என் புத்தகம்

பணத்தை பங்கு போடுவதில் ஏற்பட்ட பிரச்சனை, தகராறு, போதை, கொலை, சரண் என ஒவ்வொன்றாக நடந்து முடிந்துள்ளது இந்த திருநங்கைகளின் வாழ்க்கையில்!

சென்னை மாங்காடு அடுத்த சிக்கராயபுரம் பகுதியில் சவுமியா என்ற திருநங்கை தனது தோழிகளான 8 திருநங்கையுடன் ஒரு வீடு வாடக்கு எடுத்து தனியாக தங்கியிருந்தார். சவுமிவுக்கு வயசு 25

வசந்த் (எ) வசந்தி,செல்வமணி (எ) ஸ்ரேயா, வெங்கடேசன் (எ) ஆர்த்தி. மனோஜ் (எ) மனீசா சபிக்ஷா (எ) திவ்யா, ரோசி (எ) வினோதினி, சங்கர் (எ) சுதா, அசோக் (எ) ரெஜினா, ஆகியோர்தான் அந்த தோழிகள். இவர்கள் அனைவருமே 26 வயசை தாண்டாதவர்கள்!

 கல்குவாரி

இவர்கள், அந்தப் பகுதியில் இருக்கும் கடைகளில் வசூல் செய்து, அதனை பங்கிட்டு வாழ்க்கை ஓட்டி வந்தனர். கடந்த 6-ம்தேதி வசூல் செய்த பணத்துடன், மது வாங்கி கொண்டு, சிக்கராயபுரம் கல்குவாரி குட்டை அருகே வந்தனர்.

வசூல் பணம்

எல்லோரும் ஒன்றாக சேர்ந்து தண்ணி அடித்தனர். போதையும் தலைக்கு ஏறியது. அப்போது சவுமியாவிற்கும் மற்ற திருநங்கைளுக்கும் வசூல் செய்த பணத்தை பிரிப்பதில் பிரச்சனை எழுந்தது. இதனால் ஆத்திரப்பட்ட மற்ற திருநங்கைகள் சவுமியாவை சரமாரியாக தாக்கியதில், அங்கேயே உயிரிழந்துவிட்டார் சவுமியா.

மகாலட்சுமி

இதைபார்த்து என்ன செய்வதென்றே தெரியாத திருநங்கைகள் தங்கள் சங்க தலைவி கணபதி என்ற மகாலட்சுயிடம் வந்து சொன்னார்கள். உடனே அவர், கொல்லப்பட்ட கல்குட்டையிலேயே சவுமியா பிணத்தை வீசிவிடுங்கள் என்றார். அதன்படியே செய்துவிட்டு, ஒன்றும் தெரியாதது போல சகஜமாக இருந்தனர். கல்குட்டையில் சவுமியா உடலை கண்ட போலீசார், யார், என்ன விவரம் என கண்டுபிடித்து, தோழிகளிடமே கொண்டு வந்து கொடுத்துவிட்டு போயினர்.

சித்ரவதை

இந்த சம்பவத்துக்கு பிறகு, மகாலட்சுமியிடம் நடவடிக்கை மாறியது. 8 திருநங்கைகளிடமும், தினமும் 3000 ரூபாய் வேண்டும் என்று மிரட்ட தொடங்கினார். அதன்படியே அவர்களும் தந்தனர். ஒருசில சமயங்களில் தர முடியாமல் போனால் மகாலட்சுமி ஆட்களை வைத்து அடித்து உதைத்து சித்ரவதை செய்துள்ளார்.

சரமாரி அடி

இதனால் வலி பொறுக்க முடியாத அவர்கள், தப்பித்து சென்றாலும் ஆள்வைத்து கடத்தி அடித்துள்ளார். இதனால் அவர்களிடமிருந்தும் தப்பிய 8 பேரும் மாங்காடு போலீஸ் ஸ்டேஷனில் சரண் அடைந்தனர். இதையடுத்து அனைவரையும் போலீசார் கைது செய்து, ஜெயிலில் அடைத்தனர். சங்க தலைவி மகாலட்சுமியை தேடி வருகிறார்கள்.

தடுப்பூசிகள் மீதான உலகின் பிற்போக்குத்தனமான செயல்பட்டால், நோய் கிருமிகளின் மூலம் பரப்பப்படும் உயிழப்பை ஏற்படுத்தக் கூடிய நோய்களை தடுக்க வாய்ப்பிருந்தும் முறியடிக்க முடிவதில்லை என்று வல்லுநர்கள் எச்சரிக்கின்றனர்.

நோய்த்தடுப்பு ஊசிகள் குறித்த மக்களின் மனப்பான்மையை அறிவதற்காக நடத்தப்பட்ட உலகளவிலான ஆய்வில் பல பிராந்தியங்கள் மிகவும் குறைவான நம்பகத்தன்மையை பதிவு செய்துள்ளன.

உலகிலுள்ள 140க்கும் மேற்பட்ட நாடுகளை சேர்ந்த 1,40,000க்கும் மேற்பட்ட மக்களிடம் இதுகுறித்த ஆராய்ச்சியை வெல்கம் டிரஸ்ட் எனும் அமைப்பு மேற்கொண்டது.

உலகளவில் சுகாதாரத்துறைக்கு இருக்கும் முக்கியமான 10 அச்சுறுத்தல்களாக ஐநாவின் சுகாதார நிறுவனம் குறிப்பிட்டுள்ள பட்டியலில், தடுப்பூசியை போட்டுக்கொள்வதில் இருக்கும் தயக்கமும் இடம்பெற்றுள்ளது.

தடுப்பூசி போட்டுக்கொள்வது தொடர்பாக உலகம் முழுவதும் மேற்கொள்ளப்பட்ட ஆய்வில், மக்கள் சிறிதளவு நம்பிக்கையையே கொண்டுள்ளதாக தெரியவந்துள்ளது.

தடுப்பூசிகள் பாதுகாப்பானதா என்று கேட்டபோது,

    79% பேர் சிறிதளவு அல்லது முற்றிலுமாக நம்புவதாக தெரிவித்தனர்.
    7% பேர் சிறிதளவு அல்லது முற்றிலுமாக நம்பவில்லை
    17% பேர் தெளிவுற பதிலளிக்கவில்லை.

தடுப்பூசிகள் வேலை செய்ததாக நம்பினார்களா என்று கேட்டபோது,

    84% பேர் சிறிதளவோ அல்லது முற்றிலுமாகவோ நம்புவதாக தெரிவித்தனர்.
    5% சிறிதளவோ அல்லது முற்றிலுமாகவோ நிராகரித்தனர்.
    12% பேர் தெளிவுற பதிலளிக்கவில்லை.

