என் புத்தகம்

அரவிந்த்சாமி நல்ல நடிகர் என்பதை தாண்டி பண்முக திறமை கொண்டவர். இவர் நடிப்பில் விரைவில் சதுரங்கவேட்டை படம் திரைக்கு வரவுள்ளது.

அதுமட்டுமின்றி மணிரத்னத்தின் செக்கச்சிவந்த வானம் படத்திலும் நடித்துள்ளார், இந்நிலையில் இவர் சமீபத்தில் ஒரு வார இதழுக்கு பேட்டியளித்தார்.

இதில் இவரிடம் கிரிக்கெட் பற்றி கேட்க, அதில் தன் ஆல்டைம் பேவரட் கிரிக்கெட் 11 வீரர்களை கூறினார்.

இதில் சச்சின், கவாஸ்கர், தோனி, ப்ராட்மேன் என 11 பேர் இருக்க, ஒவ்வொருத்தரும் ஏன் என்ற விளக்கத்தையும் கூறினார்.

இந்த 11 பேரில் கண்டிப்பாக தோனியை தான் கேப்டன் ஆக்குவேன் என்று கூறினார், ஏனெனில் சச்சின், கவாஸ்கர் பலரும் திறமையான பேட்ஸ்மேனே தவிர, சிறந்த கேப்டனாக நிரூபிக்கவில்லை.

அதே நேரத்தில் இத்தனை ஜாம்பவான்களை கொண்டு செல்ல ஈகோ இல்லாத ஒரு ஆள் தேவை, அவர் தான் தோனி என்று விளக்கம் கொடுத்தார்.

சீனாவை சேர்ந்த பெண்மணி ஒருவரின் கண் இமையில் 100 ஒட்டுண்ணிகள் இருந்ததை பார்த்து மருத்துவர்கள் அதிச்சியடைந்துள்ளனர்.

Ms Xu என்பவர் கடந்த இரண்டு வருடங்களாக கண் அரிப்பு பிரச்சனையால் பாதிக்கப்பட்டுள்ளார். இவரது கண்களும் சிவப்பு நிறமாக மாறியுள்ளது.

இதனைத்தொடர்ந்து மருத்துவரிடம் சென்றுள்ளார், இவரது கண்ணை பரிசோதித்த மருத்துவர்கள் கண் இமையில் 100 ஓட்டுண்ணிகள் இருப்பதை பார்த்து அதிர்ச்சியடைந்துள்ளனர், கண்களில் ஒட்டுண்ணி பாதிப்பு ஏற்படுவது வழக்கமான ஒன்றுதான் என்றாலும் இந்த அளவுக்கு எண்ணிக்கை அதிகரிக்காது என மருத்துவர்கள் தெரிவித்துள்ளனர்.

இப்பெண்மணி கடந்த 5 வருடங்களாக தான் பயன்படுத்தும் தலையணையை துவைக்காமல் வைத்திருந்துள்ளார். துவைக்காமல் தலையணையை பயன்படுத்தியதால் கண்களில் அலர்ஜி மற்றும் வெண்படல பாதிப்பால் ஒட்டுண்ணிகளின் எண்ணிக்கை அதிகரித்துள்ளது என தெரிவித்துள்ளனர்.

இதற்கு உரிய சிகிச்சை எடுத்துக்கொண்டால் விரைவில் குணமாகும் என மருத்துவர்கள் கூறியுள்ளனர்.

தமிழ் சினிமாவில் வாரவாரம் படங்களுக்கு பஞ்சமில்லை. தற்போது INDIA'S FIRST CLAUSTROPHOBIC THRILLER படமாக ஆண்டனி நாளை மறுநாள் ஜூன் 1 ல் ரிலீஸ் ஆகிறது.

முற்றிலும் மாறுபட்ட கோணத்தில் எடுக்கப்படும் இப்படத்திற்கு வரவேற்பு குவிந்துள்ளது. பிரபலங்கள் பலரும் இப்படத்தை வாழ்த்தி வருகிறார்கள்.

நடிகர் ஜி.வி.பிரகாஷ் ஆண்டனி திரைப்படத்தின் பாடல்கள் மிகவும் அருமை. சிவாத்மிகா இசையை தமிழ் சினிமா வரவேற்கிறது என கூறியுள்ளார்.

தயாரிப்பாளர் ஞானவேல்ராஜா புது முயற்சி புது சிந்தனை ஆண்டனி படத்திற்கு என் வாழ்த்துக்கள் என கூறியுள்ளார்.

இயக்குனர் பாரதிராஜா ஆண்டனி தமிழ் சினிமாவின் சிறந்த படம் என படத்தை பார்த்துவிட்டு வாழ்த்தியுள்ளார்.

'பாதிக்கப்பட்ட மக்களுக்கு ஆறுதல் கூறுவதற்காக தூத்துக்குடி செல்கிறேன்' என நடிகர் ரஜினிகாந்த் தெரிவித்துள்ளார்.

ஸ்டெர்லைட் ஆலைக்கு எதிரான போராட்டத்தின்போது நடந்த துப்பாக்கிச் சூடு சம்பவத்தில் 13 பேர் உயிரிழந்தது தமிழகத்தில் பெரும் அதிர்வலையை உண்டாக்கியது. எனினும், உயிரைத் துச்சமென நினைத்து நடத்திய போராட்டத்தின் பயனாக, தற்போது ஸ்டெர்லைட் ஆலைக்குத் தடை விதித்து தமிழக அரசு சீல்வைத்தது. இந்தத் தடைகுறித்து அரசியல் கட்சிகள் பல்வேறு சந்தேகங்களை எழுப்பிவந்தாலும், இதன்மூலம் தூத்துக்குடி மக்கள் ஓரளவுக்கு நிம்மதியடைந்துள்ளனர். மேலும், இதனால் தூத்துக்குடியில் இயல்பு நிலை திரும்பிவருகிறது. இதற்கிடையே, பாதிக்கப்பட்ட மக்களை பல்வேறு தலைவர்களும், அரசு சார்பில் துணை முதல்வரும் சந்தித்து ஆறுதல் கூறிவருகின்றனர். அந்த வகையில் நடிகர் ரஜினிகாந்த், பாதிக்கப்பட்டவர்களைச் சந்தித்து ஆறுதல் கூறுவதற்காக இன்று தூத்துக்குடி கிளம்பினார்.

அப்போது செய்தியாளர்களைச் சந்தித்த அவர்,  ``துப்பாக்கிச் சூட்டில் மக்கள் பாதிக்கப்பட்டுள்ளார்கள். அவர்களுக்கு ஆறுதல் கூறுவதற்காக தூத்துக்குடி செல்கிறேன். ஆறுதல் கூறினால் எனக்கு மகிழ்ச்சி. நடிகரான என்னைப் பார்த்தால், இந்த நெருக்கடியான சூழலில் மக்கள் மகிழ்ச்சியடைவார்கள் என நம்புகிறேன். சட்டப்பேரவை கூட்டத்தொடரை தி.மு.க புறக்கணித்தது பற்றிப் பேச விரும்பவில்லை. தி.மு.க-வை அ.தி.மு.க-வும், அ.தி.மு.க-வை தி.மு.க-வும் விமர்சிப்பது அரசியல் உள்நோக்கம் கொண்டது. எனினும், பழைய சம்பவங்களைப் பேச வேண்டாம்; அதனால் பயனில்லை. துப்பாக்கிச் சூடு குறித்து மனித உரிமை கமிஷன் விசாரித்துவருகிறது. அதில் உண்மை தெரியவரும்" என்றார்.

பிக்பாஸ் சீசன் 2வில் முன்னாள் நடிகை சிம்ரன் கலந்து கொள்ளவுள்ளதாக செய்தி வெளியாகியுள்ளது.

விரைவில் பிக்பாஸ் 2 தொடங்கவுள்ளது. இந்த நிகழ்ச்சியையும் நடிகர் கமல்ஹாசனே தொகுத்து வழங்கவுள்ளார்.

இதில் கலந்து கொள்ளும்போட்டியாளர்கள் யார் யார் என்ற விபரம் அறிய ரசிகர்கள் ஆவலுடன் காத்திருக்கின்றனர்.

சில நாட்களுக்கு முன்புபிக்பாஸ் 2வில் கலந்து கொள்பவர்கள் இவர்கள்தான் என்ற பட்டியல் சமூக வலைத்தளத்தில் வெளியானது.

ஆனால் அந்தப் பட்டியல் போலி என்று பின்னர் தெரியவந்தது. தற்போது வந்துள்ள தகவல் படி, 90களில் முன்னணி ஹீரோயினாக இருந்த நடிகை சிம்ரன் பிக்பாஸ் 2ல் கலந்து கொள்வார் என்று கூறப்படுகிறது.

இதற்கு முன் நடிகை கஸ்தூரி பங்கேற்பார் என்று தகவல் பரவிய நிலையில், அவர் அதை மறுத்தார் என்பது குறிப்பிடத்தக்கது.

பிரதமர் மோடி அரசின் நான்கு ஆண்டுக்கால ஆட்சியைக் கேலி செய்யும் விதமாக டெல்லி முதல்வர் அரவிந்த் கெஜ்ரிவால் கார்ட்டூன் ஒன்றை ட்விட்டரில் பதிவிட்டுள்ளார்.

மோடி தலைமையிலான பா.ஜ.க அரசு மத்தியில் ஆட்சிப் பொறுப்பேற்று நான்கு ஆண்டுகள் நிறைவடைந்து, ஐந்தாவது ஆண்டில் அடியெடுத்து வைத்துள்ளது. இதைப் பா.ஜ.க-வினர் வெகு விமரிசையாகக் கொண்டாடினர். இந்நிலையில், டெல்லி முதல்வர் அரவிந்த் கெஜ்ரிவால் தன்னுடைய ட்விட்டர் பக்கத்தில் மோடி அரசை விமர்சிக்கும் விதமாகக் கார்ட்டூன் ஒன்றை வெளியிட்டுள்ளார்.

அந்தக் கார்ட்டூனில், `டெல்லியில் நடைபெற்று வரும் தனது ஆட்சியின்கீழ், குடிநீர், மின்சாரம், மருத்துவம், கல்வி, சுகாதாரம் உள்ளிட்ட துறைகளில் வழங்கிய இலவசத் திட்டங்களை, அடுக்கடுக்காகக் குறிப்பிட்டுள்ளார். தனது ஆட்சியின் சாதனைகளை உயரமான கட்டடமாகக் காட்டியுள்ளார். அதன் அருகில் வறண்ட ஒரு காலி இடத்தில் வேலிகள் போட்டு, கட்டுமானம் நடந்துகொண்டிருக்கிறது என்று குறிப்பிட்டு, பா.ஜ.க-வின் பலகை வரையப்பட்டுள்ளது. இந்தக் கார்ட்டூனை வெளியிட்டு மோடி அரசின் சாதனைகளைக் கேலி செய்துள்ளார் அரவிந்த் கெஜ்ரிவால். 

ஹாலிவுட்டில் ஜேம்ஸ் பாண்ட் சீரியஸுகளுக்கு மிகப்பெரிய ரசிகர்கள் வட்டம் உள்ளது. அந்த வகையில் ஜேம்ஸ் பாண்ட் 25-வது பாகத்தை பல இயக்குனர்கள் எடுக்க முன் வந்தனர்.

ஏன், ஹாலிவுட் மட்டுமின்றி உலகம் முழுவதும் கொண்டாடப்படும் கிறிஸ்டோபர் நோலன் கூட இப்பாகத்தை எடுக்க பேச்சு வார்த்தை நடந்து வந்தது.

தற்போது கிடைத்த தகவலின்படி ஜேம்ஸ் பாண்ட் 25-வது பாகத்தை ஆஸ்கர் விருது பெற்ற ஸ்லம்டாக் மில்லினியர் பட இயக்குனர் டேனி பாயோல் இயக்கவுள்ளதாக கூறப்படுகின்றது.

இவர் இயக்கினால் கண்டிப்பாக ரகுமான் தான் ஜேம்ஸ் பாண்ட் படத்திற்கு இசையமைப்பார் என இந்திய ரசிகர்கள் செம்ம சந்தோஷத்தில் உள்ளனர்.

துபாயில் திருமணம் முடிந்த 15 நிமிடத்தில் மனைவியை விவாகரத்து செய்திருக்கிறார் மணமகன். `அனைவர் முன்னிலையில் மாமனார் என்னை அவமதித்துவிட்டார்' எனக் காரணம் கூறியிருக்கிறார் மணமகன்.

முடிந்த திருமணம்

துபாய் ஊடகங்கள் இன்று வெளியிட்டுள்ள செய்தியில்,  ` மணமகன் ஒருவர் திருமணம் செய்துகொள்வதற்காக மணமகளை வலைவீசித் தேடியுள்ளார். இந்நிலையில், பெண் ஒருவரைத் தேர்வு செய்த அவர் அப்பெண்ணின் தந்தையிடம் சென்று, ' 18 லட்சம் ரூபாய் தருகிறேன். உங்கள் பெண்ணை திருமணம் செய்து வையுங்கள்' எனக் கோரிக்கை விடுத்துள்ளார். இந்தக் கோரிக்கையை ஏற்ற அப்பெண்ணின் தந்தை திருமணத்துக்கு முன்னதாக பணத்தை தரும்படி கேட்டுள்ளார்.

இதற்கு மணமகன் சம்மதம் தெரிவிக்கவே, ஒன்பது லட்ச ரூபாயை முன்பணமாகக் கொடுத்துள்ளார். அதன்பின், திருமண ஏற்பாடுகள் தடபுடலாக நடந்தன. நண்பர்கள், உறவினர்கள் என அனைவர் முன்னிலையில் இன்று திருமணம் நடந்து முடிந்தது. திருமணம் முடிந்த அடுத்த நொடியில், மணமகன் தருவதாகக் கூறிய மீதிப் பணத்தை பெண்ணின் தந்தை கேட்டுள்ளார். இதனால், இருவரும் கடும் வாக்குவாதத்தில் ஈடுபட்டனர். மாமனாரின் இந்தச் செயலால் மனமுடைந்த மணமகன், 'அனைவர் முன்னிலையிலும் உனது தந்தை என்னை அவமதித்துவிட்டார். அதனால் உன்னுடன் வாழமுடியாது' எனக் கூறிவிட்டு, `தலாக்' முறைப்படி அப்பெண்ணை விவாகரத்து செய்துள்ளார். 

கற்றது தமிழ், தங்கமீன்கள், தரமணி என தொடர்ந்து தரமான படங்களை எடுத்து வருபவர் ராம். இவர் தூத்துக்குடியில் நடந்த துப்பாக்கி சூட்டிற்கு கடும் எதிர்ப்பு தெரிவித்துள்ளார்.

அதோடு ‘இது குஜராத் முதலாளி ஆரம்பித்த ஒரு கம்பெனி, இதற்கு மத்திய அரசு பாதுகாப்பாக இருக்கின்றது.

இதிலிருந்து அந்த உரிமையாளருக்கு சுமார் ஒரு ஆண்டிற்கு ரூ. 78 ஆயிரம் கோடி வரை லாபம் மட்டுமே கிடைக்கின்றது’ என ராம் கூறியுள்ளார்.

ரஜினிகாந்த் நடிப்பில் காலா வரும் ஜூன் 7 ம் தேதி வெளியாகவுள்ளது. உலகம் முழுக்க அவரின் படங்களுக்கு நல்ல வரவேற்பு இருக்கும். தமிழகத்தில் ஸ்டெர்லைட் பிரச்சனையால் அமைதியின்றி இருப்பதால் காலா படம் வெளியாகுமா என ரசிகர்கள் மத்தியின் சிறு சந்தேகம் இருக்கத்தான் செய்கிறது.

ஆனால் வரும் 29 ம் தேதி ஹைதராபாத்தில் தெலுங்கு புரமோஷனுக்கு படக்குழு செல்கிறது. அங்கே பிரிமியர் காட்சிகளுக்கு சிறப்பு ஏற்பாடு செய்யப்பட்டுள்ளது.

மேலும் பிரான்ஸ் நாட்டில் படத்தை ரிலீஸ் செய்யும் விநியோகஸ்தர் உரிமையை ஐங்கரன் நிறுவனம் பெற்றுள்ளதாம். இதனால் அங்கும் ரிலீஸ் வேலைகள் தொடங்கிவிட்டன.

அதே போல் அரபு நாடுகளில் முக்கிய சினிமா நிறுவனமான VOX CINEMAS ல் அடவான்ஸ் புக்கிங் தொடங்கியுள்ளது. இங்கே தமிழ், தெலுங்கு, ஹிந்தி என மூன்று மொழிகளிலும் காலா படம் ரிலீஸ் செய்யப்படுகிறது.

தாயின் வயிற்றில் இருக்கும்போதே, ஸ்ரீமன்நாராயணின் கதையைக் கேட்டுப் பிரகலாதன் பக்திமானாக உருவானதாகச் சொல்கிறது புராணம். தாயின் கருவிலேயே குழந்தை தன் உணர்வுகளை உணர ஆரம்பித்துவிடுகிறது என்பதை இன்றைய மருத்துவ உலகமும் உறுதியாகச் சொல்கிறது. குழந்தைகளை நல்ல மனநிலையோடும், நற்சிந்தனையோடும் வைத்திருக்கவேண்டும் என்பதே பெற்ற வயிறுகளின் தவிப்பு. அறிவிலும், உடல் நலத்திலும் ஆகச்சிறந்த வாரிசாக தங்கள் குழந்தைகளை வளர்க்க பெற்றோர்கள் பெரிதும் போராடுகிறார்கள். 'ஐந்தில் வளையாதது’ என்பதுபோல் மழலையாக இருக்கும்போதே ஊட்டமான உணவு, ஆரோக்கியமான சூழல், உற்சாகமான மனநிலை, நல்ல பழக்கவழக்கங்கள் எனக் கற்றுக்கொடுக்காவிட்டால், வளர்ந்த பிறகு திருத்துவது ரொம்பவே சிரமம்.
போட்டிகளும் ஆபத்துகளும் நிறைந்த இந்தக் காலகட்டத்தில் குழந்தை பிறந்தது முதல், பள்ளிக்குச் செல்லும் வரை அதாவது மூன்று வயது வரை உற்சாகமாக வளரக்கூடிய விஷயங்களை இதயபூர்வத்தோடு விவரிக்கிறது இந்த இணைப்பு.


குழந்தையைத் தூக்கும் முறை:
பிறந்த சில மாதங்களுக்கு குழந்தையின் தலை நிற்காமல் இருக்கும். குழந்தையைச் சரியாகத் தூக்காமல் போனால், சட்டெனக் குழந்தைகளுக்குச் சுளுக்கு, வலி வந்து வீரிடலாம். உரம் விழலாம். இதற்குச் சுய மருத்துவம் செய்யக் கூடாது. குழந்தையைத் தூக்கும்போது, நம் கைகளை நேராக அகட்டி, குழந்தையின் கழுத்தையும், தலையையும் பிடிமானம் கொடுத்தே தூக்க வேண்டும். திரும்பவும் இறக்கி, படுக்கவைக்கும்போது, தலையையும், கழுத்துப்பகுதியையும் ஒன்றாகக் கையால் பிடித்தபடி, மெதுவாக இறக்குங்கள். பஞ்சு போல் மென்மையாகக் கையாளுவதன்மூலம் பிஞ்சு உடலுக்கு அரவணைப்பும் பாதுகாப்பும் கிடைக்கும்.
  குளிப்பாட்டும் முறை: 
பிறந்த குழந்தைகளைத் தாயே பயமின்றிக் குளிப்பாட்டலாம். குழந்தைகளுக்கான பிரத்யேக எண்ணெயை உடலில் தடவி வருடிவிடுங்கள். நாம் தரையில் அமர்ந்தபடி, குழந்தையின் தலை இடது கையில் வருவதுபோலத் தூக்கிப் பிடிக்க வேண்டும். குழந்தையின் உடலை பேபி சோப் போட்டுக் குளிப்பாட்டி, பிறகு தலை முகத்தைக் கழுவுங்கள். தலைக்குக் குளிப்பாட்டும்போது, ஒரு கையை அகல விரித்து, குழந்தையின் நெற்றிப் பகுதியைப் பிடித்தபடி, தண்ணீர் ஊற்ற வேண்டும். வாயால் மூக்குச் சளியை எடுக்கிறேன் என்ற பெயரில் வாயால் ஊதுவது, அழுத்துவது கூடவே கூடாது. குளிப்பாட்டிய உடன் தலை, காது, மூக்கு, கழுத்துப் பகுதியை ஈரம் போகத் துவட்டுங்கள்.
வாரம் ஒரு முறை மிகவும் மிதமான வெந்நீரில், சிறிது யூகலிப்டஸ் இலையைப் போட்டுக் குளிப்பாட்டினால், குழந்தை ஆரோக்கியமாக வளரும். நிம்மதியாகத் தூங்கும்.
தாய்ப்பால் ஊட்டும் முறை:
குழந்தை பிறந்தது முதல் 6 மாதம் வரை தாய்ப்பால்தான் கொடுக்கவேண்டும்.  குழந்தையின் வளர்ச்சிக்கும், நோய் எதிர்ப்புச் சக்திக்கும் தாய்ப்பால் மிகச் சிறந்த உணவு. தாய்ப்பால் கொடுக்கக் கொடுக்க, பால் அதிகம் சுரக்கும். தாய்ப்பால் சரியாகப் புகட்டுகிறோமா? குழந்தை சரியாகப் பால் குடிக்கிறதா என்பதை அறிந்துகொள்ள முதலில் குழந்தையின் வாய்ப் பகுதி அகலமாக விரிந்திருக்கிறதா என்று கவனியுங்கள். குழந்தையின் முகவாய் தாயின் மார்பைத் தொடுவதுபோல் இருக்கவேண்டும். மார்புக் காம்பின் கரியப் பகுதி குழந்தையின் வாயின் மேற்பகுதியில், கீழ்ப்பகுதியைவிட அதிகமாகக் காணப்படவேண்டும். அதாவது கவ்விய நிலையில் இருந்தால் குழந்தை ஆழமாக உறிஞ்சும்.  தாய்க்கும் மார்பு காம்பில் வலி ஏற்படாது. இது, தாய்க்கும் குழந்தைக்கும் இடையேயான ஒரு அற்புதப் பிணைப்பை உருவாக்கும்.
தூங்கவைக்கும் முறை:
குழந்தை தூங்கும் வரை, அதன் அருகில் அரவணைத்தபடி பால் கொடுத்துவிட்டு, தூங்கியதும், புடவையில் கட்டிய தூளியில் போடலாம்.  தூளி அதிக உயரத்தில் இல்லாமல், தரையோடு இருப்பதுபோல் பார்த்துக் கொள்ளுங்கள்.  தாயின் அரவணைப்பு தொடர்ந்து இருப்பதுபோல் அது உணரும்.  வெயில் காலத்தில் கட்டிலில் படுக்க வைப்பதைவிட, குழந்தைகளைத் தரையில் ஒரு பாயை விரித்து, அதில் பருத்திப் புடவையை மெத்தைபோல் நன்றாக மடித்துப் படுக்கவையுங்கள். உஷ்ணம் குழந்தையைத் தாக்காமல் குளிர்ச்சியாக உணரும். குழந்தையின் அருகில் கனமான பொருட்கள் எதையும் வைக்காதீர்கள். காற்றாடிக்கு நேராகப்படுக்க வைக்காதீர்கள். இதனால் குழந்தை மூச்சுத் திணறலுக்கு ஆளாக நேரிடும். காற்றாடியின் வேகத்தைக் குறைத்து, ஓரமான இடமாகத் தேர்ந்தெடுப்பது நல்லது. ஒரே இடத்தில் படுக்கவைத்தாலும், உடலில் சீக்கிரமே உஷ்ணம் ஏறிவிடும். இரண்டு மணி நேரத்துக்கு ஒருமுறை, குழந்தையை இடம் மாற்றிப் படுக்கவைக்க வேண்டும்.

