என் புத்தகம்

இன்றைய காலகட்டத்தில் பிரபல நடிகைகள் தனிப்பட்ட கதாபாத்திரங்களில் நடித்து வெற்றியும் அடைகின்றனர்.ஆனால் 90களிலேயே தனிப்பட்ட கதாநாயகி கதாபாத்திரத்தில் அதிரடி நாயகியாக நடித்து பெண் ஜாக்கிசான் என புகழ் பெற்றவர் விஜயசாந்தி.

இவர் அனைத்து மொழிகளிலும் சேர்த்து சுமார் 200 திரைபடங்களில் நடித்து உள்ளார். கார்தவ்யம் திரைப்படத்தில் நடித்ததற்காக சிறந்த நடிகைக்கான இந்திய தேசிய திரைப்பட விருதினை வென்றார்.மேலும் தென்னிந்திய வாழ்நாள் சாதனையாளருக்கான பிலிம்பேர் விருதையும் வென்றுள்ளார்.அப்போதே ஒரு படத்திற்கு 1 கோடி சம்பளம் வாங்கியுள்ளார்.

இவர் 2004இல் காங்கிரஸ் கட்சியில் உறுப்பினராக இணைந்தார். தொழிலதிபர் ஸ்ரீனிவாஸ் பிரகாஷ் என்பவரை திருமணம் செய்துகொண்ட இவருக்கு தற்போதுவரை குழந்தை இல்லாமல் பரிதவித்து வருகிறார்.

ரஜினி அடுத்து கார்த்திக் சுப்புராஜ் இயக்கத்தில் தான் நடிக்கவிருக்கின்றார். இப்படத்தை சன் பிக்சர்ஸ் நிறுவனம் தயாரிக்க, அனிருத் இசையமைக்கவுள்ளார்.

இந்நிலையில் சமீபத்தில் தான் கார்த்திக் சுப்புராஜ் ரஜினியை வீட்டில் சந்தித்து பட விவாதத்தில் கலந்துக்கொண்டார்.

அவரிடம் படத்தின் முழு கதையையும் ஒப்படைக்க எப்போது வேண்டுமானாலும் படத்தின் படப்பிடிப்பு தொடங்கலாம்.

தற்போது கிடைத்த தகவலின்படி தீபிகா படுகோன், அஞ்சலி, த்ரிஷா ஆகியோருக்கிடையே தான் இப்படத்தில் ஹீரோயினாக நடிக்க போட்டி நடந்து வருகின்றதாம்.

கவிஞர் சினேகன் நடிக்கவிருக்கும் 'பனங்காட்டு நரி' படத்தில் அவருக்கு ஜோடியாக நடிகை ஓவியா நடிக்கவுள்ளதாகத் தகவல்கள் வெளியாகியுள்ளன.

கமல்ஹாசன் தொகுத்து வழங்கிய 'பிக்பாஸ்' நிகழ்ச்சிக்குப் பிறகு சினேகன், ஓவியா இருவருமே ரசிகர்கள் மத்தியில் பிரபலமானார்கள்.

    'பனங்காட்டு நரி' படத்தின் ஃபர்ஸ்ட் லுக்கை ஓவியா சமீபத்தில் வெளியிட்டார். இந்நிலையில், சினேகனுக்கு ஜோடியாக ஓவியா நடிக்கவிருப்பதாகக் கூறப்படுகிறது.

பாடலாசிரியர் சினேகன் பிக்பாஸ் நிகழ்ச்சி மூலம் பிரபலமானார். நடிகை ஓவியா பல படங்களில் நடித்திருந்தாலும் மக்கள் மத்தியில் அதிகமாகப் பிரபலமானது பிக்பாஸ் நிகழ்ச்சியின் மூலம்தான்.

பிக்பாஸ் நிகழ்ச்சியில் கலந்து கொண்ட அனைவருமே படங்களில் பிஸியாக நடித்து வருகின்றனர்.

இப்படத்தில் ஓவியா நடிப்பது குறித்த அதிகாரப்பூர்வ அறிவிப்பு கூடிய விரைவில் வெளியாகலாம் எனக் கூறப்படுகிறது. எனினும்,ஓவியா ரசிகர்கள் சிலர் அதிர்ச்சியடைந்துள்ளனர்.

ஆரவ் கூட பல படங்களில் நடிக்க வாய்ப்பு கிடைத்தும் ஓவியா நிராகரித்து விட்ட நிலையில் சினேகனுக்கு மட்டும் எப்படி ஓகே செல்லியிருப்பார் என்று சிலர் கேள்வி எழுப்பியுள்ளனர்.