இது ஏன் முக்கியமானது?

தட்டம்மை போன்ற கொடிய மற்றும் பலவீனப்படுத்தும் தொற்றுநோய்களுக்கு எதிராக தடுப்பூசி சிறந்த பாதுகாப்பாகும் என்பதற்கு ஏராளமான அறிவியல் சான்றுகள் உள்ளன.

தடுப்பூசிகள் உலகெங்கிலும் உள்ள பில்லியன்கணக்கான மக்களைப் பாதுகாக்கின்றன. பெரியம்மை எனும் நோயிலிருந்து உலகம் முற்றிலுமாக விடுபட்டுள்ளதுடன், போலியோ போன்றவற்றை உலகிலிருந்து முற்றிலுமாக நீக்கும் முயற்சியில் வெற்றியை நெருங்கியுள்ளது.

ஆனால்,பயம் மற்றும் தவறான தகவல்களால் மக்கள் தடுப்பூசிகளை போட்டுக்கொள்வதை தவிர்ப்பதால் அம்மை போன்ற வேறு சில நோய்கள் மீண்டும் எழுச்சி பெறுகின்றன என்று நிபுணர்கள் கூறுகின்றனர்.

தற்போதைய நிலைமை தீவிரமாக உள்ளதாக கூறுகிறார் ஐநாவின் உலக சுகாதார மையத்தின் நோய்த்தடுப்பு நிபுணர் டாக்டர் ஆன் லிண்ட்ஸ்ட்ராண்ட்.

"தடுப்பூசியின் மூலம் தடுக்கக் கூடிய நோய்களை கட்டுப்படுத்துவதில் உலகம் கண்டுள்ள மிகப் பெரிய முன்னேற்றத்தை, தடுப்பூசியை போட்டுக்கொள்வதிலுள்ள தயக்கம் மட்டுப்படுத்துகிறது" என்று அவர் கூறுகிறார்.

"உலகிலிருந்து முற்றிலுமாக நீக்கப்பட்டுவிட்டதாக நாம் நினைக்கும் சில நோய்கள் மீண்டும் தலைத்தூக்குவது ஏற்றுக்கொள்ள முடியாத பின்னடைவு."
தட்டமையின் நிலவரம் என்ன?

தட்டமையை முற்றிலுமாக நீக்கும் நிலையை நெருங்கிய பல நாடுகளில் திடீர் பின்னேற்றம் ஏற்பட்டுள்ளது.

எந்தவொரு காரணத்திற்காகவும் தடுப்பூசி போடுவதை தவிர்க்க நினைத்தால் அது அச்சுறுத்தலுக்கு வழிவகுக்கும்.

தடுப்பூசிகள் போட்டுக்கொண்ட மக்களின் எண்ணிக்கை பெரும்பான்மையை தொட்டுவிட்டால், அது மேலும் பரவுவதை தடுக்க முடியும் என்று வல்லுநர்கள் தெரிவிக்கின்றனர்.

எந்த பகுதியில் நம்பகத்தன்மை குறைவாக உள்ளது?

அதிக வருமானத்தை கொண்டவர்கள் வசிக்கும் பிராந்தியங்கள் உள்பட உலகின் பல்வேறு பகுதிகளிலும் தடுப்பூசிகள் குறித்து மக்களிடையே குறைந்த நம்பகத்தன்மை நிலவி வருகிறது.

எடுத்துக்காட்டாக, இந்த கருத்துக்கணிப்பில் பங்கேற்ற மூன்றில் ஒரு பிரான்ஸ் நாட்டு மக்கள் தாங்கள் தடுப்பூசியை நம்புவதில்லை என்று தெரிவித்துள்ளனர். அதுமட்டுமின்றி, தடுப்பூசிகள் மீதான குறைந்த நம்பகத்தன்மையில் பிரான்ஸ்தான் முதலிடம் வகிக்கிறது.

இதன் காரணமாக, பிரான்ஸ் நாட்டை சேர்ந்தவர்கள் கண்டிப்பாக போட்டுக்கொள்ள வேண்டிய தடுப்பூசிகளின் எண்ணிக்கையை மூன்றிலிருந்து எட்டாக அந்நாட்டு அரசாங்கம் உயர்த்தியுள்ளது.

அதே போன்று, பிரான்ஸுக்கு அருகிலுள்ள நாடான இத்தாலியில் நோய்த்தாக்கங்களின் எண்ணிக்கை அதிகரிக்கவே, தடுப்பூசி போடாத குழந்தைகள் பள்ளியில் படிப்பதை தடைசெய்யும் மற்றும் அவர்களது பெற்றோருக்கு தடை விதிக்கம் சட்டத்தை அந்நாட்டு அரசாங்கம் சமீபத்தில் நிறைவேற்றியுள்ளது. இத்தாலியில் 76 சதவீத மக்கள் தடுப்பூசிகளை நம்புவதாக தெரிவித்துள்ளனர்.

கடந்த சில தசாப்தங்களில் இல்லாத அளவுக்கு, 2019ஆம் ஆண்டின் முதல் பாதிப் பகுதி வரை, அமெரிக்காவின் 26 மாநிலங்களில் 980 தட்டம்மை பாதிப்புகள் கண்டறியப்பட்டுள்ளது.

வட அமெரிக்காவிலும், வட மற்றும் தென் ஐரோப்பாவிலும் 70 சதவீதத்திற்கும் மேற்பட்டவர்கள் தாங்கள் தடுப்பூசியை ஆதரிப்பதாக தெரிவித்துள்ளனர். ஆனால், மேற்கு ஐரோப்பாவில் 59% மற்றும் கிழக்கு ஐரோப்பாவில் 50% பேர்தான் நம்பகத்தன்மை தெரிவித்துள்ளனர்.

கடந்தாண்டு ஐரோப்பியாவிலேயே அதிகமாக 53,218 தட்டம்மை பாதிப்புகளை பதிவு செய்திருந்த உக்ரைன் மக்கள் தடுப்பூசிகள் மேல் 50 சதவீத நம்பிக்கையையே கொண்டுள்ளதாக தெரிவித்துள்ளனர்.

நம்பகத்தன்மை மிக்க பகுதிகள்

குறைந்த வருமானம் கொண்ட நாடுகளை சேர்ந்த மக்கள் பெரும்பாலும் தடுப்பூசிகள் பாதுகாப்பானது என்று இந்த கருத்துக்கணிப்பின்போது தெரிவித்துள்ளனர். அதாவது, உலகிலேயே அதிகபட்சமாக தெற்காசியாவை சேர்ந்த 95 சதவீத மக்கள், அதற்கடுத்த இடத்தை 92 சதவீதத்துடன் கிழக்கு ஆப்ஃரிக்காவும் பெற்றுள்ளது.