குழந்தைகள் வயிற்றுப்போக்கு, சளி, இருமல், காய்ச்சல் இவற்றால் அடிக்கடி சோர்ந்துவிடுவது உண்டு. உணவு வயிற்றுக்கு ஒப்புக்கொள்ளாமல்போவது, செரிமானப் பிரச்னை, வயிற்றில் பூச்சி போன்ற காரணங்களால் வயிற்றுப்போக்கு ஏற்படலாம். குழந்தைகள் எதைக் கண்டாலும், அதை உடனே வாயில் வைத்துக்கொள்வார்கள். அதனால், கிருமிகள் வயிற்றில் சென்று, பிரச்னையை ஏற்படுத்திவிடும். சர்க்கரை மற்றும் உப்பை நீரில் கலந்து கொடுத்தால், உடலில் இருக்கும் கழிவுகளும் கிருமிகளும் வெளியேற்றப்படும்.  வயிற்றுப்போக்கும் சரியாகும்.
அதிகக் குளிர்ச்சி, தொற்றுநோய் இருந்தாலும் காய்ச்சல் வரும். பல்வேறு நோய்களுக்குத் தண்ணீரே முக்கியக் காரணம். அதனால், தண்ணீரை நன்றாகக் காய்ச்சி, ஆறவைத்து, வடிகட்டிக் கொடுப்பது அவசியம். தொற்று நோய்களால் மூக்கு ஒழுகுதல், இருமல், காய்ச்சல் போன்றவை ஏற்படும். இவை நீடித்தால், பிற்காலத்தில் குழந்தைகளுக்கு ஆஸ்துமா உள்ளிட்ட தேவையற்ற பிரச்னைகள் வர வாய்ப்பு இருக்கிறது. சுற்றுப்புறத்தைச் சுகாதாரத்துடன் வைத்துக் கொள்வது நல்லது. குழந்தைகளுக்கு அணிவிக்கும் டயபர்களால்கூட சளி ஏற்படலாம். சிறுநீர் கழித்ததும், உடனுக்குடன் கவனித்து, மாற்றவேண்டியது அவசியம்.
டயபரை அடிக்கடி மாற்றாமல் போகும்போதும், இறுக்கமாக அணிவிக்கும்போதும் குழந்தைகளுக்குச் சருமத்தில் அரிப்பு ஏற்படலாம்.  டயபரைக் குழந்தைக்குப் போடும்போதே, அதன் கால் இடுக்குப் பகுதியில் பேபி ஆயில் அல்லது தேங்காய் எண்ணெய் தடவிவிட்டுப் போடுங்கள்.  இதனால், குழந்தைக்கு அரிப்பு, அலர்ஜி ஏற்படாமல் இருக்கும்.
 நோய் தடுக்கும் மருந்துகள்...
 குழந்தை பிறந்தவுடன் மருத்துவமனையிலேயே மருந்துகள், தடுப்பு ஊசிகளைப் போட்டுவிடுகிறார்கள். அவை என்ன தடுப்பு ஊசி, என்ன மருந்து என்பதைத் தெரிந்துகொள்ளுங்கள்.
 குழந்தை பிறந்ததும், காசநோய் (பி.சி.ஜி), போலியோ சொட்டு மருந்து, ஹெபடைடிஸ் பி முதல் டோஸ் போடவேண்டும்.
 ஒன்றரை மாதத்தில், டிபிடி (தொண்டை அடைப்பான், கக்குவான் இருமல், ரண ஜன்னி தடுப்பு ஊசி) மற்றும் போலியோ சொட்டு மருந்து, ஹெபடைடிஸ் பி இரண்டாவது டோஸ்.
  மூன்றரை மாதத்தில் டிபிடி மற்றும் போலியோ சொட்டு மருந்து.
 நான்கரை மாதத்தில் போலியோ சொட்டு மருந்து.
  ஐந்தரை மாதத்தில் போலியோ சொட்டு மருந்து, ஹெபடைடிஸ் பி மூன்றாவது டோஸ்.
  ஒன்பதாவது மாதத்தில் தட்டம்மை தடுப்பு ஊசி மற்றும் போலியோ சொட்டு மருந்து.
குழந்தைகளுக்குப் போடப்படும் தடுப்பு ஊசிகள்...
   ஒன்றே கால் வயதில் தட்டம்மை, ஜெர்மன் தட்டம்மை, புட்டாளம்மை தடுப்பு ஊசி
   ஒன்றரை வயதில் டிபிடி
   நாலரை வயதில் டிபிடி மற்றும் போலியோ சொட்டு மருந்து.
இப்படி அந்தந்தக் காலக்கட்டத்தில் கட் டாயம் நோய் தடுப்பு ஊசி, மருந்துகளைப் போடுவதன் மூலம், வருங்காலத்தில் குழந்தைகள் நோய் நொடி இல்லாமல் ஆரோக்கியமாக வளர்வது நிச்சயம்.
குழந்தைக்கு நம்பகமான சூழலும், தாயின் அரவணைப்பும் மிகவும் அவசியம். பாசமும், பாதுகாப்பும் இருப்பதைக் குழந்தைக்கு உறுதிப்படுத்தினால்தான் அதன் வளர்ச்சி ஆரோக்கியமாக இருக்கும். தொடுதல், கொஞ்சுதல், பேசுதல் போன்ற செயல்களின் மூலம், குழந்தை நம் முகம் பார்த்து வாயைக் குவித்து வார்த்தைகளை வெளிப்படுத்த முயற்சிக்கும்.  சிந்திக்கும் திறன் அதிகரிக்கும்.
வளர்ப்பவர்களைப் பார்த்தே குழந்தையின் பழக்கவழக்கங்களும் இருக்கும். இன்றைய காலக்கட்டத்தில் பெற்றோர் இருவரும் வேலைக்குச் செல்லும் சூழல். ஒரு நாளில் தாய், குழந்தையுடன் செலவிடும் நேரம் குழந்தையின் விருப்பங்களுக்கு முக்கியத்துவம் தருவதாக இருக்க வேண்டும். குழந்தைகளின் செயல்களைப் பாராட்டுவதும், சிறு தவறு செய்தால் 'ஸாரி’ கேட்பதும், எடுத்த பொருட்களை அதற்கான இடத்தில் வைக்கப் பழக்குவதும் பெற்றோரின் கடமை.  விட்டுக் கொடுத்துப் போகும் குணம்தான் சமூகத்தில் குழந்தையின் சிறப்பான வளர்ச்சிக்கு உறுதுணையாக இருக்கும். 
எதைப் பார்த்தாலும், ஆசை எழும்பும் வயது.  அதற்காக, கேட்டதை எல்லாம் வாங்கித் தருவதைக் குறைத்துக்கொள்ளுங்கள். உங்களின் குடும்பச் சூழல், வசதி, தேவையைப் புரிந்துகொண்டு,  அதற்கேற்ப வாழும் சூழலை உருவாக்குங்கள். பிஞ்சிலேயே இந்த பழக்கத்தை ஏற்படுத்தினால், எதிர்காலத்தில் வாழும் சூழல், பொறுப்பு அறிந்து செயல்படுவார்கள். குழந்தையின் மனதில் தேவை இல்லாத ஆசைகள் இருக்காது.  மனக்குழப்பமும் ஏற்படாமல், தெளிவாய் சிந்திக்கும் ஆற்றல் பெருகும். 
நடப்பது, ஓடுவது, விளையாடுவது, எதையாவது எடுத்து வீசுவது என சுட்டிகள் துறுதுறுவென இருப்பார்கள். இதைத் தொல்லையாக நினைக்காமல் பெற்றோரும் கூடவே குழந்தையை உற்சாகப்படுத்தவேண்டும்.  இது பெற்றோருக்கும் ஓர் உடற்பயிற்சிதான்.
பிஞ்சு குழந்தைகள் இருக்கும் வீட்டில், பெரியவர்கள் குரலை உயர்த்திப் பேசுவதோ, கத்துவதோ கூடாது. சுற்றி இருக்கும் விஷயத்தைக் கிரகிக்கத்தொடங்கும்போது, சத்தமான பேச்சுகூட குழந்தைக்குப் பயத்தை ஏற்படுத்தலாம்.
சாப்பிட அடம்பிடித்தாலோ, அழுகையை நிறுத்துவதற்காகவோ குழந்தையிடம் 'பூச்சாண்டி வர்றான் பாரு’ என்று பயம் காட்டிப் பணியவைக்கக் கூடாது. குழந்தைகளுக்கு அழுகை என்பது ஓர் உணர்ச்சி வெளிப்பாடு. பின்னாளில் உணவையே வெறுக்கும் அளவுக்குச் சாப்பாட்டின் மீதான பிடிப்பு போய்விடலாம். அன்போடு, நெறிக் கதைகளைச் சொல்லி உணவை ஊட்டுவதே சிறந்தது.
சிலர் குழந்தைகளை மேலே தூக்கிப்போட்டு விளையாடுவது, சுழற்றி விளையாடுவது என்று விபரீதமாகக் கொஞ்சுவார்கள். இதனால், குழந்தை சிரிப்பதைப் பார்த்து, ரசிப்பதாக நினைத்துக்கொண்டு திரும்பத் திரும்பச் செய்வார்கள். இது மிகவும் ஆபத்தான விஷயம்.  குழந்தைகளுக்கு மனதளவில் இனம் புரியாத பய உணர்வு ஏற்படும். 'இதைச் செய்யாதே’ எனத் தடை போடுவதே குழந்தையின் பயத்தை அதிகரிக்க செய்யும். அதே எச்சரிக்கையை, 'ஜாக்கிரதையாகப் பண்ணும்மா...’ என்று சொன்னால் குழந்தைகள் மனதில் பாதுகாப்பு உணர்வு ஏற்படும். நல்ல பண்புகளும் வளரும்.
குழந்தைகள் நடக்க ஆரம்பித்ததும், வீட்டையே சுற்றிச்சுற்றி வலம் வரத்தொடங்கும். அடிக்கடித் தடுக்கி விழும்.  குழந்தைகள் நடக்கக்கூடிய இடங்களில் கூர்மையான டேபிள், ஸ்டூல் போன்ற எந்தப் பொருட்களையும் வைக்காதீர்கள்.  தண்ணீர், எண்ணெய் போன்றவை கொட்டிவிட்டாலும், உடனடியாகக் கவனிக்கவேண்டும். குழந்தையின் மீது எப்போதும் ஒரு கண் வைத்துக்கொண்டே இருப்பது மிகவும் முக்கியம்.
அன்பு, பாசம், அரவணைப்பு எனச் சகல சந்தோஷ சூழலில் வளரும் குழந்தைகள் தன்னம்பிக்கை, தைரியத்துடன் அறிவாளியாகவும் வளர்வார்கள்.
குழந்தைக்குத் தேவையான உணவு உடலில் சேர்கிறதா என்பதை அறிந்துகொள்ள முதலில் குழந்தையின் எடையைக் கவனிக்க வேண்டும். குழந்தை பிறக்கும்போது 2.75 கிலோ இருந்தால், நான்கே மாதத்தில் அதன் எடை 5 கிலோ இருக்க வேண்டும். எடை ஓரளவு இரட்டிப்பானால்தான், குழந்தை சரியான வளர்ச்சியில் இருக்கிறது என்று அர்த்தம்.
உடை
பிஞ்சுக் குழந்தைகளின் உடை பஞ்சுபோல் மிருதுவாக இருக்கவேண்டும். டிசைன், கலர், அழகு என்பதை மட்டும் பார்க்காமல், உடலை வதைக்காத பருத்தி ஆடைகளைத் தேர்ந்தெடுப்பது நல்லது.  ஒரு மாதக் குழந்தைக்கும் இப்போது பாவாடை, சட்டை வந்துவிட்டது. இவற்றைப் போட்டுப் அழகுபார்ப்பது, குழந்தைக்கு இம்சையை ஏற்படுத்தலாம்.  உடைகளால் ஏற்படும் அசௌகரியங்களைக் குழந்தையால் வெளியில் சொல்ல முடியாது.
வெயில் காலத்தில் பருத்தியால் ஆன உடைகளே குழந்தைகளின் உடலுக்குப் பாதுகாப்பு. மிகவும் இறுக்கமான ஆடைகள் அணிவிப்பதை முடிந்தமட்டும் தவிர்த்துவிடுங்கள். அடிக்கடி மாற்ற வேண்டிய சூழல் ஏற்படுவதால், எளிதில் கழற்றி மாற்றக்கூடிய உடைகளை வாங்குங்கள்.
கடைகளிலேயே குழந்தைகளுக்கு உடைகளைப் போட்டுப் பார்த்து வாங்கும் நிலை இருப்பதால், புதுத் துணிகளை வாங்கியவுடன், நன்றாக அலசிக் காயவைத்த பிறகே அணிவது நல்லது.
ஜிகினா, ஜம்கி உடைகளில் பட்டன்கள், ஊக்கு, கொக்கிகள் இருந்தால் அது குழந்தையின் உடலை உறுத்தலாம்.  குழந்தைகள் கையில் எடுத்து வாயில் போட்டுக்கொள்ளவும் வாய்ப்பு உண்டு. அதனால், வெல்க்ரோ, எலாஸ்டிக், லேஸ் உடைகளைத் தேர்ந்தெடுங்கள்.  மழைக் காலத்திலும், ஸ்வெட்டர் குல்லா போன்றவற்றை உடுத்தும்போது, ஜிப் இல்லாததாகப் பார்த்து, கழுத்துவழியாக மாட்டுவதுபோல் வாங்கலாம்.
குழந்தை 3 மாதத்துக்குள் முகம் பார்த்து சிரிக்கும். நீங்கள் 'ம்...’ என்று சொன்னால், குழந்தையும் 'ம்’ என்று சொல்லும். காதில் வாங்கும் சத்தத்தை உணர்ந்து, திரும்பவும் அதைச் சொல்லிப்பார்க்கும். அதனால், மென்மையான ஒலி எழுப்பிக் குழந்தையை உற்சாகப்படுத்தலாம்.
4-வது மாதம், கவிழ்ந்துகொண்டு, தனது கைகளைத் தரையில் ஊன்றித் தலையைத் தூக்கிப் பார்க்க குழந்தை முயற்சிக்கும். குழந்தையை நிற்கவைக்க, இந்த மாதம் முதல் பழகலாம். கைகளில் எதையாவது கொடுத்து குழந்தையை நிற்கவைக்கலாம்.
5 - 6 மாதங்களில் குழந்தை உட்க£ர முயற்சிக்கும். தலையையும் நெஞ்சையும் உயர்த்தும். எதையாவது பிடித்துக்கொண்டு அதனால் உட்கார முடியும். பிடிமானம் விடுபட்டால் கீழே விழும். தரையில் அழுத்தமாக முன்னங்கையை ஊன்றித் தலையைத் தூக்கிப் பார்க்கும்.
6 மாதங்களுக்குப் பிறகு பற்கள் முளைக்க தொடங்கும். அப்போது, வாயில் இருந்து அதிகமான அளவு எச்சில் வெளிவரும். தண்ணீர், பால் கொடுக்கும் போதும், வாயில் அதிகமாக எச்சில் சொட்ட ஆரம்பிக்கும். துணிகள் ஈரமாக இருந்தால் அடிக்கடி மாற்ற வேண்டும். பற்கள் முளைப்பதன் அறிகுறி தென்பட்டாலே, குழந்தை வலியால் அடிக்கடி அழத் தொடங்கும். குழந்தை நல மருத்துவரை அணுகி, குழந்தைக்கு ஏற்ற வலி நிவாரணி மருந்தைக் கொடுக்கலாம். பற்கள் முளைக்கும்போது ஈறுகளில் அரிப்பு, வலி, எரிச்சல் இருக்கும். பால் குடிப்பதைக்கூட குழந்தை மறுக்கும். சில நேரங்களில் வயிற்றுப்போக்கு ஏற்படலாம்.
பற்கள் முளைக்கும்போது குழந்தைகள் தூக்கம் இல்லாமல், புரண்டு புரண்டு படுக்கும். நடு ராத்திரியில் எழுந்து அழத் தொடங்கும்.
7-வது மாதம் - எந்த உறுதுணையும் இல்லாமலே குழந்தை உட்காரப் பழகிக்கொள்ளும். உடலின் எடையில் ஒரு பகுதியைக் கால்களில் தாங்கியபடி நின்று, தானே நேராக நிற்கப் பழகும்.
8 - 9 மாதங்களில், நன்றாகவே உட்காரும். கால்களில் மொத்த எடையையும் தாங்கிக்கொள்ளப் பழகும். எதைக் கொடுத்தாலும், அதைத் தன் இரண்டு கைகளாலும் பிடித்துக்கொள்ளும். சின்னச் சின்னப் பொருட்களை ஒன்றாகச் சேர்க்கவும், அடுக்கவும் கற்றுக்கொள்ளும். பத்தாம் மாதம், நன்றாகத் தவழ்ந்துபோய் எல்லாப் பொருட்களையும் எடுக்க ஆரம்பிக்கும். எதையாவது பிடித்தபடி ஓர் இடத்தில் இருந்து, இன்னோர் இடத்துக்கு நகரும். இரண்டு கைகளையும் சேர்த்துத் தட்டக் கற்றுக்கொள்ளும்.
11 - 12 மாதம் - உட்கார்ந்த நிலையில் திரும்பவும், நன்றாக முழங்கால்களை ஊன்றித் தவழவும் முடியும். நேராக நிற்கும். தரையில் எதையாவது எழுதுகிற மாதிரி செய்யும். ஒரு கையில் மட்டும் பிடிமானம் இருந்தாலும், நேராக நிற்கப் பழகும். ஆட்காட்டி விரல் மற்றும் கட்டை விரலை உபயோகித்துப் பொருட்களை எடுக்கக் கற்றுக்கொள்ளும்.
2 - 3 வயதில்,  அம்மா அப்பா பேசுவதை உன்னிப்பாகக் கேட்டு, அதற்குப் பதில் சொல்லத் தொடங்கும். பெற்றோர் அதிகம் பேசுவதால் மட்டுமே, குழந்தை நல்ல பேச்சுத் திறனுடன் பிரகாசமாக ஜொலிக்கும். இந்த வயதில் குழந்தையுடனான உரையாடல் இல்லாமல் போனால், குழந்தை பேசுவதும் தாமதமாகிவிடும்.  குழந்தை சரியாக பேசவில்லை என்பதை உணர்ந்தால், 'ஸ்பீச் தெரப்பிஸ்ட்’டிடம் ஆலோசனை பெறுவது அவசியம்.
கிடைப்பதை எல்லாம் வாயில் வைக்கும் பழக்கம், விரல் சூப்பும் பழக்கம் குழந்தைகளுக்கு ஏற்படுவது சகஜம்தான். ஒருவிதப் பயத்தினாலும் சில குழந்தைகள் விரலைச் சூப்பலாம். ஆனால், அதுவே தானாகச் சரியாகிவிடும். 'விரல் சூப்பினால் வாய் பெரிதாகிவிடும் கண்ணா... கிருமிகள் வயித்துக்குள்ள போய் ஃபைட் பண்ணும்’ என்று மென்மையாக ஒரு கதை போல் சொன்னால், நிச்சயம் குழந்தைகள் அந்தப் பழக்கத்தை விட்டுவிடுவார்கள்.
குழந்தைகளுக்கான மென்மையான பிரஷினால் பல் தேய்த்து, வாய் கொப்பளித்த பின்னரே வயிற்றுக்கான ஆகாரத்தைத் தரப் பழக்குங்கள். பல் துலக்காமல் சாப்பிடும்போது, வாயில் உள்ள கிருமிகள் வயிற்றுக்குள் போய் பல்வேறு பிரச்னைகளை உண்டாக்கும்.
இரண்டு வயது குழந்தைகள் 10 மணி நேரம் நன்றாக உறங்குவார்கள். சில குழந்தைகள் அதிக நேரம் தூங்க மாட்டார்கள். அதற்கு வீட்டுச் சூழல், அறையின் உஷ்ணம், சத்தம், கொசுக்கடி போன்ற ஏதாவது காரணம் இருக்கும். குழந்தை குறைவான நேரமே தூங்கினாலும், சுறுசுறுப்பாக இருந்தால், அதை நினைத்துக் கவலைப்பட வேண்டியது இல்லை.
சில குழந்தைகள் மூன்று, நான்கு நாட்களுக்கு ஒருமுறை மலம் கழிப்பார்கள். சில நேரங்களில் பச்சையாகவும் மலம் வெளியேறும். எப்போதாவது இப்படி நிகழ்ந்தால் ஆபத்து இல்லை. ஆனால், தொடர்ச்சியாகப் பச்சை நிறத்தில் இருந்தாலோ, வயிற்றை இளக்கிச் சென்றாலோ மருத்துவரிடம் காட்டுவதே நல்லது. ஒரு வயதான பிறகு சிறுநீர், மலம் கழிப்பது எப்படி என்பதைக் குழந்தைக்குக் கற்றுக்கொடுங்கள். 
ஓடிப் பிடித்து விளையாடுவது, விளையாட்டுப் பொருட்களை வாங்கித் தந்து ஊக்குவிப்பது, கற்பனைத் திறனை அதிகரிக்கச் செய்யும் ஓவியம், பெயிண்டிங் கற்றுத் தருவது, இசையைக் கேட்கச் செய்வது, களிமண் அல்லது சப்பாத்தி மாவைப் பிசைந்து பலவிதமான உருவங்கள் செய்யச் சொல்வது, பேப்பர்களை மடக்கி விமானம், கப்பல், பூக்கள் செய்யக் கற்றுக்கொடுப்பது எனக் குழந்தைகளுக்கான உற்சாக வழிகளைத் திறந்துவிடுங்கள். குழந்தைகளுக்குப் பயனாக இருக்கும்பட்சத்தில்மட்டும் தொலைக்காட்சிப் பெட்டியின் முன்னால் உட்காரவையுங்கள். தொலைக்காட்சி நிகழ்ச்சிகளுக்குக் குழந்தைகள் அடிமையாகிவிடாமல் பார்த்துக் கொள்ளுங்கள்.
சுவைக்கும் பேச்சுக்கும் நிறையத் தொடர்பு உண்டு. இனிப்பு, உவர்ப்பு, புளிப்பு, காரம் என அனைத்து சுவைகளும் பழகியக் குழந்தைக்கு பேச்சில் பிரச்னை இருக்காது. ஏதாவது ஒரு சுவை மட்டுமே பழக்கப்பட்ட குழந்தைக்குப் பேச்சு தெளிவாக இருக்காது. கோர்வையாக வார்த்தைகளைப் பேசத் தாமதம் ஆகலாம். ஆகவே, அனைத்து சுவைகளையும் சுவைக்கப் பழக்குங்கள். 
குழந்தையால் எவ்வளவு சாப்பிட முடியுமோ... அந்த அளவு மட்டுமே உணவு கொடுங்கள். சாப்பிட்டு முடித்த உடன், 'வெரிகுட்’ சொல்லுங்கள். 'சமத்து’ எனக் கொஞ்சுங்கள். குழந்தைத் தானாக முன்வந்து சாப்பிடும்போது, உணவு சிந்தினாலோ, கொட்டினாலோ, திட்டாதீர்கள். சிந்தாமல் சிதறாமல் சாப்பிடக் கற்றுக்கொடுங்கள். துவைத்த துணிகளை மடித்து, குழந்தைகளை பீரோவில் அடுக்கச் சொல்லுங்கள். சுவாரஸ்ய அனுபவமாக நினைத்து குழந்தைகள் அந்த வேலையை உற்சாகமாகச் செய்வார்கள். வேலை, விளையாட்டு, உணவு என அனைத்தின் வழியாகவும் பழக்கங்களை உருவாக்கலாம்.
சமைக்கும்போது, 'இது தக்காளி, இது வெண்டைக்காய்... இதை நான் நறுக்கப்போறேன்’ என்று காய்கறிகளைக் காட்டி, வார்த்தைகளைக் கற்றுக்கொள்ளும் வாய்ப்பை ஏற்படுத்தலாம். குழந்தை சுயமாகச் சிந்திக்கவும், அனைத்து செயல்களைத் திறமையாகச் செய்யவும் இது வாய்ப்பாக அமையும். 'செய்யாதே’ எனத் தடுப்பதற்கு முன் எதைச் செய்யலாம் என்பதைக் கற்றுக்கொடுங்கள். ஒரு பாராட்டும் முத்தமும் குழந்தையின் பிரகாசமான வாழ்க்கைக்கு வழிவகுக்கும்.
குழந்தை பிறந்து முதல் 6 மாதங்களுக்குக் கட்டாய உணவு தாய்ப்பால் மட்டுமே.  முதல் 6 மாதங்கள் தாயிடம் இருந்து பால் குடிப்பதால், வைட்டமின் சி கிடைத்துவிடும். அதன் பிறகு தாய்ப்பாலுடன், காய்கறிகள், பழங்கள், சீரான திட உணவைக் குழந்தைக்குக் கொடுக்கத் தொடங்கலாம்.
 கஞ்சிகளைக் கொடுக்கலாம். தானியங்களை நன்றாக அரைத்து, சலித்து, அந்த மாவில் கஞ்சியாக நீர்க்கக் காய்ச்சிக் கொடுக்கவேண்டும்.
   வாழைப்பழம், சப்போட்டா இவற்றை நன்றாக மசித்துத் தரலாம். நன்றாக வேகவைக்கப்பட்ட முட்டையின் மஞ்சள் கருவை மசித்துத் தரலாம்.
   குழைய வடித்த சாதத்தில் பருப்பை மசித்து, நெய் சேர்த்துத் தரலாம்.  இதனுடன் உருளைக்கிழங்கு, கேரட், பீன்ஸ் போன்ற பச்சைக் காய்கறிகளையும் லேசாக வேகவைத்து மசித்துச் சேர்க்கலாம்.
  இரண்டு ஸ்பூன் கேழ்வரகை முந்தைய நாள் இரவு ஊற வைத்து, மறுநாள் காலையில் அரைத்துக்கொள்ளுங்கள். சிறிது தண்ணீரை அடுப்பில் வைத்து, அரைத்த கேழ்வரகு விழுதை ஒரு துணியில் போட்டு வடிகட்டி, அந்தப் பாலை விட்டுக் கைவிடாமல் 2 நிமிடம் கிளறவும். இதில் பால், சர்க்கரை சேர்த்துக் கொடுக்கலாம்.
வளரும் குழந்தைக்குப் பால் போஷாக்கான உணவு. ஆனால், பாலை நன்றாகக் காய்ச்சித்தான் தர வேண்டும். அதேபோல் முட்டையை வேகவைத்து அதைக் குளிரவைத்துத் தர வேண்டும்.
தண்ணீரையும் நன்றாகக் காய்ச்சி ஆறவைத்து வடிகட்டி குழந்தைக்குக் கொடுக்கலாம்.
குழந்தைக்கு 7 முதல் 8 மாதங்கள் நிறைவடைந்ததும், தயிர் சாதம் கொடுக்கலாம். சிலர் சளி பிடிக்கும் என்று தவிர்த்துவிடுவார்கள். தயிர் வயிற்றுக்கு மிகவும் நல்லது. வயிற்றில் புண் வராமல் தடுக்கும். அதிக அளவு பழச்சாறுகள்,  காய்கறிகளில் சூப் செய்து தரலாம். அந்த சீசனில் கிடைக்கும் பழங்கள், காய்கறிகளைக் குழந்தைக்கு ஏற்றபடி செய்து தரலாம்.
9 முதல் 10-வது மாதத்தில் ஆப்பிள், வாழைப்பழம், கொய்யா போன்ற வெரைட்டியான பழங்கள், வைட்டமின் சி அடங்கிய நெல்லிக்காய் மசித்துக் கொடுக்கலாம். பழச்சாறாகவும் கொடுக்கலாம்.
எந்தப் பழத்தில் சாறு தயாரித்துக் கொடுத்தாலும், அதை வடிகட்டிய பிறகே தரவேண்டும்.  கொட்டைகள் சரியாக அரைபடாமல் இருந்தால், குழந்தையின் மூச்சுக் குழாயில் சிக்கும் அபாயம் இருக்கிறது.  பழங்களைத் தரும்போது அதை நன்றாகக் கழுவி மசித்த பிறகே தர வேண்டும். இட்லி, உப்புமா, சப்பாத்தி, தயிர், வேகவைத்த முட்டை, முள் நீக்கப்பட்ட மீன் தரலாம்.
குழந்தைகளின் வளர்ச்சிக்கான காலகட்டம் 7 மாதம் முதல் ஒன்றரை வயது வரை.  இதில் புரதசத்து மிகவும் அத்தியாவசியம். வைட்டமின் சி, பி காம்ப்ளெக்ஸ், கொழுப்பு என நிறைய சத்துக்கள் தேவைப்படும்.
6 மாதங்களுக்குப் பிறகு குழந்தைக்கு மற்ற உணவுகள் தேவைப்பட்டாலும், சத்து, புரதம் மற்றும் வைட்டமின் ஏ, இரும்புச் சத்து போன்றவைகளுக்குத் தாய்ப்பாலே சிறந்த மூலப்பொருள். குழந்தை தாய்ப்பால் குடிக்கும் வரை நோய்களில் இருந்து தாய்ப்பால் பாதுகாப்பு அளிக்கிறது. 6 மாதத்தில் இருந்து ஒரு வயது வரை மற்ற உணவுகளுக்கு முன்பாக தாய்ப்பால் தரவேண்டும். குழந்தையின் உணவில், வைட்டமின் மற்றும் தாதுக்கள் கிடைக்க, தோல் நீக்கி, வேகவைத்து, மசிக்கப்பட்ட காய்கறிகள், தானியங்கள், பருப்பு வகைகள் மற்றும் பழங்கள், எண்ணெய், மீன், முட்டை, பால் சார்ந்த பொருட்கள் இருக்க வேண்டும். இரண்டாவது வயதில், தாய்ப்பாலை உணவுக்குப் பிறகும் மற்ற நேரங்களிலும் தரவேண்டும்.
 1 வயது முதல் மூன்று வயது வரை
ஒரு வயது நிறைந்த குழந்தைகளுக்கு இனிப்பு வகைகளை அதிகம் தரக் கூடாது.  ஒருமுறை மட்டுமே பழரசம் கொடுக்கலாம். நாம் சாப்பிடும் உணவுகளைக் குழந்தைக்குத் தரலாம். கட்டாயப்படுத்திச் சாப்பிடவைக்கக் கூடாது. ஒரே மாதிரியாகச் செய்யாமல், விதவிதமாக செய்து தரவேண்டும். உணவில் தினமும் கீரை நல்லது. கீரையில் ஒரு நாள் கூட்டு, மறுநாள் மசியல், மறுநாள் பருப்பு கடைசல் என வெரைட்டியாகச் செய்துதந்தால், குழந்தைகள் விரும்பிச் சாப்பிடும்.
எந்த உணவையும் முதலில் சிறிது கொடுத்த பிறகு, கொஞ்சம் கொஞ்சமாக அதிகரிக்க வேண்டும். எடுத்தவுடன் திணிக்கக் கூடாது.
இந்த வயதில் குழந்தைகளின் மூளை வளர்ச்சி மிக அதிகமாக இருக்கும். இந்தக் காலகட்டத்தில் கொழுப்பு நிறைந்த உணவுகள் அவசியம். குழந்தைகளின் எடைக்கு ஏற்ப ஒரு கிலோவுக்கு 100 கி. கலோரி, 1.2 கிராம் புரதம் மற்றும் வைட்டமின் ஏ, சி சத்துள்ள உணவுகளைக் கொடுக்க வேண்டும்.
சாப்பிட அடம்பிடிக்கும் குழந்தைகளுக்கு எதிர்ப்புச் சக்தி குறையும். இதைத் தவிர்க்க மஞ்சள் நிறப் பழங்களைக் கொடுக்கலாம்.
கேரட், உருளைக்கிழங்கு, மீன், கீரை ஆகியவற்றையும் உணவில் அவசியம் சேர்க்க வேண்டும். இவற்றில் இருந்து வைட்டமின் ஏ கிடைக்கிறது.
கொழுப்புச் சத்து அதிகம் உள்ள பால் தர வேண்டும். இது, நரம்பு வளர்ச்சிக்கு நல்லது. காலையில் ஒன்றேகால் கப் சாதம் மற்றும் மசித்த உருளைக்கிழங்கு தரலாம். காய்கறி சேர்த்து சமைத்த உப்புமா, சேமியாவும் தரலாம்.
இடைப்பட்ட நேரங்களில் வேகவைத்த சுண்டல், கால் கப் பழச்சாறு மற்றும் கால் கப் பழக்கலவை தரலாம். மதிய உணவில் ஒரு முட்டை/மீன்/மட்டன் தரலாம். கீரையை நன்கு வேக வைத்து சாதத்துடன் பிசைந்து தரவும். வெண்ணெய், எண்ணெய் வகைகள் சேர்த்துக்கொள்ளலாம்.
குழந்தைப் பருவத்தில் வளர்ச்சி என்பது வேகமாக இருக்கும். அதேநேரம் குழந்தைகளின் உடல் வளர்ச்சியும், மனவளர்ச்சியும் நன்றாக இருக்க நல்ல சத்தான சரிவிகித உணவு மிகவும் அவசியம். அது குழந்தைகளுக்கு அதிக பருமன், எடை சார்ந்த நோய்களையும் தடுக்கும்.
குழந்தைகளுக்கு நார்ச்சத்து அதிகம் உள்ள முழுத் தானிய பிரெட் போன்றவற்றைக் குழந்தைகளுக்குக் கொடுங்கள். எண்ணெயில் பொரித்த உணவுகளைவிட சுட்ட, வறுத்த, ஆவியில் வேகவைத்த உணவுகளைக் கொடுப்பது, குழந்தைகளை ஆரோக்கியமாக வைத்திருக்கும்.
ஃபாஸ்ட் புட் உணவுகளைக் கூடிய மட்டும் தவிர்த்துவிடுங்கள். கடைகளில் விற்கப்படும், இனிப்பு சேர்த்த பழச்சாறுகள், சோடாக்களைக் கொடுக்கவே கூடாது.
இரும்புச் சத்து நிறைந்த உணவுகள் (முருங்கைக் கீரை, பேரீச்சை, வெல்லம்) போன்றவற்றை உணவில் அதிகம் சேருங்கள்.
நிறைய கலர்ஃபுல்லான காய்கறிகள், பழங்கள் என்று சாப்பிடும் ஆசையைத் தூண்டிவிடலாம்.
சாண்ட்விச், முந்திரி, பாதாம், உலர்ந்த திராட்சை, வேகவைத்த வேர்க்கடலை போன்ற கால்சியம், புரோட்டீன் மற்றும் வைட்டமின்கள் நிறைந்த உணவுகளைச் சாப்பிடக் கொடுக்க வேண்டும்.


