என் புத்தகம்

சதியாலோசனை கோட்பாடுகள் - சுருக்கமாக சொன்னால் திட்டமிட்டு மறைக்கப்படும் ரகசியங்கள். விளக்கமாக சொன்னால், ஒரு குழுவோ அல்லது ஒரு நிறுவனமோ அல்லது ஒரு நாட்டின் அரசாங்கமோ ஒரு விடயத்தை மிகவும் திட்டமிட்டு நடத்தி அதை மிகவும் ரகசியமாகவே பாதுகாத்து வைத்திருக்கும் நிகழ்வுகள் அல்லது விடயங்களாகும்.

துரோகங்கள் நிறைந்த நம்பவே முடியாத 5 இந்திய சதி கோட்பாடடுகள்.!

பொதுவாக ரகசியங்கள் என்றாலே அதில் ஏதோ சிக்கல்களும், பிரச்சனைகளும் இருக்கும் என்று தான் அர்த்தம். அப்போது ஒரு கூட்டமே/ ஒரு நாடே/ ஒரு அரசாங்கமே மறைக்கும் ரகசியங்களில் எவ்வளவு பிரச்சனைகள் இருக்கும்.?

எப்படியோ எங்கோ கசிந்து.!

அப்படியாக, இந்தியாவின் பண்டைய கால புராண கதைகளில் இருந்து அதிநவீன தொழில்நுட்ப காலமான இன்றுவரை மிகவும் பாதுகாப்பக்க மறைக்கப்படும் சதியாலோசனை கோட்பாடுகள் ஆயிரமாயிரம் உள்ளன. அவைகளில் சில மட்டுமே எப்படியோ எங்கோ கசிந்து வெளிப்பட்டுள்ளன. அவைகளில் மிகவும் வியக்கத்தக்க 5 கோட்பாடுகளை பற்றிய விவரங்களையும், அது சார்ந்த சதியாலோசனை கோட்பாடுகளைப்பற்றி இதுநாள் வரை வெளியாகி உள்ள தகவல்களையும் உள்ளடக்கியதே இந்த கட்டுரை.!

இந்திய சதி கோட்பாடு #05 :

ஷிவ்கார் பாபூஜி டால்பேட் அவர்களின் விமான டிசைன் பற்றியது. ரைட் சகோதரர்கள் உலகின் முதல் விமானத்தை கண்டுப்பிடித்த 8 ஆண்டுகளுக்கு முன்னரே இந்தியரான ஷிவ்கார் பாபூஜி டால்பேட், அவரின் சொந்த விமானம் ஒன்றை உருவாக்கியதாகவும், அது சுமார் 1500 அடி உயரம் வரை பறக்க கூடியது என்றும் கூறுகிறது ஒரு சதியாலோசனை கோட்பாடு.

நிதி உதவி வழங்கி ஊக்கப்படுத்த வேண்டாம்.!

1895-ஆம் ஆண்டு விபத்துக்குள்ளான அந்த விமானத்திற்கு எந்த விதமான நிதி உதவியும் வழங்கி ஊக்கப்படுத்த வேண்டாம் என்று பரோடா மகாராஜாவிடம் பிரிட்டிஷ் அரசு கேட்டுக் கொண்டதாகவும் விளக்கம் அளிக்கிறது அந்த சதியாலோசனை கோட்பாடு.

வரலாற்று துரோகம்.!

உலகின் முதல் விமான தொழில்நுட்பம் சார்ந்த வடிவமைப்பு ஒரு இந்தியரிடம் இருப்பதா என்று பிரிட்டிஷ் அரசாங்கம் செய்த வரலாற்று துரோகத்திற்க்கும், அப்படி ஒரு விமானம் பறந்தது என்பதற்கும் எந்த விதமான சான்றும் இல்லை.

மிகவும் பலவீனமானது

மறுபக்கம் ஷிவ்கார் பாபூஜி டால்பேட் (Shivkar Babuji Talpade) அவர்களின் சொந்த பறக்கும் ஊர்தி வடிவமைப்பு என்று கூறப்படும் அந்த விமான டிசைன் ஆனது மிகவும் பலவீனமானது போன்று தெரிகிறது என்ற கருத்தும் நிலவுகிறது.


இந்திய சதி கோட்பாடு #04 :

பண்டைய கால இந்தியாவில் நடந்த அணு போர் பற்றியது. 2010-ஆம் ஆண்டில் இந்திய நகரமான ஜோத்பூரில் கதிரியக்க சாம்பல் (Radioactive ash) கண்டுப்பிடிக்கப்பட்ட பின்னரே இந்த சதியாலோசனை கோட்பாடு கிளம்பியது.

கதிரியக்க சாம்பல்.!

குறிப்பிட்ட மகாபாரத வசனங்களில் மகாபாரத யுத்தமானது நடந்தாக சொல்லப்படும் இந்த இடத்தில் கதிரியக்க சாம்பல் கண்டுபிடிக்கப்பட்டுள்ளத்தால், பண்டைய காலத்திலேயே அணு ஆயுதப்போர் நடத்தப்பட்டுள்ளது என்ற சந்தேகம் கிளம்பியுள்ளது. இதன் வழியாக, பண்டைய இந்தியர்களின் கற்பனைக்கு எட்டாத தொழிநுட்ப வளர்ச்சியையும் யூகிக்க முடிகிறது.
இந்திய சதி கோட்பாடு #03 :
இந்திய சதி கோட்பாடு #03 :

மன்னர் அசோகரின் ரகசிய சமூகம் என்று கூறப்படும் அடையாளம் தெரியாத 9 பேர் பற்றியது. மனித இனத்திற்கு அத்யாவசியமான 9 விடயங்களை உள்ளடக்கிய 9 புத்தகங்கள் கொடுக்கப்பட்டு மனித இனத்தை அழிவை நோக்கி செல்ல விடாமல் பாதுகாக்கும்படி அசோகரால் 9 பேர் நியமிக்கப்பட்டனர் என்கிறது ஒரு சதியாலோசனை கோட்பாடு.

தி நயன் அன்நோன்.!

அப்படியாக அந்த புத்தகங்களில் போர், சமூகவியல், தகவல்தொடர்பு, ரசவாதம், மரணம், நுண்ணுயிரியல், ஒளி, ஈர்ப்பு மற்றும் அண்டவியல் ஆகிய 9 விடயங்கள் அடங்கி இருந்தது என்றும் அந்த கோட்பாட்டில் விளக்கம் அளிக்கப்பட்டுள்ளது. இந்த ரகசிய சமூக நிகழ்வானது கிபி 270-ல் நடைபெற்றது என்று நம்பப்படுகிறது. இது சார்ந்த 'தி நயன் அன்நோன்' (The Nine Unknown) என்றவொரு நாவலும் இருக்கிறது என்பது கூடுதல் சுவாரசியம்.!

