என் புத்தகம்

புதிய படத்தில் தனது 4 வயது மகள் ஆராதனாவை திரையுலகில் அறிமுகபடுத்துகிறார் நடிகர் சிவகார்த்தியேன். ஹீரோவாக கலக்கி வந்த நடிகர் சிவகார்த்திகேயன் தயாரிப்பாளராக மாறியிருக்கும் படம் 'கனா'.

பெண்கள் கிரிக்கெட்டை மையமாக கொண்டு இந்தப் படம் எடுக்கப்பட்டுள்ளது. பிரபல பாடகர், நடிகர் அருண் ராஜா இயக்கும் இப் படத்தில் நடிகை ஜஸ்வர்யா, சத்யராஜ் ஆகியோர் முக்கிய கதாபாத்திரத்தில் நடித்துள்ளனர். படத்துக்கு திபுநினன் தாமஸ் இசையமைத்துள்ளார். இதில், இசையமைப்பாளர் அனிருத் ஒரு நாட்டுப்புற பாடலை பாடியிருக்கிறாராம்.

இந்நிலையில், படத்தின் இசை வெளியீட்டு விழா வரும் ஆகஸ்ட் 28ம் தேதி நடைபெறவுள்ளது. இதையடுத்து 'கனா' படம் மூலம் நடிகர் சிவகார்த்திகேயன் தனது 4 வயதுடைய மகள் ஆராதனாவை திரையுலகில் அறிமுகப்படுத்துகிறார்.

படத்தில் ஆராதனா தனது தந்தை சிவகார்த்திகேயன் மற்றும் வைக்கோம் விஜயலட்சுமியுடன் இணைந்து 'வாயாடி பெத்த புள்ள' என்ற பாடலை பாடியுள்ளாராம். இதன் மூலம் ஆராதனா பாடகியாக கோலிவுட்டில் அறிமுகமாகிறார்.

ஆரோக்கியமான காலை உணவுதான் ஒருநாளிற்குத் தேவையான அதிக சக்தியைக் கொடுக்கும். காலை உணவுதான் ஒரு நாளில் அதிக இடைவெளிக்குப் பிறகு (10 மணி நேரம்) நாம் உண்ணும் உணவு. அதனால்தான், அதை பிரேக் –ஃபாஸ்ட் என்று சொல்கிறார்கள். அதற்கு விரதத்தை முடிப்பது என்று அர்த்தம்.

அன்றாட வேலைச் சுமையினால் காலை உணவை உடனடியாக செய்து சாப்பிட பாக்கெட் உணவுகளைப் பலரும் சாப்பிடுகின்றனர். அந்த வகையில், மக்கள் பெரும்பாலும் காலை உணவாக சாப்பிடுவது கார்ன் ப்ளேக்ஸ்களைத்தான். கார்ன் ப்ளேக்ஸ்கள் சாப்பிடுவது உடலுக்கு நல்லதா?

கார்ன் ப்ளேக்ஸ் தயாரிப்பதற்கு கார்ன், சர்க்கரை, கார்ன் சிரப் ஆகியவற்றைத்தான் முக்கியப் பொருட்களாகப் பயன்படுத்துகின்றன. இந்தப் பொருட்களில் இரத்தத்தில் சர்க்கரையின் அளவை அதிகரிக்கும் `கிளைசீமிக் இண்டெக்ஸ்’ (Glycemic Index) அளவு அதிகமாகவுள்ளது. ஜிஐ (GI) அளவு அதிகமுள்ள உணகளைச் சாப்பிட்டால் இரத்தத்தில் சர்க்கரையின் அளவும் அதிகரிக்கும்.

காலை உணவாக சாப்பிடும் கார்ன் ப்ளேக்ஸில் இருப்பது 350 கலோரிகள். அதிகமான கார்போஹைட்ரேட்டும் குறைவான புரதச் சத்தும் மட்டுமே கார்ன் ப்ளேக்ஸ்களில் இருக்கின்றன. சர்க்கரை நோயாளிகள் இதை சாப்பிடுவது உடலின் ஆரோக்கியத்திற்குக் கேடாக அமையும்.

கார்ன் ஃப்ளேக்ஸ் உணவுடன் பால் மற்றும் இனிப்பு சுவைக்காக தேன் சேர்த்து சாப்பிடுவதால் உடலின் எடை அதிகரிக்கவும் வாய்ப்புள்ளது. தினமும் உணவாக கார்ன் ப்ளேக்ஸ் எடுத்துக் கொள்வதைத் தவிர்ப்பது நல்லது.

தற்போது பல ஆர்கானிக் கடைகளில் ராகி மற்றும் சிறுதானியங்களில் செய்யப்பட்ட சீரியல்கள் கிடைக்கின்றன.  கோதுமை மாவினால் செய்யப்பட்ட ஃபிளேக்ஸ்கள் கூட விற்பனைக்கு வந்துள்ளன.

தேவையான அளவு பால், துருவிய தேங்காய் மற்றும் நாட்டுச் சர்க்கரை சேர்த்து சாப்பிடலாம். சிறுதானியங்கள்  நம் உடலுக்கு ஆரோக்கியத்தையும் அன்றாட வேலைகளைச் செய்வதற்குத் தேவையான சக்தியையும் கொடுக்கிறது.

இயக்குநர் திரு இயக்கத்தில் கல்வி தொடர்பான ஆவணப்படத்தில் நடிகர் சிவகார்த்திகேயன் நடிப்பது உறுதி செய்யப்பட்டிருக்கிறது.

சமூக வலைதளங்களில், சிவகார்த்திகேயன் பள்ளி மாணவர்களுக்கு முன் நின்றுகொண்டு பேசுவது போன்ற புகைப்படம் சமீபத்தில் வைரலாக பரவியது. அவருக்கு அருகில் 'சமர்' உள்ளிட்ட படங்களைஇயக்கிய இயக்குநர் திரு நின்று கொண்டிருப்பதுபோல அந்தப் புகைப்படம் இருந்தது.

இந்நிலையில் இயக்குநர் திரு, முதல்முறையாக இந்த புகைப்படம் குறித்து தனது டுவிட்டர் பக்கத்தில் கூறியுள்ளார். அதில் சிவகார்த்திகேயனுடன் இணைந்து ஓர் ஆவணப்படத்தில் பணிபுரிந்து வருவதாகவும், ஒரு நல்ல காரியத்திற்காக இந்தப் பணியில் இருவரும் இணைந்துள்ளதாகவும், இது குறித்த விவரங்கள் மிக விரைவில் வெளியாகும் என்றும் குறிப்பிட்டுள்ளார்.

கருப்பு மிளகு நிறைய மருத்துவ குணங்களை தன்னுள் கொண்டுள்ளது. இதுவரைக்கும் கருப்பு மிளகு சளிக்கு, தொண்டை புண் இவற்றிற்கு நல்லது என்று கேள்வி பட்டிருக்கோம்.

ஆனால் இந்த கருப்பு மிளகை கொண்டு நம் எடையை கூட குறைக்க முடியுமாம்.

எடை குறைப்பு
இந்த கருப்பு மிளகை நீங்கள் உள்ளே எடுத்துக் கொண்டோ அல்லது வெளியே பயன்படுத்தி கூட எடையை குறைக்க இயலும். இந்த கருப்பு மிளகை சில வகைகளில் உணவுடன் கலந்து கீழ்வருமாறு சாப்பிட்டு வந்தால் இவ்வளவு நாள் கரைக்க முடியாமல் கஷ்டப்பட்ட தொப்பையும் கரைந்து போய்விடும்.

கருப்பு மிளகு டீ
கருப்பு மிளகு டீ உங்கள் எடையை குறைக்க சிறந்த ஒன்று. இதை நீங்கள் எளிதாகவும் தயாரிக்கலாம். இஞ்சி, லெமன், துளசி, க்ரீன் டீ பேக்குகள் அல்லது பட்டை மற்றும் 1/2 - 1 டீ ஸ்பூன் கருப்பு மிளகு பொடி சேர்த்து டீ தயாரிக்கவும். இதை காலையில் சாப்பிடுவதற்கு முன் செய்து வந்தால் எடை குறைவது நிச்சயம்.

கருப்பு மிளகு பானம்
இந்த கருப்பு மிளகை உங்கள் காய்கறிகள் மற்றும் பழ ஜூஸூடன் கலந்து வரலாம். இதன் காரமான சுவை உங்களுக்கு பிடிக்கும். இதை தினமும் குடித்து வருவதால் எடையை குறைப்பதோடு சருமத்திற்கும், குடலுக்கும் ரெம்ப நல்லது.

அப்படியே சாப்பிடலாம்.
நீங்கள் மிளகை நேரடியாகவும் எடுத்து கொள்ளலாம். ஒவ்வொரு நாள் காலையிலும் 2-3 மிளகை வெறுமனே வாயில் போட்டு மென்று சாப்பிடலாம்.

ஊட்டச்சத்து அளவுகள்
100 கிராம் கருப்பு மிளகில்
கார்போஹைட்ரேட் - 64.8 கிராம்
நார்ச்சத்து - 26.5 கிராம்
கொழுப்புகள்
மோனோசேச்சுரேட் கொழுப்பு - 1 கிராம்
அன்சேச்சுரேட்டேடு கொழுப்பு - 1 கிராம்
பாலிசேச்சுரேட் கொழுப்பு - 1.1 கிராம்
ஓமேகா 3 கொழுப்பு அமிலங்கள் - 160 மில்லி கிராம்
ஓமேகா 6 கொழுப்பு அமிலங்கள் - 970 மில்லி கிராம்
கால்சியம் - 437 மில்லி கிராம்
இரும்புச் சத்து - 28.9 மில்லி கிராம்
மக்னீசியம் - 194 மில்லி கிராம்
பாஸ்பரஸ் - 173 மில்லி கிராம்
பொட்டாசியம் - 1259 மில்லி கிராம்
சோடியம் - 44 மில்லி கிராம்
ஜிங்க் - 1.4 மில்லி கிராம்
மாங்கனீஸ் - 5.6 மில்லி கிராம்
காப்பர் - 1.11மில்லி கிராம்
செலினியம் - 3.1 மைக்ரோ கிராம்
ப்ளூரைடு - 34.2 மைக்ரோ கிராம்
புரோட்டீன் - 11 கிராம்
விட்டமின்கள்
விட்டமின் சி - 21 மில்லி கிராம்
விட்டமின் ஏ - 299 IU
விட்டமின் கே - 164 மைக்ரோ கிராம்
போலேட் - 10 மைக்ரோ கிராம்
நியசின் - 1.1மில்லி கிராம்
கோலைன் - 11.3 மில்லி கிராம்
ரிபோப்ளவின் - 0.2 மில்லி கிராம்
விட்டமின் பி6 - 0.3 மில்லி கிராம்
பீட்டைன் - 8.9 மில்லி கிராம்

நடிகை நயன்தாரா நடிப்பில் வெளியாகி உள்ள ‘கோலமாவு கோகிலா’ திரைப்படம் முதல் மூன்று நாளில் மட்டும் 11.19 கோடி வசூல் செய்து சாதனைப் படைத்துள்ளது.

சமீப காலமாக ஹீரோயினுக்கு முக்கியத்துவம் தரும் படங்களில் நடித்து வரும் நடிகை நயன்தாராவின் நடிப்பில், தற்போது வெளியாகி உள்ள திரைப்படம் கோலமாவு கோகிலா. நெல்சன் திலீப்குமார் இயக்கியுள்ள இப்படத்தில், நயன்தாராவுடன் யோகி பாபு, சரண்யா பொன்வண்ணன், அறந்தாங்கி நிஷா மற்றும் ஜாக்குலின் உள்ளிட்ட பலர் நடித்துள்ளனர்.

அனிருத் இசையமைத்துள்ள இப்படத்தை லைகா நிறுவனம் தயாரித்துள்ளது. டார்க்-காமெடியா உருவாகி உள்ள இப்படத்தில், நடிகை நயன்தாரா போதைப் பொருள் கடத்தும் பெண்ணாக நடித்துள்ளார்.

கடந்த வெள்ளிக்கிழமை வெளியான இந்தத் திரைப்படம், சென்னை பாக்ஸ்ஆபீஸில் மட்டும் முதல் மூன்று நாட்களில் ரூ.1.53 கோடி வசூல் செய்துள்ளதாக கூறப்படுகிறது. அதேபோல், தமிழ்நாடு முழுவதும் இந்தத் திரைப்படம் சுமார் 11.19 கோடி ரூபாய் வசூல் செய்து சாதனைப் படைத்துள்ளது.


ரசிகர்கள் மத்தியில் நல்ல வரவேற்பைப் பெற்று வரும் இந்தத் திரைப்படத்தை, நடிகர் ரஜினிகாந்த், இயக்குநர் ஷங்கர், சிவகார்த்திகேயன் மற்றும் பாலிவுட் இயக்குநர் கரண் ஜோகர் உள்ளிட்டோர் பாராட்டியுள்ளனர்.

இதனிடையே, கோலமாவு கோகிலா படத்தின் வெளியீட்டால், விஸ்வரூபம் படத்தின் வசூல் மிகவும் குறைந்து விட்டதாக சென்னை பாக்ஸ் ஆபீஸ் வட்டாரங்கள் தெரிவித்துள்ளன.

அஜித்தின் விசுவாசம் படத்தின் ஃபர்ஸ்ட் லுக் போஸ்டர் மற்றும் விஜய்யின் சர்கார் படத்தின் டீசர் ஆகியவை ஒரே நாளில் வெளியாகயிருப்பதாக தகவல் வெளியாகியுள்ளது.
அஜித்தின் விசுவாசம் படத்தின் ஃபர்ஸ்ட் லுக் போஸ்டர் மற்றும் விஜய்யின் சர்கார் படத்தின் டீசர் ஆகியவை ஒரே நாளில் வெளியாகயிருப்பதாக தகவல் வெளியாகியுள்ளது.

கத்தி மற்றும் துப்பாக்கி ஆகிய படங்களைத் தொடர்ந்து ஏ.ஆர்.முருகதாஸ் – விஜய் கூட்டணியில் 3வது முறையாக சர்கார் படம் உருவாகி வருகிறது. தளபதி விஜய்யின் 44வது பிறந்தநாளை முன்னிட்டு சர்கார் படத்தின் ஃபர்ஸ்ட் லுக் போஸ்டர் வெளியானது. மேலும், இப்படம் வரும் தீபாவளிக்கு வெளியாகும் என்று ஏற்கனவே அறிவிக்கப்பட்டுள்ளது. இதையத்து, இப்படத்தின் டீசர் மற்றும் டிரைலருக்காக ரசிகர்கள் காத்துக்கொண்டிருக்கின்றனர்.

இந்த நிலையில், வரும் விநாயகர் சதுர்த்தைய் முன்னிட்டு இப்படத்தின் டீசர் வெளியாகயிருப்பதாக தகவல் வெளியாகியுள்ளது. சர்கார் படத்தின் டீசர் வெளியாகும் தேதியன்றே அஜித்தின் விசுவாசம் படத்தின் ஃபர்ஸ்ட் லுக் போஸ்டரையும் படக்குழு வெளியிட திட்டமிட்டுள்ளதாக தகவல் தெரிவிக்கின்றது. அஜித் – நயன்தாரா நடிப்பில் உருவாகி வரும் விசுவாசம் படத்தின் படப்பிடிப்பு விறுவிறுப்பாக நடந்து வருகிறது.

அஜித் படத்தின் ஃபர்ஸ்ட் லுக் போஸ்டர், விஜய்யின் சர்கார் படத்தின் டீசர் வெளியாகும் நாளன்று பொன்ராம் – சிவகார்த்திகேயன் கூட்டணியில் உருவான சீமராஜா படம் திரைக்கு வரவுள்ளது என்பது குறிப்பிடத்தக்கது

தமிழகத்தின் முன்னாள் முதல்வராக இருந்த கருணாநிதி கடந்த சில தினங்களுக்கு முன் காலமானார். அவரின் உடல் சென்னை மெரினாவில் அண்ணா சமாதி அருகே அடக்கம் செய்யப்பட்டது.

அவரின் உடலுக்கு பொதுமக்கள், அரசியல் பிரமுகர்கள், சினிமா பிரபலங்கள் என பலரும் ஏற்கனவே அஞ்சலி செலுத்தினர். ஆனால் நடிகர் விஜயகாந்த் அமெரிக்காவில் சிகிச்சையில் இருந்ததால் இங்கு வரவில்லை.

இதனால் அவர் வீடியோ மூலம் கண்ணீர் அஞ்சலி செலுத்தினார். இந்நிலையில் அமெரிக்காவில் இருந்து திரும்பியதும் அவர் நேரடியாக சமாதிக்கு சென்று அஞ்சலி செலுத்தியுள்ளார்.

வாஜ்பாயின் திருமணம் செய்ய பயந்து தலைமறைவானது குறித்த சுவாரசியமான தகவல் வெளியாகியுள்ளது.

பாஜகவில் இருந்து தேர்வான முதல் பிரதமர் என்ற பெருமையை பெற்றவர் வாஜ்பாய். பல்வேறு வளர்ச்சி திட்டங்களை கொண்டு வந்து, அனைவராலும் மதிக்கப்படும் தலைவராக இருந்துள்ளார். இவர் உடல்நலக்குறைவு காரணமாக, கடந்த ஆகஸ்ட் 16-ஆம் தேதி காலமானார்.

தன்னுடைய அரசியல் வாழ்க்கைக்கு இடையூறாக திருமணம் அமைந்து விடக்கூடாது என்பதற்காக அவர், கடைசி வரை திருமணம் செய்து கொள்ளவில்லை. இதுக்குறித்து சுவையான தகவல் ஒன்று தற்பொழுது வெளியாகியுள்ளது. அதாவது, வாஜ்பாய்க்கு அவரது பெற்றோர் திருமணம் செய்து வைக்க முயன்றபோது அவர் அதனைத் திட்டவட்டமாக மறுத்திருக்கிறார்.

பெற்றோர் தொடர்ந்து வற்புறுத்தியதால், திருமணத்தைத் தவிர்க்க தனது நண்பர் கோரே லால் திரிபாதி என்பவரின் வீட்டில் உள்ள தனி அறையில் 3 நாட்கள் ஒளிந்து கொண்டிருக்கிறார். தனக்கு பசிக்கும்போது மட்டும் கதவைத் தட்டி உணவு வாங்கிக் சாப்பிட்டுள்ளார்.

மறைந்த கோரே லால் திரிபாதி மகன் விஜய் பிரகாஷ், வாஜ்பாய் காலமானதை முன்னிட்டு அவரது நினைவுகளைப் பகிர்ந்து கொள்ளும் போது, திருமணத்தைத் தவிர்ப்பதற்காக தங்கள் வீட்டில் வாஜ்பாய் ஒளிந்து கொண்டது பற்றி பற்றி தெரிவித்துள்ளார். இந்த சம்பவம், கேட்போரை நெகிழ்ச்சிக்குள்ளாக்கி வருகின்றது.

கரு : சாலையில் சென்ற பெண்ணிடம், பைக்கில் வந்த மர்ம நபர்கள் செயின் பறிப்பு, என்ற செய்தியை நாம் தினந்தோறும் படிக்கிறோம். அந்த சம்பவத்தில் ஏதோ தங்கம் மட்டும் தான் திருடப்பட்டுவிட்டதாக நாம் நினைக்கிறோம். ஆனால், சில சமயங்களில் பல பெண்களின் உயிர் பறிபோவதோடு, அதனால் பலர் பலவிதத்தில் பாதிக்கப்படுகிறார்கள்.... அது எப்படி ? இதற்கு என்ன தீர்வு ? என்பது தான் இப்படத்தின் கரு.

கதை : சரண்யா பொன்வண்ணனின் ஒரே மகனானநாயகர் துருவா ., ஒரு கேஸ்ஏஜென்சியின்சிலிண்டர் 'டெலிவரிபாய் '. அழகிய டி.வி.காம்பயர் அஞ்சனா பிரேமை பார்த்த மாத்திரத்திலேயே துருவ்வின் அம்மாசரண்யாவுக்கு பிடித்துப் போக ., அவரை விடா பிடியாக பேசி முடித்து., திருமணம் செய்து வைக்கிறார்.

திருமணமான கொஞ்ச நாளிலேயே ., மாமியாரும் , மருமகளும் கடைவீதியில் ஷாப்பிங் முடித்து வீடு திரும்பிய போது அஞ்சனா கழுத்தில் அணிந்திருந்த சங்கிலியை "பைக்"கில் வந்த செயின் பறிப்பு திருடர்கள் பிடித்து இழுக்க ., அதில் அஞ்சனா பிரேமின் தாலி சங்கிலி அவர் கழுத்தை அறுத்து அவர் உயிர் பறிபோகிறது. மருமகளின் செயினை பறித்தவர்களை துரத்திச் சென்ற சரண்யாவும் திருடர்களால் தாக்கப்பட்டுசீரியஸ் கண்டீஷ னில்மருத்துவமனையில் சேர்க்கப்படுகிறார். சிட்டியை உ லுக்கிய இந்த சம்பவத்திற்கு பின்பும் செயின் பறிப்பு சம்பவங்கள் தொடர்கிறது .

இந்த செயின் பறிப்பு வழக்குகளை விசாரிக்க துணிவு மிக்க காவல் அதிகாரி சக்கரவர்த்தி நியமிக்கப்படுகிறார். அவர் செயின் பறிப்பு சம்பவத்தால் பெரிதும் பாதிக்கப்பட்ட துருவாவை அழைத்து ஆறுதல் கூறி ., செயின் பறிப்பு கும்பலுக்கு முடிவு கட்டஅவரது ஒத்துழைப்பை கேட்கிறார்.
சக்ரவர்த்தி என்ன மாதிரி ஒத்துழைப்பு கேட்டார் ? துருவா ஒத்துழைத்தாரா ? செயின் பறிப்பு கும்பலுக்கு முடிவு கட்டப்பட்டதா ..? சரண்யா பிழைத்தாரா ..? ஹீரோ துருவின் கடந்த கால மனைவியாகஅஞ்சனா பிரேமின் கேரக்டர் ஒ.கே .இதில் "பிக்பாஸ்"ஐஸ்வர்யா தத்தா கேரக்டர் தான் என்ன ..? என்பது உள்ளிட்ட இன்னும் பல வினாக்களுக்கு வித்தியாசமாகவும் விடை சொல்கிறது ''மறைந்திருந்து பார்க்கும் மர்மம் என்ன’' மீதிக் கதை மொத்தமும்!