  அம்மைத் தடுப்பு ஊசி போட்ட இடத்தில் புண் ஆகாமல் இருக்க, வேப்பிலையுடன், பசு மஞ்சளை சேர்த்து அரைத்துத் தடவினால், விரைவில் தழும்பு ஆறிவிடும்.
  சுக்கு, சித்தரத்தை, ஜாதிக்காய், மாசிக்காய் இவற்றைப் பாலில் போட்டு வேகவிட்டு, நிழலில் உலர்த்தவும். பச்சிளம் குழந்தைக்குத் தலைக் குளிப்பாட்டும்போது பாலில் வேகவைத்த சாமான்கள், கட்டிப் பெருங்காயம், இவற்றை சந்தனக் கல்லில் ஒருமுறை இழைத்து தாய்ப்பால் சேர்த்துப் புகட்டலாம். சுக்கு, பெருங்காயம் வாயுவைக் கலைக்கும். சித்தரத்தை சளி வராமல் தடுக்கும். ஜாதிக்காய் நல்ல தூக்கத்தைக் கொடுக்கும். மாசிக்காய் வயிறு பிரச்னை இல்லாமல் செய்யும்.
 சளி
  குழந்தை பிறந்து ஐந்தாவது நாள் வெற்றிலைச் சாறு, தாய்ப்பால், ஒரு கடுகு அளவு கோரோஜின் கலந்து புகட்டினால், சளி வெளியேறிவிடும்.
  கற்பூர வல்லி இலையுடன் சிறிது தண்ணீர் சேர்த்து நன்றாகக் கொதிக்க வைத்து வடிகட்டி, சர்க்கரை சேர்த்துக் கொடுத்தால், சளி கரையும்.
  ஆறு மாதம் முடிந்த குழந்தைகளுக்கு நொச்சி இலை, நுணா இலை, ஆடாதோடா இலை இந்த மூன்றையும் தண்ணீரில் போட்டுக் கொதிக்கவைத்து வடிகட்டி சர்க்கரை சேர்த்துக் கொடுத்தால், சளி கரையும்.
  கண்டங்கத்திரி இலையை நீரில் சேர்த்துக் கொதிக்கவைத்து, வடிகட்டி சர்க்கரை சேர்த்துக் கொடுக்கலாம். தூதுவளை இலையை நீர் விட்டுக் கொதிக்கவைத்து, தேன் கலந்து வடிகட்டிக் கொடுத்தால், சளி கரையும்.
 வயிறு
  பிறந்து மூன்று நாட்களே ஆன குழந்தைக்கு, ஒரு சொட்டு விளக்கெண்ணெயில் சிறிது தாய்ப்பால் சேர்த்து நன்றாகக் குழைத்து, குழந்தையின் நாக்கில் தடவுங்கள்.  குழந்தையின் வயிற்றில் தங்கியிருக்கும் கறுப்பு மலம் வெளியேறிவிடும்.
  ஏழாம் நாள் தாய்ப்பாலுடன் ஒரு சொட்டு துளசிச்சாறு கலந்து புகட்டினால், சளி கரையும்.
  கொய்யா இலையுடன் தண்ணீர் சேர்த்து நன்றாகக் கொதிக்கவைத்து வடிகட்டி சிறிது உப்பு சேர்த்துக் கொடுத்தால், பேதி நின்றுவிடும்.
  வயிற்றுவலியால் அழும் குழந்தைக்கு நாமக் கட்டியை இழைத்து, தொப்புளில் தடவலாம்.
 வசம்பை உப்புத் தண்ணீரில் நனைத்து, நல்லெண்ணெய் ஏற்றிய விளக்கில் சுட்டு வைத்துக்கொள்ளவும். குழந்தை வயிற்று வலியால் அழும்போது, சந்தனக் கல்லில் ஒரு இழை இழைத்துத் தாய்ப்பால் கலந்து ஒரு பாலாடை புகட்டலாம். சுட்ட வசம்பின் சாம்பலை ஒரு வெற்றிலையில் சிறிது தேன் கலந்து, குழைத்து குழந்தையின் நாக்கில் தடவினாலும் வயிற்று வலி சரியாகும்.
 குழந்தைக்கு வயிறு மந்தமாக இருந்தால், வெற்றிலை, ஓமம், பூண்டு, உப்புக்கல் சேர்த்து அரைத்து வடிகட்டி, சிறிது சர்க்கரை சேர்த்துப் புகட்டினா,ல் வயிறு மந்தம் சரியாகிவிடும்.
 வயிற்றில் பூச்சி இருந்து குழந்தை அழுதால், வேப்பங்கொழுந்து, ஓமம், உப்பு சேர்த்து சுடுநீர் விட்டு அரைத்து, வடிகட்டிக் கொடுத்தால், வயிற்றில் பூச்சி இருக்காது.
செல்லக்குழந்தையிடம் நீங்கள் காட்டும் அக்கறையான கவனிப்பே... ஆரோக்கியம் காத்திடும்.  வாழ்த்துகள்!
- தொகுப்பு: ரேவதி, உமாஷக்தி
படங்கள்: இ.ரா.ஸ்ரீதர், ஜெ.வேங்கடராஜ், ஸ்டீவ்ஸ் சு.இராட்ரிக்ஸ், பீரகா வெங்கடேஷ்
தகவல்:  குழந்தைகள் மனநல மருத்துவர் சாந்தி நம்பி, குழந்தைகள் மருத்துவர் ஸ்ரீனிவாசன், சித்த மருத்துவர் கண்ணன், தலைமை ஊட்டச்சத்து ஆலோசகர் கிருஷ்ணமூர்த்தி.

காதல் பிரச்சனை, சாதியப் பிரச்சனை என எத்தனையோ இன்னும் இந்த சமூகத்தில் நடக்கும் அவலத்தை பார்த்துக்கொண்டு தான் இருக்கிறோம். அதிலும் சில கொடூர சம்பவங்கள் அரங்கேறுகிறது.

அதிலும் சில படங்களில் முகம் தெரிந்த நடிகர்கள் இருப்பதால் சற்று கவனம் பெறுகின்றன. அந்த வகையில் உண்மை பின்னணியை மையமாக கொண்டு காலக்கூத்து வந்துள்ளது.

என்ன சொல்கிறது இந்த கூத்து? உள்ளே போகலாமா..

கதைக்களம்

நடிகர் பிரசன்னாவிற்கு பின்னால் ஒரு சோகப்பின்னணி. தனிமையில் இருக்கும் இவருக்கு பள்ளி தோழனாக கலையரசன் இருக்கிறார். இவர்கள் நண்பர்கள் ஆனது சோக சம்பவத்தால் தான்.

ஒன்று சேர்ந்திருக்கும் இவர்களுக்கு தனித்தனியே காதல் பக்கங்களும் இருக்கிறது. சில விசயங்களால் விரக்தியில் இருக்கும் பிரசன்னாவின் மீது சிருஸ்டி டாங்கேவுக்கு காதல் வருகிறது.

பெண் கேட்க வீட்டிற்கு செல்லும் போது எதிர்பாராத சம்பவம் நடந்தேறுகிறது. இன்னொரு பக்கம் கலையரசனுக்கு தன்ஷிகாவின் மீது காதல். இவர்கள் ஒரு இக்கட்டான சூழ்நிலையில் வீட்டை விட்டு பிரிகிறார்கள். இதற்கிடையில் சாலையில் வந்த பகையால் பிரச்சன்னாவின் உயிருக்கு ஆபத்து.

தன்ஷிகா கலையரசன் ஜோடி ஒன்று சேர்ந்தற்கு வீட்டில் எதிர்ப்பு. கலையரசனின் உயிருக்கும் ஆபத்து நேர்கிறது. கலையரசனுக்கு என்ன நடந்தது? பிரசன்னாவுக்கு வந்த ஆபத்து யாரால்?