இந்திய சதி கோட்பாடு #02 :

இந்திய ராணுவத்தின் கண்டம் விட்டு கண்டம் பாயும் அதிநவீன ஏவுகணையான அக்னி 5-ன் தாக்குதல் எல்லை பற்றியது. அதாவது, அக்னி 5 ஏவுகணையின் தாக்குதல் தூரம் (வீச்சு) மிகவும் ரகசியமாய் வைக்கப்பட்டிருந்தது, பின் அது 5500 - 5800 கிமீ தூரம் வரை பாய்ந்து சென்று தாக்கக் கூடியது என்று இந்திய அரசாங்கம் கூறியது. ஆனால், 17000 கிலோ எடை கொண்ட அக்னி 4 ஏவுகணையானதே சுமார் 4000கிமீ தூரம் வரை சென்று தாக்கும் போது, அக்னி 5 அதைவிட அதிகமான தூரத்தை கடக்கும் என்கிறார்கள் சில சதியாலோசனை கோட்பாட்டாளர்கள்.

முக்கியமாக சீனா.!

சில கணிப்புகளின் படி, அக்னி 5 ஏவுகணையானது சுமார் 50000 கிலோ எடையும், 8000 கிமீ வரை பாய்ந்து சென்று தாக்கும் வல்லமையும் கொண்டிருக்கும் என்று நம்பப்படுகிறது. மேலும், எதிரிகளை கலங்கடிக்கவே (முக்கியமாக சீனாவை) அக்னி 5-ன் தாக்குதல் எல்லை ரகசியமாக வைக்கப்பட்டுள்ளது என்றும் சதியாலோசனை கோட்பாட்டாளர்கள் கருத்து கூறுகிறார்கள்.

இந்திய சதி கோட்பாடு #01 :

இந்திய அணுசக்தி திட்டத்தின் தந்தை என்று அழைக்கப்படும் ஹோமி பாபாவை (Homi Bhabha) கொலை செய்தது சிஐஏ தானா.? என்பது பற்றியது. ஹோமி பாபா உயிர் இழக்க காரணமான விமான விபத்தானது திட்டமிட்டு நடத்தப்பட்ட கொலை சம்பவம் என்கிறது ஒரு சதியாலோசனை கோட்பாடு.

இந்தியா முன்னேற்றம் அடைவதை நிறுத்த கொலை.!

தோரியத்தில் (Thorium ) இருந்து சக்தியை பிரித்து எடுப்பதில் இந்தியா முன்னேற்றம் அடைவதை நிறுத்த அமெரிக்காவின் மத்திய புலனாய்வு முகமை (CIA) தான் ஹோமி பாபாவை கொலை செய்தது என்கிறார்கள் சில சதியாலோசணை கோட்பாட்டாளர்கள். ஆனால், இந்த கோட்பாடுக்கு இதுநாள் எந்த விதமான சிறு ஆதாரமும் கூட இல்லை.

சாணக்கியர் ஒரு மிகச்சிறந்த அறிவாளி மற்றும் தந்திரத்தில் தலைசிறந்தவர் என்று நாம் நன்கு அறிவோம். அதற்கு சிறந்த உதாரணம் நூற்றாண்டுகள் கடந்தும் அவர் இன்றும் நம் நினைவில் இருப்பதுதான். அவர் கூறிய வாழக்கை வழிமுறைகள் தற்காலத்திற்கு மட்டுமல்ல, இன்னும் பல நூற்றாண்டுகளுக்கும் பொருந்தக்கூடியதாகும். வாழ்க்கையின் ஒவ்வொரு தருணத்திலும் எப்படி நடந்து கொள்ள வேண்டும் என்பதை தன்னுடைய நூல்கள் வழியாக உலகிற்கு இன்றும் கூறிக்கொண்டு இருக்கிறார் சாணக்கியர்.

வாழ்க்கையின் அனைத்து தருணங்களுக்கும் சரியான வழிமுறையை கூறிய சாணக்கியர் புதியதாக ஒரு செயலை தொடங்கும்போது அதனை தொடங்கவேண்டும் என்று கூறாமல் விட்டிருப்பாரா?. கண்டிப்பாக இல்லை, புதிய வேலையோ அல்லது தொழிலோ தொடங்கும்போது அதனால் உங்கள் வாழ்க்கை சிறப்பாக இருக்க என்ன செய்ய வேண்டும்? என்ன செய்ய கூடாது? என்பதை தன் சாணக்கிய நீதி நூலில் கூறியுள்ளார். இந்த பதிவில் புதிய செயல்கள் தொடங்கும் முன் நீங்கள் செய்ய வேண்டியவை என்னென்ன என்று பார்க்கலாம்.

திறன்

எந்தவொரு புதிய திட்டத்தையோ அல்லது தொழிலையோ தொடங்கும் முன் உங்கள் திறனை கருத்தில் கொள்ள வேண்டியது அவசியமாகும். உங்கள் திறமைக்கேற்ற வேலையை மட்டுமே நீங்கள் செய்ய ஒத்துக்கொள்ள வேண்டும். இல்லையெனில் தேவையில்லாத சிக்கல்களில் மாட்டிக்கொள்ள நேரிடும்.

நாவடக்கம்

உங்களின் புதிய முயற்சியின் வெற்றியும், தோல்வியும் நீங்கள் உங்கள் நாக்கை எப்படி பயன்படுத்துகிறீர்கள் என்பதை பொறுத்துதான் இருக்கிறது என்று சாணக்கியர் கூறுகிறார். நீங்கள் எவ்வளவு மென்மையாகவும், நாவடக்கத்துடனும் பேசுகிறீர்களா உங்கள் வெற்றிவாய்ப்பு அவ்வளவு அதிகமாக இருக்கும்.

எதிரிகளை நண்பர்களாக்குதல்

இதனை மிகவும் எளிதில் புரிந்துகொள்ளலாம். நீங்கள் அனைவரிடமும் இனிமையாக நடந்துகொள்ளும்போது உங்கள் எதிரிகள் அனைவரும் தானாக உங்கள் நண்பர்கள் ஆகிவிடுவார்கள். இது உங்கள் முயற்சியின் வெற்றி வாய்ப்பை மேலும் அதிகரிக்கும்.