காட்சிப்படுத்தல் : வி. மதியழகன் - ஆர்.ரம்யா இருவரதுஎட்ரிக்டா எண்டர்டெயின்மென்ட் & ,மாஸ்எண்டர்டெயின்மென்ட்தயாரிப்பில், ஆர்.ராகேஷ் எழுத்து , இயக்கத்தில் புதுமுகம் துருவா - "பிக்பாஸ்" ஐஸ்வர்யா தத்தா , அஞ்சனா பிரேம், சக்கரவர்த்தி ,சரண்யா பொன்வண்ணன் ஆகியோர்நடிக்க., "செயின் சினாசிங் கேங் "எனப்படும் பெண்களிடம் சங்கிலி பறிக்கும் கும்பல் பற்றிய திக் திக் கதையம்சத்துடன் வந்திருக்கும் படம் தான்
"மறைந்திருந்து பார்க்கும் மர்மம் என்ன."

கதாநாயகர் : புதுமுக நாயகர்துருவா நல்ல வாட்டசாட்டமாக ஆக்‌ஷன் ஹீரோவாக சங்கிலி பறிக்கும் திருடர்களுக்கே சவாலான திருடராக அறிமுகமாகி அசத்தலாகவலம் வருகிறார்.

செயின் பறிக்கும் கூட்டத்தில் ஒருவராக அவர் வலம் வருவது, வெகுளித்தனமான அம்மாவுக்கு பாசமான பிள்ளையாக இருப்பது , என்று தனது கதாபாத்திரத்தை ரொம்பவே நிறைவாக துருவா செய்திருக்கிறார்.

கதாநாயகியர் :இரண்டு நாயகியரில் ஒருவரான ".பிக் பாஸ்" ஐஸ்வர்யா தத்தா ஆரம்பத்தில் அதிரடியாக அறிமுகமானலும், ஹீரோவின் பிளாஷ்பேக்கை ஓபன் செய்யும் கருவியாகவே அவர் பயன்பட்டிருக்கிறார். பிறகு திடீரென்று வேறு ஒரு பரிணாமத்தில் போலீஸாகக்ளைமாக்ஸில் வந்து நிற்பது அவ்வளவாக எடுபடவில்லை.

அதே நேரம் மற்றொரு நாயகியாக ரியல் எஸ்டேட் நிறுவனத்தின் விளம்பர படத்தில் நடிக்கும் பெண்ணாக வரும் அஞ்சனா பிரேம் ., கொஞ்ச நேரமேகுறைவான காட்சிகளில் ...வந்தாலும் ரசிகர்கள் மனதில் நின்றுவிடுகிறார்.பேஷ் , பேஷ் .

பிற நட்சத்திரங்கள் :பல படங்களில் பாசமான அம்மாவாக பார்த்து வந்த சரண்யா பொண்வன்னனுக்கு இதிலும்அதே ரோல் தான் என்றாலும், அதில் சற்று வித்தியாசத்தை காட்டியிருக்கிறார். சக்ரவர்த்தி , ராதாரவி, அருள்தாஸ், மைம் கோபி, . . ஆகியோரும் எப்போதும் போல தங்களது கதாபாத்திரத்திற்கு ஏற்ப பக்காவாகநடித்திருக்கிறார்கள். மனோபாலா சிரிக்க வைக்க முயன்று கடித்திருக்கிறார்.

பலம் : சினிமா என்பது பொழுது போக்கு அம்சமாக இருந்தாலும், அவ்வபோது சமூக அக்கறையோடும் சில படங்கள் வருவதுண்டு. அந்த வகையிலான ஒரு படம் தான் இந்த ‘மறைந்திருந்து பார்க்கும் மர்மம் என்ன’ என்பது இப்படத்திற்கு பெரும் பலம்.

பலவீனம் : ''மறைந்திருந்து பார்க்கும் மர்மம் என்ன?" எனும் டைட்டில் ஏதோ காதல் பட டைட்டில் மாதிரி இருப்பது , இப்படத்திற்கு பெரும் பலவீனம்.

தொழில்நுட்பகலைஞர்கள் : பி.ஜி.முத்தையாவின் ஒளிப்பதிவில் பைக் சேசிங் காட்சிகள் மிரட்டல், படத்தில் ஏகப்பட்ட பைக் சேசிங் காட்சிகள் வந்தாலும், ஒவ்வொன்றையும் ஒரு விதத்தில் படமாக்கியிருக்கிறார். அச்சு ராஜாமணியின் இசையில் பாடல்களும், பின்னணி இசையும் திரைக்கதைக்கு ஏற்ப ஜீவனோடுபயணித்திருக்கிறது

இயக்கம் :சாலையில் சென்ற பெண்ணிடம், பைக்கில் வந்த மர்ம நபர்கள் செயின் பறிப்பு, என்ற செய்தியை நாம் தினந்தோறும் படிக்கிறோம். அந்த சம்பவத்தில் ஏதோ தங்கம் மட்டும் தான் திருடப்பட்டுவிட்டதாக நாம் நினைக்கிறோம். ஆனால், சில சமயங்களில் பல பெண்களின் உயிர் பறிபோவதோடு, அதனால் பலர் பலவிதத்தில் பாதிக்கப்படுகிறார்கள்.... அது எப்படி ? என்பதை சஸ்பென்ஸ் த்ரில்லராக சொல்லியிருப்பதோடு, செண்டிமெண்ட், காதல் என்று கமர்ஷியலாகவும் சொல்லியிருக்கிறார் இப்பட இயக்குநர் ஆர்.ராகேஷ்.

பொதுவாக இதுபோன்ற படங்களில் வில்லன்கள் தான் செயின் பறிப்பு திருடர்களாக இருப்பார்கள், ஆனால் இந்த படத்தில் ஹீரோவே செயின் திருடர்களின் கூட்டத்தில் ஒருவராக இருக்க, ஹீரோவா! ஏன்? என்ற ஆச்சரியம் கலந்த கேள்வி படம் பார்க்கும் அனைவருக்கும் ஆரம்பத்திலேயே ஏற்படுத்திவிடும் . , பிறகு அதற்கான காரணத்தை இயக்குநர் சஸ்பென்ஸோடு சொல்லியுள்ள விதம்தான் இப்படத்தின் பாராட்டிற்குரிய அம்சமாகும்.

அதே மாதிரி ,"இந்த உலகத்துல முதல்ல வந்தவன் திருடன் தான் அவன கண்டுபிடிக்க ரெண்டாவதா வந்தவன் தான் போலீஸ் ... " ,"பொருள் அடிக்கிறவன் பொண்ணுங்களை பார்க்கக் கூடாது...." உள்ளிட்ட வசனங்கள் மூலமும் திரும்பி பார்க்க வைத்திருக்கும் இயக்குநர் ராகேஷ்., செயின் கொள்ளை சம்பவத்தை பற்றி படம் எடுத்தாலும், அதை பெண்கள் சார்பில் இருந்துதிரைக்கதை அமைத்திருக்கிறார்.

”பெண்களுக்கு பிடித்தமான விஷயமே தங்கம் தான், ஆனால் அந்த தங்கத்தின் மீதே அவர்களுக்கு பயம் ஏற்பட வைத்துவிட்டார்களே” என்று பெண்களின் நிலையில் இருந்து இப்படத்தின் ஒவ்வொரு காட்சியையும் கையாண்டிருக்கும் இயக்குநர் ராகேஷ், செயின் பறிப்பு குற்றத்தை பொருத்தவரை வழிப்பறி மற்றும் திருட்டு வழக்காக பதிவு செய்யும் காவல் துறை, அதை கொலை முயற்சியாக பதிவு செய்ய வேண்டும் என்ற கருத்தை ரொம்ப அழுத்தமாக பதிவு செய்திருப்பதோடு, அவர்களுக்கு எந்த மாதிரியான தண்டனை கொடுக்க வேண்டும் என்பதையும் தைரியமாக சொல்லியிருக்கிறார்.

இயக்குநர் ராகேஷ் சொல்வது போல, செயின் பறிப்பு திருடர்களுக்கு காவல்துறை தண்டனை கொடுத்தால், நிச்சயம் இந்த குற்றங்கள் நடைபெறாது என்பது உறுதி.

மற்றபடி .,படத்தில் ஒருசில இடங்களில் சில வாஜிக் குறைகள் இருந்தாலும், சமூகத்திற்கு தேவையான ஒரு படமாகவும், மக்களை குறிப்பாக பெண்களை உஷார்ப்படுத்தும் பாடமாகவும் இப்படம் இருக்கிறது... என் பது கவனிக்கத்தக்க விஷயமாகும்.

மொத்தத்தில்., ''மறைந்திருந்து பார்க்கும் மர்மம் என்ன' - 'திரையரங்கம் சென்று தாராளமாக பார்க்கலாம் என்பதில்சந்தேகம் வேண்டாம் என்ன?!

மக்கள் செல்வன் விஜய் சேதுபதி நடிப்பில் உருவாகியுள்ள சீதக்காதி படம் அக்டோபர் 5ஆம் தேதி வெளியாகும் என அறிவிக்கப்பட்டுள்ளது.

நடுவுல கொஞ்சம் பக்கத்த காணோம்’ படத்தை இயக்கிய பாலாஜி தரணீதரன், மறுபடியும் விஜய் சேதுபதியுடன் இணைந்துள்ள படம் ‘சீதக்காதி’. இந்தப் படத்தில் விஜய் சேதுபதி 80 வயது முதியவராக நடிக்க, அவருடன் ரம்யா நம்பீசன், பார்வதி நாயர், காயத்ரி உள்பட பலர்நடித்துள்ளனர்.

பேசன் ஸ்டுடியோஸ் நிறுவனம் இந்தப் படத்தில், விஜய் சேதுபதி முதல்முறையாக அப்பா-மகன் என இரண்டு வேடங்களில் நடித்துள்ளார். இந்த படத்தின் ஃபர்ஸ்ட் லுக் போஸ்டர் சமீபத்தில் வெளியாகி பயங்கர வரவேற்பை பெற்றது.

ஒரு கலைக்கும், கலைஞனுக்கும் இடையிலான பயணத்தை கூறவிருக்கும் இந்த படத்தை அக்டோபர் 5ம் தேதி வெளியிட திட்டமிட்டுள்ளதாக தகவல் வெளியாகியுள்ளது. இதன் அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. மணிரத்னம் இயக்கத்தில் விஜய் சேதுபதி நடித்துள்ள ‘செக்கச்சிவந்த வானம்’, 28-ம் தேதி வெளியாவது குறிப்பிடத்தக்கது

ஒரு மாஸ் ஹீரோவிற்கு எத்தனை மாஸ் வருமோ, அந்த அளவிற்கு லேடி சூப்பர் ஸ்டார் நயன்தாராவிற்கும் ஒரு மாஸ் பேன் பாலோயிங் உள்ளது. அதற்கு காரணம் அவர் தொடர்ந்து தரமான கதையாக தேர்ந்தெடுத்து நடிப்பது தான். அந்த வகையில் இந்த கோலமாவு கோகிலாவும் தரமான படங்களின் லிஸ்டில் சேர்ந்ததா? பார்ப்போம்.

கதைக்களம்

நயன்தாரா மிடில் கிளாஸ் குடும்பம். அன்றாட வாழ்க்கையை நகர்த்தவே கஷ்டத்தில் இருக்கும் போது அவருடைய அம்மா சரண்யாவிற்கு கேன்சர் வருகின்றது.

அதை குணப்படுத்த நிறைய பணம் தேவைப்படுகின்றது. அந்த சமயத்தில் யதார்த்தமாக ஒரு போதைப்பொருள் கும்பலிடம் நயன்தாரா சிக்குகின்றார்.

அந்த கும்பலும் நயன்தாரா அப்பாவியாக இருக்கின்றார், யாருக்கும் சந்தேகம் வராது, இவரை வைத்தே கடத்தல் செய்யலாம் என்று நினைக்க, இவை நயன்தாராவிற்கு பெரும் பிரச்சனையில் போய் முடிகின்றது.

இந்த பிரச்சனை எல்லாம் கோகிலா எப்படி முறியடிக்கின்றார், தன் அம்மாவை எப்படி காப்பாற்றுகின்றார் என்பதே மீதிக்கதை.

படத்தை பற்றிய அலசல்

நயன்தாரா ஒன் Women ஷோ என்று சொல்லலாம், இவருக்கு மட்டும் எப்படி ஹீரோயினுக்கு முக்கியத்துவம் கொடுக்கும் கதாபாத்திரம் இத்தனை நன்றாக கிடைக்கின்றதோ என எண்ண வைக்கின்றார். கொஞ்சம் நானும் ரவுடி தான் காதம்பரி ஸ்டைல், அமைதி மற்றும் பதட்டத்துடனே படம் முழுவதும் அசத்துகின்றார். அதிலும் ‘சார் நீங்க அவன சுட்டா தான் இங்க இருந்து போவேன், கொலை பார்க்க பயமா இருக்கு நான் திரும்பி காதை மூடிக்கொள்கின்றேன்’ என சொல்லும் இடமெல்லாம் செம்ம அப்லாஸ்.

அவருக்கு அடுத்து படத்தில் ஸ்கோர் செய்வது சொல்லி தெரிய வேண்டியது இல்லை யோகிபாபு தான். படத்தின் முதல் பாதி ஒரு பாடலுடன் எஸ்கேப் ஆகின்றார், அட எங்கடா போனார் என்று தேடும் நிலையில் இரண்டாம் பாதியில் நயன்தாராவுடனே ட்ராவல் செய்து கலக்குகின்றார்.

படத்தில் சின்ன சின்ன கதாபாத்திரங்களும் நம்மை கவர்கின்றனர், நயன்தாரா தங்கை ஜாக்லீன், யோகிபாபு கடையில் வேலை பார்க்கும் பையன், மொட்டை ராஜேந்திரன், இவர்களை எல்லாம் விட டோனி என்று ஒரு கதாபாத்திரம் வருகின்றது. அவருடைய மேனரிசம் சிரிப்பு சரவெடி. அதே நேரத்தில் ஜாக்லினை காதலிக்கும் இளைஞர் ஏற்கனவே மீசைய முறுக்கு படத்தில் எப்படி பதட்டமாக பேசுவாரோ, அதேபோல் தான் இதிலும், ஆனால் கொஞ்சம் ஓவர் ஆக்டிங்.

விறுவிறுப்பாக சொல்ல வேண்டிய கதையை இயக்குனர் நெல்சன் கொஞ்சம் மெதுவாகவே நகர்த்தி செல்கின்றார். இடைவேளைக்கு முன்பு வரும் படத்தின் எதிர்ப்பார்ப்பு, அதன் பிறகு காமெடி ஒர்க் அவுட் ஆனாலும் திரைக்கதை கொஞ்சம் மெதுவாகவே செல்கின்றது, அதிலும் கிளைமேக்ஸ் அட என்னப்பா இப்படி என்று தான் நினைக்க வைக்கின்றது.

சிவகுமாரின் ஒளிப்பதிவு ரசிக்க வைக்கின்றது, அனிருத் பாடல்கள் ஏற்கனவே ஹிட் செய்து விட்டார், பின்னணியிலும் நல்ல இசையை கொடுத்தாலும், கொஞ்சம் டயலாக் கேட்க விடுங்க சார் என்று சொல்ல தோன்றுகின்றது.

க்ளாப்ஸ்

நயன்தாரா, யோகிபாபு காட்சிகள் கைத்தட்டல் பறக்கின்றது.

படத்தின் வசனம் டார்க் ஹியூமர் நன்றாக ஒர்க் ஆகியுள்ளது, அதிலும் மொட்டை ராஜேந்திரன் ‘பச்சையப்பாவில் படித்தாலும் பச்சை பச்சையாக பேசுவேன், எட்டுக்கால் பூச்சிக்கு எட்டுக்கால் இருந்தாலும், 10வது மாடி போக 8 வருஷம் ஆகும், ஆனா 10 ரூ ராக்கேட் உடனே போகும், நீ ராக்கேட் மாதிரி போகனும்’ என்று பல வசனங்கள் பேசி இப்படி ஸ்கோர் செய்கின்றார்.

கதாபாத்திரங்கள் வடிவமைப்பு, அதிலும் டோனி செம்ம.

பல்ப்ஸ்

நல்ல விறுவிறுப்பாக செல்லவேண்டிய கதையை கொஞ்சம் மெதுவாக நகர்த்தி சென்றது.

கிளைமேக்ஸ் இன்னும் கொஞ்சம் கூட அழுத்தமாக இருந்திருக்கலாம்.

மொத்தத்தில் நயன்தாரா, யோகிபாபுவை நம்பி கோகிலா சரக்கை வாங்கலாம்.

பிரபல தினசரி நாளிதழ் மூலம் விளம்பரம் செய்து பல பெண்களை ஏமாற்றிய நபரை காவல்துறையினர் கைது செய்தனர்.

சென்னை, போரூரை சேர்ந்தவர் முருகன் (58). இவர் கடந்த பத்து ஆண்டுகளாக பல பெண்களை ஏமாற்றி வந்துள்ளார். பெண்களை ஏமாற்ற இவர் தீட்டிய திட்டம் தான், நாளிதழ் விளம்பரம். பிரபல தினசரி நாளிதழில் திருமணத்திற்கு பெண் தேவை. அதுவும் 35 வயதுக்கு மேலான பெண்கள் மட்டும் தேவை என விளம்பரம் செய்வது, முருகனின் வேலை. அதைப்பார்த்து திருமண ஆசையில் போன் செய்யும் பெண்களை, நேரில் சந்தித்துதான் ஒரு பணக்காரர் போலவும், தொழில் அதிபர் போலவும் காட்டிக்கொள்வார்.

பின்னர் அந்தப் பெண்களை ஏமாற்றி, ஒன்றாக வசிப்பார். திடிரென ஒருநாள் தனது உடைமைகளை மற்றும் அந்தப் பெண்ணின் நகை, பணம் எல்லாவற்றையும் சுருட்டிக்கொண்டு ஓடிவிடுவார். இவ்வாறு பல பெண்களை 10 வருடங்களாக ஏமாற்றி வந்துள்ளார். இந்நிலையில்தான் ஓசூரை சேர்ந்த ஏமாந்த பெண் ஒருவர் தாம்பரம் காவல்நிலையத்தில் புகார் அளித்துள்ளார். அவரது புகாரின் அடிப்படையில் முருகனை தேடி வந்த காவல்துறையினர், இன்று அவரை வளைத்துப்பிடித்து கைது செய்தனர். சிசிடிவி காட்சிகள் மற்றும் செல்போன் இஎம்ஐ நம்பர் மூலம் அவர் பிடிபட்டார்.

அவரிடம் இருந்து 18 சவரன் தங்க நகைகள், ரூ.30 ஆயிரம் பணம் மற்றும் 50 மேற்பட்ட சிம் கார்டுகள் பறிமுதல் செய்யப்பட்டன அத்துடன் சில ஏடிஎம் கார்டுகளும் பறிமுதல் செய்யப்பட்டன. அவரிடம் தற்போது காவல்துறையினர் விசாரணை செய்து வருகின்றனர். இதேபோன்று இதற்கு முன்னரே மூன்று வழக்குகள் முருகன் மீது பதிவு செய்யப்பட்டு, தேடப்பட்டுள்ளார். இந்நிலையில்தான் அவர் பிடிபட்டுள்ளார்.

தீவிர விசாரணை நடத்தி முருகனை பிடித்த, உதவி ஆய்வாளர்கள் கஜபதி, சையது உள்ளிட்ட தனிப்படை காவல்துறையினரை, பரங்கிமலை துணை ஆணையர் முத்துச்சாமி பாராட்டினார்.

அஜித்தின் அடுத்த படம் யாருடன் என்பது தான் தற்போது பரபரப்பாக பேசப்பட்டு வருகிறது. அவர் தற்போது நடித்து வரும் விசுவாசம் படத்தை ரசிகர்கள் எதிர்பார்த்திருக்கிறார்கள்.

அவரின் படங்களில் மிக முக்கியமான ஒன்று அமர்க்களம். இதில் அஜித்தும் ஷாலினியும் ஜோடியாக நடித்திருந்தார்கள். அதே நேரத்தில் அஜித் பெரிய ஆபத்திலிருந்து மீண்டு வந்த பிறகு நடித்த படம்.

இப்படம் நேற்று 19 ஆண்டுகளை நிறைவு செய்ததது. இப்படத்திற்கு முதலில் கதையெல்லாம் ரெடியாகவில்லையாம். ஆனால் படத்தின் பெயருக்கு பின்னால் முக்கியம் விசயம் இருக்கிறதாம்.

இப்படத்தின் இயக்குனர் சரண் பாலசந்தரிடம் டூயட் படத்தில் உதவியாளராக பணியாற்றினாராம். அப்போது அஞ்சலி அஞ்சலி பாடல் ரெக்கார்டிங் முடிந்த பிறகு ரஹ்மானிடம் பாட்டு அமர்க்களம் என கூறினாராம்.

இதை வைத்து தான் அமர்க்களம் என பெயரை தேர்ந்தெடுத்தாராம்.

மோமோ சேலஞ்சில் வரும் ஏலியன் பொம்மையை கலாய்த்து உண்டாக்கப்பட்ட ஏராளமான மீம்ஸ்கள் தற்போது இணையத்தில் வைரலாக பரவி வருகிறது.

சில மாதங்களுக்கு முன்பு ப்ளுவேல் கேம் என்ற விளையாட்டு இளைய தலைமுறையை குறிவைத்து தாக்கியது. இந்த கேம் தாக்கம் பல நாடுகளில் பெரிதும் உயிர் இழப்பை ஏற்படுத்தியது.

இதனால் இந்தியாவிலும் கூட நிறைய பேர் இந்த விளையாட்டால் பாதிக்கப்பட்டு உயிரிழந்தனர்.