வங்கதேசமும் ருவாண்டாவும் மக்களுக்கு தடுப்பூசிகளைப் பெறுவதில் பல சவால்கள் இருந்தபோதிலும் மிக உயர்ந்த நோய்த்தடுப்பு விகிதங்களை அடைந்துள்ளன.

குறைந்த வருமானம் கொண்ட நாடுகளில் ஒன்றான ருவாண்டா இளம்பெண்களை கர்ப்பப்பை புற்றுநோயிலிருந்து பாதுகாக்கும் தடுப்பூசியை நாடு முழுவதும் வழங்கியதில் உலகின் முதல் நாடாக உருவெடுத்துள்ளது.
இந்தியா மற்றும் இலங்கையின் நிலவரம்

இதே கருத்துக்கணிப்பு இந்தியா மற்றும் இலங்கையிலும் நடத்தப்பட்டது.

95 சதவீத இந்தியர்கள் தடுப்பூசிகள் பாதுகாப்பானவை என்று தாங்கள் நம்புவதாக தெரிவித்துள்ளார்கள். அதே போன்று, தடுப்பூசிகள் உண்மையிலேயே பலன்மிக்கதாக உள்ளதாக 95 சதவீதத்தினரும், குழந்தைகளுக்கு தடுப்பூசிகள் முக்கியமென்று 98 சதவீதம் பேரும் கருத்துத் தெரிவித்துள்ளனர்.

அதே போன்று தங்களது குழந்தைகளுக்கு தடுப்பூசிகள் போடப்பட்டதாக 91 சதவீத பெற்றோர்கள் தெரிவித்துள்ளனர்.

இலங்கையை பொறுத்தவரை, 95 சதவீத்தினர் தடுப்பூசிகள் பாதுகாப்பானவை என்று தாங்கள் நம்புவதாக தெரிவித்துள்ளார்கள். அதே போன்று, தடுப்பூசிகள் உண்மையிலேயே பலன்மிக்கதாக உள்ளதாக 95 சதவீதத்தினரும், குழந்தைகளுக்கு தடுப்பூசிகள் முக்கியமென்று 95 சதவீதம் பேரும் கருத்துத் தெரிவித்துள்ளனர்.

அதே போன்று தங்களது குழந்தைகளுக்கு தடுப்பூசிகள் போடப்பட்டதாக 95 சதவீத பெற்றோர்கள் தெரிவித்துள்ளனர்.
மக்களை அச்சமடைய வைப்பது எது?

விஞ்ஞானிகள், மருத்துவர்கள் போன்றவர்கள் மீது நம்பிக்கை கொண்டவர்கள் பெரும்பாலும் தடுப்பூசிகள் குறித்த நேர்மறையான பார்வையை கொண்டுள்ளதாக இந்த கருத்துக்கணிப்பின் மூலம் தெரியவந்துள்ளது.

தடுப்பூசிகள் குறித்து மக்களிடையே குறைந்த நம்பகத்தன்மை உள்ளது தொடர்பாக குறிப்பிட்ட எந்த ஒரு காரணமும் இந்த கருத்துக்கணிப்பில் வாயிலாக அறியப்படவில்லை.

அனைத்து விதமான மருந்துகளும் பக்கவிளைவுகளை கொண்டுள்ளன. ஆனால், தடுப்பூசிகள் முழு சோதனைக்கு உட்படுத்தப்பட்ட பின்னரே பயன்பாட்டுக்கு அனுமதிக்கப்படுகிறது.

ஜப்பான், பிரான்ஸ் உள்ளிட்ட பல்வேறு நாடுகளில் தடுப்பூசிகள் குறித்து இணையதளம் வாயிலாக பரப்பப்பட்ட போலிச் செய்திகள் மக்களிடையே அதுகுறித்த எதிர்மறையான எண்ணவோட்டத்தை ஏற்படுத்தியதாக வல்லுநர்கள் தெரிவிக்கின்றனர்.

"தடுப்பூசிகள் குறித்த மக்களிடையேயான தயக்கத்தையும், அச்சத்தையும் போக்குவதற்கு மக்களின் அடிப்படையான கேள்விகளுக்கு அறிவியல் ரீதியாக பதிலளிக்க தெரிந்த மருத்துவ பணியாளர்களே மிகவும் அவசியம்" என்று மருத்துவர் லிண்ட்ஸ்ட்ராண்ட்.

 கும்பகோணம் அருகே திருப்பனந்தாளில் நடந்த நீலப் புலிகள் நிறுவனர் உமர் பாரூக் நினைவு நாள் நிகழ்ச்சியில் பங்கேற்றுப் பேசிய இயக்குநர் பா.ரஞ்சித், தஞ்சையை தலைமையிடமாகக் கொண்டு ஆட்சி புரிந்த மாமன்னர் ராஜராஜசோழனின் ஆட்சிக்காலம் இருண்டகாலம் என்று குறிப்பிட்டிருந்தார். மேலும், சாதி ரீதியான ஒடுக்குமுறைகள் அவரது ஆட்சிக் காலத்தில்தான் தொடங்கின, அந்த ஆட்சியில்தான் தலித் மக்களின் நிலங்களைப் பறித்து பிராமணர்களுக்கு கொடுக்கப்பட்டது என்ற குற்றச்சாட்டை பா.ரஞ்சித் முன்வைத்திருந்தார்.

இந்தப் பேச்சுக்கு பல்வேறு தரப்பினரும் எதிர்ப்பு தெரிவித்து வருகின்றனர்.

இந்த நிலையில் இயக்குநர் பா.ரஞ்சித் மீது திருப்பனந்தாள் காவல் நிலையத்தில் இரண்டு பிரிவுகளின் கீழ் வழக்குப்பதிவு செய்யப்பட்டுள்ளது. பா.ரஞ்சித்தின் கருத்து குறித்து திருப்பனந்தாள் காவல் நிலைய ஆய்வாளர் கவிதா, தாமாக முன்வந்து வழக்குப்பதிவு செய்துள்ளார். 153, 153 – ஏ ஆகிய இரண்டு பிரிவுகளின் கீழ் வழக்குப்பதிவு செய்யப்பட்டுள்ளது. கலகத்தை தூண்டும் வகையில் பேசுவது, சாதி, மதம், மொழி ரீதியாக மோதலை தூண்டும் வகையில் பேசியது என இரண்டு பிரிவுகளில் வழக்குப்பதிவு செய்யப்பட்டுள்ளது.