ஆரோக்கியம்

கடவுள் நமக்கு கொடுத்திருக்கும் மிகச்சிறந்த ஒரு பரிசு எதுவென்றால் அது நம் உடல்தான். எனவே எந்தவொரு புதுமுயற்சி தொண்டைக்கும் முன்னரும் உங்கள் ஆரோக்கியத்தை பரிசோதிப்பதும், பாதுகாப்பதும் அவசியம்.


மனைவி

ஒரு புது வேலையோ அல்லது புது தொழிலோ தொடங்கும் முன்னர் உங்கள் மனைவியிடம் ஆலோசிக்க வேண்டியது அவசியமாகும். உங்கள் மனைவி உங்கள் வாழ்க்கையின் பாதியாவார். எனவே நீங்கள் எந்தவொரு முயற்சி தொடங்கும் முன்னரும் அவர்களிடம் ஆலோசிக்க வேண்டியது அவசியமாகும்.
ரகசியங்களை பாதுகாத்தல்

ரகசியங்களை பாதுகாத்தல்

ஒரு புது விஷயத்தை தொடங்கும்போதோ அல்லது முயற்சிக்கும்போதோ அதற்கான யோசனைகளை உங்களுக்குள்ளேய வைத்துக்கொள்ள வேண்டுமென்று சாணக்கியர் கூறுகிறார். அனைவரிடமும் உங்கள் திட்டங்களை கூறுவது உங்கள் வெற்றியை வெகுவாக பாதிக்கும்.

கடினமாக இருக்க வேண்டும்

நீங்கள் வாழ்க்கையில் வெற்றிகரமாக இருக்க விரும்பினால் வாழ்க்கையில் சில கடினமான முடிவுகளை நிச்சயம் எடுக்கவேண்டும். இதற்காக சிலரிடம் நீங்கள் கடுமையாக நடந்து கொள்ளக்கூட நேரிடலாம். அதற்காக தயங்காதீர்கள்.

அறிவார்ந்த அன்னிய நாகரிகங்கள் இருக்கிறார்களா? இல்லையா என்கிற கேள்வி சபையில் எழும் போதெல்லாம் அந்த உரையாடலின் முடிவானது இன்னும் ஆழமாக தேடி பார்க்க வேண்டும் என்கிற பதிலில் தான் சென்று முடியும். ஆம், ஏலியன்ஸ் அல்லது எக்ஸ்ட்ராடெரஸ்ட்ரியல்ஸ் எனப்படும் வேற்று கிரக வாசிகள் எனப்படும் மனித இனத்தை போன்ற மற்றொரு ஜீவராசி என்பது முற்றிலும் தேடலைப் பற்றியது தான்.

ஸ்டீபன் ஹாக்கிங் சொன்ன ஆபத்து 'மிகவும் தாமதமாக' தெரிய வந்துள்ளது!


அவற்றை எப்படி கண்டுபிடிப்போம்? அவர்கள் எங்கே இருக்கிறார்கள்? பார்க்க எப்படி இருப்பார்கள்? அவர்களை அடைய நாம் என்ன என்ன நடவடிக்கைகளை எடுக்க வேண்டும் - அல்லது எப்போது - நாம் அவர்களை கண்டுபிடிப்போம், அல்லது நமக்கு முன்னர் நம்மை அவர்கள் கண்டுபிடிப்பார்களா? இப்படி ஏகப்பட்ட கேள்விகள் உள்ளன.

முகநூலில் எங்கள் செய்திகளை உடனுக்குடன் படிக்க க்ளிக் செய்யவும்.!

ஸ்டீபன் ஹாக்கிங்

ஆனால் இதற்கெல்லாம் இயற்பியல் பேராசிரியர் மறைந்த ஸ்டீபன் ஹாக்கிங்கின் ஒரே பதில் - அவர்களை தேட வேண்டாம் என்பது மட்டும் தான். அவர் ஏன் அப்படி கூறுகிறார்? அவரின் கூற்றுப்படி, மேம்பட்ட நாகரிகங்களை (ஏலியன்ஸ்) தேடி கண்டு பிடிப்பது அல்லது அவர்களை சென்று அடைவது என்பது மனித நேயத்திற்கும், அவர்கள் வாழும் இந்த பூமிக்கும் ஒரு ஆபத்தான சூழ்நிலையை உருவாக்க முடியும். இன்னும் சொல்லப்போனால் அவர்களை தொடர்புகொள்ள கூட முயற்சிக்க கூடாது என்கிறார். ஆனாலி நிலைமை கைமீறி விட்டது.

எஸ்எஸ்ஹேக்கிங்

ஏனெனில் நாம் (மனித இனம் ) ஏற்கனவே பல ஆண்டுகளாக அண்டத்தில் முடிந்த அளவிற்கு நமது இருப்பை ஒளிபரப்பியிருக்கிறோம். அதாவது தூது அனுப்பி உள்ளோம்.

ஹேக்கிங்கின் "இறந்துபோன" இந்த எச்சரிக்கை ஆனது ஸ்டீபன் ஹாக்கிங்கின் பிடித்த இடங்கள் என்று அழைக்கப்படும் புதிய ஆன்லைன் படத்தின் வழியாக மீண்டும் உயிர் பெற்று உள்ளது. அந்த படத்தில் எஸ்எஸ்ஹேக்கிங் என்று அழைக்கப்படும் சிஜிஐ விண்கலம் தான் தனக்கு மிகவும் பிடித்த இடம் என்று அவர் கூறியதாகவும் தெரிய வருகிறது.

ஜிலீஸ் 832சி

அந்த படத்தில் "நான் வளர்ந்தவுடன், நாம் தனியாக இல்லை என்பதை விட மிகவும் உறுதியாக நம்புகிறேன். வாழ்நாள் முழுவதும் யோசித்து, புதிய உலகளாவிய முயற்சியை கண்டுபிடிப்பதற்கு நான் பிரேக்த்ரோ லிசன் ப்ராஜக்ட் (Breakthrough Listen project) திட்டம் மூலம் உதவி செய்கிறேன். இது நம்மை போன்றே கிரகங்களில் வாழ்க்கைக்கான அறிகுறிகள் இருக்கிறதா என்பதை ஆராயும் ஒரு திட்டம், அதன் விளைவாக அருகில் உள்ள மில்லியன் கணக்கான நட்சத்திரங்களை ஸ்கேன் செய்யப்படும். ஒருநாள் ஜிலீஸ் 832சி போன்ற ஒரு கிரகத்தில் இருந்து ஒரு சிக்னலைப் பெறுவோம். ஆனால் நாம் எச்சரிக்கையாக பதில் அளிக்க வேண்டும்" என்று கூறியுள்ளார்.