அதன் பின் கிகி சேலஞ்ச் என்னும் விளையாட்டு பிரபலமாகி வருகிறது. கிகி சேலஞ்ச் என்னும் கேம் ஓடும் காரில் இருந்து இறங்கி பாடலுக்கு நடனம் ஆடிவிட்டு பின்னர் காரில் மீண்டும் ஏற வேண்டும். இதனால் ஆபத்தான இந்த விளையாட்டை மேற்கொள்வோர் மீது கடும் நடவடிக்கை மேற்கொள்ளப்படும் என காவல் துறை எச்சரிக்கை விடுத்தது.

தற்போதும் இதெல்லாம் கடந்து வந்த நிலையில் மோமோ சேலஞ்சும், ப்ளுவேல் கேம் போல் இளைய தலைமுறையை குறிவைக்கிறது. இதைப் என்ன என்று நீங்கள் அறிந்தது உண்டா...?

முதலில் இதை பற்றி தெரிந்து கொள்ளுங்கள். அர்ஜெண்டினா நாட்டை சேர்ந்த 12 வயது சிறுமி சமீபத்தில் தற்கொலை செய்து கொண்டார். ஏன் தற்கொலை செய்து கொண்டார் என்று காவல் துறை ஆய்வு செய்ததில் சிறுமியின் செல்போனை சோதனை செய்ததில் வாட்ஸ் ஆப்பில் வந்த குறுந்தகவல் மூலம் அவர் தற்கொலைக்கு தூண்டப்பட்டிருக்கிறார் என்பது கண்டுப்பிடிக்கப்பட்டது. வாட்ஸ் ஆப் லிங்கில் மோமோ சேலஞ்ச் விளையாட்டு இருந்துள்ளது.

இந்த கேம் ஆனது மனநிலை பாதிக்கப்பட்ட தோற்றம் கொண்ட பெண்ணின் உருவத்தை முன் நிறுத்தி உருவாக்கப்பட்டுள்ளது. அந்த ஏலியன் பெண்ணின் பெயரே மோமோ.

இந்த விளையாட்டு ஆனது பல கேள்விகளை கேட்டு அதை டாஸ்க் ஆக தொடங்கிறது. குறிப்பிட்ட சவாலை ஏற்காதவர்கள் தற்கொலை முயற்சி செய்ய வேண்டும் இது தான் மோமோ சேலஞ்ச் சவால்.

பல நாடுகளை அச்சுறுத்தி வரும் இந்த மோமோ தமிழ்நாட்டில் கொஞ்சம் வித்தியாசமாக உள்ளது. மோமோ சேலஞ்ச் பற்றி எங்களுக்கு பயமில்லை. எங்களை பார்த்து தலைதெறிக்க ஓடி விடு என்கிற அளவிற்கு மீம் கிரியேட்டர்கள் அதனை வெச்சு செய்துள்ளனர்.

மீம் உண்டாக்க சின்ன விஷயம் கிடைக்காத என ஏங்கி தவிக்கும் மீம் கிரியேட்டர்களுக்கு தற்போது மோமோ தான் தீனியாக உள்ளது.

‘விஸ்வாசம்’ படத்தை அடுத்து அஜீத், வினோத் இயக்கத்தில் நடிக்கவுள்ள படத்திற்கு இசைப்புயல் ஏ.ஆர்.ரஹ்மான் இசையமைக்கவுள்ளார்.

நடிகர் அஜீத் தற்போது ‘சிறுத்தை’ சிவா இயக்கத்தில் ‘விஸ்வாசம்’ படத்தில் நடித்து வருகிறார். இந்த கூட்டணி நான்காவது முறையாக இணைந்துள்ளது. இந்தப் படம் வரும் பொங்கல் தினத்தன்று வெளியாகவுள்ளது.

இந்நிலையில் அஜீத்தின் அடுத்த படத்தை ‘தீரன் அதிகாரம் ஒன்று’ படத்தின் இயக்குனர் வினோத் இயக்க வுள்ளதாக ஒரு தகவல் வெளியானது. இந்தப் படத்தை நடிகை ஸ்ரீதேவியின் கணவர் போனி கபூர் தயாரிக்கவுள்ளதாகவும் கூறப்பட்டது. மேலும் இந்தப் படத்திற்கு இசையப்புயல் ஏ.ஆர். ரஹ்மான் இசையமைக்கவுள்ளதாக தற்போது தகவல் வெளியாகியுள்ளது.

தற்போது ஏ.ஆர்.ரஹ்மான் விஜய்யின் ‘சர்க்கார்’ படத்திற்கு இசையமைத்து வருகிறார். அடுத்ததாக அஜீத் படத்திற்கு இசையமைக்கும் பணியில் இறங்கவுள்ளார். இதற்கு முன் அஜீத் நடிப்பில் வெளியான ‘வரலாறு’ படத்திற்கு ஏ.ஆர்.ரஹ்மான் இசையமைத்தது குறிப்பிடத்தக்கது.

சண்டைக்காட்சியின் போது கையில் ஏற்பட்டுள்ள காயம் காரணமாக நடிகை அமலா பால் கேரளாவில் உள்ள தனியார் மருத்துவமனையில் சிகிச்சை பெற்று வருகிறார்.
சண்டைக்காட்சியின் போது கையில் ஏற்பட்டுள்ள காயம் காரணமாக நடிகை அமலா பால் கேரளாவில் உள்ள தனியார் மருத்துவமனையில் சிகிச்சை பெற்று வருகிறார்.

தமிழ் சினிமாவில் முன்னணி நடிகைகளில் ஒருவராக இருந்தவர் நடிகை அமலா பால். விஜய், தனுஷ், ஜெயம் ரவி என்று மாஸ் ஹீரோக்களுடன் ஜோடி சேர்ந்து நடித்துள்ளார். தமிழ், மலையாளம், தெலுங்கு மற்றும் கன்னடம் ஆகிய மொழிகளில் பிஸியான நடிகையாக இருந்தார். தற்போது ஒரு சில படங்களில் மட்டும் நடித்து வருகிறார். அண்மையில் பாலிவுட் படத்தில் நடிக்கிறார் என்ற தகவலும் வெளியானது.

இந்த நிலையில், அறிமுக இயக்குனர் வினோத் இயக்கும் அதோ அந்த பறவை போல படத்தில் அமலா பால் நடித்து வருகிறார். ஹீரோயினுக்கு முக்கியத்துவம் வாய்ந்த இப்படத்தில் அமலா பால் சண்டைக்காட்சியில் நடித்து வந்துள்ளார். அப்போது, அமலா பாலுக்கு அவரது வலது கையில், அடிபட்டுள்ளது. அதனை பொருட்படுத்தாமல், தொடர்ந்து படப்பிடிப்பில் பங்கேற்றுள்ளார். ஆனால், அவரால், வலி தாங்க முடியாமல், கேரளா மாநிலம் கொச்சியில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டுள்ளார்.

அப்போது, அவரை பரிசோதனை செய்த மருத்துவர்கள், அவரது வலது கையில் தசைநாரில் காயம் ஏற்பட்டிருப்பதாக கூறியுள்ளனர். மேலும், தொடர்ந்து ஓய்வு எடுக்க வேண்டும் என்றும், அவர்கள் வலியுறுத்தியுள்ளனர். தமிழ்நாடு, கேரளா, ஆந்திரா ஆகிய மாநிலங்களில் உள்ள காட்டுப்பகுதிகளில் இப்படம் படமாக்கப்பட்டுள்ளது. இப்படத்தின் படப்பிடிப்பு கிட்டத்தட்ட 90 சதவீதம் முடிந்துள்ள நிலையில், அமலா பாலுக்கு கையில் காயம் ஏற்பட்டிருப்பதைத் தொடர்ந்து படக்குழுவினர் படப்பிடிப்பை ரத்து செய்துள்ளனர்.

சென்னை மெரினாவிலுள்ள கருணாநிதி நினைவிடத்தில், மு.க.அழகிரி, இன்று தனது மனைவி, மகன் துரை தயாநிதி, மகள் கயல்விழி ஆகியோருடன் வந்து அஞ்சலி செலுத்தினார்.

இதன்பிறகு நிருபர்களிடம் அவர் அளித்த பேட்டியில் எனது அப்பாவிடம் எனது ஆதங்கத்தை வேண்டிகிட்டு இருக்கேன். அந்த ஆதங்கம் என்ன என்பது இப்போது தெரியாது உங்களுக்கு. என்னுடைய தலைவர் கலைஞரின் உண்மையான விசுவாசமுள்ள உடன்பிறப்புகள் என்பக்கம் உள்ளனர்.

தமிழகத்திலுள்ள அத்தனை விசுவாசிகளும் எனது பக்கம் உள்ளனர், என்னை ஆதரித்து கொண்டுமுள்ளனர். ஆகவே, இதற்கு காலம் பின்னால் பதில் சொல்லும் என்பதோடு நான் நிறுத்திக்கொள்கிறேன் என்றார்.

ஆதங்கம் கட்சி தொடர்பானதா, குடும்பம் தொடர்பானதா என்ற நிருபர் கேள்விக்கு, கட்சி தொடர்பானதுதான் என்று அழகிரி பதில் அளித்தார். இதன் மூலம், திமுகவில் மீண்டும் உயர் பதவியோடு அழகிரி திரும்ப முயல்வதாக வெளியான செய்திகள், உண்மையாகியுள்ளன.

நாளை திமுக செயற்குழு கூட உள்ளதே என்ற நிருபர்கள் கேள்விக்கு, செயற்குழு பற்றி என்னிடம் கேட்காதீர்கள். அது பற்றி எனக்கு தெரியாது. நான் இப்போது திமுகவில் இல்லை என்பதால், அதுபற்றி என்னிடம் கேட்காதீர்கள் என்றார், அழகிரி.

திமுகவில் மீண்டும் இணைவீர்களா என்ற நிருபர்கள் கேள்விக்கு, திமுகவில் மீண்டும் இணைவது குறித்து எனக்கு தெரியாது என்று அழகிரி பதிலளித்தார்.

திமுக தலைவர் கருணாநிதி மறைவுக்கு பிறகு, மு.க.ஸ்டாலின் அக்கட்சி தலைவராக உருவெடுக்க உள்ளதாக கூறப்படும் நிலையில், அழகிரி, தனது பக்கம்தான் திமுக விசுவாசிகள் உள்ளதாக கூறியுள்ளது, பரபரப்பை ஏற்படுத்தியுள்ளது. அழகிரி பேட்டியளித்தபோது அவர் ஆதரவாளர்கள், அஞ்சா நெஞ்சன் அழகிரி வாழ்க என கோஷமிட்டனர்.

எனவே திமுக இரண்டாக பிரிவதற்கான அதிகமான வாய்ப்புகள் உள்ளதாக எதிர்பார்க்கப்படுகின்றது.

பிக்பாஸ் நிகழ்ச்சி தமிழில் தற்போது 57 நாட்களை கடந்து விட்டது. இன்னும் 100 நாட்களை முடிக்க சில நாட்களே இருக்கிறது. ஆனால் இதற்கு முன்பு ஹிந்தியில் வந்துவிட்டது.

10 சீசன்களை கடந்து தற்போது 12 சீசனில் ஹிந்தி பிக்பாஸ் அடியெடுத்து வைக்கிறது. மேற்கத்திய கலாச்சாரப்படி என சிலர் சொன்னாலும் பங்கேற்பது என்னவோ நம் நாட்டு பிரபலங்கள் தான்.

அதிலும் இந்த ஹிந்தி பிக்பாஸ் பல சர்ச்சைகளை சந்தித்துள்ளது. அங்கு நடந்தது போல இங்கு நடந்தால் TRP ரேட்டிங்க்ஸ் எகிறிக்கொண்டு போய்விடும்.

இந்நிலையில் நீண்ட நாளாக எதிர்பார்க்கப்பட்ட இந்த 12 வது சீசனின் முதல் புரமோ வெளியாகியுள்ளது. வழக்கம் போல பிரபல நடிகர் சல்மான் கான் தான் இதையும் தொகுத்து வழங்குகிறாராம்.

இந்தியாவின் முன்னணி திரையரங்கு நிறுவனங்களில் ஒன்றான சத்யம் சினிமாஸை பிவிஆர், இமாலய தொகை கொடுத்து வாங்குகிறது.

மிக நவீன கட்டமைப்பில், அசரடிக்கும் தொழில்நுட்ப தரத்துடன் திரையரங்கில் பார்வையாளர்களுக்கு படம் பார்க்கும் அனுபவத்தை வழங்கிய நிறுவனம் எஸ்பிஐ சினிமாஸ்.

இந்தியாவில் நவீன திரையரங்க கட்டமைப்பிற்கான முன்னோடியாகவும் எஸ்பிஐ திகழ்கிறது. இந்நிறுவனம் சத்யம் சினிமாஸ், சத்யம் எஸ்2 சினிமாஸ், எஸ்கேப் சினிமாஸ், பாலஸ்ஸோ சினிமாஸ் என பல்வேறு பெயர்களில் திரையரங்குகளை நிர்வகித்து வருகிறது.

இதற்கு சென்னையில் மட்டும் ராயப்பேட்டை, பெரம்பூர், வடபழனி போன்ற மூன்று இடங்களில் திரையரங்குகள் உள்ளன. தவிர, கோயம்புத்தூரில் இது ’தி சினிமாஸ்’ என்ற பெயரில் ப்ரூக் ஃப்லீட்ஸ் வணிக வளாகத்தில் இயங்கி வருகிறது.


தமிழ் நாட்டை தவிர, புதுச்சேரி, ஆந்திராவின் ஹைதராபாத், கேரளாவின் கொச்சி, கர்நாடகாவின் பெங்களூரு, மஹாராஷ்டிராவில் மும்பை உள்ளிட்ட நகரங்களில் எஸ்பிஐ சினிமாஸ் செயல்பட்டு வருகின்றன. நாட்டின் பெரிய சினிமா தியேட்டர் நிறுவனமாக உள்ள எஸ்பிஐ-க்கு இந்தியளவில் மொத்தம் 10 திரையரங்குகள் உள்ளன. அவற்றில் 76 திரைகளில் படங்கள் திரையிடப்படுகின்றன.

இந்நிலையில், இந்தியாவின் மெகா திரையரங்க நிறுவனமான எஸ்பிஐ சினிமாஸின் 77.1 சதவீத பங்குகளை பிவிஆர் சினிமாஸ் நிறுவனம் கைப்பற்றியுள்ளது. உலகின் 7வது பெரிய திரையரங்க நிறுவனமாக உள்ள பிவிஆர் சினிமாஸுக்கு 60 நகரங்களில் 152 திரையரங்குகள் உள்ளன.

எஸ்பிஐ சினிமாஸ் மற்றும் பிவிஆர் சினிமாஸ் நிறுவனங்களுக்கு இடையில் சுமார் ரூ. 850 மதிப்பில் ஒப்பந்தங்கள் கையெழுத்தாகி உள்ளன. இன்னும் 35 நாட்களுக்குள் இந்த தொகையை எஸ்பிஐ நிறுவனத்திற்கு பிவிஆர் வழங்கவுள்ளது.

அதை தொடர்ந்து 9 முதல் 12 மாதங்களுக்குள் எஸ்பிஐ சினிமாஸ் பிவிஆர் சினிமாஸ் நிறுவனத்துடன் இணைக்கப்படும் என தெரிவிக்கப்பட்டுள்ளது. இதன்மூலம் இந்தியளவில் 706 திரைகள் கொண்ட பிவிஆர் நிறுவனத்திற்கு திரையரங்குகளின் எண்ணிக்கை இன்னும் அதிகரிக்கவுள்ளது

கழுத்துப் பகுதியில் அமைந்துள்ள ஒரு முக்கியமான சுரப்பி தான் தைராய்டு சுரப்பி. இது உடலில் பல்வேறு முக்கிய பணிகளைச் செய்கிறது. ஆனால் தற்போதைய மோசமான உணவுப் பழக்கம் மற்றும் வாழ்க்கை முறையால், ஏராளமானோருக்கு தைராய்டு பிரச்சனை ஏற்படுகிறது.

பொதுவாக தைராய்டு சுரப்பியில் சுரக்கப்படும் ஹார்மோன்கள் உடலின் மெட்டபாலிசம் மற்றும் வளர்ச்சியில் முக்கிய பங்கை வகிக்கிறது. இந்த தைராய்டு சுரப்பியில் இருவகையான பிரச்சனைகள் வரக்கூடும்.

அவை ஹைப்பர் தைராய்டு மற்றும் ஹைப்போ தைராய்டு ஆகும். இங்கு இந்த தைராய்டு பிரச்சனையை முற்றிலும் குணப்படுத்தும் ஓர் அற்புத நாட்டு மருந்து குறித்து கொடுக்கப்பட்டுள்ளது.

ஹைப்பர் தைராய்டு:

ஹைப்பர் தைராய்டு என்பது தைராய்டு சுரப்பியில் அளவுக்கு அதிகமாக தைராய்டு ஹார்மோன்கள் சுரக்கும் நிலையாகும்.

அறிகுறிகள்:

அதிகமாக வியர்ப்பது
தும்மல்
எதிலும் கவனம் செலுத்த முடியாமல் இருப்பது
நினைவாற்றல் பிரச்சனை
மோசமான குடலியக்கம்
படபடப்பு
மன அழுத்தம்
எடை குறைவு
மாதவிடாய் பிரச்சனைகள்
அதிகப்படியான சோர்வு
ஹைப்போ தைராய்டு:

ஹைப்போ தைராய்டு என்பது தைராய்டு சுரப்பியின் மோசமான செயல்பாட்டால், போதிய அளவு தைராய்டு ஹார்மோன்கள் சுரக்கப்படாத நிலையாகும்.

அறிகுறிகள்:

நகங்களில் வெடிப்பு
மலச்சிக்கல்
உடல் பருமன்
தசைப் பிடிப்புகள்
மோசமான மாதவிடாய் கால இரத்தப் போக்கு
கழுத்தின் முன் பகுதியில் வீக்கம்
மிகுதியான களைப்பு
நினைவாற்றல் பிரச்சனை
வறட்சியான சருமம் மற்றும் தலைமுடி
மன இறுக்கம்
தைராய்டு சுரப்பியின் செயல்பாட்டை சீராக்க ஓர் அற்புத நாட்டு மருந்து உள்ளது. அதை ஒருவர் உட்கொண்டு வந்தால், தைராய்டு பிரச்சனையை விரைவில் சரிசெய்யலாம்.

தேவையான பொருட்கள்:

பச்சை வால்நட்ஸ் – 40
தேன் – 1 கிலோ
செய்முறை:

வால்நட்ஸ் காயை துண்டுகளாக்கி கண்ணாடி பாட்டிலில் போட்டு, அதில் தேன் ஊற்றி, 40 நாட்கள் ஊற வைக்க வேண்டும். முக்கியமாக இந்த பாட்டிலை பகலில் சூரியக்கதிர்கள் படும் இடத்தில் வைத்து, அவ்வப்போது பாட்டிலைக் குலுக்க வேண்டும். 40 நாட்கள் கழித்து, அதில் உள்ள வால்நட்ஸ் காயை நீக்கிவிட வேண்டும்

உட்கொள்ளும் முறை:

இந்த தேனை தினமும் காலை மற்றும் மாலையில் 2 ஸ்பூன் சாப்பிட்டு வர, தைராய்டு பிரச்சனை விரைவில் குணமாகும்.

இப்போது இதன் இதர நன்மைகளைக் காண்போம்.

நன்மை #1

இதில் வைட்டமின் சி, அயோடின் மற்றும் பல வைட்டமின்கள் உள்ளதால், இரத்த சோகை இருப்பவர்கள் தினமும் உட்கொண்டு வந்தால், சீக்கிரம் இரத்த சோகை நீங்கும்.

நன்மை #2

பச்சை வால்நட்ஸை தேனில் ஊற வைத்து, அந்த தேனை தினமும் சாப்பிடும் போது கல்லீரல், வயிறு மற்றும் இரத்தம் சுத்தமாகும்.

நன்மை #3

அடிக்கடி நோய்வாய்ப்படுபவர்கள், இதை சாப்பிட்டால் பலவீனமாக இருக்கும் நோயெதிர்ப்பு மண்டலம் வலிமையடையும்.

நன்மை #4

மாதவிடாய் காலத்தில் அதிக பிரச்சனையை சந்திக்கும் பெண்கள், பச்சை வால்நட்ஸ் ஊற வைத்த தேனை சாப்பிட்டால், பிரச்சனைகள் விரைவில் குணமாகும்.

நன்மை #5

முக்கியமாக இந்த தேன் சுவாச பாதை மற்றும் மூச்சுக் குழாயில் உள்ள பிரச்சனைகளைப் போக்கி, அவற்றின் ஆரோக்கியத்தை மேம்படுத்தும்

திமுக தலைவர் கருணாநிதியின் நினைவிடத்தில், அவரது மூத்த மகன் மு.க.முத்து இன்று கண்ணீர் மல்க அஞ்சலி செலுத்தினார்

உடல்நலக்குறைவு காரணமாக காவிரி மருத்துவமனையில் சிகிச்சை பெற்றுவந்த கருணாநிதி கடந்த 7-ஆம் திகதி காலமானார்.

கருணாநிதியின் உடல் மெரினாவில் நல்லடக்கம் செய்யப்பட்டுள்ளது.

அவரின் உடல் அடக்கம் செய்யப்பட்ட மறுநாளே மொத்த குடும்ப உறுப்பினர்களும் வந்து அஞ்சலி செலுத்திவிட்டு சென்றனர்.

ஆனால் சிறிது காலமாக உடல் நலம் குன்றியிருந்த கருணாநிதியின் முதல் மனைவியின் மகன் மு.க முத்து மட்டும் சமாதிக்கு வராமல் இருந்தார்.

இந்நிலையில் இன்று காலை மு.க முத்து தனது தந்தை கருணாநிதியின் சமாதியில் கண்ணீர் மல்க அஞ்சலி செலுத்தினார்.

அவரால் சரியாக நடக்க முடியாததால் சிலர் கைதாங்கலாக முத்துவை அழைத்து வந்தனர்.

அஞ்சலிக்கு பின்னர் சிறிது நேரம் சமாதியை பார்த்து கண்கலங்கியபடியே நின்றார் முத்து.