மூவரும் பிழைத்தார்களா? காலப்போக்கில் நடக்கும் கூத்துக்கள் இவர்களை என்ன செய்தது என்பதே கதை.

படத்தை பற்றிய அலசல்

நடிகர் பிரசன்னா வில்லனாக நடித்து அசத்தியவர். ஹீரோவாக அவர் சில படங்களில் நடித்திருந்தாலும் அதெல்லாம் அவருக்கு கைகொடுக்கவில்லை. சமீபகாலமாகவே அவர் சில படங்களில் முக்கியமான கேரக்டர்களை தேர்ந்தெடுத்து நடித்து வருகிறார்

கடைசிவரை கதையுடன் பயணித்தலும் அவர் ஒரு செகண்ட் ஹீரோ போல தான். ஆனால் அவர் வந்து போகும் காட்சிகள் முக்கியத்துவம் பெருகிறது. பிரசன்னா உங்க திறமைக்கு இது சாதாரணமாக தான் படுகிறது.

கலையரசன் ஏற்கனவே கபாலி படத்தின் மூலம் பாராட்டை வாங்கினார். இவர் தான் காலக்கூத்தின் மெயின் ஹீரோ. ஒரு சாதாரண இளைஞனுக்குள் காதல் வந்தால் அவன் எப்படி இருப்பான் என ஸ்மார்ட்டாக காட்டியிருக்கிறார். திறமையான நடிகரான உங்களுக்கு படங்களை தேர்வு செய்வதில் கொஞ்சம் கவனம் தேவை.

தன்ஷிகா படத்தின் ஹீரோயின். மதுரை பெண்ணாக அப்படியே மாறியிருக்கிறார். பேச்சில் அவர் அந்த தனி பாஷையை அப்படியே உள்வாங்கியிருக்கிறார். கலையரசனுக்கும் இவருக்கு கெமிஸ்ட்டிரி சூப்பர். அதிலும் குறிப்பாக அந்த முதலிரவு பாடல் கூடுதல் இம்பிரஷன்.

சிருஸ்டி டாங்கே எப்பவும் போலவே இந்த படத்திலும் சில காட்சிகள் தான். ஆனால் அவருக்கு கதாபாத்திரம் ஒட்டவில்லையோ என தோன்றுகிறது. பிரசன்னா சிருஸ்டி ஜோடியை பார்க்கையில் ஏதோ மிஸ் ஆன ஃபில்.

முழுக்க முழுக்க மதுரையை மையமாக வைத்து படத்தை எடுத்திருக்கிறார் இயக்குனர். ஆரம்பத்தில் கதை கொஞ்சம் மெதுவாக நகர்வது போல தான் இருந்தது. ஆனால் கிளைமாக்ஸ் மட்டுமே கொஞ்சம் ஸ்பீடு.

திறமையான பிரபலங்கள் இன்னும் கொஞ்சம் பயன்படுத்தியிருக்கலாம் இயக்குனரே. கதையை கரெக்ட்காக சொல்லியிருக்கிறீர்கள். கதைக்கேற்ற எளிமையான ஒளிப்பதிவு என்றாலும் அழகாக காட்டியிருக்கிறார்கள்.

கண்ண கட்டி பாடலால் மனதை ஈர்க்கிறார் இசையமைப்பாளர் ஜஸ்டின் பிரபாகரன்.

கிளாப்ஸ்

கலையரசன், தன்ஷிகா பேசும் பாஷைகள். சின்ன சின்ன ரொமான்ஸ் இண்ட்ரஸ்டிங்.

காமெடி பிரபலங்கள் இல்லாத குறையை நட்புவட்டார காமெடிகள் நிவர்த்தி செய்கிறது.

இனிமையான கேட்கும் படியான பாடல்கள்.

பல்ப்ஸ்

வந்த ஜோரில் அடுத்தடுத்த பாடல்களால் கொஞ்சம் இடஞ்சல்.

பிரசன்னா, சிருஷ்டி காட்சிகள் வந்த வேகத்தில் பிரேக் அவுட்டானது திருப்தியாகல.

மொத்தத்தில் காலக்கூத்து காதலர்கள் மனதில் இடம் பிடிக்கும்.

தமிழ் சினிமாவில் தற்போது இசையமைப்பாளர், டான்ஸ் மாஸ்டர் என பலரும் ஹீரோவாக வந்துவிட்டனர். அதில் நிலைத்து நின்றது என்று பார்த்தால் விரல் விட்டு எண்ணிவிடலாம். அந்த வகையில் தனக்கென்று ஒரு இடத்தை பிடிக்க ஜிவி போராடி வந்தாலும் நாச்சியார் அவருக்கு நல்ல பாதையை அமைத்து கொடுத்துள்ளது. அதை தொடர்ந்து ஜிவி முதன் முதலாக பேமிலி ஆடியன்ஸிற்காக நடித்த படம் தான் செம, டைட்டில் போல் படம் இருந்ததா? பார்ப்போம்.

கதைக்களம்

ஜிவிக்கு இன்னும் 3 மாதத்தில் திருமணம் செய்யவேண்டும், இல்லையென்றால் 6 வருடத்திற்கு திருமணம் நடக்காது. மேலும் ஏதாவது அசம்பாவிதம் நடக்கும் என்று ஜாதகத்தில் சொல்கின்றனர்.

அதை தொடர்ந்து ஜிவிக்கு பெண் பார்க்க ஆரம்பிக்க, அவரை சில பெண்கள் மறுக்க ஒரு வழியாக மன்சூர் அலிகான் தன் மகளை ஜிவிக்கு கொடுக்க ஓகே சொல்கின்றார்.

பெண்ணிற்கு பூ வைக்க வரும் நேரத்தில் அந்த ஊர் எம். எல். ஏ மகன் மன்சூர் அலிகான் மகள் மீது ஆசைப்படுகிறார்.

இதனால் ஜிவி திருமணம் நிற்கும் நிலை அடைய, அதை தொடர்ந்து என்ன ஆகின்றது, இந்த ஜோடி இணைந்ததா என்பதே மீதிக்கதை.

படத்தை பற்றிய அலசல்

ஜிவி என்றாலே ஏதோ அடல்ட் ஹீரோ பார்த்த காலம் போய் நாச்சியாரில் தனக்கான ஒரு இடத்தை பிடித்து, செமவில் பேமிலி ஆடியன்ஸை டார்கெட் செய்துள்ளார். அதுவும் ஓரளவிற்கு பூர்த்தி செய்துள்ளார் என்று தான் சொல்ல வேண்டும். அம்மாவிடம் வெகுளியாக பேசும் போதும் சரி, அம்மாவை திட்டும் பெண்ணிடம் திட்டாதப்பா என்று கெஞ்சும் இடத்திலும் சரி ஜிவி நடிகனாக மெல்ல வளர்ந்து வருவது தெரிகின்றது.

வார வாரம் வெள்ளிக்கிழமை வந்தால் யோகிபாபுவும் இப்போது கூட வருகின்றார். அந்த அளவிற்கு அவருக்கான காலம் தான் போல இது, இனி ஒரு சில வருடங்களுக்கு ஹீரோவிற்கு நண்பன் கதாபாத்திரம் இவருக்கு தான் குத்தகை. வழக்கம் போல் கவுண்டரில் கலக்கினாலும் இதில் பெண்களை கிண்டல் செய்து வரும் காமெடி கொஞ்சம் முகம் சுளிக்க வைக்கின்றது.

பாண்டிராஜ் வசனம் என்றாலே எப்போதும் ஸ்பெஷல் தான், மிகவும் எளிதாக இன்றைய ட்ரெண்டில் என்ன இருக்கின்றதோ அதை, கிராமத்து ஆட்கள் கிண்டல் செய்வது போல் வைத்து கலகலப்பூட்டுவார். அதை இதிலும் சிறப்பாக செய்துள்ளார். ஆனால், ஒரு கட்டத்தில் இது படமே பாண்டிராஜ் தான் எடுத்தாரோ என்று தோன்றுகின்றது, அந்த அளவிற்கு அவர் ஸ்டைலிலேயே எடுத்துள்ளார் வள்ளிக்காந்த்.

காதல் தோல்வி அடைந்தால் பசங்க மாதிரி எங்களால் இருக்கமுடியாது. எங்களால் முடிந்த அளவிற்கு வாட்ஸ் அப்பில் சோகமாக ஸ்டேட்டஸ் வைப்போம் என்று ஹீரோயின் சொல்வதெல்லாம் அப்படியே இன்றை தலைமுறை காதலர்களுக்கு பொருந்தும்.

ஆனால், பாண்டிராஜ் வசனம் எழுதிய படத்தில் ஏன் பெண்களை கிண்டல் செய்யும் வசனங்கள் என்று தான் புரியவில்லை. அதிலும் கருப்பாக இருப்பதை வைத்து வரும் காமெடி காட்சிகள் எல்லாம் இந்த காலத்திலும் ஏன் சார் இப்படி.

விவேக் ஆனந்தின் ஒளிப்பதிவில் திருச்சியை சுற்றி சுற்றி படம் பிடித்துள்ளார்கள். அதிலும் தன் மகனின் திருமணம் நிற்பதை அறிந்து ஜிவியின் அம்மா கிணற்றுக்குள் விழும் காட்சி எல்லாம் அத்தனை யதார்த்தமாக படம் பிடித்துள்ளார். ஜிவியின் இசையில் அத்தனை பாடல்களும் ஹிட் மெட்டிரியல் தான்.

க்ளாப்ஸ்

ஜிவி, யோகிபாபு காமெடி காட்சிகள்.

பாண்டிராஜின் யதார்த்தமான வசனம்.

இரண்டாம் பாதியில் மன்சூர் அலிகான் ஏமாறும் காட்சிகள்.

பல்ப்ஸ்

மிகவும் பார்த்து சலித்து போன கதை தான்.

காமெடி காட்சிகள் நன்றாகவே இருந்தாலும் உருவத்தை வைத்து கிண்டல் செய்வது சரியில்லை.

அடுத்தடுத்து யூகிக்க முடிந்த காட்சிகள், அதிலும் அந்த வில்லன் கதாபாத்திரம், எதற்கு இவர் படத்தில் என்று தான் கேட்க தோன்றுகின்றது.

மொத்தத்தில் படம் டைட்டிலுக்கு ஏற்றது போல் செம லெவலில் இல்லை என்றாலும் ஒரு முறை பார்க்கும் லெவலில் தான் உள்ளது.

பிரபல நடிகை ஸ்ரீதேவி அவரது கணவர் போனி கபூரின் உறவினரின் திருமண விழாவில் பங்கேற்பதற்காக துபைக்கு சென்றிருந்த நிலையில் மரணமடைந்தார்.

திருமண நிகழ்ச்சியில் பங்கேற்ற பின்னர், அங்குள்ள நட்சத்திர ஹோட்டலில் தங்கியிருந்தார்.

அப்போது திடீர் மாரடைப்பு ஏற்பட்டு ஸ்ரீதேவி உயிரிழந்தகாக முதலில் தகவல்கள் வெளியாகின. ஆனால், அவர் தங்கியிருந்த அறையின் குளியல் தொட்டியில் மூழ்கித்தான் அவர் உயிரிழந்ததாக பின்னர் அறிவிக்கப்பட்டது.

    தற்போது ஸ்ரீதேவியின் இறப்பு குறித்து விசாரணை நடத்தி வரும் மும்பை பொலிஸார் ஓய்வு பெற்ற உதவி ஆணையர் வேத் பூஷண் தகவல் ஒன்றை வெளியிட்டுள்ளார்.

துபாயில், ஸ்ரீதேவி தங்கியிருந்த ஓட்டல் தாதா தாவூத்தின் சொத்து எனக்கூறிய அவர், சவுதி இளவரசருக்கும் தாவூத்திற்கும் நெருங்கிய தொடர்பு இருப்பதாக தெரிவித்துள்ளார்.

இக்கொலையில் தாவூத்திற்கு தொடர்பு உள்ளதாக தெரிவித்துள்ளார். ஸ்ரீதேவி திட்டமிட்டு கொலை செய்யப்பட்டதாக மீண்டும் கூறிவரும் ஆணையர், தமது சந்தேகங்களின் உண்மையறிய அதே ஓட்டலில் தமது புலனாய்வுக் குழுவுடன் தங்கியுள்ளார்.

இதேவேளை, ஸ்ரீதேவி பெயரில் 240 கோடி ரூபாய் காப்பீடு இருந்தது என்றும் இந்த காப்பீட்டின் நிபந்தனைப்படி ஸ்ரீதேவி துபாயில் இறந்தால் மட்டுமே பணம் கிடைக்கும் என்ற தகவல் அதிர்ச்சியளிப்பதாகவும் பூஷண் தெரிவித்துள்ளார்.

ஸ்ரீதேவி மரணம் குறித்து புதிய புதிய தகவல் வெளியாகி வரும் நிலையில், புலனாய்வு பிரிவின் இந்த தகவல் அனைவர் மத்தியிலும் மீண்டும் சர்ச்சை ஏற்படுத்தியுள்ளது.

ஆர்யாவை வைத்து நடந்த எங்க வீட்டு மாப்பிள்ளை என்ற நிகழ்ச்சி ரசிகர்களிடம் பிரபலம். இதில் எல்லோர் மனதையும் கவர்ந்தவர் அபர்ணதி.

வசந்தபாலன் இயக்க இருக்கும் புதிய படத்தில் ஜி.வி. பிரகாஷ் நாயகனாக கமிட்டாகியுள்ளார். நாளையில் இருந்து இப்படத்தின் படப்பிடிப்பு தொடங்கப்பட இருக்கும் நிலையில் நாயகி பற்றி தகவல் வந்துள்ளது.

அதாவது எங்க வீட்டு மாப்பிள்ளை என்ற நிகழ்ச்சி மூலம் பிரபலமான அபர்ணதி தான் இப்பட நாயகியாம். மேலும் ராதிகா சரத்குமார், பாண்டி, பிரபாகர் போன்ற பிரபலங்களும் படத்தில் நடிக்க இருக்கிறார்களாம்.

அள்ள அள்ள குறையாத அம்மா சென்ட்டிமென்ட் கதைகளில், ‘பிச்சைக்காரன்’ படம்தான் பெஸ்ட்டோ பெஸ்ட்! பாதி ராத்திரியில் எழுப்பி கால்ஷீட் பேப்பரில் கையெழுத்து கேட்டாலும், ‘அம்மா’ன்னு சொன்னா சும்மாவே போடுவார் விஜய் ஆன்ட்டனி. அது போதாதா? ஆளை ஒரே அமுக்காக அமுக்கியிருக்கிறார்கள். ‘அம்ம்ம்ம்ம்…ஆவ்’ என்று அலறவிட்டிருக்கிறார் கிருத்திகா உதயநிதி!

அமெரிக்காவில் டாக்டராக இருக்கும் விஜய் ஆன்ட்டனிக்கு ஓயாமல் வருகிறது ஒரு கனவு. மாடு முட்டுவது போலவும், பாம்பு விழுங்க வருவது போலவுமான ரிப்பீட் அது. கனவின் சுவடு தேடி கிளம்ப வேண்டும் என்று நினைத்துக் கொண்டிருக்கும் போதுதான் அந்த உண்மையை ‘பொதுக்கடீர்’ என்று போட்டு உடைக்கிறார் அவரது வளர்த்த அப்பா. “நீ எங்களுக்கு பொறக்கலேப்பா. உன் அம்மாவே வேற…”

எலும்பே உடைஞ்சுருச்சுப்பா… என்கிற அளவுக்கு அழுத்தமான அந்த காட்சியில், ‘பிளாஸ்த்ரி போட்டுக்குறேன்பா’ ரேஞ்சில் ரீயாக்ஷன் கொடுத்துவிட்டு இந்தியாவுக்கு வருகிறார் டாக்டர் விஜய் ஆன்ட்டனி. வந்த இடத்தில் நடக்கிற சம்பவங்கள்தான் காளி.

‘எனக்கு நடிக்கவே வராது’ என்று பலமுறை தன் பேட்டிகளில் கூறிவிட்டார் விஜய் ஆன்ட்டனி. அதனால் அவரது நடிப்பை பற்றி பேசுவது பெரும் தவறு என்பதால் அவரது ஆக்ஷன் அவதாரத்தை சிலாகித்தபடி தொடரலாம். படத்தில் வருகிற அத்தனை பைட் காட்சிகளிலும் நரம்பு புடைக்கிறது நமக்கு. பிரித்து மேய்ந்திருக்கிறார் ஹீரோ. அதிலும், காட்டுக்குள் நடக்கிற அந்த பைட் மரண மாஸ்! லேசாக முகத்தை சிவப்புத்துணியால் மூடி, கண் மட்டும் தெரிகிற அந்த ஸ்டைலில் அள்ளுகிறார் மனுஷன். இவருக்கும் ஷில்பாவுக்குமான அந்த லவ் கூட அழகோ அழகு.

லோக்கல் டாக்டர்(?) அஞ்சலி, புதுசாக வந்திருக்கும் அமெரிக்க டாக்டரை நினைத்து மிரளுவதெல்லாம் இயல்புதான். மெல்ல டாக்டரின் வலைக்குள் விழுந்து அவரையே கட்டிக்கொள்ள ஆசைப்படும் அஞ்சலி, இப்பவும் அதே அழகோடு இருப்பது மார்கண்டேய யோகம். கடைசிவரை தன் டாக்டர் கெத்தை விட்டுக்கொடுக்கலையே, அங்க நிக்கிறீங்க அஞ்சுஸ்!

படத்தில் யார் பிளாஷ்பேக்கினாலும், அதில் வரும் கேரக்டர் ஆம்பளையாக இருந்தால் விஜய் ஆன்ட்டனி வந்துவிடுகிறார். (இந்தப்படத்தின் புதுமையே அதுதான்) அப்படி மதுசூதனன் பிளாஷ்பேக்கில் வரும் விஜய் ஆன்ட்டனியை காதலிக்கும் அம்ரிதா, சற்று ‘தாராள’ போக்கை கடைபிடித்திருக்கிறார். செம ரிலாக்ஸ்ம்மா!

சுனைனா வருகிற அந்த பிளாஷ்பேக், அந்த கால எம்ஜிஆர், நம்பியார் படங்களையெல்லாம் ஞாபகப்படுத்திவிட்டுப் போகிறது. கிருத்திகா உதயநிதியை இந்த கால யூத் என்று நினைத்தால், அவர், கலைஞர் காலத்து கதைப் பெட்டகமாக இருக்கிறார். ஹய்யோ… ம் சுனைனாவுக்கு வருவோம். கதையின் அழுத்தமான கேரக்டரே இவர்தான். அதை உணர்ந்து நடித்திருக்கிறார். ‘அந்த தப்புக்கு முழு காரணமும் நான்தான்’ என்று ஒப்புக் கொண்டு பாரம் சுமப்பது நெகிழ்ச்சி நேரங்கள்!

நல்லவேளை… யோகிபாபு இருந்தார். இல்லையென்றால் இந்தப்படத்தை நினைத்துப் பார்க்கவே குலை நடுங்குகிறது!

நடிகராக ஆங்காங்கே வெண்ணை வழுக்கினாலும், இசையமைப்பாளராக தன் ‘கிரிப்’பை விட்டுக் கொடுக்கவே இல்லை விஜய் ஆன்ட்டனி. அரும்பே… யுகம் நூறாய்… மனுஷா வா முன்னேற… ஆகிய பாடல்கள் அப்படியே மனசில் பதியும் மருதாணி அச்சு.

படத்தில் ஆங்காங்கே வருகிற பிளாஷ்பேக் காட்சிகளில், நிறைய வித்தியாசத்தை கொண்டு வர முயன்று அதில் வெற்றியும் பெற்றியிருக்கிறார் ஒளிப்பதிவாளர் ரிச்சர்ட் எம். நாதன்.

பெண் இயக்குனர்கள் வதவதவென வருகிறார்கள். ஆனால், இறுதிச்சுற்றும், விக்ரம் வேதாவும் எப்போதாவதுதான் வருகின்றன!

பெரும்பாலும் கடல் உணவுகளில் மக்கள் அதிகமாக விரும்பி உண்ணும் உணவே மீன் ஆகும். இதில் மத்தி மீனின் இருக்கும் நன்மையினை தற்போது காணலாம்.

மனித உடல் வளர்ச்சிக்கும், ஆரோக்கியத்திற்கும் மிகவும் அவசியமாக தேவைப்படும் புரதச்சத்து மீனில் அதிகம் உள்ளது. மத்தி மீன்களின் உடல் ஆரோக்கியத்திற்கு தேவையான கொழுப்பு, வைட்டமின்கள், தாதுச்சத்துக்கள் உள்ளது.

100 கிராம் மத்தி மீனில் புரதச்சத்து 20.9 கிராமும், கொழுப்பு சத்து 10.5 கிராமும், சாம்பல் சத்து 1.9 கிராமும், நீர்ச்சத்து 66.70 கிராமும் உள்ளது. மத்தி மீன்களில் ‘ஒமேகா 3‘ கொழுப்பு அமிலம் அதிகம் உள்ளதால் ட்ரை கிளிசரைடுகள் அளவை குறைத்து இதய நோய் ஏற்படும் வாய்ப்பை குறைக்கிறது.

தோல்நோய், மூளை மற்றும் நரம்பு நோய்கள், வயதானவர்களுக்கு ஏற்படும் மன அழுத்தம், ஆஸ்துமா, முடி உதிர்தல் ஆகிய நோய்கள் வரும் வாய்ப்பை குறைக்கும்.

சர்க்கரை நோய் உள்ளவர்கள், மத்தி மீன் சாப்பிட்டால் நோய் எதிர்ப்பு திறன் அதிகரித்து ரத்தத்தில் சர்க்கரையின் அளவை கட்டுப்படுத்தலாம். மத்தி மீன்களில் கால்சியம் அதிகம் இருப்பதால் எலும்புகளின் வளர்ச்சிக்கு உதவுகிறது. மேலும் பாஸ்பரஸ் சத்தினால் எலும்புகளுக்கு வலிமை தருகிறது.