நட்சத்திரங்களை ஸ்கேன் செய்யும்

ஜிலீஸ் 832சி என்பது பூமியில் இருந்து 16 ஒளி ஆண்டுகள் தொலைவில் உள்ள ஒரு கிரகம் என்பது குறிப்பிடத்தக்கது. ஒருவேளை உங்களுக்கு பிரேக்த்ரோ லிசன் ப்ராஜக்ட் (Breakthrough Listen project) பற்றி தெரியாது என்றால் - அது ரேடியோ சிக்னல்களுக்கான நெருங்கிய நட்சத்திரங்களை ஸ்கேன் செய்யும் ஒரு திட்டமாகும், இதை நிகழ்த்துவதின் மூலம் அண்டத்தில் உள்ள அறிவார்ந்த வாழ்க்கை ஆதாரத்தை (ஏலியன்ஸ்) கண்டுபிடிக்க உதவலாம் என்று நம்பப்படுகிறது. இது ஒரு லட்சிய முயற்சியாகும், இந்த திட்டம் ரஷ்ய பில்லியனர் யூரி மில்னர் நிதியுதவியின் கீழ் (சுமார் 100 மில்லியன் அமெரிக்க டாலர்கள்) நடக்கிறது.
யாருக்கும் தெரியாது

யாருக்கும் தெரியாது

சமீபத்தில், இந்த 100 மில்லியன் டாலர்கள் திட்டமானது, அதன் கவனத்தை அனுகூலமான 'ஏலியன் மெகாஸ்ட்ரேக்ஸருக்கு' மாற்றுவதாக அறிவித்தது, அது சில நட்சத்திரங்கள் கொண்ட கேஐசி 8462852 என அழைக்கப்படும் ஒரு விண்மீனைக் குறிக்கின்றது. ஆய்விற்காக இந்த விண்மீன் குறி வைக்கப்பட்டதற்கு ஒரு நியாயமான காரணம் உள்ளது. அது இந்த விண்மீன் மண்டலத்தில் ஏற்படும் மின்மினுப்பு தான். அது 'இண்டர்ஸ்டெல்லர் ஜங்க்' அல்லது ஒரு வால்மீன் குச்சியால் ஏற்படுவதாக சந்தேகிக்கப்படுகிறது. ஆனால் அங்கு உண்மையில் என்ன நடக்கிறது என்பது யாருக்கும் தெரியாது.

மனித இனத்தின் அழிவு

பிரபஞ்சத்தில் அறிவார்ந்த வாழ்க்கையை கண்டுபிடிக்க ஹாக்கிங் அசாதாரண முயற்சிகளை செய்த போதிலும், அவர் உண்மையில் அவர்களை தொடர்பு கொள்ள முயற்சி செய்ய வேண்டாம் என்கிற வெளிப்படையான மற்றும் முரண்பாடான கருத்தையே முன்வைத்தார். அது மனித இனத்தின் அழிவு அல்லது அந்நிய படையெடுப்பு போன்ற சாத்தியமான ஆபத்துகளை உருவாக்கும் என்பது தான் அவரின் கருத்து.

பாக்டீரியா

வெளியான படத்தில் "அவர்கள் மிகவும் சக்திவாய்ந்தவர்களாக இருப்பார்கள், நாம் எப்படி பாக்டீரியாவை பார்க்கிறோமோ அதை போல் தான் அவர்கள் நம்மை பார்ப்பார்கள்" என்று அவர் கூறுகிறார். ஆகமொத்தம் பிள்ளையார் சுழி போட்டாகிவிட்டது. இனி முன் எச்சரிக்கை எதையும் நிகழ்த்த முடியாது. தயார் நிலையில் மட்டுமே இருக்க முடியும்.

நடிகை நயன்தாரா திரைத்துறைக்கு வந்து 15 ஆண்டுகள் நிறைவடைவதை அவரது ரசிகர்கள் கொண்டாடி மகிழ்கின்றனர்.

இன்றைய தேதிக்கு தமிழ் சினிமாவின் உச்ச நடிகை யார் என்று கேட்டால் சற்றும் யோசிக்காமல் நயன்தாரா என பதில் கூறிவிடலாம். இப்போது எல்லாம் நாயகனை மனதில் வைத்து கதை எழுதும் இயக்குனர்களைவிட, நயன்தாராவை மனதில் வைத்து கதை எழுதும் இயக்குனர்கள் தான் அதிகம்.

அந்த அளவுக்கு தனது சினிமா கேரியரில் கோலாச்சி நிற்கிறார் நயன். அதன்காரணமாகவே அவரை லேடி சூப்பர் ஸ்டார் என அவரது ரசிகர்கள் கொண்டாடி மகிழ்கிறார்கள்.

2018ம் ஆண்டின் சூப்பர் "ஸ்டார்ஸ்" யாரு.. வாங்க.. ஓட்டுப் போடுங்க!

நயன்தாராவின் முதல் படம்

நயன்தாராவின் இந்த அசுர வளர்ச்சி, ஏதோ ஒரே நாளில் வந்துவிட்டது அல்ல. 2003ம் ஆண்டு கிறிஸ்துமுஸ் நாளில் 'மனசினக்கரே' மலையாள படம் மூலம் அறிமுகமானது டயானா மரியம் குரியன் எனும் நயன்தாராவின் திரை வாழ்க்கை. தமிழில் வெளிவந்த அவரது முதல் படம் சரத்குமாரின் ஐயா. அதைத்தொடர்ந்து ரஜினியின் சந்திரமுகி.

இளம் ஹீரோக்களின் படங்கள்

இந்த படங்களில் நடித்தது நயன்தாராவுக்கு நல்ல பெயரை வாங்கி கொடுத்தாலும், இளம் ஹீரோக்கள் அவரை ஒப்பந்தம் செய்த தயங்கினர். ஆனால் தன்னால் எல்லா நடிகர்களுடனும் நடிக்க முடியும் என நிரூபித்துக்காட்டினார். சிம்புடன் வல்லவன், தனுஷுடன் யாரடி நீ மோகினி, அஜித்துடன் பில்லா, விஜய்யுடன் வில்லு என எல்லா ஹீரோக்களுடனும் நடித்தார்.