இந்நிலையில் தனக்கு முன்ஜாமீன் வழங்கக் கோரி  உயர்நீதிமன்ற மதுரைக் கிளையில் பா.ரஞ்சித் மனுத் தாக்கல் செய்து இருந்தார்.  பா.ரஞ்சித்தின் ஜாமீன் மனு, நீதிபதி ராஜமாணிக்கம் முன்பு 19-ம் தேதி விசாரணைக்கு வந்தது.

அப்போது வழக்கில் தங்களையும் எதிர்மனுதாரராக சேர்க்கக் கோரி, முத்துக்குமார் என்பவர் தாக்கல் செய்த மனுவில் சில திருத்தங்கள் இருப்பதால் அதனை சரிசெய்ய கால அவகாசம் வழங்க வேண்டும் என்று கோரி இருந்தார். இதனையடுத்து இந்த வழக்கை ஜுன் 21 ஆம் தேதிக்கு நீதிபதி ஒத்திவைத்தார். அதுவரை பா.ரஞ்சித் மீது எவ்வித கைது நடவடிக்கையையும் எடுக்கக்கூடாது என நீதிபதி தெரிவித்தார்.

இந்நிலையில், இந்த மனு மீதான வழக்கு  இன்று விசாரணைக்கு வந்தது. வழக்கை விசாரித்த நீதிபதி இயக்குநர் பா.ரஞ்சித்தை கைது செய்ய விதித்த தடையை நீட்டிக்க மறுப்பு தெரிவித்து விட்டார்.  இதனையடுத்து இந்த வழக்கு விசாரணையை திங்கள் கிழமைக்கு ஒத்திவைத்தார்.

தடையை நீட்டிக்க உயர்நீதிமன்ற மதுரைக் கிளை மறுத்து உள்ளதால் பா.ரஞ்சித் கைதாவாரா என்ற கேள்வி எழுந்துள்ளது.

பல நேரங்களில் நாம சாப்பிட்ட உணவு கூட நமக்கு நஞ்சாக மாறிவிடும். காரணம் அதிலுள்ள சில பொருட்கள் நம் சீரண மண்டலத்தை பாதித்து விடுகிறது. ஃபுட் பாய்ஸ்சனிங் ஏற்பட்டால் உடனே மருத்துவரை அணுகி விடுவது நல்லது.

இந்த உணவு நஞ்சுக்கு முக்கிய காரணமாக இருப்பது சல்மோனல்லா அல்லது ஈ கோலி பாக்டீரியா தான். அதே மாதிரி சில வைரஸ்கள், பாராசைட்ஸ் கூட அறிகுறிகளை ஏற்படுத்துகிறது. சில நேரங்களில் இந்த அறிகுறிகள் உணவு உண்ட சில மணி நேரத்திலயோ அல்லது சில வாரங்களிலோ ஏற்பட்டு விடலாம்.

குமட்டல்

குமட்டல் தான் உணவு நஞ்சாதலின் முதல் அறிகுறியாகும். வயிறு சம்பந்தமான பிரச்சனைகள் தொடர்ந்து நேரிட்டு கொண்டே இருக்கும். எனவே உடம்பில் உள்ள நீர்ச்சத்து குறையாமல் இருக்க தண்ணீர் அல்லது தேநீர் எடுத்துக் கொள்வது நல்லது. வயிறு ஓரளவுக்கு செட் ஆன பிறகு பிரட் அல்லது லேசான உணவுகளை எடுத்துக் கொள்ளலாம்.

வயிற்று போக்கு

உணவு நஞ்சாதலின் மற்றொரு அறிகுறி வயிற்று போக்கு. குமட்டல் உங்கள் வயிற்றுக்கு ஒவ்வாத உணவு உள்ளதை காட்டுகிறது. எனவே குமட்டலுக்கு பிறகு வயிற்று போக்கு ஏற்படலாம்.

வயிற்று வலி

வயிற்றுப் பகுதியில் உள்ள தசைகள் சுருங்கி விரிவதால் இந்த வயிற்று வலி உண்டாகிறது. உணவு நஞ்சான உடன் சில மணி நேரத்தில் வயிற்று வலி ஆரம்பித்து விடும். அதே நேரம் குமட்டல், வாந்தி, வயிற்றுப் போக்கும் பொதுவானது தான்.

பசியின்மை

ஃபுட் பாய்சனிங் ஏற்பட்டால் உங்கள் பசிக்காது. ஏனெனில் ஏற்கனவே வயிற்றில் இருக்கும் உணவை வெளியேற்ற உடம்பு தடுமாறிக் கொண்டு இருக்கும். ஓரளவு உடம்பு செட்டான பிறகு உடலுக்கு வலிமை சேர்க்க லேசான உணவுகளை எடுத்துக் கொள்ளலாம். சூப், பிரட் போன்றவற்றை சாப்பிடலாம்.

பலவீனம்

உடம்பில் நீர்ச்சத்து குறைவதால் உடம்பு பலவீனமடைய ஆரம்பித்து விடும். இந்த ஃபுட் பாய்சனிங் உங்கள் தினசரி வேலையைக் கூட செய்ய முடியாமல் ஆக்கி விடும். தொடர்ச்சியான வாந்தி வயிற்று போக்கு ஏற்பட்டு இரத்தத்தில் உள்ள சர்க்கரையின் அளவு குறைய ஆரம்பித்து விடும். இதனால் கிறங்கிப் போகும் நிலை ஏற்படலாம்.

சோர்வு

ஃபுட் பாய்சனிங் அடைந்த நபர்கள் கூடவே சோர்வையும் பெறுகின்றனர். வாந்தி, வயிற்றுப் போக்கு இவற்றால் உடம்பில் நீர்ச்சத்து குறைவதால் சோர்வு ஏற்படுகிறது. எனவே உப்பும் சர்க்கரையும் கலந்த தண்ணீர் எடுத்து உடம்பிற்கு நீர்ச்சத்தை கொடுக்க வேண்டும்.

காய்ச்சல்

ஃபுட் பாய்சனிங் ஏற்பட்ட உடன் நம் உடல் அதை எதிர்த்து போராட தொடங்கி விடும். இதனால் காய்ச்சல் உண்டாகும். வாந்தி, வயிற்றுப் போக்கு இவற்றுடன் காய்ச்சலால் ஏற்படும் சூடான வெப்பநிலையும் தொற்றுக்கு காரணமான காய்ச்சலை போக்க பயன்படுகிறது.