 காளி சூப்பர் ஸ்டார் டைட்டிலில் பல வருடங்களுக்கு முன்பு வந்த படம். தற்போது அதே டைட்டிலில் கிருத்திகா உதயநிதி இயக்கத்தில் தமிழ் சினிமாவின் நம்பிக்கை நட்சத்திரமாக வளர்ந்து வரும் விஜய் ஆண்டனி நடிப்பில் வெளிவந்துள்ள படம் தான் காளி. விஜய் ஆண்டனி மீதுள்ள நம்பிக்கையை மீண்டும் நிலை நிறுத்தினாரா? பார்ப்போம்.

கதைக்களம்

விஜய் ஆண்டனி படங்கள் என்றாலே ஒரு சைக்கோ கதாபாத்திரம், அம்மா செண்டிமெண்ட் இது இரண்டும் தான் பெரும்பாலும் இருக்கும். அந்த வகையில் விஜய் ஆண்டனிக்கு எப்போதும் தன் கனவில் ஒரு பாம்பு, மாடு தெரிகின்றது. அமெரிக்காவில் முன்னணி டாக்டராக இருக்கும் இவருக்கு ஒரு கட்டத்தில் நாம் வளர்ப்பு மகன் தான் என தெரிய வருகின்றது.

பிறகு தன் வளர்ப்பு பெற்றோர்கள் அனுமதியுடன் இந்தியா வர அங்கு தன் தாய் இறந்துவிட்டார் என தெரிகின்றது. அதே நேரத்தில் தன் தந்தை உயிருடன் இருப்பதை அறிந்த விஜய் ஆண்டனி தன் அப்பா யார் என்று தேடி செல்கின்றார். தன் தந்தை யார் தன் அம்மா ஏன் இப்படி ஆனார் என்பதை விஜய் ஆண்டனி கண்டுப்பிடிப்பதே மீதிக்கதை.

படத்தை பற்றிய அலசல்

விஜய் ஆண்டனிக்கே அளந்து எடுத்த கதாபாத்திரம், தனக்கு என்ன வருமோ அதை அறிந்து இயல்பான நடிப்பை வெளிப்படுத்தியுள்ளார், ஆனால், பல பேட்டிகளில் எனக்கு நடிக்க தெரியாது என்று சொல்லி தப்பித்துக்கொள்கிறார்.

கொஞ்சம் எக்ஸ்பிரஷேன் காட்ட முயற்சி செய்யுங்கள் விஜய் ஆண்டனி, இன்னும் எத்தனை நாளைக்கு ஒரு Safe Zone ல் இருப்பீர்கள். அம்மா செண்டிமெண்டும், சைக்கோ செண்டிமென்டும் விஜய் ஆண்டனியின் முந்தய படத்தில் இருக்கும். தற்போது கூடுதலாக அவர் அப்பா செண்டிமெண்டை இதில் சேர்த்திருக்கிறார்.

படத்தின் முதல் பாதியை தாங்கி பிடிப்பதே யோகி பாபு தான், தன் ஒன் லைன் கவுண்டரில் கலக்கியுள்ளார், அதிலும் விஜய் ஆண்டனி அப்பாவை கண்டிப்பிடிக்க அவர் கொடுக்கும் ஐடியாக்கள், ஊர் தலைவர் வீட்டில் திருடப்போவது, அவருக்கே சரக்கு வாங்கி கொடுத்து அவர் கதையை கேட்டு கலாய்ப்பது என ஒன் மேன் ஷோ. சூப்பர் யோகி பாபு.

படத்தில் மூன்று கதை பயணிக்கின்றது, மூன்று பேரிடம் தன் அப்பாவை பற்றி விஜய் ஆண்டனி விசாரிக்கையில் அந்த கதையின் நாயகனாக விஜய் ஆண்டனி வருகின்றார். வித்தியாசமான முயற்சி தான்.

ஆனால், மூன்றாவதாக வரும் கதையை தவிர மற்ற இரண்டு கதையிலும் சுவாரஸ்யம் இல்லை. மூன்றாவது கதை தொடங்கும் போதே மக்களிடம் அட இன்னொன்றா என்ற சோர்வு தெரிகின்றது.

மூன்று கதையிலும் ஒரு எமோஷ்னல் விஷயத்துடன் முடிவடைந்தாலும் அது எந்த விதத்தில் ஆடியன்ஸுடன் கனெக்ட் ஆனது என்றால் கேள்விக்குறி தான்.

படத்திற்கு இசையே விஜய் ஆண்டனி என்பதால் பாடல்களில் கவர்கின்றார், அதிலும் குறிப்பாக அரும்பே பாடலில் செம்ம ஸ்கோர் செய்துள்ளார்.

க்ளாப்ஸ்

யோகி பாபு முதல் பாதியை தாங்கிபிடிப்பதே அவர் தான்.

மூன்றாவது கதை அதில் சொன்ன விஷயம் கவர்கின்றது.

விஜய் ஆண்டனியின் இசை.

பல்ப்ஸ்

சோர்வாக செல்லும் திரைக்கதை.

எந்த கதையிலும் நாசர் தாடியை போலவே ஒட்டாத காதல் காட்சிகள்.

மொத்தத்தில் விஜய் ஆண்டனியின் தேடல் பெரிது என்றாலும் சுவாரஸ்யம் குறைவு. 

கடந்த 10 ஆண்டுகளுக்கும் மேலாக வாசலின் பயன்பாட்டில் உள்ளது. இதை உதடு ஈரப்பதமாக்குவதை தவிர வேறு எதற்கும் பயன்படுத்தப்படுவது கிடையாது. வெண்மையான பளபளப்பு நிறத்தில் உள்ள இந்த களிம்பில் மருத்துவ குணாதிசய சூத்திரங்கள் பல அடங்கியுள்ளது.

உதடுக்கு தடவுவது மட்டுமின்றி இது பல்வேறு பயன்பாட்டுக்கு உகந்தது. தீக்காயத்தை குணமாக்குவது மற்றும் சொறிக்கு மருந்தாக பயன்படுவதோடு இந்த பெட்ரோலியம் ஜெல்லி ஷூ ஷைனர் உள்ளிட்ட பல வகையான வேலைகளுக்கு உதவியாக இருக்கிறது.

லிப் ஸ்கர்ப்

வெறும் உதடு களிம்பை பயன்படுத்துவதால் மட்டும் உங்களது உதடு பிரச்னைகளுக்கு தீர்வு ஏற்படாது. வாசிலின் லிப் ஸ்கர்ப் உங்களது உதட்டை உறித்து சிறந்த வெளிப்பாட்டை கொடுக்கும். கடைகளில் கிடை க்கும் அதிக விலை கொண்ட உதடு களிம்புகளுக்கு இது சிறந்த எதிரியாகும். கொஞ்சம் வாசலினுடன் சிறிதளவு சர்க்கரையை நன்றாக கலக்க வேண்டும். இதை சாதாரணமாக உதட்டின் மீது பூசுங்கள். அப்படியே லேசாக மசாஜ் செய்த கொடுத்தால் நல்ல முடிவு கிடைக்கும். இப்போது நீங்கள் பூசியதை துடைத்துவிடுங்கள். இதன் பின்னர் உங்களது உதட்டு களம்பை தடவிட்டால் நீங்கள் வெளியில் செல்ல தயாராகவிடலாம்.

இங்கு சர்க்கரையை விருப்பத்தின் அடிப்படையில் தேர்வு செய்யலாம். சர்க்கரையை பூச தேர்வு செய்யும் போது பிரவுன் சர்க்கரை தேர்வு செய்தால் அது மென்மையாக இருக்கும். வெள்ளை சர்க்கரை தேய்க்கும் போது சிராய்ப்புகளை ஏற்படுத்தும் வாய்ப்பு உள்ளது. காஸ்டர் சர்க்கரை இன்னும் சிறந்தது. இனி முடிவு செய்ய வேண்டியது நீங்கள் தான்.

பாத வெடிப்பு

கால் பாத வெடிப்பை குணப்படுத்தவும், மென்மையான பாதங்களை பெறவும் வாசலின் சிறப்பான சிகி ச்சையை அளிக்கும். இந்த மென்மையான களிம்பு, உங்களது பாதங்களுக்கு மிக பயனுள்ளதாக இருக்கும். அதோடு உங்களது முழு உடலையும் மென்மையாகவும், மிருதுவாகவும் வைத்திருக்க உதவும். தினமும் இரவில் படுக்கும் போது பாதம் முழுவதிலும் வாசிலினை தடவிவிட்டு அதன் மேல் சுத்தமான சாக்ஸை அணிந்து கொண்டு தூங்குங்கள். பெட்ரோலியம் ஜெல்லியில் உள்ள எண்ணெய் பாதத்தில் ஈரப்பதத்தை நீண்ட நேரம் தக்கவைத்திருக்கும். இதர தண்ணீர் சார்ந்த லோஷன்களை விட இது அதிக நேரம் தங்கியிருக்கும். இது விரைந்து குணப்படுத்த உதவும்.

தோல் பராமரிப்பு

வறண்ட மேல்புற தோலை சரிசெய்யவும், அதை பராமரிக்கவும் வாசலின் களிம்பு திறம்பட செயலாற்றும். மேலும் இது மென்மையான கைகளின் பயன்பாட்டிற்கு பரிந்துரை செய்யப்படுகிறது. தூங்குவதற்கு முன்பு விரல் நகங்கள், நகத்தின் அடிப்பகுதியில் வாசலினை கொண்டு மசாஜ் செய்துவிட்டு, பின்னர் அதன் மீது கிளவுஸ் அணிந்து கொள்ளுங்கள். மறுநாள் காலையில் மென்மையான கைகள் மற்றும் பளபளப்பாக ஜொலிக்கும் நெகத்தையும் நீங்கள் காணலாம்.

நமது தோலில் உள்ள அதே புரோட்டீன்கள் மேல்புற தோலிலும் இருக்கும். அதனால் மேல்புற தோல் ஈரப்பதத்தை இழக்கும் போது அவை வறண்டு போகவும், வெடிக்கவும் வாய்ப்பு இருக்கிறது. அப்போது வாசலினை தடவினால் அது மேல் தோல் வறண்டு போவதையும், வெடிப்பதையும் தடுத்து குணமாக்கிவிடும்.

சிராய்ப்பு

கோடை காலத்தில் ரன்னிங் செல்லும் போது முகத்தில் காற்று அல்லது சூரிய ஒளியால் உடலில் ஏற்படும் சிவந்த பகுதி மற்றும் ஆடைகள் அறுப்பதால் ஏற்படும் சிராய்ப்புகள் வராமல் தடுக்க வாசலின் பயன்படுகிறது. இத்தகைய தாக்குதல் உள்ள பகுதிகளில் வாசலினை சிறிதளவு தடவுவதன் மூலம் அது மேலும் பரவாமல் தடுக்க முடியும்.

தோலை எடுப்பாக காட்டுதல்

கன்னத்தில் உள்ள எலும்புகள் மற்றும் புருவ எலும்புகள் உள்ள பகுதியில் வாசலினை தடவினால் எடுப்பான தோற்றத்தை காட்டும். மினுமினுக்கும் தோலை பெற இது மலிவு விலையிலான தீர்வாகும்.

முழங்கைகள்

வறண்ட மற்றும் வெடிப்பு மிகுந்த முழுங்கைகளில் வாசலினை தூங்குவதற்கு முன்பு தடவினால் அந்த ப குதி மென்மையாகிவிடும்.

காதுகளில் தோடு

காதணிகளை நீங்கள் தொடர்ந்து பயன்படுத்தாமல் இருந்துவிட்டு, பின்னர் ஸ்டட்ஸ்களை பயன்படுத்தினால் வலி இருக்கும். இதை எளிமையாக்க காதுகளில் போடப்பட்டுள்ள ஓட்டை பகுதியில் சிறிதளவு வாசிலினை எடுத்து தடவ வேண்டும். இதன் பின்னர் நீங்கள் தோடுகளை அணிந்தால் வலி இருக்காது.

சுருண்ட கூந்தல்

சிறிய அளவு வாசலினை எடுத்து அதை கூந்தலில் தடவுங்கள். இது கூந்தலில் உள்ள சுருள்களை அகற்றிவிடும். இதை அதிக அளவு பயன்படுத்தக் கூடாது. அப்படி செய்தால் கிரீஸி கூந்தலாக மாற்றிவிடும். கூந்தல் நுனிப் பகுதியில் உள்ள சிக்கலை எடுக்கவும், வறண்ட நிலையைப் போக்கவும் வாசலின் பயன்படுத்தலாம்.

டேபிள் டிராயர்கள் திறக்க

நன்றாக திறந்து மூடிய டேபிள் டிராயர்கள் திடீரென சிக்கிக் கொள்ளும். இதை திறப்பது பெரும் சிரமத்தை ஏற்படுத்தும். அதான் டிராயர் சிக்கிக் கொள்ளாமல் இருக்க வாசலின் பயன்படுத்தலாம். இதன் பின்னர் அது மென்மையாக திறந்து மூடும்.

செயற்கை இமைமுடி

சிறிதளவு பருத்தி சுருளை வாசலினில் நனைத்து அதை செயற்கை கண் இமை முடியை துடைக்க வேண்டும். அப்போது அந்த பசை மென்மையாகும். இதன் பின்னர் வெண்ணீரில் கழுவி விட வேண்டும்.

லிப்ஸ்டிக் கறை

உங்களது லிப்ஸ் ஸ்டிக் பற்களில் படாமல் இருக்க வேண்டுமா?. இதை செய்யுங்கள். பளிச்சென்று இருக்கும் லிப்ஸ் ஸ்டிக்கை பயன்படுத்துவற்கு முன்பு உங்களது பற்களில் வாசலினை தடவிவிடுங்கள். இதன் மூலம் லிப் ஸ்டிக் பற்களில் ஒட்டாது.

கண் புருவங்கள்

முரட்டுதனமான புருவங்களை கட்டுப்படுத்தலாம். புருவத்தில் வாசலினை சிறிதளவு தடவினால் புருவம் நன்றாக பணிந்து நல்லதொரு தோற்றத்தை ஏற்படுத்தும்.

ஜிப் சிக்கல்

பை உள்ளிட்ட பல அம்சங்களில் இடம்பெற்றிருக்கும் ஜிப் அடிக்கடி சிக்கிக் கொண்டு பெரும் சிரமத்தை ஏற்படுத்தும். இந்த சமயத்தில் ஜிப்பின் இரு புறமும் வாசலினை தடவினால் சிக்கல் இல்லாமல் ஜிப்பை எளிதாக திறந்து மூடலாம்.

தீ மூட்டலாம்

இரவு நேரத்தில் குளிர்காய தீ மூட்ட படாதபாடு பட வேண்டியிருக்கும். இதை தவிர்க்க ஒரு சிறிதளவு துணியை வாசலினில் நனைத்து போட்டு பற்ற வைத்தால் தீ எளிதில் பற்றிக் கொள்ளும்.

நெயில்பாலிஷ் பாட்டில்

நெயில்பாலிஷ் பாட்டில்களை திறக்கும் போது சிரமப்பட வேண்டியிருக்கும். இந்த பாட்டிலின் கழுத்து பகுதியில் வாசலினை தடவி வைத்தால் பாலிஷ் வறண்டு அந்த பகுதியில் பிடித்துக் கொள்ளாமல் இருக்கும். இதனால் திறப்பது எளிதாக இருக்கும்.

பெர்பியூம்

உடலில் பெர்பியூம் அடிப்பதற்கு முன்பு கழுத்து மற்றும் கைகளில் வாசலின் தடவிக் கொள்ள வேண்டும். இதன் மூலம் வாசனை நாள் முழுவதும் நீடிக்கும்.

ஐ மேக்அப் ரிமூவர்

வாசலினை பயன்படுத்தி கண்களில் போடப்பட்டுள்ள மேக் அப்பை ஒரு சில விநாடிகளில் எளிதாக அகற்றிவிடலாம். எரிச்சலை தடுக்க உடனடியாக அந்த பகுதியை துடைத்துவிடுவது நல்லது.

வாசலின் அதிக வேலைகளை செய்யும் போது ஏன் பலவிதமான பொருட்களை காசு கொடுத்து வாங்க வேண்டும்?.

ஒட்டுமொத்த தொலைக்காட்சி ரசிகர்கள் பெரிதும் எதிர்ப்பார்ப்பது பிக்பாஸ் 2 நிகழ்ச்சியை தான். அதிலும் சிலர் கமல்ஹாசனின் பேச்சுகளை கேட்ட மிகுந்த ஆர்வம் காட்டி வருகின்றனர்.

தமிழை போல் தெலுங்கிலும் பிக்பாஸ் 2 சீசன் தொடங்க இருக்கிறது.

தெலுங்கில் பிரபல நாயகியான தேஜஸ்வி மடிவாடா கலந்து கொள்ள இருப்பதாக உறுதியான தகவல் வந்துள்ளது. இவர் முதல் சீசனிலேயே கலந்து கொள்ளுவதாக இருந்ததாம், ஆனால் அவர் படங்களின் சில வேலைகளுக்காக அதில் பங்கேற்கவில்லை.

இவர் தெலுங்கு சினிமாவில் பல வெற்றி படங்களில் நடித்திருப்பது குறிப்பிடத்தக்கது.

'நடிகையர் திலகம்' திரைப்படத்தில் சாவித்திரியாகவே வாழ்ந்துள்ளதாக நடிகை கீர்த்தி சுரேஷூக்கு வாழ்த்துகளும் பாராட்டுகளும் குவிகின்றன. மகளுக்குக் கிடைக்கும் பாராட்டுகளால், கீர்த்தியின் அம்மாவும் நடிகையுமான மேனகா சுரேஷ் பூரிப்புடன் பேசுகிறார்.

``தினம் தினம் கீர்த்திக்கான பாராட்டு மழையில் நனைஞ்சுட்டிருக்கேன். 'உன் கர்ப்பத்தில் சாவித்திரியே பிறந்திருக்கிறாள். நீ புண்ணியம் பண்ணியிருக்கே'னு பாராட்டறாங்க. சாவித்திரி அம்மாவின் பயோபிக்ல நடிக்கும் வாய்ப்பு வந்ததும், ஆயிரம் முறைக்கு மேலேயே கீர்த்தி யோசிச்சாள். அப்போ, கீர்த்தி மேல் வைக்கப்பட்ட அடுக்கடுக்கான விமர்சனங்களால், எனக்கும் பயமும் கவலையும் இருந்துச்சு. ஆனாலும், 'உன்னால் முடியும்னு நம்பிக்கை இருந்தால் நடி. எந்த விமர்சனத்தையும் கண்டுக்காதே'னு சொன்னேன். ஒருமுறை மட்டும் ஷூட்டிங் ஸ்பாட்டுக்குப் போனேன். 'எழுந்திரிங்கம்மா'னு சாவித்திரியை, குழந்தை எழுப்புற மாதிரி படத்தில் வரும் காட்சியைப் படமாக்கிட்டு இருந்தாங்க. அந்தக் காட்சியால் சாவித்திரி அம்மாவின் நியாபகம் வந்து ஃபீல் பண்ணினேன். அதனால், உடனே திரும்பி வந்துட்டேன். பிறகு, ஷூட்டிங் பக்கம் போகவேயில்லை.

கொஞ்ச நாள் கழிச்சு, 'ஏதாச்சும் போட்டோஸைக் காட்டு. உன் மேக்கப், காஸ்ட்யூம் காட்டு'னு கேட்டேன். படத்தின் டீசர் ரிலீஸானபோதும் கேட்டேன். ஆனா, படத்தைப் பற்றிய விஷயங்களை ஷேர் பண்ணிக்க மறுத்தாள். 'போட்டோஸ் உள்பட எதையும் இப்போ பார்க்க வேண்டாம். படம் ரிலீஸாகும்போது பாருங்க. உங்க கேள்விகளுக்குப் பதில் கிடைக்கும்'னு சொல்லிட்டாள். என்கிட்ட மட்டுமில்லை, வேற யார்கிட்டயும் படத்தைப் பற்றி கீர்த்தி எதையும் பேசிக்கலை" என்கிற மேனகா, நடிகை சாவித்திரி பற்றிய சில தகவல்களை மட்டும் கீர்த்திக்குச் சொல்லியிருக்கிறார்.

``ஒருமுறை, 'சாவித்திரி அம்மாவைப் பற்றி டிப்ஸ் கொடுங்க'னு கேட்டாள். 1981-ம் வருஷம், சுகுமாரி அம்மா, சாவித்திரி அம்மாவைப் பார்க்க அவங்க வீட்டுக்கு என்னை அழைச்சுட்டுப் போனாங்க. வீட்டு வாசலில் காரில் என்னை உட்காரவெச்சுட்டு அவங்க மட்டும் உள்ளே போயிருந்தாங்க. வெளியே வந்ததும், 'நிலைமை ரொம்ப மோசமா இருக்கு. ரொம்ப சுருங்கிப் போயிட்டாங்க. உன் மனசுல ஒரு சாவித்திரியை வெச்சிருப்பே. அது அப்படியே இருக்கட்டும். இப்போ அவங்களைப் பார்த்தால் ரொம்ப மனசு கஷ்டப்படுவே'னு சொல்லி என்னை ரிட்டர்ன் கூட்டிட்டு வந்துட்டாங்க. வீட்டு வாசல் வரை போயும் சாவித்திரி அம்மாவை நேரில் பார்க்க முடியலையேனு வருத்தப்பட்டேன். சுகுமாரி அம்மாகிட்ட பேசி சாவித்திரி அம்மா பற்றி நிறைய விஷயங்களைத் தெரிஞ்சுகிட்டேன்.