ஆசைப்படும் நடிகர்கள்

சூர்யா, ஜெயம் ரவி, ஆர்யா, சிவகார்த்திகேயன், விஜய் சேதுபதி என நயன்தாராவுடன் நடிக்காத ஹீரோக்களே இல்லை என்ற நிலைதான் இன்று. நயன்தாராவுடன் ஒரு படமானாலும் நடித்துவிட வேண்டும் என்ற போட்டி தான் இப்போது இங்கு நிகழ்கிறது.

சராசரி ஹீரோயின்

தொடக்க காலத்தில் எல்லா ஹீரோயின்களையும் போல, சராசரி கிளாமர் ரோல்களில் தான் நடித்து வந்தார் நயன்தாரா. அதுவும் பில்லா படத்தில் பிகினி உடையில் நயன்தாராவை பார்த்து, ஜொள்ளுவிடாத ஆட்களே இங்கில்லை எனக் கூறலாம்.

இமேஜை மாற்றிய ராஜா ராணி

இப்படிப்பட்ட நிலையில் இருந்த நயன்தாராவின் இமேஜை மாற்றியது ராஜா ராணி திரைப்படம் தான். அட்லி இயக்கத்தில் வெளிவந்த அந்த படத்தில், குறுப்புக்கார பெண்ணாகவும், மெச்சூர்டான மனைவி ரோலிலும் மிகச்சிறப்பாக நடித்திருப்பார் நயன்தாரா. இதேபோல் தனி ஒருவன் படமும் நயன்தாராவின் நடிப்பு திறனுக்கு தீனிபோட்டது.

ஹீரோயின் படங்கள்

இந்த படத்தை தொடர்ந்து , அறம், கோலமாவு கோகிலா, இமைக்கா நோடிகள் போன்ற ஹீரோயினுக்கு முக்கியத்துவம் உள்ள படங்களில் நடித்த நயன்தாராவுக்கு கை மேல் பலன் கிடைத்தது. இந்த படங்களை அவரது ரசிகர்கள் கொண்டாடி மகிழ்ந்தார்கள். வசூல் ரீதியாக நல்ல ரிசல்ட்டை தந்தன இப்படங்கள்.

பேர் சொல்லும் படங்கள்

இதனை தொடர்ந்து தான் ஹீரோயினுக்கு முக்கியத்துவம் உள்ள படங்களில் அதிக கவனம் செலுத்தி வருகிறார் அவர். ஐரா, கொலையுதிர் காலம் என நயன்தாராவின் பேர் சொல்லும் படங்கள் ரிலீசுக்கு தயாராகி வருகின்றன. இதில் அஜித்தின் விஸ்வாசமும் ஒன்று.
நயன்தாரா மீதான குற்றச்சாட்டு
நயன்தாரா மீதான குற்றச்சாட்டு

அதேசமயம் நயன்தாரா மீது ஏராளமான புகார்கள் வாசிக்கப்படுவதும் உண்டு. அவர் நடிக்கும் படத்தின் புரோமோஷன் நிகழ்ச்சிக்கு கூட வருவதில்லை என்பது முக்கியமான புலம்பல். ஆனால் கடந்த காலங்களில் ஏற்பட்ட கசப்பான அனுபவங்களால் பட புரோமோஷன்களை அவர் தவிர்த்தே வருகிறார். குறிப்பாக பத்திரிகையாளர்களை சந்திப்பதே இல்லை அவர். இருப்பினும் அவரை பற்றி எழுதாத நாட்களே பத்திரிகைகளுக்கு இல்லை.

சறுக்கல்கள்

தனிப்பட்ட வாழ்க்கையில் பல சறுக்கல்களை சந்தித்தவர் நயன். காதல் விவகாரங்களில் கிசுகிசுக்கப்பட்டு பெறும் ஏற்றத்தாழ்வுகளை சந்தித்தவர். வேறொருவராக இருந்திருந்தால், இந்த மனஉளைச்சலில் இருந்து மீண்டு வருவதற்கே ஆண்டுகள் பல பிடித்திருக்கும்.

ரேஸில் ஓடும் குதிரை

ஆனால் நயன்தாராவோ ரேஸில் ஓடும் குதிரை கீழே விழுந்தமாத்திரத்தில் சட்டென எழுந்து ஓடுவது போல், சினிமா ரேஸில் முன்பைவிட அதிவேகமாக ஓடிக்கொண்டிருக்கிறார். தனிப்பட்ட வாழ்வில் ஏற்பட்ட பிரச்சினைகள், அவரை பட்டை தீட்டிய வைரமாக மாற்றியிருக்கின்றன. இன்றைய சினிமாவில் நயன்தாரா ஒரு சகாப்தம்.... தொடரட்டும் அவரது வெற்றிப் பயணம்...

பழங்கள் ஆரோக்கியமானவை என்பது அனைவருக்கு தெரியும். பழங்களைப் பிடித்க்கதவர்கள் யாருமே இருக்க மாட்டார்கள். நமது தினசரி உணவில் பழங்களை கட்டாயம் எடுத்துக் கொள்ள வேண்டும் என்று ஊட்டச்சத்து நிபுணர்கள் பரிந்துரைக்கின்றனர்.

பெரியவர்கள் முதல் குழந்தைகள் வரை அனைவருக்கும் பழங்கள் பல நன்மைகளை செய்கின்றது. எல்லா வகைப் பழங்களையும் சாப்பிடுவது நல்லது. ஒவ்வொரு பழத்திற்கும் ஒவ்வொரு சுவை மற்றும் குணம் உண்டு.

சூடு அதிகம்

மாம்பழம், பப்பாளி போன்ற பழங்கள் வெப்பமண்டலமான பிரதேசங்களில் விளைவதால் அவை சூடு அதிகம் உள்ள பழங்களாக கருதப்படுகின்றன. ஆகவே இவை உடல் வெப்பத்தை அதிகரிக்கும் பழங்களாக உள்ளன.

வாழைப்பழம், சீதாப்பழம் போன்றவை உடலில் குளிர்ச்சியை அதிகரித்து சளியை உண்டாக்குகின்றன. சில பழங்களை தவிர்க்க சில அறிவியல் பூர்வமான நிருபணங்கள் இருப்பது நம்மை ஆச்சர்யப்பட வைப்பதாக உள்ளது.

எப்படி கண்டுபிடிக்கலாம்?

சூடு அதிகம் உள்ள பழங்கள் மற்றும் குளிர்ச்சியான பழங்கள் என்று எவ்வாறு பிரிக்கப்படுகின்றன? எல்லா பழங்களையும் சூடு மற்றும் குளிர்ச்சி என்று வகைபடுத்துகிறது ஆயுர்வேதம்.