துருவ் விக்ரம் கார் விபத்தில் சிக்கியது கவனக்குறைவால் ஏற்பட்ட விபத்து என்று நடிகர் விக்ரமின் மேனேஜர் விளக்கம் கொடுத்துள்ளார்.
துருவ் விக்ரம் கார் விபத்தில் சிக்கியது கவனக்குறைவால் ஏற்பட்ட விபத்து என்று நடிகர் விக்ரமின் மேனேஜர் விளக்கம் கொடுத்துள்ளார்.

தமிழ் சினிமாவில் ’சீயான் என்று அன்போடு அழைக்கப்படுபவர் நடிகர் விக்ரம். இவருக்கு துருவ் என்ற மகனும், அக்‌ஷிதா என்ற மகளும் இருக்கின்றனர். விக்ரமின் மகளுக்கும், திமுக தலைவர் கருணாநிதியின் கொள்ளு பேரனுக்கும் இடையே சமீபத்தில் திருமணம் நடைபெற்றது.

விக்ரமின் மகன் துருவிற்கு நடிப்பின் மீது மிகுந்த ஆர்வம் உள்ளது. இந்நிலையில் தெலுங்கில் சூப்பர் ஹிட்டான 'அர்ஜூன் ரெட்டி திரைப்படத்தின் தமிழ் ரீமேக்கில் துருவ் நடித்து வருகின்றனர். இப்படத்திற்கு ’வர்மா என்று பெயரிடப்பட்டுள்ளது. இதையடுத்து இயக்குநர் சேகர் கம்முலா படத்தில் நடிக்க இருப்பதாக தகவல்கள் வெளியாகியுள்ளன. இப்படம் நடனத்தை மையமாகக் கொண்ட படம் என்று கூறப்படுகிறது.

நடிகர் விக்ரமின் மகன் சென்ற கார் விபத்தில் சிக்கியது!


இந்நிலையில் துருவ் விக்ரம் தனது இரு நண்பர்களுடன் காரில் சென்றுள்ளார். சென்னை தேனாம்பேட்டை அருகே சென்ற போது, துருவ் விக்ரமின் கார் 3 ஆட்டோக்களின் மீது மோதி விபத்து ஏற்படுத்தியுள்ளது. இதில், ஆட்டோக்கள் மற்றும் கார் ஆகியவை சேதமடைந்துள்ளன. இந்த விபத்தில் ஆட்டோ ஓட்டுனர் ஒருவருக்கு காலில் முறிவு ஏற்பட்டுள்ளது. இது தொடர்பாக, போக்குவரத்து புலனாய்வு பிரிவு போலீசார் வழக்கு பதிவு செய்து விசாரணை மேற்கொண்டு வருகின்றனர்.

இந்த நிலையில், இந்த விபத்து குறித்து விக்ரமின் மேனேஜர் கூறுகையில், இது கவனக்குறைவால் ஏற்பட்ட விபத்து. விபத்தில் பாதிக்கப்பட்டவர் மருத்துவமனைக்கு அழைத்துச் செல்லப்பட்டு சிகிச்சை பெற்று வீடு திரும்பிவிட்டார் என்று குறிப்பிட்டுள்ளார். 

ஒட்டு போட்ட ஓவர் கோட், பனிரெண்டு கலர்களிலும் பல் இளிக்கிறது! பின்னே என்னவாம்? முந்தைய படத்தில் கழித்ததையெல்லாம் இந்தப்படத்தில் கொட்டிக் குமித்தால், பளபளப்பில்லாத பார்ட் 2 ரெடி! ஏரியல் ஷாட் இல்லாத லண்டன், எக்குதப்பான சி.ஜி காட்சிகள் என கமல்ஹாசனின் பர்பெக்ஷனில் கண்டமேனிக்கு சறுக்கல்!

தீவிரவாதிகளை அடக்கக் கிளம்பிய ரா உளவுப் பிரிவை சேர்ந்த மேஜர் ஒருவரின் சாகசம்தான் ‘விஸ்வரூபம்2’. மேஜர் சுந்தர்ராஜனுக்கு நயன்தாராவை ‘ப்பேர்’ பண்ணிய மாதிரியிருக்கிறது அநேக காட்சிகள். கடைசியாக வெளியே வரும் ரசிகன், “யாருக்காவது கதை புரிஞ்சா சொல்லிட்டு போங்களேன்டா…” என்று படிக்கட்டிலேயே தர்ணா பண்ணாமலிருந்தால் ஆச்சர்யம்!

கமல் தன் பேமிலிகளோடு(?) எங்கெங்கோ போகிறார். அங்கெல்லாம் அவரை துரத்திக் கொண்டு வருகிறார்கள் துஷ்டர்கள். நாக்கை துருத்தி முகத்தை ஒரு மாதிரியாக வைத்துக் கொண்டு அவர்களையெல்லாம் போட்டுத்தள்ளுகிறார் மேஜர் கமல். அந்த ஆபரேஷனில் அநியாயத்துக்கு செத்துப்போகிற ஆன்ட்ரியா, கமலின் லவ்வரா? இல்ல லுல்லுலாயா? என்பதையெல்லாம் புரிந்து கொள்ள முயற்சிக்கிறோம். பட்…? தலை கிர்ரென்கிறது. ஆமாம்… கடலின் ஆழத்தில் கிடக்கும் அந்த வெடிகுண்டை பார்க்க எதுக்குங்க அப்பாவி பெண்டாட்டியான பூஜா குமாரை அனுப்பணும்? மிலிட்டரிக்கும் அவருக்கும் ஏதேனும் ஸ்நான பிராப்தி இருக்கா?

சரி விடுங்கள். கமலின் வழக்கமான ‘அட… மற்றும் அடடே’க்கள் இருக்குமே! இல்லாமலா? எங்கோ மின்னல் போல வந்துவிட்டு மின்னல் போல மறைந்துவிடுகின்றன அவையெல்லாம். பல வருடங்கள் கழித்து தன் அம்மாவை சந்திக்கும் அவர், ‘எதிர்ல இருக்கிற நான்தான்மா உன் புள்ள…’ என்று உதடு வரை வந்து முழுங்குகிற காட்சி ஒன்று சாம்பிள். அப்புறம் வழக்கமாக அவருக்கென இருக்கும் பிரான்டட் முத்தங்கள். ரொமான்சுகள்…! ஆனால் அவையெல்லாம் அரசாங்க ஆஸ்பத்திரியின் ஆக்சிடென்ட் வார்டை கடப்பது போல அத்தனை கொடுமை! (இனிமே எதுக்கு சார் இந்த ரொமான்செல்லாம்?)

பிராமணர்களை வச்சு செய்ய வேண்டும் என்று நினைத்திருக்கிறார் கமல். இந்திய பாதுகாப்பு பிரிவில் இருக்கும் எல்லா ஆபிசர்களும் ‘அவாள்’களாகவே இருக்கிறார்கள். ‘எதிரி சாகறதை என் கண்ணால பார்த்துண்டே சாகணும்…’ என்கிறார் ஒரு அதிகாரி. ‘நான் சொன்னனேனோல்யோ…’ என்கிறார் இன்னொருத்தர். ‘வர வர நீ நம்மாளாங்கறதே சந்தேகமா இருக்கு’ என்கிற அந்த பிராம்ணாள் ஆபிசரிடம், ‘சத்தியமா இல்ல’ என்று கூர்மையாக மறுக்கிற காட்சியில் மட்டும் நாத்திக கமல் பளிச்சிடுகிறார்.

பூஜா குமாருக்கு சினிமா ஆசை போக வேண்டி கும்பகோணம் மகாமகம் கரையோரம் உட்கார்ந்து யாராச்சும் சிறப்பு யாகம் பண்ணினால் தேவலை! விஸ்வரூபம் பார்ட் 3 வர்ற நேரத்தில் பூஜா குமாருக்கு தவிர்க்க முடியாத குடும்ப வேலைகள் அமைய குடும்பம் குடும்பமாய் கூட்டம் கூட்டமாய் வேண்ண்ண்ண்டுகிறோம் ஆன்ட்டவரே….!

அவ்வளவு கொடுமையிலும் சிறகசைத்து பறக்கிற திடீர் பட்டாம்பூச்சியாய் ஆன்ட்ரியா. சடக்கென கண் சிமிட்டி, அவர் பேசும் டயலாக்குகள் அப்படியே அள்ளுகிறது நம்மை. ஆச்சர்யமாக சில பைட்டுகளும் இருக்கிறது. பின்னுகிறார்.

அதென்ன…? நார்த் மெட்ராஸ் அழுக்கு குப்பையில் ரவுடிகள் பற்றி கதைகள் எடுத்தாலும் குடும்ப பெண்களை கடத்தி வைத்துக் கொண்டு மிரட்டுகிறான் வில்லன். இன்டர்நேஷனல் லெவல் டெரரிசம் பற்றி எடுத்தாலும் அதே பார்முலாவை கடைபிடிக்கிறான் வில்லன்? எம்.ஜி.ஆர் நம்பியார் காலத்து ஃபார்முலாவை தயவு செய்து மாற்றுங்கப்பா!

ஜிப்ரானின் இசையில் பின்னணி அபாரம். ஒளிப்பதிவாளரை அடக்கி வாசிக்க விட்டிருக்கிறார்கள். வெளிநாட்டில் கதை நடக்கும் போது ஒரு காட்சியாவது வெளி உலகத்தை காட்ட வேண்டாமா? மேட்ச் பண்ணுவதில் பிக்சிங் இருக்குமோ என்னவோ?

கமல் கட்சி 234 தொகுதியிலும் நிற்பதாகவே வைத்துக் கொள்வோம். அந்த நேரத்தில் எதிர்கட்சிகள் தொகுதி வாரியாக விஸ்வரூபம் 2 ஐ வேஷ்டியோ, வெள்ளை துணியோ கட்டி திரையிட்டால் போதும். கமலின் கட்சியே காலியாகும் வாய்ப்பு நிச்சயம். ஒரு யோசனைதான்…!

மற்றபடி விஸ்வரூபம், கஷ்டகாலம்!

நடிகர் விக்ரமின் மகன் துருவ் தற்போது பாலா இயக்கத்தில் வர்மா படத்தில் நடித்து வருகிறார்.

இந்நிலையில் அவர் இன்று சென்னை தேனாம்பேட்டையில் நடிகர் விக்ரம் மகன் துருவ் ஓட்டிவந்த கார் விபத்தில் சிக்கியுள்ளது.

அவர் இடித்ததில் 3 ஆட்டோக்கள் சேதம் அடைந்துள்ளது. அவர் குடிபோதையில் கார் ஓட்டினார் என கூறப்படுகிறது. இந்த விபத்தில் ஒருவர் படுகாயமடைந்துள்ளார்.

விபத்து எற்பட்டவுடன் துருவ் உட்பட அந்த காரில் வந்த அவரது நண்பர்கள் தப்பி ஓடியுள்ளனர். அதன்பிறகு சென்னை பாண்டிபஜார் போலிசார் துருவ்வை பிடித்து தற்போது விசாரணை நடத்தி வருகின்றனர்.

மன்மதன், வல்லவன் என நடிப்பையும் தாண்டி சினிமாவில் புதுசுபுதுசாக எதாவது செய்து கொண்டே இருப்பவர் நடிகர் சிம்பு. இப்போது கூட சந்தானத்தின் படத்தில் இசையமைப்பு வேலையை பார்த்தார்.

சிம்பு மிகப்பிரபலமாக இருந்த நேரத்தில் வெளியாக இருந்த படம் தான் கெட்டவன். வெளிவந்தால் கண்டிப்பாக மிகப்பெரிய ஹிட்டாகும் என்று கூறப்பட்ட நிலையில் சில காரணங்களால் படம் உருவாவது தள்ளி போனது. பிறகு சில காலம் கழித்து படம் நின்று போனதாகவே அறிவிக்கப்பட்டது.

இந்நிலையில் சிம்பு ரெடி என்றால் இந்த படத்தை இயக்க நான் ரெடி என அப்போது அந்த படத்தை இயக்குவதாக இருந்த GT நந்து கூறியுள்ளார்.

மேலும், அவர் எனக்கு வெறும் 10 நாட்கள் கால்ஷீட் கொடுத்தாலே போதும் கெட்டவன் படம் இல்லாமல் அவரது முழு வாழ்க்கை வரலாற்றையும் படமாக எடுத்துவிடுவேன், அது மிகப்பெரிய பிரபலமான படமாக அமையும் எனவும் கூறியுள்ளார்.

இதற்கு சிம்பு என்ன சொல்ல போகிறாரோ!

கமல் நடிப்பில், மிகப் பிரம்மாண்டமாக உருவாகி உள்ள ‘விஸ்வரூபம் 2’ படத்தின், முதல் நாள் பாக்ஸ் ஆபீஸ் கலெக்ஷன் ரிப்போர்ட் வெளியாகி உள்ளது.

நடிகர் கமல்ஹாசன் நடிப்பில், அவரே இயக்கி, தயாரித்து கடந்த 2013 ஆம் ஆண்டு வெளியான திரைப்படம் ‘விஸ்வரூபம்’.சர்வதேச தீவிரவாதத்தை மையப்படுத்தி எடுக்கப்பட்ட இந்தத் திரைப்படம், வெளியீட்டிற்கு முன் பல்வேறு பிரச்சனைகளைச் சந்தித்தது. இருப்பினும், படம் திரையரங்குகளில் வெளியாகி, ரசிகர்களின் பேராதரவைப் பெற்று, மிகப்பெரிய அளவில் வெற்றிப் பெற்றது.


இந்நிலையில், இப்படத்தின் இரண்டாம் பாகமான ‘விஸ்வரூபம் 2’ நீண்ட இடைவெளிக்குப் பின், நேற்று உலகம் முழுவதும் வெளியானது. முதல் பாகத்தின் வெற்றியால், இரண்டாம் பாகம் குறித்த எதிர்பார்ப்பு ரசிகர்கள் மத்தியில் பெருமளவில் இருந்தது. மேலும், நடிகர் கமல் அரசியல் கட்சித் தொடங்கிய பின் வெளியாகும் முதல் படம் இது என்பதால், பலரது கவனத்தை இந்தப் படம் ஈர்த்தது.

சென்னையைப் பொறுத்த வரையில், ‘விஸ்வரூபம் 2’ படம் முதல் நாளில் மட்டும் ரூ.92 லட்சம் வசூலித்துள்ளதாக கூறப்படுகிறது. இது ஆல்டைம் ரெக்கார்ட்டில் 7வது இடமாகும். தமிழகத்தைப் பொறுத்தவரையில், விஸ்வரூபம் திரைப்படம் சுமாரான வசூலையையே பெற்றுள்ளதாகக் கூறப்படுகிறது.

நடிகர் மாதவன், தற்போது சின்னத்திரை நிகழ்ச்சியை தொகுத்து வழங்கவுள்ளார்.

சின்னத்திரையில் இருந்து வெள்ளித்திரைக்கு அறிமுகமானவர் நடிகர் மாதவன். விளம்பரப் படங்களில் நடித்த மாதவன் ‘அலைபாயுதே’ படம் மூலம் சினிமாவில் அறிமுகமானார். இவரை அறிமுகப்படுத்தியவர் மணிரத்னம்.

அதையடுத்து கௌதம்மேனன் இயக்கத்தில் ‘மின்னலே’ படத்தில் நடித்தார். அதன் பிறகு பல படங்களில் நடித்து ‘சாக்லேட் பாய்’ என்று பெயரெடுத்தார். இவர் நடிப்பில் தமிழில் கடைசியாக வெளியான படங்கள் ‘இறுதிச் சுற்று’, ‘விக்ரம் வேதா’.

நடிகர் மாதவன் அமேசானின் வெப் சீரியலில் நடித்திருந்தார். தற்போது நேஷனல் ஜாக்ராபிக் சானலில் “ மெகா ஐக்கான்ஸ்” என்ற நிகழ்ச்சியை நடிகர் மாதவன் தொகுத்து வழங்க உள்ளார். இதன் முதல் சீசனில் ஐந்து பிரபலங்களை பற்றி கவர் செய்ய உள்ளார்.

தமிழுக்கும் தமிழின் வளர்ச்சிக்கும் பல திட்டங்களை வகுத்தவர் டாக்டர் கலைஞர் கருணாநிதி. அவரது இந்த மறைவு அரசியல் பிரபலங்கள் மட்டுமின்றி அவரது எதிரிகளுக்கும் மிகப்பெரும் கவலையை ஏற்படுத்தியுள்ளது.

இதனால் சினிமா பிரபலங்களும் சோகத்திலயே காணப்படுகின்றனர். இந்நிலையில் ஜெயலலிதாவின் வாழ்க்கை வரலாற்றில் பல முன்னணி நடிகைகள் நடிக்க ஆசைப்படுவது போல கலைஞரின் வாழ்க்கை வரலாற்றில் நடிக்க பிரபல குணசித்ர நடிகர் பிரகாஷ்ராஜ் விருப்பம் தெரிவித்துள்ளார்.

இந்திய அளவில் மிகப்பெரும் பிரபலமாக கருணாநிதி இருந்ததால் இவரது வாழ்க்கை வரலாறை எடுத்தால் கண்டிப்பாக ஹிட் ஆகும் என்பதால் இந்நேரம் பல தயாரிப்பாளருக்கு இந்த யோசனை தோன்றியிருக்கும்.

சனி பகவான் என்றாலே தீமை மட்டுமே செய்வார். கிரகங்களிலேயே அவரைப் போல கெட்டது செய்கின்றவர்கள் யாருமே கிடையாது என்று நாம் எல்லோரும் நினைத்துக் கொண்டிருக்கிறோம். ஆனால் அதேபோல, செவ்வாய் கிரகமும் சுப தொடர்புகள் ஏதும் இல்லாத கிரகம் தான் என்றும் அதனாலும் கெடுதல்கள் நிறைய உண்டாகும் என்று நாம் யோசிப்பதில்லை. ஆனால் உண்மை என்ன தெரியுமா?...

செவ்வாய் அதிக கெடுதலை செய்யுமா இல்லை சனி பகவானா என்று கேட்டால், பெரும்பாலான ஜோதிடக் கணிப்பாளர்கள் சொல்வது என்னவென்றால் செவ்வாய் தான் சனி பகவானை விடவும் அதிக அளவில் கெடுதல்களைச் செய்வார் என்று தான்.

சனி பகவான்

எந்த விதமான சுப தொடர்புகளும் இல்லாத சனி பகவான் சில மந்தமான குணங்களைக் கொடுப்பார். கறை படிந்த ஆடைகளை அணிய வைக்கும் அளவுக்கு கூட சிலரை பொருளாதார ரீதியாக பின் தள்ளிவிடுவார். கழிவுகளை சுத்தம் செய்யும் தொழிலைக் கூட செய்ய வைப்பார். அதாவது கோபரத்தில் இருப்பவர்களைக் கூட எளிமையாக குப்பை மேட்டுக்கு கொண்டு வருவார் என்பது தான் அதன் பொருள்.

என்ன செய்வார்?

எவ்வளவு கஷ்டப்பட்டு வேலை செய்தாலும் கையில் இருப்பு என்பதே இல்லாத அளவுக்கு பணக் கஷ்டத்தைக் கொடுப்பார். உடல் ஆரோக்கியப் பிரச்னைகள் உண்டாகும். பிறர்களிடத்தில் அவமானங்களைச் சந்திக்க நேரிடும். இதுபோன்ற விஷயங்களையும் அதேபோல சில குறிப்பிட்ட இடங்களில் நன்மையான பலன்களையும் சனி பகவான் தருவார். ஏனெனில் அவருக்கு பெரிதும் சுப தொடர்பு என்பதே இல்லாத ஒரு கிரகம் தான் சனி பகவான். அவருடைய வலிமைக்கு ஏற்றவாறு அவருடைய பலன்களும் நன்மையும் தீமையும் இருக்கும்.

செவ்வாய் என்ன செய்துவிடப் போகிறார் என்று நினைத்துக் கொண்டிருக்கிறோம். ஆனால் சுப தொடர்புகள் ஏதும் இல்லாமல் இயங்கிக் கொண்டிருக்கிற கிரகங்களுள் செவ்வாயும் மிக முக்கியமானது. அதேசமயம் மிக வலியைமாக வினையாற்றக் கூடிய கிரகமும் இதுதான். செவ்வாய் உச்சத்தில் இருந்தால் இயல்பாகவே ரவுடித்தனங்கள் அதிகமாகிவடும்.

என்ன செய்வார்?

பிறரை ஏமாற்றி நிலங்களை அபகரித்தல், கொலை செய்யக் கூட துணிவது, கட்டப் பஞ்சாயத்துக்களில் ஈடுபடுவது, பணம் வழிப்பறி செய்வது, கற்பழிக்க முயுற்சிப்பது ஆகியவற்றை துணிந்து செய்ய செவ்வாய் தூண்டுவார்.

அடுத்தவர்களுக்கு பில்லி சூன்யங்கள் வைப்பது போன்ற தகாத காரியங்களைச் செய்ய செவ்வாய் உங்களைத் தூண்டுவார். யார் சொல்வதையும் காது கொடுத்துக் கேட்காமல் தான் சொல்வது தான் சரி என்று பிடிவாதம் பிடிப்பது, விபத்துக்களை ஏற்படுத்துதல், மருத்துவ செலவுகளை அதிகப்படுத்துதல் போன்ற பல்வேறு இடர்பாடுகளை செவ்வாய் உங்களின் மூலமாக மற்றவர்களுக்கும் மற்றவர்கள் வாயிலாக உங்களுக்கும் ஏற்படுத்துவார். சில சமயங்களில் தன்னுடைய வலிமைக்கு ஏறற்வாறு நற்பயன்களையும் தருவார்.


இருவரில் யார் நல்லவர்?

பொதுவாக உங்களுடைய ஜாதக அமைப்பில் சனி பகவான் கெட்ட அமைப்பில் இருந்தார் என்றால், அவருடைய தாக்கத்தினால் நீங்கள் மட்டுமே பாதிக்கப்படுவீர்கள்.

ஆனால் உங்களுடைய ஜாதகத்தில் ஒருவேளை செவ்வாய் கெட்ட அமைப்பில் இருந்தார் என்று வைத்துக் கொண்டால், அவர் உங்களை விடவும் உங்களைச் சுற்றி உள்ளவர்களையே அதிகமாக பாதிப்படையச் செய்வார்கள். ஆனால் அந்த பாதிப்புகள் எல்லாவற்றுக்கும் நீங்களே காரணகர்த்தாவாகவும் இருக்கும்படி பார்த்துக் கொள்வார். இப்போது சனனி பகவான் அல்லது செவ்வாய் இரண்டில் யார் அதிக கெடுதல்களைத் தருவார்கள் என்பதை நீங்களே முடிவு செய்து கொள்ளுங்கள்.