இடதுகைப் பழக்கம் உடையவங்க, அநாயசமாக கார் ஓட்டுவாங்க, வெரைட்டியான பிளவுஸ் போடுவாங்க, கண் அசைவிலேயே நடிப்பாங்க'னு பல விஷயங்களைத் தெரிஞ்சுக்கிட்டேன். அதையெல்லாம் இப்போ கீர்த்திகிட்ட சொன்னேன். சாவித்திரியின் மகள் விஜய சாமுண்டீஸ்வரி, என் நீண்ட கால தோழி. ஷூட்டிங் கிளம்புறதுக்கு முன்னாடியே அவங்ககிட்ட சாவித்திரி அம்மா பற்றி பல விஷயங்களை கீர்த்தி கேட்டுத் தெரிஞ்சுகிட்டாள். தினமும் சாவித்திரி அம்மா போட்டோவை கும்பிட்டுட்டுத்தான் ஷூட்டிங் போவாள்.

கடந்த 8-ம் தேதி, ஹைதராபாத்தில் ப்ரிவியூ ஷோ. சமந்தா, கீர்த்தி, நான் உள்பட 20 பேர் கலந்துக்கிட்டோம். கீர்த்தி எப்படிச் சாவித்திரி அம்மாவாக மாறியிருப்பாள்னு பெரிய சஸ்பென்ஸோடு படத்தைப் பார்க்க ஆரம்பிச்சேன். அப்போ நான் ஓர் அம்மாவா இருந்தேன். படம் முடிஞ்சபோது, கீர்த்தியின் ரசிகையா மாறி, 'நீ சாதிச்சுட்டே'னு கட்டிப்பிடிச்சு வாழ்த்தினேன். அழுகையை என்னால் அடக்க முடியலை. உடனே, 'அழாதேம்மா. என்னால் கன்ட்ரோல் பண்ண முடியலை'னு கீர்த்தியும் அழுதாள்.

சென்னையில் நடந்த ப்ரிவியூ ஷோவில், தமிழ் சீனியர் கலைஞர்கள் பலரும் படம் பார்த்தாங்க. 'வாழ்த்த வார்த்தைகளே இல்லை. நான் கீர்த்தியோட ரசிகை'னு நடிகை லட்சுமி அக்கா பாராட்டினாங்க. 'கீர்த்தியின் ஆக்டிங்கை பார்க்க சிவாஜி அப்பா இல்லையே'னு நடிகர் பிரபு சார் குடும்பத்தினர் சொன்னாங்க. 'நிச்சயம் கீர்த்திக்கு தேசிய விருது கிடைக்கும்'னு பாராட்டினாங்க. இந்தச் சந்தோஷ தருணத்தில் நேரம் போனதே தெரியாமல், ஃப்ளைட்டை மிஸ் பண்ணிட்டேன். சாரதா, விஜயகுமாரி, வாணிஶ்ரீ உள்ளிட்ட சீனியர் நடிகைகளும் , பின்னணிப் பாடகி எல்.ஆர்.ஈஸ்வரியும் நேர்லயும் போன்லயும் நிறைய வாழ்த்தினாங்க. 'எங்களால் தூங்க முடியலை. சாவித்திரியின் வாழ்க்கை உயர்வும் தாழ்வும் கலந்தது. அதை மறுபடியும் பார்த்த மாதிரி இருந்துச்சு'னு சொன்னாங்க. எனக்கும் சில நாளா தூக்கமில்லை. அப்படி ஒரு பெயரை எங்களுக்கு கீர்த்தி வாங்கிக்கொடுத்துட்டாள். என் வீட்டுக்காரர் சுரேஷ், ரொம்பவே தைரியமானவர். எதுக்குமே அழமாட்டார். படத்தைப் பார்த்துட்டு, மகளின் நடிப்பாலும் பாராட்டுகளாலும் நெகிழ்ந்து அழுதுட்டார். படத்தின் இயக்குநர், நாக் அஸ்வினுக்கு போன் பண்ணி பாராட்டினார்" என்கிறார் மேனகா சுரேஷ்.

தற்போது மற்றொரு பயோபிக் படத்தில் கீர்த்தி நடிக்கவுள்ளதாகப் பேச்சுவருகிறதே எனக் கேட்டால் மறுக்கிறார்.

``அதெல்லாம் வதந்தி. இனி கொஞ்ச காலத்துக்கு சாவித்திரியாவே கீர்த்தி இருப்பாள். இதெல்லாம் வாழ்க்கையில் அபூர்வமாகக் கிடைக்கும் வாய்ப்பு. அப்படி ஒரு படத்தில் கீர்த்தி உடனடியா நடிக்க மாட்டாள். எனக்கு ஒரு வருத்தம்தான். சாவித்திரி அம்மா வேடத்தில் கீர்த்தி இருக்கும்போது, அவளுடன் ஒரு போட்டோ எடுத்துக்கலை. மறுபடியும் சாவித்திரி அம்மா மாதிரி மேக்கப் போடவெச்சு, ஒரு போட்டோ எடுத்துக்கணும்" என ரசிகையாகச் சிலிர்க்கிறார் மேனகா சுரேஷ்.

அனைவரும் ஆவலுடன் எதிர்பார்க்கும் பிக்பாஸ் 2க்கு நிகழ்ச்சி குறித்த தகவல்கள் வெளிவர தொடங்கிவிட்டன. அண்மையில் இதன் டீசரை கமல்ஹாசன் வெளியிட்டார்.

முதல் சீசனை தொடர்ந்து மீண்டும் அவர் அடுத்த சீசனையும் தொகுத்து வழங்கவுள்ளார். டீசரில் பல விசயங்கள் இருக்கும் என பலருக்கும் எதிர்பார்பு இருந்தது. இது ரசிகர்களுக்கு கொஞ்சம் ஏமாற்றம் தான்.

ஆனால் இதில் முக்கிய குறிப்பிட வேண்டிய ஒன்று என்றால் கமல்ஹாசனின் அந்த கண்கள் தான். இந்த டீசருக்கான காட்சிகளை ஒளிப்பதிவு செய்தது ஜார்ஜ் வில்லியம்ஸ் என்பவர் தானாம் .

அவரே இதை தன் ட்விட்டர் பக்கம் மூலம் சொல்லியிருக்கிறார். மேலும் கனவுகள் நிஜமாகிறது என கமல் ஹாசனின் கண்களை பற்றி குறிப்பிட்டிருக்கிறார்.

தமிழ் சினிமாவை பொறுத்த வரை தற்போதெல்லாம் ஹீரோக்கள் பார்த்து படத்திற்கு செல்வதை விட இயக்குனர்கள் யார் என்று தெரிந்துக்கொண்டு தான் செல்கின்றனர். அந்த அளவிற்கு இயக்குனர்கள் ஆதிக்கம் தமிழ் சினிமாவில் வந்துவிட்டது.

இந்த நிலையில் தமிழ் சினிமாவின் முன்னணி இயக்குனர்கள் பலரும் தங்களுக்கு என்று ஒரு செண்டிமெண்ட் அல்லது டெம்ப்ளேட் காட்சிகள் வைத்துக்கொள்வார்கள், அதை எப்படியாவது தங்கள் படத்தில் இடம்பிடித்துவிட வேண்டும் என்று நினைப்பார்கள், அப்படி ஒரு சில இயக்குனர்களின் டெம்ப்ளேட் காட்சிகளை பார்ப்போம்.

மணிரத்னம்

தமிழ் சினிமா தாண்டி இந்தியளவில் பிரபலமடைந்தவர் மணிரத்னம். இவர் இயக்கும் அனைத்து படங்களிலும் பெரும்பாலும் ரயில் சம்மந்தப்பட்ட காட்சிகள் வரும், இது பலருக்கும் தெரிந்தது என்றாலும், மேலும் ஒரு சுவாரஸ்யம் மணிரத்னம் படத்தில் நீங்கள் கவனிக்கையில், எப்போதும் ஹீரோ, ஹீரோயின் ஒரு இடத்தில் படுக்கும் போது அவர்களுக்கு ஒரு டாப் ஆங்கிள் ஷாட் வைப்பார், பெரும்பாலும் மணிரத்னம் படத்தில் இப்படி ஒரு ஷாட் வந்துவிடும்.

கே.எஸ்.ரவிக்குமார்

கே.எஸ்.ரவிக்குமார் படங்கள் என்றாலே கலகலப்பிற்கு பஞ்சம் இருக்காது, அந்த வகையில் இவர் படங்களில் வரும் டெம்ப்ளேட் காட்சிகள் என்றால் எல்லோருக்குமே தெரியும் அவர் திரையில் வருவது தான், இதை கடைசியாக வந்த லிங்கா வரை இவர் கடைப்பிடித்து வருகின்றார்.

அட்லீ

அட்லீ படங்கள் என்றாலே கண்ணை மூடிக்கொண்டு சொல்லிவிடலாம், எப்படியும் ஒரு விபத்து காட்சி இருக்கும் என்று, அதன்படி ராஜா ராணி, தெறி, மெர்சல் மூன்றிலும் ஒரு விபத்து காட்சி வருவது குறிப்பிடத்தக்கது.

செல்வராகவன்

செல்வராகவன் படங்கள் என்றாலே பெண்களுக்கு முக்கியத்துவம் இருக்கும், அந்த வகையில் அவர் இயக்கிய துள்ளுவதோ இளமை முதல் இரண்டாம் உலகம் வரை ஹீரோயின் ஹீரோவை ஊக்கப்படுத்தி டயலாக் பேசுவது போல் ஏதாவது ஒரு காட்சியிலாவது வந்துவிடும்.

கௌதம் மேனன்

கௌதம் மேனன் அவர் படத்தை அவரே ரீமேக் செய்து எடுப்பவர், அவர் படம் முழுவதுமே டெம்ப்ளேட் காட்சிகளாக இருக்க ஸ்பெஷலாக என்ன சொல்வது...? உற்று கவனிக்கையில் ஹீரோ கையில் காப்பு, கட்டம் போட்ட காட்டன் சட்டை, புல்லட் என ஹீரோக்களுக்கு என்று கௌதம் ஒரு வரையரை வைத்திருப்பார். இதில் சுவராஸ்யம் என்னவென்றால் கௌதமின் அனைத்து படங்களிலும் பர்ஸ்ட் சைட் அதாவது பார்த்தவுடன் காதல் என்ற பார்முலா தொடர்ந்து வரும்.

வெற்றிமாறன்

வெற்றிமாறன் படங்களில் பெரும்பாலும் தரமானதாக இருக்கும், அவர் இயக்கிய மூன்று படங்களுமே வெவ்வேறு கதைக்களம் தான், ஆனால், வெற்றிமாறன் படங்களில் கூட இருப்பவர்களே அல்லது மிகவும் நம்பியவர்களே குழி பறிப்பார்கள், எ-கா சொல்ல வேண்டுமென்றால் விசாரணையில் சமுத்திரக்கனி, ஆடுகளத்தில் பேட்டைக்காரன், பொல்லாதவனில் டேனியல் பாலாஜி சொந்த அண்ணனையே கொல்வது இப்படி ஒரு கதாபாத்திரம் பயணிக்கும்.

சிவா

சீரியஸாக எடுத்துக்கொண்டாலும் சரி, காமெடியாக எடுத்துக்கொண்டாலும் சரி. முதுகில் குத்துவது, நம்பிக்கை துரோகம் என நிரம்பி வழியும், தயவு செய்து விசுவாசத்திலாவது மாறுமா என்று ரசிகர்களே எதிர்பார்க்கின்றனர், ஏனெனில் மேலே குறிப்பிட்டவர்கள் டெம்ப்ளேட் காட்சிகள் என்றாலும் அதை திறம்பட செய்கின்றனர், ஆனால், சிவாவின் டெம்ப்ளேட் காட்சிகள் ரசிகர்களுக்கு வெறுப்பு தான்.

ராஜேஸ்

காமெடி படங்கள் எடுத்து கலக்கும் ராஜேஸ் சிவா மனசுல சக்தி, பாஸ் என்கின்ற பாஸ்கரன், ஒரு கல் ஒரு கண்ணாடி படங்கள் வரைக்கும் ஹீரோ, ஹீரோயின் மீட்டிங் ஸ்பாட் என்பது ஒரு ட்ராவல் சம்மந்தப்பட்ட இடமாக தான் இருக்கும், அதன் பிறகு அழகுராஜா, கடவுள் இருக்கான் குமாரு படங்களில் இதை மாற்றினார், ஆனால், இந்த அனைத்து படங்களிலும் ஹீரோயின், ஹீரோவை அவமானப்படுத்தும்படியான காட்சிகள் கண்டிப்பாக இடம்பெறும்.

கமல்ஹாசன் தொகுத்து வழங்கும் பிக்பாஸ் நிகழ்ச்சியின் முதல் சீசனுக்கு பிரம்மாண்ட வரவேற்பு கிடைத்ததால் அடுத்து வரவுள்ள இரண்டாவது சீசனுக்கு பெரிய எதிர்பார்ப்பு எழுந்துள்ளது.

பிக் பாஸ் 2 டீஸர் சமீபத்தில் வெளியாகி ட்ரெண்ட் ஆன நிலையில் போட்டியாளர்கள் யாராக இருப்பார்கள் என்று பல வதந்திகள் பரவி வருகிறது.

நடிகை ராய் லட்சுமி இதில் கலந்துகொள்ளலாம் என செய்தி பரவிவந்த நிலையில் அவர் அது பற்றி விளக்கமளித்துள்ளார்.

"ஏன் அடிக்கடி இதுபோல வதந்தி பரப்புகிறீர்கள். நான் பிக் பாஸ் வீட்டுக்கு சென்றால்.. வீடே பற்றி எரியும்" என ராய் லட்சுமி தெரிவித்துள்ளார்.

ஆர்யா பங்கேற்ற எங்க வீடு மாப்பிள்ளை நிகழ்ச்சியில் அவரை திருமணம் செய்துகொள்ளவேண்டும் என்ற கனவோடு பங்கேற்றவர் அபர்ணதி.

ஆனால் அவர் கடைசி சுற்றுக்கு முந்தைய சுற்றில் வெளியேற்றப்பட்டார். இருப்பினும் ஆர்யா இறுதியில் யாரையும் கல்யாணம் செய்து கொள்ளாமல் பின்வாங்கிவிட்டதால், பலரும் அவர் அபர்ணதி மீது உள்ள காதலால் தான் இப்படி கூறினார் என விமர்சித்தனர்.

இந்நிலையில் அபர்ணதி தற்போது அளித்துள்ள பேட்டியில் இனி திருமணம் செய்துகொள்ளபோவதில்லை என கூறி அதிர்ச்சி அளித்துள்ளார்.

"நான் கல்யாணம் பண்ணமாட்டேன். இன்னும் 40 அல்லது 50 வருடம் இருக்குற லைப்பை ஜாலியா என்ஜாய் பண்ணுவேன். என்னை கல்யாணம் செய்துகொள்ளும்படி வற்புறுத்தவேண்டாம் என பெற்றோரிடம் சொல்லிவிட்டேன். எனக்கு கல்யாணத்தில் ஆர்வம் இல்லை, அதை தாண்டி எவ்ளோவோ இருக்கு. உலகத்தை சுத்த போறேன்" என கூறியுள்ளார். 

கோடை காலத்தில்தான் குளிர்சாதனப் பெட்டியின் பயனை நாம் முழுவீச்சில் அனுபவிப்போம். அவ்வாறு குளிர்சாதனப் பெட்டியை முழு மூச்சாகப் பயன்படுத்தும் அதேவேளையில் கோடையில் அதை எப்படிப் பராமரிப்பது என்பது பற்றியும் தெரிந்துகொள்வோம்.

முதலில் குளிர்சாதனப் பெட்டியில் சரியான தட்பவெப்பத்தைப் பேண வேண்டும். இல்லாவிட்டால், உணவில் பாக்டீரியா கிருமிகள் உருவாகிவிடும். இதோ உங்கள் வீட்டு குளிர்சாதனப் பெட்டியை நன்றாக பராமரித்துப் பயனடைய சில டிப்ஸ்...

    குளிர்சாதனப் பெட்டியின் குளிர்நிலையை -5 C என்றளவில் இருக்கும்படி பார்த்துக் கொள்ளுங்கள்.
    ஃப்ரீஸரின் குளிர்நிலையை எப்போதுமே -18 C என்று வைத்திருங்கள்.
    குளிர்சாதனப் பெட்டியில் வைக்கும் உணவுப் பொருட்களை சிறிய டப்பாக்களில் சரிசமமாக பிரித்து வையுங்கள். சிறிய பாத்திரங்களில் வைப்பதால் சரிசமமான அளவில் குளிர்ச்சி உணவுப் பதார்த்தங்களுக்கு கிடைக்கும்.
    நீங்கள் பழங்களை அரிந்துவிட்டால் அதனை உடனடியாக உட்கொள்வதே சிறப்பு. பழஜூஸ் வகைகளுக்கும் இதுதான் விதி. இருப்பினும், நீங்கள் அதை குளிர்சாதனப் பெட்டியில் வைக்க விரும்பினால் மூடியுள்ள டப்பாக்களில் வைக்கவும். குறைந்த காலத்துக்கு அதை அப்படித் தேக்கிவைக்கலாம்.
    சமைத்த உணவை குளிர்சாதனப் பெட்டியில் வைக்கும்போது அதை நன்றாக ஆறவைத்து வைக்க வேண்டும். மேலும், அந்த உணவு என்று தயாரிக்கப்பட்டது என்பதை லேபிள் செய்து வைப்பது இன்னும் நலமான வழிமுறை.
    குளிர்சாதனப் பெட்டியில் உள்ள அடுக்குகளில் மேல் வரிசையில் சமைத்த உணவையும் கீழ் அடுக்கில் மற்ற சமைக்கப்படாத உணவு வகைகளையும் வைக்கவும்.
    இறைச்சி வகைகளை ஃப்ரீஸரில் மட்டுமே வைக்கவும்.
    ஏற்கெனவே சமைக்கப்பட்ட பிரெஞ்சு ப்ரைஸ், டிக்கி போன்ற உணவுகளையும் ப்ரீஸரிலேயே வைக்கவும்.
    குளிர்சாதனப் பெட்டியில் மெட்டல் கன்டெய்னர்களில் உணவுப் பொருட்களை வைத்தால் அதன் சுவை மாற வாய்ப்புள்ளது. அதனால் குளிர்சாதனப் பெட்டிகளில் வைப்பதற்கென்றே இருக்கும் பிரத்யேக கன்டெய்னர்களில் உணவுப் பொருட்களை வைக்கவும்.
    பிளாஸ்டிக் பைகளில் உணவுப் பொருட்களை வைத்தால் அந்த பைகள் சில நாட்களில் வெடிக்க வாய்ப்புள்ளது. அதனால், குளிர்சாதனப் பெட்டிகளுக்கு என தயாரிக்கப்பட்ட பைகளில் உணவுப் பொருட்களை ஸ்டோர் செய்வது நலம்.

இங்கே மேற்கூறிய 10 டிப்ஸ்களைப் பயன்படுத்தினாலே போதும் நம் வீட்டு குளிர்சாதனப் பெட்டியை ஓரளவு சரியாக பராமரிக்க முடியும். அதேபோல், உணவுகளையும் கிருமி தொற்றாதவாறு பாதுகாக்க முடியும்.

சூப்பர் ஸ்டார் ரஜினிகாந்த் அரசியலுக்கு வருவது உறுதியாகிவிட்டது. வரும் சட்டமன்ற தேர்தலிலில் அவர் முழுமையாக போட்டியிடுவேன் என ஏற்கனவே கூறியுள்ளார்.

ரசிகர்கள் மற்றும் நிர்வாகிகளிடம் அடிக்கடி ஆலோசனை நடைபெற்றது வருகிறது. அவரை அரசியல் வருகை குறித்து சில விமர்சனங்கள் எழுந்தது. அமைதி காத்து வந்தாலும் சில நேரங்களில் அவர் குரல் கொடுத்து வருகிறார்.

இந்நிலையில் அவருக்கு தமிழகத்தில் 150 தொகுதிகளில் மக்கள் செல்வாக்கு அதிகமாக இருப்பதாக உளவுத்துறை ரகசிய அறிக்கை சமர்ப்பித்துள்ளதாம். இதனால் ஆளும் அரசியல் வட்டாரம் அதிர்ந்து போய் விட்டுள்ளார்களாம்.

மேலும் மேலிடம் ரஜினியை கடுமையாக விமர்சிக்க வேண்டும் என அமைச்சர்களுக்கும், முக்கிய நிர்வாகிகளுக்கும் உத்தரவிட்டுள்ளதாக தகவல் வெளியாகியுள்ளது. 

‘கொத்தா பின் மண்டைய புடிச்சு லாந்துறனா இல்லையா பாரு?’ என்று வீராவேசமாக பேசி வந்த விஷால் மற்றும் ஞானவேல்ராஜா குரூப் தன் கூட்டணியை உடைத்துக் கொண்டது நல்லதா? கெட்டதா? அதென்னவோ தெரியவில்லை. அந்த சம்பவம் நடந்த நாளில் இருந்தே, திருட்டு விசிடி பற்றி பெரிதாக பேட்டிகள் வரவில்லை தயாரிப்பாளர் சங்க ஏரியாவிலிருந்து.

நடுவில் தன் சேவையை நிறுத்துவதாக இல்லை தமிழ்ராக்கர்சும். சுட சுட ‘இருட்டறையில் முரட்டுக்குத்து’ படத்தை வெளியிட்டிருந்தார்கள். நடுவில் ஸ்டிரைக் காலத்தில் படம் இல்லாமல் திணறிய அந்த திருட்டுக்கும்பல், அதற்கப்புறம் வந்த படங்களை விட்டு வைக்குமா என்ன? ஆனால் சில நாட்களாக தமிழ்ராக்கர்ஸ் மீதே கரப்ஷன் சொல்லி கண்ணீர் வடிக்கிறது திருட்டு விசிடி ரசிகர் கூட்டம். ஏன்?

அண்மையில் திரைக்கு வந்து ஆஹா ஓஹோ என்று விமர்சகர்களால் கொண்டாடப்பட்டு வருகிற படம் ‘இரும்புத்திரை’. இதையடுத்து மக்களும் கூட்டம் கூட்டமாக தியேட்டருக்கு படையெடுத்து வருகிறார்கள். இந்த நேரத்தில் ஆட்டோமேடிக்காக திருட்டு விரல்கள் தமிழ்ராக்கர்ஸ் இணையதளத்தை தட்டுமல்லவா? தட்டினால் அங்கு தட்டுப்படவே இல்லை இரும்புத்திரை. அண்மையில் திரைக்கு வந்த எல்லா படமும் இருக்க, இது மட்டும் ஏன் இல்லை என்று புலம்புகிறார்கள் சோஷியல் மீடியாவில்.