பழங்களின் தன்மை மற்றும் அதனை எடுத்துக் கொள்வதால் உடலில் ஏற்படும் மாற்றம் போன்றவற்றை பொறுத்து இந்த பிரிவுகள் தோன்றுகிறது. உடலின் உட்புற வெப்பநிலையை சில பழங்கள் அதிகரிக்கும், சில பழங்கள் குறைக்கும். இதனை வைத்து அந்த பழம் குளிர்ச்சியானது மற்றும் சூடானது என்று வகைப்படுத்தப்படுகிறது.

சீதாப்பழம் குளிர்ச்சியானதா?

சீதாப்பழம் என்பது ஒரு இனிப்பு சுவையை உடைய பழம். மேலே பச்சை நிற தடித்த தோல் மற்றும் உள்ளே மென்மையான சதைப் பகுதி மற்றும் விதைகள் கொண்டது.

விதையின் மேலே சதைப் பகுதி போர்த்தப்பட்டு இருக்கும் மிகவும் இனிப்பான சுவையைக் கொண்டது இந்த சீதாப்பழம். இந்த பழம் ஒரு குளிர்ச்சியான பழம் ஆகும். இதனை எடுத்துக் கொள்வதால் உடலின் உட்புற வெப்ப நிலை குறைகிறது.

இதனால் இந்த பழத்தை சாப்பிடுவதால் சளி பிடிக்கிறது என்று பொதுவாகக் கூறப்படுகிறது.

எது உண்மை?

சீதாப்பழம் சாப்பிடுவதால் சளி பிடிக்கிறது என்பது உண்மை அல்ல. பொதுவாக , பழங்கள் சாப்பிடுவதால் சளி பிடிப்பதில்லை என்பதை பலரும் புரிந்து கொள்வதில்லை.

பொதுவாக உண்டாகும் சளி தொந்தரவுகள் கிருமிகளால் உண்டாகிறது. இதற்கும் நாம் சாப்பிடும் பழங்களுக்கும் எந்த வித தொடர்பும் இல்லை. அதனால், சீதாப்பழம் உட்கொள்வதால் சளி பிடிக்கிறது என்பது உண்மை இல்லை என்பதை இந்த பதிவின் மூலம் அறிந்து கொள்ளலாம்.

அப்படியென்றால் இது பொய்யா?

குளிர்ச்சியான பழங்களை சாப்பிடுவதால் சளி தொந்தரவுகள் ஏற்படுகிறது என்று காலங்காலமாக நம்பப்படுகிறது. இதனை முற்றிலும் மறுப்பதற்கில்லை.

    குளிர்ச்சியான பழங்கள் உடல் வெப்பத்தைக் குறைக்கிறது என்பது உண்மை, ஆனால் மிகவும் அதிக அளவு உட்கொள்ளும்போதே உடலில் பாதிப்புகளை ஏற்படுத்துகிறது. ஆனால் எந்த ஒரு மனிதராலும் மிக அதிக அளவு பழங்களை சாப்பிட முடியாது.

ஒரே நேரத்தில் மிகவும் அதிகமாக இந்த வகைப் பழங்களை உட்கொள்வதால் உடலின் வெப்பநிலை குறைந்து உடல் நல பாதிப்புகள் தோன்றலாம். இதனால் நமது உடலின் நோயெதிர்ப்பு சக்தி குறைந்து கிருமி தொற்று தாக்கும் அபாயம் உண்டாகிறது. இதனால் சளி அல்லது ஜலதோஷம் உண்டாகிறது.

அத்திப்பழம் ஆரோக்கியம் நிறைந்தது என்பது நமக்குத் தெரிந்திருந்தாலும் அதை எப்படி சாப்பிடுவது என்பது நம்மில் பலருக்கும் தெரியாது. அதனாலேயே நாம் பலரும் அத்திப்பழம் சாப்பிடுவதை தவிர்த்துவிடுகிறோம்.

இன்னொன்று, அந்த பழத்தை இரண்டாகப் பிளந்தால் முழுக்க முழுக்க விதைகளாக, புழுக்களைப் போல் இருக்கும். அதுவும் சிலருக்கு அருவருப்பாக இருப்பதால் தவிர்த்து விடுகிறார்கள்.

எங்கே கிடைக்கும்?

இதன் ஆரோக்கியம் கருதி சாப்பிட்டாலும், பிரஷ்ஷான பழம் எல்லா நேரத்திலும் கிடைப்பதில்லை. அதற்காகவே தற்போது உலர்த்தி பதப்படுத்தப்பட்ட அத்திப்பழங்கள் எல்லா இடங்களிலும் சூப்பர் மார்க்கெட்டுகளிலும் கிடைக்கின்றன. அதனால் எல்லா பருவ காலங்களிலும் நம்மால் அத்திப்பழத்தை சாப்பிட முடியும்.
அத்திப்பழம்

பலரும் உலர் பழங்கள், நட்ஸ் என்றாலே முந்திரி, உலர் திராட்சை, பாதாம் ஆகியவற்றோடு நின்று விடுகிறார்கள். இந்த பழத்தைப் பார்த்தாலும் அதன் நிறம், வடிவம், தோற்றம் பலருக்கும் பிடிக்காததால் தவிர்த்து விடுகிறார்கள். ஆனால் மற்ற உலர் பழங்களை விடவும் அத்திப் பழத்தில் மிக அதிக அளவில் ஊட்டச்சத்துக்கள் நிறைந்திருக்கின்றன. அதனால் இனி மற்ற உலர் பழங்களுக்குப் பதிலாக அதிகமாக அத்திப்பழங்களை எடுத்துக் கொள்ளுங்கள்.