தமிழ் சினிமாவில் பல திறமைகளை கொண்ட ஒரே கலைஞர் டி ராஜேந்தர். இவர் சமீபத்தில் ஜீ தொலைக்காட்சியில் ஒளிபரப்பாகி வரும் சரிகமப நிகழ்ச்சியில் கலந்து கொண்டார்.

இந்த ஷோவில் அவரை பெருமை படுத்தும்விதமாக அவருக்கே தெரியாமல் தன குடும்ப உறுப்பினர்கள் டி ஆரை பற்றி வீடியோ மூலம் பகிர்ந்தார். இதில் அவரது மனைவி உஷா தனது கணவர் எப்படி பட்டவர் என்பதை பற்றி பேசினார். அவர் பேசுகையில், என் கணவர் கல்யாணம் செய்யறதுக்கு முன்பு நல்லவர் என்பது எனக்கு தெரியும், ஆனால் இவ்வளவு நல்லவர் என்பது எனக்கு தெரியாது. ஒரு பொண்ணை கூட தொடாமல் நடித்த முதல் நடிகர்.

அதுமட்டுமில்லாமல் குடும்பத்தின் மீது அதிக பாசத்தை கொண்டவர். ஒரு மறக்க முடியாத விஷயத்தை பகிர்கிறேன் " 1982 கல்யாணம் ஆகி ஒரு வாரம் தான் இருக்கும், எனக்கு ஒரு டான்ஸ் ஷோக்காக வெளிநாடு சொல்லவேண்டியது இருந்தது, வேறுவழியில்லாமல் அவரை விட்டு பிரிந்து சென்றேன், அந்த காலத்தில் போன் கிடையாது அல்லவா, அவர் எனக்கு பல கடிதம் மூலம் தனது பிரிவை பற்றி எழுதிருந்தார்.

அதில் ஒரு கடிதத்தில் தன்னுடைய வலிகளை ஒரு கவிதையாக எழுதியிருந்தார் அந்த கவிதை " கங்கைக்கரை காற்றே நில்லு ,மங்கைதனி பார்த்த சொல்லு , காற்றே பூங்காற்றே மன்னன் மனம் வாடுது என்று மங்கைதனி தேடுது என்று எழுதியிருந்தார். அதையே ஒரு பாடலாக இசையமைத்து உயிர் உள்ள வரை உஷா படத்தில் வைத்தார் என கணவர் என கூறினார்.

 சமீபகாலமாக வலைதளங்களில் அதிகளவு ட்ரெண்டாகி வருகிறது. ஸ்டெர்லைட் என்றால் என்ன அதனை ஏன் மக்கள் வேண்டாம் என போராடுகிறார்கள் என்பது இங்கு எத்தனை பேருக்கு தெரியும்.

ஸ்டெர்லைட் என்பது வேதாந்தா குரூப்ஸ் -ன் காப்பர் தயாரிக்கும் ஒரு தொழிற்சாலை. இந்த தொழிற்சாலையிலிருந்து தான் இந்தியா பல்வேறு இடங்களுக்கு அதிகளவு காப்பர் சப்ளை செய்யப்பட்டு வருகிறது.

இந்த காப்பர் தான், புதிய புதிய கார், பைக் மற்றும் பல பொருட்கள் செய்ய பயன்படுத்தப்பட்டு வருகிறது.

தொழில்நுட்பம் வளர்ந்து வரும் இக்காலகட்டத்தில் காப்பர் எவ்வளவு முக்கியம் என்பதை அனைவரும் அறிவோம். அப்படியிருக்கையில், இந்த ஸ்டெர்லைட் தொழிற்சாலையை மட்டும் ஏன் மக்கள் எதிர்க்கிறார்கள்?

பொதுவாக, இந்த மாதிரியான தொழிற்சாலைகளையெல்லாம் இயற்கை வளங்களை தாண்டி 25 கி.மீ தொலைவிலும், மக்கள் வாழக்கூடிய பகுதியிலிருந்து 15 கி.மீ தொலைவில் தான் அமைக்க வேண்டும்.

ஆனால், தூத்துக்குடியில், இந்த விதிகளை கடைபிடிக்காமலே ஸ்டெர்லைட் தொழிற்சாலை நிறுவப்பட்டது. மேலும், இங்கு சல்ஃபர் டை ஆக்ஸைடு போன்ற வாயு வெளியாகும். ஆனால் அதையும் இந்த தொழிற்சாலை சல்ஃப்யூரிக் ஆசிட், பாஸ்ஃபுயூரிக் ஆசிட் போன்ற ஆசிட்களை தயாரிக்க ஆரம்பித்தனர்.