பியார் பிரேமா காதல் யுவன் தயாரிப்பில் நேற்று வெளிவந்த படம். இப்படம் ரசிகர்கள் மத்தியில் செம்ம வரவேற்பை பெற்றுள்ளது.

அதிலும் குறிப்பாக டீன் ஏஜ் ரசிகர்கள் இப்படத்தை விரும்பி பார்க்கின்றனர், இப்படத்திற்கு நேற்று பல இடங்களில் நல்ல கூட்டம் இருந்துள்ளது.

சென்னையில் மட்டுமே முதல் நாள் ரூ 20 லட்சத்திற்கு மேல் பியார் பிரேமா காதல் வசூல் செய்துள்ளது.

இன்றும் நாளையும் பல இடங்களில் இப்படம் ஹவுஸ்புல் காட்சிகள் தான் என்பதால், வசூல் அதிகரிக்கும் என எதிர்ப்பார்க்கப்படுகின்றது.

கமல் நடிப்பில், மிகப் பிரம்மாண்டமாக உருவாகி உள்ள ‘விஸ்வரூபம் 2’ படத்தின், முதல் நாள் பாக்ஸ் ஆபீஸ் கலெக்ஷன் ரிப்போர்ட் வெளியாகி உள்ளது.

நடிகர் கமல்ஹாசன் நடிப்பில், அவரே இயக்கி, தயாரித்து கடந்த 2013 ஆம் ஆண்டு வெளியான திரைப்படம் ‘விஸ்வரூபம்’.சர்வதேச தீவிரவாதத்தை மையப்படுத்தி எடுக்கப்பட்ட இந்தத் திரைப்படம், வெளியீட்டிற்கு முன் பல்வேறு பிரச்சனைகளைச் சந்தித்தது. இருப்பினும், படம் திரையரங்குகளில் வெளியாகி, ரசிகர்களின் பேராதரவைப் பெற்று, மிகப்பெரிய அளவில் வெற்றிப் பெற்றது.


இந்நிலையில், இப்படத்தின் இரண்டாம் பாகமான ‘விஸ்வரூபம் 2’ நீண்ட இடைவெளிக்குப் பின், நேற்று உலகம் முழுவதும் வெளியானது. முதல் பாகத்தின் வெற்றியால், இரண்டாம் பாகம் குறித்த எதிர்பார்ப்பு ரசிகர்கள் மத்தியில் பெருமளவில் இருந்தது. மேலும், நடிகர் கமல் அரசியல் கட்சித் தொடங்கிய பின் வெளியாகும் முதல் படம் இது என்பதால், பலரது கவனத்தை இந்தப் படம் ஈர்த்தது.

சென்னையைப் பொறுத்த வரையில், ‘விஸ்வரூபம் 2’ படம் முதல் நாளில் மட்டும் ரூ.92 லட்சம் வசூலித்துள்ளதாக கூறப்படுகிறது. இது ஆல்டைம் ரெக்கார்ட்டில் 7வது இடமாகும். தமிழகத்தைப் பொறுத்தவரையில், விஸ்வரூபம் திரைப்படம் சுமாரான வசூலையையே பெற்றுள்ளதாகக் கூறப்படுகிறது.

கமல்ஹாசனின் 'விஸ்வரூபம்' திரைப்படம் கடந்த 2013ஆம் ஆண்டு வெளிவந்த நிலையில் ஐந்து வருடங்கள் கழித்து இன்று இந்த படத்தின் இரண்டாம் பாகம் வெளிவந்துள்ளது. இந்த படத்தின் புரமோஷன் முதல் பாகம் அளவுக்கு இல்லை. மேலும் முதல் பாகம் போல் இந்த படத்திற்கு எதிர்ப்பும் இல்லாததால் இலவச விளமபரங்களும் கிடைக்கவில்லை. இந்த நிலையில் இன்று வெளியாகியிருக்கும் 'விஸ்வரூபம் 2' திரைப்படம் ரசிகர்களை கவருமா? என்பதை பார்ப்போம்

உளவுத்துறையான 'ரா' என்ற அமைப்பின் அதிகாரிகளான கமல்ஹாசன், சேகர் கபூர், பூஜா குமார், ஆண்ட்ரியா ஆகியோர் அமெரிக்காவில் இருந்து தப்பியோடிய உமர் என்ற தீவிரவாதியை தேடி வருகின்றனர். உமர், கமல் குழுவினர்களை கொலை செய்ய பலவித முயற்சி செய்கிறார். இந்த நிலையில் பிரிட்டன் தலைநகர் லண்டன் கடலில் செயற்கையாக பூகம்பம் மற்றும் சுனாமி
ஏற்படுத்தி லண்டன் முழுவதையும் அழிக்க உமர் திட்டமிடுகிறார். இதனை கண்டுபிடிக்கும் ரா உளவாளிகள் எப்படி தடுக்கின்றனர். அதன்பின்னர் என்ன ஆகின்றது என்பதுதான் கதை.

கமல்ஹாசனின் நடிப்பை விமர்சனம் செய்ய வேண்டும் என்றால் அதற்கு ஒரு நாள் போதாது. இண்டர்நெட்டில் பல ஜிபிகளுக்கு அவருடைய நடிப்பை விவரித்து கொண்டே செல்லலாம். இந்த படத்தில் கமல் வளவள என பேசாமல் சின்ன சின்ன வசனங்களில் பெரிய பெரிய விஷயங்களை கூறியுள்ளார். அதை எழுத்தால் எழுதினால் புரியாது. காட்சியுடன் சேர்ந்து பார்த்தால்தான் புரியும். கமல் ஒரு மாபெரும் சினிமா ஞானி என்பதை மீண்டும் ஒருமுறை நிரூபித்துள்ளார்.

குறிப்பாக 'தூங்காதே தம்பி தூங்காதே' படத்திற்கு பின்னர் கமல்ஹாசன் படத்தில் நீளமான அம்மா செண்டிமெண்ட் காட்சி இந்த படத்தில் தான் உள்ளது. ஒரு தீவிரவாத ஆக்சன் படத்தில் அம்மா செண்டிமெண்டா? என்று கேட்பவர்கள் படத்தை பார்த்தால் வாயடைத்து போய்விடுவார்கள். அதேசமயம் கமர்ஷியலுக்காக லிப்கிஸ் முத்தகாட்சியும், டூயட் பாடலும், படுக்கையறை காட்சிகளும் இந்த படத்தில் உண்டு

பூஜாகுமாருக்கு பெரிதாக நடிக்க வாய்ப்பு இல்லை. ஆனால் ஆண்ட்ரியாவுக்கு கொஞ்சம் அழுத்தமான காட்சிகளும், ஆக்சன் காட்சிகளும் உண்டு. ரா உயரதிகாரியான சேகர் கபூரின் நடிப்பும், உமர் என்ற கேரக்டரில் நடித்துள்ள ராகுல் போஸ் நடிப்பும் சூப்பர். அனந்த் மகாதேவன் சில காட்சிகளே வந்தாலும் கைதட்டல் பெறுகிறார்.

ஜிப்ரானின் இசையில் இந்த படத்தில் மூன்று பாடல்கள் உள்ளன. மூன்றுமே சூப்பர். குறிப்பாக 'நானாகிய நதிமூலமே' பாடல் படமாக்கப்பட்ட விதம் மிக அருமை. மேலும் ஜிப்ரான் பின்னணி இசையிலும் ஹாலிவுட் தரத்தில் கொடுத்து கலக்கியுள்ளார்.
இதுவரை தமிழ்ப் படங்களில் வந்ததில்லை என்று கூறலாம்.

கமல்ஹாசனின் கூர்மையான திரைக்கதையும் வசனங்களும் படத்தின் மிகப்பெரிய பலம். ஆனால் எத்தனை பேர்களுக்கு இந்த படத்தின் கதையும் காட்சிகளும் புரியும் என்பது சந்தேகம். குறிப்பாக பி மற்றும் சி செண்டர் ரசிகர்களுக்கு இந்த படம் போரடிக்க வாய்ப்புண்டு. ஒருசில ஏ செண்டர் ரசிகர்களுக்கும்தான்.

ஆனால் ஹாலிவுட் தரத்தில் ஒரு தமிழ்ப்படம் வராதா? என்று ஏங்கியவர்களை திருப்தி செய்துள்ள படம்தான் 'விஸ்வரூபம் 2'

தமிழ் சினிமா உலகின் முன்னணி இசையமைப்பாளர்களில் ஒருவர் யுவன் ஷங்கர் ராஜா. காதல் பாடல்கள் என்றால் உடனே அனைவரது கவனத்திற்கும் வரும் ஒரே நபர் இவர்தான்.

இவரது இசையில் வெளியான பியார் பிரேமா காதல் படத்தினை தயாரித்தவரும் இவரே. இந்நிலையில் இவரது தந்தையான இசைஞானியின் பாடல்களில் பிரபலமான ’தென்றல் வந்து தீண்டும்போது’ பாடலும் ஒன்று.

இந்த பாடலின் ட்யுனில் இருந்து தான் கோவா படத்தில் வரும் ’இதுவரை இல்லாத உணர்விது’ பாடலை எடுத்துள்ளார், யுவன். இதை ஏற்கனவே பழைய பேட்டி ஒன்றில் கூறியுள்ளார்.

திமுக தலைவர் கருணாநிதியிடம் தான் அறை வாங்கிய விவகாரத்தை நடிகர் சிம்பு வெளிப்படையாக தெரிவித்துள்ளார்.

உடல்நலக் குறைபாடு காரணமாக மருத்துவமனையில் அனுமதிக்கப்பட்ட திமுக தலைவர் கருணாநிதி கடந்த 7ம் தேதி மாலை மரணமடைந்தார்.

இந்நிலையில், நடிகர் சிம்பு பிரபல வார இதழ் ஒன்றுக்கு சமீபத்தில் அளித்த பேட்டியில் கூறுகையில், கலைஞர் கருணாநிதி தாத்தாவுடன் எனக்கு நெருங்கிய நட்பு உண்டு. ஒரு வேலையை சரியாக செய்ய முடியவில்லை எனில் அவரிடம் தான் சந்தேகம் கேட்பேன்.

ஒருமுறை அவர் என் வீட்டிற்கு வந்த போது அவரின் பேனாவை திருடி வைத்துக் கொண்டேன். வல்லவன் படம் நான் இயக்கிக் கொண்டிருந்த போது அந்த படத்தை தனக்கு போட்டு காட்டுமாறு கலைஞர் என்னிடம் கூறியிருந்தார்.

ஆனால், சில காரணங்களால் அது முடியாமல் போய்விட்டது. அதன்பின், அவரின் குடும்ப விழா ஒன்றுக்கு நான் சென்றிருந்தேன். அப்போது, என்னைக் கண்டதும் பளார் என ஒரு அறை விட்டார்.

எனக்கு ஏன் வல்லவன் படத்தை போட்டுக்காட்டவில்லை. அடுத்த படத்தை காட்டவில்லை எனில் இன்னொரு கன்னத்திலும் அறை விழும்” என உரிமையாக கோபித்துக் கொண்டார்” என சிம்பு கருணாநிதியுடனான அனுபவத்தை பகிர்ந்து கொண்டார்.

விஸ்வரூபம் 2013ம் ஆண்டு பல தடைகளை உடைத்து வெளிவந்த கமல்ஹாசன் படம். ஹாலிவுட் தரம் என்று பேச்சுக்கு இல்லாமல் உண்மையாகவே ஒரு ஹாலிவுட் படத்தை பார்த்த அனுபவத்தை கொடுத்த கமல், முதல் பாகத்தில் பல கேள்விகளுக்கு விடை தராமல் முடித்திருப்பார், குறிப்பாக இந்த போர் நிற்க வேண்டும் என்றால் நான் சாக வேண்டும் அல்லது உமர் சாக வேண்டும் என்பார், போர் நின்றதா? பார்ப்போம்.

கதைக்களம்

படம் முதல் பாகத்தின் சில காட்சிகளை காட்டிவிட்டு படம் முழுவதும் முதல்பாகத்துக்கு முந்தைய காட்சிகளும், தற்போதைய காட்சிகளும் மாறி மாறி வருகின்றன.

முதல்பாதியில் கமல் எப்படி தீவிரவாதிகள் குருப்பில் இணைந்தார் என்பது தெளிவாக இருக்காது.

படம் தொடங்கியதுமே கமல், பூஜாகுமார், ஆண்ட்ரியா அனைவரும் லண்டன் புறப்பட்டு செல்கின்றனர். அப்போது கமல் முன்பு நடந்ததை நினைத்து பார்க்கிறார். ராணுவத்தில் ஆண்ட்ரியாவுக்கு உயர் அதிகாரியாக பணியாற்றுகிறார் கமல். அப்போது அவருடன் காதல் செய்கிறார். அவருடன் தனியறைக்கு போவதுபோல நடிக்க இதனால் ராணுவத்திலிருந்து நீக்கப்பட்டு சிறைக்கு அனுப்பப்படுகிறார்.

இதனையடுத்து அங்கிருந்து தப்புவதுபோல ஆப்கானிஸ்தானுக்கு தேடப்படும் குற்றவாளியாக செல்கிறார். அதன்பின் அங்கு வில்லன் உமருடன் அவர் செய்வதை முதல்பாகத்திலேயே பார்த்திருப்போம்.

பின்னர் உமர்க்கு உண்மை தெரிந்து அவர் அங்கிருந்து தப்பிய கதை எல்லாம் வருகிறது. நிகழ்காலத்தில் லண்டனுக்கு நேரவிருக்கும் பெரிய பேராபத்தை தடுக்கிறார். இதையடுத்து உமரின் மற்ற சதியை முறியடித்து அவரை கொன்றாரா என்பதே மீதிகதை.

படத்தை பற்றிய அலசல்

படம் முழுவதும் தேசப்பற்றை வெவ்வேறு வடிவங்களில் காட்டுகிறது. படத்தில் முதல் பாடலே ராணுவத்தில் நடக்கும் பயற்சியுடன் கமல் செய்யும் ரொமான்ஸும் தான். பல இடங்களில் குறிப்பிட்ட சாதியினர் தான் உயர்ந்த பதவிகளில் இருக்கிறார்கள் என்பதை சுட்டிக்காட்டுகிறார். அவாளை கலாய்க்கவும் செய்கிறார்.

சண்டைக்காட்சிகளுக்கு குறைவேயில்லை. முழுவதும் நிரம்பியிருக்கிறது. முதல் பாகத்தில் வந்த டிரான்ஸ்பமேஸன் சண்டையை மீண்டும் முயற்சி செய்துள்ளனர். டெக்னிக்கலாகவும் பல இடங்களில் Freezing Shot, ரிவர்ஸில் சென்று ஸ்லோமோஷனில் காட்டுவது என அசத்தியுள்ளனர்.

கமர்சியல் விஷயங்கள் அதிகமாக இல்லை. பாடல்களும் பெரியளவில் தொந்தரவாக அமையவில்லை. ஓரளவு சரியான இடத்திலேயே பொருந்துகிறது. அம்மாவாக நடித்தவர் பிரமாதம். நானாகிய நதிமூலமே என்ற அந்த பாடல் கொஞ்சம் எமோஷ்னலாகவே இருந்தது.

பாடல்கள் மனதில் நிற்கவில்லையென்றாலும் பின்னணி இசையில் அசத்தியுள்ளார் ஜிப்ரான். ஆனாலும் ஞாபகம் வருவதால் முதல் பாகத்திலிருந்த விறுவிறுப்பு ஏனோ மிஸ்ஸிங்.

நடிப்பை பொறுத்தவரையில் கமலைப்பற்றி சொல்லவே தேவையில்லை. மனுஷன் எல்லாகாட்சிகளிலும் பின்னுகிறார். ஆண்ட்ரியாவும் சண்டைக்காட்சியிலும் அசத்துகிறார். கடைசியில் இவரின் முடிவு கொஞ்சம் சோகத்தை ஏற்படுத்துகிறது. பூஜாகுமார் முதல் பாகத்தைவிட இதில் படம் முழுவதும் டிராவல் ஆகிறார். ரொமான்ஸ் காட்சியில் ஸ்கோர் செய்கிறார்.

வில்லனாக வந்த ராகுல்போஸ் இரண்டாம் பாதியில் தான் அவரின் காட்சி அதிகமாக வருகிறது. வில்லத்தனமும் புதுமையாக இருக்கிறது.

வசனத்திலும் உலகநாயகன் அசத்துகிறார். எதிரியின் கண்ணை பார்த்து அவன் சாவதை பார்த்துக்கொண்டே தான் சாகனும். எந்த மதமாக இருந்தாலும் தேசப்பற்று இருப்பது தான் முக்கியம் என்கிறார்.

மேலும் உயர் அதிகாரியாக வரும் சேகர் கபூர், லண்டன் ஆசாமி, சில நிமிடங்களே வரும் ஆண்ட்ரியாவின் அப்பா கதாபாத்திரம் என மற்ற கதாபாத்திரங்களும் சிறப்பாகவே செய்துள்ளனர்.

க்ளாப்ஸ்

படத்தில் சண்டைக்காட்சிகள் அசத்தலாக உள்ளது. ஹாலிவுட் தரத்திலான பல காட்சிகள்.

பின்னணி இசையும், ஒளிப்பதிவும் மிரட்டல்

கமல், ஆண்ட்ரியா, பூஜாகுமார், ராகுல் போஸ் என ஒவ்வொருவரின் நடிப்பும்

லண்டனில் டெல்லியை சேர்ந்த ஷேஷாத்திரியுடனான உரையாடல்

பல்ப்ஸ்

படத்தில் சில காட்சிகளில் கிராபிக்ஸ் இன்னும் கொஞ்சம் நன்றாக இருந்திருக்கலாம். 5 வருட இடைவெளியும் ஒரு காரணமாக இருக்கலாம்.

அடித்தட்டு மக்களுக்கு இன்னும் ஒரு சில காட்சிகள் புரியாமல் இருக்குமோ என்று தோன்றுகிறது.

மொத்தத்தில் முதல் பாகத்தை எதிர்பார்த்து வந்தவர்களை கொஞ்சமும் ஏமாற்றாமல் இரண்டாம் பாகத்திலும் விஸ்வரூபம் எடுத்திருக்கிறார்.

கருணாநிதி கடந்த இரு நாட்களுக்கு முன் காலமானார். அவரின் உடல் சென்னை மெரினா கடற்கரையில் அடக்கம் செய்யப்பட்டது. அவருக்கு ரஜினிகாந்த் மற்றும் அவரது குடும்பத்தினர் அஞ்சலி செலுத்தினர்.

ரஜினி நடித்திருந்த அபூர்வ ராகங்கள் படம் 1975ல் வெளியாகி 100 நாட்கள் ஓடி வெற்றிபெற்றது. அப்படத்தின் வெற்றி விழாவில் அப்போது முதலமைச்சராக இருந்த கருணாநிதியின் கையால் விருது கொடுக்கப்பட இருந்ததாம்.

தான் விருது வாங்குவதை காட்டுவதற்காக தன் கண்டக்டர் நண்பர்களை நேரில் அழைத்து வந்திருந்தாராம். ஆனால் சிலருக்கு மட்டும் விருது வழங்கிவிட்டு கலைஞர் சென்றுவிட்டாராம்.

இது ரஜினிக்கு ஏமாற்றமாக இருந்தது. அப்போது ரஜினி எடுத்த சபதம் தானாம். மீண்டும் அதே முதல்வரின் கையால் விருது வாங்க வேண்டும் என நினைத்தாராம். இது 14 வருடங்கள் கழித்து 1989 ல் ராஜாதி ராஜா படத்தின் வெற்றி விழாவில் நிறைவேறியதாம். அப்போதும் கருணாநிதி தான் முதலமைச்சராம்.

கவிஞர் வைரமுத்து தமிழ் சினிமாவிற்கு பல பாடல்களை கொடுத்தவர். 80 களில் தொடங்கி இன்றைய தலைமுறையினரும் ரசிக்கும் வகையில் நிறைய ஹிட் பாடல்களை கொடுத்திருக்கிறார்.

அவரை பெரிதும் கண்ணீர் விட்டு அழவைத்த தருணம் கருணாநிதியின் மரணம். இவரை அவர் மிகவும் நேசித்தார். கட்சியின் பல விழாக்களில் வைரமுத்து கலந்துகொண்டுள்ளார்.

ராஜாஜி ஹாலில் கலைஞரின் உடல் வைக்கப்பட்டிருந்த ஐஸ் பெட்டியின் மீது கதறி அழுததை பார்த்திருப்பீர்கள். அத்துடன் அடுத்த நாள் கருணாநிதியின் சமாதிக்கு சென்று பால் ஊற்றினார்.

அப்போது பேசியவர் ஒரு தந்தைக்கு என்ன செய்ய வேண்டுமோ அதை நான் செய்தேன் என கூறினார். மேலும் அவர் இதற்காக தான் நிகழ்த்த விருந்த அரங்கேற்று விழாவை தள்ளிவைத்துள்ளார்.

திருமணத்திற்குப் பின்னர் குழந்தை பெற்றுக் கொள்ளாத நிலை வரும் போது தம்பதிகள் அதிகம் சங்கடத்திற்கு உள்ளாகி விடுகின்றார்கள்.

இதற்கு தவறான முறையில் கடைகளில் கிடைக்கும் கண்ட மருந்துகளை அனகமானோர் வாங்கி சாப்பிட்டு உடலையும் மனதையும் நோய்க்கு ஆளாக்கிவிடுவார்கள்.

இதற்கு நாம் சித்தர்களில் அக்காலத்தில் கையாண்ட எளிய வீட்டு வைத்தியங்கள் மூலம் ஆண்மை குறைபாடோ, மலட்டுத்தன்மையோ தீர்க்கும் இயற்கை மூலிகைகளிலேயே நிவாரணங்களை பார்ப்போம்.