செரிமான சக்தி

உலர்நு்த அத்திப்பழத்தில் அதிக அளவில் நார்ச்சத்துக்கள் நிறைந்திருக்கின்றன. ஒரு நாளைக்கு 3 துண்டுகள் அளவுக்கு அத்திப்பழத்தை சாப்பிட்டு வந்தால், ஒரு நாளைக்கு நம்முடைய உடலுக்குத் தேவையான நார்ச்சத்து கிடைக்கிறது. இதனால் மலச்சிக்கல் தீர்கிறது. இதர செரிமானப் பிரச்சினைகளும் குறையும். குடலியக்கமும் சீராகும்.
எடை இழப்பு

உடல் எடையைக் குறைக்க வேண்டும் என்று விரும்புகின்றவர்கள் தாராளமாக உலர்நு்த அத்திப்பழத்தைச் சாப்பிடலாம். உலர் அத்தியில் அதிக நார்ச்சத்து இருப்பதோடு கலோரியும் மிகமிக குறைவு. ஒரு அத்திப்பழத்தில் 47 கலோரிகள் மட்டுமே உள்ளது. இது நம்முடைய உடலில் 0.2 கிராம் கொழுப்பை கரைக்கும் ஆற்றல் கொண்டிருக்கிறது. அதனால் உடல் எடையைக் குறைக்க நினைப்பவர்கள், ஸ்நாக்ஸ் டைமில் இந்த அத்திப்பழத்தை ஸ்நாக்ஸ் ஆக எடுத்துக் கொள்ளலாம்.

ரத்த அழுத்தம்

உணவில் உப்பு அதிகம் சேர்த்து வந்தீர்கள் என்றால், உடலில் சோடியத்தின் அளவும் அதிகரிக்கும். அப்படி உடலில் சோடியத்தின் அளவு அதிகரித்து, பொட்டாசியத்தின் அளவு குறைந்தது என்றால், அதன் காரணமாகவே ரத்த அழுத்தம் அதிகரிக்கிறது. உலர் அத்திப்பழத்தில் சோடியம் மிகமிக குறைவு என்பதால், உயர் ரத்த அழுத்தம் குறைய ஆரம்பிக்கும்.
ஆன்டி ஆக்சிடண்ட்

உலர் அத்திப்பழத்தில் மிக மிக அதிக அளவில் ஆன்டி ஆக்சிடண்ட் உள்ளது. குறிப்பாக, மற்ற பழங்களை விட இதில் அதிகம் ஆன்டி ஆக்சிடண்ட் உள்ளது. அதோடு வைட்டமின் சி மற்றும் வைட்டமின் ஈ அதிக அளவில் உள்ளது.
இதய நோய்கள்

உலர் அத்தியில் ஆன்டி ஆக்சிடண்ட் அதிகம் இருப்பதால், ஃபீரி ரேடிக்கல்களால் உடலின் ரத்த நாளங்கள் பாதிக்கப்படுவது தடுக்கப்படுகிறது. இதனால் இதய நோய் தடுக்கப்படுகிறது. ரத்த அழுத்தம் குறைவதால், கரோனரி என்னும் இதய நோயின் தாக்கமும் குறைவாக இருக்கிறது.
புற்றுநோய்

இதில் அதிக அளவில் ஆன்டி ஆக்சிடண்ட்டுகள் இருப்பதால், டீஎன்ஏ பாதிப்பு ஏற்படுவது தடுக்கப்பட்டு, அதனால் புற்றுநோய் செல்கள் வளர்வது தடுக்கப்படுகிறது. புற்றுநோய் உண்டவதற்கான வாய்ப்பு மிக மிக குறைவு.

எலும்புகளின் வலிமை

ஒரு உலர்ந்த அத்திப்பழத்தில் 3 சதவீதம் அளவுக்கு கால்சியம் நிறைந்திருக்கிறது. இது ஒரு நாளைக்கு நம்முடைய உடலுக்குத் தேவையான கால்சசியத்தின் அளவாகும். இதனால் ஒரு நாளைக்கு ஒரு உலர்ந்த அத்திப்பழம் வீதம் சாப்பிட்டு வந்தால், எலும்புகளின் அடர்த்தி அதிகரித்து எலும்புகள் வலிமையாக ஆரம்பிக்கும்.
நீரிழிவு உலர்ந்த

அத்திப்பழம் கொஞ்சம் இனிப்புசுவையுடையது. அதனால் சர்க்கரை நோயாளிகள் சாப்பிடலாமா என்ற சந்தேகமும் வருவதுண்டு. ஆனால் இதில் அதிக அளவில் நார்ச்சத்து உள்ளதால் நீரிழிவைக் கட்டுப்படுத்தும். அதேசமயம் சர்க்கரை நோயாளிகள் ஒரு நாளைக்கு எத்தனை பழங்கள் சாப்பிடலாம் என்று ஆலோசித்து அந்த அளவில் எடுத்துக் கொள்ளுங்கள்.
ரத்த சோகை

உலர்ந்த அத்திப்பழத்தில் இரும்புச் சத்து மிக அதிகமாக உள்ளது. அதிலும் ஒரு உலர்ந்த அத்திப்பழத்தில் 2 சதவீதம் அளவுக்கு இரும்புச்சத்து நிறைந்துள்ளது. உடல் முழுவதும் ஹீமோகுளோபிளை எடுத்துச் செல்ல, கனிமச்சத்துக்கள் இன்றியமையாதது. எனவே தினமும் ஒரு உலர் அத்திப்பழத்தை சாப்பிட்டுக் கொண்டு வந்தால், உடலின் ஹீமோகுளோபின் அதிகரித்து, ரத்தசோகை வருவதும் தடுக்கப்படும்.

பாலுணர்ச்சி தூண்டல்

கிரேக்கர்கள் அத்திப்பழத்தை ஒரு இயற்கை பாலுணர்வு ஊக்கியாகச் செயல்படுகிறது என்று சாப்பிட்டு வந்தனர். அத்திப்பழமானது ஒரு புனித பழமாகவும் காதல் மற்றும் கருவுறுதலுக்கான பழமாகவும் கருதினர். இது பாலுணர்வைத் தூண்டச் செல்கிறது. இதற்கு அத்திப்பழத்தில் உள்ள அதிக அளவிலான ஜிங்க், மாங்கனீசு ஆகியவை இனப்பெருக்க மண்டலத்தை அதிகரிக்கச் செய்கிறது.

தமிழ் சினிமாவின் தளத்தை ஒரு சில இயக்குனர்கள் மட்டுமே அடுத்த தளத்திற்கு எடுத்து செல்வார்கள். அப்படி குறும்படம் மூலம் ஒரு குரூப் தமிழ் சினிமாவில் காலடி எடுத்து வைத்து கலக்கி வருகின்றது. அந்த வரிசையில் முண்டாசுப்பட்டியில் காலடி எடுத்து வைத்த ராம்குமாரின் அடுத்தப்படைப்பு தான் ராட்சசன், இதுவும் மக்களை கவர்ந்ததா? பார்ப்போம்.