வியர்த்தல் மற்றும் குளிர்தல்

உணவு நஞ்சாதலால் காய்ச்சல் ஏற்பட்டு வியர்த்தல், குளிர்தல் கூட ஏற்படும். இதெல்லாம் உடம்பு தன்னைத்தானே குணப்படுத்துகிற அறிகுறியாகும்.

உணவை விழுங்குவதில் பிரச்சனை

போட்டுலிசம் என்ற பாக்டீரியா நாம் சாப்பிடும் மீன்களில் உள்ளது. இந்த பாக்டீரியா தொண்டை யில் வலியை ஏற்படுத்தி உணவை விழுங்குவதில் பிரச்சனையை உண்டு பண்ணுகிறது. உணவுக்குழாயில் உள்ள தசைகள் விறைப்பாகி, பிடிப்பு ஏற்படலாம், இது சில நேரங்களில் சுவாசத்தை கூட கடினமாக்கும்.

தீவிர அறிகுறிகள்

தீவிர அறிகுறிகள் தென்பட்டால் உடனே மருத்துவரை அணுகி விடுவது நல்லது. மலத்தில் இரத்தம் வருதல், வாந்தியில் இரத்தம் வருதல், காய்ச்சல் 102 டிகிரி பாரன்ஹீட்டுக்கு மேலே இருந்தால் உடனே மருத்துவரை அணுகி சிகிச்சை பெற்று கொள்ளுங்கள். அதே மாதிரி 3 நாட்களுக்கு மேல் வாந்தி, வயிற்றுப் போக்கு ஏற்பட்டால் நீர்ச்சத்து குறைவு ஏற்பட ஆரம்பித்து விடும். உடனே மருத்துவரிடம் செல்லுங்கள்.

உடல் எடை அதிகரிப்பு என்பது இன்றைய காலகட்டத்தில் அனைவருக்கும் இருக்கும்பிரச்சினையாகும். உடல் எடையை குறைக்க பல வழிகளில் அனைவரும் முயன்று வருகின்றனர். பொதுவாக காலை நேரத்தில் உடற்பயிற்சி செய்வது மட்டும்தான் உடல் எடையை குறைக்கும் என்ற நம்பிக்கை நிலவி வருகிறது.


உண்மையில் உடற்பயிற்சி எப்பொழுது செய்தல் நன்மை வழங்கக்கூடியதுதான். காலை நேரத்தில் எழுந்து உடற்பயிற்சி செய்வது கடினமாக இருந்தால் இரவு நேரத்தில் எடை குறைக்க முயற்சி செய்யலாம். இந்த பதிவில் எடையை குறைக்க இரவு நேரத்தில் என்னென்ன செய்ய வேண்டும் என்று பார்க்கலாம்.

இரவு உடற்பயிற்சி

இரவு நேரத்தில் உடற்பயிற்சி செய்வது எடை குறைப்பிற்கு உதவும். உங்கள் உடலுக்கு இரவு நேரத்தில் அதிக செயல்பாடுகள் இருக்காது எனவே அதிக ஆற்றல் தேவைப்படாது. மாலையில் நீங்கள் எடுத்துக்கொள்ளும் சில ஊட்டச்சத்துக்கள் செயலற்று இருப்பதால் உங்கள் உடலில் கொழுப்பாக தேங்கிவிடும். இதனை சில வழிகள் மூலம் குறைக்கலாம்.

டிரிப்டோபன் உணவுகள்

அமினோ அமிலமான டிரிப்டோபன் அதிகமிருக்கும் உணவுகளை சாப்பிடுவது உங்களுக்கு நல்ல தூக்கத்தை வழங்கும். மேலும் உங்களுக்கு தூக்கத்தில் எந்தவித தொந்தரவும் ஏற்படாது. இது மனஅழுத்த ஹார்மோன்கள் மற்றும் எடை அதிகரிப்பிற்கு வழிவகுக்கும் க்ரெலின் அளவுகளை கட்டுப்படுத்துகிறது.

சிற்றுண்டிகள்

இரவு நேரத்தில் சாப்பிடும் சிற்றுண்டிகள் எப்பொழுதும் மோசமான விளைவுகளை ஏற்படுத்தக்கூடியவை. ஏனெனில் இவை அதிகளவு கலோரிகளை வழங்குவதன் மூலம் ஊட்டச்சத்துக்களும் குறைவாக இருக்கும். கொழுப்பு அதிகமிருக்கும் சிற்றுண்டிகள் தூக்கத்தை கெடுப்பதோடு ஜீரண கோளாறுகளையும் ஏற்படுத்தும். இரவு நேரங்களில் டிவி பார்த்து கொண்டே சாப்பிடுவது அல்லது விளையாடிக்கொண்டே சாப்பிடுவது அதிக கலோரிகளை ஏற்படுத்தும் என்று ஆய்வுகள் கூறுகிறது.

உடற்பயிற்சிகள்

ஜிம்மில் இருந்தாலும் சரி, வீட்டில் இருந்தாலும் சரி எடையை தூக்குவதன் மூலம் கொழுப்பை கறைக்கலாம். எடை தூக்குவது கொழுப்பை குறைக்கலாம் மேலும் இது உங்களின் வளர்ச்சிதை மாற்றத்தை 48 மணி நேரத்திற்கு உயர்த்தும். நீங்கள் இரவு நேரத்தில் உடற்பயிற்சிகள் செய்தால் தூங்குவதற்கு முன் புரோட்டினை எடுத்து கொள்ளவேண்டும்.

ரூய்போஸ் டீ

இரவு தூங்க செல்வதற்கு முன் ஒரு கப் ரூய்போஸ் டீ குடியுங்கள். இது உங்கள் வயிற்றில் இருக்கும் கொழுப்புகளை குறைக்கிறது அதற்கு காரணம் அதிலிருக்கும் சக்திவாய்ந்த அஸ்பாலத்தின் பிளேவனாய்டு ஆகும். இது மனஅழுத்த ஹார்மோன்களை குறைப்பதன் மூலம் பசியை கட்டுப்படுத்துவதுடன் கொழுப்பு வயிறில் சேருவதை தடுக்கிறது.

தண்ணீர் குடிப்பதை தவிர்க்கவும்

தண்ணீர் குடிப்பதால் அதிக நன்மைகள் கிடைக்கிறது, ஆனால் தூங்க செல்லும் முன் தண்ணீர் குடிப்பது உங்களுக்கு பல பாதிப்புகளை உண்டாக்கும். தூங்குவதற்கு முன் அதிக தண்ணீர் குடிப்பது அடிக்கடி சிறுநீர் கழிக்க தூண்டுவதுடன் தூக்கத்தையும் கெடுக்கும். எடை குறைப்பிற்கு தூக்கம் மிகவும் அவசியமானதாகும். அதில் பாதிப்பு ஏற்படும்போது நிச்சயம் எடை இழப்பில் பாதிப்பு ஏற்படும்.