‘விஷாலும் தமிழ்ராக்கர்சும் தனியாக யாருக்கும் தெரியாமல் ஒரு டீல் போட்டுட்டாங்களா என்ன?’ என்ற குரலும் கேட்காமல் இல்லை. என்னவோ இருக்கு. அது என்னன்னுதான் இன்னும் தெரியாம இருக்கு!

ஆன்ட்டி இன்டியன்களையெல்லாம் ‘ஆஹா’ போட வைக்க வேண்டும் என்றே எழுதப்பட்ட ஸ்கிரிப்ட் போலிருக்கிறது. மத்திய அரசின் டிஜிட்டல் இந்தியா கனவில் ஏகப்பட்ட பொத்தல் போடுகிறார் இயக்குனர் மித்ரன். ஒவ்வொன்றிலும் ஏமாந்தவர்களின் இளிச்சவாய் புன்னகை, வெளிச்சமாய் சில கேள்விகள் கேட்கிறது. பதில் சொல்வதை விட்டுவிட்டு தியேட்டரை தாக்குகிறார்கள் சிலர். (அப்படின்னா படத்தை இவிங்களே ஓட வச்சுருவாய்ங்க)

மிலிட்டரி மேஜர் விஷாலுக்கு, எதற்கெடுத்தாலும் மூக்கு மேல் கோபம். “உங்களை கோர்ட் மார்ஷல் பண்றோம். ஒரு மனோதத்துவ நிபுணர்ட்ட நார்மல் சர்டிபிகேட் வாங்கிட்டு வரணும்” என்று அனுப்பி வைக்கிறது மிலிட்டரி ரூல். அட… அந்த டாக்டரே சமந்தாதான். பல வருஷமாக ஊர் பக்கமே போகாத விஷாலை வலுக்கட்டாயமாக ஊருக்கு அனுப்பி வைக்கிறார். போனால்? அதுவரை அவர் காணாத பாச உலகம் ஒன்று புலப்படுகிறது அவருக்கு. அப்புறமென்ன? தங்கை திருமணத்திற்கு பேங்க் லோன் போடுகிறார். பணம் அக்கவுண்டுக்கு வந்த அடுத்த நிமிஷம் கோ கயா!

நம்ம பணம் எங்கு போச்சு என்று தேடக்கிளம்பும் விஷாலுக்கு, டிஜிட்டல் இந்தியாவின் பல் இளிப்பு புரியவர, அந்த ஹைடெக் களவாணியை நெருங்குகிறார். அசுர பலம் கொண்ட அவனை அவர் வீழ்த்தியது எப்படி? க்ளைமாக்ஸ்.

செய்திச்சேனல்களில் எப்பவும் டென்ஷனாகவே பார்த்த விஷாலை, படத்தில் ஆங்காங்கே கூலாகவும் பார்க்க முடிகிறது. (அட உங்களுக்கு சிரிக்கவும் தெரியுமா சார்?) எப்படியாவது வெளிநாட்டில் செட்டில் ஆக வேண்டும். அதுவும் ஏதாவது ஃபாரின் பெண்ணை கட்டிக் கொண்டு என்கிற அவரது லட்சியம் ஓ.கே. அதற்காக லோ லோ என்று அலைவதெல்லாம் டூ மச் அண்ணாத்தே. இவருக்கும் அர்ஜுனுக்குமான வார் ஸ்டார்ட் ஆகும்போது, தியேட்டரில் ஏசி ஓட்டத்தையும் தாண்டி வேர்த்துக் கொட்டுகிறது. என்னாவொரு வேக வேக காட்சிகள்!

சும்மா விரலை நீட்டினாலே மிரள விடுகிறார் அர்ஜுன். சட்டுபுட்டென்று பட்டன்களை தட்டி, “உன் பேன்ட்ல ஜிப்பை ஏண்டா போடல?” ரேஞ்சுக்கு புலனாய்வு செய்வதெல்லாம் கற்பனைக்கும் எட்டாத காட்சிகள் என்றாலும் விழுந்து விழுந்து ரசிக்க முடிகிறது. இதையெல்லாம் நம்புறதா, வேணமா? என்கிற குழப்பம் ஒவ்வொரு ரசிகனுக்கும் வருவதை தவிர்க்கவே முடியாது.

சமந்தா க்யூட். இப்படி தெருவுக்கு நாலு டாக்டர் இருந்தால், ஜுரம் வயிற்று வலி என்றால் கூட ‘மனோதத்துவம் என்ன சொல்லுது?’ என்று வாலின்ட்டரி சிட்டிங் கொடுப்பான் பேஷன்ட்! (ஏம்மா… உங்களுக்கு கல்யாணம் ஆகிருச்சு என்பதெல்லாம் கனவா?)

படத்தின் ஹீரோ விஷால் என்று நாம் நினைத்திருக்க, அது என் புத்தியில் உதித்த டயலாக்குகள் என்று அழுத்தமாக பதிய வைக்கிறார் இயக்குனர் மித்திரன். நாம ஜெராக்ஸ் கடையில் வேணாம்னு கசக்கிப் போடுறது குப்பையில்ல. டேட்டா… என்று புத்திக்கு ஷாக் கொடுக்கும்போது, பகீர் ஆகிறது மனசு. கேஷ்லெஸ் இந்தியா, கேர்லெஸ் பீப்பிள் என்று ஒற்றை வரியில் உலுக்கி விடுகிறார் மனுஷன். எவ்வளவு உழைப்பு. எவ்வளவு கலெக்ஷன். தமிழ்சினிமாவுக்கு மேலும் ஒரு மக்கள் இயக்குனர். வாங்கண்ணே வாங்க!

யுவனின் இசையில் லேசாக மனசை தடவும் டூயட். லைக் பட்டன் பிரஸ்சிங்!

ஒளிப்பதிவு, பைட் என்று அவரவர் வேலையில் ஆயிரம் மெனக்கெடல்கள்.

விஷால் ஹிட் கொடுத்து எத்தனை வருஷமாச்சு? என்பவர்களின் வாயையெல்லாம் தனித்தனியாக அடைத்திருக்கிறார் மித்ரன்! அண்ணாச்சிக்கு ஒரு டிஜிட்டல் பொக்கேவை நீட்டுங்க விஷால்!

பெருமழை பெய்யும் இரவில் ஒரு கொலை நடக்கிறது, அந்தக் கொலையை செய்தது யார், கொலைக்கான காரணம் என்ன எனத் தமிழ் ரசிகர்களுக்கு மற்றுமொரு `ஹூ டன் இட்?' கதையைச் சொல்லியிருக்கிறது, `இரவுக்கு ஆயிரம் கண்கள்'.

ஒருவருக்கொருவர் சம்பந்தமில்லாத மூன்று பேர், ஒரு பிளாக்மெயில் கும்பலால் மிரட்டப்படுகிறார்கள். மூவரும் அந்த பிளாக்மெயில் கும்பலின் தலைவனை பதிலுக்குப் பழிவாங்க அவன் வீட்டுக்கு வெவ்வேறு நேரத்தில் சென்று திரும்புகிறார்கள். அந்த வீட்டில் ஒரு பெண் ரத்த வெள்ளத்தில் இறந்து கிடக்கிறாள். அது கொலையா, தற்கொலையா? கொலை என்றால், கொலையாளி யார், அந்த மூவரில் ஒருவரா, அல்லது வேறொரு நபரா? எதற்காக அவள் கொலை செய்யப்பட்டாள்... போன்ற பல கேள்விகளுக்குச் சில திடீர், பகீர் திருப்பங்களோடு பதில் சொல்கிறது, படம்.

கதையின் நாயகனாக அருள்நிதி, எல்லா த்ரில்லர் பட ஹீரோக்களைப்போல இவரும் இறுக்கமான முகத்துடனேயே வலம் வருகிறார். கோபம், குழப்பம், விரக்தி என எல்லா உணர்வுகளையும் சிறப்பாக வெளிப்படுத்தியிருக்கிறார். மஹிமா நம்பியார், அஜ்மல், சுஜா வரூணி, வித்யா பிரதீப், சாயா சிங், ஆனந்தராஜ், ஜான் விஜய், ஆடுகளம் நரேன், ஆடுகளம் முருகதாஸ், அச்யுதா குமார்... எனப் படத்தில் நிறைய நடிகர், நடிகைகள். அத்தனை பிரச்னையிலும் சிரித்த முகத்துடனேயே உலவும் மஹிமா நம்பியார், கொலை செய்யச் சென்ற இடத்தில் காமெடி செய்யும் ஆனந்தராஜ் எனச் சில கதாபாத்திர வடிவமைப்பிலும், அவர்களது நடிப்பிலும் இருக்கும் செயற்கைத் தனத்தைத் தவிர்த்திருக்கலாம். மற்றபடி, எல்லோருமே அவரவருக்குக் கொடுக்கபட்ட கதாபாத்திரத்தைச் சிறப்பாகச் செய்திருக்கிறார்கள். ஜான் விஜய்க்கு இந்தப் படத்திலும் வழக்கமான `ஜான் விஜய்' கதாபாத்திரம், அலுப்பு தட்டுகிறது பாஸ்!

படம் பார்த்து முடித்தபின், ஒரு பாக்கெட் க்ரைம் நாவல் படித்த அனுபவம் கிடைக்கிறது. வசந்த், கணேஷ், பரத் எனப் படத்தில் வரும் கதாபாத்திரங்களின் பெயர்களில்கூட பாக்கெட் க்ரைம் நாவல்களின் தாக்கத்தை உணரமுடிகிறது. கதையில் ஒவ்வொரு கதாபாத்திரத்திற்கும் மற்ற கதாபாத்திரங்களோடு ஏதோவொரு `லிங்க்' இருப்பதாக, ஏதோவொரு சூழலில் சந்திப்பதாகவே திரைக்கதை அமைத்திருக்கிறார்கள். அனைத்துமே தற்செயல்களாக இருந்தாலும், அதில் ஒரு நியாயம் வேண்டாமா? படத்தைப் பார்க்கும்போது, கதையின் களமான சென்னையில் மொத்தமே நான்கு தெருவும், அதில் நாற்பது பேர் மட்டுமே வாழ்வதுபோல் இருக்கிறது. இடியாப்பம்போல் இருந்திருக்க வேண்டிய திரைக்கதை, தற்செயல்கள் அதிகமானதால் இட்லி ஆகிவிட்டது. ஆனாலும், விறுவிறுவென வேகமாய் நகரும் திரைக்கதையும் பதில் தெரியாத கேள்விகளும் நம்மைச் சீட்டோடு கட்டிப்போடுகின்றன.

சமூக வலைதளங்களால் ஏற்படும் சில சிக்கல்களைப் படத்தில் பேச முயற்சி செய்திருக்கிறார்கள், அதை இன்னும் கொஞ்சம் அழுத்தமாகவே பேசியிருக்கலாம். மனிதர்களின் ஆசைதான் அவர்களை அழிவுக்கு இட்டுச்செல்கிறது என்பதை அடிப்படை நாதமாகப் பேசவந்திருக்கும் இயக்குநர், அதைப் படத்தில் ஆங்காங்கே புத்தர் சிலைகளோடு தொடர்புபடுத்திக் குறியீடாய்க் காட்டியிருப்பது அற்புதம்! வசனங்களை இன்னும் சுருக்கி, யதார்த்தம் கூட்டியிருக்கலாம். முக்கியமாக, தமிழ் சினிமா இயக்குநர்கள் ஒரு வீடியோவை ஸ்டோர் செய்ய, இன்னும் பென் டிரைவையே நம்பிக் கொண்டிருப்பது வருத்தமளிக்கிறது.

படத்தின் ஒருசில காட்சிகளிலும் போஸ்டர்களிலும் இருக்கும் `ரிச்னெஸ்'ஸைப் படம் முழுக்க தக்கவைக்க தவறியிருக்கிறார், ஒளிப்பதிவாளர் அரவிந்த் சிங். சாம்.சி.எஸ்ஸின் பின்னணி இசை பல இடங்களில் ஓவர் டோஸ். சஸ்பென்ஸ் எனும் மேட்டரைக் கூட்ட ஓவர் டியூட்டி பார்த்திருக்கிறார், படத்தொகுப்பாளர் சான் லோகேஷ். `இரவுக்கு ஆயிரம் கண்கள்' போல ஆயிரம் `பாக்கெட் நாவல்' திரைக்கதைகள் தமிழ்சினிமா பார்த்திருக்கிறது, முடிவில் இருக்கும் ஒற்றை சுவாரஸ்யத்தை அறிய கொஞ்சம் பொறுமையும் வேணும் பாஸ்.

விஜய் சேதுபதி தற்போது ரொம்ப பிசி. அவர் ஹீரோவாக பல படங்களில் நடித்து வருகிறார். இதற்கிடையில் சில படங்களில் வில்லன், முக்கிய கேரக்டர்கள் கிடைத்தாலும் நடித்து வருகிறார்.

கார்த்திக் சுப்புராஜ் இயக்கத்தில் ரஜினிகாந்த் நடிக்கும் படத்தில் அவர் வில்லனாக நடிக்கிறார் என அண்மையில் முக்கிய தகவல் வெளியானது. அடுத்ததாக அருண் குமார் இயக்கத்தில் மீண்டும் அவர் நடிக்கிறார்.

அவர் விஜய் சேதுபதி நடித்த பண்ணையாரும் பத்மினியும் படத்தை இயக்கியவர். அவரின் திருமணத்தை விஜய் சேதுபதி தான் மதுரையில் நடத்தி வைத்தார். தற்போது படத்தின் ஷூட்டிங் மே 15 முதல் தொடங்கயிருக்கிறதாம்.

இதில் அஞ்சலி ஹீரோயினாக நடிக்கவுள்ளார். தென்காசியில் முதல் கட்ட படப்பிடிப்பை முடித்துவிட்டு அடுத்த கட்ட படப்பிடிப்பை மலேசியாவில் 35 நாட்கள் எடுக்கயிருக்கிறார்களாம். 

விஷால் நடிப்பில் நேற்று இரும்புத்திரை படம் திரைக்கு வந்துள்ளது. இப்படம் ரசிகர்கள் மத்தியில் நல்ல வரவேற்பை பெற்றுள்ளது.

இந்நிலையில் இரும்புத்திரை படம் தமிழ்ராக்கர்ஸில் அப்லோட் செய்ய நீண்ட நேரம் ஆனது, துப்பறிவாளன் படமெல்லாம் ரிலிஸான சில மணி நேரங்களிலேயே அப்லோட் செய்யப்பட்டது.

ஆனால், நேற்று இரும்புத்திரை அந்த தளத்திற்கு வந்தும், படத்தை க்ளிக் செய்தால் வேறு ஏதோ விளம்பரத்திற்கு சென்றது.

இதனால், தமிழ்ராக்கர்ஸ் தங்களுடைய ஐடி-களை மாற்றி மாற்றி அப்லோட் செய்துக்கொண்டே இருந்தனர்.

எது எப்படியோ விஷால் இந்த முறை தமிழ் ராக்கர்ஸுக்கே தண்ணி காட்டிவிட்டார்.

சமீபகாலமாக தமிழ்நாடு மக்கள் சமூகவலைத்தளத்தில் வரும் செய்தி உண்மை என்று நம்பி அந்த விஷயத்தை பரப்பி வருகின்றனர். சமீபத்தில் கூட குழந்தை கடத்த வந்தவர்கள் என்று கூறி திருவண்ணாமலையில் நடந்த தாக்குதலில் மூதாட்டி ஒருவர் கொல்லப்பட்டார்.

இதுகுறித்து கூட காவல்துறை சமூகவலத்தில் வரும் விஷயத்தை நம்பவேண்டாம் என்று கூறினர், இந்நிலையில் மக்கள் நீதி மய்யம் தலைவர் கமல்ஹாசன் டுவிட்டரில், "வதந்திகள் உயிருக்கே ஆபத்தை விளைவிக்கக் கூடியவையாக இருப்பது கவலையளிக்கிறது.

மக்கள் விழிப்புடன் இருப்பதோடு பொறுப்புடன் இருப்பதும் முக்கியம். சட்டத்தை கைகளில் எடுத்துக் கொண்டு செயல்படுவது பொறுப்புள்ள குடிமக்களின் அடையாளமன்று. காவல் துறையிடம் தெரிவிப்பதே நமது பொறுப்பும் கடமையும் ஆகும்" என குறிப்பிட்டுள்ளார்.

போட்டிக்கு நடுவிலும் குற்றங்களை மையப்படுத்தி வெளியாகும் சில படங்கள் ஈர்ப்பை பெறுகின்றன. சமூக வலைதள குற்றங்கள், இணையதள மோசடிகள் என எத்தனையோ நடப்பதை அணுதினமும் நாம் காண்கிறோம்.

அந்த வகையில் பல இடங்களில் நடந்த சம்பவத்தை அடிப்படையாக வைத்து வந்துள்ளது இரவுக்கு ஆயிரம் கண்கள். இந்த கண்களில் இருக்கும் கதை என்ன என பார்போம்...

கதைக்களம்

படத்தின் ஹீரோ அருள்நிதி ஒரு கால் டாக்சி டிரைவர். அன்றாடம் அவரின் பயணத்தில் பலரை சந்திப்பார். வழக்கம் போல ஒருநாள் சவாரியில் அவர் எதிர்பாராமல் ஹீரோயினை சந்திக்கிறார்.

பார்த்ததும் இவருக்குள் காதல் பற்றுகிறது. இவர்களுக்கிடையே தொடரும் நட்பு மெல்ல மெல்ல காதலாக மாறுகிறது. ஆனால் ஹீரோயினை ஒருவன் வல்லுறவு செய்ய முயற்சிக்கிறான்.

சாலையில் ஆதரவில்லாமல் மாட்டிகொண்ட ஹீரோயின் மஹிமாவுக்கு வழியில் வந்த நடிகர் அஜ்மல் உதவுகிறார். ஒருநாள் போலிஸ் அருள்நிதியை வலை வீசி தேடுகிறது.

அவரின் மீது கொலைக்குற்றம் சுமத்தப்படுகிறது. இன்னொரு நடிகையான சாயாசிங்கிற்கு திடீரென ஒரு பிரச்சனை. வீடியோ மூலம் மர்ம நபர் ஒருவன் பணம் கேட்டு மிரட்ட கதை சூடுபிடிக்கிறது.

மேலும் நடிகர் ஆனந்த் பாபு, ஜான் விஜய் ஆகியோருக்கும் ஒவ்வொரு ரூபத்தில் ஒரு மர்மமான முறையில் பிரச்சனை வருகிறது. மாட்டிக்கொண்ட இவர்களும் யார் அவன் என தேடி அலைகிறார்கள்.

இதற்கிடையில் அஜ்மலின் தோழிகளில் ஒருவரான சுஜா வருணி திடீரென மர்மமாக கொலை செய்யப்பட்டுக்கிடக்கிறார். இந்த கொலையின் பின்னணி என்ன?

அனைவரின் பின்னால் நடக்கும் விசயங்களுக்கு காரணம் யார்? அருள்நிதி கொலைகுற்றத்திலிருந்து தப்பித்தாரா என்பதே கதை.

படத்தை பற்றிய அலசல்

நடிகர் அருள்நிதி அதிகமான படங்களில் நடிக்கவில்லை என்றாலும் அழுத்தமான கதைகளை தேர்ந்தெடுத்து நடிப்பவர். நீண்ட நாளுக்கு பிறகு அவரின் நடிப்பில் இரவுக்கு ஆயிரம் கண்கள் வெளியாகியுள்ளது. டிமாண்டி காலனி படத்திற்கு பிறகு இப்படம் அவருக்கு பேர் சொல்லும் படியாக இருக்கும்.

கால் டாக்சி டிரைவராக தனக்கான வேடத்தில் தனித்துவமாக பொருந்துகிறார். முதலில் தொடங்கி முடிவு வரை இவரின் பங்கும் இருக்கிறது. அருள்நிதி படங்களில் காதல் நன்றாக இருக்கும். ஆனால் இப்படத்தில் முழுக்க முழுக்க சீரியஸான நகர்வு தான். நோ காதல் நோ பாடல் தான்.

ஹீரோயின் மஹிமா நம்பியார்க்கு இப்படத்தில் பெரிதளவில் ரோல் இல்லை என்றாலும் எதிர்பார்க்காத ஒரு விசயம் இவரின் பின்னால் இருக்கிறது. சாட்டை, குற்றம் 23 என முக்கிய படங்களை தொடர்ந்து அவருக்கு எதிபார்ப்பை கொடுத்துள்ளது. ஆனால் ஆடியன்ஸை கவர்ந்தா என்றால் கொஞ்சம் சந்தேகம் தான்.

சாயாசிங் ஒரு பிரச்சனையால் அமைதியில்லாமல் தவிக்க ஒரு கட்டத்தில் இவரும் அந்த மர்ம நபரின் பின்னணியில் சிக்குகிறார். இவருக்கு கொடுக்கப்பட்ட இடம் சிறிது தான். ஆனால் அதன் தாக்கம் பெரிது.

நடிகர் ஜான் விஜய் படங்களில் அண்மையில் காமெடி கலந்த ரோல்களில் நடித்து வருகிறார். அது அவருக்கு நல்ல வரவேற்பையும் கொடுத்தது. ஆனால் இந்த படத்தில் அதை எதிர்பார்த்தவர்களுக்கு ஏமாற்றம் தான்.

ஆனந்த்ராஜ் சமீபகாலமாக படங்களில் இவரை காணமுடிகிறது. ஒரு பயங்கர வில்லனாக நடித்தவர் இந்த ரேஞ்சுக்கு வந்துவிட்டாரே என சில இடங்களில் இவரை பார்த்தால் ஃபிளாஷ் வந்துபோகலாம்.

காமெடியன் என படங்களில் தனியான ஆள் இல்லை. ஆனால் ஆனந்த் ராஜே சில இடங்களில் காமெடி செய்கிறார். சில இடங்களில் ஒர்க்கவுட் ஆகிறது. டபுள் மீனிங் டையலாக்கை இவரும் லேசாக தெளிக்கிறார்.