கதைக்களம்

விஷ்ணு பெரிய இயக்குனர் ஆகவேண்டும் அதுவும் முதல் படம் சைக்கோ படமாக இருக்க வேண்டும் என்று கடுமையாக உழைக்கின்றார். இதற்காக உலகில் உள்ள அனைத்து சைக்கோக்கள் பற்றியும் தகவல்கள் சேகரித்து வைக்கின்றார்.

அந்த சமயத்தில் போலிஸாக இருந்த அவருடைய அப்பா இறக்க, போலிஸ் வேலை இவரை தேடி வருகின்றது. அவரும் குடும்ப வறுமை காரணமாக அந்த வேலையில் சேர்கின்றார்.

சென்னையில் தொடர்ந்து பள்ளி மாணவிகள் கடத்தப்பட்டு கொடூரமாக கொலை செய்யப்படுகின்றனர், இவை தமிழக காவல் துறைக்கு பெரும் தலை வலியாக இருக்க, விஷ்ணு சினிமாவிற்காக எடுத்து வைத்த பல தகவல்கள் இந்த கேஸிற்கு உதவ, அதன் பின் இந்த சைக்கோவை தேடி அலையும் விஷ்ணு எப்படி அவனை கண்டுப்பிடிக்கின்றார் என்பதை சீட்டின் நுனிக்கு வர வைத்து காட்டியுள்ளனர்.

படத்தை பற்றிய அலசல்

முதலில் விஷ்ணுவிற்கு தான் பாராட்டு, வெறுமென கமர்ஷியல் மசாலாவில் மாட்டாமல், முண்டாசுப்பட்டி, நேற்று இன்று நாளை, ராட்சசன் என வித்தியாசமாக கதைகளை தேர்ந்தெடுத்து நடித்து அசத்தி வருகின்றார். இதுவரை நடித்ததில் விஷ்ணுவின் பெஸ்ட் ராட்சசன என்று சொல்லிவிடலாம்.

அவரை தாண்டி முனிஷ்காந்த், அட முண்டாசுப்பட்டியில் காமெடியில் கலக்கியவரா இவர், எமோஷ்னல் காட்சியில் கலங்க வைக்கின்றாரே என ஆச்சரியப்பட வைக்கின்றார். ஒரு த்ரில்லர் படத்திற்கு மிக முக்கியமே அடுத்து என்ன, யார் இதை செய்கின்றார்கள் என்பதை மக்களிடம் பதிய வைப்பது தான்.

படம் கிட்டத்தட்ட 3 மணி நேரம் தான், ஆனால் ஒரு காட்சியில் கூட உங்களை சோர்வாக்காது, பரபரப்பிலேயே உங்களை கட்டிப்போட்டு இருக்கும். அதிலும் பள்ளி ஆசிரியர் ஒருவர் மாணவிகளை எப்படி தன் ஆசைக்கு இணங்க வைக்கின்றார் என்ற காட்சிகளை காட்டிய விதம் எல்லாம், கண்டிப்பாக அனைத்து பெற்றோர்களுக்கும் ஒரு விழிப்புணர்வு தான், நமக்கே அவரை அடிக்க வேண்டும் என்ற உணர்வை இயக்குனர் கடத்தி செல்கின்றார்.

ஒரு சைக்கோ, பழிவாங்கும் கதை என்றாலே ப்ளாஷ்பேக் கண்டிப்பாக இருக்கும். ஹாலிவுட் படங்களுக்கு இது தேவையில்லை என்றாலும், தமிழுக்கு இவை மிகவும் முக்கியம் தான், அந்த விதத்தில் சைக்கோவிற்காக ப்ளாஷ்பேக் காட்சிகள் மிக அழுத்தமாக உள்ளது.

ஆனால், கொஞ்சம் கொரியன் படமான மெமரீஸ் ஆப் மர்டரை நியாபகப்படுத்துகின்றது, அதை தவிர்க்க முடியவில்லை ராம்குமார். அதிலும் குறிப்பாக அந்த ரோடியோவில் இசையை வைத்து சைக்கோ கொலைக்காரனை கண்டுபிடிக்க வைக்க எடுக்கும் முயற்சிகள், கொஞ்சம் மெமரீஸ் ஆப் மர்டரை நியாபகப்படுத்தினாலும், மற்றபடி இது பெஸ்ட் சைக்கோ த்ரில்லர் டாப் லிஸ்டில் இடம்பெறும்.

படத்தின் ரியல் ஹீரோ ஜிப்ரான் தான், காட்சிக்கு காட்சி தன் இசையால் நம்முள் பதட்டத்தை கொண்டு செல்கின்றார். ஒளிப்பதிவாளர் ஷங்கரின் ஒளிப்பதிவு நம்மையும் கூடவே அழைத்து செல்கின்றது.

க்ளாப்ஸ்

படத்தின் திரைக்கதை, எவ்வளவு பெரிய படமாக இருந்தாலும் ஒரு நொடி கூட நம் கவனத்தை திசை திருப்பவில்லை.

படத்தில் வரும் சைக்கோ கொலைக்காரனுக்கான அழுத்தமான ப்ளேஷ்பேக் காட்சிகள். பல இடங்களில் நம்மை அச்சத்தில் உறைய வைக்கின்றார்.

ஒரு சில காட்சிகள் ஹாலிவுட் படம் போல் குறிப்பாக சொல்ல வேண்டுமென்றால் விஷ்ணு தூக்கத்திலிருந்து எழும் காட்சி, ஏதோ துப்பாக்கியில் சுடுவது போல் வந்து உடனே எழுவது தமிழ் சினிமாவில் கொஞ்சம் புதிது.

ஜிப்ரானின் பின்னணி இசை மற்றும் டெக்னிக்கல் விஷயங்கள். கிளைமேக்ஸ் ஸ்டெண்ட் சூப்பர்.

பல்ப்ஸ்

சைக்கோ கொலைக்காரனை ஊர் போலிஸே தேடுகின்றது, அவரும் ரன்னிங்கில் இருப்பார் என்று பார்த்தால் அந்த பதட்டத்தில் அவருக்கு எப்படி விஷ்ணுவின் காதலி(அமலா பால்) வீடு, அவருக்கு உதவி செய்யும் ராதாரவி வீட்டையெல்லாம் கண்டுபிடித்து கொல்ல வருகின்றார் என்று தெரியவில்லை.

மொத்தத்தில் உங்களை சீட்டின் நுனிக்கு கொண்டு வந்து கடைசி வரை பதட்டத்தில் வைத்திருக்கும் ஒரு அனுபவத்தை அடைய கண்டிப்பாக இந்த ராட்சசனை விசிட் அடிக்கலாம்.