புரோட்டின் ஷேக்

தூங்க செல்வதற்கு முன் புரோட்டின் ஷேக் குடிப்பது உங்களின் வளர்ச்சிதை மாற்றத்தை அதிகரிக்கும். மேலும் உங்களுக்கு ஒல்லியான தோற்றத்தையும் வழங்கும். இது இரவு நேரத்தில் கலோரிகளை வேகமாக எரிக்க உதவுகிறது.

பிக் பாஸ் வீட்டில் இம்முறை ரஜினியும், கமலும் 100 நாட்கள் இருக்கப் போகிறார்கள். எப்படி என்று கேட்கிறீர்களா..? மேற்கொண்டு படியுங்கள் புரியும்.

பிக் பாஸ் நிகழ்ச்சி ஆரம்பிக்க இருப்பதால், அதன் ரசிகர்கள் கொண்டாட்டமாக இருக்கின்றனர். கடந்த சீசன்களில் இருந்து நிச்சயம் இந்த சீசன் வேறுபட்டு, சுவாரஸ்யமாக இருக்கும் என எதிர்பார்க்கப் படுகிறது.

இப்போதே பிக் பாஸ் வீடு எப்படி இருக்கும் என்ற தகவல்கள் கசியத் தொடங்கி விட்டன. இன்னும் சில தினங்களில் போட்டியாளர்களும் யார் எனத் தெரிந்து விடும்.

வழக்கமாக பிக் பாஸ் வீட்டிற்குள் 15 பிரபலங்கள் போட்டியாளர்களாக இருப்பார்கள். வாரத்தின் இறுதி நாட்களில் அகம் டிவி மூலம் கமல் அவர்களுடன் உரையாடுவார். நிகழ்ச்சியின் இறுதி நாட்களில் கமல் எப்போதும் கவுண்ட்டிங் சொல்வது போன்ற வீடியோ பிக் பாஸ் வீட்டில் ஓடிக் கொண்டே இருக்கும்.

பிக் பாஸ் 3:இனி 'அங்க' உட்காந்து யாரும் ஒப்பாரி வைக்க முடியாது.. மருத்துவ முத்தத்துக்கும் நோ சான்ஸ்

இந்நிலையில், அவற்றில் இருந்து வேறுபட்டு இம்முறை போட்டியாளர்களுடன் 100 நாளும், கமல் இருப்பது போன்று ஒரு சூழலை பிக் பாஸ் நிகழ்ச்சி தரப்பு செய்துள்ளது. கமல் மட்டுமல்ல, ரஜினியையும் இதில் அவர்கள் சேர்த்துள்ளனர்.

அதாவது, வீட்டிற்குள் ஒருபுறம் பேட்ட படத்தில் ரஜினியின் கெட்டப் ஓவியம் ஒன்று உள்ளது. அதற்கு எதிரே ஆன்மீகவாதி ஸ்டைலில், விருமாண்டி கமல்ஹாசன் அமர்ந்திருக்கும் ஓவியம் இடம்பெற்றுள்ளன.

இதன் மூலம் எப்போதும் கமலையும், ரஜினியையும் பார்த்து பயத்தோடு போட்டியாளர்கள் நடந்து கொள்வார்கள் என எதிர்பார்க்கலாம்.

உலகம் முழுவதும் கோடிக்கணக்கான ரசிகர்களை கொண்ட ஹீரோக்களில் தளபதியும் ஒருவர். இவரது படம் என்றாலே ரசிகர்களுக்கு திருவிழா தான். படம் மட்டுமில்ல, பிறந்தநாளும் தான். ஆம், வரும் 22ம் தேதி 45 வயது முடிந்து 46ஆவது வயதில் அடியெடுத்து வருகிறார். இதனை முன்னிட்டு நாளை மாலை 6 மணிக்கு தளபதி63 ஆவது படத்தின் டைட்டில் லுக் போஸ்டர் வெளியாகிறது. 22ம் தேதி நள்ளிரவில் 2ஆவது லுக் போஸ்டர் வெளியாகிறது என்று அறிவிக்கப்பட்டுள்ளது.

இந்த நிலையில், இதுவரை 62 படங்களில் நடித்து முடித்துள்ள தளபதி விஜய்யின் நடிப்பில் வந்த சூப்பர் ஹிட் படங்களைப் பற்றி இங்கு பார்ப்போம்…

நாளைய தீர்ப்பு

தனது அப்பா எஸ்.ஏ.சந்திரசேகர் இயக்கத்தில் விஜய் ஹீரோவாக அறிமுகமான முதல் படம் நாளைய தீர்ப்பு. இப்படத்தில் நடிக்கும் போது விஜய்க்கு வயது 18. இந்தப் படத்தை விஜய்யின் அம்மா ஷோபா சந்திரசேகர் தயாரித்திருந்தார். இப்படி குடும்பமே ஒரு படத்தில் பணியாற்றியது என்றால், அது இந்தப் படம் தான். ஆனால், இந்தப் படம் வணீக ரீதியாக தோல்வியை தழுவியது.

செந்தூரபாண்டி

விஜய்க்கு ஹிட் கொடுத்த படம் என்றால் அது காதல் கதையை மையப்படுத்திய செந்தூரபாண்டி படம் தான். தனது தந்தை எஸ்.ஏ.சந்திரசேகர் இயக்கிய இப்படத்தில், விஜயகாந்த், கௌதமி, யுவராணி, மனோரமா, பொன்னம்பலம், எஸ்.ஏ.சந்திரசேகர் ஆகியோர் பலர் நடித்திருந்தனர். இது விஜய் ஹீரோவாக நடித்த 2ஆவது படம் என்பது குறிப்பிடத்தக்கது. 1993ம் ஆண்டு வெளியான இப்படம் 2007ல் ஹிந்தியில் டப்பிங் செய்யப்பட்டு தாகூர் பவானி சிங் என்ற டைட்டிலில் வெளியானது.