இதற்கு, அதிகளவு தண்ணீர் தேவைப்படும், ஆனால், இந்த தொழிற்சாலை மக்கள் வாழக்கூடிய பகுதிக்கு அருகிலேயே இருப்பதால் மக்களுக்கு செல்லக்கூடிய தண்ணீரை இவர்கள் உபயோக்கபடுத்திக் கொண்டனர்.

இதனால், இதைச் சுற்றி உள்ள விவசாய நிலங்கள் எல்லாம் அதிகளவு பாதிக்கப்பட்டது. இதனால் தான் இந்த தொழிற்சாலை ஆரம்பித்ததிலிருந்து மக்கள் எதிர்ப்பை தெரிவித்துக் கொண்டுள்ளனர்.

இந்நிலையில், கடந்த 2013 ஆம் ஆண்டு 23 ஆம் திகதியில் இந்த தொழிற்சாலைகளுக்கு அருகில் உள்ள பகுதி மக்களுக்கு கண் எரிச்சலும், மூச்சுத் திணரலும் அதிகளவு ஏற்பட்டுள்ளது.

திடீரென்று, பகுதி மக்கள் அனைவருக்கும் மூச்சு திணரல் ஏற்பட காரணம் என்ன என்று ஆராய்ந்து பார்த்த பொழுது தான் தெரிந்தது, தொழிற்சாலையில் ஏற்பட்ட ஒரு பிரச்சணையால் அதிகளவு சல்ஃபர் டை ஆக்ஸைடு வாயு காற்றுடன் கலந்து தான் இந்த மூச்சு திணரல் ஏற்பட்டுள்ளது என்பது.

வழக்குகள்

ஸ்டர்லைட் நிறுவனம் சூழலியல் மாசை உண்டாக்குவதாக குற்றஞ்சாட்டி, நேஷனல் ட்ரஸ்ட் ஆஃப் க்ளீன் என்விரான்மென்ட், வைகோ, கம்யூனிஸ்ட் கட்சிகள் உள்ளிட்ட தரப்பிலிருந்து வழக்குகள் பதியப்பட்டன.

1997-2012 ஆம் ஆண்டு காலத்தில் சில ஆண்டுகள் முறையான அரசு ஒப்புதல்களை புதுப்பிக்காமலும் ஆலையை நடத்தியதுதான் இந்த நிறுவனத்தின் மீதான பிரதான குற்றச்சாட்டு.

இந்த வழக்கில் தீர்ப்பளித்த உயர் நீதிமன்றம், 2010 ஆம் ஆண்டு நிறுவனத்தை மூடக்கோரியது. உச்சநீதிமன்ற மேல் முறையீட்டில், நூறு கோடி அபராதம் அளித்து நிறுவனம் தொடர்ந்து செயல்பட அனுமதி அளித்தது.

இத்தனை நாட்கள் இல்லாமல் ஏன் இந்த திடீர் போராட்டம் என்று கேட்பவர்களுக்கு?

இது திடீர் போராட்டம் எல்லாம் இல்லை. அந்த நிறுவனம் தொடங்கப்பட்ட நாளிலிருந்து சட்டத்துக்கு உட்பட்ட அனைத்து வழிகளிலும் போராடி வருகிறோம். சனிக்கிழமையன்று நடந்த போராட்டம் அந்நிறுவனத்தின் விரிவாக்கத்தை எதிர்த்து நடந்தது. அந்நிறுவனத்தின் தற்போதைய உற்பத்தி திறன் ஆண்டிற்கு 4 லட்சம் டன். இதுவே மோசமான சூழலியல் விளைவுகளை ஏற்படுத்தி வரும் நிலையில். மேலும் ஆண்டிற்கு 4 லட்சம் டன் தாமிர உற்பத்தி செய்யும் அளவுக்கு விரிவாக்குவது மோசமான விளைவுகளை ஏற்படுத்தும் என்கிறார்கள் அந்நிறுவனத்துக்கு எதிராக போராடி வரும் போராட்டக் குழுவினர்.

"நாங்கள் ஸ்டர்லைட் நிறுவனத்தை எதிர்க்கிறோம் என்று குறுக்கி பார்க்காதீர்கள். குடியிருப்பு பகுதியில் தாமிர உருக்காலை இருப்பதைதான் எதிர்க்கிறோம். அந்நிறுவனத்தின் சூழலியல் தவறுகளை சரியாக கண்காணித்து நடவடிக்கை எடுக்காத, மக்கள் பாதுகாப்பின் மீது அக்கறை கொள்ளாத அரசைதான் எதிர்க்கிறோம் என்கின்றனர் தூத்துகுடி மக்கள்.