குல்கந்து

ரோஜா மலர்கலிருந்து தயாரிக்கப்படும் “குல்கந்து” இதயத்திற்கு பலம் தரும் மருந்தாகவும், ஆண்மை பெருக்கியாகவும் செயல்படுகின்றது.

குல்கந்து உடலுக்கு வலிமை ஊட்டும். இதன் இதழ்களில் உள்ள எண்ணை ஆண்மை வலிமையை அதிகரிப்பதாக கருதப்படுகிறது.

பூசணிக்காய் லேகியம்

பூசணிக்காயின் விதைகள் ஆண்மை குறைபாட்டினை நீக்கும். இந்த விதைகளை சேகரித்து நன்கு காய வைத்துப் பொடியாகச் செய்து வைத்துக்கொண்டு ஒரு தேக்கரண்டியளவு பாலில் கலந்து சாப்பிட்டு வந்தால் தேக புஷ்டி உண்டாகும். தொடர்ந்து சாப்பிட்டு வந்தால் தாது விருத்தியடையும்.

இலுப்பை பூ

ஆண்மைக் குறைவு உள்ளவர்கள் பசும் பாலுடன் இலுப்பைப் பூ கஷாயத்தைச் சேர்த்து பருகினால் ஆண்மைக் குறைபாடு குணம் அடையும்.

ஆலம்பழம்

மரத்தில் கனிந்துள்ள பழங்களை பறித்து அதில் பூச்சிகளை நீக்கிவிட்டு நிழலில் உலரவைத்து பின்னர் அவற்றை நன்றாக இடித்து பொடி செய்து காற்றுப்புகாத பாத்திரத்தில் அந்த பொடியை போட்டு வைத்து கொள்ள வேண்டும்.

தினமும் காலை, மாலை இரண்டு வேலை பசும்பாலை காய்ச்சி அதில் இந்த பொடியை ஒரு கரண்டி போட்டு கலந்து குடிக்கவேண்டும். 48 நாட்கள் இந்த பொடியை குடித்து வர மலட்டு நீங்கி குழந்தை பிறக்கும்

தளபதி விஜய் ஆரம்பத்திலிருந்தே கருணாநிதிக்கு ஆதரவாக இருப்பது போலவே ஒரு பிம்பம் இருந்து வந்தது. அதை நிரூபிக்கும் பொருட்டு உதயநிதி தயாரித்த முதல் படத்தின் ஹீரோ விஜய் தான்.

இதை தொடர்ந்து அவருடைய குடும்பத்தினருடன் விஜய் மிகவும் நெருங்கி பழகினார், தயாநிதி மாறனை பேட்டி எல்லாம் எடுத்தார்.

ஒரு விழாவில் கலைஞருக்கு சிலை வைக்க வேண்டும் என்று கூட பேசினார், அதன் பின்னர் சில தயாரிப்பு விஷயங்களில் விஜய்க்கும் கருணாநிதி குடும்பத்தினருக்கும் பிரச்சனை எழுந்தது.

இதனால், விஜய்க்கு அவர்களுடன் மனக்கசப்பு ஏற்பட்டு, ஜெயலலிதாவிற்கு நேரடியாக ஆதரவு தரும் வரை வந்துவிட்டார் என்பது குறிப்பிடத்தக்கது.

ஆனால், ஜெயலலிதாவும் ஒரு கட்டத்தில் விஜய்க்கு பிரச்சனை கொடுத்தார் என்பது நாம் அனைவரும் அறிந்ததே.

தமிழுக்காக தனது மூச்சு நிற்கும் வரை போராடிய ஒரே மனிதர் டாக்டர் கலைஞர் கருணாநிதி. இறந்த பின்னும் தன்னுடைய ஆறடி நிலத்தை போராடியே பெற்று தனது அரசியல் முறையினை மறுபடியும் நினைவூட்டியவர். இவரது இறுதி சடங்கில் அரசியல், சினிமா பிரபலங்கள் என இதுவரை எதிர்த்துவர்களும் கலந்து கொண்டனர்.

குறிப்பாக கடவுள் மீதெல்லாம் துளியும் நம்பிக்கையில்லாத கமல், அய்யா அப்துல்கலாம் இறுதி சடங்கிற்கு கூட செல்லாதவர், நேற்று கலைஞரின் இறுதி சடங்கிற்கு வந்தார்.

இதற்கு ஒரே காரணம் இவர்கள் இருவருக்கு இடையேயான நட்பு தான். அந்த நட்பு தான் பிறந்ததிலிருந்து கமல் கொண்டிருந்த அந்த கொள்கையையும் சுக்குநூறாக உடைத்துள்ளது.

வழக்கு, பஞ்சாயத்து, புலம்பல், அலம்பல் இல்லாமல் இப்பொழுதெல்லாம் உப்புமா படங்கள் கூட வெளிவருவதில்லை. அப்படியிருக்க, கமலின் விஸ்வரூபம் 2 மட்டும் எந்தவித இடையூறும் இல்லாமல் வந்துவிடுமா என்ன? பிரமிட் சாய்மீரா நிறுவனம் எப்பவோ கொடுத்த அட்வான்ஸ் பணத்தை வட்டியோடு கேட்டு வழக்கு போட்டிருக்கிறது. அந்த நிறுவனத்தின் தலைவர் பிரமிட் சாமிநாதன், இப்போது கிட்னி பாதிக்கப்பட்ட ஒரு நோயாளி. அடிப்படை வசதிகளுக்கே அல்லாடிக் கொண்டிருக்கிறார் மனுஷன்.

இந்த நேரத்தில் கருணை தொகை என்று ஒரு தொகையையாவது கொடுத்து பிரச்சனையை சுலபமாக்கிக்கொள்ளலாம் கமல். அப்படி அதை சரி செய்தாலும் கூட, ஆகஸ்ட் 10 படம் திட்டமிட்டபடி வெளியே வருமா? ஏனிந்த சந்தேகம்?

கலைஞரிடம் மிகுந்த அன்பும் மரியாதையும் வைத்திருப்பவர் கமல். அவர் மறைந்து இரண்டு நாட்கள் கூட ஆகாத நிலையில் விஸ்வரூபத்தை வெளியிட்டால், ஊர் உலகம் என்ன சொல்லும்? அட தொழில் வேற. இது வேற என்றாலும், இப்படத்தின் ரிலீஸ் விஷயத்தில் ஒரு துளி விளம்பரத்தை கூட செய்யவில்லை தயாரிப்பு நிறுவனம்.

விளம்பரமே இல்லாமல் வெளியிட்டால், ஸ்ரீரெட்டியின் ஆபாசப்படத்தை கூட யாரும் பார்க்க மாட்டார்கள். நிஜம் இப்படியிருக்க… கமல் அண்டு லைக்கா கூட்டு சேர்ந்து என்ன முடிவை எடுக்கப் போகிறார்களோ?

ஒருவேளை விஸ்வரூபம்2 தள்ளிப் போனால், இந்த ரிலீஸ் தேதியை நம்பி தங்கள் பட வெளியீட்டை திட்டமிட்ட வேறு வேறு படங்கள் சிக்கலுக்கு ஆளாகும்.

சொந்த சிக்கலே பெரும் சிக்கலா இருக்கு. இதுல சுற்றியிருக்கிறவங்களோட சிக்கலை பார்க்க முடியுமா என்ன?

லேட்டஸ்ட் தகவல்- தியேட்டர்களில் அட்வான்ஸ் புக்கிங் ஓப்பன். பட்… டிக்கெட் பணத்தை திரும்ப கொடுக்கிற நிலைக்கு தள்ளப்படலாம் என்றும் ஒரு கருத்து நிலவுகிறது

‘கடைக்குட்டி சிங்கம்’ கமர்ஷியல் படம்தான். ஆனால் கலெக்ஷன் ஃபுல் என்று சந்தோஷ ஏப்பம் விடுகிறார்கள் விநியோகஸ்தர்கள். ஆனால் கமர்ஷியலாக படம் எடுக்குறேன் பேர்வழி என்று ஒரு யானையை ஒரு விரலால் தூக்கி அடித்துவிட்டு, பக்கத்திலிருக்கிற பனை மரத்தையும் பிடுங்கிப் போடுகிற கொடுமைக்கெல்லாம் விடை கொடுக்க வருகிறார்கள் நல்ல பட இயக்குனர்கள்.

முதலில் ராதாமோகன். அழகிய தீயே, அபியும் நானும், மொழி, பயணம், என்று அவர் இயக்கிய படங்களெல்லாம் ஆபாசமோ, அதிர வைக்கும் பைட்டோ, சுளிக்க வைக்கும் காமெடியோ இல்லாத படங்கள்தான். ஆனால் கலெக்ஷன் ஏரியாவின் செல்லப்பிள்ளையாக இருந்த கதையை நாடறியும். அவரே மீண்டும் புத்துணர்ச்சியோடு இரண்டு படங்களை இயக்கியிருக்கிறார். இரண்டுமே ஆகஸ்ட், செப்டம்பர் என்று அடுத்தடுத்து ரிலீஸ். 60 வயது. மாநிறம் என்ற படத்தை ராதாமோகன் இயக்க, பிரகாஷ் ராஜ், வசனம் விஜி என்று அவருக்கு ராசியான செட் பேக்கேஜுடன் திரைக்கு வருகிறது. தயாரிப்பு தாணு என்கிற பிரமாண்ட தயாரிப்பாளர்.

ஷியூர் ஹிட் வரிசையில் இப்பவே இப்படத்தை நோக்கி வரும் வேளையில் அடுத்து ஜோதிகா நடிக்கும் காற்றின் மொழி படத்தோடு வருகிறார் அதே ராதாமோகன். அந்தப்படத்திற்கும் எதிர்பார்ப்பு எகிறிக்கிடக்கிறது.

இவர் இப்படி என்றால், நல்ல படங்களை மட்டுமே இயக்குவேன். அதுவும் ஜனரஞ்சமாக இருக்கும் என்று சவால் விட்டு ஜெயிக்கும் இயக்குனர் ராம், மீண்டும் அழியாக் காவியத்துடன் வரப்போகிறார். படத்தின் பெயர் பேரன்பு.

விமர்சகர்களால் அவ்ளோ தூரம் அசிங்கப்பட்ட சந்தோஷ் பி.ஜெயக்குமாரே, கஜினிகாந்த் என்று நல்லபிள்ளையாக மாறிவிட்ட பின், தமிழ்சினிமாவுக்கு இனி என்ன குறை?

வாங்க வாங்க நல்லவங்களே…

இன்றைய நகர வாழ்க்கையில் சொற்பமான சதுர அடிகளில் குழந்தைகளை வளர்க்க வேண்டுமென்பது பெற்றோர்களுக்கு பெரும் சுமையான விஷயம்.  வேலை முடித்து வீட்டிற்கு வந்ததும் கொஞ்ச நேரம் அவர்களோடு விளையாடிவிட்டு பின் வீட்டு வேலை செய்யத் தொடங்கியதும் குழந்தைகள் தொல்லை பண்ணாமல் இருக்கையில் போனை கொடுத்து ரைம்ஸ் பார்க்க வைத்துவிட்டு வேலைப்பார்க்க சென்று விடுவோம்.

நம்முடைய நேரமின்மைக்காக குழந்தையின் கண் பார்வை குறைபாட்டுக்கு நாமே காரணமாகி விடுகிறோம். இன்றைய காலத்தில் நம் பிள்ளைகளுக்கு சிறுவயதிலேயே கிட்டப்பார்வை பிரச்சனை வரத் தொடங்குகிறது. இந்தியாவில் பெரும்பாலான 1ம் வகுப்பு படிக்கும் குழந்தை கூட கண்ணாடி அணிவதை பார்க்கலாம். இந்தியாவில் மட்டுமல்ல பல நாடுகளிலும் உள்ள குழந்தைகள் இந்த பிரச்சனையில் இருப்பதாக ஆய்வுகள் தெரிவிக்கின்றன.

ஒரு கண்ணில் தெளிவான பிம்பம் உருவாக வேண்டுமானால் நம் விழித்திரை சரியாக குவிக்கப்பட வேண்டும். இந்த செயல்பாடுகளில் ஏற்படும் மாற்றங்கள் கண் பார்வை குறைபாட்டுக்கு காரணமாகிறது

கிட்டப்பார்வை என்பது அருகில் உள்ள பொருட்கள் மட்டும் தெளிவாக தெரியும் தூரத்தில் உள்ள பொருட்களோ எழுத்தோ மங்கலாக தெரியும். இந்த கிட்டப்பார்வைக்கு காரணமே குழந்தைகள் வெளியில் விளையாடப் போகாமல் வீட்டிற்குள்ளே இருந்து செல்போன், டேப் அல்லது வீடியோ கேம் என்று தொடர்ச்சியாக விளையாடுவதால் கண்பார்வை குறைபாடு சிறு வயதிலேயே பிள்ளைகளுக்கு உண்டாகிவிடுகிறது.

இதற்கான தீர்வாக பல நாடுகளும் தற்போது குழந்தைகள் வெளியில் விளையாடுவதை ஊக்குவித்து வருகின்றன. அவர்கள் விளையாடுவதற்கு ஏற்ற பூங்காக்கள் பலவும் அமைத்து வீடியோ கேம், செல்போன் மோகத்திலிருந்து மீட்டெடுப்பதால் அரசும் சமூகம் இணைத்து செயல்படத் தொடங்கியுள்ளது.

வெளியில் விளையாடும் போது தன் வயதுடைய பிள்ளைகளை பார்க்கும்போது நன்றாக விளையாடி பசியெடுத்து சாப்பிடுவார்கள். குழந்தைக்கு பேச்சும் சீக்கிரமே வந்துவிடும். சுற்றுப்புறம் குறித்த புரிதலை பெற்றோரான நீங்கள்தான் உருவாக்கவேண்டும்.

கருணாநிதி தயாளு அம்மாளை 1948-ஆம் ஆண்டு, செப்டம்பர் மாதம் 15-ஆம் தேதி மணந்தார். திருவாரூரில் நடைபெற்ற அவர்களது திருமணத்தன்று சுவாரசியமான சம்பவம் ஒன்று நடைபெற்றது.

திருமண நாளன்று கருணாநிதி, பந்தல் முகப்பில் நின்றுகொண்டு விழாவுக்கு வந்தவர்களை வரவேற்றுக் கொண்டிருந்தார். அப்போது, இந்தியை எதிர்த்து கோஷம் போட்டுக்கொண்டு சிலர் ஊர்வலமாக சென்று கொண்டிருந்தனர்.

மேலும், அவர்கள் மறியலில் ஈடுபடவும் திட்டமிட்டிருந்தனர். இந்நிலையில், ‘இந்தி ஒழிக’ என்று கோஷம் எழுப்பியவாறு சென்று கொண்டிருந்தவர்களைப் பார்த்த கருணாநிதி திருமணத்தையும் மறந்துவிட்டு அவர்களுடன் சேர்ந்து சென்றார். இந்நிலையில், மாப்பிள்ளை எங்கே? என்று அனைவரும் தேடியுள்ளனர்.

அவர்களில் சிலர் கருணாநிதியை தேடி ஊர் முழுவதும் அலைந்து திரிந்துள்ளனர். அப்போது, அங்கிருந்த பள்ளி எதிரில் சிலர் இந்தியை எதிர்த்து கோஷம் போட்டுக் கொண்டிருந்தது   தெரியவந்தது. அவர்களில், கருணாநிதியும் ஒருவர்.

இதையடுத்து, கருணாநிதியிடம் சென்று முகூர்த்த நேரம் நெருங்குவதாக உறவினர்கள் தெரிவித்துள்ளனர். எனினும், அந்த மறியல் போராட்டம் முடிந்த பின்பே மணமேடைக்கு வருவேன் என்று கருணாநிதி கூறியுள்ளார். அதன்படி, மறியல் முடிந்த பிறகே கருணாநிதி மணமேடைக்கு சென்றார். பின்னர், தயாளு அம்மாளை மணந்தார்.

விஜய் தற்போது சர்கார் படத்தின் பிஸியாகவுள்ளார். கருணாநிதி இழப்பிற்காக இன்று சர்கார் படபிடிப்பை நிறுத்தியுள்ளார்கள்.

இந்நிலையில் விஜய் அடுத்து மீண்டும் அட்லீ இயக்கத்தில் தான் நடிக்கவுள்ளார். இப்படத்திற்கு ஹீரோயின் கியாரா அத்வானி என்று கூறப்பட்டது.

இதை நம் தளத்தில் கூட தெரிவித்து இருந்தோம், ஆனால், தற்போது நமக்கு கிடைத்த தகவலின்படி இந்த படத்தின் கதை விவாதம் தான் தற்போது நடந்து வருகின்றதாம்.

ஹீரோயின் கியாரா பெயரும் லிஸ்டில் உள்ளதாம், இவர் தான் உறுதி என்று சொல்ல முடியதாம்.

தமிழகமே இன்று கண்ணீரில் மூழ்கியுள்ளது என்று தான் சொல்லவேண்டும். தமிழகத்தை 5 முறை ஆண்ட மூத்த அரசியல்வாதியான கலைஞர் கருணாநிதியின் மரணத்துக்கு இந்திய முழுவதும் இரங்கல் தெரிவித்து வருகின்றனர்.

இந்நிலையில் கலைஞரும் திமுகவும் தமிழ்நாட்டுக்கு செய்த 125 வகையான துரோகங்களின் பட்டியல்" - என்று வாட்ஸ்-அப்பில் ஒரு பதிவு வலம்வருகிறது. அவர் மீது எத்தனை விமர்சனங்கள் இருந்தாலும் இந்த சாதனையை எவராலும் மறுக்க முடியாது என்பதே உண்மை.

1. அரசு போக்குவரத்து துறை என்ற துறையை உருவாக்கியது கலைஞர்

2. பஸ் போக்குவரத்தை தேசியமையமாக்கியது கலைஞர்

3. மின்சாரம் அனைத்து கிராமங்களுக்கும் செல்ல வழித்தடம் அமைத்தது கலைஞர்

4. 1500 பேரை கொண்ட கிராமங்களுக்கும் சாலை வழித்தடம் அமைத்தது கலைஞர்

5. தமிழ்நாடு குடிசை மாற்று வாரியம் அமைத்தது கலைஞர்

6. குடிநீர் வடிகால் வாரியம் அமைத்தது கலைஞர்

7. இலவச கண்ணொளித் திட்டம் கொடுத்தது கலைஞர்

8. பிச்சைகாரர்கள் மறுவாழ்வு இல்லம் அமைத்தது கலைஞர்

9. கை ரிக்‌ஷா ஒழித்து இலவச சைக்கிள் ரிக்‌ஷா கொடுத்தது கலைஞர்

10. இலவச கான்கிரீட் வீடுகளை ஒடுக்கப்பட்டோருக்கு கொடுக்கும் திட்டம் வகுத்தது கலைஞர்

11. குடியிருப்புச்சட்டம் (வாடகை நிர்ணயம் போன்றவை) கொண்டுவந்தது கலைஞர்

12. இந்தியாவிலே முதன் முதலில் காவல் துறை ஆணையம் அமைத்தது கலைஞர்

13. பிற்படுத்தப்பட்டோர் மற்றும் தாழ்த்தப்பட்டோருக்கென துறை அமைத்தது கலைஞர்

14. அரசியலமைப்பில் பிற்படுத்தபபட்டோருக்கான அமைப்பை அமைத்தது கலைஞர்

15. அரசியலமைப்பில் இட ஒதுக்கீடு BC - 31%, SC - 18 % ஆக உயர்த்தியது கலைஞர்.

16. +2 வரை இலவசக்கல்வி உருவாக்கியது கலைஞர்

17. மே 1, சம்பளத்துடன் கூடிய பொது விடுமுறையாய் அறிவித்தது கலைஞர்

18. வாழ்ந்த மனிதரான நபிகள் நாயகத்தின் பிறந்த நாளை விடுமுறையாய் அறிவித்தது கலைஞர்

19. முதல் விவசாயக்கல்லூரி (கோவை) உருவாக்கியது கலைஞர்

20. அரசு ஊழியர்கள் குடும்ப நல திட்டம் தந்தது கலைஞர்

21. அரசு ஊழியர்கள் மேலான ரகசிய அறிக்கை முறையை ஒழித்தது கலைஞர்

22. மீனவர்களுக்கு இலவச வீடு வழங்கும் திட்டம் தந்தது கலைஞர்

23. கோவில்களில் குழந்தைகளுக்கான "கருணை இல்லம்" தந்தது கலைஞர்

24. சேலம் இரும்பு தொழிற்சாலை அமைத்தது கலைஞர்

25. நில விற்பனை வரையரை சட்டம் அமைத்தது கலைஞர்

26. இரண்டாம் அலகு நிலக்கரி மின்உற்பத்தி நெய்வேலி கொண்டுவந்தது கலைஞர்

27. பெட்ரோல் மற்றும் ரசாயன தொழிற்சாலை தூத்துகுடி கொண்டுவந்தது கலைஞர்

28. SIDCO உருவாக்கியது கலைஞர், உப்பு வாரியம் அமைத்தவர் கலைஞர்

29. SIPCOT உருவாக்கியது கலைஞர், தேயிலை வாரியம் அமைத்தவர் கலைஞர்

30. உருது பேசும் இஸ்லாமியர்களை பிற்படுத்தபபட்டோரில் தமிழ் இஸ்லாமியர்கள் போல் சேர்த்தது

கலைஞர்

31. பயனற்ற நிலத்தின் மீதான வரி நீக்கம் கொண்டுவந்தது கலைஞர்

32. மனு நீதி திட்டம் தந்தது கலைஞர்

33. பூம்புகார் கப்பல் நிறுவனம் தந்தது கலைஞர்

34. பசுமை புரட்சி திட்டம் தந்தது கலைஞர்

35. கொங்கு வேளாளர் இனத்தை பிற்படுத்தபபட்டோரில் இணைத்தது கலைஞர்

36. மிக பிறப்படுத்தபபட்டோரில் வன்னியர், சீர் மரபினரை சேர்த்தது கலைஞர்

37. மிக பிற்படுத்தபபட்டோருக்கு 20% தனி இட ஒதுக்கீடு தந்தது கலைஞர்

38. அருந்ததியின மக்களுக்கு தனி இட ஒதுக்கீடு தந்தது கலைஞர்

39. பழங்குடியினருக்கு 1% தனி இட ஒதுக்கீடு தந்தது கலைஞர்

40. மிகபிற்படுத்தப் பட்டோருக்கு இலவச கல்வி தந்தது கலைஞர்

41. வருமான உச்ச வரம்புக்கு கீழ் உள்ள பிற்படுத்தப்பட்டவர்களுக்கு இலவச கல்வி இளம்கலை

பட்டப்படிப்பு வரை தந்தது கலைஞர்

42. தாழ்த்தப்பட்டோருக்கு இலவச கல்வி தந்தது

43. இந்தியாவிலே முதன் முறையாக விவசாயத்திற்க்கு இலவச மின்சாரம் தந்தது கலைஞர்

44. சொத்தில் பெண்ணுக்கு சம உரிமையை சட்டமாக்கியது கலைஞர்

45. அரசு வேலை வாய்ப்புகளில் பெண்களுக்கு 30% இடஒதுக்கீடு தந்தது கலைஞர்

46. ஆசியாவிலே முதன் முறையாக கால்நடை மற்றும் விலங்குகள் அறிவியல் பல்கலைகழகம்

அமைத்தது கலைஞர்

47. ஏழை பெண்களுக்கு திருமண நிதி உதவி திட்டம் தந்தது கலைஞர்

48. விதவை பெண்கள் மறுமண நிதி உதவி திட்டம் தந்தது கலைஞர்

49. நேரடி நெல் கொள்முதல் மையம் தந்தது கலைஞர்

50. நெல் கொள்முதலில் ஊக்கத்தொகை மற்றும் விலை ஏற்றம் செய்தது கலைஞர்

51. தமிழ்நாடு நுகர் பொருள் வாணிபக் கழகம் அமைத்தது கலைஞர்

52. கர்பிணி பெண்களுக்கு நிதி உதவி திட்டம் தந்தது கலைஞர்

53. பெண்கள் சுய உதவி குழுக்கள் அமைத்தது கலைஞர்

54. மனோன்மணியம் சுந்தரனார் பல்கலைகழகம் நிறுவியது கலைஞர்

55. பாவேந்தர் பாரதிதாசன் பல்கலைகழகம் நிறுவியது கலைஞர்

56. டாக்டர் MGR மருத்துவ கல்லூரி நிறுவியது கலைஞர்

57. காவிரி நடுவர்மன்றம் அமைந்ததற்கு காரணம் கலைஞர்

58. உள்ளாட்சி மற்றும் கூட்டுறவு தேர்தல் கொண்டுவந்தது கலைஞர்

59. உள்ளாட்சி பதவிகளில் 33% பெண்களுக்கு இடஒதுக்கீடு கொண்டு வந்தது கலைஞர்.