இதற்கிடையில் எழுத்தாளராக லட்சுமி ராமகிருஷ்ணன். அவரின் கணவர் சாலையில் இறந்தார் என்கிறார். ஆனால் அவரின் பைக் என்ன ஆனது என சொல்லவே இல்லை.

படத்தில் திகில் படங்களுக்கான இசை தான் கொஞ்சம் கதை மீது ஆர்வத்தை தூண்டுகிறது. படம் முழுக்க இயக்குனர் சொல்ல வந்த விசயத்தை மட்டுமே கவனம் செலுத்துகிறார்.

ஆனால் பொழுதுபோக்காக அமைந்தததா என்றால் கேள்விக்குறியே..

கிளாப்ஸ்

இப்படியும் நடந்திருந்தால் என கதையில் ட்விஸ்ட் காட்டியது கொஞ்சம் இண்ட்ரஸ்டிங்.

அருள்நிதி, மஹிமா, ஆனந்த்ராஜ், சாயாசிங், ஜான் விஜய் என அனைவரின் நடிப்பும் ஓகே..

சாம் சி.எஸ் பின்னணி இசைதான் கொஞ்சம் தாக்கம் கொடுக்கிறது.

பல்பஸ்

கதைக்குள் கதை என செல்வது கொஞ்சம் ஆர்வத்தை குறைக்கிறது.

அடுத்தடுத்து வரும் ஃபிளாஷ் பேக் காட்சிகளால் ஃபிரியாக படம் பார்க்க இயலவில்லை.

மொத்தத்தில் இரவுக்கு ஆயிரம் கண்கள் பார்ப்போருக்கு இமைகளை சிமிட்ட நேரமில்லை என்றே சொல்லலாம்.

வானத்தில் நிலா வட்டமடிக்கும் போது குளிர குளிர ரசித்த அதே கண்கள், அமாவாசையன்று இருட்டுக்கு பழகிக் கொள்வதும் எதார்த்தம்தானே? அன்று ஒரு ஜெயலலிதாவால் விஸ்வரூபம் படத்தை ஓட வைத்து வெளிச்சத்தை ரசித்த கமல், இன்று கண்ணை மூடாவிட்டாலும் எல்லா திசையும் இருட்டாக இருப்பதை கண்டு என்ன முடிவெடுப்பாரோ?

யெஸ்… விஸ்வரூபம் பார்ட் 2 படம் விரைவில் திரைக்கு வரப்போகிறது. இதே விஸ்வரூபம் முதல் பகுதி வரும்போது நாடெங்கிலும் இருந்து எதிர்ப்பு தெரிவித்த இஸ்லாமியர்கள், இப்போது இரும வேண்டும் என்று நினைத்தால் கூட, ஆழ்வார்ப்பேட்டைக்கு கேட்காமல் இறும நினைக்கிறார்கள். ‘யாராவது ஒரு கல்லை வீசுங்க. மிச்சத்தை நான் பார்த்துக் கொள்கிறேன்’ என்கிற நிலைமையில் இருக்கிறார் கமல்.

அந்த ஒரு கல்லை வீசி புண்ணியத்தை கட்டிக் கொள்ளும் போலிருக்கிறது சென்சார். சுமார் 17 கட் கொடுத்திருக்கிறார்களாம் படத்திற்கு. அதுமட்டுமல்ல… இந்த 17 கட்டுக்கும் சம்மதித்தால் கூட, படத்திற்கு யு/ஏ தான் என்றும் பிடிவாதம் பிடிக்கிறார்களாம். தன் படத்திற்கு எதிராக மத்திய அரசு கழுத்து நெறிப்பு வேலை செய்கிறது என்று கமல் குமுறலாம். அதன் மூலம் படத்திற்கு ஒரு அட்டென்ஷன் கிடைக்கலாம். ஆனால், ஜெயலலிதா இருந்தபோது கமல்ஹாசனை கதற விட்ட மாதிரி இப்போது யாரும் கதறவிடப் போவதில்லை.

அதையே சாக்காக வைத்துக் கொண்டு கல்லாவை நிரப்பவும் கமல்ஹாசனால் முடியப்போவதில்லை.

ஜெ-வின் வெற்றிடம் ஒரு பக்கம் லாபம் என்றாலும், இன்னொரு பக்கம் நஷ்டம் என்பதை உணர்ந்திருப்பார் ஆழ்வார்ப்பேட்டை ஆண்டவர்!

தமிழகத்தில் புதிதாக அரசியல் கட்சி தொடங்கியிருப்பதாக சொல்லும் கமல் நடிகர் கமல் மற்றும் கட்சி தொடங்க போவதாக சொல்லிக் கொண்டே இருக்கும் நடிகர் ரஜினி ஆகியோர் சமீப காலமாக சில கல்லூரி நிகழ்ச்சிகளில் பங்கேற்று மாணவர்களுடன் உரையாடினார்கள். இதையடுத்து கல்லூரி வளாகங்களில் அரசியல் நிகழ்ச்சிகள் நடத்த அனுமதிக்கக்கூடாது என்று உயர்கல்வி நிறுவனங்களுக்கு கல்லூரி கல்வி இயக்குநர் மஞ்சுளா சுற்றறிக்கை அனுப்பியுள்ளார்.

இது குறித்து அவர் பிறப்பித்து இருக்கும் உத்தரவில் ”சமீப காலமாக கல்லூரி விழா, நிகழ்ச்சிகளில் கலந்து கொள்ளும் அரசியல் தலைவர்கள் தங்கள் கட்சி சார்ந்த, இயக்கம் சார்ந்த கொள்கைகளை பேசுவதாக தெரிய வந்துள்ளது. மாணவர்களிடம் இப்படி பேசுவது அவர்களின் படிப்பை, ஆராய்ச்சியை பாதிக்கும். இது அவர்களின் கல்லூரிக்கு இடையூறாக அமையும்” என்று கூறப்பட்டு இருக்கிறது.

இதையடுத்து விருந்தினர்கள் அரசியல் பேசும் விழாவிற்கு கல்லூரி இனி அனுமதி அளிக்க கூடாது என்றும், விருந்தினர்கள் அரசியல் பேசுவது தெரிந்தால் நடவடிக்கை எடுக்கப்படும் என்றும் இயக்குனர். ஜெ. மஞ்சுளா தனது அறிக்கையில் குறிப்பிட்டு இருக்கிறது. எல்லா கல்லூரிகளும் உடனடியாக இதை பின்பற்ற வேண்டும் என்றுள்ளார். முக்கியமாக அரசு உதவு பெறும்/ சுயஉதவி கல்லூரிகளுக்கும் இந்த விதி பொருந்தும் என்று கூறியுள்ளார்ராக்கும்.

சூப்பர்ஸ்டார் ரஜினி இன்று காலா இசை வெளியீட்டு விழாவில் நீண்ட நேரம் பேசினார். நதிகள் இணைப்பு, அரசியல் என பல்வேறு விஷயங்கள் பற்றி பேசினார்.

மேலும் காலா படத்திற்கு தனுஷ் எப்படி தயாரிப்பாளர் ஆனார் என்பது பற்றியும் ரஜினி பேசினார். "வுண்டெர்பார் பிலிம்ஸ்ல உங்க புருஷன வெச்சு மட்டும் தான் படம் எடுப்பீங்களா என்னை வெச்சு எடுக்கமாடீங்களா.. என்று ஐஸ்வர்யாவை நான் கேட்டேன். அவர் 'எனக்கு தெரியது அதை அவரிடமே கேட்டுக்கொள்ளுங்கள்' என கூறிவிட்டார்."

"அது பற்றி தனுஷிடம் கேட்ட போது.. 'நீங்கள் சொல்லாமல் நான் எப்படி கேட்பது என்று அமைதியாக இருந்தேன்' என கூறினார். அதன் பிறகு அவர் காலா படத்தை தயாரிக்க ஒப்புக்கொண்டார்" என ரஜினி கூறினார்.

சின்னத்திரை தொகுப்பாளர்களில் அதிகம் ரசிகர்களை கொண்டவர் டிடி. இவர் தான் காலா முதல் காபி வித் டிடி வரை பல நிகழ்வுகளை தொகுத்து வழங்குபவர்.

இந்நிலையில் நெடுவாசலில் பல நாட்களாக ஹைட்ரோ கார்பன் எடுக்கும் திட்டத்தை கைவிடுமாறு போராட்டம் நடந்து வருகின்றது.

இந்நிலையில் தற்போது வந்த தகவலின் படி நெடுவாசலில் ஹைட்ரோ கார்பன் எடுக்கும் திட்டத்தை கைவிட ஜெம் நிறுவனம் முடிவெடுத்துள்ளதாக ஒரு செய்தி வந்துள்ளது.

இதற்கு டிடி ‘இது போராடியவர்கள் அனைவருக்கும் கிடைத்த வெற்றி, அனைவருக்கும் எங்கள் மரியாதை’ என டிடி டுவிட் செய்துள்ளார்.

பிக்பாஸ், எங்க வீட்டு மாப்பிள்ளை நிகழ்ச்சிகளை பின்னுக்கு தள்ளி முற்றிலும் புதிய வடிவத்தில் இன்னொன்று வந்தாச்சு. ஆம் இப்போதெல்லாம் டிவி சானல்களில் புதிது புதிதாக போட்டி நிகழ்ச்சிகள் வந்த படி இருக்கின்றன. ஏற்கனவே பிக்பாஸ் நிகழ்ச்சி வந்து மக்களை மிகவும் ஈர்த்துவிட்டது.

பின் போட்டிக்காக எங்க வீட்டு மாப்பிள்ளை நிகழ்ச்சி வந்து முடிந்துவிட்டது. அதோடு அடுத்த சீசன் விரைவில் துவங்கவுள்ளது. இந்நிலையில் முக்கிய சானல் ஒன்றில் Dating in the Dark என ஒரு நிகழ்ச்சியை தொடங்க இருக்கிறார்களாம். இதில் போட்டியாளராக ஒரு பெண், நான்கு ஆண்கள்.

விசயம் என்னவெனில் போட்டியாளர்கள் ஒருவருக்கொருவர் பேசிக்கொள்வார்கள். ஆனால் யார் யாருடன் பேசுகிறார்கள் என தெரியாது. யாரும் யாரையும் பார்த்துக்கொள்ள மாட்டார்களாம்.

இது இருட்டறையில் தான் நடக்குமாம்.. இந்த நிகழ்ச்சியை கவர்ச்சி நடிகை Nora Fatehi தொகுத்து வழங்குகிறாராம். இவர் பிக்பாஸ் சீசன் 9 லும் கலந்துகொண்டு போட்டியாளருடன் நெருக்கமாக இருந்து பரபரப்பை ஏற்படுத்தியவர்.

கௌதம் கார்த்திக் நடிப்பில் ஹரஹர மஹாதேவகி இயக்குனரின் அடுத்த படம் இருட்டு அறையில் முரட்டுக்குத்து. இப்படத்தின் ட்ரைலர், ஒரு சில நிமிட காட்சிகள் எல்லாம் ஏற்கனவே வெளிவந்து செம்ம ஹிட் அடித்துள்ளது.

இதனால், படக்குழு செம்ம சந்தோஷத்தில் இருக்க, இப்படத்தின் டிக்கெட் முன்பதிவு தற்போது தொடங்கியுள்ளது.

டிக்கெட் முன்பதிவு எதிர்ப்பார்த்ததை விட வேகமாக நடந்து வருகின்றதாம், இன்னும் சொல்ல வேண்டுமென்றால் ஏதோ முன்னணி நடிகர்கள் படம் போல் எதிர்ப்பார்ப்பு இருப்பதை கண்டு எல்லோருமே அசந்துவிட்டனர்.

மெட்ராஸ் டாக்கீஸ் நிறுவனத்தின் 17-வது படமாக இயக்குனர் மணிரத்னம் இயக்கும் திரைப்படம் ” செக்கச் சிவந்த வானம்”. இப்படத்தில் அரவிந்த் சாமி, சிம்பு, விஜய்சேதுபதி, ஃபகத் ஃபாசில், ஜோதிகா, ஐஸ்வர்யா ராஜேஷ் உள்ளிட்ட பலர் நடிக்கவுள்ளதாக ஏற்கனவே செய்திகள் வெளியாகியிருந்தது.

இந்த திரைப்படத்திற்கு ஏ.ஆர்.ரகுமான் இசையமைக்கிறார். சந்தோஷ் சிவன் ஒளிப்பதிவு செய்ய, ஸ்ரீகர் பிரசாத் படத்தொகுப்பு பணியை மேற்கொள்கிறார்.
தமிழில் செக்கச் சிவந்த வானம் என்றும், தெலுங்கில் நவாப் என்றும் வெளியாகவுள்ள இப்படத்தின் பர்ஸ்ட் லுக் போஸ்டர் வெளியாகி ரசிகர்களிடையே பெரும் பரபரப்பினை ஏற்படுத்தியது.

மேலும் இப்படம் கூடங்குளம் அணுமின் நிலையம் மற்றும் மீத்தேன் எரிவாயு திட்டம் ஆகியவற்றை அடிப்படையாக கொண்ட கதைக் களம் என்று கூறப்படும் நிலையில் இப்படத்தில் சிம்பு இன்ஜினியராகவும், அரவிந்த் சாமி அரசியல்வாதியாகவும் நடிக்கவுள்ளதாக செய்தி கசிந்தது குறிப்பிடத்தக்கது.

இதற்கிடையில் கடந்த பிப்ரவரி 14 ஆம் நாள் இப்படத்தின் படப்பிடிப்புகள் துவங்கியது. பின்னர் தமிழ் திரைப்பட சங்கத்தின் வேலைநிறுத்தம் காரணமாக படப்பிடிப்புகள் நிறுத்திவைக்கப்பட்டது. தற்போது வேலைநிறுத்தப் போராட்டம் முடிவடைந்துள்ள நிலையில் படபிடிப்புகள் மீண்டும் துவங்கியுள்ளது.

இந்நிலையில் இத்திரைப்பட படபிடிப்பின் போது நடிகர் விஜய் சேதுபதிக்கு, நடிகர் சிம்பு உணவு ஊட்டிவிடும் காட்சி தற்போது இணையத்தில் வைரலாக பரவி வருகிறது.

உடம்பில் தாதுவைப் பலப்படுத்த பல மூலிகைகளைக்கொண்டு தயாரிக்கப்பட்ட தங்க பஸ்பத்தைப் பற்றி கேள்விப்பட்டிருப்பீர்கள். சித்த வைத்தியர் என்ற பெயரில் நடமாடும் பல போலி ஆசாமிகள் தங்கபஸ்பம் என்ற பெயரில் எதை எதையோ விற்று காசு பார்த்து வருகிறார்கள். ஆனால், எந்தச் செலவும் இல்லாமல் இயற்கையிலேயே இலவசமாக கிடைக்கிறது ஒரு மூலிகை. இதை இன்ஸ்டன்ட் காபி போல, இன்ஸ்டன்ட்டாக பயன்படுத்தலாம். இந்த மூலிகைக்குத் தாதுவை அதிகரிக்கும் தன்மை உண்டு. அதனால் இதை வெள்ளி பஸ்பம் என்கிறார்கள். நாம் தினமும் கடக்கும் சாலையோரங்கள், விவசாய நிலங்கள், வரப்புகள், வாய்க்கால் ஓரங்களில் சர்வசாதாரணமாக ஒரு களைச் செடியைப் போல் முளைத்து கிடக்கிறது அந்த மூலிகை. நாம் அதன் மகத்துவம் அறியாமல், காலில் போட்டு மிதித்துவிட்டு கடந்து கொண்டேயிருக்கிறோம். ஆனாலும் நம்மீது கோபம் கொள்ளமால், தனது விதைகள் மூலமாக, தனது சந்ததிகளை வளர்த்துக்கொண்டே இருக்கிறது அந்த மூலிகை. மனித குலத்துக்குத் தேவையான பல அரிய மருத்துவ குணங்களைக் கொண்ட அந்த மூலிகையின் பெயர் அம்மான் பச்சரிசி.

அம்மான் பச்சரிசி

 இப் ஃபோர்பியா ஹிர்டா(Euphorbia hirta) என்ற தாவரவியல் பெயர் கொண்ட அம்மான் பச்சரிசி இந்தியாவைத் தாயகமாகக் கொண்டது. தீக்காயங்கள், சூட்டினால் ஏற்படும் கட்டிகள், வயிற்றுப்போக்கு, நமைச்சல் ஆகியற்றுக்கு இது அருமருந்து. இந்தச் செடியைப் பறித்து நிழலில் உலர்த்தி பொடி செய்துகொள்ள வேண்டும். ஒரு ஸ்பூன் பொடியுடன் சமஅளவு கற்கண்டு சேர்த்து பாலில் கலந்து தினமும் இருவேளை குடித்து வந்தால் ஆண்களுக்கு விந்தணுக்கள் அதிகரிக்கும். இந்தச் செடியின் எந்தப் பாகத்தை உடைத்தாலும் பால் வரும். அதனால் இதை, ‘சித்திரைபாலாடை’ எனவும் அழைக்கிறார்கள் சித்த மருத்துவர்கள். இந்தப் பால் மருத்துவ தன்மை வாய்ந்தது. உதடு, நாக்கு போன்ற பகுதிகளில் ஏற்படும் வெடிப்புகளை போக்கும் தன்மை இந்த பாலுக்கு உண்டு.

குழந்தைகளுக்கு நோய் எதிர்ப்புச் சக்தி கொடுப்பது தாய்ப்பால். ஆனால், நவீன உணவுப் பழக்கம் காரணமாக பல பெண்களுக்குப் பால் சுரப்பதேயில்லை. அதனால் ஆவின்பால் குடித்து வளர்கிறது வருங்கால இந்தியா. இதனால் நோய் எதிர்ப்பு சக்தியில்லாமல் ஐந்து வயதிலேயே கண்ணாடி அணிந்துக்கொள்கிறார்கள். இன்னும் சில நோய்தொற்றுக்கு ஆளாகிறார்கள். ஆரோக்கியமான குழந்தைகளை தாய்ப்பால் தான் உருவாக்க முடியும். சரி என்ன செய்ய அதான் இல்லியே என ஆதங்கப்படும் தாய்மார்களுக்கு உதவுவதற்காகவே காத்திருக்கிறது அம்மான் பச்சரிசி. இந்த மூலிகையின் பூக்களை சுத்தம் செய்து, பசும் பால் விட்டு அரைத்து, காலை, பசும்பாலில் கலந்து காலை, மாலை இருவேளையும் பருகி வந்தால் பால் நன்றாக சுரக்கும்.

உடம்பில் ஆங்காங்கே சின்னச் சின்னக் கட்டியாக தொங்கும் மரு, இன்றைக்கு பலபேருக்குத் தொல்லையாக இருக்கிறது. இந்த மருவை சுலபமாக அகற்ற உதவுகிறது அம்மான் பச்சரிசி. இதன் தண்டை உடைத்தால் பால் வரும். அந்தப் பாலை மருவின் வேர் பகுதியில் தடவி வர வேண்டும். தொடர்ந்து இதைச் செய்து வந்தால் மரு உதிர்ந்துவிடும். மருவின் தன்மைக்கு ஏற்ப மூன்று முதல் ஏழு நாள்களில் உதிர்ந்து விடும். மிகச் சுலபமாக மருவை அகற்ற இதைவிட சிறந்த வழியேதுமில்லை. அதனால்தான் இதை ‘மருஅகற்றி’ என அழைத்தனர் சித்தர் பெருமக்கள். அதேப் போல, சிலருக்கு காலில் ஆணி ஏற்படும். இதை அறுவைசிகிச்சை மூலமாக அகற்றுவார்கள். ஆனால், அது தேவையில்லாத ஒன்று. அம்மான் பச்சரிசி பாலை ஆணி உள்ள இடத்தில் தொடர்ந்து தடவி வந்தால், வலி குறைந்து சிறிது நாளில் ஆணி மறைந்துவிடும்.

    ‘காந்தல் விரணமலக் கட்டுமே கந்தடிப்புச்
    சேர்ந்த தினவிவைகள் தேகம்விட்டுப்பேர்ந் தொன்றாய்
    ஓடுமம்மான் பச்சரிசிக் குண்மை இனத்துடனே
    கூடுமம்மா னொத்த கண்ணாய் கூறு!’ (அகத்தியர் குணபாடல்)

இதன் இலைச் சாறை பருகினால் உடல்மெலிவு, மலச்சிக்கல், படை, நமைச்சல் போகும் என்கிறது இந்த பாடல்.

வெள்ளைப்படுதல் பெண்களுக்குள்ள பெரிய பிரச்னை. அதற்கு அருமையான தீர்வு அம்மான் பச்சரியிடம் இருக்கிறது. இதன் இலையைப் பறித்து, கழுவி சாறு எடுத்துக்கொள்ள வேண்டும். இந்தச் சாறுடன் மோர் கலந்து காலை, மாலை இருவேளையும் பருகி வந்தால் ஐந்தே நாளில் வெள்ளைப்படுதல் நின்றுபோகும் என்கிறது சித்த மருத்துவம்.

அதெல்லாம் சரி, அம்மான் பச்சரிசி எப்படி வெள்ளி பஸ்பமாகும்?

அம்மான் பச்சரிசி இலை, தூதுவேளை இலை ஆகிய இரண்டையும் சம அளவு எடுத்து பாசிபருப்பு, உளுந்தம் பருப்பு, தேங்காய் துருவல் ஆகியவற்றுடன் சேர்த்து கூட்டு செய்து, நெய் சேர்த்து உண்டு வந்தால் உடம்பில் தாது பலப்படும். விந்தணுக்கள் அதிகரிக்கும். அதனால் தான் சித்த புருஷர்கள் இதை வெள்ளி பஸ்பம் என்கிறார்கள். இத்தனை சிறப்புகளை வைத்திருக்கும் அம்மான் பச்சரிசி மூலிகையை சின்னச் சின்னத் தொட்டிகள் வைத்து வீடுகளில் கூட வளர்க்கலாம்.