்ள குறைவான கலோரி மற்றும் ஊட்டசசத்துக்களால், எடை குறைவதோடு, தொப்பையும் குறைய ஆரம்பிக்கும்.

8. க்ரீன் டீ: அனைவருக்குமே க்ரீன் டீ குடித்தால், உடல் எடை குறையும் என்பது தெரியும். மேலும் பலரும் இந்த க்ரீன் டீயின் பலனைப் பெற்றுள்ளனர். எனவே தினமும் ஒரு டம்ளர் க்ரீன் டீ குடித்து வாருங்கள்.

9. சால்மன் மீன்: சால்மன் மீனில் ஒமேகா3 ஃபேட்டி ஆசிட் அதிகம் நிறைந்துள்ளது. இது உடலின் செயல்பாட்டிற்கு மிகவும் இன்றியமையாத ஒரு கொழுப்பாகும். ஆகவே இந்த மீனை உணவில் அதிகம் சேர்த்து வந்தால், நாள் முழுவதும் வயிறு நிறைந்திருப்பதோடு, தொப்பை வராமலும் தடுக்கும்.

10. பெர்ரிப் பழங்கள்: பெர்ரிப் பழங்கள் கொழுப்பைக் குறைக்கும் ஒரு சிறந்த உணவுப் பொருள். ஏனெனில் அதில் வைட்டமின் சி என்னும் சத்து அதிக அளவில் நிறைந்துள்ளதால், பெல்லியால் அவஸ்தைப்படுபவர்கள், பெர்ரிப் பழங்களை அதிகம் சாப்பிட்டால், நல்ல பலனை விரைவில் பெறலாம்.

11. ப்ராக்கோலி: ப்ராக்கோலியிலும், மன அழுத்தத்தை அதிகரிக்கும் கார்டிசோலின் அளவைக் கட்டுப்படுத்தும் வைட்டமின் சி சத்து அதிகம் நிறைந்துள்ளது. அதுமட்டுமல்லாமல், இதனை சாப்பிட்டால், உடலில் உள்ள கொழுப்புக்களை ஆற்றலாக மாற்றும் பொருளானது உள்ளதால், பெல்லி பிரச்சனை உள்ளவர்கள் ப்ராக்கோலியை அதிகம் சாப்பிடுவது நல்லது.

12. எலுமிச்சை சாறு: வயிற்றைச் சுற்றியிருக்கும் தொப்பையை குறைக்க ஒரே சிறந்த வழியென்றால், தினமும் காலையில் எலுமிச்சை ஜுஸ் போட்டு குடிப்பது தான். அதிலும் வெதுவெதுப்பான நீரில் எலுமிச்சை சாற்றினை ஊற்றி, அதில் சிறிது உப்பு மற்றும் தேன் சேர்த்து குடித்தால், நிச்சயம் தொப்பை குறையும். அதிலும் இந்த செயலை தொடர்ந்து 1 மாதம் செய்து வந்தால், இதற்கான பலன் உடனே தெரியும்.

13. பூண்டு: எலுமிச்சை சாற்றினை விட இரண்டு மடங்கு அதிகமான சக்தியானது பூண்டில் உள்ளது. எனவே காலையில் 1 பல் பூண்டு சாப்பிட்டால், உடலில் தங்கியுள்ள கொழுப்புக்கள் கரைவதோடு, உடலில் இரத்த ஓட்டமும் சீராக இருக்கும்.

14. இஞ்சி: உணவுகளில் இஞ்சியை அதிகம் சேர்த்தால், அது தொப்பையை குறைக்க பெரிதும் உதவியாக இருக்கும். மேலும் இதில் அதிகப்படியான ஆன்டிஆக்ஸிடன்ட்டுகளானது நிறைந்திருப்பதால், இன்சுலின் சுரப்பை சீராக வைத்து, இரத்தத்தில் உள்ள சர்க்கரையின் அளவை குறைக்கும்.

மேற்கூறிய அனைத்தையும் நம்பிக்கையுடன் மேற்கொண்டால், நிச்சயம் தொப்பையை மற்றும் உடல் எடை விரைவில் குறையும். ஆனால் நம்பிக்கையின்றி மேற்கொண்டால், அதற்கான பலன் நிச்சயம் கிடைக்காது.

தினமும் நாம் மேற்கொள்ளும் பழக்கங்களில் ஒன்று தான் குளியல். குளிப்பதால் உடல் சுத்தமாகும் என்பது அனைவருக்கும் தெரியும். சிலர் அப்படி குளிக்கும் போது சிறுநீர் கழிப்பார்கள். இப்படி குளிக்கும் போது சிறுநீர் கழிப்பது நல்லது என்பது உங்களுக்கு தெரியுமா? ஆம், குளித்துக் கொண்டிருக்கும் போது நின்று கொண்டே சிறுநீர் கழிப்பதால் ஒருசில நன்மைகள் உள்ளது.

அது என்னவென்று தெரிந்தால், இனிமேல் குளிக்கும் போது நீங்களும் சிறுநீர் கழிப்பீர்கள். தலைக்கு குளிக்கும் போது நாம் தவறாமல் பின்பற்ற வேண்டியவைகள்! சரி, இப்போது குளித்துக் கொண்டிருக்கும் போதே சிறுநீர் கழிப்பதில் எவ்வளவு நன்மை உள்ளது என்று பார்ப்போம்.

    குளிக்கும் போதே சிறுநீர் கழிப்பதால், 27% நீர் சேமிக்கப்படுவதாக அமெரிக்காவில் உள்ள சுற்றுச்சூழல் பாதுகாப்பு முகமை அறிவித்துள்ளது. இதற்கு காரணமாக கழிவறையில் தனியாக நீரை பயன்படுத்த வேண்டிய அவசியம் இருக்காது என்றும் கூறுகின்றனர்.
    உங்கள் கால்களில் சிறு கீறல்கள் அல்லது சிறு காயங்கள் இருந்தால், பிரஷ்ஷாக வெளிவரும் சிறுநீர், காயங்களில் உள்ள கிருமிகளை அழிப்பதோடு, வலி மற்றும் அங்குள்ள திசுக்களை ரிலாக்ஸ் அடையச் செய்யும். ஒருவேளை உங்கள் கால்களில் காயங்கள் மோசமாக இருந்தால், உடனே மருத்துவரை அணுகுங்கள்.
    சிறுநீர் சரும தடிப்புக்கள் அல்லது சரும அழற்சிக்கு சிகிச்சை அளிக்க உதவும். சரும அழற்சியை சரிசெய்யப் பயன்படுத்தும் க்ரீம்கள் மற்றும் எண்ணெய்களில் முக்கியமான உட்பொருள் யூரியா தான். இது சருமத்தின் pH அளவை சீராக்கும்.
    சிறுநீர் பாதங்களில் உள்ள அசிங்கமான பூஞ்சைத் தொற்றுகளை சரிசெய்யும். பூஞ்சை தொற்று ஏற்பட்டுள்ள இடத்தில் சிறுநீர் பட்டால், அதனால் விரைவில் பூஞ்சை தொற்றுகள் நீங்குவதைக் காணலாம்.

குறிப்பு: எனவே உங்கள் கால்களில் ஏதேனும் சரும தொற்றுகள் இருப்பின், தினமும் குளிக்கும் போது சிறுநீர் கழியுங்கள். இதனால் ஓர் நல்ல மாற்றத்தை விரைவிலேயே நீங்கள் காண்பீர்கள்.