60. இரு பெண் மேயரில் ஒருவர் தாழ்த்தப்பட்ட இனத்திலிருந்து வர செய்தது கலைஞர்

61. மெட்ராஸ், சென்னையாக்கியது கலைஞர்

62. முதல் தடவை விதவை பெண்களுக்கும் பொறியியல் மற்றும் மருத்துவ கல்லூரியில் இடம்

அளித்தது கலைஞர்

63. தொழிற்சாலைகளுக்கான வெளிப்படை கொள்கை அமைத்தது கலைஞர்

64. முதல் தடவை விதவை பெண்கள் தொழில் தொடங்க உதவியவர் கலைஞர்

65. கான்கிரீட் சாலை அமைத்தது கலைஞர்

66. தொழிற்முறை கல்வியில் கிராமபுற மாணவர்களுக்கு 15% இடஒதுக்கீடு செய்தது கலைஞர்

67. ஐயன் திருவள்ளுவருக்கு சிலை வைத்தது கலைஞர்

68. தமிழுக்கு செம்மொழி அங்கீகாரம் பெற்றுத் தந்தது கலைஞர்

69. செம்மொழி மாநாடு நடத்தியது கலைஞர்

70. சத்துணவில் கொண்டைக்கடலை, வாழைப்பழம் சேர்த்தது கலைஞர்

71. பால் விலை, பேருந்து கட்டணம், மின்சார கட்டணம் உயர்த்தி மக்களை துன்புறுத்தாதவர்

கலைஞர்

72. விவசாயக்கடனை அறவே தள்ளுபடி செய்து, விவசாய மக்களை காத்தவர் கலைஞர். (2006-2011

வரைஐந்து ஆண்டுகளில் பட்டினிச்சாவு இல்லாத மாநிலம் தமிழகம்)

73. நியாய விலைக் கடைகளில் மளிகைப் பொருட்கள்(வாசனைச் சாமான்கள், சோம்பு, சீரகம், மிளகு,

பட்டை, கிராம்பு, வெந்தயம், பிரிஞ்சு இலை, முதற்கொண்டு) அனைத்தும் தட்டுப்பாடு இல்லாமல்

கிடைக்கச் செய்தவர் கலைஞர். விலைவாசி அதனால் தான் கட்டுக்குள் இருந்தது அன்று

(இன்றைக்கு எத்தனை பெயருக்கு பருப்பு சர்க்கரை முழுமையாக கிடைக்கிறது????)

74. ஈழத் தமிழர்க்காக இரு முறை ஆட்சி துறந்தவர் கலைஞர்.

75. நன்றிக் கடனாக, சரியான(தேர்தல்) நேரத்தில், பழி கலைஞர் மீது விழும் என்று தெரிந்தே

தமிழகத்தில் வைத்து ராஜீவ்காந்தியை படுகொலை செய்தனர் விடுதலைப் புலிகள். அதனால்

கொலைபழியை சுமந்தது கலைஞர்.

76. ராஜீவ் படுகொலைக்கு தி.மு.க.தான் காரணம் என்று ஜெயின் கமிஷன் சொன்னபோது, கழகத்தின்

மீது படிந்த கொலைப்பழியைத் துடைத்தவர் கலைஞர்

76. சமத்துவபுரம் கண்டது கலைஞர்.

77. உழவர் சந்தை தந்தது கலைஞர் .

78. டைடல் பார்க் முதல் ELCOT IT SEZ பார்க்குகளை கொண்டுவந்தவர் கலைஞர் !

79. தமிழகத்தில் தொழில் புரட்சியையும், கணிணிப் புரட்சியையும் கொண்டுவந்தவர் கலைஞர் !

80. தொல்காப்பியர் பூங்கா, செம்மொழி பூங்காக்கள் அமைத்தது கலைஞர் !

81. சமச்சீர் கல்வி கொண்டு வந்தது கலைஞர் !

82. இந்தியாவிலே முதன் முதலாக சென்னை அண்ணா மேம்பாலம் முதல் கோவை அடுக்கு

மேம்பாலம் போன்ற பல நகரங்களில் பல்வேறு மேம்பாலங்கள் கட்டியது கலைஞர் !

83. ஆசியாவிலேயே மிகப் பெரிய பேருந்து நிலையமான கோயம்பேடு பேருந்து நிலையம் கட்டியது

கலைஞர்.

84. திராவிடக் கலைநுணுக்கத்தோடு புதிய தலைமைச் செயலகம் கட்டியது கலைஞர் ! (அதை

அழித்தவர் ஜெயலலிதா)

85. வடக்கு வாழ்கிறது, தெற்கு தேய்கிறது என்ற நிலை மாற்றி மத்திய அமைச்சரவையில்

தமிழகத்திற்கு அமைச்சர் பதவிகளை அள்ளிவந்ததோடு மாநிலத்தின் வளர்ச்சியை துரிதப்

படுத்தியவர் கலைஞர் !

86. சென்னைக்கருகில் பன்னாட்டுத் தரம் வாய்ந்த கடல்சார் தேசிய பல்கலைக் கழகம். (National Marnie

University)

87. திருவாரூரில் மத்தியப் பல்கலைக் கழகம். (Central University)

88. கோவையில் உலகத் தரத்திலான மத்தியப் பல்கலைக் கழகம்.

89. திருச்சியில் இந்திய மேலாண்மைக் கல்வி நிறுவனம். (IIM)

90. ஆசியாவிலேயே முதலாவதாக சென்னைக்கு அருகில் ஒன்றுக்கு மேற்பட்ட உடல்

ஊனமுற்றோர்க் கான தேசிய நிறுவனம்.

91. சென்னையில் மத்திய அதிரடிப்படை மையம் (என்.எஸ்.ஜி.)

92. திருச்சியில் தேசிய சட்ட கல்லூரி (National Law School)

93. தாம்பரத்தில் தேசிய சித்த மருத்துவ ஆய்வு மையம்.

94. ஒரகடத்தில் 470 கோடி ரூபாய் முதலீட்டில் மத்திய அரசின் தேசிய மோட்டார் வாகனச் சோதனை

மற்றும் ஆராய்ச்சி மையம்.

95. கிண்டி கத்திபாரா, கோயம்பேடு, பாடி போன்ற இடங்களில் உள்ள மிகப் பெரிய மேம்பாலங்கள்,

துறைமுக விரிவாக்கப் பணிகள், சரக்குப் பெட்டக முனையங்கள், நீர்வழிப் போக்குவரத்து வசதிகள்

போன்றவை இந்த காலகட்டத்தில் உருவாகின...

96. சேலத்தில் புதிய இரயில்வே மண்டலம்.

97. 120 கோடி ரூபாய்ச் செலவில் சேலம் அரசினர் மோகன் குமாரமங்கலம் மருத்துவமனை """"சூப்பர்

ஸ்பெஷாலிட்டி"" மருத்துவமனையாக மேம்பாடு.

98. கரூர், ஈரோடு & சேலம் ஆகிய மூன்று இடங்களில் சுமார் நானூறு கோடி ரூபாய் மதிப்பீட்டில்

உயர்தொழில்நுட்ப ஜவுளி பூங்கா.

99. 1650 கோடி ரூபாய்ச் செலவில் சென்னை துறைமுகம்-மதுரவாயல் இடையே பறக்கும்

சாலைக்கான துவக்கம்.

100. 2427 கோடி ரூபாய்ச் செலவில் சேது சமுத்திரத் திட்டப்பணிகள் தொடக்கம்.

101. 908 கோடி ரூபாய்ச் செலவில் நெம்மேலியில் கடல்நீரைக் குடிநீராக்கும் மற்றொரு திட்டம்.

102. தமிழகத்திலுள்ள மீட்டர் கேஜ் இரயில் பாதைகள் அனைத்தும் அகல இரயில் பாதைகளாக

மாற்றிட அனுமதி.

103. 1828 கோடி ரூபாய்ச் செலவில் 90 இரயில்வே மேம்பாலங்கள் கட்டுவதற்கு அனுமதி.

104. சென்னை மாநகரில் மெட்ரோ இரயில் திட்டம்.

105. ஒகேனக்கல் கூட்டுக் குடிநீர்த் திட்டம்.

106. சென்னை, திருச்சி, கோவை, மதுரை விமான நிலையங்கள் விரிவாக்கம்.

107. 1553 கோடி ரூபாய்ச் செலவில் சேலம் உருட்டாலை சர்வதேச அளவுக்கு உயர்த்தப்பட்டு, புதிய

குளிர் உருட்டாலை உருவாக்கம்.

108. கப்பல் மற்றும் நெடுஞ்சாலைத் துறை மூலம் 56 ஆயிரத்து 664 கோடியே 21 இலட்சம் ரூபாய்ச்

செலவில், 4,676 கிலோ மீட்டர் நீள தேசிய நெடுஞ் சாலைகளில், 3,276 கிலோ மீட்டர் சாலைகள்,

நான்கு வழிச் சாலைகளாக மேம்பாடு..

109. நெசவாளர் சமுதாயத்தினர் பெரும்பயன் எய்திட சென்வாட் வரி நீக்கம்.

110. இந்தியா முழுவதும் விவசாயிகள் கூட்டுறவு அமைப்புகளில், வங்கியில் பெற்றிருந்த ரூ.72,000

கோடி மதிப்பிலான கடனும் வட்டியும் மத்திய அரசால் தள்ளுபடி.

111. இந்தியா முழுவதும் மாணவர்களுக்கு பல நூறு கோடி ரூபாய் கல்விக் கடன்.

112. மாவட்டத்துக்கு ஒரு மருத்துவ கல்லூரி என்ற திட்டத்தை கொண்டுவது, பல மாவட்டங்களில்

புதிய மருத்துவ கல்லூரிகளை அமைத்தவர் கலைஞர்..

113. திமுக ஆட்சியில் 42 அணைகள் கட்டப்பட்டன

114. கோவைக்கு குடிநீர் வழங்கும் சிறுவாணி திட்டத்தை 1973 ஆம் ஆண்டு துவக்கி

செயல்படுத்தியது கலைஞர்

115. அத்திக்கடவு அவிநாசி குடிநீர் முதல் பகுதியான கோவைக்கு குடிநீர் வழங்கும் "பவானி

அத்திக்கடவு திட்டம்" என்கிற அந்த திட்டத்தை 2001-06 ஆண்டுகளில் செயல்படுத்தியவர் கலைஞர்

116. சென்னையில் கோயம்பேடு காய் கனி அங்காடி, சென்னை மருத்துவ கல்லூரி கட்டிடம்,

நாமக்கல் கவிஞர் மாளிகை, பனகல் மாளிகை, சென்னை டிரேட் சென்டர், புதிய தலைமைசெயலகம்,

அண்ணா நூற்றாண்டு நூலகம்.... இப்படி எண்ணற்ற பெரிய திட்டங்களை கட்டியதும் திமுக தான்..

117. செம்மொழி பூங்கா, தொல்காப்பிய பூங்கா, பெரம்பூர் மாறன் பூங்கா, அண்ணா நகர் பூங்கா....

இப்படி பல பல பூங்காக்களை சென்னையில் உருவாக்கியதும் திமுக ஆட்சிதான்...

118. சோழிங்கநல்லூர் SEZ, சிறுசேரி SEZ, IT ஹைவே, கோவை, மதுரை, திருச்சி என முக்கிய

நகரங்களில் IT பார்க்குகள் என பல தொழில்வளர்ச்சி திட்டங்களை கொண்டுவந்து மென்பொருள்

துறையில் சென்னையை முக்கிய இடம் பிடிக்கசெய்தது திமுக...

119. சென்னை துறைமுக விரிவாக்கம், எண்ணூர் துறைமுகம், காட்டுப்பள்ளி துறைமுகம்,

நின்றுபோன கிருஷ்ணா கால்வாய் குடிநீர் திட்டம் என்று சென்னையின் வளர்ச்சிக்காக திட்டங்களை

கொண்டுவந்ததும் திமுகதான்...

120. பல பின்தங்கிய மாவட்டங்களில் சிறப்பு பொருளாதார மண்டலங்களை அமைத்து தொழில்

வளர்ச்சிக்கு உதவியது திமுக.. தமிழ்நாடு மென்பொருள் ஏற்றுமதி மற்றும் ஆட்டோமொபைல்

உற்பத்தியில் முன்னிலை வகிக்க காரணம் திமுக..

121. 2006-11 திமுக ஆட்சியில் மட்டுமே, சுமார் ஏழு பெரிய புதிய மின் உற்பத்தி நிலையங்களை

மேட்டூர், வல்லூர், எண்ணூர் போன்ற இடங்களில் துவக்கப்பட்டன..

122. தமிழகத்தின் தொழில்வளர்ச்சி 33% அதிகரித்தது 2006-11 திமுக ஆட்சியின் போதுதான்...

தமிழகத்தை தொழில்வளர்சியில் இந்தியாவின் முதன்மை மாநிலமாக்கியது கலைஞரின் திமுக

ஆட்சி.. அதின் காரணமாக, இந்தியாவிலேயே GDPயில் இரண்டாம் இடத்தில் இருப்பது தமிழ் நாடு..

GST வரிவசூலிலும் இரண்டாம் இடத்தில், அதிகளவு வரி செலுத்தும் உற்பத்தி மாநிலமாக தமிழ் நாடு

முன்னிலை வகிக்கிறது..

123. தமிழ் மொழியிலும் கோயில்களில் அர்ச்சனை செய்ய பயிற்சிகளும் சட்டமும் போடப்பட்டது

திமுக ஆட்சியில்..

124. 2006-11 திமுக ஆட்சியில் மட்டுமே 2,459 இந்து கோயில்களுக்கு திருப்பணி நடைபெற்று

குடமுழுக்கு விழாக்கள் நடைபெற்றன..

125. ஆசியாவிலே பெரிய தேர் ஆன, திருவாரூர் தியாகராஜர் கோயில் தேரோட்டம் 1948 ஆம்

ஆண்டோடு நின்றுவிட்டது. அதை பழுதுபார்த்து, புணரமைத்து 1970 ஆம் ஆண்டில், 25 ஆண்டுகளுக்கு

பின், மீண்டும் தேரோட்டத்தை நடத்தியவர் கலைஞர்..

இப்படி சாதனை பட்டியலை சொல்லிக்கொண்டே போகலாம்...

உதாரணத்துக்கு 1960களில் மேற்கு வங்காள மாநிலத்தின் தனிநபர் வருமானம் ஒரு ஆண்டுக்கு 390 ரூபாய், தமிழ்நாட்டில் 330 ரூபாய். ஆனால், 2011 இல் மேற்கு வங்காள மாநிலத்தின் தனிநபர் வருமானம் ஒரு ஆண்டுக்கு 80,000, தமிழர்களின் சராசரி வருடாந்திர வருமானம் 1,36,000 ரூபாய். 1960

இல் இந்தியாவின் ஏழை மாநிலமாகத் திகழ்ந்த தமிழ்நாடு 2011 இல் நாட்டின் பணக்கார மாநிலங்களில் ஒன்றாக விளங்கியது...

கலைஞர் & ஸ்டாலின் மற்றும் திமுக ஆட்சியை ஆரிய பார்ப்பனீய சக்திகள் தொடர்ச்சியாக எதிர்ப்பதில் இருந்தே தெரியவில்லையா, கலைஞரும் திமுகவும் தமிழ் & தமிழ் நாட்டின் வளர்ச்சிகாக பாடுபடுகிறார்கள் என்று.....

திமுகவை எதிர்ப்பவர்கள் அனைவரின் நோக்கமும் ஒன்றே ஒன்றுதான் - "திமுக ஆட்சிக்கு வந்தால், தமிழக மக்களுக்கும் தமிழகத்துக்கும் நல்லது செய்வார்கள்... தமிழகம் மீண்டும் வளர்சிப்பாதையில்

செல்லும், தமிழ் நாடு முதன்மையான மாநிலமாக மாறிவிடும்.. தமிழும் தமிழர்களும் உயர்வு பெறுவார்கள்.... அதனை எப்பாடுபட்டாவது தடுத்து நிறுத்தி விட வேண்டும்... தமிழ், தமிழர், தமிழ்

நாடு எல்லாவகைகளிலும் பின்தங்கவேண்டும்", என்ற ஒரே நோக்கம்தான் அவர்களுக்கு...

திராவிடத்தால் வாழ்ந்தோம்..........

திமுக தலைவர் கருணாநிதியின் உடலை மெரினாவில் அடக்கம் செய்வதற்கு நீதிமன்றம் உத்தரவிட்டதையடுத்து, அதற்கான வேலைகள் தற்போது பரபரப்பாக சென்று கொண்டிருக்கின்றன.

இந்நிலையில் மெரினாவில் கருணாநிதிக்கு இடம் கிடைத்ததன் பின்னணி என்ன என்பது குறித்து பிரபல நாளிதழ் செய்தி வெளியிட்டுள்ளது.

அதில், மெரினாவில் இடம் ஒதுக்குவது குறித்து முதல்வர் பழனிச்சாமியிடம் பேசினால் அவர் மறுப்பு தெரிவிக்கமாட்டார் என்ற நம்பிக்கையில் தான், ஸ்டாலின் அவரை முதலில் சந்தித்தார்.

ஆனால், நேற்று முன்தினம் மயிலாப்பூரில் நடந்த காவல் அதிகாரிகள் கூட்டத்தில், கருணாநிதிக்கு காமராஜர் நினைவிடம் அருகில் அடக்கம் செய்யப்படுவதற்கே வாய்ப்பு அதிகம் என்ற தகவல் திமுக தரப்பினருக்கு தெரியவந்துள்ளது.

இதையடுத்து, மூத்த நிர்வாகிகளை அனுப்பி கருணாநிதி உடல்நிலை தொடர்பாகவும் சமாதிக்கான இடம் கேட்டும் மனு கொடுக்க வைத்தார் ஸ்டாலின்.

அப்போதும் எடப்பாடி பழனிச்சாமி தரப்பிலிருந்து உறுதியான பதில் வரவில்லை.

நேற்று மதியம் ஸ்டாலின், அழகிரி, கனிமொழி எனக் குடும்ப உறவுகள் அனைவரும் ஒன்றாக இணைந்து எடப்பாடி பழனிசாமியைச் சந்திக்கச் சென்றனர்.

குடும்பமாகச் சென்று சந்தித்ததால், எடப்பாடி உரிய முடிவெடுப்பார் என்று நம்பிக்கையில் சென்றும், அடுத்த சில மணி நேரங்களில் சமாதிக்கு அனுமதி மறுப்பு தொடர்பாக தலைமைச் செயலாளர் அறிக்கை ஒன்றைத் தயாரித்துக் கொண்டிருக்கிறார் என்ற தகவல், ஸ்டாலினுக்கு போன் மூலம் கிடைத்துள்ளது.

இதை சற்றும் எதிர்பார்க்காத ஸ்டாலின் உடனடியாக பழனிச்சாமியை தொடர்பு கொண்டு பேசிய போது, அவர் இது முழுக்க மத்திய அரசின் முடிவு, நாங்கள் செய்வதற்கு எதுவும் இல்லை என்று கூறியுள்ளார்.

அதன் பின்பு தான் கனிமொழி டெல்லியில் தர்மேந்திரா பிரதான் உட்பட முக்கிய அமைச்சர்கள் பலரையும் தொடர்புகொண்டு உதவி கேட்டுள்ளார்.

அவர்களும் எங்களால் முடிந்த உதவிகளைச் செய்கிறோம் என்று கூறியுள்ளனர்.

இதற்கிடையில் கடுமையான முதுகு வலியில் இருக்கும் அழகிரியால் இறுதி அஞ்சலி நிகழ்வில் அவரால் தொடர்ந்து நிற்க முடியாமல் அவதிப்பட்டுள்ளார்.