இரண்டு நாட்களில் ஒரு இளம்பெண்ணை உலகறிய செய்த நம்மால் ஏன் இரண்டு வாரமாக போராடும் மக்களை பற்றி நினைக்க நேரமில்லை. இது என்ன பல மாதமாக போராடும் விவசாயிகளையே நாம் நினைக்கவில்லை.

மாட்டுக்காக போராடிய நம்மால் அதை வளர்க்கும் மனிதனுக்கு போராட தோணவில்லை என்பதை நினைத்தால் தான் வருத்தமாக உள்ளது.

சினிமா ஸ்டிரைக்! தியேட்டர்கள் வெறிச்!

கடந்த ஒரு மாத காலமாக இதுதான் தமிழ்நாட்டின் நிலைமை. பொழுதுபோக்க வருகிற குடும்பத்தின் பாவத்தையும் சேர்த்துக் கொட்டிக் கொண்ட தியேட்டர்கள், இப்போது பாவத்தின் சம்பளத்தை அறுவடை செய்து கொண்டிருக்கிறார்கள். தியேட்டரை நம்பி உள்ளே கடை போட்டவர்களுக்கும் சேர்த்து கூழும் கஞ்சியும்தான் கலெக்ஷன்!

மூதேவிக்கும் சீதேவிக்குமான வித்தியாசத்தை இப்போது தெரிந்து கொண்ட சில தியேட்டர்கள் மட்டும், தங்களது டிக்கெட் தில்லாலங்கடி மேட்டர்களுக்கு விடை கொடுக்க துணிந்துவிட்டன. பாதிக்கு மேல் நோ நோ… என்கிறார்கள். இந்த ஸ்டிரைக் இன்னும் ஒரு மாதம் நீடித்தால், நினைத்ததை நடத்தி விடலாம் என்று தயாரிப்பாளர் சங்கம் நினைத்துக் கொண்டிருக்க… தனது காலா படத்தை ஏப்ரல் 27 ந் தேதி கொண்டு வந்தே தீருவது என்பதில் படு தீவிரமாக இருக்கிறாராம் ரஜினி.

சினிமா எக்கேடு கெட்டால் என்ன? நான் பிழைத்தால் போதும் என்கிற இந்த நல்ல மனசுக்காரரின் நிஜ உருவம் புரிந்த சினிமா ஏரியா படு ஷாக் ஆகியிருக்கிறது. இந்த மாதம் ரிலீஸ் ஆகாத படங்கள்தான் அடுத்த மாதம் வெளியாக வேண்டும். நடுவில் யார் நுழைந்தாலும் பொறுத்துக் கொள்ள முடியாது என்று குரல் உயர்த்த ஆரம்பித்திருக்கிறார்கள். இன்னும் சிலர் தயாரிப்பாளர் சங்கம் நடத்திய கூட்டத்தில், ‘ரஜினி வீட்டு முன் தீக்குளிப்போம்’ என்கிற அளவுக்கு பேசியிருக்கிறார்கள்.

இதெல்லாம் ஒருபுறமிருக்க, தமிழ்சினிமாவின் முதல் மரியாதைக்குரியவர்களான ரஜினியும் கமலும் தங்களது போராட்டத்திற்கு வியூகம் அமைத்து தருவார்கள் என்று நம்புகிறார் விஷால். இதற்காக கமல்ஹாசனை சந்தித்து ஆலோசனை கேட்டு வந்தார். அடுத்து ரஜினி முறை.

அவரை சந்திக்க முன் அனுமதி கேட்டு பல நாட்கள் ஆச்சாம். ஆனால் அங்கிருந்து ஒரு நல்ல பதிலும் வந்து சேர்ந்த பாடில்லை.

ஏன்யா… காலாவுக்கு வழி விட மாட்டீங்க, ஆனா காலாட்ட ஐடியா மட்டும் கேட்பீங்களா? நல்லாயிருக்கு உங்க நட்டுவாங்கம்?

நடிகர் விஜய்யின் அப்பா எஸ்.ஏ.சந்திரசேகர் தற்போது டிராபிக் ராமசாமி அவர்களின் வாழ்க்கை வரலாற்று படத்தில் நடித்துவருகிறார்.

இந்நிலையில் அவர் ரஜினி துவங்கவுள்ள அரசியல் கட்சியில் இணையவுள்ளதாக கடந்த சில நாட்களாக தகவல் பரவி வந்தது.

அது பற்றி எஸ்ஏசியிடம் கேட்டபோது, "ரஜினி மீது எனக்கு அதிக மரியாதை உள்ளது. ஆனால் அவரின் அரசியல் கட்சியில் இணையமாட்டேன். அப்படி பரவும் செய்தி உண்மையல்ல" என பதிலளித்தார்.