பூவே உனக்காக – சில்வர் ஜூபிலி (250 நாட்கள்)

விஜய்க்கு திருப்பு முனையாக அமைந்த படங்களில் பூவே உனக்காக படமும் ஒன்று. காதலுக்கு முக்கியத்துவம் கொடுக்கப்பட படம் என்றே சொல்லலாம். விக்ரமன் இயக்கத்தில் வந்த இப்படத்தில், விஜய், சங்கீதா, அஞ்சு அரவிந்த், சார்லி, நம்பியார், சிஆர் விஜயகுமாரி, நாகேஷ், மலேசியா வாசுதேவன் என்று ஒரு நட்சத்திர பட்டாளமே நடித்திருந்தனர். 250 நாட்கள் வரை திரையரங்கில் வெற்றி கொடுத்த இப்படம் பாக்ஸ் ஆபிஸிலும் வசூல் மழை கொட்டியது. இப்படம் விஜய்யின் வரலாற்றில் சில்வர் ஜூபிலி படமாக அமைந்தது.

இந்தப் படம் தெலுங்கு, கன்னடம் மற்றும் ஹிந்தி ஆகிய மொழிகளில் டப்பிங் செய்யப்பட்டது.

கிளைமேக்ஸ் சீன் டயலாக்ஸ்:

நான் லவ் பண்ணுணதே காதலித்த பொண்ணுக்கு தெரியாது. தோல்வியடைவதற்கு காதல் ஒன்னும் பரீட்சை இல்லைங்க. அது ஒரு பீலிங். அந்த பீலிங் ஒரு முறை வந்துவிட்டால் மறுபடியும் மறுபடியும் மாற்றிக்கிட்டே இருக்க முடியாது. காதல் சிலருக்கு செடி மாதிரி, ஒன்று போச்சுன்னு இன்னொன்னு. ஆனால், சிலருக்கு அந்த செடியில் இருக்கும் பூ மாதிரி. மறுபடியும் எடுத்து ஒட்ட வைக்க முடியாது. அது போலத்தான் எனது காதலும் என்று கூறி விஜய் சென்றுவிடுவார்.

நேருக்கு நேர்

இயக்குனர் வசந்த் இயக்கத்தில் விஜய், சூர்யா, சிம்ரன், கௌசல்யா ஆகியோர் பலர் நடித்த படம் நேருக்கு நேர். 100 நாட்களுக்கு மேல் ஓடிய படங்களில் இதுவும் ஒன்று. இப்படம் வணிக ரீதியாக ஹிட் கொடுத்த படமாக அறிவிக்கப்பட்டது.

காதலுக்கு மரியாதை

மலையாள இயக்குனர் பாசில் இயக்கத்தில் விஜய், ஷாலினி ஆகியோர் முன்னணி ரோலில் நடித்த காதல் படம் காதலுக்கு மரியாதை. 1997ல் வெளியான இப்படம் அப்போதே ரூ.38 கோடி வரையில் வசூல் குவித்ததாக விக்கிப்பீடியா பக்கத்தில் தெரிவிக்கப்பட்டுள்ளது. இப்படம் பாசிலின் மலையாள படமான அனியதிபிரவு என்ற படத்தின் தமிழ் ரீமேக் என்பது குறிப்பிடத்தக்கது.

முதலில் இப்படம் நடிகர் அப்பாஸ்க்கு சென்றுள்ளது. ஆனால், அவருடைய் கால்சீட் பிரச்சனை காரணமாக விஜய்க்கு இந்த வாய்ப்பு கிடைத்துள்ளது.

துள்ளாத மனமும் துள்ளும்

அறிமுக இயக்குனர் எழில் இயக்கத்தில் விஜய், சிம்ரன் முன்னணி ரோலில் நடித்த படம் துள்ளாத மனமும் துள்ளும். முதலில் இப்படத்திற்கு ருக்மணிக்காக என்று டைட்டில் வைக்கப்பட்டுள்ளது. பின்னர், படத்தை தயாரித்த தயாரிப்பாளர் ஆர்பி சௌதரி பார்த்தால் பசி தீரும் என்ற மாற்ற சொல்லியிருக்கிறார். ஆனால், இறுதியில் துள்ளாத மனமும் துள்ளும் என்று டைட்டில் வைக்கப்பட்டு ஹிட் கொடுத்துள்ளது.

இப்படம் நகைச்சுவை நடிகர் சார்லி சாப்ளினின் நடிப்பில் வந்த சிட்டி லைட்ஸ் படத்தின் தழுவல் என்பது குறிப்பிடத்தக்கது.

குஷி

எஸ்.ஜே.சூர்யா இயக்கிய படம். விஜய், ஜோதிகா ஆகியோர் முன்னணி ரோலில் நடித்திருந்தனர். முதலில் இந்த ரோலுக்கு சிம்ரன் தான் தேர்வு செய்யப்பட்டுள்ளார். பின்னர் ஜோதிகாவிற்கு அந்த வாய்ப்பு சென்றுள்ளது. அலைபாயுதே, கண்டுகொண்டேன் கண்டுகொண்டேன் ஆகிய படங்களுக்கு போட்டியாக வெளியாக இருந்த நிலையில், இந்தப் படம் ரிலீஸ் தேதியிலிந்து தள்ளி வைக்கப்பட்டு வெளியானது என்பது குறிப்பிடத்தக்கது.

இப்படத்திற்கு ஜோதிகாவிற்கு சிறந்த நடிகைக்கான பிலிம்பேர் விருது வழங்கப்பட்டது என்பது குறிப்பிடத்தக்கது.

திருமலை

இயக்குனர் ரமணா இப்படத்தை இயக்கினார். இதில், குஷி வெற்றிக்கூட்டணி விஜய் மற்றும் சிம்ரன் இருவரும் முன்னணி ரோலில் நடித்திருந்தனர். 150 வரை ஓடிய படங்களில் இதுவும் ஒன்று. பாக்ஸ் ஆபிஸ் வசூலில் சூப்பர் ஹிட் படமாக அமைந்துள்ளது. 2003ம் ஆண்டு தீபாவளி பண்டிகைக்கு இப்படம் வெளியானது குறிப்பிடத்தக்கது. இப்படம் தெலுங்கு மற்றும் ஹிந்தியில் டப்பிங் செய்யப்பட்டு வெளியானது.

திருப்பாச்சி

ஊர் பேர்களை படத்திற்கு டைட்டிலாக வைப்பதில் வித்தைக்காரரான இயக்குனர் பேரரசு இயக்கத்தில் விஜய், த்ரிஷா ஆகியோர் முன்னணி ரோலில் நடித்த ஆக்‌ஷன் படம் திருப்பாச்சி. 200 நாட்களுக்கு மேல் ஓடிய படங்களில் இப்படமும் ஒன்று. இப்படம் ஹிந்தி, தெலுங்கு மற்றும் கன்னடம் ஆகிய மொழிகளில் ரீமேக் செய்யப்பட்டது.