குடும்பத்தோடு நேரடியாக முதல்வரை சந்திக்கச் சென்றும் அனுமதி மறுக்கப்பட்டதை அவரால் ஏற்றுக்கொள்ள முடியவில்லை.

குடும்பத்தோடு பார்க்கச் சென்றும் இவர் இப்படிச் செய்வார் என நான் எதிர்பார்க்கவில்லை. இவ்வளவுதான் மரியாதையா என்று வேதனையடைந்துள்ளார்.

அதுமட்டுமின்றி அதிமுக நிர்வாகிகள் பலரும் பழனிச்சாமியிடம் பல யோசனைகள் தெரிவித்ததாக கூறப்படுகிறது. அதாவது எம்.ஜி.ஆரும் ஜெயலலிதாவும் கடவுள் ஆதரவுக் கொள்கையை உடையவர்களாக இருந்தார்கள்.

அண்ணாதுரை, தீவிர கடவுள் மறுப்பாளர். அதே இடத்தில் கருணாநிதிக்கு இடம் கொடுத்தால், கடவுள் மறுப்புக் கொள்கைக்கான முக்கியச் சின்னமாக இந்த இடம் மாறிவிடும்.

இதனால் அனுமதி கொடுப்பது சரியானதல்ல. அதுமட்டுமின்றி ஜெயலலிதா திமுக-வை எதிர்த்தே பெரிய ஆளாக மாறினார் என்று கூறியுள்ளனர்.

ஆனால் இறுதியில் நீதிமன்றம் திமுக-விற்கு சாதகமாக தீர்ப்பு வழங்கியுள்ளதால், இது எடப்பாடி அரசுக்கு ஒரு அவமானம் என்று கூறப்படுகிறது.

அதுமட்டுமின்றி கருணாநிதி உடலை முன்வைத்து நடந்த அரசியல் கணக்குகளால் திமுக-வினர் கடும் கொந்தளிப்பில் உள்ளதாகவும் கூறப்படுகிறது.

அஜித், விஜய் இருவருமே தமிழ் சினிமாவின் உச்ச நட்சத்திரம். இவர்கள் இருவரை சுற்றி தான் எப்போதும் சமூக வலைத்தளங்களில் பேச்சு இருக்கும்.

அந்த வகையில் முதல்வர் ஜெயலலிதா இறந்த போது அஜித் பல்கேரியாவில் படப்பிடிப்பில் இருந்தார், அதனால், அவர் உடனே வர முடியாமல் தாமதமாக வந்து அஞ்சலி செலுத்தினார். அப்போது விஜய் சென்னையில் இருந்தார். ஜெயலலிதாவிற்கு அஞ்சலி செலுத்தினார்.

தற்போது விஜய் கருணாநிதி இறந்த போது அமெரிக்காவில் படப்பிடிப்பில் உள்ளார், அவர் அங்கிருந்து வர முயற்சி செய்து வருகின்றார், ஆனால், அஜித் சென்னையில் இருக்க, கருணாநிதிக்கு அஞ்சலி செலுத்திவிட்டார்.

எம்ஜிஆர் என்றதும் எப்படி தொப்பியும், கருப்பு கண்ணாடியும், சட்டென நினைவுக்கு வருமோ அப்படி, கலைஞர் கருணாநிதி என்றதும் அனைத்து மக்களுக்குமே நினைவுக்கு வருவது அவரின் கருப்பு கண்ணாடிதான். பிற்காலத்தில் இதில், மஞ்சள் துண்டும் சேர்ந்து கொண்டது.

ஆனால், இந்த கருப்பு கண்ணாடி ஏதோ அடையாளத்திற்காகவோ, ஸ்டைலுக்காகவோ போடப்பட்டது கிடையாது.

அந்த கருப்பு கண்ணாடியின் பின்னால் பெரும் வலி நிறைந்த வரலாறு உள்ளது. இந்த வலியையும் பொறுத்துக்கொண்டு இத்தனை ஆண்டு காலம் பயணித்தவர்தான்தான் கருணாநிதி.

அந்த கருப்பு கண்ணாடியின் பின்னணியில் உள்ள கருப்பு சரித்திரம் இதுதான். 1953ம் ஆண்டு பரமக்குடியில் கருணாநிதிக்கு பாராட்டு விழா நடைபெற்றது. அதில் பங்கேற்றுக்கொண்டு, அவர் காரில் திருச்சி சென்று கொண்டிருந்தார். அப்போதுதான் அந்த விபரீதம் நடந்தது. திருப்பத்தூர் பயணிகள் விடுதி அருகில் திடீரென டிரைவரின் கட்டுப்பாட்டை இழந்தது கார்.

கட்டுப்பாட்டை இழந்த கார், சாலையோர மைல் கல்லில் மோதி, மைல் கல் உடைந்து, பயணிகள் விடுதியின் முன்புற வாயில் கதவில் போய் மோதி நின்றது அந்த கார். அந்த அளவுக்கு மோசமான ஒரு விபத்து அது. காருக்குள் இருந்த கருணாநிதியும், அவர் தோழமைகளும் உருட்டி தள்ளப்பட்டனர். நல்லவேளையாக கலைஞரின் நண்பர்களுக்கு காயம் இல்லை. ஆனால் கருணாநிதியின் மூக்கு உடைபட்டு ரத்தம் கொட்டியது.

கருணாநிதியின் முகமே வீங்கியது. இடது கண்ணில் கடுமையான வலி ஏற்பட்டதை அவர் உணர்ந்தார். இதையடுத்து, கண் மருத்துவமனையில் சேர்க்கப்பட்ட கருணாநிதிக்கு, 12 அறுவை சிகிச்சைகள் செய்யப்பட்டன. ஒருவழியாக சமாளித்து பணிகளையாற்ற துவங்கிய நிலையில், 1967ம் ஆண்டு செப்டம்பரில் மீண்டும் ஒரு கார் விபத்தில் சிக்கினார் கருணாநிதி.

இந்த விபத்து காரணமாக, கண்ணில் ஏற்கனவே இருந்து வந்த வலி மேலும் அதிகமாயிற்று. 1971ம் ஆண்டில் அமெரிக்கா சென்றார் கருணாநிதி. பால்டிமோர் நகரில் உள்ள ஜான் ஹாப்கின்ஸ் மருத்துவமனையில் அறுவை சிகிச்சை நடந்தது. அதனால் கண் வலி சற்று குறைந்த போதிலும், அவ்வப்போது வலி தொடரவே செய்தது. அந்த வலி அவரை கடைசி காலம் வரை வேதனைப்படுத்திக் கொண்டே இருந்தது.

நடிகர் கமல்ஹாசன் தற்போது கலைஞருக்கு மெரினா மரியாதை மறுக்கப்படுவது தொடர்பாக அதிரடி அறிக்கை ஒன்றை வெளியிட்டுள்ளார்.

அதில் "ஒருவேளை எம்.ஜி.ஆர் இருந்து கலைஞர் இறந்திருந்தால் நிச்சயம் அண்ணாவின் அருகில் கிடத்தியிருப்பார். எம்ஜிஆருக்குப் பிறகு கட்சியில் சேர்ந்த கடைக்குட்டிகளுக்கு மாண்பு இல்லாதது சோகமே" என கமல் கூறியுள்ளார்.

கடைக்குட்டிகள் என முதலமைச்சர் பழனிச்சாமி மற்றும் ஓ.பன்னீர்செல்வம் ஆகியோரை கமல் மறைமுகமாக தாக்கி பேசியுள்ளார்.

திமுக தலைவரும் முன்னாள் தமிழக முதலமைச்சருமான கலைஞர் அவர்கள் மறைவுக்கு தேசிய அளவில் துக்கம் அனுசரிக்கப்பட்டு வருகிறது. அவருக்கு உடலுக்கு அஞ்சலி செலுத்த பிரதமர், குடியரசு தலைவர் உட்பட பல தலைவர்கள் வரவுள்ளனர்.

இந்நிலையில் தற்போது மருத்துவ சிகிச்சைக்காக அமெரிக்காவில் உள்ள நடிகர் விஜயகாந்த் ஒரு வீடியோ வெளியிட்டுள்ளார்.

அதில் அவர் கலைஞர் பற்றி கண்கலங்கி பேசுகிறார். 

கலைஞர் கருணாநிதியின் உடலுக்கு தற்போது பிரபலங்கள் பலர் அஞ்சலி செலுத்தி வருகின்றனர். தற்போது விசுவாசம் படத்தின் ஷூட்டிங்கிற்காக ஹைதராபாத்தில் இருக்கும் அஜித் கலைஞர் மறைவுக்கு இரங்கல் தெரிவித்து அறிக்கை வெளியிட்டுள்ளார்.

"முத்தமிழ் அறிஞர், மூத்த தலைவர், ஐந்து முறை தமிழக முதல்வர், டாக்டர் கலைஞர் ஐயா அவர்கள் சொல்வன்ம, மொழிப்புலமை, அரசியல் பெருவாழ்வு, நிர்வாகத்திறன் நிறைந்த தலைவர்" என கலைஞர் பற்றி அவர் கூறியுள்ளார்.

திமுக தலைவர் கலைஞர் கருணாநிதி சிகிச்சை பலனின்றி இன்று காலமானார்.

இவரது மறைவுக்கு அரசியல் தலைவர்கள், பிரபலங்கள் பலரும் இரங்கல் தெரிவித்து வரும் நிலையில், தமிழகமே சோகத்தில் மூழ்கியுள்ளது.

இந்நிலையில், அவரின் வாழ்க்கை தொடர்பான சுவாரஸ்ய தகவல்கள் வெளியாகியுள்ளது.


கருணாநிதிக்கு மூன்று மனைவிகள். 11.11.44 அன்று பத்மாவதி என்பவரை திருமணம் செய்து கொண்டார்.

இந்த மண வாழ்க்கை மிகவும் நன்றாக சென்றது. அவர் சுயமரியாதைத் திருமணம் செய்து கொண்டார்.

கடந்த 1948ல் அவரது மனைவி பத்மாவதி மரணம் அடைந்தார். இந்நிலையில் 1948ல் தயாளு அம்மாவை இரண்டாவது திருமணம் செய்து கொண்டார் கலைஞர் கருணாநிதி.

அந்த திருமணத்திற்கு முன் சில நிமிடம் இந்தி எதிர்ப்பு ஊர்வலத்தில் கலந்து கொண்டார். பின் 1966-ல் ராசாத்தி அம்மாவை திருமணம் செய்து கொண்டார்.

இதேவேளை, தயாளு அம்மா வைத்தியாசாலைக்கு சென்று கருணாநிதி இறப்பதற்கு முன்னர் அவரை சந்தித்துள்ளார்.
கடந்த 10 நாட்களுக்கு மேலாக மருத்துவமனையில் சிகிச்சை பெற்று வந்த கருணாநிதியின் உடல்நிலை குறித்து அறியவே அவர் அங்கு சென்றுள்ளார்.

சிறுவயதில் போராட தொடங்கிய அவர் வாழ்க்கையில் பல சாதனைகளை செய்துள்ளார். சினிமா, நாடகம், அரசியல் என்று எல்லா துறையிலும் நாயகனாக மிளிர்ந்தார். அவர் வாழ்க்கை வரலாறு எல்லோரும் கற்று கொள்ள வேண்டிய பொக்கிஷம்.

கருணாநிதியின் சாதனைகள்

இலவச மின்சாரம், கலைஞர் காப்பிட்டு திட்டம், இலவச அரிசி, இடஒதுக்கீடு, பொலிஸ் கமிஷன் இலவசப் பஸ் பாஸ், அண்ணா மறுமலர்ச்சித் திட்டம், சமத்துவபுரம்,நமக்கு நாமே திட்டம், மாநில சுயாட்சித் தீர்மானம்,பிற்படுத்தப்பட்டோர் மற்றும் தாழ்த்தப்பட்டோர் தனித்துறை, இலவசமாக சைக்கிள் ரிக்க்ஷா, இலவச டிவி,உழவர் சந்தைகள், மறுவாழ்வு இல்லங்கள், ஆகியவற்றை கொண்டு வந்தார்.

மொழிப்போர் தியாகிகளுக்கும் ஓய்வூதியம் ,மே முதல் விடுமுறை. இளங்கலை, முதுகலைப் பட்டப் படிப்புத் தேர்வு, மேயருக்கு நேரடித் தேர்தல், சமூக சீர்திருத்தத்திற்காக தனி அமைச்சகம், மிகவும் பிற்படுத்தப்பட்டோருக்கு 20% இட ஒதுக்கீடு,மாணவ, மாணவியர்களுக்கு இலவச தொழிற் கல்வி, மெட்ராஸ் என்ற பெயரை சென்னை என மாற்றியது ஆகிய நடவடிக்கைகளை செய்துள்ளார்.

உள்ளாட்சியில் 33 விழுக்காடு மகளிருக்கு இடஒதுக்கீடு, மினிபஸ் திட்டம்,டைடல் பூங்கா, மாநில திட்டக்குழு, ஏழை பெண்களுக்கு திருமண நிதி உதவித் திட்டம் ,சென்னையில் மெட்ரோ ரயில் திட்டம், பாதாள சாக்கடை திட்டம், கடல்நீரை குடிநீராக்கும் திட்டம், டெஸ்மா சட்டம் ரத்து, பொறியில் கல்விக் கட்டணம் குறைப்பு, மதமாற்றத் தடைச் சட்டம் திரும்பப் பெற்றது, 1 ரூபாய்க்கு 1 கிலோ அரிசி, அனைத்து சாதியினரும் அர்ச்சகராக உத்தரவு,தமிழ் கட்டாயப் பாடம், கண்ணகி சிலை திறப்பு ஆகியவற்றை செய்தார்.

இலவச வண்ணத் தொலைக்காட்சிப் பெட்டி, விவசாயிகளுக்கு இரண்டு ஏக்கர் நிலம்,பனைத் தொழிலாளர் வாரியம், மருத்துவம், கார் உற்பத்தி தொழிற்கூடங்கள் தொடங்க அனுமதி, தமிழைச் செம்மொழி, கடல் சார் பல்கலைக் கழகம், கால்நடை மருத்துவ அறிவியல் பல்கலைக் கழகம் ஆகியவற்றை கொண்டு வந்தார். பொறியியல் மற்றும் மருத்துவப் படிப்புகளில் 5% தனி இட ஒதுக்கீடு, ஆகியவற்றை செய்தார் .

பல சாதனைகளையும் சேவைகளையும் மக்களுக்காக செய்துவிட்டு இன்று மௌனமாக உறங்கிக் கொண்டிருக்கின்றார்.

சர்க்கரைநோய், இதயநோய் போன்ற நோய்களுக்கு முறையற்ற நம் வாழ்க்கை முறையே காரணம். வாழ்வின் பெரும்பாலான பகுதியை முறையில்லாமல் வாழ்வதால், நம் உடல் நோய்களின் கூடாரமாகிவிடுகிறது. 30 வயதை நெருங்கிக் கொண்டிருக்கும் பலரும் வேலையைக் காரணம் காட்டியே உடல் நலத்தில் அக்கறையின்றி இருப்பார்கள். உடற்பயிற்சி, சீரான உணவுப் பழக்கம் போன்றவற்றைக் கடைபிடிப்பது எளிதானதல்ல. ஆனாலும், அதைக் கடைபிடிப்பதுதான் நல்லது. நடுத்தர வயதுள்ளவர்கள், `உடற்பயிற்சி செய்ய நேரமில்லை, சமைக்க நேரமில்லாததால் ஹோட்டலில் சாப்பிடுகிறேன்’ போன்ற உடல் ஆரோக்கியத்தைக் கெடுக்கும் சமாதனங்களைத் தங்களுக்குத் தாங்களே சொல்லிக்கொள்கிறார்கள். அப்படிப்பட்ட தவிர்க்கப்பட வேண்டிய சமாதானங்கள் சிலவற்றைப் பார்க்கலாம்.
15 நிமிடங்கள் உடற்பயிற்சி போதுமே!

தினமும் உடற்பயிற்சி செய்தால் மனமு உடலும் ஆரோக்கியமாக இருக்கும். இதற்காக பல மணிநேரம் ஒதுக்க வேண்டிய அவசியமில்லை.  தினமும் 15 நிமிடங்கள் உடற்பயிற்சி செய்தாலே போதும். லிஃப்ட், எஸ்கலேட்டரைத் தவிர்த்து, படிகளைப் பயன்படுத்தலாம். இதுவும் உடற்பயிற்சியே. 30 வயதைத் தொடும் வரை உடற்பயிற்சி செய்ய நேரமேயில்லை என்று சொல்லியே பெரும்பாலானவர்கள் நாட்களைக் கடத்திவிடுகிறார்கள். சமாதானம் சொல்லாமல் உடற்பயிற்சிக்கு நேரம் ஒதுக்கினால் ஆரோக்கியமாக வாழலாம்.

2. கொஞ்சம் நடக்கலாமே!

கணினி... இது இல்லாமல் இப்பொது எந்தவொரு இல்லையென்றே கூறலாம். ஒரு நாளில் 8 முதல் 10 மணிநேரம் கணினி முன்புதான் உட்கார்ந்திருக்க வேண்டிய கட்டாயத்தில் இருக்கிறோம். அதற்காக வேலைச் சூழலை மாற்றிவிடவா முடியும். தொடர்ந்து  உட்கார்ந்து கொண்டே இருக்காமல் 2 மணிநேரத்திற்கு ஒருமுறையாவது கொஞ்ச தூரம் நடக்கலாம். அதிக நேரம் உட்கார்ந்திருப்பதால் ஏற்படும் உடல்நலக் கோளாறுகளைத் தவிர்க்கலாம்.

3. டயட்டுக்கு டாட்டா!

சீரியஸாக டயட் ஃபாலோ பண்ணுகிற பழக்கம் பலருக்கும் இருக்காது. 2, 3 நாட்கள் மட்டும் டயட்டில் இருந்துவிட்டு 4-வது நாள் அதைக் காற்றில் பறக்கவிடுவது நல்லதல்ல. இப்படி விட்டு விட்டு டயட்டைப் பின்பற்றினால், நம்முடைய உடலின் செயல்பாடுகள் மாறத் தொடங்கிவிடும். உடலின் வளர்சிதை மாற்றத்தில் மாற்றம் ஏற்பட்டு, உடல் ஆரோக்கியம் கெடுவதற்கு வாய்ப்பிருக்கிறது.

4. வீடிலும் செய்யலாம் ஆரோக்கியமான உணவு!

ஆரோக்கியமான உணவைச் சமைக்க அதிக நேரம் எடுக்குமென பலரும் நினைக்கிறார்கள். அதனால், சமைக்காமல் ஹோட்டல் உணவுகளை வாங்கி சாப்பிடுகிறார்கள். ஹோட்டலில் வாங்கி சாப்பிட ஆகும் செலவைவிடக் குறைவான செலவில் ஆரோக்கியமான உணவுகளை வீட்டிலேயே தயாரிக்கலாம்.

5. தண்ணீர் அவசியம்!

தினமும் போதுமான அளவு தண்ணீர் குடிக்க வேண்டுமென்பது அனைவரும் அறிந்ததே. என்றாலும், வேலையின் பரபரப்பில் பலரும் அதை மறந்துவிடுகிறார்கள். இதன் விளைவாக கிட்னியில் கற்கள் உருவாக தொடங்கும். போதுமான அளவு தண்ணீர்  குடிக்காமல் இருந்தால் உடலில் நீர்ச் சத்துக் குறைபாடு ஏற்பட்டு தலைவலி, நீர் கடுப்பு போன்ற பல பிரச்னைகள் வர வாய்ப்புள்ளது.

6. தவிர்ப்போம் ஜங்க் ஃபுட்!

தினமும் வேலைப் பரபரப்பில் நிதானமாக சாப்பிட நேரமில்லாமல் துரித உணவுகளைப் பலரும் சாப்பிடுகிறார்கள். ஜங்க் ஃபுட் உடல் ஆரோக்கியத்திற்கு கேடு தருவதாக இருந்தாலும் ‘தினமுமா சாப்பிடுறோம்’ எனச் சொல்லி அதிகமாகச் சாப்பிடுவதை வழக்கமாக்கிக் கொள்கிறார்கள். இதைத் தவிர்த்தாலே போதும், பல உடல்நலப் பிரச்னைகளிலிருந்து விடுபடலாம்.
ல் கன்னியாக இருந்திருக்கிறாள் என அர்த்தம். அந்த விரிப்பை வீட்டின் முன்புள்ள கொடியில் போட்டு ஊருக்கே அதை அறிவிப்பார்கள். அப்படி ரத்தம் படிந்திராவிட்டால் அந்தப் பெண்ணின் அப்பாவும் அண்ணாவும் கல்லால் அடித்தே அந்த பெண்ணை கொன்றுவிடுவார்கள்.

செவ்வாய் கிரகத்தில் 20 கிலோ மீட்டர் பரப்பளவு உள்ள ஏரி கண்டுபிடிக்கப்பட்டுள்ளதாக இத்தாலியை சேர்ந்த விஞ்ஞானிகள் தெரிவித்துள்ளனர்.

செவ்வாய் கிரகத்தில் மனிதன் வாழ்வதற்கான சாத்தியக் கூறுகள் குறித்து பல்வேறு நாடுகளும் ஆய்வு மேற்கொண்டு வருகின்றன. இதுபோன்ற ஒரு ஆய்வுக்காக ஐரோப்பாவில் இருந்து அனுப்பப்பட்ட மார்ஸ் எக்ஸ்பிரஸ் என்ற செயற்கைக்கோள் சில புகைப்படங்களை அனுப்பியுள்ளன.

இந்த புகைப்படங்களை ஆய்வு செய்ததில் சிவப்புக் கோளின் துருவ பனி முகடுகள் உள்ள கிழக்குப் பகுதியில் ஏரி இருப்பதாக விஞ்ஞானிகள் தெரிவித்துள்ளனர். இதன் ஆழம் எவ்வளவு என்பதை கணிக்க முடியவில்லை எனக் கூறியுள்ள விஞ்ஞானிகள், பனி படலத்தில் மெக்னீசியம், கால்சியம் மற்றும் சோடியம் இருப்பதற்கான சாத்தியக் கூறுகள் உள்ளதாகக் கூறியுள்ளனர்.