வேலாயுதம்

இயக்குனர் மோகன் ராஜா இயக்கத்தில் விஜய், ஹன்சிகா, ஜெனீலியா ஆகியோர் பலர் நடிப்பில் கடந்த 2011ல் வெளியான படம் வேலாயுதம், 2000ல் வெளியான தெலுங்கு படமான ஆசாத் படத்தின் தூண்டுதலில் இப்படம் வெளிவந்தது என்பது குறிப்பிடத்தக்கது. ரூ.45 கோடி பட்ஜெட்டில் உருவாக்கப்பட்ட இப்படம் ரூ.85 கோடி வரையில் வசூல் கொடுத்ததாக தெரிவிக்கப்பட்டுள்ளது.

துப்பாக்கி

ஏ.ஆர்.முருகதாஸ் இயக்கத்தில் ஆக்‌ஷன் த்ரில்லர் பாணியில் விஜய் நடிப்பில் வெளியான படம் துப்பாக்கி. காஜல் அகர்வால் விஜய்க்கு ஜோடியாக நடித்திருந்தார். இப்படம் தமிழ் மற்றும் ஹிந்தியில் ரீமேக் செய்யப்பட்டது. இப்படம் 6 விஜய் விருதுகளை கைப்பற்றியது. பாக்ஸ் ஆபிஸில் வசூல் மழை பொழிந்த படங்களில் இதுவும் ஒன்று. உலகம் முழுவதும் இப்படம் ரூ.1.25 பில்லியன் வரை வசூல் குவித்துள்ளது.

கத்தி

துப்பாக்கியைத் தொடர்ந்து முருகதாஸ் கத்தி படத்தை இயக்கினார். விஜய் மற்றும் சமந்தா கூட்டணியில் வந்த இப்படம் ரூ.130 கோடி வரையில் பாக்ஸ் ஆபிஸில் வசூல் குவித்துள்ளது. விவசாயிகளின் பிரச்சனையை மையப்படுத்தி இப்படம் வெளிவந்திருந்தது. 100 நாட்களுக்கு மேல் ஓடி படங்களில் இதுவும் ஒன்று.

மீஞ்சூர் கோபி நயினார் என்பவர் இயக்குனர் முருகதாஸ்க்கு எதிராக காப்புரிமை கோரி வழக்கு தொடர்ந்தார். மூத குடி என்ற தனது நாவலின் தழுவல் தான் இப்படம் என்று கூறி அவர் தொடர்ந்த வழக்கு முருகதாஸ்க்கு சாதகமாக வந்தது.

தெறி

இயக்குனர் அட்லி இயக்கத்தில் விஜய், சமந்தா கூட்டணியில் வந்த படம் தெறி. இப்படம் ரூ.1 பில்லியன் வரை பாக்ஸ் ஆபிஸில் வசூல் கொடுத்தது. ஹிந்தியில் இப்படம் டப் செய்யப்பட்டு வெளியிடப்பட்டது.

சர்கார்

விஜய் – ஏ.ஆர்.முருகதாஸ் கூட்டணியில் வந்த 3ஆவது முக்கிய படம் சர்கார். அரசியல் கதையை மையப்படுத்திய இப்படம் ரூ.260 கோடி வரையில் பாக்ஸ் ஆபிஸில் வசூல் கொடுத்துள்ளது.

திருட்டுக்கதை

சர்கார் படத்தின் எழுத்தாளர் வருண் ராஜேந்திரனுடையது. கடந்த 2007ல் தென்னிந்திய திரைப்பட எழுத்தாளர் சங்கத்தில் வருண் ராஜேந்திரன் தனது செங்கோல் கதையை பதிவு செய்து வைத்திருந்தார். இதன் காரணமாக இப்படத்தின் கதை விவகாரம் தொடர்பாக வருண் ராஜேந்திரன் சென்னை உயர்நீதிமன்றத்தில் படத்திற்கு தடை கோரி மனு தாக்கல் செய்தார்.

இதன் விசாரணையில், தயாரிப்பாளர் சன் பிக்சர் நிறுவனம், முருகதாஸ் மற்றும் வருண் ராஜேந்திரன் ஆகியோருக்கு இடையில் சமரச உடன்பாடு ஏற்பட்டதைத் தொடர்ந்து, சர்கார் பட டைட்டில் கார்டில் வருண் ராஜேந்திரனுக்கு நன்றி தெரிவிக்கவும், அவருக்கு ரூ.30 லட்சம் கொடுக்கவும் ஒப்புக்கொண்டதைத் தொடர்ந்து படம் வெளியானது என்பது குறிப்பிடத்தக்கது. முதலில் இந்த விவகாரத்தில் தென்னிந்திய திரைப்பட எழுத்தாளர் சங்கத் தலைவராக இருந்த பாக்யராஜ் செங்கோல் கதை மற்றும் சர்கார் கதை இரண்டும் வெவ்வேறு என்று கூறவே இந்த விவகாரம் நீதிமன்றத்திற்கு சென்றது என்பது குறிப்பிடத்தக்கது.

49பி

சர்கார் படத்தின் மூலம் 49பி குறித்து வாக்களர்களுக்கு விழிப்புணர்வு ஏற்படுத்தப்பட்டது. அதாவது, ஒருவரது வாக்கு கள்ள ஓட்டாக போடப்பட்டிருந்தால் தேர்தல் அலுவலரிடம் 49பி-ன் கீழ் வாக்களிக்க விரும்புவதாக தெரிவிக்கலாம்.

அந்த வாக்காளருக்கு தனியாக ஒரு சீட்டு வழங்கப்படும், அந்தச் சீட்டில் வேட்பாளர்களின் பெயர்கள் இருக்கும். அதில் இருந்து தனக்கு விருப்பமான வேட்பாளருக்கு அவர் வாக்களிக்கலாம். ஆனால், இந்த வாக்குச்சீட்டு தனியே வைக்கப்படும். கள்ள ஓட்டு தான் கணக்கில் எடுத்துக் கொள்ளப்படும் என்பது குறிப்பிடத்தக்கது. இதே போன்று பலரும் 49பி-ன் கீழ் வாக்களித்தால் தேர்தலுக்கு பிரச்சனை ஏற்படும் என்பது குறிப்பிடத்தக்கது.

இந்த வரிசையில், மெர்சல், கில்லி, ஃப்ரண்ட்ஸ், போக்கிரி, நண்பன், காவலன், சச்சின், ஷாஜகான், ப்ரியமானவளே, மாண்புமிகு மாணவன், பத்ரி, சிவகாசி, தலைவா ஆகிய படங்களும் அடங்கும் என்பது குறிப்பிடத்தக்கது.